|
اقتباس:
|
والله انا لهلأ مو مفكره اطلع ...بس اذا صار معى شى ظرف طارئ بعيد الشر يعنى او شى هيك بلهى الواحد عن بيتوا هون بعود بدى اترك....
بس هلأ الحمد الله لسه ئاعده على ئلوبكم :p يعنى مبلطه حاطه بتكس .....;) وتسلم اش على الموضوع ولما بدى اترك بعيد الشر بكتبلكم السبب؟؟ |
اقتباس:
تسلمي على ردك ونشا الله بظلي بينا شو تتركي ما بيصير هل حكي |
ممكن انا اكون من المهاجرين بسبب التخلف المنتشر بالاخوية بالفترة الأخيرة
من قبل ما كانت الأخوية هيك :pos: |
اقتباس:
طيب بس انو ليش كانت غير شلون كانت يعني من قبل ؟ |
اي فعلا هي قالتلي هيك شي وينه وليش راحت ما بعرف
|
كازيتا الامورة وينها
|
اقتباس:
|
لهلا ما شفت رد واحد مقنع يخلي اي حدا يترك الموقع ؟؟؟
|
اش انت وينك ...
؟ لا على الماسنجر ولا على الخاص خلص الظاهر مالي نصيب حاكيك انشالله غير مرة سلام |
اقتباس:
|
برايي انو يرجعو ويحطوا الدردشة مابتلاقي ولا واحد ترك المنتدى
على فكرة انا لحد الان ماني عرفان ليش شالو الدردشة من هون |
اقتباس:
ولله يا صاحبي ما بعرف هاد الشي تابع للادارة ، يعني انا علمي علمك بهل شي هاد بس لو بيرجعوها انا بتوقع انو بيصير الموقع حرك اكتر .. بس بتوقع الدردشة اثرت على المنتدى يمكن شكرا للرد |
هلأ يعني إذا عملو موقع تاني يعني يصيرو العالم يفوتو عموقع دردشة تابع للأخوية ويحطو فيو إعلانات عن موضيع الأخوية الأخيرة وهيك .. يعني بيصير يكترو العالم أكتر .. بس بعتقد إنو شوي صعبة لأنو بتكلفون حق الموقع وتصميمو !!
بس بتضل الأخوية حلوة :D |
اقتباس:
بس بتوقع لو صار في دردشه بالموقع هل شي بيجذب ناس اكتر ، مافي داعي يفتحو لا موقع تاني ولا تالت هون بنفس الموقع ، يعني الحركه بظل موجوده بالموقع و هل شي انا متاكد بيجيب ناس زياده لهون .. ومن خلالها بيصيرو يعملو اعلانات لاجدد الموضيع و اجدد الردود وهيك ، ولا شو رايك انت |
اقتباس:
يعني ما بعتقد إنو الموقع بيتحمل لسا دردشة لأنو فينو أي عضو يحمل اللي بدو يا على الموقع "" مرفقات "" ويعني الموقع صرلو زمان فإذا منحسب منلاقي إنو تعبا كتير .. وأكيد ما رح يحذفو شي من المرفقات والموضيع لأنو رح تسبب مشاكل وبلبلة .. هوة من غير شي كتراني إنقطاعات الأخوية .. فحسب إعتقادي إنو لو بيقدرو يخلو الدردشة .. ولو ما بتسبب مشاكل كانو خلو الدردشة شغالة .. يعني هوة مجرد رأي !! :D إنت شو بتقول عمي ash |
اقتباس:
بس كمان فكرتك فيها وجهة نظر اخي انا بتمنى انو بس الادراه انو ممكن ترجعو للشات ، علاقل ولو لفتره قصيره ممكن نكون بفتره تجريبيه بس مو بدك مين يسمعنا بس انو فكره يا ريت الكل يشاركنا فيها |
مرحبا
مو دايما بكون الغياب ترك للاخوية مث انا بضل فترات ما بفوت و لا بشارك و بقرا مواضيع الاخوية لعدم وجود الوقت الكافي و بس ارجع فوت بقرا اغلب المواضيع مع العلم انو اخوية بوجهة نظري احلى منتدى و هوه المنتدى الوحيد اللي بشارك فيه بس لكل انسان ظروفو و لكل انسان شغلو و وقتو و شكرا على الموضوع |
اقتباس:
بس الحلو انك بظل بترجع و بتشارك و عندك ظروف حاكمتك ... شكرا على أبداء رايك بالموضوع يا غالي:D |
اقتباس:
و يعطيك العافية على متابعتك للموضوع |
اقتباس:
|
اقتباس:
هلأ يمكن ما في حدا من المشرفين شاف هلموضوع .. مشان هيك خرج إنو نقدم طلب على البريد .. يعني أو شي محل للطلبات .. ومنحط اسماء اللي بدون هلشات يصير .. وهيك .. شو رأيك ؟ شكرا إلك :D |
اقتباس:
ولله فكره كتير حلوه يا صاحبي ، انا معك فيها خلص حط هل طلب بالبريد انت و حط اسمي و اكيد في ناس كتير بتايد هل شي يعني انا من عندي بحكيلك اسماء برساله خاصه لو حابب و انت ضيف اسميهم بهل طلب .. لو ما عندك مانع خبرني وانا لعينيك حسامو ، و شو بدك انا لعيونك ... شكرا لمتابعتك للموضوع و لاهتمامك :D |
على مايبدوا مجرة ح اترك اخوية بس امانة تدعولي ولا تدعوا علي وسامحوني اذا شفتوا على شي غلط
انا كتير زعلانة بس هلق مافي حل تاني سلام اش على كل حال اليوم او بكرى على ابعد تقدير والاسباب شخصية |
مين ليش....خليكي..أخوية صارت متل بيت تاني إلنا..
|
اقتباس:
الكل بيحكيلي بدون سبب او سبب شخصي او سبب عائلي طيب حكو يا ربي شو هل اسباب يا الله |
اقتباس:
أنا موافق ورح حط الطلب بلبريد .. بس أول شي رح إبعتلك علخاص نص الطلب وإنت عدل علي وحط الأعضاء الموافقين على هلطلب .. وأنا كمان رح حط كم إسم عضو من عندي .. ومنون إسم مشرف "" مدعوم :gem:" وهيك منضمن إنو تتحسن نسبة قبول الإدارة لهطلب .. تحياتي |
أي ليش لأ...الله يرحم أيام طق حنك... ياريت يرجعوه
 |
وانا معكون
واشد على اياديكم انو بدنا شات :cry: هيك بشان نتعرف على شباب جداد .. تقبرو عظامي :sosweet: لا عم امذح انا .. ما بدي حدا بس بدي شات :tears: |
لان في عالم بالموقع ....
|
انا بالنسبي الي ما تركت واخوية فعلا منتدى غير كل المنتديات وما بعتقد انو في منتدى متل اخوية بكل اشي
بس اكيد كل انسان بيقطع بظروف اقوى منو وخصوصي هلأ برمضان ما حدا فاضي لحدا انا إسا مشغولي شوي بالدراسة وكمان رمضان الكل مشغول بس ابدا ما تركت اخوية واكيد ما حدا تركها وانشالله الكل بيرجع |
بصوا يا جماعه انا السبب اللى بيخلينى اسيب الموقع فتره بأنى ديما حاسه ان وجودى زى عدمه يعنى محدش بيعبرنى خالص ولا حد بيسأل عليا .
بمعنى اصح محدش مهتم بيا وانا متعودتش على كده بس دى كل الحكايه |
اقتباس:
انت سكتي و بلا نق ، الكل بيسأل عنك بس انت يلي مو سشأله عن حدا :o |
اقتباس:
ماشي يا صاحيب انا بنتظار المسج منك مشان عدل عليه بس خفلي ايدك شوي :yahoo: |
بنترك الموقع لنعمل مقالب:larg:
:o:lol::ss: |
اقتباس:
|
هلأ أنا من ناحيتي يوم اللي تركت الأخوية تركتها بسبب ظروف عملي و شوية مشاكل علقت فيها المهم اخوية بس دخلتلها علقت فيها يعني بتضللها نكهة بتميزها عن باقي المنتديات
بس برأيي انو السبب الرئيسي للترك هو انو لما بينفتح موضوع بالدين خصوصا و هاد الشي لاحظتو بتلاقيها علقت بين الأعضاء و هات يا كلام و خصوصا انو شعبك العربي مخو مركب مايل شوي و ما بيحب تناقشوا بقضية مزروعة زرع بمخو فبتلاقيه بينفر من أخوية لأنو بيظن أنيها موقع كافر لأنو فيو أعضاء مختلفن عنو بوجهات النظر دينيا ولاحظ انو أي موضوع ديني بينطرح او موضوع عن المبادئ و القيم بتلاقيها علقت و في سبب تاني أنو بتحس في نوع من الشللية وكتير عالم بتلاقي حط رد و بيستنى حدا يعبروا ما حدا بيعملها هون إجباري بدو يترك انا آسف اني طولت عليكن بس هي وجهة نظري |
اقتباس:
هلا أنا مزعوجة كثير كثير لان كل مواضيعي رايحة عالسقيفة ممكن هاد السبب بيخليني اهجر كل المنتديات مو الاخوية بس و انت عم تسأل حالك ليه ما هني المشرفين بيقهرونا فنحنا بنتعب بتجهيز موضوع بالخر بيحطوه بالسقيفة ليه ليه ليه؟ |
حلو كتير فكرة الموضوع مات انا
هلا شايف في اخر ردين واحد ترك مشان ضروف وهاد شي مو بايدو يعني خارج عن ارادتو و اهلا و سهلا برجعتك يا غالي و الرد التاني مشان نقل الموضيع ، ولله مشان نقل الموضيع انا ما بعرف شو احكيلك لانو لحد هلا ماحدا من الادارة علق على الموضوع اصلن لحتى يوضحلنا الاسرار الخفيه مشان هل موضوع هاد .. والسقيفه ما بعرف شو قصتها يعني هل السقيفه هيه مكان الموضيع يلي مالها طعمه مثلا ؟؟؟ مع العلم انو السقيفه من اكبر الاقسام بشكل عام بالمنتدى ؟؟ |
ما فهمت شو الاستفسار - المحدد - بالضبط !؟ ;)
يعني الموضوع عن سبب ترك البعض لاخوية ؟ ولا عن النقل واسبابو ؟ ولا السقيفة وشعبيّتا ؟ ولا شو ؟ حدّدو .. يا رعاكم الله .. |
| الساعة بإيدك هلق يا سيدي 21:52 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
