|
اقتباس:
اسبانيا كانت قبل فرانكو ديمقراطية .. ومؤسسة ع هالأساس .. اجا فرانكو غير السيستم .. فترة قصيرة بعدين رجعت الامور .. لطبيعتها .. يعني القاعدة كانت الديمقراطية المبنية .. ومأسسة منيح .. والاستثناء هو فرانكو .. ونفس الشي بالنسبة لهتلر الحزب النازي .. كان طفرة مو أكتر .. خلصت بانتهاء الحرب العالمية التانية .. ورجعت القاعدة التطويرية الكبيرة .. تسيطر بعد ما راح هتلر . أما بالنسبة لتركياا .. ف هي حالتا كتير خاصة .. أنت ما بتعرف أنو العناية الثقافية اللي أولتا الامبراطورية العثمانية لآسيا الوسطى كانت رهيبة ؟ على خلاف الدول العربية اللي كانت محتلة من قبل الدولة العثمانية .. كان من مصلحة الدولة العثمانيةة أنو أقاليم بلاد الشام والرافدين وشبه الجزيرة يضللو متخلفين ليسها التحكم فيهون .. أربعميت سنة من التعمية المستمرة .. ما ساوت تخلف ؟ ؟ بعد صارت حركة أتاتوركـ وتعلمنت الدولة اجاها تيارات كانت عم تجي أصلا ً من البلشفية .. والراسمالية عملت تزاوج حضاري رهيب .. هاد كلو ما صار عندنا .. أنو نكون دول عالم تالت .. شي بيمنع قطعا ً أنو نتبروظ بكلمة ديمقراطية لأنو القصة كتير مكلفة .. وكتير بدها ناس .. واعيين لمووضوع أنو صوتهن ممكن يغير يعني خليني قللكـ كلمتين .. عطيني تجربة ديمقراطية عربية ناجحة .. وأنا مستعد اتوفى هلق . .:D |
برجع برد عالبقية .. لما يضللي وقت .
تشاو |
اقتباس:
في حكمة بتقول : " ما من مرأة إلا و تتمنى أن يكون مهبلها أضيق مما هو عليه و ما من رجل إلا و يتمنى أن يكون قضيبه أطول مما هو عليه. و لو أُعطي كلٌّ سـُـؤله لما تم جِماعٌ البتة. " العلاقة السابقة أي التمني (للبشر) و عدم الإجابة (من الخالق) هي اللي حضرتك عم تسقطا عالشعب ( اللي يتمنى حلول الديمقراطيّة) و الحكومة (المستبدة التي ما حتعطيه إياها ). عزيزي : إن العلاقة الأولى بين خالق و مخلوق أي أن الفرق بين هاتين الفئتين كبير للغاية " أقصد بالفئتين الخلق و الخالق" و هذا الفرق لصالح الخالق مما يبيح و يتيح له أن يمنح أو يمنع حيث أن تصوره للواقع و من بعده المستقبل أوضح من تصور المخلوقات و بالتالي يستطيع الحكم فيما إذا كانت تلبية أ ُمنية ما ستفيد أم تضر . أما العلاقة التي تريد الإسقاط عليها فشتّان بينها و بين الأولى فالحكومة مهما كانت حكيمة و الشعب غبي لن يصل الفرق بين مستويهما إلى المستوى ما بين الخلق و الخالق ... لكن مع ذلك أنت تضع الحكومة في محلّ الخالق و بالتالي ترى بنظرها الثاقب (الذي يوازي نظر الخالق) أنّ إعطاء الشعب (الذي يتمنّى أمنية لا يعلم مدى تهوّره و غبائه حين تمنّاها) أنّ إعطاءه الديمقراطيّة قلن تتمّ الحياة لا على أكمل وجه و لا على أنقص وجه بل هي الدمار بعينه. طبعا ً هون في المثال إفترضنا وجود خالق , مشان ما حدا ينط سنجق عرض و يقلي ما في خالق .. المهم هاي الزبدة اللي دورت عليّـا و لاقيتا ..! ما بعرف إذا إسـّـا في زبدة أزبد من هاي هاي أفضل الأنواع " لورباك " جربا مع مربى المشمش وشوف النتيجة و إدعيلي .. :lol: |
اقتباس:
معلش عقلي المحدود ماعم يجمع المحاضرة .. الي عم تلقيها حضرتكـ .. لا تأخذ فهمنا الله يخليكـ .. احكي ع قدي عبود الله يخليكـ. :lol: |
اقتباس:
بس الهيئة عم تطلع ع حريتان و تتعلم فروسية و قفز حواجز حتى قفزت و تجاوزت رد " خوليو " و رد " Raw " .. :lol: المهم وين الشيء المبهم لأشرحلك يا من عيوني .. |
اقتباس:
شو مشان .. جبت الصين بقلب الشيخ مقصود ؟؟ أنا حكيت أنو الحكم متل الارادة الالهية ؟؟ يا راااااااااجل .. !! |
اقتباس:
إنت جايب جنديرس بنص هوليوود يا زلمي أحترنا من وين نمشطك , إجيناك بالفزلكة ما مشي الحال , إجوك الشباب بحكي المنطق ما رديت عليّون , قلت بيجوز أحمد صاحبي بيرد عليي قلت أحكي منطق و بلا فزلكة , ما مشي الحال .. يا زلمي إحترت جد إحترت , يا أخي موضوع المنبر بدو شخص يدافع عن رأيو عالأقل أو يعترف بغلطو , ما يتجاوز ردود و مرة يقول بطلت أرد و تشاو و مرة تتهنو بمنبركون .. :lol: بس قلي كيف بدك الواحد يرد عالموضوع , خلص نحزم الأمتعة و أقلك حكيك صح لأقلك بكامل قواي العقلية أبو حميد كلام صح و ما عليه غبار ..! |
اقتباس:
ومدري ليش وزعها على روح الأموات لما كتب الموضوع :o |
اقتباس:
هاد باشتان .. تاني .. باشتان شغلتي هي.. ع شو رد وع شو ما رد .. علما ً أنو ما رديت .. مو لأني هربت .. بس لأنو ردود الشباب بدها مخمخة .. يعني فيها فكرة .. وأنا اليومين اللي فتت فيهن فتت سلوقة . هلأ شغلة سهلة أنكـ تفوت .. تتمسخر وتطلع بس الشغلة الموسهلة أنكـ تدافع عن فكرة .. هي ضد الفكرة اللي الناس بتقسم من خلالها وحكيت عن هالموضوع .. لأنو العالم عم تحكي عن الدمقراطية وعن المعارضة كأنو علاج سحري ... لكل الأمراض الموجودة .. وأنو ما في حرية وما في صخامم .. لما بيصر أفيون الشعب العربي شي غير الدين ... وغير الجنس .. ويصير بقا كل واحد يحس بقسمة أنو يكون عندو وطن .. وينسا المبادئ والعاات والتقاليد التافهة .. ساعتا .. ممكن يتعاطى بشي اسمو ديمقرطية .. بدي اسألكـ سؤال .. فيكـ تقللي عن تجربة ديمقراطية .. بدولة نامية .. ناجحة ؟ |
اقتباس:
بدّي اسألك أنا سؤال؟؟ ليه كلّ ما انحرجت بالردّ يتسأل سؤال على هالشاكلة ؟؟ خلّص ردودك بعدين افتااااااح مواضيع جديدة يعني شغلة وحدة بدّك تمخمخ عليها و تصفن و تبيّت استخارة لتردّ عليها بئا جاي زخّ أسئلة فينا !! يعني مين اللي عم يقسّم ؟؟ اقتباس:
بعدين عم تئول ردودنا اللي بدّا مخمخة و نطّيت لردّ عبوود ؛؛ معناها لازم تكون هضمت ردّ عبوود لأن ما بدّو مخمخة بس الظاهر نفس الشي غصّيت أكتر بئا يرضى عليك اتّبع الحكمة القائلة لا تشيل أكتر من بطّيخة بإيد وحدة و سدئني ما بتندم ;) أووووو عم تتّبع أسلوب إنّك تملّل الناس و تخلّيهن ينسحبو واحد ورا التاني و أوّل شي خلص من yass :melody: ® |
اقتباس:
يعني .. شو بدكـ ياني رد هلأ ؟ أنت داخل تناقش بموضوع ؟؟ ولا داخل تشوف مين رد ومين ما رد ؟ وشو قال فلان .. و ع شو اتمسخر علتان ؟ منشان ردكـ استنا .. جاييكـ . |
اقتباس:
بس الانسان من وقت كونفوشيوس لهلأ تغير .. وتبدل وطلعت مليون نظرية تنقد حكيوو . * بالنسبة لموضوع السفسطة .. أنا هوجمت بطريقة بتصور ظالمة من قبل ثقافة الالغاء .. إلغاء كل شي بيخالف الموجة السايدة ... راح كتير من رواد هالموقع عالمعتقلات .. طيب .. اي ؟ وبعدين ؟ شو استفادو ؟ شو فادو مجتمعهم ؟؟ بدنا نجي نحكي متل الثوريين .. وننقض بطريقة بلشفية ع كلامي .. أنو بتنطفي شمعة وبتشعل ألأف شمعة .. أف شو رح تشعل هالألف شمعة .. صدقني العالم .. هون ما هاممها عجلة التطور بالعالم لوين رايحة .. سدقني لو تختخ ميت معارض بالسجن مارح يرف جفن ضمير الأمة .. الميت سلفا ً .. ميت لكتير اسباب .. 1_ ولاء انساننا مو لمصالحه الشخصية ... ولا للنزعة التطويرية عندو .. ولاؤه لشيخ الجامع .. وللجنس .. ولاؤه للتعصب الأعمى للحارة وللعيلة وللعشيرة .. واللي ما يمكن تربطو بالتعصب للوطن (متل الألمان مثلاً ) 2_ الشريحة المثقفة تكاد تكون معدومة .. يعني بين طلاب الجامعة اللي هنن النخبة ... بتحداكـ تلاقي بين الألف أكتر من عشرة عندن وعي لشي اسمو وطن أو تططور أو أنو الواحد لازم يخدم مجتمعه .. أنت قلت بنفسكـ واعترفت بأنو القصة بدها وقت وبدها نهضة فكرية .. أول شي .. وبتتبعا بعدين الاقتصادية والعسكرية .. لنصير نقدر نحكي سياسة .. وأنت قلت أنو الدكتاتورية ما الها وجه سياسي بس حتى أكثر الدول ديمقراطية ... عم تتبع ديكتاتورية المال وديكتاتتورية الديمقراطية التنفيذية .. الموضوع معقد وومتشعب كتير .. طيب تعا .. لقللكـ .. ليش بالامارات ما حدا همو أصلاً ازا في ديمقراطية ولا لأ؟ ولاحدا بيسأل الأمير تلت التلاتة قديش ؟ مع أنو الامارات ماشية نحو خراب مؤكد لأنو ماعندها ولا انجاز حضاري ولا عمرها بنت انسان .. الجواب بسيط أنو الشعب بطنو مليان .. ومعو مصاري .. مو هاممو الحضارة والعمران انبناا بايد اماراتية .. ولا هندي ..ولا سنسكريتية .. مو هاممو جحافل أميركا اللي لاعنة دين الامارات .. لأنو شبعان .. بقا شعب أكتر همو أنو يرضي بطنو .. و ..... من وين بدكـ ياه يكون أهل ليحمل ديمقراطية ؟؟ إذا الشعب يوما أراد الحياة .. فلا بد أن يستجيب القدر .. بيت شعر كتير مهم .. ودمتم . |
اقتباس:
هون فيني جاوبكـ لما منحكي برواق ومتل الكبار .. حبيبي التبعية الدينية .. من وين لوين لساويت سببها الحكومة ؟؟ يه ؟؟ ليش مالكـ خبر أنو هي العلة عمرها ألف و أربعميت سنة ؟ ما عندكـ خبر انو الاسلام بصيغته المتداولة هو أكبر صيغة اجتماعية مميتة ؟؟ هلأ ممكن أي نظام يستغل هالناحية .. بس أكيد مو أي حكومة لا هلأ ولا من خمسميت سنة كانت السبب بالتبعية الدينية .. لأنو هاد مرض .. أبشع من هداكـ المرض .. بعيد من هون . وهالمرض متجذر بطريقة أنو الله اللي حطو ما بيقدر يشيلوو . هون بدنا نسأل تساؤل زغير .. أنو ما في علاج ؟؟ لأ في علاج . بس تدريجي .. وطويل كتير .. ومو بالناطحة العلاج لأنو أي نظام سواء الحالي .. أو اللي رح يجي بعدو .. بروح . بس رح يضل الشعب هو .. هو . بتقللي أنو التبعية العشائرية بدأت هون لأنو النظام متحيز لعشيرته .. هي أكتر شغلة فاجأتني .. ليش ما بتعرف أنو أفقر شعب بسوريا هو الشعب العلوي ؟ روح شوف الفقر االي من نوع الشحد اللي عايش فيه الشعب العلوي (أنا علوي وبعرف) . بتقللي هلأ .. النظام متعصب لعيلته وعاطيهم امتيازات... قللي عن دولة (نامية طبعا ً ) عيلة الحاكم فيها مو معطاة كل الامتيازات .. الولاء للعشيرة وعند العرب خاصة عمرو أكتر من اربع تالاف سنة .. اقراا تاريخ بتعرف .. أو .. ما بدا.. احضر تلفزيون . بالنسبة للتبعية الهرمونية .. قراا منيح شو كتبت .لأنو انت جبت حكي بتفسيركـ (شيخنا) أنا ما بتصور قلته .. بدكـ برجع بناقشكـ بهالقصة .. بس ترد رد ع كلامي .. مو تفسر . لأنو مفسر . |
اقتباس:
كونفشيوس و زرادشت و و ... يشهدون على ذلك. و أعترف أنّي ارتكبتُ خطأً في التعبير حينما ذكرتُ أنّ الحكومات هي التي تسبّبت في التبعيّة حيث أنّ الصحيح ما قلتَه أنت و هو اقتباس:
اقتباس:
الكلّ يعلم و أنت مشمول بكلمة "كلّ" الكلّ يعلم أنّ الإسلام هو السبب الأساسي و الوحيد و فقط هو المسبّب في قيام الدولة الإسلاميّة التي انطلقت من الجزيرة العربيّة و امتدّت لتغطّي نصف اليابسة المأهولة في ذاك الوقت و تعلم أيضاً أنّ ذلك تمّ في وقتٍ قياسيّ و لم يحتَجْ لقرون لتطهير العقول من التبعيّة القبليّة و الدينيّة و و .. و كذلك تعلم ما هو الحال الذي كان عليه العرب في ذاك الوقت حيث تكفي كلمة " الجاهليّة" التي يوصفون بها لتبيّن ما هو شكل أدمغتهم. -- ممّا سبق أجد أنّ حججك التي تضعها قد ضُحدِت من حيث أنّ الدين (و بشكل خاصّ في حالتنا الإسلام) أو التبعيّة القبليّة و الهرمونيّة لم يكونوا عائقاً أمام الديمقراطيّة أو الدولة الناجحة بكلّ المقاييس و ليس بالديمقراطيّة فقط. . أيضاً أريد أن اذكر مثالاً من عصرنا الآن؛ هل تعلم درجة التديّن في "اليونان" إذا لم تكن تعلم اسأل "محمّد عفش" ثمّ قرّر إن كان الدين عائقاً أمام الديمقراطيّة. -- اقتباس:
يريدون العلاج بالفعل أم لا؛ الآن إن تخطّينا هذه الخطوة أي أراد الحكّام العلاج فالأمر بسيط هو أن يلبّوا للشعب ما يريد؛ ليس كما يلبّي الأبّ لأولاده بل أبسط من ذلك؛ كيف؟! الشعب كما نرى بحاجة للدين فهو أفيونه إذاً لنلبس الدين حلّة ديمقراطيّة و نعطيه إيّاه بالتاكيد سيستطيع حمله و لن نحتاج لقرون لتعلّم كيف يمكن للديمقراطيّة و الدين أن يتعايشا؛ فالأحزاب الدينيّة هي شكلٌ من أشكال تضافر الدين و الديمقراطيّة؛ فالأحزاب الدينيّة منتشرة في أوربّا؛ هل أوربّا غير ديمقراطيّة؟! دعِ الشعب يجرّب بنفسه و يحكم أيّ نوعٍ من الأحزاب يناسبه أكثر الديني ام القومي أم الاشتراكي أم ماذا؟! إذا كان لديك طفلٌ صغير و يريد أن يمسك بالمدفأة لن تستطيع ردعه مهما حذّرته منها بل و ربّما يزداد إصراره على الاقتراب منها و اكتشاف ما الذي يجعلك تمنعه، لكن إن تركته يمسّها مرّة واحدة فقط و يشعر بحرارتها الحارقة لن يعود مجدّداً حتّى لو رآك تمسكها أنت. و عندما جرّب أصدقاؤنا الأوربّيّون الديمقراطيّة و لم تكن ديمقراطيّتهم مشروطةً بفئة معيّنة من الأحزاب وصلوا بالنهاية إلى أنّ الأحزاب الدينيّة لابدّ منها و هذا واضحٌ الآن بشدّة حيث أنّ العديد من هذه الدول يوجد في ائتلافاتها الحكوميّة حزب ديني ما. و اسمح لي بأن أجتهد في استنتاج الصيغة التالية: المنع ثمّ المنع ثمّ المنع ولّد لدينا حبّ الاطّلاع بل أجّج لدينا هذا الحبّ بالاطّلاع إلى أن تطوّر إلى شغفنا بأن نجرّب بأنفسنا ظنّاً منّا أنّ الخُلد هو ما مُنع عنّا، كما ظنّ أبونا آدم حين مُنع من الأكل من الشجرة؛ فطالما أنّ المنع موجود فالرغبة تزداد بعكس المنع؛ و لم يكذب من قال "الممنوع مرغوب". -- اقتباس:
لم تبدأ هنا؛ بل تبلورت و تعزّزت هنا حين ذكرتٌ أنّ الحاكم هو القدوة و لا أقصد بأنّه قدوة واجبة أدبيّاً بل قدوة لازمة بشكل آلي (مثال: في شركة ما تجد موظّفاً يتأخّر و حين يسأله رئيسه المباشر لماذا تأخّرت يجيب "المدير" يتأخّر فلماذا لا أتأخّر أنا؟! لم تكن إجابته لأنّه يحبّ المدير أو يقلّده تقليداً أعمى بل أجاب هكذا كي يبرّر عملاً غير مقبول) و بكلّ حال فإنّ هذا ليس لبّ حديثنا فليس المهم بدأت هنا أو هناك المهمّ أنّها موجودة و يعزّزها تصرف القدوة. . اقتباس:
