|
انا مسلمة لانو الاسلام اشمل من سوريا
مع اني بحب سوريا مووووووووووووووووووت بس انا شايفة انو نتائج التصويت صارت اكتر نسبة مسلمة ورغم هيك لسا لهلا ما بيقيموا وزن للاهانات اللي بتجينا بس مو مشكلة النا الله قادر على كل شي |
أكيد أكيد أكيد لسوريا...
بحلوها وبمرها...لسوريا بكل شبر من ارضها وترابها.. باحزابها ومعارضتها وكل أديانها وكل طوائفها... بكل حارة من حاراتها وكل شخص بحمل ذرة حب لهالجنة.. عالهامش* هالاستفتاء نبهني على شغلة كتير مهمة لاحظتا بالنتيجة..ازا كمل الاستفتاء عهالحالة بفضل انو نذكر الكل انو الوطن وكرامة الوطن اهم من كتير اشيا تانية حتى لو كانت الدين..وحب تراب الوطن والانتماء الو اهم من كتير اشيا... :larg: |
ليه هو في أصلا حد متبع ديانة من يلي قلتهم
البشرية ما بتعرف ولا بتعترف بدين غير دين العادات والتقاليد لو كان كل واحد بيعبد ديانة لما كان يلي بنشوفوا على هالارض موجود وللجميعــ  |
اقتباس:
إذا نتيجة التصويت رج تبقى هيك فعلى الأخوية السلام :jakoush: |
اقتباس:
ولما قريتو فورا تبادر لراسي سؤال معين وبما اني بحب الطابة فسؤالي عن الطابة فروض انو منخب سوريا الوطني لكرة القدم عم يلعب مع منتخب ايران الوطني بمباراة معينة طبعا منتخب سوريا متنوع الاديان والعقائد ومنتخب ايران تغلب عليه النسبة الشيعية بسألك انت بتشجع منتخب ايران بهي الحالة ياريت تجاوب حتى اعرف كون نتيجة بعلقي ليلي انحكا من كل الاعضاء شكرا الك:deal: |
اقتباس:
الله حيو الطائفة العلوية لأجلك ... ياريت كل الشيعة ببلادنا تفكيرهم متل تفكيرك :deal: كانت بلادنا بألف خير ونعمة |
سوريا
   1839.13%الاسلام    1839.13%المسيح    بجد النتيجة مضحكة جداااااااا ^_^ |
عنجد هالشي ولا في تزوير او لعب بالنتائج...:cry:
|
اقتباس:
|
اقتباس:
شو هية هالفكرة .. عجب نفس الفكرة اللي براسي ولا غيرا ؟ |
برأيي في خطأ ب " طريقة " و " توقيت " طرح الموضوع ..
حاولت اني جاوب على انتماء واحد منن .. :lol: ما قدرت اساسا ً ما حسيت اني بقدر احصر انتمائي لشغلة معينة انا مسيحية .. ومسيحيتي بتحتل جزء كبير من حياتي ومعتقداتي وانعكاس تعاملي مع الناس .. انا سورية .. وسوريا بلدي .. اللي بحبا .. بغار عليها .. بخاف عليها .. :) وبفتخر فيها ... انا مرسيل .. بحس بانتمائي لذاتي :lol: ولعيلتي و للقضايا اللي بآمن فيها ما في اي انتماء فين بيتنافى مع التاني فيني كون مسيحية سورية مافي تعارض متل ما فيني كون .. بعثية سورية او شيوعية سورية :shock: وبخصوص الإجابة تبع الحرب :lol: في حال نزل المسيح شخصي .. ( مدري هيك شو طلع براسو ) وحارب سوريا .. ما رح وقف بصفو ولا رح امسك بارودة دافع عن سوريا رح امسك كرتونة كاتبة عليها .. أوقفو الحرب .. اوقفوا العنف :lol: لأنو وقتا بكون عم انتمي للقضية اللي بآمن فيها لهيك ما حسيت فيني صوت وما صوتت :mimo: |
يعني عفوا ً منك ناقص خيار واحد و هوي " موزامبيقي " .. :lol:
أنو معليش معليم ما فهمت شي أنا شو دخل الإيدولوجية تبعيت البني آدم بانتمائوه أو ميولوه الحزبي أو القومي .. :? |
اقتباس:
|
صباح الخير اخوية
بما انو الخيارات كلها اما اقليمية او سياسية او دينية ف لحسن حظي انو لقيت خياري ولا وحدة من هدول لاني مواطن بلا وطن وعبد بلا رب ولا دين وعضو بلا احزاب و شكرا |
أنا عندي اعتراض عالخيارات
سوريا - اسلام- مسيح- حزبي- و لا وحدة اللي فوق أول 3 فهمتهون (و صوّتت لأول وحدة طبعا).... نوعا ما بس سوريا ممكن انتميلها كقومي سوري, أو ممكن كوطني سوري... في فرق ممكن حدا يتكرّم و يشرحلي مين الحزب اللي يحط الانتماء لألو فوق الانتماء الوطني أو الديني؟؟ الاممية الشيوعية يعني؟ و منشان خيار ( ولا وحدة من اللي فوق) 18%....وين كل بعثية البلد؟ ما هاد الخيار شامل العروبة اللي الكل نسيانها ( و بيني و بينكون هاد اللي فرحان عليه أنا :lol: ) |
بك تتكى على أيقونة الرد الصاروخي ، بأيتها مشاركة (المشاركة الي عم بترد عليها يعني)، لحتى يتنشط هذا الصندوق و إتصير فيك تكتب فيه ...
|
اقتباس:
كبير!!!!!!:D |
اقتباس:
يعني, مو اذا كانو 100 واحد بامنو بفكرة, و 10 بامنو بفكرة. معناه انو ال 100 هني صح. مانا هيك ولا بحياتا رح تكون. ثانيا, لو شو ما عملت ادارة اخوية, رح اتضل بنظركون انتو اللي انتمائكون اسلامي بحت. رح اتضل بنظركون انو الادارة مقصرة. لحتى, يقلب الموقع اسلامي, ويفتح قسم اسلامي, ويمنع اي حوار عقلاني, اذا دخل فيه الدين, اللي من المستحيل يتم التغاضي عنو وقت منشوف مشاكل مجتمعنا. وهالشي (يعني اسلمة اخوية) بحياتها ما رح تصير. اقتباس:
|
اقتباس:
مع اني كل ما بشوف مشاركة جديدة بالموضوع برجع وبتفقد التصويت, بقول بلكي هاه, بلكي.. بس بجد ما انتبهت لهلخيار نهائيا :shock: |
اقتباس:
عم اسأل عن جد... لأنو حتى لو الاممية الشيوعية الكلام مو دقيق... |
اقتباس:
بيومتا وصلني ألف إيميل فوت صوّت لهالصباط و فوت صوّت لهالكندرة .. لذا فما بستغرب نتيجة أي تصويت بكون المشاركين فيه عرب .. :lol: |
اقتباس:
يعني هلق اذا بتسأل الوزراء الشرفاء كلياتهون (يعني كل الوزرا) رح يقلولك انتمائهون لسوريا. والحزب هو بس حزب عندو المقومات انو يوصل سوريا للمكان اللي هني بدهون ياه. وفهمك كفاي.;) اذا عرف السبب بطل العجب اقتباس:
بزماناتي قلتها, وبرجع بقولها. اي تصويت مشاركينو عرب, فهو تصويت فاشل سلفا. |
شغلة تانية, التصويت لا يحمل مقومات التصويت الموضوعي لسبب آخر: بعد الحجب أكثر من 30 بالمية من رواد المنتدى غير سوريين و كمان عم يصوتو و طبعا ما راح يصوتو انتماءهون لسوريا!
عندي سؤال لحد المصوتين لأحد الدينين بلكي حدا يجاوبني و بكون ممنون سلف. هلأ بفرض انك سوري مسلم أو سوري مسيحي, تصويتك بأنو الانتماء الاساسي لدينك يعني انو انت تشعر انو واحد من غير بلد و حتى من غير لغة و غير كل شي هو أقرب بالنسبة الك أو تشعر بالانتماء الو أكتر من ابن بلدك اللي مختلف عنك بالدين؟؟ يعني جارك زميلك بالشغل بالمدرسة بالجامعة .... |
اقتباس:
اسمحلي جاوب عن سؤالك انا بنت سورية مسيحية والمسيح بحياتي الو دور مهم كتير وأكيد مفتخرة بكوني مسيجية بس بالنسبة للاستفتاء انا جاوبت سورية لأن بكل بساطةإذا إنطلب مني اختار وين بحس بانمائي هل هو مع جاري مثلاً أو مع شخص مسيحي تاني بأي بلد من بلاد العالم جاري مهما كانت ديانتو رح يكون اقرب الي من اي مسيحي عايش باورويا ولا اميركا لان جاري هو ابن بلدي ووجعو من وجعي وفرحو من فرحي بس على ما يبدو بالأخوية العالم ما هيك بتفكر وتفكيرها طائفي كتير !!!!! فإذا نحن جيل المستقبل تفكيرنا هيك فياترى شو هالمستقبل اللي عم يستنانا |
هاي هدية للشباب و الصبايا ع آخر هالليل
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - و من هالموضوع من اللينك بالذات هالرد هدية لكل سوريي الانتماء و الله يخليلنا ياكون و يفرّحكون ببلدكون اقتباس:
|
أولاً أنا سوري
ثانياً أنا مسلم علوي صراحة أنا اعتقادي انو المنتدى مسيحي محض لعدة اسباب 1- اسمه أخوية وهو باعتقادي اسم مسيحي كتير و باعتقادي جايي من تأثر صاحب فكرة المنتدى بفكرة الأخويات المنتشرة برا بالجامعات الغربية عموما و الامريكية و الكندية خصوصاً 2- الجو العام تبع المنتدى بتحس انو في كتير نفحات مسيحية 3- المواضيع تبع المنتدى تخص "و الحق يقال " الكل المسلم و المسيحي بس في زيادة شوي بالمواضيع المسيحية هادا رأي زلمة ما غلو علاقة إلا بحالو و شكراً على المتندى الظريف و المفيد رغم إنو لهلأ ما عرفت ليش ما فيني نزل مرفقات وشكراً |
اقتباس:
المسيح يحميكي و يحفظك و يسعدك و يسعد بلدك و جيرانك فيكي الك مني باقة ياسمين شامي :mimo: |
اقتباس:
مشان كلمة حزبي ماكنت بعنيه فيه الحزب الشيوعي (باعتبار اني يساري) بالبالقصد ان اي حزب من هالاحزاب الي بالساحة سوريا بعني فيها سوريا ...هالوطن الباينت صار منسي اما ولا وحدة هاد حطيت للاشخاص الغير سورين والي مالاقو اسم الوطن الي بينتمو لالو اعلاه او اشخاص بانتماءات شخصية او اديان غير المذكورة |
بالنسبة الي .. انا سوري اه يا نيالي .. :larg:
والشباب والردود الباقية .. حكت كم كلمة ممكن كان اني احكيون .. :D |
اقتباس:
عرفت وين طلع الصواب ...يعني الرفاق بيتضامنوا مع الافغاني الي جاي من برا ضد التقدمي السوري او يمكن شي هالرفيق الي مصوت المسيح يوقف مع شي جيش مسيحي جاي ياخد هالبلد انا ناطر نهاية هالتصويت...يعني بعد بكرا :jakoush: |
اقتباس:
رفيق ياس انا يساري اممي اوومن ان الاوطان انحطت حواجز امام تكاملنا الانساني ..بس رغم كل هاد انا صوتت لسوريا لاسباب منها ان بالفكر الاممي بنومن ان الي مافيه يحس بالارض والشعب والانسان الي محيط فيه مستحيل راح يحس بالانسان الي غريب عن ومستحيل يوم من الايام راح نملك وطن كبير بيجمعنا كلنا |
اقتباس:
دعائك هاد بيسوى الدنيا عندي ما بعرف شو توجهاتك دينية أو لادينية.....:oops: بكل الاحوال الله يحفظك ويحميك ويحمي بلدنا :D اقتباس:
ولا عندك أمل تتغير النسبة !!!!! |
اقتباس:
40 % بس والباقي عدد ؟؟ يمكن للكتار مابيعني هالاستفتاء اكثر من عدد بس لالي بيعني كتير هلق راخ تقولو ان هالناس الي صوتت منن سورين ..حاج نكذب علي بعض عنا بالمنتدي ميت الف مشترك لو قلنا في منهن 100 سوري بس فعالين وياستي لاتقنعوني ان بس 19 سوري في بهالمنتدي او عدد السورين الي بالمنتدي اقل من 40% :jakoush: في مشكلة ...عنجد ياجماعة شي بيزعل |
اقتباس:
انت بتعرف انو الموقع محجوب بسوريا أكيد :cry: و تصويتك حجي مو خارط مشطي لأنو خياراتو مو دقيقة بنوب, و المنتدى برياحة فيو 40% غير سوريين هلأ:pos: ع كل حضرلي حالك بكرا عندك اجتماع حزبي بالمنبر موضوع النقاش فيه هو الاممية و الوطنية:jakoush: هلأ رايح نام لا تشاغبو بغيابي ها :lol: :D |
اقتباس:
|
اقتباس:
ما رح تزبط معك ....... فقدان الامل عنا موجود بالفطرة |
اقتباس:
ابو شريك معروف جدلاً انو المنتدى ازا مافي ازا مافي فيه فوق ال 60 بالمية سوريين نشطين وبالاضافة للحجب شكلو هالايام صاير حتى الواحد يقول شو رب جنسيتو عميتردد فيها ..... وفيها إنا . |
ممم انا ولا وحدة من هدول انا بكل فخر عربية
ما بيهمني كون سورية او لبنانية مسيحية ولا مسلمة سنة ولا شيعة الحسين ولا يزيد المهم انا عربية والكل اخوتي هون شو ما كانت مللتهن او جنسيتهن وتسقط الطائفية والعصبية القبلية:larg: |
أممي اممي اممي :jakoush::jakoush::jakoush:
والله ما في داعي للتشاؤم الموضوع اكتر من عادي انا شرحتلك ليش ممكن تجي نتيجة التصويت هيك يعني انت فكرتك كانت انو بهالوقت يلي فيه تشنج طائفي باخوية بلكي الوطن بيجمع لا مش بهالوقت ما الحروب الاهلية كيف بتصير نتيجة حساسيات الوطن ما قدر يطوقها الحساسيات بتخلي كل واحد يرجع لتعصبو وقلتها قبل مرة بعدين الشريحة الموجودة هون لاتعبر عن كل شرائح المجتمع انا بقلك كل مواطن عربي وسوري بالاخص فرح وطار فرحا لما غادة شعاع حققت ذهبية عربية ورفعت علم البلد في سماء امريكا كل الناس فرحت لما المنتخبات حققت انجاز كل الناس فرحت لما المسلسلات السورية لاقت رواج وهي المسلسلات اكيد مش اسلامية ولا مسيحية وكل مواطن سوري بيشعر بالفخر لما ممثل او مسلسل بياخد جائزة معينة كل مواطن سوري بيفرح بمبدع من مبدعي سوريا كلنا بنحب نزار قباني وكلنا بنحب ادونيس كلنا حبينا عز الدين القسام وصالح العلي وسلطان باشا الاطرش وابراهيم هنانو واحمد مريود ويوسف العظمة نحنا بنكبر بهالوطن وانا واثقة انو يلي صوت لدينو او طائفتو اكيد ما كان قصدو انو يبديها عن الوطن لانو الطائفة ابدا ما بتعمل وطن....................... |
اقتباس:
شو دخل الطائفية العلوية بالنص ;) |
| الساعة بإيدك هلق يا سيدي 23:42 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
