اولا ما بعرف شو المانع اذا كان في مواضيع عن الاسلام .. لانو في كمان مواضيع عن المسيحين ..
كل واحد حر بديانته .. !!

وبعدين مو لانو اول ما تكون رد من مسيحي بصير خلاف ..

بس لو انو المسيحي لما يعمل رد .. بعمل رد باحترام وما بجرح .. بالعكس ..

بلاقي احترام كبير ..

اما اذا كان مسيحي بعمل رد بجرح .. وبستهزئ على الموضوع ..

فشو بدك من باناء هذه الديانه يعملوا .. يهنوا على هيك رد ..

خذها على نفسك اخي .. بتقبل واحد من ديانه غير ديانتك ..

يعطيك دروس عن دينك .. ويستهزئ من دينك !!

قبل ما تسال .. اسال نفسك ..

;)

بدون زعل .

بالنسبة للاعضاء اللي عم يسألو عن بيتي...
بتخيل جاد (wili) حط توضيح عن الموضوع...بس الظاهر انكون ما قريتو...او ماقريتوه منيح....
بيتي مادخلت المعتقل بسبب هاد الموضوع بالذات...وانما لانو هي عندا عدد كاف وواف من المخالفات....يعني تراكمت عندها المخالفات....و لما خالفتها بسبب هاد الموضوع...كان باقيلا 20 زعلة لتفوت المعتقل مثلا...و هي المخالفة كانت ب 20....وصلت الفكرة؟؟؟

مجموعة توضيحات ضرورية على ما يبدو:

أولا: فيما يخص العضوة صاحبة الموضوع و دخولها معتقل المنتدى:

ليس صحيحا أبدا أن العضوة تم ارسالها بالمعتقل بسبب هذا الموضوع. أساسا المشرف ما عندو قدرة يرسل حدا عالمعتقل, فوتتة المعتقل الكترونية و مبرمجة ببرنامج المخالفات و دخلت لتراكم المخالفات عليها (3 مخالفات بيومين) و أتحداها تثبت انو أي وحدة من الثلاث مخالفات باطلة أو ما تستحقها.

ثانيا: افتراض ترفّع المشرف عن المحاسبة و التقييم:

"يا أيها الذين آمنوا لا تقربوا الصلاة"......

مواضيع المساس بالاشراف ممنوعة في الاقسام العادية لوجود قسم كامل خاص بالشكاوي اسمو بريد المنتدى. المشرف مانو مجبور, مو مانو مجبور, ما فينو, ما بيلحق يبحبش بالأقسام بحثا عن مين زعلان منو اليوم... ما خرج. المشرف عضو مثلو مثل الاعضاء عندو شغلو و دراستو و حياتو و يا دوب كل مشرف ملحّق قسمو على حساب مشاركاتو و قرائتو للمواضيع بخارج قسمو

قسم بريد المنتدى مفتوح و موجود لكي يوضع فيه كل شكوى او استفسار بكل ما يخص المنتدى و العمل الاشرافي, و تقارير المشاركات العاطلة موجودة لتسهيل المهمة الاشرافية كذلك... كلاهما يستعملان بقلّة شديدة.... 80% من تقارير المشاركات العاطلة يرسلها المشرفون المتقاعدون لأنهم يعرفون نفعها و جدواها. يبدو انو بعض الاعضاء يفضلون فتح مواضيع رجم علني لمشرف قبل الاستفسار في البريد أو ارسال تقرير مشاركة عاطلة. و لا أعتب على هؤلاء... أعتب على من يحكم فورا ضد المشرف دون معرفة الحيثيات و يشارك بسعادة بالغة في الرجم.

ثالثا: حق المشرف بعدم التجريح:

المشرف, كغيره من الأعضاء له كامل الحق في أن تخالف الاساءات التي تهم شخصه, و الاتهام الباطل اهانة و اهانة شديدة كمان.... هلأ لو مثلا, خلينا نقول محمد ابراهيم فتح موضوع بالصالون انو مثلا وسيم عم يبعتلو رسائل مسبات و اهانات ووسيم بيقول انو لأ هو بعتلو رسالة عادية, ما تقولولو وين هالرسائل يا محمد شوفنّا لحتى نحكم اذا مسبات وللا لأ؟؟ و اذا محمد تهرّب ما تقولون انو ادعاء محمد باطل ما لم يثبت و على هالأساس هو غلط بحق وسيم؟ (مجرد مثال يعني بعرف الشباب ما راح يزعلو). ليش الشي اللي يعتبر بديهي بالنسبة لعضوين كتير صاير معقّد بين عضو و مشرف؟ يعني الاتهام الباطل للمشرف (عم ركّز على الاتهام الباطل لأنو يبدو انو الاعضاء بشكل عام رأسا يصفّو مع العضو و كأنو المشرف ضابط اسرائيلي بالشجاعية بغزّة.... عدا الاهانات و المسبات اللي نتلقاها علنا و خاصة و اللي ما بتوصف غير صاحبها).

بتمنى كون وضحت الأمور الأشخاص اللي بدهون انو تتوضّح... هواة الرجم و القذف الهون مني:D

welcome to world

العنوان اسمه بلا تمسيح جوخ

خليني احكي بلا تمسيح جوخ

ببساطة الكل بيعرف " واللي ما بيرعف صار هلق بيعرف " احدى صفات موقع الأخوية انه موقع مسيحي

بالوقت اللي فيه المواقع الاسلامية معبية الدني والاهانات الموجهة للمسيحيين فيها لا تعد ولا تحصى

اكيد ما بدي انا احارب الوماقع او شي منهاد الشي مع انهم عبيتعدوا حقوقهم وعبهاجموا المسيحيين

بموقع متل هاد من البديهي تشوف مواضيع مسيحية او ذات طابع كنسي مسيحي وما بعتقد غلط اذا كان رسولي ويا اخي بابشع احواله تبشيري

ممكن تتقبله على مبدا الموقع ذو طابع مسيحي

انا ضد تمييز الناس على مبدا مسيحي ومسلم او عربي او اجنبي وبعتقد الموقع كمان مع هي الفكرة السبب والدليل امكانية الاشتراك لاي عضو شو ما كان دينه او مذهبه

يا اخي في عندكم الانترنت طوله بعرضه ممكن يلبي لكم خدماتكم اذا كنت تبحث عن التبشير فيا اخي بشر بغير حمل اما اذا كنت تبحث عن التحقير بالديانة المسيحية فمن الغباء نفتح لك ايدينا وناهل ونسهل فيك " عبحكي بلساني الخاص كوني مسيحي منتسب لموقع مسيحي "

طلبنا غريب اذا طلبنا بموقع مسيحي ما يكون في نوع من المواضيع الاسلامية
مو من باب الكره او اي باب تاني بس انطلاقا من فكرة يا اخي هوي هاد الموقع المسيحي اللي عندنا اياه .

ما حدا يحسب باني ضد فكرة وجود المسلمين بالمنتدى بالِأخير المنتدى لا ملك اي ولا ملك لحدا من اجدادي ومين ما بده يفوق يفوق بس منكون عبمنطلب كيتر اذا حبينا تتم الأخوية اذت طابع مسيحي ؟!؟!

غابي...مو بس السيد المسيح(عليه السلام) و الديانة المسيحية ديانة تبشيرية
الديانة الاسلامية هيك كمان
:D

ما كنت حابب اتدخل بهالموضوع لانو النقاش ديني و انا هيك مواضيع ما بحب ناقش فيها لانو في شي بيقلك:
الدين لله و الوطن للجميع
بس جملتك هي خلتني شارك :D
:?
:shock:
معناها الموقع بالاساس مخالف للشروط الاساسية تبعيتو :lol:

لالا الواضيح فهتني غلط

يمكن بالبداية ضهر موقع الأخوية تحت اسم كنيسة لكن بعد ما تخلت عنه رفع راية اللي انت حكيت عنها
" الدين لله والوطن للجميع "

بس من الغلط اذا طالبنا كمسيحيين عرب اقلية انه يكون في النا موقع مسيحي يا اخي نحن ما بدنا موقع مسيحي لا بل انا برفض يكون الموقع مسيحي انا بدي اياه موقع رافع راية " الدين لله والوطن للجميع "
يا اخي موقع بيطلع لك لا يوجد نتيجة مطابقة اذا اجريت عملية بحث عن " محمد " او " المسيح "

بس برجع بكرر في مليون منتدى اسلامي بحت بيقدر اي شخص بحس انه ما بيقدر بدون ما يحكي بالدين ينتسب اله كمان في عدة مواقع مسيحية بحتة ما بينحكى فيها عن شي غير المسيح بيقدر اللي بحب هيك شي وما بيقدر غير يحكي بهاي الشغلات ينتسب الها .

خيو بدك ما تواخذني انا هلق ضعت و بطلت افهم شو عم تحكي
حاسس انو كل جملة بجهة و ما عم يزبط معي المعنى يا رجل :lol:
وضحلي يستر عرضك :lol:


الهيئة متقل العيار اليوم انا :hashish:

موقع مسيحي .. طب من الاول قول ..

وبعدين وين هالمواقع الاسلاميه يلي معبيه بالاهانات للمسيحين !!

انا عن نفسي شوفت مواقع مسيحيه بتشتم بالمسلمين ..

من وين جايب هالحكي !!

وبعدين في كثير اعضاء هون مسلمين .. يعني ما بنحسب هالموقع احد صفاته موقع مسيحي ..

احترام الغير واجب ..

يعني الي بحترمني بحترموا ..

لا يتعرض لديانات الآخرين إلا المجانين و الطفيلين ..
و معكي كل الحق ..
لا يوجد في أخوية مجانين ..

أدام الله علينا نعمة العقل ..

كلامك فيه مصداقية وأنا ملاحظ هذا الشيء على المنتدى ،،، لكني مطنشهم ومابدي احط احطاطي من احطاطون واشتغل فيهون ،،، وإلي تجربة في مسألة حذف الموضوعات // موضوع علمي يتحدث عن القرآن الكريم والاعجاز العلمي // وكان الموضوع موضح بالصور // الموضوع ما ظل بالمنتدى 24 ساعة وتم إلغاؤه // من دون الرجوع إلي // عيب ومو أصول // ومع هيك ما فاتشت ولا احتجيت // بالعكس احسست بخوفهم وضعفهم وقلة حيلتهم ،، نعم خوفهم وضعفهم وقلة حيلتهم ،، خوفهم وضعفهم وقلة حيلتهم :sick::sick::sick::sick::sick::sick::sick::sick::s ick::sick::sick::sick::sick::sick::sick::sick:


اخيرا وليس آخرا اشكرك بيتي لفتح مجال النقاش والمساءلة حول هذا الموضوع ،،، تقلبي تحياتي ،،، دمتم بسلام جميعا ،،،، وتقبلوا مروري من هوووووووووووووووووووووووو ووون

طامّة !

عندما تنسحب النقاط البيضاء من بقعة سوداء .. !

و طامّة أكبر !

عندما يقول أبيض لأسود : أنت أسود !

الأبيض الذكي يقول للأسود : أنت أبيض متغبر ..

/../

تعلمت في صرح الصمت أن ألجأ للرموز حين تكون الحقيقة ثقيلة ..

و نحن لا زلنا رغم اختلاف عروقنا ..
ننبض بدم واحد يتكون من خلايا دم حمراء و بيضاء و صفائح دموية تكون تجلطات و تخثرات في بقع النزيف ..

و لا زلنا رغم اختلاف انتماءتنا ..
أخوية في المودة أن زيادة في اليغض أو زيادة في الألم !
إذ هي أخوية عند أشخاصها تطلق على أشخاصها فقط ...
و لكنها في الناس تنبه إلى المعاني و الحوادث و الصفات المجسمة التي تنتشر عليها النفس أو تنقبض ..
و يتحرك لها الدم حبا أو بغضا أو رهبة و عطفا أو غلظة و أحيانا ..
إهمالا أو ازدراء ..

/../

لكل الجاحظين ..

انتظروا التحرير حتى تسلموا من رصاصة الحقيقة ...

مزبوط
يعني مبارح مثلاً كانت سرسورة مناوبة بالمشفى و كتير مشغولة ..... بس مع هيك لما خبرناها عن المواضيع ... اجت و حذفتهون

:lol: كدشتني كدش بهالغمزة ..
ع العموم انا قصدت انو المشرف بكون عارف كم زعلة عليها لذلك بعرف انو مخالفة اضافية ممكن توديها ع المعتقل وهون قلت لو يتروّى المشرف شوي لأنها هاي المخالفة رح تفرق كتير عن المخالفات التانية .. وكمان كنت بستفسر شو نوع المخالفة بهاد الموضوع .. مشان يكونو الأعضاء على نور ..

It doesn't matter
but first you will have to watch your language from now on when you talk about islam or do any comments
Well now
we need to have a clean slate
from now on people in here moslims and christians will need to treat each other with such respect
let's see how does it feel then
might you will have the brother you never had

متفق معك جدا , وحكيك سليم كلو كلو بس في عندي تعليق بخصوص المخالفة الاخيرة للعضوة
"مخالفتها بخصوص هذا الموضوع" .

*معروف طبعا انو في برمجة للمخالفات وفي عداد لما بيوصل للاخر بيروح الشخص للمعتقل .
*الصبية اخدت 3 مخالفات :
- وحدة مابعرف عن شو وليش . ما من العقل والمنطق احكي عن شيء مابعرفو (هون رح يطلع حكي عاطفي ومتحيز)لذلك مافي تعليق .
-وحدة منك بالموضوع المخالف (هاي انا شرحتا ووضحت للعالم وين خطأ الانسة بيتي فيها ) يعني بعتقد واضح الان انها اخطأت وساهمت في نشاط الموضوع بدل من السيطرة عليه ولذلك تستحق المخالفة.
-وحدة بسبب هالموضوع هون .
الشغلة مابدا تحدي :
خلينا نحكي عن المخالفة التالته والاخيرة (بخصوص هذا الموضوع) هاد كان حكيي امبارح
* هل الموضوع بغير قسمو بيستوجب تنبيه 20 زعلة !!!
بالله عليكم رح تزعلو معظم الاخوية وحتى مع شوية المجاملات المقبولة والغير مقبولة مارح يتحسن الوضع كتير ، رح يضل متلقو الزعلات عالم كتيييييييييييير .
-البنت اخدت تنبيه لانو موضوعها اتهام مباشر لاداء الاشراف (بغض النظر عن صحة اتهامها )

(مع التاكيد على شغلة ان الاتهام ما بيساوي الادانه على الاطلاق)
على فرض انو (الفرض موجه للجميع بلا استثناء، كل واحد ياخد الفرض على حالو)
على فرض انو انتا الك صديق وهالصديق قتلو شخص "مجهول" واجيت الشرطة واجرت تحقيقاتها وبالنهاية مافي ادلة متراكمة على شخص او ادلة دامغة على شخص محدد ،واللي صار انو تم توجيه الاتهام الى عدد من الاشخاص اللي الون علاقة بالمجني عليه(صديقك المقتول) . او الاتهام اتوجه لشخص واحد ما هون المشكلة (بالعدد) ،
المهم هل هذا يعتبر اهانه او تجريح او حتى ادانه ؟؟؟
-لو الامر هيك "كان يبقى موجود من ضمن حقوق الانسان او من بين دساتير وتشريعات الامم " عنجد ماصادفت اي بلد فيها قانون متل هيك "جايز لمعرفتي القانونية القليلة" بس لو فيه بلد بتقر قانون متل هاد هاتو لنشوف .
من كل هاد بدي وضح شغلة انو الاتهام ما بيساوي اهانة او تجريح ،
الا اذا احتوى نص عبارات الاتهام على سب او شتم او تعدي على المتهم لفظيا .

هون متفق معك 100%
100% ومافي 1% اختلاف
بس بدي وضح شغلة (هالحكي مانو موجه الك عالاطلاق )
بعرف انو مافي حدى علق على هالموضوع قبلي ، غيرك.
بس بردو ما موجه الك "ببساطة لانو بعرف رئيك بهالموضوع من قبل"
بس هاد لانو في "عالم من الاشراف" مؤمنة بانو الاشراف فوق الانتقاد والمحاسبة والتقييم .
طبعا بعرف شو هي مشكلتك " هي بطرح الموضوع خارج البريد" وما معترض على المبدا او الغاية انما اعتراضك على الوسيلة .
وجهة نظرك فيها منطق (انو يعني طالما في قسم متاح لهالشغلة ، فليش ترهقونا ب30 قسم بالاخوية وتحطو في هالمواضيع !!!) فعلا منطق واي حدى بيحط موضوعو خارج البريد ويكون مستني رد من الاشراف (بيكون شخص ما عقلاني وما متفهم لطبيعة عمل المشرف وواجباتو وطبيعي جدا انو ما ياخد رد من المشرف)
متل ما قلت وحكيت انا معك 100% (ما المفروض انو المشرف يكون صايع ما وراه شغلة الا الاخوية ) وما منطقي وما بيصير , واذا ظروف البعض سمحت للتواجد لفترات طويلة داخل الاخوية لبعض الوقت , فهاد ما بيكون متاح للجميع , وحتى للشخص الواحد بيجي عليه فترات شغل او دراسة او التنين + حياة المشرف الاجتماعية .
مارح نحكي كتير بشيء متفقين فيه بنسبة 100% .

بس الي تعليق بسيط .
التطور التاريخي لاخوية :
البريد كان مفتوح للجميع (اي اقتراح او طلب او ... من عضو ) متاح لجميع الاعضاء الرد بخصوصه واحيانا بغير خصوصه متل اي موضوع بالاخوية .
وهاد كان بيرهق كتير الحكيم او العراب او اي حد كان مسئول عن متابعة البريد وقتها لانو بياخد كتير من وقتو تركيزو ومجهودو .
وكمان كان في اكتر من سبب خلا الجماعة اخدو قرار بيؤدي الى حل هالمشاكل وغيرا ، بس للاسف كان تسبب القرار بتوليد بعض العيوب .
القرار هو "انو العضو اللي بحط موضوع هو بس اللي يقدر يشارك فيه"
كان القرار موفق في معالجة كم المشاكل الكتير ولكنو سبب مشاكل اقل رح اوضحها فيما بعد .
في هون 3 امثلة على مواضيع الي بالبريد كلها ب2006 بتواريخ
2-6

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

موضوع بطلب فيه سمايلات جديدة (لانو السمايلات القديمة كانت محدودة للغاية وقائم الموضوع وفكرتو على مشاركة الاعضاء في اختيار السمايلات واقتراحها . وأدى الموضوع لتطوير السمايلات بالاخوية تطوير كبير وفعلا الاعضاء شاركت وجابت سمايلات وغيرون اقترح بس , وبالنهاية حقق الموضوع شي للاخوية "بفضل مشاركة الاعضاء " على الرغم من ارهاق الحكيم بقراءة كم ضخم من الردود بموضوع واحد" وانا أظهرت موقفي بالموضوع انو انا ضد الردود غير الجوهرية او اللي بتبعد عن سياق الموضوع على حد ذاكرتي "ما متذكر تفصيلا".
وعفكرة كان هالموضوع سبب في دخول كوستا للمنتدى (بالصدفة البحته) بحمل كوستا منية وكمان الاخوية جيبتلا مشرف بموضوع من البريد ما من اي قسم تاني (طبعا بمزح)

24-8 موضوع مجلس امن (الطاوله المستديره المثقلة) اقتراح كريم للمناقشه

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

هاد كان نواة مشروع لزرع الديموقراطية بالموقع (عقب فشل الاطروحتين السابقتين)
للاسف النقاش فعلا تم بس ما وصلنا لشيء .
هالموضوع كان فكرتو هايلة بغض النظر عن اتفاقي حول التفصيلات بوقتا.

5-9 موضوع من نوع الفانتازيا (السمعه "نظام ينحاز للصبايا "شكوى عاجله")

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

كان في شغلة تطويرية بالمنتدى ومن الناحية التقنية ما اخدو الشباب في حسابون "سلوك البشر هون" فكانت النتيجة فشل التقنية على يد السلوك البشري للعالم هون .
بس هو موضوع طريف بطريقة دراماتيكية بصفة عامة .

*** واضح هلاء من ال 3 مواضيع انو المشاركة الجماعية عن طريق البريد الا مشاكل وعيوب والا مميزات .
المشاكل مانا بصدد الحديث عنها .
نحكي عن المميزات :
* 1. بوجود "مشكلة ما " صعب جدا جدا انو نلاقي شخص واحد يقدر يعبر عن اللي جوا الاعضاء تجاه هالمشكلة (ان ما كان مستحيل) ومهما كان مدرك للمشكلة وعلى اتصال تام بالاعضاء فهو بالاخر مارح يقدر ينقل كل اللي بداخلون (لانو احيانا بيكون بداخلون متناقضات مع اللي جواه هو شخصيا ناهيك عن التناقضات بين الاعضاء ذاتون ) ما معقول يكتب متناقضات لانو العالم رح تعتقد انو مجنون ، مثلا:
من كم سطر كان كاتب شيء وهلاء كاتب شيء غيرو واحيانا معاكس تماما .
لهالسبب دايما الاعضاء محتاجة تعبر عن اللي بداخلون تجاه المشكلة بذاتون (مع مراعاة تطابق الرؤى والمواقف بين البعض) بس بيضل في كتير شغلات محل اختلاف وعدم توافق .
ولما كان الاصل عدم فتح موضوع بيتعلق بظاهرة او مشكلة ما ، طالما في موضوع اخر عنها فكان هاد بيحكم عالاعضاء بكتم اللي داخلون لمجرد ان المشكلة مطروحة بالفعل (متناسين انو كتير بيكون الاعضاء بدا تعبر وتحكي اراء جديدة او افكار جديدة او افكار قائمة ومطروحة باسلوب جديد ورؤية جديدة او حتى نفس الشي مع اضافة جزء او حزف جزء شايفين انو ما مقتنعين فيه .
- وهاد ما متاح بالبريد لانو كل واحد حط موضوع هو بس اللي بيقدر يرد فيه وطبعا ما متاح الو فتح موضوع تاني وتالت ورابع وخامس وهكذا طالما في حكي جديد ممكن حد يقولو .

* 2. وقت يكون في مشكلة ما والاعضاء بدون يتناقشو فيها مع بعض مشكلة خاصة بالاخوية ، شو رح يسو ؟؟؟
يطقو او يموتو او ما يتناقشو !!!!
حتى البريد ما بيكفل هالحق .
يبقى لازم يشوفو قسم غيرو للحكي فيه او يطقو ويموتو وما يتناقشو .


* اذا التطور التاريخي لاحد اقسام الاخوية بيسبب حاليا مشكلتين رئيسيتين.
الاولى : مافي شخص رح يقدر يعبر عن كل اراء وتصورات الاعضاء ومابداخلون لما يحط موضوع عن هالمشكلة ،
الثانية :انو الاعضاء مافيون يتناقشو مع بعض بخصوص بلورة اراء تجاه احدى مشكلات الاخوية .

هاد فيما يخص "مبررات ايجابية جدا لكتابة الاعضاء خارج قسم البريد " من وجهة نظري .
وعلى قناعة تامة بانو الاشراف ما مطالب يرد عليون خارج البريد (اذا الظروف سمحت اوك يرد واذا ما سمحت فهاي ظروفو وما مطلوب من المشرف البحبشة بالاقسام لحتى يشوف شو موجود )
* وقت كتبت هالرد راعيت الحياد الشديد والموضوعية التامة (لا وقفت مع الاشراف ولا وقفت بصف الاعضاء)

هاتي عمتي قوليلي وين المواضيع المسيئة للإسلام اللي لساتها
بوافقك الرأي في بعض المشرفين متل فينا نقول تغيروا كتير لما صاروا مشرفين او حتى فينا نقول صار فيهن متل القادة العرب لما واحد فيهن يصير مسؤول بس بالمجمل في كتير مشرفين طيوبين .
بس يعني مو هيدا احسن وضع كان فيه اخوية
بس مو متل مانك عم تحكي
تحياتي الحارة
ظل جيفارا

انا ما كنت بعرف انو منتدى ديني مسحيي
وانا بالاصل ما بفوت منتديات دينية
اما انو حقك يكون الك منتدى ديني فهذا شي طبيعي
لكن
انا انتظر رد من الادارة بهذا الخصوص
لنعرف اذا عم تقولو للمسلمين اتفضلو بالذوق من غير مطرود لسا ما شفت رد من اصحاب الموقع
لانو شايفة كانو في تطنيش عن الموضوع
وكانو في موافقة ضمنية على الكلام
بس يلي مستغربة
انو ليش الحساسية من المواضيع الدينية
يعني في قسم انفتح برمضان للخيمة الرمضانية اصلا انا ما شفتو ولا فتحتو بس ما بتوقع عمل مشاكل
ما بعرف شو الغلط اذا نزل موضوع ديني لا يسيء الى احد
بانتظار توضيح

بالله هاد حكي؟؟ روح اشتكي على واحد انو ضربك و يطلع مو ضاربك... مو بس من حق الشخص اللي اتهمتو يحقلّو يشتكي عليك.... راح المحكمة نفسها ترفع دعوى عليك, و اسأل أي خبير قانوني.. الاتهام الباطل مو اهانة؟؟ اهانة و ستين اهانة, عدا الاتهام الباطل بهالحالة صار في طعن بنزاهتي كمشرف و كعضو و كشخص....

منشان ما يستمر الرجم كمان في حكي مهم: عدد الزعلات بكل مخالفة مو بأيد المشرف و لا يعرف قديه المخالفة راح يكون عدد زعلاتها مسبقا, هالشي يعتمد على شغلات منها عدد المخالفات الغير منتهية صلاحيتها و أمور أخرى حرص المشرف العام على ألا يعرفها المشرف, و المشرف كمان ما بيعرف كم زعلة لازمين لدخول المعتقل لأنو كمان بيعتمد هالشي على نفس عوامل عدد الزعلات


محمد ابراهيم انت صديق عزيز لأغلب مشرفي المنتدى, ليش ما تم مخالفة الاهانة بحقك كوننا على حكي العالم شلة بلطجية و عاملين عصابات من صحابنا متل فتوات حارات روايات نجيب محفوظ


اشتكيت شي انت لما ما تم المخالفة؟؟؟

ما عندي شي تاني أحكيه هلأ... غالبا الي رجعة للرد على رجم قادم





مو أنا اللي خالفتها

شكرااااااااااااااااااا كتير على هالموضوع اخت بيتي وكلنا معااااااااااااااااااااااا ااااااااااااااااااااااااا كي
وياريت هالمنتدى يبتدي بأصلاح نفسوووووووووووووووووووووو ووووووووووووووووووووووووو ووووووو
واللي بيغلط على الاسلالالالالالالالالالال الالالالالالالالالالالالا لالالالالالالالالالالالال الالالالالالام
ياااااااااااااااااااااااا ا ويلوووووووووو ويا سوااااااااااااااااااااااا ااااااااد ليلوووووووووووووووووووووو وووووو
كل واحد بيغلط بأي دين سمااااااااااااااااااااااا ااااااووووووووووووووووووو ووووووووووووووووووووووووو ي
مشان نبئى نحبوووووووووووووووووو :sly::sly::sly::sly::sly::sly::sly::sly::sly:
ومشان المنتدى يحافظ على حالو بالقمةةةةةةةةةةةةةةةةةةةة ةةةةةةةةةةةةةةةةةةةةةةة:sly ::sly::sly::sly::sly::sly::sly::sly::sly::sly::sly ::sly::sly::sly::sly::sly::sly::sly::sly::sly::sly ::sly::sly::sly::sly::sly::sly::sly::sly::sly::sly ::sly::sly::sly::sly::sly::sly:

لأا عزيزتي وضح ياس أنو هي غلطت على أكتر من شخص و أحدهم أنا .




ببساطة مين تضحك عليك و قلك هالحديث ؟!

نوّرنا بـ 06/01/2008

ما لحقت تقرا ربع مواضيع الأخوية ليحقلك تحكي هالحكي .. :lol:

في كتير مواقع إسلامية بتهين صلب العقيدة المسيحية

ليكون في علمك كلمة " الإنجيل محرّف " هاي إهانة للديانة المسيحية , و ما تقلي ما في مواقع إسلاميّة هيك بتقول ..

عموما ً و لتكون مطمئن , أخوية موقع سوري بحت , سوري و نقطة انتهى .. !

بلكي مسجل بإسمين بالمنتدى ، عادي وممكن تصير !!

بلاك حكون معاك بأن الموقع سوري بحت؛ ولكن مع الأسف الشديد يوجد قلة من الاعضاء {آفااااااااااااااااااااااا اااااات} ينقصهم الكثير من التربية وتعلم احترام الآخر بكل ما يتضمنه !!!!

هال حديث بتقدر تشوفه من اول ما بتفوت تحت الواجهة بتشوف مكتوب :
akhawia
انتم ملح الارض ولكن اذا فسد الملح فبماذا يملح

عرفت مين اقل لي هاد الحديث

حبيب الرسالة اللي تح تقولها قولها بدون تطويل مشان ما ينقال عليك شخص بلف وبدور كتير

بعد الحكي هاد بكون طلبنا كتير اذا طالبنا تكون الاخوية موقع ليس اسلامي

وبقول ليس اسلامي وما بعني ان يكون مسيحي

يا اخي اتركوا الدين على جنب " مسيحي كان ام اسلامي "
وخلينا نكون بالاخوية عبارة عن اعضاء بيكتبوا بالمواضيع وبيبتعدوا بشكل كامل عن الدين

لان التجارب كانت بشكل واضيح وصريح بان الاديان لا تملك امكانية التحاور " الاديان او الشخص اللي عبمثل الدين " بالامور المتعلقة بالعقائد والمبادئ اللي بيرتكز فيها الدين

انا كمسيحي صعب اتخذ موقف الحباب والآدمي وقت بشوف عنوان " التحريف بالانجيل "
متل ما المسلم من الصعب انه يتخذ موقف الحباب والآدمي من موضوع بعنوان " الارهاب في الاسلام "

باحسن احوال الحوار بده يكون خالي من الشتائم وليس خالي من تحقير الاديان

فليش حتى نعرض حالنا وديننا من للاهانة والشتائم وحرة البدن

خلينا مروقين ومبسوطين :larg:

وما بعتقد انه ممكن تشوفي شي اسمه اتفضل من غير مطرود لانه بالاخير انت مرحب فيكي وما شفتما بتذكر وقت سجلت بالاخوية اني عبيت خانة اسمها " الدين "
متل ما انذكر فوق حاليا المنتدى لا يملك اي طابع ديني لا مسيحي ولا اسلامي لكن هاد الحكي ما بيعني انه من الطبيعي يصير اسلامي اذا بدك تجاوبيني انه حاليا ليس اسلامي بجاوبك قبل ما تسألي اذا استمر على هاد الوضع لمدة سنة تانية بدك تشوفي مكتوب بالواجهة " باسم الله الرحمن الرحيم "

الخيمة الرمضانية ما كانت قسم للمسلمين كانت قسم للفعاليات اللي تصير بالمنطقة خلال شهر رمضان وبتذكر اني كتبت فيه اكتر من موضوع

هه طلع في شغلة تفلح فيها
حمل راية المتطرفين بالمنتدى:ss:
كل الأعضاء غلط وانت صح وأنا معك :deal:

* هلاء عرفت سبب المخالفة الاولى ,يللي ما كنت اعرفها .
بكل موضوعية وامانة (بيتي تستحق المعتقل من عند المخالفة الاولى )
انتي غلطتي غلطة كبيرة جدا جدا بحق زميلة الون هون , وردة فعلون عليكي كانت طبيعية بصورة او باخرى على خطأك .
والله انا لو موجود ساعتها كنت عملت معاكي اكتر من اللي عملوه وبصدر رحب لانو بالاول والاخر مرسيل ماتستحق هيك ابدا و هي بالنسبه الي شخصية عزيزة عليا جدا جدا واللي عملتيه بيزعل اي حد فمابالك اذا كن لشخصية مقربة للشخص !!(بس هاد ما الو دخل بخطأك الكبير) .
الحكي السابق موجه لبيتي بصفة خاصة وللجميع بصفة عامه.

ماقصدتك بالحكم والخصم (بس هو مبدأ عام)

مارح اعقب على ردك ياس الا اذا بدك !

* انا قادر على اثبات ان بيتي لم تستحق المخالفة بهذا الموضوع (هذا فقط)
* لا اتبرأ من اي كلمة كتبتا هون وعلى مسئوليتي الشخصية اثباتها من اول اقضية الاتهام حتى اخر حرف.
* بيتي مكانها المعتقل من قبل هالموضوع بكتير وهاد لا جدال عليه .

اهم شيء انا ضد اهانة اي عضو او مشرف على السواء وايمكن اكون مؤيد لاي اهانة او مدافع عنها .

طول ما فيه مساحة للنقاش مامن حقك اي حد انو يسكرها
اي حد

هاد لما بكون نقاش مو اسمو نقاش