حضرتك عم تحكي عن الديمقراطيّة و الوطن و الشعب و الـ و الـ ... بتجي بتئول الشعب العلوي؟!! يعني سوريا بلا زغرة كم شعب فيها؟؟ حلوة و الله بكرا بيطلع في عندنا الشعب الصاخوري و الشعب الميداني و شعب العزيزية... :lol: شغلة تانية: هلأ شو الفقر بمفهوم سكّان سوريا؟ أنا بجاوبك؛ الفقر إنّو ما تعرف بكرا شو بدّك تاكل و بالإسقاط على الأرض نجد معنى هذا أن لا يكون لديك دخل ثابت و دوري بعبارة أخرى أكثر دقّة أن لا تكون موظّفاً؛ هلأ طلّعلي نصّ موظّفي الجيش من وين بعد هيك شو ما كانت النتيجة اللي طلعت معك أنا ما إلي حكي. -- اقتباس:
عن جد عن جد هي الجملة ضحّكتني شي بخمسة (الخمسة أعلى شي بالمقياس عندي) تعا اضحاك معي.. سبب تخلّفنا إنّو دولة نامية؛ (*) سبب إنّو نحنا دولة نامية التبعيّة الدينية و العشائريّة؛ سبب إنّو نحنا عندنا تبعيّة دينيّة و عشائريّة هوّ إنّو دولتنا نامية و غير هيك ما بناسبها؛ و سبب إنّو غير هيك نحنا ما بناسبنا هو التخلّف؛ و سبب التخلّف إنّو نحنا دولة نامية؛ [اذهب إلى (*)]. يعني اللي ضحّكني مين اللي أوّل البيضة و لا الدجاجة؟! -- و مشان التتمّة بقرا منيح و بردّلك خبر :melody: ® |
اقتباس:
خلينا نحكي عن الاسلام شوي .. الاسلام عزيزي .. في بداية فورته العقائدية التي استمرت مئة سنة .. كان اله تأثير عجائبي على نفسيات معتنقي الدين الجديد .. وكان من الممكن أنو هالفورة تستمر .. لولا المصالح السلطوية والتناحر السياسي اللي بلشت بذوره من أوائل الخلفاء الراشديين .. وبعدين هالتناحر طاف على السطح وبين الصخام اللي كان مخبى من لما انقتل عثمان بن عفان .. و صارت حرب الجمل .. والحروب اللي اجت بعدين .. واستلام معاوية .. وغيرو وغيراتو .. والفتوحات الاسلامية الدموية اللي تغطى عكتير منها .. وتم التركيز عالصورة المشرقة بس للفتوحات الاسلامية .. شيل عن ذلكـ نفسية الانسان العربي اللي بيعتمد العشائرية كدستور علاقات عامة تراجعت شويي أول الاسلام بعدين رجعت بصورة أقوى لما كبرت خيرات الدولة الاسلامية .. وبظن بتعرف عن خلافات القيسيين واليمانييين اللي ما سلمت دولة اسلامية مننها .. هالشي بالأخير ساوا الدولة الاسلامية دويلات .. واجا الحكم العثماني كنتيجة نهائية اعتمد سياسة التجهيل للبلدان العربية المحتلة ليسهل السيطرة ... ومنظومة الاستبداد كانت بأبشع صورها .. أنا معكـ أنو صيغة الحكم .. بتعمل تخلف .. بس كمان ع مراحل زمنية . كبير ة يعني ما في نظام حكم بميت سنة ينقل الشعب من شعب متحضر لمتخلف .. والعكس صحيح .. القصة بعقلية بتاخد صيغة تنازلية .. وبتضل تنحدر مع استمرار الكبت والتخلف .. واستمرار تطور المجتمعات التانية . القصة مو قصة البيضة أول ولا الدجاجة .. القصة متل أنو ازا بدكـ تحضر طبخة .. لاززم كل مكونات الطبخة تكون متوافرة لحتى تطلع (أصولية) بس لو قللت شوية بهارت .. بتشيط الطبخة .. وبتنتزع .. بعدين كلمة الشعب العلوي .. أنو قلتا هيكـ .. يعني لأدحض كلمة قلتا أنو النظام مفضل الطايفة العلوية عن غيرها لا كتير تدقق عليها .. بس تعا شوف .. العلوية بالبلد .. ليش عم يتوظفوا بالجيش برأيكـ؟ لأنو ما في عندن أي راسمال .. ولا ممتلكات .. والقاعدة التعليمية عندهن كتير ضعيفة (وهاد بيتبع للقمع اللي تعرضلو العلوييين بمختلف حقب الحكم الاسلامي حتى العثماني) معكـ أنا .. أنو ضباط الجيش أغلبهن علوية ..بس تفرج وشوف عالمسيطرين بالجيش هنن مين ؟ وأولهن حسن تركماني .. . أكبر شخصية عسكرية بسوريا .. هلأ بالنسبة .. للدول اللي عم تحكي عنها .. أنو فيها أحزاب دينية ..(فيكـ تسميها يمينية ) مزبوط هالحكي .. بس بعمركـ سمعت عن حزب مسيحي .. بدو يطبق رسالة المسيح في الأرض .. وبدو يقطع الايدين والروس ؟ التيارات اليمينية بالدول المتنورة .. هي عبارة عن تيارات دداعسة ع بنزينن التشدد بأمور تفصيلية .. ضمن المظلة الكبيرة اللي هيي العلمانية .. واحترام حريات الأديان .. لأنو بالأساس الدين محيد .. بشكل عضوي عن الحياة الجتماعية بدول العالم الأول . حبيب التيار الديني .. هون .. وخاصة الاسلامي .. توجهه شمولي وقمعي بشكل مخيف . ومثال على ذلكـ الحكم الاسلامي (الصوري) بالسعودية . كمان .. ودمتم . :D |
أول شي بعد ماقريت المقال ومن ثم توقيعك ما استغربت ابدا محتوى الموضوع وطريقة ردك على الناس, وأنا بأيد المحارب العتيق انه الموضوع مفتوح للتخوين مو للنقاش.
بس أوكي أنا رح أجي معك أنه معظم أفكار المعارضين السورين وطروحاتهم تكود تكون مجارية لطروحات الدول الخارجية, هذا الشي مظبوط مية بالمية لسبب بسيط أنه السلطة الجديدة وبخلال سبع سنوات قدرت توتر العلاقات وتخربها مع كل دول العالم فبالتالي كل أفكار المعارضة رح تتقارب مع مطالب الدول الخارجية بإزالة هذا النظام. من جهة ثانية قبل ما نتهجم على الناس ونتهمهم ونخونهم أنا بعرف كتير منهم وعن قرب ورح أذكرلك بعض الأمثلة: رياض سيف: هل تعلم ان هذا الشخص ضمن معمله كان عامل مجتمع ديمقراطي مثالي, هل تعلم أنه كان يساعد الناس ويكون معهم بفرحهم وترحهم, لدرجة أنه فتح عيادة لتجميل الأسنان داخل المعمل لتكون الموظفات بأحسن صورة قبل ما يقدموا على الزواج, بعدين بالنسبة لرياض سيف الكل بيعرف مين بيت سيف ومقدار الثروة يلي بيمتلكوها فهو قادر على تمويل نفسه ومو بحاجة حدا, ولعلمك كل قصة رياض سيف أنه فضح قضية الهاتف الخليوي تحت قبة البرلمان وهذا حقه الطبيعي. كمال اللبواني: هذا ماحدا غريب ولفكرة بيكون قرايبي خلال سفره على دول الاتحاد الأوروبي وأميركا ما بتصدق إذا قلتلك إنه تدين مصاري من أحد أصحابه ليقدر يكمل سفره ويصرف على حاله, وكانت تهمته التأمر مع دولة معادية وحضها للعدوان على سوريا وهالدولة المعادية علمها برفرف بسماء الشام على مبنى السفارة معناها مو معادية. مأمون الحمصي: إنسان رح وافق كل الناس على إنه نصاب وثرثري بس كمان تجرد من كل شي ووقف تحت قبة البرلمان وفضح قضية الخليوي. مين بدك كمان لأقلك شو خلفيته وشو واقعه يارجل أنا داخل بيوت معظم هالناس. اتذكرت كمان في شخص اسمه علي العبد الله وهو من الموقعين على إعلان دمشق مرة أجوا لعندي وطلبوا مني شو بقدر اتبرع لعيلته لتقدر تكمل مصروفها من بين ما يطلع من السجن هذا كمان خاين وعميل وقابض مصاري. بالنهاية ربك أدرى بالنفوس, بعدين حيرتونا يا هالشعب السوري بتسبوا على السلكة وعلى أبو يلي جابها (وان شاء الله زائلة) ولما بتطلع ناس بدافع عنكم وبتطالب بحقوقكم بتقولوا عنهم خونة وعملاء. مع احترامي لكل الشعب السوري بس بيستاهل هيك سلطة ديكتاتورية تعسفية لأنه شعب جبان خاضع وخنوع |
حب البلد
اقتباس:
تاني شي برجع بأكدلك اذا ما بتعرف بيت سيف مين هم وشو عندهم مشاريع بالبلد هي مشكلتك, بعدين ما حدا مضطر يجي ويستثمر بهالبلد مشان يجي واحد متل رامي مخلوف يشاركه بالاستثمار أو غيره من حاشية السلطة وياسيدي يمكن السلطة نفسها, أي استثمار عم تحكي عنه ببلد ما فيها قانون يحمي المستثمر من أظفار هالوحوش. |
اقتباس:
شو بدّك بالأخير .. !! ممكن تقدّملي برنامج عمل بتقترحو يكون فعّال بعمليّة التغيير .. !! شلون بكون التغيير .. وكيف لازم نشتغل نحو مجتمع أفضل .. !! قلّي .. بكون ممنون كتير .. أعرف طريقة ما .. هدف ما إلك .. عمل ما بتقترحو .. بتقترح علينا إنو نمشي عليه لنوصّل لشي .. مع إنو موقفك التواكلي والاستسلامي (يلي انا شايفو وممكن كون غلطان) مغري عفكرة .. وبريّح الراس كتير .. بس ما بعرف ليش حاسس إنو بتسيرو "مصالح" معيّنة مخفيّة وراه .. لخلوّوا من أي رسالة .. والله أعلم .. بالانتظار .. خوليو |
اقتباس:
صديقي حسب ما شفت أنكـ مسجل جديد وخصوصي من شان هالمووضوع .. ومنشان تقعد تنشر بعرضي وعرض توقيعي .. مو مشكلة مبلوعة هي .. مع أنو عم تحاول تهينني ..اني واي هاد بيثبت قوة موضوعي ومصلحتكـ الشخصية في الدفاع عن اعلان دمشق .. ما بستغرب خاصة بعد ما طلعلهم منسق اعمال بباريس بينظم مظاهرات جياشو الها اجندة طويلة عريضة اختها لأجندة أميركا بوقت أصعب من الصعب ... أنا ما عم خون المعارضة ... بس هدول جماعة اعلان دمشق اما خونة أو مغرر فيهم .. يعني طالعين ع كتافهن ومشربينهن المقلب .. بعدين من وين جبت هالمعلومات عن رياض سيف ؟؟ يعني ما بعرف لحد وين المصاري بتعمل صيت للعالم .. عامل مجتمع ديمقراطي .. فتح عيادة تجميل بالمعمل .. يعني مجتمع ديمقراطي ؟؟ يعني جد معلوماتكـ كتير قيمة . رح قللكـ أنو أنا بأكدلكـ أنو في معارضة نزيهة .. واكيد .. أنا بحترمها .. وبحترم أجندتها لما بتحكي عن شي عملي ممكن يتنفذ مو تعمل دونكيشوت وتناطح دواليب الهوا ... ! وتاني مرة باعد عن الهجوم الشخصي .... |
اقتباس:
يا سيدي ما بعرف وبدي ياكـ تقلي ع بيت سيف ومشاريعهن بالبلد ... اقلعلي عيني يعني ... وبكرة مستعد زورهن أنا معمل قمصان ؟ اي طيب .. جمعيات سكنية وهمية ؟ أحلايين .. غيرو ؟ |
اقتباس:
تركيّـا , فينا نقول من قرن ما كانت دولة من العالم الأول , كانت دولة عم تعيش آثار الخلافة الإسلامية و تخلف لدينوه .. ليكا عين ألله عليـّـا ., بس مشان نوضح شي , مالنا بصدد مناقشة التجربة التركية , بس فينا نقول من قرن كانت تركيا عم تنحكم بالسيف , و حاليا ً عم في عندون ديمقراطية ولو في إلي عليـّـا مآخذ بس نجحو بجزء كبير .. و بكرر مالنا بصدد مناقشة التجربة التركيّة في الديمقراطية .. اقتباس:
في حال كانو خونة شو عملو لحتى يخونو , و مع أي جهة عم يتعاملو في حال كان مغرر فيّون , هل هني من الدرجة من الغباء لأنو يتغرر فيون شو اللي خلاك تحكم هيك حكم ؟! و كمان شو الدليل على أنو مغرر فيّون .؟! اقتباس:
بس بإعتبارك عم تأكد أنو في معارضة نزيهة إعرضلي كم أسم ؟؟ و إذا بتتكرم رح أطلب نفس طلب خوليو عطيني هالشي العملي اللي عم تسمح السلطة للمعارضة أنها تحكي فيه ؟! |
اقتباس:
بدنا غير ديكتاتورية شو كل يوم مجدرا بدنا يوم مجدرة ويوم فلافل . شو الك عنا |
اقتباس:
هلأ تعا اضربلكـ مثال موسيقي . . ازا خطر ع بالي أنو هلأ هلأ بدي أعمل سيمفونية .. جيب 100 شخص اعتباطيا ً من الشعب السوري (مثلا ً) رح تلاقي على أكتر تقدير .. 6 منهن بيعرفوا يعزفوا كمنجة وتنين بيعرفوا يعزفوا تشيللو .. و1 بيعرف يعزف كلارينيت .. وواحد بيعرف يعزف عود.. يعني صار المجموع 10 يعني 10 % .. 10% بيعرفوا يعزفوا والباقي مو سمعانين .. عن شي اسمو موسيقا بحياتهن .. وطول عمرهن مقضينها ع وفيق حبيب .. وعتابا وميجانا (مع أنو حلوة العتابا) .. ممكن برأيكـ نعمل من هال 100 شخص اوركسترا ؟؟ اللي هي صيغة راقية كتير ؟؟ هي هي ذاتا .. الديمقراطية .. صيغة راقية .. واللي متل مو الأوركسترا ما بمشي حالا لتعلم العازفين يكونوا عازفين .. الديمقراطية .. نفس البلوكة تمام .. بينما جيب 100 شخص من فرنسا .. رح تلاقي عالأقل .. 50 شخص بيخلص حالو ع شي آلة .. و29 منهن محترفين .. باعتبار أنو الموسيقى مادة مهمة بالمنهاج الفرنسي متلها متل الرياضيات .. هون فيكـ تعمل أوركسترا لأنو اجمالا ً الكل بيعرف يقرا نوطة .. لأنو كمان بيعلموها بالمنهاج الأساسي .. يعني الأوركسترا بالأخير بتخلص حالها .. وازا جبت 100 شخص من الشعب الكمبودي .. رح يطلع معكـ شي قريب لنتيجة الشعب السوري .. لأنو هاد شعب بدولة نامية .. وهداكـ نفس الشي .. الديموقراطية متل الأوركسترا .. صيغة راقية .. ومتقدمة كتير للحالة الموسيقية . والمجتمع .. بيعمل مع بعضو نغمة ... ازا ما المجتمع نفسو عندو وعي موسيقي .. ما ممكن لأي مايسترو أنو يعمل شي يطلع تنغيمة منه.. لأنو بالنهاية المجتمع ما عم يعرف اللغة الأساسية للتنغيم الي هي النوطة . يعني برأيكـ كيف ممكن أي مايسترو .. أنو يطالع نغمة أوركسترية .. محترفة .. من ناس ما بيعرفو .. الفرق . بين مفتاح الصول .. وبين صندويشة البسطرمة .. ؟؟؟ لا تقلي المثال مو موفق .. لأنو .. أقرب شي للي موجود حاليا ً .. هلأ شو الحل ؟؟ في حلين .. واحد مرحلي .. هو أنو نلتفت للأمور اللي نسكج فيها سكاجة .. و نعارض بطريقة مدروسة .. يعني نعارض الناس الصغار .. واللي عم يأثروا تأثير مبشار ع حياتنا .. لأنو أي صيغة معارضة للسلطة (ممثلة برأسها) ... رح يكون تأثيرو كارثي عالمعارض ازا فشل وعالبلد كلا ازا نجح .. وشفنا تجربة المعارضة العراقية .. شو جابت للعراق .. لأنو صدقني ما ممكن تنجح تجربة معارضة .. ألا ازا استعانت بـ براا .. هلأ اجا الوقت لأسألكـ سمعت عن معارضة بدولة نامية .. حسنت تغير بطريقة سلمية ؟؟ ولا قللي عن معارضة بدولة نامية التفت حولها الجماهير وراحت لعند الحاكم .. وقلبت نظام الحكم (طبعا ً بلا معونة أجنبية)؟؟ ليش .. لنستورد سيارت ما خرج تمشي عالاسفلت تبعنا .. ؟ سؤال يستحق الإجابة .. :D |
اقتباس:
ولو يا عبوش... دافنينو سوا .. :p منشان أول شغلة اللي هيي التجربة التركية .. مين قللكـ أنو تركيا .. كانت من 100 سنة دولة نامية ؟ انتبه نحن عم نحكي ع تركيا يعني أسيا الوسطى يعني ما عم نحكي عن الدول .. الي كانت تحت السيطرة العثمانية .. الدول العربية اللي كانت مدعوسة عثمانيا ً ..وكانوا العثمانيين عم يعملوا فيها تتريكـ وتجهيل ومحاصرة ثقافية .. منشان يحسنوا يسيطروا تركيا .. وطول عهد الدولة العثمانية .. طبعا ً باستثناء اخر 50 سنة اللي سبقت الأتاتوركية كانت عم تعتني بأسيا الوسطى الطبيعية من كل المناحي الحضارية .. يعني الشعب التركي .. كان عم يمر بالتطور الطبيعي .. لأي شعب أوروبي تاني .. والدليل على هااالشي .. روح عالمراكز الثقافية التركية هون بالبلد .. وشوف تاريخ النهضة التركية .. ومراحل تطور الكيان التركي .. والعلماء والفلاسفة والمفكرين اللي طلعوا من تركيا حتى أيام الحكم العثماني اللي كان حكم ديناميكي رغم شموليته (طبعا ً ما عم بحكي عن السلطان عبد الحميد اللي كان يحارب الارتجاعيين ويعدمهن ) يا زلمة الدولة العثمانية وصلت لفيينا بفتوحاتها .. لولا أورووبا اتدخلت .. وتعهدت أنو تعمل توازن بين الصعود التركي والصعود الصفوي . الدولة العثمانية شهدت من أول القرن الثامن عشر مخاض سياسي واجتماعي رهيب .. كان بدها من خلاله أنو تلاقي صيغة أوروبية للحياة دون التفريط بالاسلام .. وتحاصروا ناس .. وانعدموا ناس وصار الشد والجذب .. ونشأت كتير نظريات متل الحكم الطوراني بدل الخلافة الاسلامية .. المبهدلة . يعني ثورة كمال أتاتوركـ ما أجت وليدة اللحظة اجت نتيجة مخاض طول أكتر من خمسميت سنة .. خمسين سنة بس من عهد تركيا كانت مظلمة أدت لثورة أتاتوركـ اللي رجع مشّى عجلة التطور التركي عالسكة الصحيحة .. وكمان في دليل .. أنو رغم قوة الاسلام والاسلاميين بتركيا .. ألا أنو مدروس ومقنن ضمن حياة اجتماعية .. مسبوكة منيح . وهالحال ع فكرة هو حال ايران .. الدولة الصفوية .. كانت من أقوى دول العالم بالقرن اال 15 هي تركيا .. اللي عطيتني ياها مثال ... بدي غيرو :p o |
اقتباس:
برجع بحكي عن المظاهرة اللي صارت بباريس .. أنا قبل هالمظاهرة ما كنت عم ببحث بموضوع اعلان دمشق ولا بيعنيني ... لأنو بتعرف نظرتي عن جدوى الحركات المعارضة أصلا ً .. بس .. لما قريت وشفت لمظاهرة اللي صارت بباريس .. صار عندي كزا تساؤل .. 1 أنو أول شي اعلان دمشق ليش انعمل ببيروت أساسا ًَ ؟؟؟؟ باعتبار أنو بيروت هي المركز الأنشط هاليومين للسي أي إي والموساد و لكل مين هب ودب .. وهي راس الأفعى للهجوم الي ازا بدو يصير ع سوريا .. 2 شو هالتنظيم الخرافي .. والامكانيات الكبيرة .. اللي حشدت كل وسائل الاعلام بالعالم .. لترصد العتصام والتظاهر اللي صار بباريس .. وكان قائدو محامي .. هو ممثل للاعلان بباريس .. يعني اعلان دمشق صار الها ممثلين أزا مو بكل أنحاء العالم بالدول المفصلية .. 3 وهو الأهم .... شفت لائحة المطالب تبعيت التظاهرة ؟ 1_ الافراج الفوري عن أعضاء اعلان دمشق 2_ الطلب من الحكومة الفرنسية الضغط على النظام السوري .. لأنه عم يمارس الفساد ولأنو عم يعتقل أهل الرأي .. ولأنو سبب الفتنة بالعراف .. ولأنو عم يمنع الانتخابات الرئاسية بلبنان .. ولأنو عم يدعم حماس .. وما عم يسمح للفلسطينين يعملوا سلام مع اسرائيل ... هي بالحرف يعني ..بتعرف أنو م و سوريا اللي عم تعيق انتخاب رئيس .. ولو ما عم تعيقه رح يحطوا رئيس يلعن دين المقاومة .. هالمطالب .. وأسباب الاعتصام .. ما بتشبه .. ولحد كبير أسباب أميركا واسرائيل لتعادي سوريا .. ؟؟ 4 دعوة ديفيد ساترفيلد لأقطاب اعلان دمشق للاجتماع بواشنطن .. مع عبد الحليم خدام ... ووضع استراتيجية لإزاحة النظام السوري .. 5 توقيت هاد الاعتصام .. ع فكرة .. كل شي قلتللكـ ياه .. موثق تماما ً وغير مشكوكـ بمصداقيته .. لأنو هي أخبار .. اتصفح الانترنت وفوت .. وشوف . هلأ هي الترقيمات اللي كتبتللكـ ياها بتفيد احدى فائدتين اما أنو فعلا ً اعلان دمشق مسير تسيير كامل من قبل اميركا .. أو الجماعة مضحوكـ عليهون والصدف عم بتشاء أنو يعملو مظاهرة بباريس .. المعادية لتوجهات سوريا .. وأنو أهداف هالتظاهرة تكون أنو أشكرة حجة .. لغزو سوريا .. وبالحالتين .. ما في نزاهة بالموضوع .. ناهيكـ .. عن التاريخ الأسود لللعنصر الأبرز بهالتجمع .. رياض سيف .. وهي ما أدرجتا بالترقيمات لأنو في ناس من اللي عم يناقشوا .. رافضين انو الزلمة تاريخو اسود .. وجابولي مثال أنو عمل عيادة تجميل .. للموظفات عندو بالمعمل .. ليتجوزا ... معناتا الزلمة كتير حباب .. هي لا تعتبرا أخي .. ركز عاللي فوقو رقم . |
اقتباس:
لأنو قصدن ما رح جاوبكـ .. باعتبار لهجتكـ .. مو أكتر .. اللي بس تتحسن .. بناقش معكـ . متل ما عم ناقش مع البقية . |
اقتباس:
بالنهاية سيادة الرئيس بيحكي دائما عن قانون الأحزاب وأنو قريبا بيطلع للعلن وأنت برايك كل يلي بوكرة حينضموا لهل أحزاب غلط وخونة . شفت شلون :o سيادة الرئيس بيحكي دائما عن نظرتو للديمقراطية بسورية وأنت بتهاجم الديمقراطية |
اقتباس:
1 - لعلمك إعلان دمشق أنطلق من دمشق و ليس من بيروت , و منذ أول يوم أنعملت فيه أمانة ببيروت أعلن أعضاء إعلان دمشق " ليس لنا فرع آخر " أمـّـا بخصوص السي آي إيه و الموساد , مدري ليش حسيتك كتير مضخّم الأمر متل كأني عم أتسمع على نشرة أخبار التمانة و نص أو عم أحضر محاضرة عن نظرية المؤامرة .. هيك مجرّد إحساس عابر .. أو حقيقة مرّة .. 2 - 3 - 5 - يا أخي أولا ً هاد الإعتصام اللي صار تابع لأمانة بيروت بعدين كيف بدك أمانة دمشق تدعي لإعتصام و هني بالسجن , يا أخي فداء حوراني بالسجن علي العبد الله , فايز سارة , جبر الشوفي , د. وليد البني , د. ياسر العيتي , مالي بصدد أكمل عد , بس كيف رح يعتصمو دام كلون بالسجن ..؟؟! 4 - إذا المشئوم ديفيد دعاهون شو ذنبون , يعني سوّيت متل اللي قال يا أيها المؤمنون لا تقربو الصلاة . طيب مثلا ً جورج بوش دعا إعلان دمشق لمحاولة قلب النظام السوري , شو ذنب إعلان دمشق أنو جورج بوش دعاهون .. عطيني أدلة على خيانة الناس المسجونة , أو على أنو هالناس اللي بالسجن مغرر فيـّـا ..!! أو فينا نقول عيب التخوين , و الحكي على عالم نضيفة .. باللإضافة تعطيني كيف فينو المعارض يعارض من دون ما يكون خاين أو مغرر فيه ..!! و إلي رجعة .. |
اقتباس:
خيو أنا ع حسب كتب الثقافة القومية الإشتراكية , و كتب االتاريخ اللي درستنا ياها المدارس , طبعا ً هاي الكتب مدروسة و بشدة من حزب البعث العربي الإشتراكي و وزارة الثقافة وللترتيب أهميّة تعلّمنا أنو تركيا أو الخلافة العثمانية كانت من أشد الدول تخلفا ً و كانت الرجل المريض اللي نهشت كل الدول الإستعمارية الإمبريالية و بإيعاز من الماسونيّة , من عضم و لحم و جلد هازا الرجل المريض .. لذا فينا نطلق لقب الدولة النامية و المتخلف و الهشة و الرجل المريض الملعون أموه و مثنى بأبوه على تركيا قبل عام و الآن فينا نقول , تركيا خلال مية سنة تطوّرت و صار عندا ديمقراطية ما هي بطالة .. رح نبقا ع تركيا الهيئة .. |
اقتباس:
وعملوا نقاش مسؤول وواعي.. بعدين شفت ليش ما رديت عليكـ .. السبب أنو داخل تعريني . :cry: تعريني يا ظالم ؟؟ شوف حبيبي .. أنا وصلت لكتير نقط توافق .. مع الأخوة الأفاضل .. واللي بستثنيكـ منهن مرغما ً .. ماكان بودي استثني يهودي .. كتير لطيف أنا .. وأنت قلتا.. الرئيس حكا عن نظرتو للديمقراطية .. وبطريقة كتير موضوعية أنا بشوفا . أنا لما هاجمت هاجمت مصطلحات مستوردة .. مو أكتر .. بدكـ تناقش أهلا وسهلا ما بدكـ .. ليكـ المنتدى كلو قدامكـ .. تصرمح فيه ع كيفكـ. وارمي زناخة لتشبع .. ورح يكون في شباب طيبة مستنينكـ . |
اقتباس:
كونفوشيوس مو أنت يلي ذكرتو . انت بس بيهمك الشعب العلوي متل ماقلت وباقي شعوب المنطقة السورية لتذهب الى الجحيم :lol: أبقى سلملي على المعارضة الوطنية أذا لقيتها :larg: وياريت تجاوبو لبلاك لما بيسئل مو تاخد من ردو يلي بدك ياه بس يلا على كل الاحوال كل العالم غلط وأنت صح تتهنا على النظرة الثاقبة :p لحنا شو بيفهمنا لازمنا حدا يفكر عنا عمنحب نصير مثقفين بس مو طالع بأيدنا :lol: |
يا شباب بترجاكون بلا هالاسلوب.. خلينا بالموضوع و مافي داعي لـ" شخصنة" الحوار....
 |
اقتباس:
الاعلان صدر ببيروت رفيقي .. ما تجزئهن وتقول أمانة بيروت وأمانة بوركينا فاسو ... التنظيم واحد . هلأ أنا أكيد بتمنى اللي بالسجون يطلعوا اليوم قبل بكرة باعتبار أنا مع كل عقل بيقدر يفكر بهالبلد . واللي صار أنو دخل عليهون عناصر من الخارج .. من أذيال الأخوان المسلمين .. وما الى ذلكـ .. من الأطياف المهجرة .. لازم تستنا تصير مظاهرة بواشنطن .. لتسدق أنو أجندة اعلان دمشق .. فيها شي ملغوم ؟ صارت المظاهرة بباريس ومشي الحال... وبقللكـ هالحركة خسّرت اعلان دمشق كتير من مؤيديهم أنا ما عم خون .. ما بعرف من وين نكشتا هي أمانة بيروت وأمانة دمشق تقول كل وحدة من ديرة .. ما هيي هيي .. ولا تقلي دليل .. لأنو اللي صار بباريس أكتر من دليل .. وأصلا ً هو اللي دفعني لأعرف أكتر عن هالجماعة .. طبعن رياض سيف أبو عيادة التجميل بعرف تاريخو بشكل شخصي .. يعني هي هيي بالشام .. وببيروت .. بعدين خلينا نتطلع بعين موضوعية شوي .. ليش ما تقول أنو ايد المخابرات انكسرت عن البلد .. بنسبة 400% من سبع سنين لهلئ ؟؟ يمكن ما عشت مزبو أيام اللي بيحكي كلمة قدام مرتو يروح فيها . .. هلأ صار في ابيض وأخضر وأحمر وعالم كتير معارضة لساتها بررا .. وصار الشي لا يعدو كونو تجاذب بين الحكومة والمعارضة ... يعني بيكفي أنو انت عم تحكي .. والمخابرات أنا واثق بتعرف مين أنت ... وتاركتكـ .. هاد انجاز .. الجزرة ما بتتاكل بالعرض .. صعب تتركـ بلد متل سوريا .. أنو هيكـ مفتوح ع كل الجهات .. متل التراس الغربي . يا أخي .. نحن عنا أكتر من 28 طايفة .. ما فيوحدة بتطيق التانية .. بالاضافة لأننا بلد مواجهة .. بدكـ تقلي أنو هي المواجهة ما عم تطعمي خبز ؟؟ لأ عم تطعمي.. خبز .. رغم الفساد الكبير اللي بالبلد .. واز بدكـ تسأل حدا بدكـ تسأل حسن نصر الله هو بيجاوبكـ . طيب صارت معارضة .. وموالاة وانفتحت البلد .. شو اللي رح يصير ؟؟ كيف فينو يكون المعارض .. ؟؟ أنو واثق من أنو معارضتو رح تجيب نتيجة .. ويعرف منشان مين عم يعارض وليش عم يعارض .. |
اقتباس:
منبقاا ع تركيا .. أز يو لايكـ .. صح .. كانت الرجل المريض .. بس بالنسبة لأوروبا .. أكيد مو بالنسبة للعرب .. والرجل المريض تسمية أخدت أبعادا عند الحرب العالمية الأولى وصار تقسيم جسد الدولة العثمانية .. يمساعدة الحلفاء . بس كان في جراكـ سياسي كتير قوي .. وكتير فعال .. لأنو كان بمرحلة طويلة ..كتير بالاضافة لأنو تبلور .. بشدة من بعد ما استلم أتاتوركـ .. ما فيكـ .. ولا بأي شكل .. تشبه تركيا .. ولا بأي شكل من الأشكال .. |
| الساعة بإيدك هلق يا سيدي 22:12 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون