|
شبيبة ... هلا انا ما لح حط جواب مين الصح بس في حدن جوابو صح بينكم ..
كرمال ننطر ابو الهن نشوف شو وضعو .. وعندي وحدة تانية وراها جاهزة لعيونكم .. :D عراسي الشبيحة |
اقتباس:
اسا ما قررت شو بس رح اعتزل شي مهم |
هدي شوي .. ما في داعي للثقة زيادة بالحال .. ما بتعرف شو بصير ..
وناطرين ابو الهن ... :D |
اقتباس:
عيطولو لهاني نشوف صار معو |
متل متل ما قال ابو سهيل 1.111
|
برأيي تقول الجواب الصح بس يطلع.
اقتباس:
كان بودي اشرح حلي. بس المشكلة انو شرحو شوي صعب بدون رسم. وما الي خلق ارسم :larg: |
شبيبة .. لح حط الجواب مبدئيا .. والحل .. بس يا ريت ابو سهيل تحطلنا كيف حليت .. لحتى نعرف
|
هلا مبدئيا الجواب الصح هوة 1.111 صح متل ما حكا ابو سهيل ..
انا عندي الرسمة تبع الحل ولكشي بس حابب شوف ابو سهيل كيف حل وعشو اعتمد:D |
انا مقرطش شباب
ما كان عندي وقت فكر فيها بنوب بنوب طالما انكشف الجواب الصح معناتا ما في داعي بس حطو الطريقة شغلة تانية مشان مسائل تانية وقت الواحد يحط الجواب دغري يحط الشرح مشان اذا في شي غلط يصير في مناقشة في وهيك قصص هات مسألة تانية لنشوف |
اوك نطرو بس 5 دقايق وبكون الحل هون :D والمسالة التانية كمان
|
يلعن ديبو الشرح بيدوخ ولو
طب هلق بالمختصر المفيد من الدائرة بي وسي فينا نشوف نصف قطر الدائرة سي من الدائرتين سي و دي و الدائرتين دي و اه فينا نطلع معادلتين منحلون مع بعض بيطلع معنا نصف قطر ال دي هادا الحل الكتير مختصر .. وباقي الحل بدو صور وما الي خلاق كمان ارسم عما نستنا الباقي |
حيو ابو سهيل والله ... وطلعت معك صح .. هلا خيو متل ما حكينا قبل الحل عبارة بيعتمد على نظرية واللي هية نظرية عمو فيثا .. وبطريقة سهلة شوي .. بس بدا تفكير هلا شوفو كيف .. اول شي الحل بشكل مبسط اول شي لنشرح الالية العامة .. انو شوفو هالصورة ..  هلا الصورة بتمثر عبارة عن الدائرة الكبيرة B والدائرة C ومشكلين مثلث قائم نحنا هون واصل ما بين مركز الكرة الصغيرة .. ومركز الكرة الكبيرة .. وعمود مرسوم من مركز الكرة الصغيرة .. على نصف القطر .. تبع الدائرة الكبيرة .. المهم فكرة الحل بدا تكون بتشكيل هيك مثلثات .. لحتى نستخدم فيثا غورس للحل فيا .. هلا منجي للصورة تبع المسالة تبعنا .. بدا تصير على الشكل التالي ..  تمام .. ملاحظين انو صاير عنا هون .. 3 مثلثات قائمة .. 1-هلا .. اول شي .. منروح منحسب نصف قطر الدائرة C : هلا ازا اخدنا المثلث اليميني اول شي .. اللي قائم عند نقطة تقاطع h1 ع نصف قطر الدائرة B من هون ... فينا نطبق علاقة فيثا غورس .. فلنفرض طول نص القطر تبع الدائرة B بيساوي R وطول نصف قطر الدائرة C بيساوي r حلو .. هلا عنا مركز الدائرة c بيبعد عن الدائرة B وعن الدائرة A بعد متساوي .. ( لانو الدائرة C ماسة للدائرتين السابقتين المزكورين ... لزلك فينا نقول انو h1=10 ( لانو نص قطر الدائرة A,B = 10) وكمان h1+h2=10 هلا لزلك .. منرجع .. منطبق فيثا غورس ب المثلث .. الاول اليميني .. بيطلع معنا .. انو (R+r)(مربع) = h1 (مربع) + (R-r)(مربع) عندك h1 =10 R=10 وقت بتعوض وبتفك الاقواس هون .. فينك تستنتج انو r=2.5 واللي هوة بمثل نصف قطر الدائرة C هلا بعدين .. منرجع مناخد .. المثلثين التانيات .. خيو ومنعمل بنفس الطريقة بدنا نطلع منهم .. معادلتين .. بمجهولين .. وبصير بدهم حل مشترك ... بالتعاون مع المعادلة h2+h3 =10 وبيطلع معك بالاخر انو .. نص قطر الدائرة D Rd=10/9=1.111 بتمنى تكون وضحت الفكرة تمام .. وعنجد هية بسيطة .. بس بدا شوية تجميع .. بين بعضا .. ازا في شي ما انفهم قلولي .. :D |
لك راسي عم يوجعني و مريض و مانتك جاي تقلي رسم و هندسة و فراغية وما بعرف شو :sick:
|
هلا هي هون المسالة التانية ..
الرسمة اللي بدي حطا هلا .. حتوضحلكم كلشي .. شوفو  حلو .. هلا المعطيات .. : A نقطة خارج الدائرة .. قمنا برسم من A مماسين للدائرة .. نقطتين التماس متل مانا شايفين هنن B و D BC عبارة عن قطر للدويرة الموجودة قدامنا .. المستقيم DE عمودي على القطر BC المطلوب .. : بدك تاثبت انو القطعة المستقيمة المرسومة من A الى C يعني القطعة {AC} بتنصف القطعة المستقيمة .. {DE} يعني بالمختصر .. بدك تاثبت انو .. {FD} = {FE} :D لح ضل حاطط المسالة لحدن يحلا ... وروحو لنشوف .. :D |
اقتباس:
|
ان شا الله يكون الحل .. منيح ومفهوم .. ما حدا خبرني شي عنو لانو ..
وازا في شي سؤال عالجديدة اسالو :D تصبحو عخير:D |
AB عامودي على BC??
|
اقتباس:
|
اي مماس مو بالضرورة يكون عامودي
|
اقتباس:
اي خيو المماس عمودي على نصف القطر على طول على طول على طول |
اقتباس:
المماس عمودي على نصف القطر في نقطة التماس على طول على طول على طول :lol: |
اقتباس:
|
اي هيك الحل سهل.
منرسم خط عامودي من D ل AB (رح يشكل زاوية قائمة عند D لانو هدول عامودين على مستقيم واحد) و رح يكون موازي للقطر, لانوي هدول كمان عامودين على خط واحد. بصير عنا: F1 و F2 (زواية) متساويين. لانون متقابلتين او (opposite reciprocals) و E و D زواية قائمة, يعني متساويتين C و الزاوية اللي اتشكلت من الخط اللي رسمناه. بكونو متساويتين, لانون زواية داخلية على خطين متوازيين (مدري شو كان اسما) هيك بصير عنا مثلثين بتلت زواية متساوية. لذلك رح تكون اضلاعو متساوية. لذلك الضلع FE = FD |
اقتباس:
اي مانك شايفو مستغرب من انو المماس عمودي ع نصف القطر :? |
فطحل زمانك
حلا وبعدين بيطلعلك تحكي:jakoush: |
حجي انا من 3 سنين تركت الرياضيات الى غير رجعة :jakoush:و صارت اهتماماتي طبية :dr::dr:
ف ما عليي عتب :pos: بعدين حتى لو بدي حلا ما رح اعجز بس بدك تعطيني شي اسبوع زمان :o بعدين خليني بهمي و بهم هالانسجة وما بدي لا هندسة فراغية ولا مصفوفات ولا تحليل ولا قطوع اوفففففففف العمى وجعتولي راسي ياه :x |
اقتباس:
ما كل مثلثين زواياهون متساوين بالضرورة انو يكونو اضلاعون متساوين كمان تشابه المثلثين كان بدو يمكن ضلعين وزاوية محصورة بيناتون . او زاويتين وضلع او تلت اضلاع ماني متزكر اذا كان في اسا طرق , بس اكيد تبعيت التلت زوايا غلط مصعبة هالمرة يمان, بس قوية:adal: |
اقتباس:
ضلعين وزاوية بيناتهن زاويتين وضلع بيناتهن 3 اضلاع متساوية ضلعين والزاوية الكبرى بما انك نسيت حسب شو بيتطابق ذكرتك :ss: |
اقتباس:
اقتباس:
اقتباس:
اقتباس:
اقتباس:
يعني هدول وين تشكلو ؟ تاني شغلة متل ما حكا ابو سهيل وماتيا .. تطايق المثلثات .. بيعطيك انو الاضلاع متساوية ... بس انت عملت تشابه المثلثين ... :sly: اقتباس:
اقتباس:
مشكورة عكتابتون .. اي نعام هدول تطابق وهدينك ... تشابه الزوايا;) عراسي الشبيحة .. وناطرين .. شو ابو الهن .. شكلو ما عم يطلع معك شي هالكام يوم :p :D |
اقتباس:
:D |
:larg:كان قصدك هيك انت صح ؟
 |
انا حبيت سلم عليكن بس...:o
|
:pos:سبام سبام ... :o
|
اقتباس:
اما السؤال والخ...ما شفته اي بعرف انهن صحيحات ما انا عم بدرس رياضيات ولو..وبعد بكرا بكالوريا رياضيات عندي كمان بقى بعرف انهن صح100% يلا اي قانون هندسة مستوية بدكن اسألوا :larg: |
موفقة .. ماتو :D
وناطرين الشبيحة لليوم المسا للاجابات :D |
شباب بلى سبام اذا بتريدو ... اذا القسم ما عليه مشرف ما معنتو نعمل الي بدنا اياه :x:D
|
يسلـمووو يمان على المسابقة , المسائل كتير حلوة و آخر وحدة نكشتولي مخي فيها هـآ .. :lol: قال بعد ما اشتغلت و طلعت انو في 3 زوايا متطابقة طلع بدنا كمان ضلع <=- ما كان يطلع معي :cry: بقـآ حطلنا الحل و عطينـا اللي بعدها :pos: و ماتيـا عندك بعد بكرا امتحان رياضيات بكلوريا ..؟؟ ليش وين عتمدرسي ؟؟ معقول لسه في امتحانات لهلأ :shock: ع العموم موفقة يـارب شدي حيلك :D |
هلا ماجيستي .. :D
الحل ما لح حطو انا هيك متقين هلا ... لحدن يحلا .. او لحتى الكل يعجز عنا .. والمسالة الجاية بحطا بس نخلص من هي .. فكري فيا منيح .. مانا كتر صعبة بتنحل معك :D |
:shock::?:shock::?:shock::?
كيف بتفهمولو هادا؟ ولي علي انا لساتني صفيورة |
هلا عاشقة ...
معك معك بتفهمي لكن ان شا الله :lol: لك شو يا .. وين الشبيحة شايف ما حدا لحدا يا حبيبي .. شو عجزنا ؟:gem: |
| الساعة بإيدك هلق يا سيدي 00:24 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
و صارت اهتماماتي طبية 
