|
شكرا على موضوعك ولكن أفضل عدم التعليق........
|
فادي الرجاءءءءء مصدر الموضوع...لان المعلومات غير علمية و غير صحيحة....
مشان هيك الرجاء اعطاء المصدر لحتى ما يتم اغلاق الموضوع او حذفه بدون ما نتأكد من المصدر..... :D |
تم حذف الردود الخارجة عن الموضوع....
:D |
اقتباس:
أما بالنسبة للدليل فالكل مننا شباب وصبايا بيعرف إني أكتر هادا الكلام في شي منوا صحيح و في شي منوا .................سحبات .......المهم ....في كام واحد من محبي الصفحات البنفسجية ...تعيت مجلت طبيبك ....صار كيفوا 100 على 100 على هيك موضوع تحياتي للجميع الحاج متولي أما بالنسبة منشان حذف الموضوع فأنا برأيي إني في كتير موضيع أكبر من هيك كان لازم تنحذف ....بس بعض المشرفين مطنشين أو مقتنعين بإني الغلط هو الصح |
اقتباس:
وتانيا كطبيبة انا ماني مع هاد الحكي جملة وتفصيلا....انو في شوية معلومات صحيحة...بس نسبتها كتير قلبلة...و باقي المعلومات مغلووووطة...و الموضوع لا علمي بامتياز متل ما قالت مرسيل.....مشان هيك برجع بطلب المصدر.... وبالنسبة للمواضيع الاكبر و المشرفين المطنشين و مدري شو...ف هاد مامحلو هون..... :D |
اقتباس:
وعلى كل الأحوال ..........ميرسي لردك كتير و ع ل ى ........ر ا س ي .....إنتي و كل المشرفين و المشرفات ...الأحياء منهم و الأموات تحياتي الحاج متولي:D |
شو هالموضوع التعبان هاد... كله كذب بكذب.
لو الموضوع فيه خير كان انحط المصدر من اول بوست... برأيي لازم ينحذف فورا :jakoush: |
اقتباس:
|
شي بيشلش ما هيك اخي؟
|
تركتو الدنيا ولحقتو هالموضوع!!
هلأ أنا عم بكتب من الموبايل , بقى ما بقدر اشرح كل الأمور وباسترسال .. بس بقدر قلك يا صديقتي سارة إنو الموضوع تربوي تثقيفي بالإعتماد على مصادر طبية. وإذا مشان المبالغة ... كل واحد منكن يمسك أي علبة دواء ويقرا فقرة التأثيرات الجانبية ووقتها رح يفهم انو التحذي |
اقتباس:
الموضوع لا تربوي و لا تثقيفي... العادة السرية شيء طبيعي و ما بتضر إلا اذا تم ممارستها بشكل هائل. ممكن تضر بنواحي تانية في حال كانت عم تعطل الانسان يمارس حياتو الطبيعية... بس اكتر من هيك بتحدى تلاقي اي مصدر علمي حديث بيحكي الكلام يلي عم تقولو... شو علبة دوا و التأثيرات الجانبية؟ ما فهمت شو القصد؟ يا ريت تستفيض |
اقتباس:
هلق الموضوع الو علاقة بالسيمو شي اكيد الو علاقة ما اما الكاتب ماخد جرعة او الي عم يقروا الموضوع لان عنجد حاسس شوي تانية ان الدكتور فورنية راح يقول الي بيمارس العادة السرية الله بيزتو بالشوربا !!!:o |
لسه في شي بايخ ما حط لمساتو وتفاهتو بهالموضوع?
الكل صار بدو ينكت ويتمايع و بنفس الأسلوب ! بصراحة برافو ... قرفتوني و صار بدي ميتوكلوبراميد , يعني ماشالله شو حريفة و شاطرين بهيك شي . الموضوع مكمل و قدامكن الحيطان. |
اقتباس:
بس الشباب عم يهزو الورد ليشموا :D |
اقتباس:
|
شــــــــــــــــــكرا إلك يا حبيب على هاد الموضوع المفيد بتمنالك دوام التوفيق
|
اقتباس:
اذا وقتك بيسمح :) |
اقتباس:
اي والله فيا وجهة نظر .. فكرة حلوة |
إلى الزواج يا ها النشامه .
لكن في كثير من الأزواج يمارسون العادة السرية "اسمها مثل نزلني عند المطار السرّي" قولكن مافي حل ماهيك . |
اقتباس:
العادة السرية ما إلها اي سلبيات. صدق أو لا تصدق. و مافي شي اسمه الاكثار من العادة السرية (إلا يمكن اذا تخطت المعقول و اثرت على قيامك بأعمالك, يعني بدل ما تطلع من البيت, تصير تحبس حالك مشان تمارس العادة السرية... وقتها هاي مشكلة... بس لاحظ انها مشكلة اجتماعية مو طبية) مافي شي اسمو اكثار من العادة السرية لأن الإنسان بممارسة العادة السرية بيكون عم يستجيب لحاجات عم يمليها عليه جسمه... متل الشرب و النوم و الأكل. انت لما تجوع بتاكل... ما بتهكل هم انك تاكل كتير.. لانك بتعرف حالك بس تشبع إنك توقف... نفس الشي بالضبط العادة السرية... و العادة السرية مانها نوع من الإدمان.. يعني ما ممكن تأدمن عليها متل الكحول او الدخان. بس ممكن تتعود عليها كمساعد على التخلص من السترس و الضغط النفسي... بقى بتستخدمها لهادا الشي على كل حال لو بتقدر تقرأ انكليزي فيك تكتب masturbation بالغوغل او تسأل اذا كانت مضرة و بتلاقي كتير مقالة اجنبية ممكن تقرأهم احسن من ألف مقالة عربية... المقالات العربية دائما اقل اهمية من الإنكليزية لأنهم دائما إما مترجمين عن الإنكليزية (لأنو العرب ما بيعملوا ابحاث علمية, يعني كل مصادرنا من اميركا و اوروبا) و دائما الاحسن تقرأ المصدر الأساسي, أو يتم اختراعها من اصحاب الاجندات غالبا من الاسلاميين او حتى يمكن المسيحيين فيك مثلا تقرأ هاي المقالة - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - تقريبا كل ما ورد بالموضوع الأساسي هو كذب و عملية تشويه مقصودة للحقائق الله اعلم شو الغاية منها |
اقتباس:
انو كمان مو لهالدرجة .. يعني هيك زيادة شوي انو العادة السرية مالا اي اضرار ولا حتى شوي يعتي بعدين انو هادا شي متعارف عليه كل الناس بتعرف انو العادة السرية مضرة بعدين بدنا كلام علمي وموثق وشي خرج الواحد يثق في مو هيك مجرد تخمينات ومن اطباء كمان بعد ازنك يعني :D |
اقتباس:
شكرا عل اهتمامك :D انا كمان عندي معلومات منيحه بهالخصوص ، بس حبيت آخد رأي الطب ( من خلال سرسورة ) لحتى اتأكد من معلوماتي .. لانو بهيك مواضيع اذا كل واحد رح يحكي رأيو رخ تضيع الطاسه فالافضل نسمع كلام حدا درس هالشي عندي تعليق صغير : اقتباس:
|
يا جماعة انا رح حط هالرد مشان يشوفوه الكل...
هاد الموضوع...انا رح احذفو...لانو اول شي...مافي مصدر واضح - بالاذن من الصديق فادي- و تاني شي..معلوماتو مانا صحيحة ولانا طبية....و تالتا لانو الردود اللي بطعمة و اللي بلا طعمة كترت فيه وانا ماعم لحق حذف... بس.... رح حاول قريبا جدا اني حط موضوع موثق عن العادة السرية....يكون علمي و طبي بحت من اجل استفادة الجميع.... :D |
طيب يا ريت تغلقي هالموضوع وتتركيه لبين ما تحطي موضوعك الموثق .. وساعتها احذفيه لهاد :)
بس كرمال كل ما شفتيه لهالموضوع تعجلي بالموضوع اللي رح تحطيه ;) .. |
سارة ... ياريت تأجلي قرارك بس لحتى تصلك رسالة مني أو من لؤي
و ما لازم الدونيين أصحاب الردود اللي بلا طعمة يخلونا نتخلى عن مناقشة المواضيع الجنسية الشديدة الأهمية . أما إصرارك على عدم صحة المعلومات فهي نقطة استفهام كبيرة ويا ريت تنتبهي إنو الكاتب ذكر وجهتي نظر عن العادة و إتخذ لنفسه موقف معتدل ، بس الغالبية اتاخدوا بالمقدمة الطويلة مع العواقب الوخيمة اللي بتشبه فقرة التأثيرات الجانبية تبع الأدوية من حيث انو تحذي |
حذفت الردود الخارجة عن الموضوع...و تم تأجيل حذف الموضوع لانو وعدني فادي بتأمين مصدر الموضوع قريبا....من حيث انو مصدره كتاب كان عند فادي.....
:D |
اقتباس:
انا ماني حابب اعمل حياتك صعبة... بس بصراحة اي موضوع بينزل بأي قسم علمي او متعلق بالصحة لازم المصادر تنزل معو بنفس الموضوع و فورا... ان كان الكلام صح او خطأ... المصادر الكاملة لازم تكون موجودة... و إلا هالشي بيتصنف تحت بند السرقة الفكرية... و في حال كان عبارة عن اكاذيب... بيتصنف تحت بنت تشويه الحقائق المعتمد. المفروض هيك موضوع ما كان يضاين يومين بالقسم... ما بعرف شو يلي ممكن ياخرو انو يحط المصدر وقت سألناه و ليش لهلق عم يرفض يحط المصادر... شي غريب فعلا... بس يقول اسم الكتاب و سنة النشر و دار النشر... هادا المطلوب فقط. اذا الكتاب عندو فخلال خمس دقائق بيقدر يعمل هالشي سلامات |
اقتباس:
بس اول الشي الحكي من فادي..وفادي عضو قديم و الو مصداقيتو... تاني شي....هوي قلي شو الاسباب اللي عم تأخرو انو يحط المصدر وانا اقتتعت فيا و رح اذكرها هون... هوي كان مصور هالموضوع من الكتاب...و الكتاب مش لالو.... هوي ناسي اسم الكتاب و بدو يحاول باقرب وقت انو يرجع ياخد الكتاب من عند رفيقو ليقلنا مصدر الكلام... تالت شي ...الموضوع صرلو 6 شهور عم يشتغل عليه الزلمة...مشان هيك انا عطيتو وقت ليعطينا المصدر و طبعا في حال صار تأخير فاكيد رح يتم البت بالموضوع.... شكرا على اهتمامك:D |
اقتباس:
الكتاب قدرت آخد اسمه و هوي "الشهوة الجنسية عند الرجل و المرأة" هلأ المشكلة مو هون .. المشكلة إنو ما قدرت لاقي اسم المترجم بسبب تعتير الكتاب اللي مشقوق غلافو حسب ما أكدلي صاحب الكتاب أنا حكيتلك سارة إنو أنا لما ما كنت قادر استعيرو للكتاب صورت الصفحات اللي بدي ياها بالموبايل , و أنا بكتبن من الصورة مباشرة عالموضوع. بتمنى كون قدرت حل المشكلة؟ بس مو هون المشكلة ... المشكلة بهالعقليات الغريبة اللي عم تهاجم الموضوع و عاملة المصدر متل مسمار جحا و بطريقة ببغائية بيطلب بعض الأعضاء المصدر تقليداً لطلب مرسيل اللي أنا طنشتو بأول الموضوع متعمداً !!! علماً إنو تبرير العضو المدعو Joe بالنسبة للإلحاح و اللي كتبو قبل شوي مرفوض لأنو ما في موضوع بالمنتدى محطوط فيه المصدر لحتى يطالبني أنا فيه ... بس متل ما قلتلك مسمار و بس !! و ما بنكر إنو فاجأني بأسلوب إعتراضو اللاحضاري هوي و مرسيل ... لأنو الأخ بيستخدم كلمة "كذب" 3 مرات ب 3 ردود منفصلة !!! بدل ما يستخدم كلمات مهذبة أكتر متل "تضليل , غير صحيح ... " و الإخت بتعمل ثورة و بتقول يسقط الموضوع وما بعرف شو ... هدا غير بقية الأعضاء اللي حطوا ردود مايعة .. أنا كل هدول ما بيهموني و ما بعتب عليهن , و بيهمني بس إنك تعطيني فرصة كمل الموضوع كونو الأصوات المؤيدة للموضوع موجودة كمان .... وأنا حابب إنو بعد ما يخلص الموضوع نتناقش فيه مشان نكسر هالحاجز و نترفع شوي بتفكيرنا و حوارنا و ما بقى نتخبى من الحقيقة. وكمان من خلال خبرتي الصيدلانية بقدر إحكي أمثلة عن "مدمنين" العادة السرية" اللي لجؤلي لحتى ساعدن على التخلص من "هالمرض" حسب وصفن هني لحالتن , و هالأمثلة بتأكد ضررها عالجسم وتحديداً على المزاج أو الحالة النفسية و العصبية. |
وانت بخير فادي وينعاد عليك يارب...
هلأ اول شي انا بدي وضح شغلة و مابدي حدا ياخد الموضوع على محمل شخصي... الموضوع صار فيه شوية لغط.... الموضوع عنوانو العادة الجنسية....و مضمونو عم يحكي عن العادة الجنسية اول شي كتعريف و تاني شي كأضرار لهالعادة اذا تمارست بشكل مبالغ به...او اذا وصلت بالشخص انو يدمن على ممارسة هالعادة لدرجة انو تعيقو عن ممارسة نشاطاتو اليومية و تسببلو الارهاق و التعب و الانعزالية و الاكتئاب والى ما هنالك من مشاكل ناتجة عم ممارسة هذه العادة بالشكل غير الصحيح... هلأ اللغط اللي صار انو خلال الموضوع ما تمت الاشارة بالشكل الكافي انو الحديث عن مضار العادة السرية في حال الممارسة غير الصحيحة او بالمعنى الاصح في حال الادمان على الممارسة و جعل هي العادة هي الشغل الشاغل للشخص...و مشان هيك كان في بعض الردود اللي عم تطالب بالمصدر وتلح عالموضوع و اللي مننون انا.... يعني مافينا نلوم اي حدا طالب بمصدر لانو هون بهاد القسم بالذات مافينا ننزل معلومة و مانكون متأكدين من صحة و موثوقية المصدر وخصوصي في حال كان الموضوع حساس متل هاد....ولذلك مافينا نلوم اي حدا....بالعكس... مشان هيك انا رح حاول اني كمل الموضوع بالحديث عن العادة السرية ضمن النطاق الطبيعي...يعني العادة السرية التي تمارس بشكل طبيعي....والمعروف انو ليس لها اية اضرار تذكر , على العكس..... هلأ...مشان المصدر...بما انو فادي حط اسم المصدر ....يعني فينا شوي نقوي قلبنا ونخلي الموضوع....و اذا ما قدر فادي انو يجيب اسم المؤلف ودار النشر و الى ما هنالك فانا رح حاول اني دور عليون بالنت..... و اذا ما لقيناهون...بيكون لكل حادث حديث... وشكرا لاهتمامكون جميعا:D |
الوقاية من هذه العادة
لا بد في علاج العادة السرية من العمل على تحقيق غرضين اثنين , إيقاف الفعل ذاته , و إصلاح الأضرار التي نجمت عنه , و من هنا نجد أن البحث سوف يتفرع بنا في هذا الباب إلى فرعين رئيسين:
الأول: وسائل تلافي العادة السرية. الثاني: علاج الضعف و الأمراض التي نجمت عنها . وفي هذا الفصل سوف نتناول الكلام عن تلافي الأسباب التي سبق أن ذكرنا أنها تؤدي إلى ارتكاب العادة السرية , و قد قلنا أن هذه الأسباب قد تكون ذاتية أو خارجية , و قد حصرنا الأولى في الهياج الجنسي و عددنا عوامله فقلنا أنها تسلط الجهاز العصبي على سائر أعضاء الجسم , و البطالة و الكسل و بعض الأمراض الموضعية , كالحكة الموضعية و الإمساك و حبس البول , إضافة لعوامل أخرى كالقذارة و الملابس الضيقة و الأطعمة المهيجة و آلة الخياطة و الخيل و الصور و المطبوعات و الملاهي الخلاعية ... أما عن الأفراد الذين يمكن أن تنتقل العادة السرية منهم إلى شخص آخر فقد ذكرنا الآباء و الأمهات و الخدم و المرضعات و المدرسين و الأصدقاء ... و لأجل أن يكون البحث وافياً , يجب أن يتناول الكلام كل ذلك , و هذا هو ما نجتهد أن نفعله في الاقتراحات الآتية. وقد نحسن إشارة هنا إلى ما ذكره في ذلك الدكتور فورنييه حيث قال أن مثل هذه الوسائل أنجع في استئصال شأفة العادة السرية من إلقاء المواعظ الباردة و النصائح الفارغة التي لا تجدي نفعاً , بل إنها فضلاً عن عدم جدواها تزيد القوى العقلية وهماً و خمولاً. تبين من الأبحاث السابقة أن العادة السرية منتشرة انتشاراً شنيعاً بين أفراد الجنسين على حد سواء وهم يبدؤونها في سن البلوغ أو قبل ذلك بقليل , ولو أنها في بعض الحالات قد توجد لدى الأطفال بتلقين المربيات الفاسدات أو النقل عن الكبار المنحطي الأخلاق و الأصدقاء , و قد يكون الفعل في أحوال أخرى من التهيج نتيجة اللمس العرضي أو الأمراض الموضعية أو عدم نظافة الأعضاء التناسلية ذاتها سواء في الذكور أو الإناث . ومن هنا يوجب الباحثون الصحيون العناية بنظافة مستمرة لهذه الأعضاء , بل إن بعض الباحثين يقولون بوجوب الختان للتغلب على هذا الفعل . وقد رأينا أن الإمساك هو سبب مهم من أسباب العادة السرية بما يحدثه من احتقان و تهيج في منطقة الجهاز التناسلي على العموم . وكما قلنا فإن حياء الوالدين و السرية المطلقة التي يسبغونها على كل ما له علاقة بالمسائل الجنسية هو السبب الحقيقي لهذه الخطيئة في معظم الحالات . و الواقع أن أهم أسباب العادة السرية على الإطلاق هو جهل الشبان و الشابات في سن البلوغ , نتيجة لتقاليد الحشمة المصطنعة و الحياء الكاذب الذي يسير عليه كثير من الآباء و الأمهات . و يقول بعض الباحثين أن من أسباب العادة السرية ضعف القوى العقلية , و هذه الحالة من الحالات التي تختلط فيها الأسباب بالنتائج , فقد يؤدي ضعف القوى العقلية إلى العادة السرية , كما أن العادة السرية تؤدي إلى ضعف القوى العقلية على أنه يجب أن لا ننسى أن كثيراً من الفتيان الذين هم في أتم حالات العقل و الرزانة يرتكبون هذا الفعل . وسوف نبحث فيما يلي في الإحتياطات الواجب اتخاذها للوقاية من العادة السرية. و نذكر أيضاً أن الوقاية من شيء تكون بتجنب الأسباب التي تؤدي إلى العادة السرية فما على القارئ إلا أن يرجع إليها , و تحتاج بعض هذه الأسباب إلى تفصيل أكثر نذكره فيما يلي ثم نتكلم في فصل خاص على التعليم التناسلي . |
اقتباس:
شوف لما يكون في تعدي رهيب على حقيقة علمية بسيطة هي "انو العادة السرية ببساطة ما إلها اي اضرار"... و بهادا الشكل الرهيب... فما فيك تتوقع اي شخص عقلاني يتصرف معك تصرف احسن من هيك. بالعكس انا بعتبر حالي كنت لطيف جدا معك و لحد هلق مطلبي مشروع و طبيعي جدا جدا... و ما مشكلتي اذا ما حدا حاطط مصادر بمواضيع تانية. هاي مشكلة المشرفة و هاي شغلة يمكن لازم ينشغل عليها فورا. انا فتت بس على موضوعك و لاحظت انك عم تحط معلومات "مثيرة للجدل بشكل رهيب"... و بدون اي نوع من المصادر المطالبة بالمصدر مانها شيء ببغائي... المصدر شيء لا يتجزأ من اي كلام منقول او كلام ما دخل بعد بالكتب العلمية... يعني... لما كلام يدخل بالكتب المهمة و الأساسية تبع الطب او الصيدلة او العلوم... منقدر نعتبر الكلام صار حقيقة علمية و لما هادا الكلام ينذكر... ما بقى من الضروري ذكر مصادر بس اغلبية المعلومات الموجودة حاليا لا تصنف تحت هادا البند... و مازالت مصادرها موجودة و هيي عبارة عن ابحاث علمية فيك تلاقيها بالموقع التالي - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - معلوماتك انت بتناقد المعتقد العلمي السائد... بالتالي اجباري جدا يكون في مصدر للكلام الحقيقة ما بعرف يمكن انت نيتك كويسة و حابب تعمل خير... بس للأسف طريقة عرضك للموضوع عطتني انطباع مغاير جدا... خاصة مع اصرارك الغريب على عدم وضع المصدر... و بظن اي انسان تاني كان رح يستغرب كمان... و لما تزيد الاصرار... رح يستغرب اكتر و الشكوك تزداد اكتر يعني انا ما غلطت بحقك... انت جبت لحالك المشكلة انا محلك بكل بساطة ما بحط هيك موضوع ماني قدران ادعم كلامي او اثبت انو كلامي علمي مجرد وضعك للموضوع بيعني انك غير محترف و ما بتعرف بأصول الكلام العلمي ... و هالشي واضح من استخفافك بأهمية شيء اسمو مصدر و سخريتك من الموضوع انه شغلة تافهة بدل ما تحط الموضوع بالتنقيط كان الاحسن تحط الموضوع كامل خاصة بوجود كل الجدلية حول الموضوع... و تقول بنفس الوقت انو الموضوع بلا مصدر... و وقتها الانسان العاقل ببساطة بيتجاهل الموضوع و ما بيضيع وقته فيه... (لأنو اول شي منافي للمعتقد السائد... و تاني شيء بدون مصدر) لاحظ انو كتير اشياء مثبتة حاليا بالعلم بلشت على تضاد تام مع المعتقد السائد و الكل حاربها... بس هديك كانت مدعومة بالتجارب (يعني مصدر بوضعك)... و قدرت بسبب هالشي تثبت حالها و تصير هيي الحقيقة. انت لاء... بالتالي حالتك ميؤوس منها... و اي منتدى بتوجه علمي بيحترم حالو كان من زمان حذفلك الموضوع او طالبك بإثباتات. انت عم تكتب بمنتدى صحة بمنتدى أخوية و منتدى اخوية كبير و قراؤه كتار. يعني في ناس ممكن يكونوا اطفال او ما بيعرفوا يميزوا الصح من الخطأ يدخلوا و يقروا كلامك هاد و ياخدوا فكرة غلط و هالشي ممكن يسبب ضرر شديد عليهم... و بغياب المصدر... المشرف المسؤول عن المنتدى ما رح يقدرر يتحقق من سلامة كلامك... بالتالي رح يكون في مشكلة كبيرة تخيل حدا يحط موضوع طويل عم يقول فيه انو الأرض مسطحة... و عم يسرح و يمرح بالكلام و يجيب اسماء علماء و مدري شو ما حدا سمعان فيهم... شو رح تساوي؟ ما رح تقله ابو الشباب شو مصدر كلامك؟ و شو بتعمل في حال انو طنشك و ما رد عليك و رفض يحط مصادر بعد مدري كم صفحة؟ ما بتقول هادا زلمة جاي عم يخرب و يكذب قصدا؟ موضوعك نفس الشي... كروية الأرض... متل عدم ضرر العادة السرية (إلا في حالة الإكثار لدرجة انها بتعيق الحياة اليومية متل ما سبقت و ذكرت انا و رجعت اكدت المشرفة مشكورة)... هو حقيقة صارت جزء من الرصيد العلمي في حال عجبك الحكي او لاء... هاي الحقيقة... يعني اجتازت مرحلة الاثباتات و المناقشة... خلص صارت تعد متل واحد + واحد يساوي تنين... و اي محاولة لتغيير هادا الفكر صارت بتطلب جهد جهيد جدا جدا... لانها رح تجي عكس التيار ... بقى انت جاي عكس التيار... و فوقها بلا اي اثبات يعني انت ممكن بكل بساطة تكون عم تكتب هالحكي من عقلك... انا شو بيعرفني حابب تجيب مصدر علمي... فيك تجيب ريبورتات كتيرة حول العادة السرية منشورة بالموقع يلي ذكرتلك ياه فوق... و عميل بحث سريع باستخدام كلمة masturbation و بتلاحظ انو كل الأبحاث بتحكي عن حالات خاصة جدا و لحد اليوم انا ما لقيت اي رفيو بيحكي عن اضرار العادة السرية على العامة... دليل غير كافي, بس بيدعم, فكرة انو القصة من زمان بايتة و خالص كازها انت لما عم تكتب بمنتدى صحة بتمنى تكون قد مسؤولية هالكتابة و تعرف انو في ناس عم تقرأ ما بتفهم بالموضوع... و انو في ناس بتفهم بالموضوع و ما رح تسكتلك و اذا بدك الصراحة و الدغري... مصدرك يلي حطيتلنا ياه متل قلتو يا صاحبي و كأنك ما عطيت شي مين ما كان ممكن يفتح دار نشر و ينشر شو ما كان... بس لحتى ينزل الموضوع بمجلة علمية قصة تانية. يا ريت تقرا هالكلام و تفهم اني عم حاول احمي قراء اخوية من مشكلة يمكن انت بدون قصد ما انتبهت إلها... و ماني جاي لهاجمك لشخصك. اهلين |
اقتباس:
انت بنفسك من اول مين قال بشكل مباشر انو الموضوع غير صحيح و غير علمي... ليش لهلق رافضة تتخذي القرار الصحيح و الطبيعي بحذف الموضوع اعتقد التفسير الوحيد هو انك للأسف ادخلتي العلاقة الشخصية بالموضوع و بسبب صداقتك مع صاحب الموضوع عم ترفضي حذف الموضوع... و هادا غلط و ضد حياد و نزاهة المشرف و خاصة بهيك موضوع حساس جدا و بيحتوي على كمية من الأكاذيب يمكن اكتر من اي موضوع مرق عليي بحياتي كلها |
ولك شو هالسرسوره هي
اسمحيلي انستي هلأ ابداء رأي والمشاركه فيه صار خارج الموضوع ولا بدكم يانا نوافق على كل شي صح او غلط :jakoush: |
اقتباس:
خود هالمقطع مثلا و يلاحظ فوق كل ما تقدم وجود نقط بيضاء في سراويل مرتكبي هذا الفعل كما قد توجد بعض الأدوات الغريبة مخفاة في فراش النوم مثل كيس من الكاوتشوك أو صور لنسوة عاريات أو أقلام رصاص و غير ذلك , و من الدلائل التي لا شك فيها على ارتكاب العادة السرية لدى المرأة وجود أجسام غريبة في مهبلها , فإن هذه الأجسام قد تفلت منها عند الإستعمال فتستقر في نهاية المهبل , و قد تؤدي إلى أعظم الأخظار . بصراحة سيد فادي افحمتنا سلملي على فورنيه تبعك كتير كتير |
هل هي اسمها عادة سرية طيب انتو ليش عم تفضحوها :jakoush:وبعدين في شرائح تانية من الاعمار يمكن اتفسر الموضوع غلط بدافع الفضول :clap: عن جد شو هي العادة السرية وكيف وشلون :frown:
|
إلى العضو Joe
اقتباس:
بعدين مو أنا اللي فايت قول عن حدا كذاب وما بسمحلك أبداً تشكك بمصداقيتي وعلمي أو تقول عني لا علمي أو غير محترف علمياً و عم اخترع الموضوع من عقلي و اتهرب من المصدر , و بتمنى ما تلعب على وتر الإحراج و تشكك بحيادية المشرف لأنو أسلوب مكشوف و مزعج ... وكتييييير بستغرب إنك تعتيبر عدم ضرر العادة السرية متل كروية الأرض !!!! هلأ هاد كلام علمي !!؟؟ برجع بدعيك لحوار أرقى و ألفاظ أطرى وإلا رح حطك بقائمة التجاهل وهاد شي رح يزعلني وما بحبو :D أول الشي يا سيد Joe أنا ناقل للموضوع و لست مؤلف و اللي خلاني انقلو كونو بينقد هالعادة مع اعترافي -اللي سبق و قلتو- بالمبالغة الشديدة و التهويل من الأضرار بقصد التنبيه للخطر و لو كان صغير , يعني أنا بتبنى الفكرة فقط. هلأ صح الموضوع مانو علمي "هوي تربوي متل ماقلت"و يمكن مانو على السوية اللي بترضي كل القراء بس بيكفي إنو انفتح وما بقى شي مخبى نستحي نناقشو , و بعد ما يخلص -لسه فقرتين بس- رح مناقش كلام عملي و إذا أي حدا عندو مقال أو كتاب بيدعم أي من النظرتين أو حتى التالتة المعتدلة يحطلنا اياه -بموضوع منفصل- لنستفيد كلنا و أنا بدعيك انت شخصياً تفيدنا بترجمة مقالات حديثة بتدعم فكرتك و ميت أهلين. بالنهاية كل شي بالوجود بيبدأ و بيتطور و بيستمر بالتطور بمجال مفتوح وهيك لازم يصير بالنسبة لموضوع نقاشنا. هلأ رح حط صورتين"مساطر" من الموضوع اللي أنا صورتو من عند شخص بحلب باعتبار ما كنت قادر استعير الكتاب و كان كل تفكيري كان متجه لناحية تجميع الصفحة الواحدة بالصورة و ما خطرلي أبداً صور اسم الكتاب و المؤلف بما إني ماني محتاج منو غير موضوع العادة الجنسية , و بالبداية تجاهلت المطالبين بالمصدر و لما أصرت المشرفة اتصلت بهالشخص اللي عطاني عنوان الكتاب فقط للأسف . أما ليش الموضوع بالتنقيط ... فالسبب إني كنت عسكري والحمدالله لسالي أسبوع وكان دوامي أسبوع و بعطل بعدو أسبوع , فخلال إجازتي عندي كتير شغلات إعملا و بوقت فراغي "إن وجد" بكتب بأخوية و من بين الكتابات بيجي هالموضوع , فما يروح فكرك لأي شي غير ضيييق الوقت. خلينا نهتم بالموضوع و ننقض الفكرة بالبراهين بدل ما نحط العصي بالدواليب و ندخل بمهاترات جانبية ما حلوة لا بحقي و لا بحقك. تحياتي. |
2 ملف مرفق .
|
الهيئة الحكي متل قلتو معك اخي الكريم. انا حكيت يلي عندي. منترك الموضوع لضمير الإشراف و الإدارة لتحكم بالموضوع.
|
الملابس
يجب أن لا تكون الملابس كثيرة و ثقيلة , لأن ذلك يؤدي إلى التعرق الذي تؤدي كثرة إفرازه بغير موجب إلى إضعاف البنية , و لكن يجب من جهة أخرى أن لا تكون الملابس قليلة جداً أو خفيفة إلى حد يشعر بالبرد و تتوقف وظيفة التبخر , و يجب أن تكون الملابس الداخلية من التيل أو من أي مادة أخرى غير الصوف , فلا يصح أن يلبس الصوف مباشرة على الجلد , و لا سيما في منطقة الجهاز التناسلي سواء من الأمام أو الخلف .
ومن الضروري إلى جانب كل ذلك أن لا تكون الملابس ضيقة تضغط على الجسد و تحدث حرارة تساعد على زيادة التهيج و يجب أيضاً أن لا تكون متسعة إتساعاً يؤدي إلى سهولة العبث بالأعضاء التناسلية من جهتها . و هنا نلفت نظر الآباء و الأمهات إلى ضرورة معاينة الملابس الداخلية للأولاد من حين لآخر عند خلعها , فإنه توجد فيها لدى مرتكبي العادة السرية علامات أكيدة تدل على ذلك , كما يجب الإلتفات لجيوب السراويل (البنطلونات) أو الجيوب الجانبية لأي لباس آخر , فإن كثيراً من الأولاد يمزقون الجيوب في هذه المنطقة ليسهل عليهم العبث بأعضائهم في غفلة من ذويهم و وقتما يشاؤون , حتى و هم سائرون في الطرقات . و على المصاب بهذا الفعل أن يأخذ حماماً نصفياً بارداً قبل النوم , و يراد بالحمام النصفي الجلوس في وعاء كبير بحيث يطمر الماء العجز و الجهاز التناسلي و الجزء الأعلى من الفخذين , و إذا لم يستطع عمل هذا الحمام لسبب ما فلا أقل من أن تغسل الأعضاء التناسلية بالماء البارد و كذلك أسفل السلسلة الفقرية يومياً قبل النوم . و لسنا في حاجة إلى أن ننبه إلى ضرورة الإلتفات إلى نظافة الجهاز التناسلي نظافة تامة الذكور و الإناث على وجه العموم , فإن هذا الموضع عرضة للقذارة بالعرق و بطبيعة ما يفرزه و ذلك هو من أهم أسباب الهياج الموضعي. |
| الساعة بإيدك هلق يا سيدي 14:48 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون