|
اقتباس:
لا راجعة بأذن الله اذا ما رجعش ابن الله (( على قولة زياد )) اي معلم اذا قلهم حق بياخدو معروفين نحنا ما مناكل حق حدا مناكل ببعضنا اقتباس:
اي كمان هدول عم يجمعولنا ياهم ... وعم يتم التسليم بفرع المنقة وفلسطين واباقي الفروع انشالله انضل انصاف رجال ... وما تتأزم حالتنا |
اقتباس:
كاتب النص الأصلي : BL@CK  عفوا ً منك إزا انت معتبر أنو في حد دايس عـ حريتك .. ما تعمّم الحديث عـ كل السوريين .. كل واحد يحكي عن حالوه يا أخي .. )) هوة جاب سيرة الحرية وانا رديت عليه بموضوع الحرية .... :D |
اقتباس:
اول شي تحية الك بعدين اخي ضمير ال " نا " يمكن ما بيمثلك بس بمثل سواد شعبنا السوري وانا ما كان قصدي الاهانة .. وانا ما زعلت من تعبيرك .. بس يا صديقي اذا خادم جيش بتعرف شو قصدي بالبسطار العسكري اذا فايت على شعبة تجنيد ومجند هنيك عمل حالو عليك لواء بتعرف شو يعني بسطار عسكري بالنسبة للحرية يلي متمتع فيها حضرتك بحياتك انتخبت رأيس جمهوريتك او حتى عريف صفك بالابتدائة هلق منجيب سيرة يلي حكو كلمتين وصارو بسابع ارض بقلولنا بتضلك تدحشهم بكل موضوع تاني شي انا كان ردي عام ومو موجه لحضرتك ولا غنى عنك بس انت يلي كتير انزعجت ... بالنسبة للزعيم سعادة وقت بدك تبعتلو تحية مو شرط تحط سمايل عم يضحك كان ممكن تحت وردة المهم بتمنى يكون اخر رد بالموضوع الجانبي هاد ونرجع لموضوعنا مشان ما يزعل كوستا وناكل مخالفة خروج عن الموضوع ونرجع لموضوعنا الاساسي .. بالنهاية الك مني كل احترام :D |
حاج تبيضو ع بعض وطنيات أبوس ألله ..
منيح هيكـ ؟ لكـ ماحدا .. بكررر ما حدا قلبو ع هالبلد .. مني وجر . لزالكـ خلونا نمسكـ لقمتنا .. وألله المسهل |
Brave Heart 2
حسبي ربي جل جلاله ( بحكم العادة هي مش أكتر :lol: ) مصّر حضرتك تدافع عن عن أشيا أكبر مني و منك لك أخي مين بدك تنتخب ببلدك لو بصير انتخاب مفكر مثلاً رح يطلع ميشيل كيلو لأ و حياتك عالغالي توقع البيانوني و أتباعوه .. شو وين عايش انت قبل ما تطالب بالحرية و الديمواقراطية عريف مستوى الشعب اللي عم تطالبلو بالحرية هاد شعبك بهمو بطنو و كاسو و **** هي الحرية بمفهوم شعبك لا تحكيلي على هالكم بني آدم المثقف و اللي بيفهم شو ما كان ما بتتعدا نسبتون 5 % هيك مرتاحين أقلا شي إزا مشيت مع بنت بالشارع ما حدا بيقلك مين هالبنت و شو علاقتك فيا و هات هويتك و هات هويتا اسـا بتقلي ديموقراطية .. :lol: قبل ما أنسا رد سلملي عالزعيم " أنطوان سعادة " .. :p اقتباس:
يا إقطاعي يا بروليتاري لو إلي خبرك هيك ما شربت معك فنجان هالقهوة .. :lol: |
الله يرحمو ويحسن للي خلقو .. :(
|
اقتباس:
لما بدك تحكي ع انطوان سعادة ما بتحطلي هالسمايل المعفن بتضرب سمايلي تعظيم مشان ما ينقرق سعادتو هوي و بقبرو :lol: |
سعادة انطون سعادة ما بيهمو .. تفاهات شخص متزحلق وعميل للنظام متلي .,. :lol:
|
وقت اللي قلتلك فوق خسارة فنجان القهوة كنت واثق و متأكد أنو ضيعانو
عميل للنظام و إقطاعي ليكو انطوان سعادة بقبرو عم يدعي عليك هلأ جماعتو بيهدرو دمك .. يا ويلاه .. ما بعرفك و لا بتعرفني .. :sick: |
بالروح بالدم نفديكـ يا حافظ
بطل التشرينين .. تشرين التصحيح .. وتشرين التحرير .. من قلبي عم قولا أخ بس لو كان في تشرين تالت |
شباب
رجاءً ارجعوا لأصل الموضوع, ولا تضيعوا فرصة فهم حقبة مهمة بتاريخ سوريا, ورجاءً أخي بلاك انك تعمل موضوع عن حضرة الزعيم أنطون سعادة, يمكن كتار بيهمّون يعرفوا عنّه, وبأكّدلك انه حافظ الأسد وأنطون سعادة وغيرهن من هالعظماء ما بيدعوا على حدا بقبورهن, عملوا شي كان بيناسب لحظتهن وهلأ الدور على همّة الشباب. بالمناسبة شو يعني بروليتاري؟ كل الحب والمودّة |
اخي شاشو ردكـ بمحللو .. وعجبني ..
أخيرا ً التقى شخص بيفهم وبيتفاهم .. وبيرحم .. |
العزيز shasho
أنا ضد و أندد بحرف مسار الموضوع عن حرب تشرين التحريرية المجيدة لإني هالحرب عملت نقلة مجرد إتخاذ قرار بحرب بجبهتين : جبهة سورية مصرية موحدة ضد الكيان الصهيوني الغاصب شغلة كتير كبيرة و بتنسحب للرئيس الراحل حافظ الأسد بغض النظر عن نتايجا شو ما كانت تكون بس العضو برايف هارت 2 دحش مقولة للزعيم أنطوان سعادة و أنو لازم نحرر أنفسنا قبل ما نحرر الجولان فوجدت نفسي مضطراً أن أرسل سلام للزعيم ولو كان في قبروه أنو شو هالعمق و النظرة البعيدة عندو عرف شو رح يصير فينا بعد ما يموت ... شو هالزلمة هاد .. يا ربي دخيلك مش أكتر مرة تانية حقكون علينا جميعاً .. حرفنا الموضوع عن مساروه :D |
اقتباس:
انا يللي قلتو كان واضح .... بس احداث الحرب انت ما بتعرفها ولا عشتها ... بس يللي كانو موجودين وناس موثوق منون ومن كلامون حكو .... وحتى في ناس تضررت مو من الحرب .. بس من قادة الحرب .. يللي استغلوها لمنافع شخصية ... ومافينا نحكي كل شي عالعام ...... بعدين انا من هي البلد وغصب عن الكل .... وما دخل انتمائي العرقي لانو انا بالنهاية سوري .... وسبق وشرحت هالشي .... خود هاللينك .... لانو ما كنت انت وقتها .... وبتعرف مين انا - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - بعدين ما فيك تقلي دخل حالي او ما دخل حالي لانو اذا صار حرب بدنا نروح كلنا ..... ولا تحكي معي بهي اللهجة ... لانو عندي لهجات كتير فيني احكيها معك ولا تزاود عليي ... لانو انا من قبل ما تخلق انت انا موجود بهالبلد ..... تفضل هي انت براتها ... ليش ؟؟؟ قاعد من برا وعم تحكي .... تفضل فوت على سوريا واحكي وفرجيني شطارتك ...... ولا تاخد اقتباسات ناقصة ... بدك تحط اقتباس حطو كامل ... مع الرد الكامل ... لانو انا شرحت ليش ... وعندي اسبابي .... وماتعمل هالحركات لاني بعرفك اوعى من هيك .... |
بدي ضيف شغلة عالموضوع مشان ما تاخد الناس منحى تاني وتفكر بشغلات تانية ...
هلأ الحرب بحد ذاتها كانت فكرة موجودة من قبل .... وما كان هدفها القضاء على اسرائيل لانها كانت دولة معترف فيها بالامم المتحدة ... بس الهدف منها كان الضغط على اسرائيل وعلى الدول المتحالفة معها لانهاء الصراع القائم ووضع حد للرأسمالية العالمية يللي كانت عم تفرض حالها وتقاوم الحركات اليسارية ... هلأ الحرب والمعركة بحد ذاتها كانت تخطيط سوفييتي كامل وسلاح سوفييتي ... وحتى السوفييت بهداك الوقت كانو بحاجة لهي الحرب ... يعني كانت اكتر من مجرد صراع بين دولتين او اكتر .... او حتى تحرير اراضي وتحرير القدس وما شابه ... ومن بعد الحرب قدرت مصر تقعد على طاولة مفاوضات وتتفاوض مع اسرئيل .... والنتيجة عملت سلام .... اما سوريا كان الها وضع خاص ...... وهاد الوضع انو بدها السلام بس مو على الطريقة المصرية او الاميركية .... وصار احداث بعدها قدرت تاخر المفاوضات .... السؤال تبع موضوعي رح صيغو بطريقة تانية .. الجولان ما زال بيد اسرائيل .... وعملية السلام واقفة وما عم تتحرك الا بشكل بطيء ..... وعم تواجهها عثرات كتيرة منها الاحداث يللي جرت بالمنطقة ان كان الحرب الاهلية اللبنانية حتى حرب الخليج الاولى والانتفاضة الاولى واحداث الارهاب العالمي وغزو العراق والقضية اللبنانية ...... السلام ايمتى بدو ينحل ؟؟؟ وعلى انو اساس رح بكون .... وبالاخص انو التطورات يللي عم بتصير عم تاخر السلام كتير ... يعني الحرب ما جابت نتيجة لحد هلأ ... ولسا عم نستنى ... طيب قديش ممكن يتحمل الشعب السوري وقديش عندو قدرة ... وبالاخص الاوضاع صارت واضحة على الجميع وبالاخص الوضع الاقتصادي ... |
أنا بشكر يلي رد علي وهاحمني في ردي
بس بحب قول شي ... أنا عربي سوري وروحي فداءً لوطني مهما كان ومهما حصل إن كل واحد فينا تخلى عن وطنه او ضعفت معنوياته في وطنه ..لمين هاد الوطن حيبقى شكراً |
اقتباس:
صديقي العزيز انا وقت قلت عن انتخاب رئيس الجمهورية ...كنت عم بستعرض الحرايات يلي محرومين منها اكيد انا ما بتمنى ابدا يستلم واحد اصولي .... يعني لو ترشح مثلا البيانوني وبشار الاسد اكيد وقتها رح انتخب بشار الاسد وبالدم مو مزح وبالنسبة للامان يلي عم تحكي عنو اي واحد بيطقك تقرير من المخبرين يلي هنة نص شعبك حتى لو مو عامل شي بجيب اخرتك ... وليش دايما منحكم على شعبنا مسبقا ..انو ما بتلبقلو الديمقراطية ؟؟؟؟ بس نحنا شعبنا دايما عندو بعبع يا اصولين .... يا الحكم الحالي يلي عم يمارس يلي عم يمارسو بالنسبة لانطون سعادة وصل السلام ... |
الجولان بترجع برجوع التضامن العربي اللي شهدناه بحرب تشرين
|
هلأ ازا حكينا بيتهمونا باضعاف الروح الوطنية .. و الإدلاء بتصريحات من شأنها أن توهن عزيمة الأمة :lol:
|
اقتباس:
تحية ود ومحبة آسف إذا أشعرك ردّي اني هاجمتك لأن هالشي ما كان هدفي, متل انّي ما نويت هاجم يللي رأيه متناقض مع رأيي, لأنه والحمد لله هالحوار بين ناس كلهن مثقفين ووطنيين بلا استثناء, بس كل واحد شايف القضية من وجهة نظره. تحية كبيرة للجميع |
لحنا انتصرنا على اسرائيل الي مدعومة مباشرة من امريكا يعني كانا انتصرنا على امريكا لحنا صحيح وقتا ماحررنا الجولان كاملة بس حرننا جزء كبير منا وكنا لاول مرة جيش عربي بيقوم بحرب على اسرائيل مو بلعكس
|
احسن شي الواحد ما يعلق على شي
بصراحة حسيت بشوية اسى لهيك مارح علق:D |
اقتباس:
|
ليش ردي
شو انت موسورية انا بستغرب بالسوريين الي مو عاجبتن دولتهن لكن ليش عايشين فيها روحو اذا لقيتو دولة احسن عيشو فيها
عاشت سورية ..............:x:x:x:x:x |
الجولان بيرجع إلنا لما مكنون كلنا إيد وحدة في الوطن من الداخل للخارج
أكيد أنا ما عم أشمل الجميع في كلامي لما أقصد انهم تخلو عن وطنهم وضعف معنوياتهم إذا كان البعض من شباب وأبناء الوطن معنوياتهم ضعيفة وثقتهم ضعيفة أكتر منهم ليش ما نلم جراحنا وننسى الأيام الصعبة ... ونكون كلنا إيد وحدة مع الوطن وأرض الوطن وعلم وأسم الوطن وملما بترجع الوحدة العريبة ويصير التضامن العربي كلو ... حترجع الجولان لما الكل بيغار على وطنو ويقدم أحسن وافضل ما عندو .. وطبعاً للحديث بقية / الله حاميكي يا سوريا ... وياشام أنتي المجد والأصالة والإباء |
الله يحمي سوريا وكل السوريين الي بحبو وطنهن ويصلح الي مابيحبو
|
اقتباس:
|
اقتباس:
|
اقتباس:
او منظار جماعة 14 شباط او منظار الأصوات الخارجية يلي باعت ضميرها وباعت ارضها وباعت كرامة واسم وعلم الوطن ومبادىء الإنسانية ومبادىء العروبة ؟ أي منظار بدك مني شوف يلي طلبت انت مني :x:pos: |
اقتباس:
شوف بمنظار يللي ما عم يشتغل وبدور باخر الليل عالمزابل حتى يلم شوية بلاستيك او تنك يبعون ... شوف بمنظار الولد يللي عم يدور بالشارع ويشتغل بويجي .... شوف بمنظار الموظف يللي رافض الرشوة وما معو يطعمي ولادو شوف بمنظار كل مين كتب كلمة حق وصار بالحبس ... شوف بمنظار الولد يللي مات ابو وداب بالاسيد لانو من غير ايديولوجيا .... وقلتلك تطلع حواليك ... شوف بتعرف بمين تشوف بمنظارو .. ولا تفكر اني من كل هالجماعة يللي حكيت عنون ... انا ضدون .... فتح عيونك وشوف منيح وحاجة عبارات بالية ووطنيات فاضية .... |
اقتباس:
ليش ما نلم جراحنا وننسى الأيام الصعبة ... ونكون كلنا إيد وحدة مع الوطن وأرض الوطن وعلم وأسم الوطن مارح أرد على كلامك لانو لازم نحنا ننسى جراح الماصي ونحط إيدينا بإيدين بعض ونلم جراحنا وخلافاتنا طبعاً الكلام للسوريين يلي آخدين فكرة خطأ عن بلدهم يلي هلأ هو محتاج إلهن ... بأشد الأزمات بعرف كلنا منكون روح وحدة حتى نواجه التحديات والصعوبات .. ولا بدك يصير فوضى وبلبلة وحكي ووجع راس من الخارج |
اقتباس:
مين يلي خبرك انها سوريا مثلا حتى لو سوريا ضروري تنط وتبلش بالروح بالدم لتسدق انها سورية وبتحب بلدها وهلق عم نفكر نغير اسمها لانو السوريين صارو اقلية امام باقي الجنسيات اقتباس:
|
اقتباس:
كيف يعني هاد معنى كلامك ممكن تفسر / مين يلي حاميك وراعيك لغاية هلأ أكيد رب العالمين الله وحده و الحامي ونحنا ما غلطنا لما حكينا انو سورية الله حاميها أكيد بتمنى منك تعيد مراجعة كلامك .. مشان الوطنيات بعدين الكلام كلو هون عن حرب تشرين يعني أكيد كل واحد وكل وحدة بيغار على بلدو ووطنو بدو يكتب بالشي يلي انت شايفو أنو وطني |
اقتباس:
حبيبي انا ما غلطت ... مزالك عم تحكي عن حرب تشرين العظيمة قال يعني مين يلي حارب فيها وحرر القنيطرة الله ولا جنود هالوطن خليه الله تبعك بسماه ... ولا تحملو مسؤليتنا ... واجبنا نحنا نحمي سوريا مو الله يحميها ... وهي الخطب الرنانة والخطابات الخشبية ما بتحرر اوطان ولا بتبني مستقبل انا جدا بحترمك وبحترم غيرتك على سوريا يلي لا حدا يزيايد على التاني بحبو لالها ..... تقبل تحياتي واحترامي :D:D |
اقتباس:
|
اقتباس:
لأنو اول شي الدنيا رمضان المبارك .. وبعدين يا ريت من الجميع مايخوض في موضوع الأديان بدون ما أي حدا يمس هاد الشي إن كان من اي الأديان موضوع الأديان موضوع حساس كتير بالنسبة لكلامك عن الخطب والمزايدة يلي عم تحكي عليها .. أنا مارح أرد عليك لشوف غيري شو رح يرد |
اقتباس:
بعدين كيف بدي حط ايدي بايد واحد عم برتشي وعم يسرق البلد ..... وعم ينهب ويتهم الناس بتقراير ويضرب التاني بفرع المخابرات .... هاد يللي بدك ياني حط ايدي بايدو .... كأنك عايش بغير بلاد .......:? بتمنى انك تجاوب على سؤالي .... اقتباس:
بدي اسالك وين كان الله بحرب 1967 ..؟؟؟ كان اخد غفوة ... ولا هو بعد السبعين صار حاميها .....؟؟؟؟؟ الا اذا كان الله غير يللي منعرفوا بالكتب .....;);) اقتباس:
:o:o;) اقتباس:
وبعدين تفضل رد ليش ناطر غيرك ؟؟؟؟ |
سؤال صغير و بتعرف الجواب لحالك
اذا اكلت قتلة من حدا بتسكت و لا بتردا حتى لو ما دممتو المهم انك جرحتو و كسرت شوكتو بشان يفكر للمرة الالف قبل يعيدا |
اقتباس:
مو مع اسرائيل الي هي عم تغتصب اراضي غيرا وعم تحرمهم حياتهم وتاسر حريتهن فهمت يعني اكيد جنودنا الي عم يدافعو عن ارضن والله معن وحاميهن |
| الساعة بإيدك هلق يا سيدي 00:43 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون