|
مرحبا
لك انا مبارح قلت انو بدي ارجع بعد شوي ولا شو اخدت رفيقي إسعاف ما علينا هلق انا حسب قناعتي انو انا مخير ومسير كيف هيك ظبطت معك اها انا بقلك شلون بعد ما سألت شوية شيوخ وشوية راهبين خلاصتو انو مثلا انا مكتوبلي اقبض هاد الشهر 10000 مثلا هاد مسير بس انو كيف مخير يعني انو انا بإمكاني اخد هالــ10000 اما بشغلي وبتعبي او بإمكاني اخدون من الجيبة السحرية هيك قالولي يلا برجع بعدين |
اقتباس:
يعني انت صحيح مافيك تختار اسمك ولا دينك بس فيك مثلا بس تصير راشد تغير دينك |
هلأ هون ابو جوزيف جاب المثال الصح تمام
انا ممكتبلي اخود 1000 ليره هاد الشي مسيرلي ، بس انا مخير هون هلأ باخدها بشغلي ، هل باخدها باللطش ، هل بقتل و باخدها ، ممكن بكذا طريقه اخدها ، بهل حاله انا مخير انو ختار اي طريق بدك لتاخود هل 1000 فيها ، بس مجرد ما خترت هل طريق ، فرجعنا لكلمة مسير ، انو لح اتسير بهل خط ، لنوصل لمرحله تانيه فيها تخير و هكذا ... بس كمان هي مو حاله عامه .... يعني انت تسيرة بالنسبه للدين و انت صغير ، اي بس في ناس كبرت شافة غلط بدينها شو ما كان هل دين ، و غيرو او قلبو لدين تاني ، او الحدو ، معناها مانك مسير ، لانك خترت شي تاني و تخيرت هون ، ولما خترت هل شي رجعة تسيرة بهل دين الجديد .... ما بعرف برجع بالنهايه بحكي ، انو الشغلتين مرتبطين ببعضهم ... مافي شي اسمو انا مخير تمام ، ولافي شي اسمو انا مسير بشكل دائم |
الانسان مسير بالفكر ...:?
|
اقتباس:
ما كنا نخلص من هالقصة شي اخوان وشي دين .. حالة .. قلت بحالي خلينا نغير هالسيرة .. |
اقتباس:
وحتى في الدين المسيحي صار في حالات من القتل من ورا هالقصة .. يعني ممكن يكون في كتير ناس مثلا بدها تغير معتقدها لكن بسبب عامل الخوف الاجتماعي مثلا ما بتقدر .. بدها تساير مجتمعا ... اذا اصبح هالشخص من مخير الى مسير بهالحالة ... |
اقتباس:
|
اقتباس:
|
اقتباس:
بس انت اخترت تكتب مو تاكل ... اختيار وطبعا الاختيار أو المسايرة بتم بالتفكير وبالعقل ... |
اقتباس:
لا ابدا .. ما عم العب عالكلام هي مثال بسيط للفكرة اللي عم احكيها لنفرض اني بدي اتمرد عالمجتمع العايش فيه بمافيه من عادات وتقاليد و و و طبعا هاد الشي انا اخترتو بس بباطن الموضوع هاد القرار اجا نتيجة فكرة وهي الفكرة هي اللي سيرتني للتمرد .. |
اقتباس:
بالنهاية العقل هو اللي بقوم بالاختيار أو المسايرة .. بدك تسميها مسايرة كان بها ... حاصلو نحنا مسيرين بكتيييييير أمور .. اذا كنا مسيرين بعقلنا بس كتير حلو .. بس المشكلة انو مو العقل وحدو هوي اللي بسيرنا .. |
هلا حدا مرّ من ناح هلـ الموضوع و قال آآآآآآآآآآآآآآآآآآآآآآآآآ خ بس .. :cry: نيرفانا .. :D مواضيعك علـ الورم بتجي .. |
اقتباس:
:D |
اقتباس:
الانسان ولد حر .... والعادات والتقاليد هي من صنع الانسان ...... والاختيار بيجي من الارادة ... لانو الارادة هي جعلتك تختار ...وبالتالي انت مخير .... بس ما فيك تقول انو الموت مسير فيه ......لانو الموت نهاية لكل مخلوق حي وما بيندرج تحت هالمصطلحات |
اقتباس:
اسمو كااااااااااااااااائن .. :lol: |
اقتباس:
بس قلت خلص كتبتها ومشي الحال... وما بدي عدلها |
اقتباس:
انو لنفرض انتي شو السبب اللي خلاكي تكتبي رد ع الفكرة ..؟؟ شو يلي خلاكي تكتبي الموضوع اساسا ؟؟ برجع بكملن النقاش لانو فكرتي اللي بدي وصلها ما وصلتها لسى اقتباس:
موضوع الموت إلو حديث تاني لما ارجع .. صحي شكرا نيرفانا ع مواضيعك :D |
اقتباس:
عقلي خلاني اكتب الموضوع والرد .. بس كان فيني ما اكتبو .. لكني اخترت اني بدي أكمل النقاش معك .. |
اقتباس:
يعني انا متلك كنت مخير يا بشوف ردك و بمشي يا اما برد و انا خترت رد بعدين صرت مسير بهل رد هاد ، يعني هيك شرح مبسط ما هيك نيرفا |
اقتباس:
|
الفكرة ... انو مافينا نحكي عن التسير والتخيير بشكل مطلق
الموضوع عبارة عن فكرة اني مقيد بالمجتمع بما يحمله من دين وعادات وكمان ما يحمله الانسان من افكار ومعتقدات وكلها هي متغيرات هلئ بنجي بنحكي عن الاهل والوطن انو هدول موا حنا اللي اخرناهم الانسان عندو حرية يتخلى عنهم بس فكرة انو الانسان محكوم بالعواطف تعتبر نسبيا تسير لحال الانسان .. وارتباطو بالاهل والوطن |
اقتباس:
انت لما حكيت عالتمرد بانو هوي اختيار بحياتنا طيب اللي خلاننا نوصل لمرحلة التمرد هوي اكيد الضغوط اللي مسيرتنا بحياتنا ماهيك؟؟؟ برايي نحنا مسيريين وكتير كمان مع المحاولة من اظهار اختياراتنا بكل الاوقات |
اقتباس:
|
اقتباس:
لانو احيانا الانسان بيتمرد على شيء بشوفو وما بيتقبلو ..... ومن هون بيبدا التمرد عند الانسان يعني بيختارو ... بس مو مسير على اختيارو .... لانو فيكي تختاري انو تتمردي وفيكي تختاري انو تنطوي وتمشي مع التيار .... حسب كل انسان وانا ما بشوف حالي مسير بتاتا ......... والدليل انو اي شي ما بيعجبني بتمرد عليه بدون تردد ..... |
اقتباس:
السؤال لأي درجة او شو حدود التخيير والتسيير للانسان ؟؟ |
في ناس هي اللي بتختار بأنها تكون مسيرة لأسباب كتيرة، أهمها التهرب من تحمل المسؤولية وانعدام الثقة بالنفس والخوف من النتائج أيا كانت، ومن هؤلاء من يعتمد على أشخاص، او على ظروف معينة،لتقوم بتسييره، وكثيرون هم من يعتمدون على الدين في ذلك لقناعتهم بأن كل شيء مخطط له مسبقا وأنهم مجرد منفذين
ومع ذلك بنشوف بأنو بهالحالة، الانسان هو اللي اختار ان يكون مسير، يعني باختصار ،من خلال هالمثال ومن خلال معظم الردود السابقة نرى انه ليس هناك شيء اسمه مسير او مخير بالمطلق شكرا لنيرفانا وللجميع:D |
اقتباس:
هلا حدود الاختيار بكون الخط الأحمر تبعها هوي الشذوذ عن المجتمع .. عن الاهل .. عن الدين .. عن العادات والتقاليد .. عن القانون .. وهكذا .. اما المسايرة فخطها الاحمر.. على سبيل المثال وليس على الحصر .. المسايرة على الخطأ .. مثلا السرقة .. الكذب .. القتل .. الرشوة .. وهكذا هلا هاي امثلة وافكار لكن برجع وبقول انو المسألة نسبية تماما وتختلف من شخص لآخر حتى بالحدود والخطوط الحمر .. |
اقتباس:
وموضوع الدين مهم كتير بهالموضوع لانو مجتمعاتنا معظمها مؤمنة بالدين .. والدين يقتضي انو تسايرة .. تمشي معها متل ما عم يقلك ... وبالتالي كتير من الامور في حياة المؤمن مسيّرة ... أكتر من الشخص غير المؤمن .. شكرا الك :D |
اقتباس:
بس بدي ضيف شغلة بموضوع الخطوط الحمرا هي ما بتختلف بس من شخص لآخر بتختلف كمان من مجتمع لآخر ومن عصر لآخر يعني الشي اللي كان خير بعصر ما ممكن يكون شر بعصر تاني لانو طبعا مافي خير مطلق وشر مطلق |
و بدها سؤال .. :?
|
اقتباس:
|
جاوبوا....:larg::larg::larg:
|
ليش شو السؤال؟
|
اقتباس:
:larg::larg::larg: |
طيب بس اذا كانت هي فعلا خطوط حمرا اي ما استفدنا شي بهالوضع
بعدين بدي اسال انا كمان لما الشخص بيكون مسير واللي حوله جربوا انو يكونوا مخيرين قاموا خسروا مع انو الفشل كان لانو ما عرفوا يتمردوا يضل هوي ساكت ومسير ولا شو يعمل؟ |
نيرفانا ......:jakoush:
ما عم اقدر صيغ رد لانو كل ما بحاول اكتب رد بلاقي شي مو مناسب .... الخطوط الحمرا والمسايرة والصح والغلط ومخير ومسير والتمرد ... كل هدول ما عم اقدر اجمعون :x |
كنان وكوستا ..
هلأ برأيي الشخصي وضمن الواقع الذي نعيشه وباستخدام العقل وحسب درجة وعي كل منا .. نساير في بعض الأمور .. ونختار في أمور أخرى .. أما التمرد فيأتي في حال استحال الأمرين .. فالتمرد يتعدى الشكل العادي في الاختيار .. التمرد يأتي بشكل أكبر ويشكل مسؤولية أكبر .. التمرد يحصل في الحالات المستعصية .. وبقرارات مصيرية أكص منها في قرارات روتينة أو عادية .. لذا كوستا لا ارى كيف لا تستطيع ان تجمعهم .. ؟ كنان .. كل انسان يفترض ان تكون له شخصية مستقلة مهما كان ارتباطه بالآخرين .. ان هم فشلو لا يعني هو سيفشل .. لان الشخص مختلف .. والظروف مختلفة .. بالعكس لازم يدرس الحالات الفاشلة ويعرف شو اللي ادى للفشل ويستفيد حتى ما يكرر الخطا الذي فعلوه ... |
اقتباس:
نحن و في الوطن العربي مسيرون و بشدة .. لذا كنت عم قول ما بدها سؤال .. |
اقتباس:
|
اقتباس:
الجواب والاسباب متفق عليها كمان بس بدنا الحلول :lol: |
| الساعة بإيدك هلق يا سيدي 00:43 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
... يعني مشان ما تزعل بدنا نغير الموضوع لـ: هل نساير انفسنا أم مجتمعنا ؟ مثلا ..