|
اقتباس:
مو حرام انا اقعد 5 سنين متبهدل بالغربة دوامي 12 ساعة باليوم مشان اجمع 5000 دولار للبدل ولمن جمعتهم ودفعتهم بعدها بشهرين سيادة الرئيس حفظه الله ورعاه بينزل البدل لل 2000 دولار :cry: اي شو هالحظ اللي ألي :cry: |
يا عيب الشوم بس ................
مو ع حدا معين .. بدي أسألكـ .أنت شو عم تأنجزززز لهالوطن ؟ فكرت شي مرة تشيل قشرة موز .. حدا كبها قدامكـ بالشارع ؟ وقدامو ؟ منشان يزوق ع حالو وما يعملها مرة تانية ؟ إزا ما ساويتها معناتا ما بيحقللكـ تنتقد الخدمة .. ع فكرة أنا ما ساويتها لهيكـ ما بنتقد خدمة العلم .. وناطر أنو ان شالله الله بيقدرني صير هاد المواطن .. المثالي أحيانا ً منحكي حكي أطول مننا بعشر متار .. والغريب أنو منتساءل بعدا ليش العالم مستوطية حيطنا . حــِــكم ! |
اقتباس:
بس انو عنجد حلو الجيش وازا ما خدمنا بلدنا بجيشنا مين بدنا نخدم؟؟ :D |
[quote=*Marwa*;742220]لا ما لازم تكون طوعية بالعكس لازم تكون اجبارية!! بس كمان لازم يعطوكوا تسهيلات للجامعة متل ما بعملوا بدول تانية والله الشاب باسرائيل لما بخدم بالجيش بطلع مبسوط! انو بسهلولوا الدخول عالجامعة وبعطوه مصاري عشان يرفه عن نفسو ويعمل رحلة بلاد برة وممكن يعطوه كمان اراضي ! وبخدم مش سنة ولا سنتين 3 سنين!
بس انو عنجد حلو الجيش وازا ما خدمنا بلدنا بجيشنا مين بدنا نخدم؟؟ مروة ليش دايما حاملة السلم بالعرض بعدين ما لقيتي تستشهدي غير بالجيش الاسرائيلي؟؟؟؟؟ لا تفهميني غلط يعني كل الشباب بيعرفوا شو يعني عسكرية؟؟ |
[quote=f_fattal;742239]
اقتباس:
بعدين انو شو يعني عسكرية ولك عنجد شي حلو العسكرية وخاصة للعرب لانو لازمنا نظام صارم وحياتك بلا نظام صارم ما بصير معنا شي:lol: تحياتي:D |
اقتباس:
|
اقتباس:
|
هلق انا كنت اسمع عطول هادا السؤال, ولهلق اسا ما عرفت جاوب عليه؟
بس تبلش الحرب , والعتاد بيتوزع عالمجندين, وكل مجند يصير معو بارودي ورصاص. اول طلقة رح يقوسا رح تكون عالعدو ( بغض النظر مين هوي ) اما رح تكون عالضابط تبعو الي طعما طراب وزللو نفسو وخلاه يكره الام تبعيتو الي جابتو على هالدني؟؟ انا شخصيا اسا ما خدمت بالعسكرية, بس صرت شايف عالم بتكفي خادمة العسكرية وحاكينلي شو صاير معون. اول واحد بسمعو بيحكي حكي منيح عن العسكرية عنا هوي ماد ماكس .. يعني يا اما كل هالشعب مميز . يا اما هوي المميز؟ انا لهلق بتزكر كيف مرة كنا بالشام , وكنا اساتنا فصاعيك صغار ما بيطلع طولنا شبرين ونص.. وكنا بنص القصاع . وكان في ضابط عما يقلو للمجند تبعو يوقف باحترام .. وكان عما يصرخ عليه كانو عما يحكي مع الكتيبة كلى . وبعدين سفقو كف بطحو في عالارض بطح وما بعتقد انو هادا العسكري الوحيد الي كان ياكول كفوف من معلمو لما وقت بتكون الروحة عالبيت حلم لكل عسكري .. مافينو يساوية الا اذا دفع المحسوبية, هي ما بتكون خدمة علم! شو هالعسكرية هاي الي مبنية على تكسير نفسية هالمجند , وازلالو ومعاملتو متل معاملة الدواب؟ العسكري لا زم تكون نفسيتو مكسورة مشان وقت بتصير الحرب يسمع كلمة الاعلى منو وينفزا بدون ما يفكر فيا حتى .. بس هالشي بحياتو ما كان يصير بالضرب او بالرشاوي او بالاهانات؟ بس نصير نخدم العلم . ما نخدم العالم الي فوقنا .. وقت كل السورين بيصيرو يروحوا عالعسكرة عكيفون وبرضاهون بس من هلق لوقتا رح يضل دفع البدل او الخدمات الثابتة هو حلم كل واحد فينا |
ليلي عم يحكو لازم الخدمه تصير طوعيه مو ألزاميه ؟؟ ممكن حدا يجاوبني مين لح يخدم بالجيش طوعي
بهل حاله الجيش بيسكر بوابوا و بيقلبو لشغله تانيه ، لانو معروفه لو بيصير الجيش طوعي بالبلدان العربيه معناها ماعد في جيش ، و البلدان العربيه يلي ستشهدتو فيها انو الجيش طوعي عندها كلهم عاملين معاهدة سلام مع أسرائيل يعني العدو الأساسي خلص مريحين مخهم منو و نم من شروط معاهدة السلام بيكون انو يعملو خدمة العلم طوعية مشان يفككو الجيش على مر السنين ... لهيك لاتحكولي لو صارة طوعيه بيكون افضل ، و يلي ستشهدت بانو أسرئيل بتعطي الجندي مشان يرفه عن نفسو و بتعطي تسهيلات دخلك هل شغلات كلها يلي عم ياخدوها مو من ارضكم يعني ببساطه بياخدو الارض من فلسطيني و بيعطوها ليهودي معناها ما دفعوا شي عليها ، ولما بيحكولو سافر و رفه عن حالك مو اموالهم كلها مساعدات من امريكا و اوربا ، يعني كمان ماعم يخسرو شي من جيبتهم او من حكومتهم ، بس ممكن تحكيلي بالوطن العربي كيف بدك تعمليها ؟؟ كمثال لنحكي بسوريا في بالجيش مليونين عسكري بس لو بدهم يعطو لكل واحد ليره مشان يرفه عن نفسو بدهم مليونين ليره و لو بدهم يركبو كل واحد مكرو مشان يرفه عن نفسو بخمس ليرات هي خمس ملاين ليره ونحنى عم نحكي بليره لا بعشره ولا بميه ... الحسبه عنى صعبه مو متل ما الكل شايفها انها سهله او انو الجيش ولله شي اجباري فلازم ينلغى ، ما دام لغيتي الجيش معناها لغتي اول و اهم خط دفاع للبلد و لو ما كان اجباري مارح تلاقو حدا فيه ... ولو بدكم شرح اكتر لسى بشرح و بالوثئق عن اوضاع الجيوش العربيه و الاجنبيه ، لا حدا يقارن جيش عربي بجيش اجنبي و خصوص بجيش اسرائيل يلي كل شي بيوصول على بارد المستريح ، و بيدرب على افضل الطرق و بالنهايه فتيشه ممكن تموت منهم ناس بسبب هبوط بالقلب يعني من الرعبه . وشكرا |
اقتباس:
لا أكيد مو كب ...... و أنا متأكد أنهون أكتر قيمة من كتير سنين بعمرك ...( و بعمر غيرك كمان ) و اذا هاد مفهومك للأخوة ..... بهنيك على هالسطحية و ما بستغرب يكون هيك رأيك بخدمة العلم |
اقتباس:
عم قول من وين ريحة الماظوط .. حمرة :shock: |
اقتباس:
|
اقتباس:
حجيج نول بالك .. يامو على الله وقت تعصب ... :larg:و هي سيكارة .. |
اقتباس:
طؤبش ألبي .. لما بتكون رايئ وبتحافظ على روآااانكـ أستووووزي . شايفلكـ العالم من قبل الصيام .. ناوية تعصب .. صعي .. ع سيرة الصيام شنونك؟ :lol: |
خيو "TheGodFather" بلا منئودية أسئلتي صعبة ما بتجاوب عليّا و لا ما أد المئام ؟!
|
اقتباس:
اقتباس:
منيح انك نوهت ... اول شي اهلااا وسهلااا ومنيح انك انتبهت لتعليقي .. ياسيد تاني شي .. حمدت الله وشكرتوو انك ما خدمت عسكريتك قبل شي عشرين سنه .. وقتها كان العساكر يخدمو باكتر من منطقه ... واحتمال يطلعو لـ لبنان وتقريبا خدمتهم اربع سنين كانت تاخد يعني كل واحد هوو وحظوو .. اذا كنت بوقتها ما بظن رح تقول عن بلدك بلد العاهات وبس :lol: بقى الله سترهاا انا تعليقي عالموضوع مو قصه وطنيه زايده بس عن جد ياعيب الشوم نحنا ولاد سوريا عم نسمي هالبلد ... ببلد العاهات ... فشو ما سماها الغريب منيح ... نهار بلد الارهاب ونهار بلد العاهات ........ والخير لقدام :lol: |
اقتباس:
شي على كيفك الوضع صاير:lol: |
اقتباس:
وشوف الموضوع نفسوو بس كل واحد بيحكي باصلوو :pos: |
اقتباس:
بتعجبيني بردودك و ردك هل مره حسيتو كتير حلو انو عن جد كل واحد بيحكي باصلو :pos: ثانكس فور ريبلي :pos::D |
اقتباس:
المشكلة يمكن انو انت كنت تدفع لفلان وعلتان مشان تكون مرتاح بل جيش تبعك (او كنت شوفير صينية )بس انا شايف العالم يلي عم يلتعن ربا على شي فاضي وعلاك وازا بتريد لا تئول عنو خدمة العلم هاد خدمة كلشي اكبر منك رتبة مانو ابدا خدمة علم |
اقتباس:
و أكيد واحد بمتل أخلاقك .... هو يللي رح يقبل يشتغل شوفير صينية أو يدفع لفلان و علتان |
ما يصحش يا اخواننا ..
كلو بالمعروف يمشي .. الصوولح خير . شومشان ردودنا أنا ولولو .. طارط ؟ لكـ كأنو تقارير المشاركات العاطلة شغالة للصبح ؟ |
اقتباس:
لك والله كلامك ماعليه حكي وصح بس انت برأيك بيستاهل انو الشب يتمنى انو يكون معو شي عاهة مشان مايروح على الجيش صدقني عادي انا بعرف منيح انو الجيش عنا سيء وشرشحة بس مو لدرجة انو ماعاد في ولاشب بيقدر يحملو عقلو انو يروح يخدم وانا بحس انو الموضوع مو اكتر من تكبير نفس وماشاء الله كل الشباب يلي عنا بالبلد نفسية وشخصيات فزة ماهاد الوضع يلي بالجيش مو جديد علينا وليك 70% من الشباب خادمين جيش وماعلى قلبن شي وصاروا وتصوروا بس اللي مو طبيعي انو يتمنى الواحد انو يكون عندو عاهة او يضل عم يركض بايديه ورجليه مشان يسافر برا البلد ونص المسافرين ماعاد يرجعوا بس مشان شو مشان الجيش . بالنهاية شو ماحكينا هاد هو الوضع فحاول انك ماتبقى عم دور على حل لانو ماحدا بايدو يعمل شي وخلص توكل على الله وخلاص من البهدلة احسن ما تبقى مشنطط هون وهون وبعدين دخليك على هالسنتين من العمر على الاساس نحنا العرب كتيرعنا الوقت من دهب كل واحد صرلو عايش قرن ومو عامل شي بحياتو على القليل هيك حجتك معك والله شو خادم جيش معزور . لا تزعل من الحكي بس هاد الواقع للاسف فالافضل انو خلص نرضى باللي صاير احسن مانتعب روحنا ونحنا عم نهرب منو وتسافر شي الف سنة برا البلد وانت مو قدران ترجع بس مشان ماحدا يلقطك بالمطار والله مو لهدرجة الموضوع كبير:D |
اقتباس:
|
يا شباب ,,اول شي ,,اتمنى من كل قبلي ,,أنو يرجع الحوار متل ما كان ,,حوار عقلاني ,,ومتزن ,,وقائم على احترام الرأي الآخر ,,,
فكل عضوا وألو رأيوا ,,ومو بالضروري أنو انكون نفس الطبعة الكل برأي واحد ,,وطبعاً ,,من غير الجائز أنو نعادي الرأي المعارض ألنا ,, بتمنى من كل قلبي أنو يرجع الحوار لمجراه الطبيعي ,,وأنا اعتزر نيابة عن كل الأطراف اللي اختلفت ,,وخلونا انتابع الحوار بشكل حضاري وراقي ,,يعبر عن مدى ثقافتنا ,,ومهما اختلفنا في الرأي ,,فرح يكون الاختلاف تنوع بيعطي للموضوع قيمة ,,ومارح يكون اختلاف يؤدي إلى مشاحنات كلامي ,, اقتضى التنويه ,,وشكراً لكم جميعاً |
طيب تصدق بالله انا كان نفسى اكون ولد علشان ادخل الجيش
|
اقتباس:
والشي التاني ,,اللي بتمنى أنو نلتزم فيوا ,,أنو بعد ما أرد ,,ما يكون في رد تاني لكلامي اللي رح أحكي ,,مو لأنو ما بدنا نتناقش ,,بس مشان ما يحيد الموضوع عن هدفوا الأساسي ,,وبتمنى أنو اتكون فكرتي واضحة ,,:deal: أما عن اسئلتك يا سيدي ,, أول سؤال ,, أنت قلت ,,شو ممكن يفيد ,,أنو عم اطلعك على أوضاع ,,الكل بيعرفها ,,وحتى الصغير ,, صحيح ,,وهاد كلام لا خلاف ,,عليه ,,بس الفكرة ,,وين ,, كلنا منعرف أنو في رشوة ,,وكلنا منعرف أنو في فساد ,,وكلنا منعرف أنو في محسوبة ,,وفي ,,وفي ,,وفي ,, طيب ,,الفكرة وين ,,,؟؟!!! يعني لأنو منعرف أنو في رشوة ما منحكي عليها ,,ولأنو منعرف أنو في فساد ما منجيب سيرتوا ,, حتى سيادة الرئيس بشار الأسد في خطابوا الأخير ,,حكى عن الفساد ,,وقال ,,نحن ما مننكر أنو موجود ,,وعم نحاول أنو نقضي عليه ,, معناتو كون أنو المشكلة معرفة ,,هاد الشي لا يعني أنو مالازم انجيب سيرتها ..بالعكس ,,تماماً ,,تسليط الضوء على المشكلة المعروفة ,,بوازي تماماً تسليط الضوء على المشاكل غير المعروفة ,, لأنو المشاكل المعرفة ,,لازم دائماً نحكي عنها ,,حتى ما تتحول لعادة ,,وعرف في المجتمع ,ولازم دائماً نقول هون غلط حتى يتم تصليحوا ,, هي بالنسبة للسؤال الأول .. أما السؤال التاني ,,أنو شو ممكن تستفيد كسوري من هل الموضوع ,, هلق ,,كمان ممكن تقلي شو بتستفيد كسوري ,,,من أنو تعرف أرقام البطالة في بلدك ,,شو ممكن تستفيد كسوري أنو تعرف نسبة الجريمة اللي عم تحصل ببلدك ,, أنت كسوري واجب عليك ,,تعرف الشاردة والواردة في بلدك ,,أنا ما عم جبلك موضوع وبحكي فيه عن العسكرية في نكراجوا لحتى تقلي انا كسوري شو بهتم بهيك قصة ,,, أنت كونك سوري ,,لازم تعرف ,,الحجرة اللي بالشارع ليش موجودة ,,ولا أنا غلطان ؟؟!!!!:gem: أم عن أنو شو ممكن اتحاور بهلك موضوع ,,وأنو هيك موضوع غير قابل للحوار ,,وهاد كان سؤالك التالت ,, فبظن ,,أنو ما أنا جاوبت على هل السؤال ,,لأنو هي الأعضاء قدامك كلهم ,, منهم من أيدك بالرأي ,,وما حاول أصلاً يحاور ,وقال هاد حكي فاضي ,,,ومنهم ,,من دخل على الموضوع ,,وقرأو ,,وقرف منو وما حب يعلق أصلاً ,, ومنهم من عجبوا الموضوع وحب يضيف عليه ويعطي رأيوا ,,,فبشكل عام ,,أنت إذا عجبك الموضوع ,,,وخرط مشطك بتناقش وإذا لأ ,,يا أما بتقول ما عجبني ,,يا أما ما بتناقش وما بتشوف منو فائدة ,, وهل الشي ,,أصلاً طبيعي لأنو لكل شخص رأيوا ومعتقدوا ,, بظن جاوبتك على أسئلتك ,,وبتمنى أنو اتكون إجاباتي كانت واضحة ,,وشكراً ألك مرة تانية ,, وبتمنى أنو ,,تعطينا رأيك ,,بالموضوع ,,بحد ذاتوا ,,هي إذا عجبك الموضوع :D وإذا لأ ,,انت ,,ألك كامل الحرية أكيد ,, وهلق خلونا نرجع للحوار ودمتم . |
اقتباس:
أنا يمكن حاولت ,,لاقي رد ,,لكلامك ,,بس ما لاقيت غير رد بسيط ,,كتير ,,رح قلك هو ,, أنا وغري ,,وغيري من السوريين الشرفاء الأحرار ,,لما منحط هيك موضوع ,,ما بكون هدفنا انشوه سمعة سوريا لا سمح الله ,, ولا أنو نطلق تسمية على بلدنا لحتى نكشف عوراتنا للجميع ,, بس منحط هيك مواضيع من حرقت قلبي ,, رح قلك كلمتين ,,الشي اللي شفتو واللي شافوا غيري ,,واللي سمعتو واللي سمعو غيري ,,بتوقع لو أنت كنت بنفس موقعنا ,,ما كنت كتبتي كلامك أصلاً ,, وعلى كلاً ,,شكراً لمشاركتك ,, بس اللي خلاني رد الرد السابق واللي كان شوي قاسي ,,هو أنت أنت اتعرضتي لصاحب الموضع مش للموضع على كلاًَ شكراً |
اقتباس:
طيب لقب بلد العاهات على اي اساس بتقولوو وبتعتقد لو اي شخص مو سوري قال هاللقب شو حيكون رده فعلك جوابي انا الاولاني مو عن الموضوع بحد ذاتو على قد العنوان وانا تعرضت لصاحب الموضوع لانو هوو الي كتب هالعنوان الي لازم يفكر قبل مايكتبوو :D |
اقتباس:
يا حبيبي صلي عل نبي لأنو الدنية رمضان لا تخليني بلش ... خلينا ساكتين وازا بدك تكفي نقاش فكر بل اول بعدين احكي ولاتعلك علاك عل فاضي انت ما بتعرفني ل تحكي على اخلائي شكرا |
اقتباس:
بعدين لتكون مو عاجبتك الحمرا |
اقتباس:
بس اعذرني رح أضطر أرجع أتسائل على أجوبتك .. شنو لأانو ما عطيتني اجابات شافية أو مخي أنا مسّطم اقتباس:
أمّا بدك تحكيلي قصة شو ممكن قلك أنا عندي عدة خيارات : الأول : الله يلعنو ابن كلب وين الوطنية الثاني : اي و الله حقو شو هاد يا العسكرية بتقرف الثالث : شكراً القصة كتير حلوة الرابع : تسجيل متابعة .. الخ بدك نحكي عن مشكلة منحكي عن فكرة الخدمة الإلزامية أما تحكيلي قصة محبطة بهالخصوص و بتيجي تقلي تفضل ناقش أو تفضل حاور .. اي ما خلص انت احبطتني و لعنت سلافي شو بدي أحكي .. اقتباس:
برأيك لما بدك تنزلي موضوع تعطيني نسبة البطالة في سوريا بتسميلي يا بلد البطالة لما بدك تنزلي مووضوع عن عدد الرقاصات بتسمي بلدي بلد الرقاصات لما بدك تنزلي موضوع عن عدد الداعرات في سوريا بتسمي بلدي بلد الداعرات .. و هلّم جراً .. انت عم تهين بلدي هاد اللي ممكن أستنتجو كـ سوري . إنت ما عم تفتح موضوع عن العسكرية و تفضلو ناقشوني .. انت مجرد نقلت موضوع لا قلت تفضلو هاتو رأيكون في العسكرية و لا قلت تفضلو حاورو .. أما إنك تقلي انو المقالة هيك عنوانا .. فـ هاد أكيد شي برجعلك لإني انت اللي نقلت مش أنا .. اقتباس:
أغلبهم مـن خرج عـن الموضوع و اعتبر الموضوع " ما رأيك في الخدمة الإلزامية " أما رأيي في الموضوع ف أنا طرحته و عليك استنتاجه .. :D |
اقتباس:
بتعرف ,,ما عندي تعليق أكتر من اللي كتبتلك هو ,,وإذا أنت شايف هل الموضوع من هل الزاوية اللي حكيت أنت عنها ,,عادي ,,هاد حقك ,,وناقش الموضوع ,,إذا سمحت وما اتناقشني ,,لأنو بس ناقشتني ,,رح رد عليك واترد علي ,,وانضل للصبح ومارح نخلص ,, ما عجبك الموضوع ,,قول ,,هل الموضوع ب @#$#@ .....أو علق عليه التعليق اللي بعجبك ,,أما اتناقشني ألي فهاد رح يكون نقاش عقيم ما منو فائدة لأنو رح انضل للصبح ,,ورح نخرج عن الموضوع من أصلوا ,, لهيك ,,مارح رد على تعليقك ,,هاد رأيك ,,وأنت حر ,,أنت شفت الموضوع بهل الطريقة ,,غيرك بشوفوا بغير طريقة ,, بس بالنهاية ,لا تنسى إني سوري :larg: |
اقتباس:
يعني كلامك هو العلاك و ما بهمني أعرفك ...و لا بدي أعرفك بس يللي بهمني تحترم حالك لما بترد عليي . |
اقتباس:
|
| الساعة بإيدك هلق يا سيدي 19:35 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
