|
تسطفلو كل واحد يفسرا متل ما بدو.
|
سينتصر الحق
صرعونا بالحريات . الحريات التي على قياسهم . وصادرو كل حرياتنا ستنتصر الحريات فكل شخص حر بمايلبس |
اقتباس:
لكن بكل الاحوال..مش لازم يكون في قمع وكبت لحقوق الانسان لمجرد انو متدين او غير متدين..لانو كمان المتدين انسان ! :D |
لازم يكون في قانون صارم يدافع عن حقوق المرأة بالحصول على عمل سواء أكانت متحجبة أو لابسة تنورة قصيرة ... وكمان يدافع عن حقوق الرجل سواء اكان ملتحي ولابسة كلابية ... أو حالق دقنه ولابس جنز وعالموضة ..
""أختيار اللباس حرية شخصية "" |
اقتباس:
" اختيار لباس الموظفين حرية شخصية لصاحب العمل " |
اقتباس:
بالنسبة لأمور الأناقة والتأنق فهي من ضروريات العمل وأنا معك أن صاحب العمل لازم يكون متشدد من هالناحية مشان مصلحة العمل ... بس هل الحجاب أو العمامة البوذية أو الطاقية اليهودية مناظر بشعة أو غير أنيقة بمجال العمل ! وهل كل شي لازم يكون فقط لمصلحة العمل 100% ,, على هالحالة رح نتغاضى عن طبقة مهمة كمان اللي هي طبقة ذوي الاحتياجات الخاصة اللي هي كمان بتمثل نسبة لابأس بها من المجتمعات ! |
اقتباس:
|
اقتباس:
بدون ما نخوض بتفاصيلة ونحط باستثناءات شو اللي رح يهرب الزبون ازا كانت الموظفة اللي قدامو محجبة وقدمتلو الخدمات اللي مفروض تقدمها بوظيفتها ك موظفة ؟! :frown: اما بالنسبة ل وين المشكلة بالموضوع willi انو لمما يتعلق الموضوع بأي كبت حريات من أي نوع بنلاقيكو بالصف الأول بس شكلو القضية مش قضية انو بتدافع عن مبدأ قد ما انت بتدافع عن قضايا خاصة !! |
في كم نقطة حابة اشير اليهم :
1. متل ما عم يتم المطالبة بعدم التحيز ضد الفتاة المحجبة في سوق العمل .. انا بطالب بعدم مضايقة المحجبات لغير المحجبات في العمل ضمن بيئة العمل.. وعدم التحيز ضد غير المحجبة أيضاً .. لانو في كتير مؤسسات تشترط الحجاب للعمل. 2. تحديد ماهية الحجاب أولا .. لانو كما ألاحظ ان لبس الكثيرات الكثيرات من المحجبات يشبه تماما لبس غير المحجبات .. عدا وضع غطاء الرأس.. هل هذا حجاب؟ 3. تحديد طبيعة العمل للمحجبات .. لانهن بالطبع كما يلتزمن بحجابهن يجب ان يلتزمو بالعمل داخل بيئة مناسبة لهم دينياً .. وكما تعلمون أن بيئة العمل في معظم الحالات مختلطة .. واحيانا يتم فيها تعامل مباشر مع الرجال سواء زملاء العمل أو الزبائن .. لنفرض ان احدى الفتيات تعمل في قسم العلاقات العامة .. وعليها ان تستقبل وفود .. هل تستطيع الفتاة المحجبة (هذا ان كانت فعلا محجبة وملتزمة) السلام باليد على الرجال؟؟؟؟ وهناك امثلة كثيرة من هذا النوع .. متابعة .. |
اقتباس:
يمكن هالاختلاف بالحياة بيناتنا يمكن يعلمنا نكون منصفين بحق الناس كل الناس..ويمكن البيئة اللي عشت فيها هي اللي علمتني انو احب ديني وبنفس الوقت احترم باقي الاديان..لذلك خلينا ما نكون متحيزين بتعليقاتنا.. (الحكي موجه للجميع بشكل عام) :D |
اقتباس:
 |
اقتباس:
1 - التمييز مرفوض بجميع أشكالو وضد مين ما كان 2- بالنسبه لماهية الحجاب هاد بكون عائد لنفس البنت وحسب قناعاتها .. يعني حريه شخصيه 3- كمان هاد بيرجع للبنت .. يعني ممكن تكون محجبه وما عندها مشكله بالاختلاط ( يعني بتلاقي مبرر) وممكن لأ .. كمان حسب قناعاتها |
اقتباس:
*كل ما بقول ما رح اضحك على تعقيباتك..بضحك..وبعدين معك :lol: |
اقتباس:
بالزمانات قدمت على شغل, ورحت عالمقابلة وكانت الي شي اسبوع مو حالق دقني, فيعني كانت طويلة شوي. قلي صاحب الشغل, انو من قوانين الشغل انو لازم تكون دقنك محلوقة. انو عادي, الزلمة ما اتعدى على حريتي, انا اذا بدي ربي دقن, فيني بكل بساطة ما اشتغل عندو ولاقي شغل تاني. وهاد اللي عملتو, رغم اني ما بربي دقن, بس هيك ما عجبني قوانين الشغل, فتركت ودورت على واحد تاني. بكل بساطة يعني. يعني اصحاب الشغل ما قلولا والله بدك تشيلي الحجاب, وممنوع تحطيه, ولازم ما تلسبيه وهالحكي.. هني قالو اذا بدك تشتغلي عنا بدك تشيلي الحجاب. هاي بكل بساطة, ما بدها تشيل الحجاب, خلص, ما بتشتغل عندون, بتدور على شغل تاني يناسبها. متل كأنو قالولك لازم تلبسي كنزة بيضا وبنطلون اسود. هاد شي خاص بالعمل. اذا انت ما بدك تلسبيهون,بتلاقي محل تاني ما بيفرض لباس معين عالعامل |
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ما لاحظت بالردود انو حد من اللي ضد اللي بيصير مع المحجبات بيطالب بقمع حد تانيبالاخر اللبس مش بيقيس اشي بالنسبة لأسئلتك بترجع لكل وحدة و قناعتها بتعريف الحجاب بس هو بالاخر جزء من لبسها وبيعكس طريقة تفكيرها وحياتها وثقافتها ف شو ما كان " طالما بحدود المعقول " مش مفروض تنحرم وحدة مغطية ع راسها من العمل لأنو مغطية ع راسها بالنسبة لسؤالك بالسلام ما بفتي ولا من شغلي أفتي ولا بعمري مشيت ع فتوى بس لمما انت تختاري شغلك بتختاريه عشان يتماشى مع معاييرك انت ومبادئك اللي بتآمني فيها :) بتخيل اللبس ما الو بهيك قصة vbmenu_register("postmenu_815558", true); |
اقتباس:
لو رحت ع شغل وحكالك صاحب الشغل انو انا ما بدي اشغل مسلم او مسيحي او بوذي او يهودي او شو ما كان والسبب : انو هيك انا مزاجي " لأن طبيعي ما في سبب جوهري تاني يخليه يختار صاحب دين ويرفض صاحب دين تاني " رح تكون مبسوط ؟ رح تحكي شغلو وهو حر فيه ؟! طب تخيل هيك انو كنت بمنطقة كلها بترفضك زي ما انت وكلها مشترطة انو انت تكون زيهم او ما في شغل وانت لازم تشتغل شو تعمل ؟ ووين حريتك اللي تم احترامها ؟ ويلي صاحب الشغل مش حر بكل اشي في لحريتو حدود بإمكانو يحكي انا بدي يونيفورم معين وشكل معين بس ما في يونيفورم مابيمشي مع الحجاب ولا معناتو انو اللي بتلبس حجاب أقل أناقة أو جمال من اللي مش محجبة ! ولا انها ما بتقدر تشتغل وتقدم زيها زي غير المحجبة بالاخر ازا انت مش شايف انو هاد تمييز موضوع بيرجعلك وكل الاحترام :) |
معك حق لاموش..الموضوع الو ابعاد اكبر من هيك..يعني المسالة مش بس ماسلة يونيفورم وما بعرف شو..غالبا لما بتروح عا محل اجنبي او يهودي او حتى "عربي" وبرفضوكي لانك مع حجاب بكون الرفض مش لانو الحجاب غير انيق او ما شابه لانو هاي حجة ضعيفة والها حلول..بس بكون الرفض لانو ما بدهن واحدة مسلمة!!
متلا بكتبوا بالجرائد اليهودية انو مطلوب عمل لرجل خدم جيش..المقصود من هالجملة انو ما بدهن عرب!!..يمكن البعض بشوفها عادي وحرية شخصية بس من ناحية قانون وديموقراطية هاد اسمو تمييز سلبي مرفوض!! واللي بتعلم ديوقراطية واسس الديموقراطية بعرف منيح عن شو بحكي :D |
اقتباس:
|
لا انت هون عم تبالغي جدا جدا جدا, وكتير وكمان لسى كتير, ولسى جدا كمان مرة.
ما حدا قال ما بدو يشغلها لانها مسلمة او يهودية, او مسيحية, او بطيخة. مع انو في عنا ببلادنا كتير هيك محلات ما بتشغل الا الاسلام. بس هني ما قالو هيك. بالنهاي هاد شغلو وهو حر فيه, نعم حر. اذا ماني حر بشغلي الخاص اللي انا فتحتو, فبفضل اني سكرو. بكون احسن. بالنسبة للتشغيل حسب الدين, انا شخصيا ما بتفرق معي اذا رحت على شغل وما شغلوني لاني مسيحي, او لاني سوري مثلا. كمبدأ اي بعارض هالشي, لانو هاد صار بيندرج تحت بند العنصرية, العنصرية, وما الو علاقة بالحريات. بس صدقا, لو هالشي صار معي ما بتفرق معي. انو بالناقص, وانا ما بدي اشتغل عند عالم عنصريين. اقتباس:
هالشي ما صار مع المحجبة. الاصح انو هاد عم يصير مع المو محجبة. والاكيد هالشي غلط, بس هاد ما صار. كل اللي صار, انو صاحب شغل بفضل يشغل اللا محجبة عن المحجبة اقتباس:
تخلي مثلا وحدة رايحة عالشغل ولابسة طاقية طباخ وهية مضيفة طيران :lol: اقتباس:
|
اقتباس:
طبعا لأ :? وبالاخص مو بالشكل يلي انت فاهمو .. متلها متل غيرها .. لا تقل جمال عن غير المحجبه (إذا كانت بتعرف تلبس) مارح أدخل بأصول اللبس .. بس مفهومك ليس دقيق |
اقتباس:
اولا انا ما ببالغ لما بحكيلك انو باسرائيل الوضع بالفعل هيك!! وهاد شي واقع ونحنا عايشينو! تانيا صحيح انو في حرية للانسان وصحيح انو الو الحق يشغل مين ما بدو..بس هون عم نتعارض مع ترابط المجتمع في الدولة ..بعدين ازكان كل واحد ما بدو يشغل فلان لانو غير دينو او عرقو معناها خربت !! وساعتها هضمنا حقوق شريحة هامة من المجتمع!! وبرجع بكرر هالاشي جدا جدا عنصري..وازا انتي بتقبل انو ما يقبلوك بشغل لانك مسيحي او سوري فهاي قناعاتك الخاصة لكن انا وكتار متلي ما منقبل هالشي :D اقتباس:
اقتباس:
|
اقتباس:
الحجاب للمسلمين و ببلدان علمانية أو غربية المتدينة او المنتمية الى عائلة محافظة هي اللي بتتحجب عشان هيك هو تمييز ضد الاسلام وضد المتدينين اجمالا والمقياس ويلي مش بتفرق معك او بتفرقش معك المقياس هو اللي بيصير صح او لأ ؟ تمييز عنصيري أو مش تمييز عنصري؟ اقتباس:
ازا انت مستغني في ناس كتير لأ ووالي بعرفو كمان انو تواجه احسن مية مرة من انو تهرب ولمما تستغني وتسكت بتكون هربت !! اقتباس:
بس ما بعرف ليش ما لقيت وجه تشابه بين الشغلتين :shock: طاقية الطباخ للطباخ بس الحجاب مش لمهنة معينة ولا بيميز وظيفة عن وظيفة تانية لهيك المقارنة نهائيا مش صحيحة !! اقتباس:
مفهومك الشخصي وانت حر فيه بس في كتير محجبات جميلات وأنيقات وجه وطول وعيون ! :oops: وما حناقشك بموضوع الغرض من وجود الحجاب لعدة أسباب : 1- اني مش من المؤمنين بإنو مفروض دينيا ومؤمنة بشدة انو اللي فرضتو عوامل اجتماعية بحتة :pos: 2- انو مش هاد موضوعنا نهائي عشان هيك ما لازم نلعي برات الموضوع :frown: |
مروى هلق سؤال كتير صغير ( مروى بشكل خاص والباقين بشكل عام)
عندكون بالبلد ( ما بعرف انتي وين ساكني بالظبط بس عالاغلب انو رح تكون مدينة عربية) بيوم من الايام فتحتي محل او معمل صغير وعملتي اعلان بشي جريدة عما تدوري فيا ععمال بيشتغلو عندك .. وكان لازمك خمس عمال مثلا وباليوم البعدو اجو 7 عرب و4 يهود .. وتقريبا الكل عندو نفس المستوى ( من ناحية الخبرا بالشغل ومن ناحية التعليم مثلا) انتي مين رح تفضلي تشغلي العرب اما اليهود؟ وانا تماما مقتنع بشغلة انو هاي حرية شخصية كيف انا بدي العمال يكونو عندي بالشغل, بس انا كون فاتح مكتب معين وفي علاقة مباشرة بين العمال وبين الزباين .. فانو في احتمال كون بدي نوع معين من اللبس .. لانو اكيد الزبون رح يهتم بمنظر الشخص الي عما يشتغل معو ان راد او لاء. وبس تكون البنت حاطة حجاب هادا بيعني بطريقة مباشرة انو في اسا شغلات مرافقة للحجاب ما بتساوية وانا شخصيا اذا حدي الي قلي انو والله انتي لانك عربي سوري مربي دقن ..... مافي تفوت على هالمحل او مافيك تشتغل هون .. فانا رح اتقبل الوضع وكتير عادي بكون. يعني مارح اتدايق لاني بعرف انو هادا الشغل شغلو وهوي الي بيقرر هالشي. ومثال جاد كتير حلو وواقعي كتير .. وبيصير مع الكل حلو الموضوع:D |
اقتباس:
|
اقتباس:
هلق بالنسبة للعدد الكبير, فهاد بكون بسبب قلة وعي المواطن. ووقت هالشي بصير, فعليها انظمة هالدولة انها تراجع حالا, يعني يا اما في شي غلط عم تعملو, يا اما هية هيك بدها. لانو هية اللي الا الاثر الاكبر بتوعية المواطن وتوجيهو بهالمواضيع. وانتبهي اني قلت توجيهو, وليس فرض قوانين عليه. لنفس الاسباب اللي قلتا ببداية الموضوع. ولما بكون المجتمع مدار بطريقة صحيحة. هالحالات بتكون قليلة. مثالك عن اسرائيل, ما بيمشي حالو, لانو اسرائيل بكل بساطة (كحكومة) بدها هيك. فانو يكون هالشي كتير فيها شي طبيعي. اقتباس:
انا ما بدي افرض حالي عليهون. يعني عني جماعة عنصريين انا شو بدو يقعدني بيناتون!! يعني افترضي الدولة حطت هالقانون عليهون, واضطرو غصب عنهون يشغلوني, رغم انهون مثلا بيشمئزو من كوني مسيحي سوري, برأيك شلون رح تكون قعدتي بيناتون!! عدا عن انو بكل بساطة فيهون يرفضوني بمليون طريقة, بدون ما يبينو انو بسبب جنسيتي او ديني. يعني انا بفضل يقولو السبب الصحيح قدامي, احسن بمليون مرة من انو يطلعولي سبب تاني ويكذبو عليي فيه. هيك بعرف حالي تمام, وين انا, وشو العائق الصحيح قدامي لاخد الشغل الفلاني. اقتباس:
|
اقتباس:
كام مرة بدي اقول الجملة انو هاد اسمو تمييز عنصري سلبي مرفوض..عمي لازم يكون في تكافىء فرص واثبات جدارات ..:D |
اقتباس:
اقتباس:
اقتباس:
اقتباس:
انا كل اللي قلتو انو هاد هو المطلوب من وضعو, انو البنت ما تبين جمالا قدام الرجال. |
اقتباس:
او المطعم الي بيقدم هادا النوع من المشروبات. او مثلا مضيفة بتقدم هالشغلات .. يعني ببساطة كلشي الو علاقة بالكحول مثلا في عندك الشغل بمحل تياب, بيجي شي شب بيقيس شي شغلة .. وبعدين بيجي الي بياع مشان يظبطلو تيابو مثلا, اذا كانت بنت محجبة فرح يكون في عندة مشكلة مع المعاملة المباشرة مع الشب انسة بمدرسة , وخاصة بالفترة الاخيرة الي عما يحالوا فيا بهيك محلات يغيبو الظاهر الديني. ما كتير خاطر عبالي هلق هيك وظايف .. بس وقت بيكون رب العمل هيك بدو انا ما رح قلو لاء. بعدين رجعة تاني على فكرة المدرسة.. انا شخصيا بأيد مية بالمية القرارات الي انفرضت بفرنسا ضد الاشارات الي بتظهر الدين ( الحجاب الصليب العمامة ... ) وبرفض بشكل قاطع فكرة منع الحجاب بس ( متل بتركيا هلق ) انا شخصيا ما عندي اي شي ضد المحجبات ... والي بيعرفني مظبوط بيعرف رأي بهاي الشغلة .. بس انا كمان فيني اتخيل وببساطة كتير انو شخص يقول لاء لوحدي محجبي ويشغل محلة بنت ما محجبة .. حتى لو بدون اي سبب مباشر .. بس هيك مشان المنظر العام... وكمان عادي كتير انو واحد ما يقبلني بالشغل لانو دقني طويلي .. وما رح احلقة بس مشان ققدر اشتغل عندو ... قناعة خاصة وما بقدر غيرا :D |
اقتباس:
اقتباس:
اقتباس:
ما فهمت ! شو علاقة اليونيفورم بالحجاب ؟ ومين قال انو الحجاب بيخرب يونيفورم ؟!! اقتباس:
هلأ مش حاجي أحكي انو اللي بيصير في فرنسا مثلا تمييز لأن ممنوع استعمال اي شيء بيدل على انو انت من دين معين او تنتمي لطائفة معينة لأن هون القانون بيسري عالكل مش ع اصحاب دين او فكر معين بحد ذاتو ! بس بالمغرب الوضع غير ! بتمنى تكون فكرتي صارت أوضح |
اقتباس:
Job description للوظيفة واعتقد انو اي حدا بالدنيا قبل ما يتوظف بيعرف شو متطلبات كل وظيفة وشو طبيعة عملها :) بالأمثلة اللي انت حكيتها مش لاقية انو الحجاب ممكن يمنع طبيعة العمل هي اللي بتمنع متدينة مثلا تكون بهيك جو وما بتخيل انو بيحق لأي حد يحتج كونو دينو ما بيسمحلو يقوم بوظيفة مطلوب منو يقومها ومذكورة بالوصف الوظيفي اللي ل الو !! أنا كمان من مؤيدي قرار فرنسا لأن بتخيل الانسانية أساس التعامل مش الأديان وهيك الكل بيكون واحد .. بس مش هاد موضوعنا :D |
اقتباس:
لاكن اذا كان مشان صليب او حجاب او دقن. فلاء هالشي مو صحيح. اقتباس:
|
اقتباس:
لارباب العمل الحريه في وضع الشروط يلي هن رايديناه ماحدا انكر حقن بس يكون في توازن من ناحيتن ا وللطلاب العمل كمان حرية القبول او الرفض انا معك بأنو في تجني كبير بيصير على طالبات الوظائف من المحجبات .. خاصة تقولي انك باسرائيل اي هون مزبوط رح يكون في تمييز بشع بين المسلمين وغيرن:sick: بس التمييز بين المحجبه والغير محجبه خاصة بالدول العربيه ((يلي عم تطالب بالديمقراطيه ))هالتمييز ما بكل الاحوال يكون ع اساس ديني صدقيني كتير من ارباب العمل المسلمين بيرفضو توظيف المحجبات لسبب بسيط انو الحجاب شئ متخلف رجعي او مابيلائم روح العمل او او |
اقتباس:
انو دخلك السائق عماد خوري (الله يرحمو) لما قتلو الصهيوني قبل كام يوم من وين عرف انو مسيحي؟ مش من صليبو؟ وقال شو ..بدهن يعملو انو القاتل الصهيوني مختل عقليا لحتى ما يفوتوه عالسجن :sly: حسب رايي شي مقرف جدا انك تهضم حقوق اشخاص لمجرد انهم لابسين رموزهم الدينية..بس بالنهاية يمكن الموضوع بتعلق بشخصية الانسان ومدى تقبلو للشيء..يمكن انتي تشوف هالشي صح وتقتنع بهالحرية الشخصية لصاحب العمل بينما انا رح شوف انو هضم للحقوق :D |
اقتباس:
العمل للعمل, العمل مانو مكان كل واحد يجي يظهر فيه دينو وعرقو وهالشغلات كلها. من حق صاحب الشغل انو يكون مكان شغلو بروفيشينال, خالي من اي مظهر ديني او طائفي. |
يا جاد..
اقتباس:
بعدين حق العمل هو من اهم الحقوق ازا ما كان اهمها اطلاقا في الدول الديموقراطية..ويمنع منعا باتا انو يكون في اخلال بحقوق العمال لمجرد التزامهن الديني..:D |
عيوني ببلادنا الحجاب مظهر, فقط لا غير, هالشي لا انا ولا انت فينا ننفيه
|
اقتباس:
:D |
اكيد, لاكن لما الواحد بكون عندو شركة خاص, فهو بحقلو يختار المظهر اللي بدو موظفيه يطلعو فيه.
وهاد شي بتم قبل ما الشخص ياخد العمل. يعني بقلولو شو اللي بدون ياه يلبس, قبل ما يقلولو انك انقبلت. |
اقتباس:
لكن نحنا مو عايشين بعالم مثالي ... عالمنا كلو أخطاء .. من هون طلعت بوجهة النظر هاي .. انو متل ما المحجبة اختارت تكون محجبة "وبالدرجة اللي بتناسبها" .. كمان صاحب العمل بيختار الطابع اللي بدو ياه وبكون مناسب لعملو .. وحتى المحجبة تغيّر هالشي وتطالب بحقها كحق ثابت لازم هيي بدورها تلتزم بثوابتها .. وما تقدم تنازلات .. يعني ان كان الدين بيمنعها من المخالطة ما تخالط .. واذا بيمنعها من اللباس الضيق .. الخ انو تمتنع عنو ... وبما انو الموانع كتير (هيك برأيي) فالمحجبة الحقيقية يجب ان تبحث عن عمل يناسب دينها وحجابها .. وهناك الكثير من المؤسسات الاسلامية اللتي لا تقبل الا بالمحجبات للعمل لديها .. |
اقتباس:
اذا أصبح الدين الاسلامي والحجاب حسب قناعات كل شخص .. فما بالك اصحاب العمل والمؤسسات اكيد كمان رح تشتغل حسب قناعاتها !!! مع احترامي للجميع .. |
| الساعة بإيدك هلق يا سيدي 22:46 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
