|
شو شباب طلعتوا برى الموضوع
باختصار ندعو أنفسنا والأخر للاندماج والانفتاح على بعض مع الايمان انو لكل منا خصوصية وعادات تختلف عن الأخر اما اذا بقينا بمبدأ الشللية والانعزال ستبقى الأسوار مشادة ................ |
اقتباس:
بالرغم من اني مو شايف أي داعي لإستخدام شخصي أنا و تعمل عليه مقارنات... يعني انت في عندك شك بأن خلقه المراه غير خلقه الرجل.؟ كمان بنيتها.؟ تفكيرها.؟ بعدين لاحظ باني قلت كلمه "غالباً " يعني أكيد رح تلاقي سخصيات نسائيه واكبت الرجال. بدك كمان تقرأ كامل تعليقاتي. انا كان قصدي من كلامي بان المراه "غالباً " بتكون الاحاسيس و المشاعر مسيطره على أفكارها. أنا ما حكيت شيئ ضد اشراك المراه بالعمل و بكافه الصعد..بس كان في اعتراض على بعض الامور يلي ما فيها المراه تعملها...كمان نوهت بان المرأه العربيه غير المراه الغربيه يلي نشأت على أفكار اقتصاديه و اجتماعيه و صناعيه غير. المرأه تم اشراكها بالغرب بكل سبيل ممكن... برأيك هيك صح.؟ أنا من رأيي لا...من هون فيك تاخد ركيزه لتفسير كلامي. بظن سهله....المراه بناء للمجتمع و الاسره بس كمان صعب نلاقيها أو نتصورها عامله ببعض المجالات..متل الاعمال الشاقه و عالقليل بالنسبه لمجتمعاتنا العربيه. |
ما بعرف ليش اخدتو كلام التقرير ع شي سلبي
بالفعل الحق معو انو هلأ النساء معروف عنون انو العاطفة يللي بتحكمون و احيانا عند وقت اخد القرارات بيتلبكوا اما الرجال عندو ركيزة و ثبات و بيقدر يتحمل اكتر من المرأة بكتير انا مع انو المرأة تشتغل , بس تشتغل بمجالات بتقدر تتحملها يعني شو هاي ليلى علي كلاي , معتبرينا مثال على المرأة انا بعتبرها متحولة لرجل شو يعني مرأة تكون مصارعة المرأة مش هيك و منو مجال شغلها هيدا و بعدين لما نحنا طالبنا بالمساواة مع الرجل كان بدنا انو المرأة يكون الها حق بابداء رأيها حق باحترامها و كل هاي الاشيا ما حكينا انو لازم تشتغل الاشغال الشاقة مدى الحياة و بعدين شو قلب الموضوع للمرأة اول شي كان عن الديانات؟؟ المهم من اخر السطر تلخيص لكل الي حكيتو المرأة الها حق بالحياة و الها حق تعمل الي بدا ياه متلها متل الرجل بس ما اعتقد انو لازم تشتغل اشغال شاقة و انو تنحط بمراكز او مناصب منا قادرة تتحملا |
لك جد ما عرفان شو بدي قول................. أيام الواقع بيصدم لدرجة أنو بيربط اللسان.
بتطلع على الردود و بنصدم, شو بدك تقول لها الشباب, الطائفية جزء من عدم تقبل الآخر , بس مو هاد كل الموضوع, الرأي و الرأي الآخر .............. ألف علامة أستفهام المساواة ............ كمان ألف علامة أستفهام لما منكون عايشين بواقع الدين بيحكم الرجال و الرجال بيحكم المراة و المراة بتحكم الطفل و الطفل بيربى على نفس ها السلسلة الغذائية ليرجع يحكمو الدين و يحكم المراة و المراة تمرر ها التبعية و القمع لولادا النتيجة الرجل رح يضل يحكم على المراة باسم الدين و رح يضل يتمسك بها الافكار لانو ببساطة بتناسبو المراة رح تضل عقليتا مقموعة و بتفكر انو هاد هو الشي الصح و رح تربي ولادا عليه رح نضل عايشين بها الحلقة و ما رح تنكسر يا اخي شلون يعني ناعمة و حساسة و ما بتقدر............. اذا عم تشتغل كل شي شوفير الرافعة اللي قلتلك عليها هاي منعننا مو من الغرب, و بتخيل اهانة انو تقول هاي رجال ما مراة اي و باكدلك انو بمواقع صحراوية لما بنوصل لمرحلة انو المراة عم ترضى بها القمع لذاتا , تحت ثقافتا الموروثة من الف سنة انو دخيل انوثتك لا ينقرفلك ضفر , و دخيل نعومتك اللي ما بتحتاج كريمات أخت ليلى مثلا ما بتلاقي شي غلط انو حدا تاني يأمنلك معيشتك؟؟ ما بتلاقي في انتقاص من كرامتك ؟؟ اذا ها الشي طبيعي ..................... فأكيد في شي مو طبيعي الاسوار رح تضل مشادة طبيعي بها العقلية لما بيطالب حدى بالمساواة و بيكون الرد انو خود حقك بايدك , ما ها الحق اللي بدو يتاخد بالايد رح يتاخد منكن او اثبت جدارة و انتزع حقك بالقوة كل ها الموضوع منشان ما نوصل لهون, رح يقلب طائفية اكيد , اذا نحنا بها العقلية رح يقلب عنصرية ضد المراة أكيد, اذا نحنا بها العقلية رح يقلب مهاترات أكيد , اذا نحنا بها العقلية الامام علي بيقول " ما جادلت جاهلا الا و غلبني " مية خسة |
الإمام الشافعي قال ذات مره عبر التاريخ: "ما ناظرت رجلاً إلا و تمنيت له أن يسدد "
اي أخي يعني بفكرك المراه عاله عالرجل لما بيصرف عليها.؟ بصراحه انا قلت و مازلت أقول بأني مع الرأي الآخر.. و منشان هيك عم رد عليك مباشره و عم حاول لاقي معك سبيل لتجاوز اقصاء الموضوع عن مغزاه.. ألا و هو اسقاط موضوعك على كافه الصعد في الحياه. يعني لما اتفضلت و استشهدت بمقوله "علي" و باعتبارنا عم نحكي عن الرأي الآخر فبدي قللك هاد الكلام ما بيناسب الموضوع... على أساس الرجل هاد ذو فكر اسلامي و عنده ثوابت و ركائز ما بيحيد عنها في مناظراته. و الا كان قلت للمثلي "Homosexual " انت هيك و هيك و هيك...بس أنا باعتباري مع الرأي الآخر رح اتبسّم بوشو و كمل طريقي. هون برأيك كيف شخصيه متل "علي رح تتعامل مع ناس بيعملو منافيات للاسلام..؟ طبعا جاهل و مجرم و كافر. ياريتك تكون معي لهون.؟ يعني بدك تتقبل الرأي اللآخر و ما بتقيم أي انسان عم تحاوروا بالجهل باعتبارك صاحب الفكره. و باعتبار شخص عم تتعامل معو بموضوع و استشفيت منو طريقه غبيه لمعالجه هالموضوع...... فمافي داعي تتهمو بالغباء او السطحيه Just only because you are with the figure speech or the different opinion يعني اذا انت مع الرأي الآخر فلازم يكون في عندك مقومات و أساسيات احترام الرأي الآخر و كمان احترام حريه الكلام. من هون نبدأ:D |
احترام الرأي الاخر انا معو للآخر ....................... بس لما الرأي الاخر بيكون اقصائي, جامد , و صاحب حكم مسبق ما بيكون في نقاش
هل الآخر عندو الحق بالوجود؟؟ اذا اي فها الشي عم يتم مناقضتو هون هل الاخر متساوي معنا بالحقوق و الواجبات ؟؟ ما بتخيل بمجتمعنا نزلت الموضوع لما قريت ردك بموضوع دين الوطن هل هو الوطنية............... كنت مستمتع كتير بالنقاش لحد ما صار النقاش " انو اثبتو موجودية خدو حقكن بالقوة " ما نحنا عم نتحاور منشان ما ناخد حقنا بالقوة, ناخدو برضى كل الاطراف لما بيكون الرد دايما بحسب الكود او المرجعية , رح يكون النقاش عقيم نظرتي للمراة اللي بحب شوفا بمجتمعي كتير بعيدة عن الواقع الحالي, و المصيبة انو حتى المرأة بمجتمعي ما بتطمح انو توصل لمحل ما بتخيلها توصل انو لما بحكي بالشرق و بيجيني جواب من الغرب , شو بتنطر مني مية خسة:D |
اقتباس:
:D |
بيبلش ببداء الرأي و بينتهي بحق الحياة و بين ها التنين محصور وجود الاخر, يعني اذا ما في دايما تطبيق كامل لمبدأ ما ما بيعني انو لازم نعتبرو غير مهم او شيء مهمش
ابدا الموضوع ما مختلف, لما بينحكى بمنطق القوة لفرض الرأي بيكون في مشكلة كبيرة, و خاصة انو الموضوع شديد الارتباط, الموضوع عن العلمانية اللي هيي صلب تقبل الاخر متل ما هو و بدون اي رتوش و اضافات احترام الاخر هو القبول باختلافو مهما اختلف, لما بننطلق من مرجعيتنا الثابتة بيكون اكيد مافي نقاش بيكون الموضوع عبارة عن طرح و تكرار لافكار كلنا منعرفا. انو الحق على المراة ............ انا بشوف اكيد اي لانو راضيه بها الذل...... فورن بينط الذهن على التياب و الكحول انو هاد هو التحرر؟؟؟؟ ولا المساوة هيي بتساوي الفرص و النظرة و المعاملة و القانون . الموضوع اكيد كتير متشعب و هو بدا متشعب , بس اذا النظرة ديقة و خلت الموضوع يروح على الطائفية و حقوق المرأة ما بقدر انو رجعو على قبول الاخر ............. الطائفية نقيض العلمانية و وضع المراة كمان ما بيتصحح الا بالعلمانية ....... بالاضافة لشغل هائل لتوعية المجتمع , تقبل الاخر هو تقبل فكرة العلمانية, لما بيكون الجميع بغض النظر عن اصولن او ارائن متساويين قدام الدستور ما بيكون عننا ها المشلكة اصلا بدون فصل الدين عن الدولة فصل نهائي لا يمكن تحقيق المساواة, اذا ما تحققت المساواة رح يضل في فئات بالمجتمع بتحس بالظلم و القهر و اكيد ما بتكون متقبلة وضعا ولا وضع غيرا , من هون رح ينشأ الصراع بالمجتمع مية خسة = مية وردة علم:D |
اقتباس:
نظرتي للمراة اللي بحب شوفا بمجتمعي كتير بعيدة عن الواقع الحالي, و المصيبة انو حتى المرأة بمجتمعي ما بتطمح انو توصل لمحل ما بتخيلها توصل يعني هلا الحق طلع عالمراه برأيك ..؟؟ يعني التهميش يللي شايفو انت عم تلعب المراه دور في.؟ يعني كيف بعيده عن الواقع.؟ يعني بدكياها متل المراه الغربيه و الا شي اسطوري.. بالمناسبه و اعتماداً على المساواة التي حصلت عليها المراه و منادات بعض العرب باسقاط التجربه الغربيه بدي احكي شي..... يعني المراه وصلت لمواصيل كتير ايجابيه بمجتمعاتنا و هاد اذا دلّ على شيئ فبظن بيدل على تقبل الرأي الآخر بالمراه و عدم تهميشها.... اما اذا بدنا ناخد التجربه بكاملها فما بظن نحن على استعداد لرؤيه مراه Half naked تشتغل ببار تقدم المشروبات الروحيه للمخمورين...أنا برأيي هاد امتهان..بس مع كل هالشي اذا الاغلبيه بدهن هيك فرخ يصير هيك و الطرف الآخر مو شرط يقول انا مع بس مفروض عليه القبول "بعباره تانيه شكل من اشكار استيعاب الرأي الآخر". اما عن المراه بالمجتمعات العربيه فبظن راضيه عن دورها كسياسيه و قاضيه و طبيبه و صيدلانيه و مهندسه و كمان رقاصه اذا بدك... في اعتراضات على بعض الامور متشكله برفض الرأي الآخر..يعني رأي المراه باختيار ما يناسبها....بس هي فقط اعتراضات ما أفسدت حريه الرأي الآخر منشان هيك عم يختارو شو بدهن. انو لما بحكي بالشرق و بيجيني جواب من الغرب , شو بتنطر مني هون الحق عليك اذا بتسمحلي. مشكلتك بانك كتبت موضوع بشكل غير دقيق أو بموضوعيه صرفه بدي قللك هون: عزيزي " و أنا ما بقول هالكلمه إلا لما بعنيها "...يعني موضوعك عن الرأي و الرأي الآخر فيك تسمي بحر زاخر معد لنقاش كافه اطر و جوانب المجتمع سياسيه و ثقافيه و اجتماعيه ثقافيه...يعني موضوع شمولي. اما اذا كان بدك تسمع آراء بشكل شمولي و ليسى خصوصي فكان الجدير بك ان تبيّن ذلك من دون اسقاطات لها تبعيات و تجر الموضوع للدخول بشموليه بعيده. مية خسة  أما هي الخسه:lol: خليها لا الك. :D |
يعني كل ما قامت فيه المراه من انجازات و اخذ مقاعد اجتماعيه و ثقافيه و علميه و سياسيه بالحياه... كل هالامور مو كافيه و لساتها راضيه بالذل و الهوان..
يعني فسرلي هي اذا تكرمت. لكان 100 خسه نديه عبقه:lol: اهلا و سهلا حبيبي:D |
بكل بساطة نظرتي للمرأة مختلفة كتير, مو للمرأة بس للانسان ببلدي , بدي ياه منطلق حر مبدع إنساني غير مقيد فرح خلاق مميز .......................... حقي مو
اي بشوف انا انو لهلاء ما حققت المرأة شي, وجودا السياسي عبارة عن تكملة و واجهة, وجودا الثقافي مهمش و المشهد عموما حزين, وجودا الاجتماعي مزري, يعني لازم نقعد ننوح على حريات المرأة و بعدين بتجي المرأة نفسا مبسوطة بها الواقع أنو بالآخر بالآخر هيي رح تريح راسا و بيجي حدا بيصرف عليها , هيي ما مضطرة توجع راسها بكل ها الخزعبلات, بالآخر رح تتجوز و جوزها بيقلها شو تعمل و شو تساوي و كيف تربي و كيف تحكي و تلبس و تعبر , عليها تجيب ولاد و تربيهن بس و بالباقي كلو عبارة عن شي ما بيمت لألها بصلة , انو حقوق لاء دخيلكن , لانو حقوق =واجبات , خليني هيك مرتاحة اكتر, قال حرية و حكي فاضي و هوا غربي :x معي انت ؟؟ بتمنى تكون مية خسة:D |
اقتباس:
عزيزي.! الحقيقه انت عم تطالب بامور أسطوريه و هاد حقك. يعني الرأي بالبدايه يكون فكره بعدين تتبلور و يصير في إلها معتنقين و مؤيدين و مع الزمن و مع اصرار مؤيدين الفكره بتكون النتيجه ظهور هالفكره على ارض الواقع و ممارستها حياتياً. يعني عندك بالخمسينات و الستينات او ممكن متاخر شوي عن هالتاريخ..ثوره النساء بمصر عالحجاب الكامل و ظهور بعض الكتاب و المفكرين الاجتماعيين و مناداتهم بتحرير المراه...هالفكره كانت بين تيارين او خلينا نقول بين راي و رأي آخر...بالنتيجه عملو شي و نشروا افكارهن و انطلقت المراه. يعني برأيك المراه لما تمارس دورها بالقضاء الذي هو اسمى هدف انساني "تكون لم تأتي بجديد, كمان لما تعمل بالطب يكون دورها غير كافي ". كمان لما تربي النشا و تطالع مفكرين و اجتماعيين...هاد كله "مزري" اما عن ناحيه الابداع فهي موهبه ربانيه ما بتلاقيها بالكل و لا رح تلاقيها بالكل أبداً بعدين دخلك شو رايك بالمراه العامله التي كان هفها بالحياه انشاء أطفالها...في عينات ضخمه جداً بالمجتمع السوري نساء وضعو أيديهن بأيدي رجالهن من أجل بناء الاسرة يعني راتبها حباً و طواعيه بالبيت منشان الاطفال و تدريسهم و انشاءهم...نسيو حالن ليكبرو و يربو...هاد "مزري" هون بدي اضربلك عالوتر الحساس و جاوبك مباشره على مرادك للمراه انت بدك المراه كيان مستقل منفرد...يختار الامومه او طريق العمل او العلم او او بحيث تكون لها حريه الاختيار كالرجل...حقوق الرجل التي تفهم من فبلنا كواجبات اي انا معك بهالشي..بس مع كل هالشي تلاقي الكاتبات صاحبات الكيان المستقل كمان النساء المتزوجات و بحريات شخصيه و لكن ضمن حدود المعقول... هون بدنا نسال بان صاحب او معتنق فكره الحريه المطلقه للمراه يقبل لها و هي الزوجه ان يكون لها أصدقاء رجال. |
رح بلش أول شي بـ سؤال الأخ dimozi
أخت ليلى مثلا ما بتلاقي شي غلط انو حدا تاني يأمنلك معيشتك؟؟ ما بتلاقي في انتقاص من كرامتك ؟؟ لا مـا بلاقي فيها انتقاص من كرامتي لسبب كتير بسيط انو هالشي واجب عليه و من حقي يعني مانو كرم زايد منو و لا بيقدر يحملني جميلة انو عميأمنلي معيشتي , مع اني بحب الاستقلال المادي و ما بحب اعتمد على حدا و استناه يأمنلي معيشتي ... ( و في نقطة يمكن انت ما بتعرفها و هي انو حتى لو كانت المرأة " في الدين الاسلامي " عاملة و مستقلة مادياً بيضل من واجب زوجها انو يأمنلها معيشتها حتى لو هي مكتفية ) الدين بيحكم الرجال لنفرض انو مو الدين اللي بيحكم الرجال , شو اللي رح يحكمون و يحدد و ينظم تصرفاتون و سلوكون و علاقتون بالمجتمع ..؟؟ ( لو سمحت بدي منك جواب على هاد السؤال ) و الرجال بيحكم المراة طيب انت بترضى امرأة تحكمك ..؟؟ و المراة بتحكم الطفل قولك الطفل اذا تركناه بدون ما حدا يحكمو , كيف رح ينشأ ..؟؟ ( حددلي انت مين لازم يحكمو ) صح نحنا بعدنا عن الموضوع الأساسي اللي انت كان قصدك تطرحو ... بس ما صار شي ليك الكل قاعد و عمياخود و يعطي و عين الله علينا :lol: أما بالنسبة لتقبل الرأي الآخر , الكلام اللي سبق و قلتو بعتقد كان كافي يوضح الأسباب بس بتصور مستحيل بيوم من الأيام تلاقي مجتمع من المجتمعات فيو تقبل كامل للآخر , لإنو بيضل كل إنسان كـ فرد بالمجتمع إلو افكارو و قناعاتو اللي هو مانو مستعد يتنازل عنها لأي سبب من الأسباب ( بغض النظر عن الدين ) حتى الإنسان اللي ما بيحكمو دين أو بالأصح ( ما بيؤمن بأي دين ) كمان عندو افكارو الخاصة اللي متمسك فيها و ما رح يغيرها ... أما قضية المساواة , للأسف هي مو موجودة بأي مجتمع ( لا على كوكب الأرض و لا حتى على المريخ :p ) و من المستحيل وجود مساواة في ظل وجود اختلاف دائم و وجود الجنسين معاً .. ( يعني لو كان كوكب الأرض بس ذكور أو بس إناث ) كان يمكن يصير بيوم من الأيام مساواة ... و لاحظ إني قلت " يمكن " لإنو في عوامل كتير تانية بتمنع او بتقلل من فرص وجود مساواة كاملة و مطلقة بمعناها الصحيح ... لي عودة :D |
أنا اللي ما عم افهموا من خلال بعض التعليقات أنو لازم الرجل يحكم المرأة، ليش,,,,, لأن مو معقول المرأة تحكم الرجل !!!! شوفوا هالمنطق !!!!
يعني ضروري يكون في علاقة تحكم وسيطرة بالنص؟ إذا ما عم نقدر نفهم أهمية التكافؤ بالعلاقة بين رجل وأمرأة فكيف بدنا نحكي عن باقي العلاقات :jakoush: وصلنا للقرن 21 ولسه لازم نحكي عن مين رج بسيطر عالتاني ويتحكم فيه !!!!! اقتباس:
هون بتعودي بتجكيلنا رأيك ما رح قول أكتر من هيك ومية وردة :D هي بدال المية خسة عند dimozi :lol: |
عزيزتي سـاندرا ..
دخلك كيف بدها تمشي الحياة بدون وجود ( رئيس / حكيم / مسؤول / معلم / مدير/ مدبر .. إلخ ) شو يعني بدكون الحياة تمشي فوضى ..؟؟ ما حدا قال انو ما بدنا التكافؤ بين المرأة و الرجل , بس قد ما كان في تكافؤ لازم يضل في حكيم بالنص .. سواء كان رجل أو امرأة ( هاد شي بيختلف من شخص لآخر ) بالدين الإسلامي و هاد شي اكيد ما بتعرفيه إنو الرجل مجبور بنفقة بيتو و زوجتو , و هاد شي يطبق مو بس حكي ( اللهم الا طبعاً الأقليات المخالفة من الدين الإسلامي ) و بس اتجوز رح اجي احكيلك رأيي نفسو لإنو ما رح يتغير , و انا ذكرت اني بعتمد على حالي مادياً و ما رح استنى حدا يصرف عليي .. ( بعتقد واضح كلامي ما بدو تفسير ) و على فكرة بدي خبرك مثال كتير صغير , انـا أمي أوروبية _ مسيحية و اسلمـت ... و ماما لما كانو ببلغاريا و كان النظام شيوعي ( يعني كان في تساوي بين المرأة و الرجل على حسب حكي الحكومات وقتها :lol: ) , كانت تشتغل و تصرف على حالها و بابا ( كان طالب جامعي ) و كان يصرف عليها كمان و ما ياخود منها ابداً .. هـاد بس مثال بسيط لحتى تشوفي إنو هاد شي مفروض بالإسلام و مانو حكي بس و مافيو اهانة و لا انقاص كرامة .. و ما بدي ارجع لقصة النفقة , لإنو معروفة إنها من واجب الزوج لـ زوجتو سواء برضاه ( رضاها ) او غصب عنون تنيناتون .. ;) و بتأسف لـ dimozi إنو طلعنا خارج الموضوع , هاد بس كان للتوضيح :D |
اقتباس:
بعتذر من ديموزي إذا كنت خرجت عن محور النقاش الأساسي:oops: |
اقتباس:
عم نحكي على علافات أفراد نحن مو دولة ! بعدين يا عزيزني احترام المرأة مالو علاقة بس اذا الرجل عم يعطيها مصروفها، في اشيا اهم من المصروف والمصاري مع العلم أنو كتير رجال يالعالم الشرقي بيعطو المرأة مصاري وكأنها صدقة وأنا ما دخلت الدين للتص فرجاءً لا تدخليه انت كمان |
اقتباس:
نحن عم نطلع من القصة و ندخل بقصة تانية ... الموضوع عن رأي و رأي الاخر و كل واحد مقتنع برايه و بيرد من الزاوية اللي بيشوفها مناسبة و بينتمي الها...;)و انا قلت بأول رد للموضوع ان مستحيل حدا يتخلى من رأيه و مع هيك لازم يتقابل رأي الاخر...:pos: قصة الرئيس و غيره قصدي الأسرة و العائلة ... من بعد علاقة الرجل و المرأة رح يصير في عيلة , مين رح يكون مسؤول عنها ؟:? ايه اللي بيعطي المرأة مصروفها و كإنها صدقة هاد إنسان نفسو دنية كتير و من الآخر مانو مؤهل يكون مسؤول ...:sly: و اكيد مطلوب الاحترام و انا ما قلت انو الاحترام بسبب المصروف ! , الاحترام شي تاني من أساسيات و ضروريات الحياة ...:pos: و متل ما سبق و قلنا انو كل واحد بيناقش من الزاوية اللي بيشوفها و بيتبع مبدأ بحياتو و بيناقش على أساسو ... و انا ديني هو أحد مبادئي بحياتي بقـى يعني بدك ياني صير لادينية مشان رد عليكي ...؟؟؟:? و بتأسف مرة تانية بسبب الخروج عن الموضوع ...:x و ياريت ما عاد ينحكى شي برا الموضوع لإني ما رح رد ...:frown: و بتوقع إني رديت ع الموضوع و كمان حكينا بشغلات برا الموضوع و قلت اللي عندي ...:sly: شكراً :D |
:lol: شو مشان الطلعة عن الموضوع ؟
الموضوع بيحكي عن قبول الآخر .. أيا أخر .. بغض النظر ( رجل - امراة ، ديني لاديني - موالي معارض ..إلخ ) الاختلافات جدا كتيرة .. وإذا النقاش حول كل اختلاف رح ينحى فينا برات الموضوع الموضوع صاار خبيصة .. القضية والسؤال اللي لازم نطرحو على حالنا .. هل منقبل اليوم الآخر .. .. بدون رياء وبدون اقنعة وبدون نظريات تعايش ما منعيش ربعا .. هل الأخر بنظري " متل ما هو .. وباختلافاتو " مقبول ومحبوب وبيتمتع بالإرادة والحرية ؟ ولا . بضل حاطط اختلافنا قدام عيوني .. وبصير بحاول ألغيه ... الغيه كفكر .. او الغيه بأني الغي عنو صفة الانسانية او الغية بأني حاول اغيرو او الغيه بأني امنعو من انو يعبر عن نفسو حقيقة قدامي ... قبول اختلاف الأخرين شغلة كتير صعبة .. ما بتصير بكبسة زر .. وما بتصير بيوم وليلة بحاجة لوقت .. بحاجة لعيش مع الآخر المختلف ... لا تعايش بحاجة لاحترام .. ولانفتاح و لثقة ( بأنو وجود الأخر المختلف ما بيعني إلغاء وجودي ) وبس :mimo: انشالله يرجع الموضوع لمنحاه .. إذا حابين نحكي عن المرأة / الرجل .. افتحولنا موضوع جديد .. |
أو حتى دون محاولة الالغاء... مجرد اعتبارو أدنى حتى لو بدرجة بسيطة جدا.... هاد ما صار اسمو تقبّل الآخر
|
اقتباس:
هلأ تقبل الراي الآخر ما بظن يمت بصله لإعتبار شخص أو فكره دونيه... " هاد كلام مختلف " انا وظجت هالشي. تقبل الراي الآخر حتى لو كان مخالف لآرائي بيكون بسبب ترسيخ افكار و قيم اجتماعيه بالحياه و بأساس المجتمع الواحد. يعني ببساطه انا ضد المثليين و مع كينونه الإله و وحدانيته و ضد فكره اشراك الله و ضد إقصاء الدين هي أفكاري بس في بالجانب الآخر افكار غير "عم تحكي و تبدي راي " أنا مو معها و ممكن تعتبر دونيه او تهميش لا إلها من وجهه نظر الغير" بس نتيجه لقيم أسّس عليها المجتمع رح تكون الافكار المخالفه مقبوله عندي ضمن اطار مجتمي يللي يقبل التلوين و التعدد الفكري و العقدي. باختصار ممكن تكون الونيه وجهه نظر بس الاهم اعتبار الافكار و العقائد التانيا " انطلاقه من حريه الانسان بحق الاختيار". |
يعني.... عقلية الناس عنا بتتربى من الطفولة على قيم غير سويّة من ناحية تقبل اختلاف الآخرين فالموضوع أبعد جداً من مجرد الاختلاف بالعرق ... او بالدين لأنو متل ما شفت في حدا سبقني و قال أنو حتى بين الناس البعيدين عن الدين منلاقي اتجاه للحط من شأن الآخرين ولو اختلفو معهون بمجرد تفاصيل صغيرة... يمكن هادا الشي ألو علاقة بانعدام الثقة الناتجة عن كتير عوامل و ظروف عم تعيشها مجتمعاتنا أنا بغنى عن ذكرها هلأ.... :D
|
يا جماعة نحنا حاليا عايشين بأزمة من الرفض للاختلاف, أزمة تقوقع رهيبة على كل الصعد, لك الحارات عم تكره بعضا يا جماعة بنفس المدينة, يعني التقسيم الطائفي الثقافي و الفرز الرهيب للبشر حتى بالرياضة
كلو عم يترافق مع جهل بالآخر, و بيصير نسج الخرافات على أبو جنب لو كان في منحنى بياني لمستوى التقوقع العايشينو, كننا وصلنا هلاء للقمة هاد الشي اللي بدو حل مية خسة |
هوي الحقيقه مجرّد ذكر كلمة الاختلاف أو التضاد أو فكرة الراي الآخر بتأدي لخلاف و الخلاف بيأدي لرفض و الرفض بيادي لفرض آراء و فرض الآراء بيأدي لمشاحنات و معارك :lol:.
مو بالسهوله و لا بالطرق السلميه و الوئاميه يتم تقبل الآخر... يعني بدك تكون ند للرأي الآخر بدك تكون مسلح باسلحه يملكها الرأي اللآخر... يعني اذا بدك أفكارك تسري و يعتقد فيها المجتمع بدك تكون مجهز و معد و لك طائفه تؤيدك في المجتمع و تتبنى أفكارك. هيك فيك تعمل و ترسخ رأيك بالمجتمع و ما بيكون بوسع الطرف الآخر الا القبول لأنك صرت جزء لايمكن تهميشه او حتى الاستهانه به. أما عن فكره تقبل الآخر لأفكاري.. فهي بدها تحول جذري بالافكار و غسيل أدمغه. |
اقتباس:
اليس هذا الواقع الاجتماعي اذا حطينا الدين على جنب يعني باختصار الفكرة التي في بال فئة أن الفئة الأخرى متخلفة ويجب عدم الاقتراب منها يجب أن تزال من الأذهان أولا ومية فلة :D |
كيفك حبيب؟
موضوعك كتير حلو مشكور عليه ولو انو الشباب طلعوا براته المهم هلا انت عم تقول الموضوع بده حل بس شو الحل برايك ومن جهة تانية شو هوي الاخر وعلى اي اساس انا بحدد انو ممكن يكون الاخر اللي بالنسبة لك شي مثلي بالنبة الي رح اعطيك ياها كمثال بالجامعة او بالحي او باي قرنة ياسيدي هون بالشام من كم يوم واحد عم يتفلسف انو والله هالشاي شاي محافظات ما بينشرب انو هاد شو اسمه او انو وقت واحد بيقلك ما لقيت الا اهل لترافقون لك هدول معروفين مصلحجية وما عرف شو ومن جهة تانية ليش لما شخص يتزوج من اجنبية تنقام الدنية وما تقعد عليه وكانه عمل جريمة ؟ وما زالت القصة موجودة ميت خسة من بسطة سوق الاحد |
الآخر ..
من ناحية انسانية نحنا البشر، عفكرا مو بس عنا وكمان برا، النا نزعة للتقوقع ضمن مجموعتنا عدا عن بعض الاستثناءات كأفراد .. لكن عوامل متل الجهل ، الظروف الاقتصادية الصعبة ، السلطة ... الخ رسخت هالشي عنا ، أما في دول اخرى تم تجاوزها باحترام الانسان كانسان وباحترام مواطنته .. من ناحية أخرى .. المرأة متل الرجل .. قد تنجح اذا توفرت لها الظروف المناسبة .. يعني لو في ولد لم يتوفر له الظروف المناسبة كالدراسة والتربية الجيدة وربما المال والحرية الكافية فلن ينجح .. فالقصة مو بالمرأة على قد ما هي بالظروف المحيطة بالرجل أو المرأة على حد سواء (وبظن في مجتمعنا تتوفر عوامل النجاح للرجلأكثر من امراة ومنذ سنين طوال). اما تقبل الآخر فالأمر نسبي .. لاني ممكن اتقبل رأي شخص متدين لكن ما رح اتقبل رأي شخص يقتل مدنيين باسم الدين مثلا .. يعني مسألة تقبل الآخر نسبية وتخضع لاعتبارات ومعايير كتيرة وقد تختلف من شخص لآخر .. يمكن يمكن بدها شوية منطق وانسانية .. ممكن نتقبل الآخر .. شكراً. |
| الساعة بإيدك هلق يا سيدي 22:54 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون