أخوية - شخصيات

أخوية (http://www.akhawia.net/forum.php)

- منبــر أخويـــة الحــــــر (http://www.akhawia.net/forumdisplay.php?f=15)

- - شخصيات (http://www.akhawia.net/showthread.php?t=86744)

اقتباس:

كاتب النص الأصلي : كهربجي (مشاركة 829642)

صادق جلال العظم من أهم المفكرين المعاصرين بالعالم, بيكفي أنو بسنة 1972 كان واصل للطبعة الثالثة من كتاب اسمو :نقد الفكر الديني" اللي صار يدرّس هلق كمثال للفكر السابق لوقته, دافع عن أفكاره بطريقة ممتازة وكان يساري.

نزيه أبو عفش كان عندو الجرأة ليكتب مجموعة شعرية اسمها "الله قريب من قلبي" واللي بيعرف قصتها بيقدر هاد الزلمة مزبوط يعني

زياد الرحباني هو كموسيقي أكتر من مهم كدمج بين الجاز والشرقي بطريقة عزف أحياناً كلاسيكية، هاد شخص من أروع الناس اللي فكروا بالعالم, بالحب, بالحرب وبالرب.. وعرف شو يحكي وإيمتا، قد ما انعطى ما بيكفي رد للجميل تبعو علينا كلنا.

...

الباقي لسا بدهون صفنة..

إي إي.. هي واحد

يا سيدي خالد العظم.. أهم سياسي مرق بتاريخ سوريا, كان قادر تمام أنو يفصل بين غنى عيلتو (الشهيرة يعني) وبين فقر الشعب النسبي.. عمل مشاريع كتير ممتازة وكان عم يلعب بطريقة ممتازة خارجياً, نص البضاعة من السوفييت ونص من الأميركان...

بس لو..

اقتباس:

كاتب النص الأصلي : Fares (مشاركة 831013)

2- سياتل (زعيم هنود دواميش)...
وهو قائد هندي أحمر... أما سبب تأثيره بي فهو بسبب هذه المقالة التي كتبها سنة 1854 في حفل استسلام أجبر فيه على إبرام معاهدة أجبر فيها على تسليم بلاده:

" زعيم واشنطن الكبير يقول لي، في رسالته، أنه يريد أن يشتري بلادنا. ويقول لي إنه صديقي، وأنه يكنّ لي مودة عميقة..
" ما ألطف زعيم واشنطن الكبير لاسيما انه في غنى عني وعن صداقتي!!
" لكننا سننظر في ما يعرضه زعيم واشنطن الكبير، فنحن نعرف أننا إذا لم نبعه بلادنا فسوف يجيئنا الرجل الابيض مدججاً بسلاحه وينتزعها.
" كيف نستطيع أن نبيع ونشتري السماء ودفء الأرض؟؟
" ما اغرب هذه الأفكار!
" كيف نبيع طلاقة الهواء؟ كيف نبيع حباب الماء ونحن لا نملكها؟
" كل شبر من تراب هذه البلاد مقدس عند شعبي. كل خيط من ورق الصنوبر، كل شاطئ رملي، كل مدى من الضباب في غياهب الأحراج، كل حشرة تمتص ما تمتص أو تطن، كله مقدس في ذاكرة شعبي وتجربته مع الحياة..
" النسغ الذي يسيل في الأشجار يجري بذكريات الإنسان الأحمر.
" موتى الإنسان الأبيض ينسون مهدهم عندما يمشون بين النجوم. أما موتانا فأبداً لا ينسون الأرض الطيبة لأنها أم الإنسان الأحمر. نحن منها وهي منا..
" الأزهار العاطرة أخواتنا. الغزال والحصان والنسر العظيم كلهم إخوتنا. القمم الصخرية، ندى المروج، ودفء جسد الحصان، كلها من هذه الأسرة الواحدة.
" وإذن، فحين يقول زعيم واشنطن الكبير إنه يريد أن يشتري بلادنا، إنما يسألنا ما لا يطاق.
" زعيم واشنطن الكبير، يقول في رسالته إنه يريد أن يشتري بلادنا، وأنه سيهبنا مطرحاً يلمنا نعيش فيه سعداء، وإنه سيكون أباً لنا، وأننا سنكون أبناء له... لذا سننظر في ما يعرضه زعيم واشنطن الكبير حول شراء بلادنا، علماً أنه عرض لا يطاق، لأن أرضنا مقدسة.
" هذه المياه التي تشع وهي تجري في السواقي والأنهار ليست مياهاً. إنها دماء أجدادنا. وإذا قررنا أن نبيعك بلادنا فاذكر أنها مقدسة. وقل لأبنائك أنها مقدسة. كل طيف يتراءى في صفاء مياه البحيرات ينبئك عن ذكريات شعبنا وتاريخه. وما تهمس به المياه هو صوت جدي. هذه الأنهار إخوتنا. إنها تطفئ ظمأنا، وتحمل مراكبنا، وتطعم أطفالنا. وإذا قررنا أن نبيعك بلادنا فاذكر وعلّم أبناءك أنّ هذه الأنهار أخوتنا، وعليك أن تحبها كما تحب من ولدته أمك..
" ينهزم الإنسان الأحمر أمام زحف الإنسان الأبيض مثلما ينقشع ضباب الجبال أمام شمس الصباح. لكننا نرى رماد آباءنا مقدساً، وقبورهم بقيعاً مقدساً. وهكذا نرى الهضاب والأشجار، ونعتبر هذه البلاد قسمتنا، ونعرف أن الرجل الأبيض لا يفهمنا. تستوي هذه الأرض عنده والأرض المجاورة، لأنه الغريب الذي تسلل في ظلمات الليل فنال من هذه الأرض كل ما تمنى. إنه لا يرى الأرض أختاً له بل عدواً يقهره ثم يمضي. ها هو يهجر قبر أبيه ولا يعبأ، ويتركه وراء ظهره ولا يعبأ. إنه يسرق الأرض من أبنائها ولا يعبأ. هذه قبور آبائه ومهاد أبنائه منسية. وها هو ينظر إلى أمه السماء فلا يراها إلا سلعة تسرق أو تباع كالأغنام والخرز. إنّ جشعه يلتهم الأرض فلا يغادرها إلا صحراء..
" لا يترك هذا الرجل الأبيض حيث يحل ويرحل شبراً من أرض دون ضجيج. لم يبق لديه مكان لسماع حفيف الأوراق وتفتحها في الربيع، أو لسماع طنين أجنحة الحشرات. ولكن، لربما أنني متوحش، لا أفهم.. إن الضوضاء تصم الأذنين. وماذا يتبقى للحياة حين يعجز الإنسان عن سماع صرخة طائر السبد، أو يصغي في أعماق الليل لنقاش الضفادع حول البركة.. لكن لربما أنني إنسان أحمر، لا أفهم...
" الهنود يفضلون صوت الريح العذب وهي ترمح فوق بركة المياه، ورائحة الريح المعشقة بمطر الظهيرة أو المعطرة برائحة الصنوبر..
" الهواء عند الإنسان الأحمر ثمين، فكل ما على الأرض يتنفس منه. الحيوانات والأشجار والبشر كلهم يتنفسون من نفس واحد. أما الإنسان الأبيض فيبدو أنه لا يعرف أنه يتنفس، وكأنه رجل مات منذ أيام. كل ما فيه بليد حتى النتانة. ولكن إذا قررنا أن نبيعك بلادنا فاذكر أن الهواء ثمين عندنا، وأن روح الهواء تتغلغل في كل من يتنفس منه. إن الريح التي وهبت جدنا الأكبر أول شهيق هي التي استردت منه زفيره الأخير. إن على هذه الريح أن تمنح أبناءنا روح الحياة، فإذا بعناك بلادنا فاجعلها حراماً، وقدسها كأنها مقام يحج إليه الرجل الأبيض ويتذوق فيه الريح المحلاة بأزهار المروج.
" وإذن، فسننظر في عرض شرائك بلادنا، وسيكون لنا شرط واحد إذا قبلنا بيعها: أن يعامل الرجل الأبيض حيوانات الأرض كما يعامل أخوته.
" لربما أنني متوحش ولا أفهم، لكنني شاهدت ألف جاموس منتن في البراري قتلها الرجل الأبيض من قطار عابر. لعلي متوحش ولا أفهم كيف أنّ هذا الحصان الحديدي المدخن أعظم في عينيه من الجاموس الذي لا نقتله إلا لكي نبقى على قيد الحياة.
" ما الإنسان بدون هذه الحيوانات؟ إذا انقرضت فسوف يموت من توحش روحه. ما يصيب الحيوانات سرعان ما يصيب البشر، فكل الأشياء متمارجة.
" لا بد أن تعلم أبناءك أن أديم الأرض تحت أقدامهم من رفات أجدادنا. بذلك يحترمون الأرض. علمهم ما علمنا أولادنا أن هذه الأرض أمنا، وأن المكروه الذي يصيبها سوف يصيب أبناء الأرض. إذا بصق إنسان على الأرض فإنما يبصق على نفسه.
" هذا ما نعلم. أن الأرض لا تعود على الإنسان، بل هو الإنسان يعود إلى الأرض. هذا ما نعلم: كل الأشياء متمارجة كما الدم الذي يوحد العائلة. كل الأشياء متمارجة. ما يصيب الأرض سوف يصيب أبناء الأرض. الإنسان لا ينسج عنكبوت الحياة بل هو خيط في هذا النسيج. وما يفعله للنسيج يفعله بنفسه.
" لكننا سننظر في عرضك أن نذهب إلى المطرح المخصص لشعبي لنعيش وحدنا بسلام. لم يعد يهم أين نمضي بقية حياتنا. إنها أيام معدودة، بضع ساعات إضافية، بعض شتاءات.. ثم لن يكون هناك أطفال من هذه الشعوب العظيمة التي عاشت يوماً على هذه الأرض، وها هي ذي شراذم ضئيلة تتسكع في أعماق الأدغال. لن يكون هناك أطفال يبكون على قبور بشر كانوا ذات يوم مثلكم أقوياء طافحين بالآمال. ولكن لماذا أبكي زوال شعبي؟ إنّ القبائل لا يصنعها إلا الرجال. أما الرجال فيجيئون ويرحلون مثل أمواج البحر.
" حتى أنت أيها الرجل الأبيض الذي تمشي مع برك وتحاكيه صديقاً لصديق لن تنجو من هذا المصير. ولعلنا في النهاية أخوة. وسوف نرى..
" أعلم شيئاً واحداً قد يكتشفه الرجل الأبيض يوماً. أعلم أن إلهي وإلهه واحد. إنكم تعتقدون أنّكم تملكون هذا الإله مثلما أنكم تريدون أن تملكوا أرضنا. إنه إله الإنسان، وقد وسعت رحمته الإنسان الأحمر والأبيض. إنّ هذه الأرض غالية عنده. وإنّ إيذاء الأرض لا بد أن يثير غضب خالقها. لسوف تمضي أنت أيضاً أيها الإنسان الأبيض. وربما ستمضي قبل غيرك. هيا أمعن في تلويث فراشك ولسوف تختنق يوماً في قمامتك.
" ولكنك، ولحكمة لا يعرفها إلا الإله الذي جاء بك إلى هذه البلاد، أعطاك سلطاناً على الأرض وعلى الإنسان الأحمر. إنّ هذا المصير ما يزال لغزاً عندنا.
" أين الأيكة؟ ولّت... أين النسر؟ اختفى..
" ما معنى أن تقول وداعاً للصيد وللحصان الرشيق؟؟
" إنها نهاية الحياة وبداية مغالبة الموت.
" وإذن، سننظر في عرضك أن تشتري بلادنا. فلئن رضينا فلكي نامن على أنفسنا في ما وعدتنا به من مطرح نعيش فيه. هناك ربما سوف نعيش آخر أيامنا. وحينما يزول آخر إنسان احمر فوق الأرض، ولا يبقى منه إلا ظلال سحابة تعبر البراري.. ستظل هذه الشطآن والغابات مسكونة بروح شعبي.
" وإذن، إذا بعناك أرضنا فأحببها كما يحب الوليد خفقان قلب أمه.
" وإذن، إذا بعناك أرضنا فأحببها كما أحببناها، واستوص بها خيراً كما استوصينا. واحتفظ من أرضنا بصورة لها مثلما كانت يوم أخذتها.
" وبكل ما أعطيت من سلطان، وكل ما فيك من عقل وقلب: استوص بأرضنا وصنها.
" أحببها كما يحبنا الله جميعاً.
" إنني أعلم أنّ إلهنا وإلهكم واحد، وأنّ هذه الأرض غالية عليه. وأعلم أنّ الرجل الأبيض أيضاً لن يفلت من يد المصير. وفي النهاية، لعلنا إخوان. وسوف نرى... ".

:D:D

ماذا ترى عيناي؟؟؟؟!!!!! أهلا و سهلا فارس

شكرا للمشاركة

هلق في سؤال مهم كتير...

أنو ليش كتار اعتبروا هتلر شخصية عظيمة؟؟؟

وهاد بيودينا لسؤال همه.. هل كل قوي عظيم؟؟ وأصلاً شو يعني عظيم؟

اقتباس:

كاتب النص الأصلي : كهربجي (مشاركة 831094)

عندي نفس التساؤل بخصوص هتلر

بالاساس شو يعني عظيم ومن شو بيستمد الواحد عظمته؟

اقتباس:

كاتب النص الأصلي : كهربجي (مشاركة 831086)

بالتقسيط عمي كهربجي؟

اقتباس:

كاتب النص الأصلي : كهربجي (مشاركة 831094)

جواب السؤال تعبك انت و ياس و فينكس ...

اخي هتلر من الناس يلي بلشو حياتهم السياسيه بقوه ، و عن طريق الشعب مو عن طريق المنصب

كيف يعني ، هتلر كان يروح على بار بشكل يومي و يسمع الناس كيف عم تحكي عن السياسه و انو المانيا سياسيا كانت ضعيفه وفيها تنازع داخلي ، على فتره ظل يسمع الكل شو عم يقول ، بعدين بيوم وقف بين عدد قليل منهم و بلش يخطب فيهم عن المانيا و كيف انها لازم تكون قوى لا تقهر و عن احلامو السياسيه ، اول يوم كانو 10 باخر الاسبوع صارو 100 ، بعد هيك صار كتير يجو لهل بار بس بهدق انهم يشوفو مين هاد الشخص يلي اسمو هتلر و قدر يسترعي انتباه هل جماعه ، وهل شي ساعد على انها تكبر و طبعا كل هاد بسبب الكرزما تبعو و قوة الشخصيه ..

بعد هيك هتلر بالجيش دخل كمتطوع و الكل بيعرف كيف درج شوي شوي لوصل للمراكز القياديه ، الشي المهم الثاني انو هتلر كون حزب من لا شيء و كون الرايخ و قدر انو ياسس قوانين و قواعد و اسلوب سياسي للجيش و لاشعب بفتره قصيره نسبيا ، و بنفس الوقت ، هتلر قدر يحتل اهم المدن بالعالم كلو ، و حتى وقت انهزمو من الروس الشي كان لخيانه داخليه من داخل المقربين الو و القياده العسكريه الاساسيه ، يعني خسارتو مو كانت متل ما كتير بيقولو لسوء تقدير او لسوء الحنكه السياسيه عندو ، بس يلي خلاه يخسر الخيانه من الداخل ، وبهل صدد حكالهم للقيادين عندوا قبل انهيارو ، غلطتي انني لم اعدمكم مثلما فعل ستالين برفاقه ...

انا حاولت اعطي تفسير ليش بعتبر هتلر من الشخصياتا لهامه ، يمكن كان سفاح ما بقول لا بس يلي عملو لألمانيا و الحزب الوحيد من الاحزاب القديمه يلي لليوم بتلاحظ انو كتير ناس بيحبوها كشعارات و افكار هوه الحزب النازي

ودمتم :D

انا كتير كتير مزاجية وكل فترة بتأثر بشخص وبقعد بقرا عنو .. وبحبو كتير بعدين بس اقترب كتير .. بفقد انبهاري فيه

بس من الشخصيات اللي لازالت لليوم بتأثر فيي

غاااااااااندي طبعا ً ...
جان فانييه : الشخص اللي أسس أيمان ونور في العالم " جمعية للعيش مع المجروحين بذكائن ..
أديسون :lol: كتير كنت حب قصة انو قالولو بالمدرسة ما بينفع بعدين انو امو كيف درستو وهيك
من الانجيل كنت جدا ً اعجب ببطرس .. كنت حسو زلمي وزغرت .. حتى وقت نكر المسيح حسيت انو حبو فيو شي صادق وطلعات ونزلات مو أنو هيك على نفس السوية ..

على صعيد الأدب... يا ويلاه شو حبيت شخصيات وتأثرت بقصة حياتا بس اكتر شي :
نيكوس كزنتزاكيس ( صراعه مع الكنيسة علاقته مع المسيح ... تصوفه .. وأدبه )
جبران خليل جبران ( علاقتو مع مي :sosweet: - هوي كشخص .. بمراهقتي كنت حبو كتير كتير كتير كتير )
بعدا شوي نزار شوي درويش شوي غادة .. يعني تشكيلة ..

يمكن يتبع ...
:fthink:

ولا مرة جربت اسال حالي هالسؤال مع انو كتير في شخصيات بتعجبني وبتأثر فيني
بس مين قدوتي
ماسالت حالي

اقتباس:

كاتب النص الأصلي : Fares (مشاركة 831011)

1- باولو كويلهو...
يعني في ناس بيجي كيفها بالكحول... في ناس بالحشيش... أنا هالكاتب كل ما اقرأ شي كتاب لإلو بوصل لشعور النشوى!! بيبحث بالعمق الإنساني، بالطاقات الرائعة ضمن الإنسان، عطاني كتير نظرة تفاؤلية وخلاني شوف شغلات ما كنت مفتح عيوني عليها...

ملاحظة: صحيح أنو كتبتلو كام إيميل، ورغم أنو ما رد غير على أول إيميلين إلا أنو ماني زعلان منو :o:o

انو حقك تزعل ..:lol:

اهلا وسهلا بهالطلة اولا ..

وثانيا .. بعد ما رد على الايميلين هل عزز هالشي اعجابك فيو وهل كان فعلا الشخصية اللي انت اعجبت فيها ؟ ما بعرف اذا اقدرت وصل السؤال بشكل واضح ..

*فكرة الموضوع عجبتني . هامش علوي .
-كتير انبسطت لما شفت عالم كتير كاتبة عمر المختار (هاد بيسعدني جدا)
عمرالمختار كان تجاوز ال70 عام وكان بيجوب ليبيا ومصر على حصان ،كر وفر وهو بهالسن
ورفض في 1929 اثناء المفاوضات انو يستسلم رغم المبلغ الكبير اللي عُرض عليه هو والمقاتلين معه وتركه له الخيار ليقيم باي مكان يرغبه سواء مصر او الحجاز او ليبيا .ولكنه رفض واذكرعندما وقع بالاسر وأعلن عن انعقاد "المحكمة الخاصة" يوم 15 سبتمبر 1931م،
وفي صبيحة ذلك اليوم وقبل المحاكمة رغب غرسياني في الحديث مع عمر المختار،
يذكر كتاب (برقة المهدأة):

"وعندما حضر أمام مكتبي تهيأ لي أن أرى فيه شخصية آلاف المرابطين الذين التقيت بهم أثناء قيامي بالحروب الصحراوية.
يداه مكبلتان بالسلاسل، رغم الكسور والجروح التي أصيب بها أثناء المعركة، وكان وجهه مضغوطا لأنه كان مغطيا رأسه (بالجرد) ويجر نفسه بصعوبة نظراً لتعبه أثناء السفر بالبحر، وبالإجمال يخيل لي أن الذي يقف أمامي رجل ليس كالرجال له منظره وهيبته رغم أنه يشعر بمرارة الأسر، ها هو واقف أمام مكتبي نسأله ويجيب بصوت هادئ وواضح." وكان أول سؤال وجهه له غرسياني لماذا حاربت بشدة متواصلة الحكومة الإيطالية؟" فكان ردّ عمر المختار "من أجل ديني ووطني."

ويستطرد غرسياني حديثه "وعندما وقف ليتهيأ للإنصراف كان جبينه وضاء كأن هالة من نور تحيط به فارتعش قلبي من جلالة الموقف أنا الذي خاض معارك الحروب العالمية والصحراوية ولقبت بأسد الصحراء. ورغم هذا فقد كانت شفتاي ترتعشان ولم أستطع أن أنطق بحرف واحد، فانهيت المقابلة وأمرت بإرجاعه إلى السجن لتقديمه إلى المحاكمة في المساء، وعند وقوفه حاول أن يمد يده لمصافحتي ولكنه لم يتمكن لأن يدين كانت مكبلة بالحديد."

الى هنا ينتهي حديث غارسياني عن الموقف .
كم هو عمر شخصية عظيمة قدمت الكثير والكثير واصبح نموذج يحتذي به .
انا عن نفسي استمد جزءا من مقاومتي المستميته من هذا الشخص .
انا اقصد مفهوم المقاومة في حد ذاته ضد اي شيء ايا كان . فهو لم يملك ادوات مقاومة بقدر ما ملك ارادة المقاومة (ومن هنا جاءت عظمته) .
ومع ذلك هناك غيره من تأثرت بهم كثيرا.

اقتباس:

كاتب النص الأصلي : Nirvana (مشاركة 831577)

بصراحة من إيميلين ما كتير صار فيهون حديث عميق، يعني الإيميلين كان الأول سلام وسؤال بسيط عن كتاب الشيطان والآنسة بريم (أروع ما كتب باولو)، ووقت رد عليي دخلت دغري بالموضوع الرئيسي بالإيميل الثاني وهو أنو كان بدي وقتها أعمل معو لقاء خاص بأخوية.نيت ، وقلتلوا أنو نحنا شبيبة سورية منحبك وحابين نستفيد من خبرتك وهيك شغلات يعني... بس رفضني بلباقة وقال أن مدير أعماله هو المسؤول عن هيك أمور وقلو أنو بالفترة الحالية غير ممكن نتيجة الانشغال بمشاريع أخرى...
طبعاً محسوبك رد عليه بإيميل شكر على تعاونو (المبدئي) وخلصت القصة هون.............

:D:D

طيبة أبو بكر الصديق و حكمته في إصلاح الأمور و تفكيره المشع
هذا أكيد بعد محمد عليه الصلاة و السلام
و مريم البتول:ss:
بعد ذلك عائشة بنت أبو بكر

اقتباس:

كاتب النص الأصلي : Fares (مشاركة 831763)

هون المشكلة أحيانا بالشخصيات اللي بتأثر فينا .. ولهيك برأيي انو عقد ما نتأثر بنتاجهم (سواء علمي فني ادبي سياسي .. الخ) .. بالنهاية عم نتأثر بهالنتاج هاد .. ولما نقرب من الشخصية ذاتها اكتر ممكن نصاب بخيبة أحيانا بالطبع وليس دائما ..
يمكن الشخصيات الواقعية القريبة مننا بكون تأثيرها أكبر لانو احتكاكنا فيها أعمق .. بس كمان للأسف أحيانا هذه الشخصيات (أب .. أم .. صديق .. الخ) بأثرو فينا بشكل سلبي احيانا وبدون ما نحس ..

*طبعا مو المقصود باولو تحديدا أو تجربتك معو ..لانو هوي بالفعل اهتم بانو يرد على ايميلاتك وبالتالي على ايميلات قرائه ومعجبيه وهاي بحد ذاتها شي مهم .. لكن هالقصة لفتت نظري لهالموضوع ..

:D

اقتباس:

مزبوط... أنا بصراحة لما قابلت محمود درويش من نة ونص (وين راح الموضوع؟؟:jakoush: ) جدا خيّب أملي صراحة.. قمة بالتعجرف و التكبر, صراحة حسيت حالي قاعد مع أمين فرع أو هيك شي, هو المقابلة كانت حلوة بس ما بعرف....ما حبيتو شخصيا صراحة

اقتباس:

كاتب النص الأصلي : yass (مشاركة 832473)

ومشان هيك حبيت نوه لهالشي ..لازم نكون واعيين بمين وبشو عم نتأثر بالضبط ..
للاسف احيانا ممكن نكون بحالة من اللاوعي بالنسبة لهالشي ..اما لقلة الثقافة .. أو لصغر العمر .. او الموروث الاجتماعي أو الديني .. الخ
ولهيك حبيت اكد على اهمية هالنقطة .. ومتل ما سألتو الشباب بالنسبة لهتلر: بشو بالزبط اتأثرو .. بشخصيتو .. أفكارو .. سياستو .. انتصاراتو .. الخ؟
هالشي برايي مهم كتير .. لانو بهيك قصص احيانا التاثير بكون سلبي .. وخصوصي اذا كانت هالشخصية عامة ومرتبطة بواقعنا السياسي مثلا .. أو الاجتماعي .. أو الديني .. كرئيس دولة .. رئيس حزب .. صحفي .. الخ .

اقتباس:

كاتب النص الأصلي : ASH (مشاركة 831186)

بس يا حبيب في مشكلة

هتلر زلمة عصامي وعمل كتير وساوى كتير, بفهم هاد الموضوع.. بس شو الهم إذا الزلمة رجع البشرية مابعرف كم سنة لورا؟ يعني كم واحد بالتاريخ عمل متلوا بطريقة أفضل بميت مرة.. شارل ديغول, لينين, مانديلا.. كلهم عمروا بلادهم بعد ما كانوا ولا شي.. فليش هتلر مو ماو تسي تونغ مثلاً أو تشافيز...

المشكلة بهااد الموضوع أنو الأغلبية بهي المنطقة بيحبوا القوة المحضة, لهيك ناس كتير بيحبوا صدام حسين مثلاً.. يعني لو هتلر ما قتل اليهود وعمل المجازر بأوروبا ما كان حدا اعتبروا قوي..

بالمحصلة هتلر عنصري, هو من أهم أسباب الكوارث بالعالم.. تسبب بحرب راح فيها ملايين الناس من المدنيين (هي غير العساكر).. وهاد الشي بيكفي لأني أعتبره شخصية تافهة.. مع احترامي للكل هون يعني..

وشكراً عالنقاش والموضوع الحلو..

هلق

اقتباس:

كاتب النص الأصلي : كهربجي (مشاركة 833143)

هلا اخي كلامك منطقي وانا معك بهل شي ..

انا بحب هتلر لاسباب بعيده عن مجازرو و بعيده عن حربو حتى ، انا بحبو للكرزما تبعو ، بحبو للشي يلي عملو كبناء سياسي ، بس مو كدمار شامل عم المنطقه ، يعني انا بحب فيه الافكار يلي تنفذت بطريقه غلط ، بحب فيه الشعارات يلي صنعها ، يمكن يكون شي غريب بس انو بتحسو عمل نوع من الوحده داخل مجموعتوا او جيشو لنقول ، بس اكيد كمجازر و كدمار هائل و كسقوط للهاويه تم بسرعه كبيره انا هل شي ما بحبو لوا بأيدو ..

هلا انت ذكرت نقطة صدام حسين ، شوف صديقي صدام جزار مجرم ، مجرم حرب ، كان مسكر كل شي و اخد كل شي انا معك بكل هل حكي ، بس النقطه يلي بتخليني قول الله يرحموا و يرحم ايامو الوضع يلي شايفينو هلأ بالعراق ، بالاضافه لمحاكمتو يلي براي انا كنت متوقعوا ينهار فيها او ينهر لحظة اعدامو بس ظل على موقفو و شموخوا ، اي نعم جزار بس اخي رجال بيحترم كلمتو و مبدأو و ظل عليها لاخر لحظه بدون ما يتغير فيه شي ..
بس هل هوه ليش بمجرم فاكيد مجرم و قتل كتير ابرياء "ماعدا قضية الاكراد" بس بالنهايه انا بشوف ايامو كانت جنه بالنسبه للنار يلي عايشينها هلأ ...

وبشكرا الك تعيقبك على الرد :D

اقتباس:

كاتب النص الأصلي : Nirvana (مشاركة 832455)

الوعي ومن ثم الوعي ومن ثم الوعي (وعيدي كلمة الوعي شي خمس ست مرات من عندك كمان)...
أنا وقت أتأثر بشخصية فكرية، لازم كون واعي أنا بشو متأثر، بالشخص أو بنتاج فكره... هون بقدر أنا أتحكم بردة فعلي عند معرفتي جوانب أخرى من شخصية هالبني آدم هاد...

بس المشكلة وقت كون متأثر بشخصية غير فكرية أو بالأحرى عندي معها علاقة حياتية يومية (أب أم أخ -يا ريت لو عندي أخ-) هون بعتقد أن خيبة الأمل رح تكون أكبر ومحقة أكثر إذا كان قربي من هذه الشخصير رح يؤدي لاكتشاف أشياء منفرة أو غير متوقعة بهذا الشخص...

:D:D