عتذر من الكل على التأخير بس انا عندي معسكر انتاجي وهلا عم رد من الجامعة :oops:

أي أخواتي


شو أكبر تضحية ممكن تضحيها مشان يللي بتحبو

انا موت كرمال البنوتي :hart:

اذا طلبوا منك تلات امنيات شو ببتمنى

سعادة :lol: حب :hart: مصااااااااااااري :shock:

مين أكتر إنسان بترتاح لما بتكون معه؟

رفيقي أكيد :wink:

انا سؤالي هوي : لو فرضنا انك رح تتزوج ولو شطينا بالخيال وقلنا انك اطلع بتجيب ولاد .. ولو شطينا بالخيال اكتر وطلعت مرتك كمان بتجيب ولاد .. ولو سرحنا عاد واعتقدنا انك مع مرتك متفقين ..
كام ولد ناوي اتجيب وشو بك اتسميهم وشو بتحلم انو يطلعو بالمستقبل !!


حلوي هاي حكيم

والله اتنين على الاكتر والأسماء على كيف المدام :wink:


طيب لنفرض أنو عندك رفيق بتحبو كتير وبتعرف أنو بحب بنت هي ما بتحبو
وأذا هل بنت حاولت تتقرب مناك وأنت حست بميل نحوا بتقيم علاقة معك وبتحرق قلب رفبقك.................

كمان قوية

والله الصراحة بقلو كل القصة وشو بيصير بعدين بتصرف :shock:

بس تلاقي الإنسانة يلي بتحلم فيها بس أهلك مو موافقين عليها لسبب تافه شو بتعمل؟

ما في قوية رح بتوقف بوجهي حتى اذا اضطريت للخطيفة :cry:


بعتذر على السرعة بس اجا الدكتور يلا باااااااااااااااااااااااا اااااااااااااي




دورك حيبيبي hashtnasht :lol:

عفوا نانا


أكتر شي بكرهو بحالي اني بخلط بين المزح و الجد دائما :?


أما انتي يا ابو نهلة شان بنت الكبة فبدك كتير لتتعلم المصلحة

حبيبي انتي تبقى بعلمك :P

يلعمى اجا الدكتور و عبطني بدون ما اسأل أبو نهلة

:shock:

ولا قلك تركني شوي لحتى استمخ يلا باي :cry:

سؤلي هوي: ايمت أكتر مرة حسيت فيها بالسعادة :?: (و إذا مافيها سئلة قلنا ليش) :D

شو بتحب تغير بحياتك؟؟

هع اب نهلى ..
اي تعى قلي هلق .. لو ما اجاك اولاد غير البنات شو بتتمنى يطلعو بالمستقبل .. وشو مفكر تعمل لتخلهون يحققو الي ببالك بخصوص مستقبلهم !!

أي خيو

اذا مرة كنت قاعد بشي محل وعازم رفقاتك شباب وصبايا على مشروب مثلا وكانت علاقتك رسمية معون :shock:

ولما اجيت لتحاسب واز ما معك مصاري :o

شو بتعمل :P

اي يعني امتى بيخلص دوره :? :shock: :x

هل يهمك في زوجة المستقبل وضعها المادي؟

:jakoush: :jakoush:

يا جماعة أنا عم ضيع دور مين هلأ :?: :?: :angel: :? :!:

هلق دور " حشت نشت "
وهوي حيعين المتهم التالي ........ ترقبو

احم احم ...... احم
يعني حبيت اني اني بكر شوي بالاجابة مشان ما اتأخر عليكن من جهة ومشان ما تكتر الأسئلة من جهة ( أهم ) 8)
بصراحة يا جوليا ولا مرة :oops: يعني أنا من الناس اللي عندن مستوى ثابت من السعادة ما بيتغير مع الأحداث والظروف
و فينك تقولي أنو أكتر موقف مفرح ما بزيد سعادتي سنتيمتر واحد !! بس كمان بالمقابل نادراً ما ازعل على شي أما شو السبب ف ما بعرف؟؟
نانا يا نانا بحب غير كتير اشيا بحياتي بس حالياً اكتر شي عم فكر في هوي اني غير مكان الإقامة :P لأني بعتقد إني إذا سافرت رح ققدر غير بحياتي بطريقة أسرع وأسهل من اذا بقيت هون
والله يا حكيم أنا ما عندي مشكلة منوب منوب انو يجي ولادي كلن بنات بالعكس بنبسط و بسمين نهلة 1 , نهلة 2 , .... الخ
أما شو بحب يطلعوبالمستقبل أهم شي عندي أنو ما يطلعو متلي :o يعني شو ما كانت المهنة أو الدراسة اللي يختاروا ما عندي مشكلة المهم يكونو ناجحين بالمجال اللي عم يشتغلو في ويكونو هني مبسوطين ( مبسوطات ) بهالمجال .
أما شو مفكر أعمل لحتى يحققو اللي ببالي اي هي شغلة بسيطة أنا مفكر أعتمد ع المدام بشكل كامل بهالموضوع :P
والله يا زعيم سؤالك صعب يعني ما انو صعب الاجابة ع السؤال هوي السؤال بحد ذاتو صعب
يعني كنت عم تحكي بشكل منطقي لحد ما وصلت لكلمة ( وعازم ) !!! يعني بتجي بعدا كلمة شباب وصبايا!! و بعدين مشروب و بعدين رسمية و الأهم بعدين تحاسب !!!! يعني كل هدول المصطلحات أنا ما بعرفن أبداً :o بعدين بيرجع السؤال منطقي عند ( واز ما معك مصاري ) يعني بلشت صح وخلصت صح بس السؤال من جوا كتير غريب لذلك بدي اعتذر منك يا زعيم
لا يوجد جواااااااااااااب :?
هادا اسهل سؤال :lol: :lol: :lol: بتقدري تقولي انو خلص :angel:
والله يا رواف بصراحة لاء ما بهمني اللي بهمني هوي وضعي المادي وقت بدي قرر اتزوج و اذا كان وضعي منيح فما بهمني الوضع المادي لشريكة المستقبل أما اذا كان ما منيح فما بهمني موضوع الزواج من اساسو

ايه وهيك بكون عملت اللي عليي و بكون صار الدور عند جوليا :gem:
وسؤالي هوي: اذا افترضنا انك بتقدري تكوني انسانة جديدة ابتداءً من هاللحظة و خيروكي بين انك تكوني حلوة ومشهورة متل نانسي عجرم أو انك تكوني مهيوبة ومشهورة متل الأم تريزا أو انك تبقي متل ما انتي شو بتختاري؟؟؟؟؟؟ :?:

عمر لاب نهلى عمر ..
وسوال قوي لجوليا ................

انا سوالي لجوليا ..
بصراحة بصراحة انتا شب ولا بنت :?

ايمت أكتر مرة حسيتي انك بتكرهي شخص ومين هوي وليش؟؟؟

شو هي ممكن تكون أحلى لحظة بحياتك ؟؟ وليش ؟؟؟ :jakoush: :jakoush:

هل عندك اعتقاد أنو كل انسان خلق بهال الدنيا و مصيرو مرتبط بانسانة معينة :?: :pos:

شو هي الصفات يلي بتكرهيها و ممكن تغضي نظر عنها بزوج المستقبل و الصفات المستحيل :?: تتقبليها

مرحبا للكل :sosweet:
شو القصة الأسئلة كلها صعبة :( يلا رح نبلش:
بختار إني إبقى متل ما أنا بس مع بعض التغيرات و ما بعرف ليش بس بحس إني هيك بكون مرتاحة أكتر :D من استخدامك لكلمة (انتا) مبين إنك متأكد إني شب بس أنا بنت صدقاً:!: أحيانا بتضايق من بعض الأشخاص بس ولا مرة حسيت إني بكره حدا بمعنى الكره :D
سؤال صعب وما بقدر جاوب عليه بدقة لأنو الواحد مننا كل ما يحقق الشي يلي بيريده بحس انو هي أحلى لحظة بحياتوأكيد لا برأيي ما حدا مرتبط مصيرو بحدا والشخص نفسه بيحدد انو يربط مصيره بمصير شخص تاني أو لا :D بصراحة في صفات ما بفضل إنها تكون موجودة في زوج المستقبل بس ممكن إني غض النظر عنها في حال كانت باقي الصفات الموجودة فيه جيدة جداًمتل الغيرة الزايدة عن حدها بس مابقدر ارتبط أبداً برجل بخيل أو ضعيف الشخصية أو غير حنون مهما كان بيتميز بصفات جيدة أخرة :D
وهلق اجا دور :angel: :angel: الأستاذ :D
سؤالي هوي : مين أغلى إنسان عليك :?: :D

شو أصعب شوال انسألته بحياتك :?: :?:

طب سوال براني لكن ليش اميلك الي مسجلي فيه هوي yousef-n@>>> يعني باسم يوسف !! :?

أي يا كبيرنا
أيمت الحظة ألي بتحس حالك فيا كبير :?

حط عينك بعيني لشوف ................ :shock:

كأني عرفتك ..................... :?

على كلن اذا شي مرة كنت ما شي انتي وخطيبتك بالشارع :hart: وصادفت شخص بتعرفوا وبتعرف انو رح يبهدل حالو و يبهدلك معو اداما :x ..............شو بتعمل ؟ ( يعني شخص غليظ و ما بيعرف يتصرف )

استاذ عفواً يعني بس بدي اسألك هالسؤال
انت بالحقيقة استاذ شي؟؟؟؟ :shock: :?

اخر سوال كتير كتير سهل ..
الإستاذ متل ما اتقول .. استاذ الأساتزة .. يعني هوي الي بيعطي دروس للاساتذة بالاستذة .. عرفت كيف
هيك استذات بقلب بعضون يعني

ما قدرت ما جاوب :oops: فيي انا والأستاذ (الي حين رغبته بالتصريح عن اسمه) .. مشكلة قديمة ..انو لما بيسألوني هوي بيجاوب .. وبيجاوب بالظبط متل ما كان بدي جاوب ولما بيسالوه بجاوب انا وبالظبط متل ما هوي كان بدو يجاوب .. هال المشكلكة صايرة قديمة .. وكانت تزعج ابونا سمير -الله يزكرو بالخير- ودوم يقلنا كل مين يجاوب عن حالو - على امتعاض يعني - :P

سؤالي ا ذا عطوك يوم كامل تكون فيه رئبس جمهورية :roll: قصدي انو ايا بلد بتختار لتحكمو؟ :P

مين انت وشو اسمك وشو هدفك بالحياة

شو هوي أظرف موقف حدث معك ؟ :jakoush: :confo:

لما بقرا توقيعي
:D :D :D :D :D

يا جماعة الأسئلة هلأ موجهة للأستاذ :)

مو للكبير :(

مع الاحترام طبعا :lol:

شكراً للكل :D
مع إني كنت حابب يكون في أكتر من هيك أسئلة :!: و أنو تكون الأسئلة حساسة أكتر :sosweet:
على كل حال ما فيني طول بالرد لأنو اليوم الضهر رايح على حلب و راجع السبت و ما معقولة نطركون لوقتا

julia: سؤالي هوي : مين أغلى إنسان عليك

والله أأنا عندي مشكلة أنو قلبي بيسع كتير وبقدر عدلك على الأقل سبع تمن أشخاص هن الكتير غالين عليي (طيعاً من بيناتون حضرتي) يمكن السبب أنو قلبي متل شي مدرسة بتعطي شهادات للطلاب و ما ممكن ترجع تاخدا منون............... مع العلم أنو من بينات هل الناس الأغلى عليي مين ما عندو أي فكرة عن الموضوع و ما ببادلني الشهادات( المعزّة)............ مدري هل شغلة منيحة مدري سيئة الله أعلم....... بس أنا هيك جايي من الوكالة

Geeny: شو أصعب سؤال انسألته بحياتك

يعني الجواب بالنسبة إلي كتير سهل و واضح بس بالنسبة إلكون رح يكون كتير مبهم
أصعب سؤال إجاني بكلمة_ ليش_ و صعوبتو أنو كان بالنسبة إلي جواب مش سؤال
(يلي بحب أنو يستزيد من الموضوع فينو يبعتلي رسالة خاصة)

architecturer: اذا شي مرة كنت ما شي انتي وخطيبتك بالشارع وصادفت شخص بتعرفوا وبتعرف انو رح يبهدل حالو و يبهدلك معو اداما..............شو بتعمل ؟ ( يعني شخص غليظ و ما بيعرف يتصرف(

يعني بعتقد أنولو شو ما كان وضعو هاد الشخص ما ممكن يبهدلني قداما
لأنو رح كون أنا بعرف شو هيي وهيي بتعرف شوأنا و ماني بوارد خبي عنها أي شي أو أي شخص في علاقة بيني و بينو
أما لو كان هاد الشخص بحبو حتى لو كان مبهدل فبنبسط أأني عرفا عليه لأنو من خلالو رح تعرفني أكتر
بس إذا هاد الشخص دمو تقيل و لزقة يعني سواء كانت معي أو لاء رح أعمل حالي موشايفو وأزمط بريشاتي
يستر عليكون كل شي إلا السماجة وتقل الدم


hashtnasht: استاذ عفواً يعني بس بدي اسألك هالسؤال
انت بالحقيقة استاذ شي؟؟؟؟

كلمة أستاذ هيي بالأصل كلمة فارسية معناتا المعلم والمربي
ومن جهة تانية كلمة أستاذ هيي اللقب يلي بنادو فيه الشخص يلي بيمسك الحسابات بأي جهة
و أنا بالحياة العادية دارس المحاسبة و إدارة الأعمال وبحاول علم الناس المحبة
وبالأخوية أنا مربي و بنفس الوقت المسؤول المالي وماسك الحسابات
وبالتالي شي طبيعي كون بالموقع """ الأستاذ""" ........... عُلم
Dr_HUS:الإستاذ متل ما اتقول .. استاذ الأساتزة .. يعني هوي الي بيعطي دروس للاساتذة بالاستذة .. عرفت كيف هيك استذات بقلب بعضون يعني
لك يسلم هالتم........ ايه هي الأستذة

nana: سؤالي ا ذا عطوك يوم كامل تكون فيه رئبس جمهورية قصدي انو ايا بلد بتختار لتحكمو؟

يعني إذا شغلة يوم واحد بسيطة، أكيد ما بنقي ولا بلد من بلادنا العزيزة كتير على قلبي
لأنو لازم خلال هاد النهار فرفش و إنبسط وما فكر بالانقلابات و الاغتيالت يلي ممكن اتعرضلا، هادا من جهة
و من جهة تانية يعني ماني ضمنان شو بدو يصير فيي بعد هاد اليوم لما يجي صاحب الحظ السعيد خَلَفي

drhas: مين انت وشو اسمك وشو هدفك بالحياة

أنا سر إنسان
و اسمي بكتبو بأعمالي و كلماتي
و هدفي بالحياة كون أنا و خلي غيري يكون هوي

rowaf: شو هوي أظرف موقف حدث معك ؟

مرة رحت على صيد العصافير بالليل مع أولاد عمتي، وليلي بيعرف الصيد بكون والعصافير نايمة على الأغصان
فضوولي بالبيل على الشجرة و صوبت على عصفور و قوصتو و نزل من أول ضرب بضربو بحياتي فقالولي الكل أنو أنا خلقت معلم بالصيد
و لما اجينا نكمل ضوينا بالبيل ولقينا العصفور لساتو محلو وطلع يلي صبتو عصفور تاني ما كنت شايفو
(ملاحظة: أنا ماني من هواة الصيد، لا بالعكس أنا من غير محبذينو)

و بالنسبة للمتهم التالي أنا ما بعرف إذا جو قعد على الكرسي
إذا لاء رح بسألو هل الغربة بتغير طعم البلد عند الواحد :?:

لبقا تحكي كتير لأنو بلشت تكشف حالك يا أستاذ :)

اي عمي جو 8)

أكيد انتي مجرب تحب هون قبل ما تسافر :!:

وأكيد حبيتلك شي حدي هونيك :wink:

في فرق بين التنين :?:


وبصراحة :D

ايمت أكتر مرة عصبت ونرفزت

متل ما فهمت من الكلام أنك مسافر فشو علمتك الغربة وشو غيرت من شخصيتك؟

حسب وجهة نظرك ... بعد فترة معينة ببلش الواحد يبطل يكون مشتاق لبلدو متل ما بيكون في البداية يعني بيتعود عالعيشة بالغربة ...أو هاد الاشتياق بيذيد كل يوم عن يوم ... متل ما عميصير معي :?:

صعبين الاسئلة :?

ايه يا معين

الاستاذ: رح بسألو هل الغربة بتغير طعم البلد عند الواحد ؟

انا بتخيل انو قصدك البلد هوي البلد الام سوريا.. انا قريبا رح انزل ع سوريا لأول مرة من بعد ما سافرت ع كندا - حوالي السنتين - و بصراحة سؤالك مخيف شوي و انا ناطر لأعرف الجواب بنفسي بس أنزل! بس مبدأيا فيني قول انو نعم أكيد بتتغير النظرة لكتير أشياء... يمكن بتصير سوريا أقرب لمكان اصطياف و زيارة الاقارب منها لمكان اقامة و استقرار و عمل... بس منشوف بس انزل و الله يستر :!:

architecturer :
أكيد انتي مجرب تحب هون قبل ما تسافر

وأكيد حبيتلك شي حدي هونيك

في فرق بين التنين

اي و الله في فرق يا شريك.. يعني بالنسبة لتجربتي بسوريا كان فيك تقول عنها حب "صادق" و لو كان حب مراهقة.. و عادة المشاعر على الاقل فيك تقول انها مانها متركزة حول الجنس... يمكن لانه المجتمع بدون ما تحس بقلك ما تفكر بهل طريقة لانو ما رح يمشي الحال! (بشكل عام طبعا)
بينما هون أول شي بطلت "حب" بمعنى الحب... يعني صار اكتر منه اعجاب و معنى جنسي اكتر.. و حتى لو انو صاحبتي الاخيرة هون كانت سورية!! بس بدون ما تحس.. الاشياء يلي بتحكي فيها معها و "بتتوقعها" منها و هي بتتوقعها منك... بتختلف كتير.. و معنى الصحبة بيفرق. طبعا ما عم قول انو هون ما في حب حقيقي و هل حكي.. أكيد فيه... و حتى احيانا العلاقات غالبا بتكون جدية اكتر بكتير من سوريا... بس يعني... في حرية اكتر

mhmary: ايمت أكتر مرة عصبت ونرفزت
و الله انا بشكل عام بعصب كتير من الانسان البليد و الجاهل و الغبي... أو اذا مرق الباص من ثانية و ما قدرت لحقو! بس بشكل عام انا ماني انفعالي ابدا و اعصابي كتييير هادية و باخد الامور ببساطة.. يعني ما بذكر موقف معين

julia: متل ما فهمت من الكلام أنك مسافر فشو علمتك الغربة وشو غيرت من شخصيتك؟
يمكن صار في اعتماد اكبر بكتير على النفس و تحمل للمسؤولية ... بس كمان ناطر لانزل ع سوريا لانو لما انزل بتخيل رح اعرف الجواب و اتأكد اذا انا عن جد تغيرت لما لاء

saeed: حسب وجهة نظرك ... بعد فترة معينة ببلش الواحد يبطل يكون مشتاق لبلدو متل ما بيكون في البداية يعني بيتعود عالعيشة بالغربة ...أو هاد الاشتياق بيذيد كل يوم عن يوم ... متل ما عميصير معي
و الله أول شهر ما كنت مشتاق
بعدين مرقت فترة صرت كتيييييير مشتاق خصوصي انو صرت احكي مع الشباب على المسنجر
بعدين فترة سباااات بيتخللها بعض الاشتياق!
هي بصراحة بتتعلق بالشخص و المدينة العايش فيها... يعني انا هون اكتشفت بعد فترة انو عندي رفيق من حمص من حارتنا!! و شاغل حالي بالدرس و شوية شغل... بقى لاء الشوق ما عم يزيد.. فيك تقول عم ينقص :roll:


حاجتي ما
:lol:
شو mhmary باشا شو رأيك تشرف عل كرسي

شو أكتر مرة أنبك ضميرك؟؟

شو هو أكتر موقف قربك من الله :?: :?: :?:

شو هو أكتر موقف قربك من الله :?: :?: :?:

الله يتلطف فينا :lol:
هلق أنا رح جاو بعد 33 ساعة من هلق

في شي مرة حدا من رفقاتك يلي بيعزو عليك زعجك كتير ؟ :?:

وشو كان السبب ؟ :?:

:D

اذا خيروك تخلق بدل شخص تاني ممكن مشهور او عادي مين بتنقي؟؟