|
اقتباس:
|
اقتباس:
اسرائيل يلي هي اسرائيل و يلي بحالة حرب دائمة .. ما بتعلن حالة الطوارئ الا للشديد القوي :? و شو يلي بيمنع بالظروف الدولية من تنفيذ الحكي يلي قالو ياس؟ |
انو تسالني انا ؟
لتخلص ال50 سنة اللي قال عنون ياس وقتا يمكن نحكي انو فينا نعمل هيك او بالاحرى ولادنا اللي رح يحكوا هني هيك بيحكوا كل ما بتسال شو صار بقانون الاحزاب بقانون المطبوعات بقانون الانتخاب لك بقانون الاحوال المدنية بيقلولك الظروف الدولية |
اقتباس:
|
بس سؤال جد
انو برايكون هي من الاولويات ؟ ولا القصة عم تجي بالتدريج ؟ لانو ما فيهون يعطوا كل شي دفعة واحدة |
الي رجعة
|
اقتباس:
|
صرلنا 50 سنة بالتدريج ... خطوة لقدام عشرة لورا ...
سبع سنين من التدريج ...؟ مافي أي درجة لفوق؟؟ ما بصير يكون في ولا شوية تطور ؟ لشو يكون في حكومة لكن ؟ خلي الشرطة تمشي أمور العالم اليومية و خلصنا عايشين |
بعرف انو بالتدريج بس الكل متفق انو ما في ولا خطوة من التدريج عم تحصل واذا صارت فهي بتصير للحظات ونرد نرجع لورا
يبقةى شو الحل؟ |
اقتباس:
كلنا بنعرف شو الإخوان وخليني قلك بحس حالي عم ضيع وقت إذا بحكي عنهن لكن كيف برضى احكي عن هالتجمع اللي ضحكوا علينا فيه تجمع بلا إي أيديولوجيا إلا معارضة النظام يا سيدي سوريا حاليا عم تعيش هيدي النقلة اذا بدك تسميها النقلة الرأسمالية اللي ضحكوا علينا ومرقت على الشعب بإسم أقتصاد السوق المفتوح وللصراحة طلعنا لحنا المفتوحين مو السوق هيدا الشي بيطلب معارضة مبنية صح على اسس صحيحة على ايديولوجية واقعية منطقية تراعي الظروف اللي لحنا فيها بنفس الوقت ما تحيد عن المطلب الأساسي الوقوف ضد الهجمة الإمبريالية على دول الإستهلاك للمشروع الرأسمالي مو قوى معارضة توقف على الحياد من حرب الشعب الحقيقية ضد من يسرق لقمته وتحياتي |
اقتباس:
بالنسبة لاقتصاد السوق الاجتماعي... أخي معليش هاي قصة واضحة.. الاقتصاد المركزي الهرتك+الفساد ولّد رؤوس أموال رهيبة بسوريا, و هلأ رؤوس الأموال هاي بدهون يستثمرونها ضمن سوريا ضمن المرحلة الثانية... يعني ترسيخ للهوة و الشرخ بين عامة الشعب و الحيتان... و لسى بيقولو اجتماعي |
ما لهيك خيو بإعتبار إنو صار في حيتان كانت لفترة قريبة من التركيبة العجيبة للنظام وهلأ صارت حيتان بطل يناسبها النظام اللي الله ما بيعرف شو هو بس في شوية شغلات هيك من طرف جيبة الإشتراكية بطل يناسب هالناس وتغير النظام الإقتصادي لحتى يعملوا اللي بدهن اياه
هلأ هيدا الشي بيطلب منا انو نكون اكتر تمسك بالفكر الإشتراكي لحتى ما نعطيهن فرصة ينعموا باللي سرقوه منا ولهيك لازم نتمسك بمعارضة وطنية اكتر تمسك بالوطن وبالوطنيات مو بمعارضة الإسلاميين مثلا او الليبراليين في الجهة الأخرى وتحياتي الحارة :D |
اقتباس:
|
لو انو رد متأخر
و لو انو عم انكش الموضوع انا مريت عليه بسرعة بس وجب التنويه: أكرم الحوراني من مؤسس حزب العربي الاشتراكي اللي اتحد بعدين مع حزب البعث و صار اسمون حزب البعث العربي الاشتراكي |
اقتباس:
|
بشك بهالحكي ؟
ياس بدي اسالك هلا ملاحظ انو القصة عم تصير متل لعبة القط والفار ؟ يعني المعارضة تجتمع ترد السلطة باعتقالات وتستمر الدائرة كما هيي شو ممكن يصير؟ |
اقتباس:
و بتوقع المفروض الكل يعرف هل معلومه بس شكرا للتنويه صديقي :D |
رد
اقتباس:
تحياتي |
اقتباس:
علي التنويه انو ملاحظة داني صحيحة, أنو أكرم الحوراني ليس مؤسس حزب البعث انما مؤسس الحزب العربي الاشتراكي الذي اتحد فيما بعد مع حزب البعث (بالأحرى ذاب في حزب البعث) |
ليش شو الفرق
|
اقتباس:
|
رد
اقتباس:
ولهيك قلتلو لداني إنو أي مو شغلة جديدة معروفة ... وتحياتي الحارة |
اقتباس:
اقتباس:
كذلك أنا أطرح سؤال هل كان مذكور في إعلان 2005 رغم مشاركته فيه . أنت قلت أن ذاك كذب وأنا أعيد طرح السؤال وأرجوا الإجابة "وأنا لن أجزم بذلك الآن" ذلك إن حدوثه له مدلولات عميقة عن كنه هذه المعارضة وأهدافها وأسلوب عملها. والمعارضة أو أيّاً كان ليست بحاجة لتبريرات مثل ضيق الحركة والقمع و.... كي نبرر لها تقاعسها وتقصيرها, فإما أن تكون عملاً فاعلاً أو لا تكون . وإن أرادت أرضيات ممهّدة وأجواء صافية كي تعمل, فلا أعتقد بأن أحد ما بحاجة لها عندئذ . وشكراً |
اقتباس:
أي سهل تحكي هالحكي.... كتير سهل قلتلي انو يا تكون عمل فاعل يا ما تكون؟؟؟؟ في كومة ناس ماسكة مناصب فيني قول هالكلمة بوجههون و فوقها بكمّل: يا حرامية.... بناءا على أي نص ايديولوجي لعلان دمشق بنيت رأيك انو ما بدهون علوية؟؟؟ اقتباس:
و حياة الله شبعان قلبنا ديماغوجيا |
اقتباس:
وعندما تكون المعارضة معارضة أفراد تقوى بقوتهم وتندثر معهم فهي لم ولن تكون فاعلة. ثم هذا يا عزيزي ليس بديماغوجيا . الديماغوجيا هي "وبحسب هذه الحالة" مجرد المطالبة النظرية بالعمل المعارض دوت برنامج عمل واضح وسؤال الشعب بتهذيب مبالغ فيه للإحتجاج والإعتصام وظهور بوادر الإنشقتق حتى قبل العمل ولمجرد عدم الحصول على مناصب قيادية . هذا مالا نريد أن نشبعه. وشكراً |
اقتباس:
و كيف المعارضةالفعالة بتكون يعني؟؟؟ |
اقتباس:
نريد من المعارضة أن تكون أحزاباً لها رؤيا واضحة تعمل بها مهما كانت الصعاب والتضحيات, أن يكون لها برامج عمل واضحة وعملية للحل, تستطيع من خلالها ومن خلال عملها الملموس على أرض الواقع تعبئة وتجييش السواد الأعظم من الشعب وتدفعه بحركة تغييريه أو على الأقل مطلبيه ولكن ملموسة . لا نريد شخصيات "قطعاً "أو أحزاب تتصارع للوصول إلى السلطة, نريدها أن تؤسس لثقافة التداول السلمي, نريد ميثاق عمل موحد يكون نواة لقانون أحزاب تتقدم به وتصارع لإقراره . نريدها أن تعمل على توعية المواطنين بحقوقهم وواجباتهم وتعلمهم من خلال عملها بأن الساكت عن الحق شيطان أخرس. نريدها أن تقوم بفعل توعوي بنائي ذو وجه وظيفي, لبناء الإنسان القادر, نريدها أن تقدم رؤاها للمجتمع ومن ثم عملها لتحقيق تلك الرؤى. ما نريده كثير وليست أي معارضة بقادرة على تحقيقه, ولسنا مندفعين لاستبدال بنى صدئة بأخرى مماثلة لها . ما نريده كثير وعلى من يتنطع له أن يكون بقادر. وشكراً |
اقتباس:
طيب كلام نظيف جدا, لكن نظري جدا في عامل أمني و هو الأهم مستحيل نحطو على طرف في عامل لوجستي اعلامي من حيث انعدام القدرة على الوصول الى الشعب بأي طريقة كانت ( الصحافة و الاعلام الداخلي اعتقد ما في داعي نحكي شي عنو, الانترنت مراقب والحجب شغال على أبو جنب, و المعارضة الداخلية ما عندها قدرة مادية تفتح قناة فضائية يللي هي الطريقة الوحيدة للوصول الحر, و بصراحة معارضة سورية لديها سيولة مادية لامتلاك قناة فضائية تدعو للشك).... عدا عامل الاعلام المضاد في عامل و هو الأهم و هو عامل الرعب المزمن في السيكولوجيا الاجتماعية السورية ( وهو رعب مفهوم تماما) فينا ننتقد المعارضة الداخلية السورية بشغلات كتيرة, مزبوط... لكن لازم ناخذ ظروفها بعين الاعتبار: المعارضة الداخلية السورية هي معارضة نخبوية أو معارضة صالونات اذا حبيت (لأنو مافي غير امكانية للعمل) المعارضة الداخلية السورية ليست صاحبة ايديولوجيا سياسية و اقتصادية و اجتماعية واضحة ( نتيجة الطيف الهائل من المشارب الفكرية الموجودة, عندهون فكرة أنو الاتحاد لتغيير الوضع و بعدين لكل حادث حديث.... ممكن التفهم و ممكن عدم مشاركة الفكرة, هاد حديث آخر) المعارضة الداخلية السورية تواجه مشاكل تنظيمية و خلافات داخلية ( أكيد نتيجة ما سلف ذكره فوق) و على كل أكيد راح يتجاوزو هالمرحلة, الخلاف شي طبيعي بهالحالة و للحديث بقية |
اقتباس:
اقتباس:
|
يجب الخروج من مرحلة الكلام.
اقتباس:
|
انا هون بالموضوع بحط حالي قريب جدا من موقف الأخ moon light لأنه لو بصراحة كان معارضة قوية كانت قدرت تغير شوية شغلات وخلينا نقول مبدئيا بموضوع حرية التعبير ومن حرية التعبير بينطلق الواحد ليغير كلشي
بس المعارضة نفسها عندها مشكلة بالهيكلية تبعتها وبالمشروع اللي عم تطرحه يعني مثلا خلينا نقول السلطة عم تطرح مشروع قومي قائم على إقتصاد السوق وهيدا الشي يمكن ما يخلي المواطن يحس بأمان لإنه الفكر العام الغير مفكر بيعتبر الإشتراكية شي حلو ما لإنه فكر بس لإنه على فترة طويلة وهي تعتبر شعار وكذلك القومية بس على القليلة المواطن حاسس بالإستقرار لأنه حاسس انه هيدول الناس عارفين شو عم يعملوا بينما المعارضة ما عندها مشروع متكامل يعني لا استقرار ولا أمان لهيك لساتها ضعيفة يعني احسن من المليون بيان اللي بتشجب فيه المعارضة الإعتقالات تنزل شي بيان منهن فيه مشروع متكامل خلينا نقول لخمس سنين لقدام بس عبث ؟ تحياتي الحارة ظل جيفارا |
اعتقال رئيسة المجلس الوطني لاعلان دمشق في سوريا GMT 18:00:00 2007 الأحد 16 ديسمبر
بهية مارديني بهية مارديني من دمشق: أفادت مصادر عائلية مقربة لـ" ايلاف " ان السلطات الامنية السورية اقتادت في الساعة الحادية عشر من صباح اليوم الدكتورة فداء حوراني رئيسة المجلس الوطني لاعلان دمشق للتغيير الديمقراطي المعارض، واشارت المصادر إلى ان السلطات لم تطلق سراحها حتى الان. وكانت السلطات الامنية السورية قد قامت بحملة من الاستدعاءات والاعتقالات بين صفوف المعارضين الذين اجتمعوا تحت مظلة المجلس الوطني لاعلان دمشق |
اقتباس:
هاد هو احترام الرأي الآخر و سماع النقد و الشفافية في الحكم تبع خطاب القسم؟؟؟؟؟؟؟ معارضين اجتمعو علنا و بوضح النهار و بمعرفة الاجهزة الامنية و انتهى الأمر... وين الغلط؟؟؟ وين الجريمة؟؟؟ هاد الشاطرين فيه يا فاشلين... اسرائيل أكلت بامية بدير الزور الا شوي و انتو لاحقين الناس على كلامهون بعد ما شفطتو نعمتهون...... الكم يوم يا سفلة, جايكم يوم الحرية لأسرى الضمير في سوريا |
أسلوب يدل على الإفلاس والخوف
الحرية لجميع معتقلي الرأي أينما وجدوا |
أنو شوقصة الوراثه عند البعثيين والاحزاب بالشرق الاوسط
الحاكمين وراثه فهمناها (بدون يكملو المسيره) بس المعارضين وراثه :sick: مات الملك عاش الملك مات المعارض عاش المعارض شي فاشل |
اقتباس:
فلتحيا التوافق |
هذا انا ماكان لى مشاركان هون :lol:
مع انى كنت شاركت بس ماني عارف وين راحو |
اعتقال الدكتورة فداء الحوراني رئيسة المجلس الوطني لإعلان دمشق
الأحد/16/كانون الأول/2007 النداء: - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - أقدمت مخابرات أمن الدولة في مدينة حماة اليوم الاحد16/12/2007 على اعتقال الدكتورة فداء أكرم الحوراني رئيسة المجلس الوطني لإعلان دمشق للتغيير الوطني الديمقراطي. في تفاصيل الخبر أن الجهاز المذكور أستدعى الدكتورة الحوراني منذ الساعة الحادية عشرة من صباح اليوم وبعد أن أبقاها في الحجز عدة ساعات نقلها إلى الإدارة العامة للجهاز المذكور في دمشق.والاستدعاء جزء من الحملة التي شنها الجهاز المذكور يوم 9/12 على أعضاء المجلس الوطني لإعلان دمشق على خلفية حضورهم اجتماع المجلس الذي أنعقد يوم 1/12/2007،والتي طاولت العشرات بقي منهم إلى الآن الدكتور أحمد طعمة والأستاذين أكرم البني وجبر الشوفي. وكان المجلس الوطني لإعلان دمشق للتغيير الوطني الديمقراطي قد انتخب هيئاته القيادية حيث تم انتخاب الدكتورة الحوراني رئيسة له،كما انتخب أعضاء مكتب المجلس والأمانة العامة. دمشق في:16/12/2007 إعلان دمشق للتغيير الوطني الديمقراطي المكتب الإعلامي ـــــــــــــــــــــــــ ـ وقد كتب مراسل النداء: توجهت الدكتورة فداء الحوراني قبل ظهر اليوم الأحد 16/12/ 07 إلى فرع أمن الدولة في حماه بعد تبليغها مساءالبارحة باستدعاء للمراجعة ، وعلم لاحقا أنه تم نقلها عصرا إلى مقرالإدارة العامة لأمن الدولة في كفرسوسة بدمشق . والدكتورة الحوراني التي اختيرت بالتزكية رئيسة للمجلس المذكور، هي من مواليد دمشق 1956، وأم للشاب (محمد أكرم عليان)، كما أنها طبيبة نسائية مختصة ومديرة لمستشفى يحمل اسم الحوراني في مدينة حماه، ولها مقالات ودراسات في الشاأن السوري العام، وكانت سابقا قد انتخبت عام 2003 عضوة في الأمانة العامة للمؤتمر القومي العربي. يذكر أن هذه هي المرة الوحيدة حتى تاريخه، التي يتم فيها نقل أحد الموقوفين من المحافظات إلى دمشق على خلفية انعقاد المجلس الوطني لائتلاف إعلان دمشق للتغيير الوطني الديمقراطي في أوائل الشهر. هذا، وقد تجاوزعدد الموقوفين المذكورين في إطار هذه الاعتقالات 39 ناشطا ، وتم لاحقا إطلاق سراح معظمهم على فترات مختلفة، لكن بقي موقوفا منهم حتى تاريخه السادة: أكرم البني واحمد طعمة أمينا سر المجلس وجبر الشوفي عضو الأمنة العامة المنتخبة ، وتنضم إليهم اليوم د. الحوراني رئيسة المجلس، وبذلك تكون الحملة الأمنية قد بدأت عشية اليوم العالمي لحقوق الإنسان وتستمر اليوم عشية الاحتفال بعيدي الأضحى ورأس السنة الميل عاشت سوريا حرة وطنا ومواطنين. إعلان دمشق للتغيير الوطني الديمقراطي هيئة رئاسة الأمانة العام |
بلاغ عن أعمال الأمانة العامة لإعلان دمشق  هيئة الرئاسة: الجمعة/14/كانون الأول/2007 النداء: - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - عقدت الأمانة العامة لإعلان دمشق للتغيير الوطني الديمقراطي اجتماعها الأول يوم الأربعاء 12/12/2007 وانتخبت هيئتها الرئاسية حيث نجح السادة رياض سيف، رياض الترك، نواف البشير،شيخ أمين عبدي، وعلي العبدالله، والتي انتخبت بدورها السيد رياض سيف رئيسا لها. __________________________________________________ _________ هلق رح يسأل البعض شو المهم بهالخبر لينزل بالمنبر .السيد علي العبدالله هوة والد اخونا عمر العبدالله يلي حاليا معتقل بس السؤال . هل يمكن انو السلطات السورية او الامن السوري بعد هي الانتخابات يأمنو لقاء او زيارة مجانية بين الاب الاستاذ علي العبدالله وابنو عمر العبدالله كما فعل عند اعتقال اعتقال الدكتورة فداء أكرم الحوراني بعد انتخابها رئيسة المجلس الوطني لإعلان دمشق للتغيير الوطني الديمقراطي. |
هل يمكن انو السلطات السورية او الامن السوري بعد هي الانتخابات يأمنو لقاء او زيارة مجانية بين الاب الاستاذ علي العبدالله وابنو عمر العبدالله
على شو ؟ وبعدين رياض سيف تاني ؟ وايمتى رح نبطل لعبة القط و الفار بين السلطة والمعرضة لا هي بتتحرك متل البشر ولا هديك بترد منيح ولا بتقدم شي واضح اي على شو ؟ |
| الساعة بإيدك هلق يا سيدي 01:37 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون