|
ياااااااااااااااااااااااا اااااااااي ياااااااااااااااااااااااا اااي
ما بتجوز هيك حلبي اه خيو لو عامماتي هههههههههههههه العما تصورو هيك واحد يحكي مع مرتوا ولي على طووووووووولي والله ماباخود حلبي ولو شو ما صار اصلا انا من زمان بحب الشوام هههههههههه خلص شامي وبس بس متابعه ههههههههههه خيلة عافكرا القصة النوكامبو ليكون شافني بالنوكامبو هههههه بعدين عالنوكامبو ما بيروحو بالسوزوكيات بيخجلو العالم عندون بي ام ومرسيدس و مازدا يجيلك هو بالسوزوكي يلطش بنات هههه |
اقتباس:
|
مابعرف بصير كله بصير ...............
|
ههههههههههههههههههههههههه ههههههه حلو كتير
ولييي فرطتت ضحك ناطرين الكمالة لا اطول |
بس عنجد مو الحلبية كلن هيك
يعني زرت حلب وشفتا في ناس راقيين كتير وهالنسبة مالها قليلة بالعكس نسبة كتير كبيرة بينما الناس اللي عليهن مسلسنا الحالي فهنن صارو قلال |
اقتباس:
أنا كتبت بالعنوان .. (معلاق حلبي) |
اقتباس:
دوس خيو دوس:yahoo::yahoo: |
طيب يا عزيزي الموسيقار
في غلاظ و في حبابين بحلب شو رأيك في الحلقة القادمة تحكيلنا عن الحبابين الي بحلب :lol: |
اقتباس:
اقتباس:
........... :lol: ......... |
اي ناطرين الحلقة السالسة
|
يبدو أن الأستاذ موسيقار أكل مقلب
و بما أنه موسيقار يعني و من البديهي أننا نتوقع أن يحدثنا عن الطرب و الموسيقا من مبداء أسم على مسمى يبدو أن أحدهم سرق له الملف الأصلي و دس له ملف اَخر لا يليق به كموسيقار و وضع له ملف سوقي لا يقل مستواه عن مرتادي مقاهي بحسيتا لذا قررنا أسعافه و وضع ملف يليق به كموسيقار نبدء بالشعر نفيتَ عنك العلا والظرف والأدبا... وإن خُلِقْتَ لها إن لم تَزُرْ حلبا شهباء لو كانت الأحلام كأسَ طِلا... في راحة الفجر كنتِ الزهر والحببا أو كان لِلَّيل أن يختار حُليته... وقد طلعت عليه لازدرى الشهبا لو أنصف العرب الأحرار نهضتهم ...لشيدوا لك في ساحاتها النصبا لو أَلَّف المجد سفراً عن مفاخره... لراح يكتب في عنوانه حلبا بشارة الخوري اشتهرت حلب على مدار تاريخها بعراقتها الفنية الغنائية واحتضانها لأبرز مبدعي اللحن وشداة الطرب ، فهي التي خرجت كبار الملحنين والمطربين كعمر البطش وبكري الكردي وصبري مدلل ومحمد خيري وصباح فخري وغيرهم .. في هذا الموضوع سنقدم بعض ما اختزنته ذواكرنا من إبداعات التراث الحلبي كأن نقدم أغنية لفنان من مدينة حلب أو موال أو موشح أو قد أو قصيدة وهلق أنا رح أبدا بها المشاركة من التراث الحلبي ... وهي عبارة عن موال رائع جداً جداً جداً كتير منا سمعوه من فناننا الكبير صباح فخري وطبعاً غنوه غيرو قبلو .. اسمو (يا لائمي في الهوى العذري كفاك شجار) .. وهي كلماتو: يا لائمي في الهوى العذري كفاك شجار ما أنت ملوع ولا تدري بحالي شجار ظلم الأحبة عدل مهما بحكمه شجار راضي ولو صرت عندك للعشق عبرة عالجت روحي فلم احصل لها عبرة يا قلب ينعي ويا عين اذرفي عبرة تروي وتنبت بقاع الماحلات شجار بينتمي هاللون من التراث إلى القدود الحلبية ويعتبر من أجمل وأمتع الألوان واسمو الموال السبعاوي لاحظو أنو بيتألف من سبعة أبيات أول ثلاثة بينتهو بنفس الكلمة (شجار) بس بكل مكان بتجي بمعنى مختلف ونفس الشي بالنسبة لتاني ثلاثة أبيات (عبرة) وآخر بيت بيرجعو لأول كلمة (شجار) مع معنى مختلف كمان و الى القاء في الحلقة الثانية |
نسجل متابعة |
اقتباس:
بيستاهل موضوع جديد خص نص .. ومنشان كومة الاهانات .. الي طبشتا بالأول .. يا سيدي الله يسامحكـ .. أدينا مندرردش .. ورانا ايه :lol: |
الحلقة السالسة ..
الموكامبو .. الساعة الواحد والسلس .. ظهرا ً .. قرب مدرسة نابلس السانوية (للبنات):fhair::fhair: والصرفة .. في أوجها ... والدنيا ع بتمـــطّر صبايا .. بكري العفش ع بيفتل بسيارتو السكودا المشدرة .. حيطط نضارات أم الخمسين ورأة .. اشتراها بالصدفة من عبارة السيديات بالجميلية .. :larg: وفيتح الشبابيكـ .. وحيطط غنية التايتانيكـ ( ماي هارت ويل غو أون ) منشان الصبايا الكويسة يعرفوه مـصــــئّف . والبفلات تبعوت سيارتو ع بيكفروا .. لأنهن شغل باب جنين .. بـ ميتين وخمسين ليرة .. هلأ السيارة مي سيارتو هو مستعيرا من الأنتيم تبعو (زكور قضيماتي) .. : في هازه الأسناء بيعدي ابن المنصور بسيارتو المرسيدس الحمرا .. وابن الديري بسيارتو المرسيدس البيضا ع بيتسابقوا ومن عزم السرعة تبعيت الشباب .. بيطيروا شعراتو لبكري .. وبتتطاير القشرة وفتافيت الـ GEL اللي حاططو بـ منظر رومنسي مـــــزهل !! السيارات حواليه متل الكزب .. أشي المرسيدس تبعيت ناديا الرئيس .. وأشي المازدا زوم سيكس تبعيت ريم وتار .. وأشي المورانو تبعيب ابن اللبابيدي .. وأشي الـبي أم تي تي تبعيت ابن الآغا .. والشب مفكر حالو ظاظا .. لأنو مو شايف حالو كيف شكلو بقلب السيارة من برا .. المهم بي عز صفنتو بيسمع ظمووور ع بيجعر وراه .. بيصحا .. وبيقول في حالو (أجت الرزقة) بس للأسف بتطلع الأوميغا تبعيت شرطة المرور .. ع بتخالفو قال إيش ؟؟ (دوران متكرر) طبعن الشرطة بتعرف كل شي راكب سيارة من ولاد الزوات الا هو .. لأنو مبين ضرب براني . وبياكل مخالفة ألف وخمسمية المسكين . :p ديار مي دياركـ .. بتقل مقداركـ يا بكري .. ودمتم . |
ههههههههههههههههههههه
اي والله انا درست سنة بنابلس وطلعت طفيشة العما الشرطة قال على اساس بدا تحرسنا تلطشنا تفضلو يا حلوات نوصلكون بس والله النا ذكريات انا ورفقاتي بنابلس ههههههه يالطيييييف شو كنا نعمل بالشباب مره واحد عاقد ما تمسخرنا علية وعلى سيارتو اجى تاني يوم بالحصان الابيض ههههههه وقال هي جيت متل فارس الاحلام اييييييي ايام وعدت يسلمووون بس الحلقة السانية احلى |
الحلقة رقم .. (أربااااا) ..
ليلة الخميس .. بكري العفش .. حجز بنادي الاتحاد مع رفئاتو (مت كل خميس) .. مشان يلعبوا طابة وحيلف بدو يشرشحو لأبو صطيف .. لأنو شاطو رفسة لعن موديلو الخميس اللي قبلو .. بكري ليبس الكلابية .. وتحتاا الشورط النايلوو الأصفر والقميص الفوسفوري (هاد يونيفورم نادي الكلاسة ) نادي بكري المفضل .. مشهد أسطوري ... يبدأ بوصول بكري العفش وأنتيمه .. زكور قضيماتي... ورفيقهن حمودة جطل .. ع الميدان ... بكري ع بيشلح الكلابية .. بشويش .. مشان يعمل إسارة .. وبيبلش المطش الحامي .. وللأسف ينتهي برفسة أدق رقبة من رفسة الأسبوع الماضي وجهها أبو صطيف إلى انف بكري وعبــّـالو وتشو (وخم) .. رجع بكري العفش مبـ**ص لدينو .. و دخل ع بيتو الساعة وحدة في الليل .. وشاف مرتو متمكيجة .. ومغندرة .. بقا ليلة خميس .... محضرة حالا المخلوقة .. و حاططة ببالها أنو هالخميس غير الخميسات الي قبلا .. وكان عم تدعي لربا أنو ما يكون جاي آكل رفس مت عادتو . . بس بكري طعجا ودخل عالبيت والرفسة مرسومة رسم على خلقتو . .. وقلااا .. (اش ما نمتي لهلأ يا بنت الصرماي ؟؟ يلعن أبوكي متل ما استفقدني فيكي ) بعدين فيــّق ولادو السبعة .. وكبسهن قتلة جماعية .. ونيمهن .. وبعد ما فضيلو .. الجو .. بركـ صاحبنا عالدش .. وقلب عالهوت بيرد .. (ع فكرة دفع أربع تالاف ليرة منشان يفكـ تشفير كل القنوات الماكويسة ) بعدين .. *********************************** وبعدين حط راسو .... ونام أبو الفضل .. ليستعد لصلاة الجمعة في اليوم التالي .. :cry: (ملاحظة: منشان القيل والقال .. لا كتير الحلبية ينوجع خاطرون لأنو أنا عم أحكي عن حالة اجتماعية موجودة بكل المدن السورية بلا استسناااء .. بس حطيتها بالقالب الحلبي .. لأنو ظريف هي منشان ننهي النقاش .. و تخلص البرايفيتات .. طبعن مو كل البرايفيتات .. لأنو في منها عجبني :p ) |
اقتباس:
ومتت من الضحك على الي ملونين بالاحمر اشي كني نيوي تموتنا من الصهصكة كني خيو هههههههه اقتباس:
:lol::lol::lol::lol::lol: :D |
عيني عليك باردة يا موسيكار الداعي من الكلاسة وهي وردة بالكاسة مشكور على الحلقاط من سنة الثمانيات وما خلف كانت الكلاسة شغلة كبيرة مافي شخص غريب يدخل الحارة إلا ما يسئلو عليه وكان بنات الحارة أخوة لكل الحارة وعرضهم وسكب الأكل شغالة بين الجوارين والبواب مفتحة والأولاد بالحارات عبيلعبو بس هلق المصيبة الأخلاق راحت 50%والله أعلم والغربة دخلت على حواريبنا وفي ناس الغربة دخلت لبيوتها ما بدنانقلبها مقت وقهر بيقول المتل إن خليت خربت الحمد لله على كل حال ------------------------------- بالنسبة لبنوتة حلب كانت بنابلس وهي وردة ألها:mimo: ونحنا كنا بالأميركان سبحان الله على هديك الأيام كيف وبسط وخاصة ايام التسعينات وما قبل وكان كوستنيان استاذ الموسيكا والموجه فؤاد والموجهة كواكب هههههههههههه:p سبحان الله اليوم الي عبيروح ما عبيرجع الحمد لله |
اقتباس:
:sick: حلقة عن حلقة عم يزداد إعجابي بـ بكري .. :oops: مهضوم .. :lol: |
ههههههههههههههههههههههههه
لك يسلموووووووووووووووووو عن جد حلقات بضحك شكرا الك موسيقار ع القصص الحلوة |
يالله موسيقار بدنا الحلقات القادمة
وينك لاتطول |
الحلأة رأم .. خسة ..
بكري العفش ... تاجرا ً .. بكري اشترا محل في (سوق اتفضلي) .. بيبيع كلف و كباكيب صوف .. الزلمة عندو صانع في المحل اسمو رزّوق .. بيتمقطع فيه وبيطعميه رفس عالطيلعة والنيزلة .. وميسكـ هالمسبحة وعم بيسبح ربو .. قال حااطط ع باب محلو (آرمة) مكتوب عليها (هذا من فضل ربي) .. وع يمينا آرمة مكتوب عليها (لئن شكرتم لأزيدنكم) وتحتا في آرمة مكتوب عليها (الدين ممنوع) بالرغم من انو دفتر الدين عندو ..أسمكـ من كتب البكلورية . وفوق في آرمة عليها آيه الكرسي .. وتحت آية الكرسي في صورة نانسي عجرم هالأد أدها .. كان بكري العفش عم بصلي العصر .. بعد ما رفسو للصانع تبعو منشان يروح ويتوضااا ليصلي فيو إمام .. وحيطط الكرسي قدام المحل .. أنو (شوفوني أنا عم بصلي) المهم بكري ع بيصلي .. وبالو مشغول لأنو يمكن تعدي صاحبتو همسة عالمحل .. وكل شوي وهو ع بيتطلع بيزيق عينو ع باب المحل . ما بتكزب الخبر المخلوووقة .. وبتجي وهو في نص صلاتوو .. بيقوم المسكين بيتلهوج وبيصير يسلق سلق .. وبيخلص الصلاة كأنها وظيفة ما بدو يكتبها .. بيقوم متل السبع أبو بكير .. (أهليييييين .. أهليييييييين بالحجة ) طبعا ً هي كلمة السر أنو (لاتحكي شي قدام الصبي) (رزّوووووووووووووق .. انتــــتع جبلا للحجة كاظوظة خزنة عالسريع أبوي.. اش ما رجعت ؟ ) بيجبلا رزوق الكاظوظة ... بيقوم بيقللو (بتروووو عالمدينة وبتسلم عالحج أب سعيد وبتقللو يبعت معكـ خمس تالاتف ورأة . أش فهمت أبوي ؟؟ بعدين خود هي عش ليرات اشتريلكـ صندويشة فللافل .. يلا فريرة ) هون بيفضالو الجو . مع همسة (ع فكرة همسة مرت رفيقو) :( :shock: صدف مرة أنو رفيقو (جوز همسة) دخل عالمحل .. قام غمزا قللا (حطي ع وتشكـ .. أجا المقورن) لما سألو جوزا مين هي .. قللو (خاي وحدة من صاحباتي أش بدكـ ؟ حليق عالسريع ) يه ! !. ما عد فيني كمل .. انزعجت .. لأنو .. أنا اللي عم بكتب انزعجت .. فتأمل يا رعاكـ الله ... :lol: نراكم . |
يا ريت يا أخي موسيقار ما تحكي على الصلاة والأيات بمواضيعك
وتقبل تحياتي |
اقتباس:
انو مو حاكي شي يذم او يسئ لا الصلاه ولا لا القران ولو كلك مفهومية موسيقار يسلمو حلوة :D |
شو موسيقار ما في حلقات كمااااااان
هيك بتقطعنا لك خيو هي يوميات مابتخلص دي لحقلنا كم حلقة |
من زمان ما ضحكت هيك :lol:
هو انا حلبية بس شو هالكلمة هي ازلة ؟؟ اقتباس:
|
اقتباس:
|
لا ما عرفت :cry:
قولولي بليز .... من شوي سألت رفيق حلبي الي عن معنى هالكلمة قال لا تكبري الحكي معي :shock::pos: |
اقتباس:
حيسسهون قراص كبة .. عجبتني هي لحقلنا .. :lol: يلا يلا .. عالصاج . :o |
اقتباس:
|
اقتباس:
بس ليش حاسستك ما كنت عاقل أبداً ما بعرف :p |
اقتباس:
يعني كيف بدي اشرحلك الـ ( ازلة ) ..... ممممممممم .... :pos: يا ستي كلمة ( ازلة ) بتكون بالترتيب تبع الوسخنة شوي اوطى من ( المعلاق المطجن ), اعلى مقاما من( الحوتري ) , موازي لمصطلحات : وخمة , طاروق , منشح , جنترحفا ..... :o :lol: :ss: |
اقتباس:
لأن ما بعرف هيك مصطلحات أنا :p بس خلص تمت إضافتها بنجاح لقاموسي الحلبي :fhaha: |
يوب دخيل عينك .. حلقة رأم ستة..
مي حلوة هيك قيطعنا كل هل المدة.. :p |
اقتباس:
يعني هيك بتشبه كلمة حشكل .. جاي من فروع كلمة حشكل |
اانو يوب موسيكار
ابوس شنئات وشك شنئ شنئ وين كان غايب هادا الموضوع عن بالي يوب بعرضي عم بقراه .. مبستما .. بس قلكون شغلة خدو سمعو هي .. مشان تفوتو بالجو هوي صحي محروس الشغري شامي .. بس كلو بينفد على كلو ولما تسمعو .. ابقا سبو :o - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
الحلقة رأم .. ما بعرف شأد ..
كان تطور مدينة حلب المتسارع .. وافتتاح المقاهي الجديدة بما يعرف بـ سوليدير حلب ( العزيزية ) حيث يقبع هناكـ أكبر تجمع للكافييات بحلب .. stretto .. monroe .. in-out .. T-square...Oriento وآخرون .. هناكـ تقليد .. لا يزال مستمرا ً ,, رغم هازا التطور .. وهو ؟؟ مبدأ العائلات .. والشباب .. حيث ما في ابن مرا بيسترجي يقعد بأحد هالمحلات .. وما تكون معو .. (عائلته) .. وهون .. كان المناخ المسالي .. لزكور قضيماتي .. والشلة الطيبة أنو يحاولوا .. يتصيدوا محل يقعدوا فيه .. أجا .. زكور قصيماتي .. وصاحبو بكري العفش .. وجيابون منفوخة .. ببزر الشمس .. وليبسين شحيحيط من ماركة (الصقر) ,,, هي ماركة الشحاطات الرايجة في شانزيليزيه باب النيرب . واقفين قدام (قهوة) الـ stretto .. و عيونون بيظظظة عالشقف(البنات) القيعدة .. فالمحل .. المهم بيجي زكور قضيماتي .. بيفحص بريسطيجو .. و بيلمس ع شعرو ليشوف ازا الجيل مقرمد مظبوط ولا لأ .. وبيتطلع ع كلابيتو ... أف .. شغلة . المهم بيطالع النوبايل من جيبتو .. وبيشيل الموبايل .. وباكيت الـ fisher ومفاتيح السوزروكي بأيد وحدة .. منشان أنو العالم يشوفوه أبن نعمة .. وبيقللو لبكري العفش .. (شوف شلون بدنا نقعد جمب طاولة الشقف اللي هونيكـ ). بيشيل حالو .. وبيفوت لجوا .. طبعا ً العالم بينصطلوا أنو .. أوف .. أشفي ؟ ومن صطلة العالم .. هو بيحسب أنو متشووصين بشعراتو الملظقين ببعض .. بضراوة .. وبيقول في بالو .. (أبوسي ربكـ يا حدّو.. متل ما نصحطني بجيل هامول الأصفر ... لعمش شلون النسوان كلبانة علي ّ) .. هون.. بيقطعلو الكرسون سلسلة أفكارو .. ( أسفين استاز الطاولات مخصصة للعائلات ) .. هون بينبسط زكور ع كلمة .. أستاز .. لأنو من زمان .. ما سرخولو .. فيا .. من أيام الجيش يعني . :o المهم بيقللو .. (أي أنا وأبو ئدّور //قصدو ع بكري العفش// عيلة وحدة .. عزكان مالكـ مسدئ بورجيكـ الهوية ترا ها !! ) الكرسون بيقلو .. ( لا عائلات استاز يعني شباب وبنات .. زكور وإناث يعني ) .. هون بيعصب زكور .. وبيفز عندو عرئ الجحش .( أش بدكـ أجيب مرتي .. لتصير ملطشة للراي والجاي ؟؟ أش ما عندي ناموس .؟؟ ) .. بيرجع بيفكر شوي .. (خيو مسيكـ هي خمسا عشرين ورأة.. بعرف كتير بس خلص دبرنا ) .. خربا . :shock: المهم .. بعد شد وجزب .. كان زكور .. و بكري العفش ع المحلق ..قيعدين ع بسبوا صحاب الكافتريات أنهن قليلين ناموس وشرف ..وهنن اللي نيتن شريفة . :? ببساطة .. كتير مبررة شغلة فصل الجنسين .. في كافتريات موحافظة حلب . ;) دمتم . |
اقتباس:
لك اروح شنق ع زكور قصيماتي انا.. يعني مبين انو هو جميل جدا بس مافي شي عم يظهر جمالو كما يجب .. خصوصي الجيل يعني اكيد مضروب و نوعية سيئة :pos: |
اقتباس:
يسلمووو وناطرين الحلقة الي بعد مابعرف شقد هههههه وعاسيرة لحقلنا :p ههههه اي لحقلنا :lol::lol: |
| الساعة بإيدك هلق يا سيدي 02:40 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون