يا صديقتي بدك مين يفهم ويعي هالكلام

إذا كنت لا تدري فهي مصيبة وأن كنت تدري فالمصيبة أكبر
 

[quote]
يا سيد صياد الطيور لماذا لا نكون واقعين ولو قليلا (إذا بدك)
لقد قلناها مراراً المشكلة ليست في اسم بشار،إن المافيا المتصلة
على محركات الدولة الأمنية والسياسية والاقتصادية والاجتماعية والتي أسسها الأب وبالمناسبة هم لا يعترفون بما تسميه وفاء،هذه المافيا يجمعها مصلحة واحدة هي مص خيرات ودم الشعب السوري،هؤلاء من عدل الدستور وفصله علي قياس الدكتور.

طيب يا اصلاحي أنا رح اجي معك ... المافيا الي متصلة مع السيد الرئيس و الناس الي حواليه هم مين عم يسرق البلد ... و طبعا لتغير هالمجموعة رح يحتاج لوقت طويل ( أكيد مو لدرجة أنو خلال 7 سنين من حكمه ما قدر ينتهي هالمجموعة ) كمان أنا معك
بس يا ترى .. لما عم يشيل واحد ويحط بدالو واحد و بيطلع نفس الشي شو رح يساوي ؟ و من وين رح يجيب ناس نظيفة
و مع هيك رح نرجع لموضوعنا الي ما جاوبتوني عليه لا أنت ولا المعلم كهربجي
مين الي عدل الدستور ليناسب الدكتور بشار الأسد ( مو ليناسبو هو مثلاً ) و ليش ؟

له يا زلمه , يعني شعب سوريا كلو وسخ , معقول هالحكي ؟؟!!!!

ولو , يعني حقيقه انتي ما بتعرف مين اللي عدل الدستور ؟؟

الشله الامنيه ايام الراحل حافظ , زي ما بتعرف و يعرف الناس كلهم , خافوا على مصالحهم , و شافوا انو افضل حل لاستمرار المصلحه المشتركه لجميع عصابه المافيا السوريه , ان يعدلوا الدستور ويجيبوا بشار ليكون واجهه امام الناس , و هن يعملوا اعمالهم اللصوصيه السابقه .

مشان هيك احنا كلنا تفاءلنا بالاصلاحات التي عملها بشار , لكنه توقف في منتصف الطريق , والان سلك طريق والده الراحل , مما يجعلنا ان نفكر
اما ان يكون بالبدايه نظيف وشريف و حقيقه احب الاصلاح , لكنهم افهموه بان هذا الطريق معناه موتهم جميعا وموته معهم وكذلك اسرته وطائفته ( يعني حشولو افكار خبيثه )

واما ان يكون مشترك معهم من البدايه في هذه المؤامره

ارجع للراي الاول
اذا كان حقيقه طاهر وشريف , ليش ما يعتزل الحكم لما يشوف ( اولاد الشر ...) عمال يخربوا البلد و يسرقوه و يستعبدوا شعبو ؟؟؟؟
بدنا اجابه

يا سيد صياد الطيور صدقني الحل ليس في تغيير الأشخاص.
لو ظل يغير زيد ويأتي بعبيد من هون لخمسين سنة أخرى
سيظل وضع البلد من سيء إلى أسوء .
يا سيدي المشكلة في بنية النظام.
إذا أراد الإصلاح الفعلي فالطريق لذلك واضح وصريح،
بوقوفه إلى جانب الإنسان والمواطن السوري وبإعطائه
حريته الحقيقية و الكاملة في التعبير وتشكيل الأحزاب والأعلام.
بهذا سينير شمعة الأمل في عقول وقلوب هذا الشعب اليائس والمنهك،هذا ما سيعطيه الشرعية الحقيقية عند أغلبية الشعب
السوري، بذلك ستبدأ مسيرة الإصلاح الاجتماعية و السياسية
معاً ومن أسفل الهرم فصعوداً وليس بالعكس. نحن نرفض أن يكون التغيير بعصا سحرية لأننا لا نؤمن بالخيال والشعوذة السياسية،يا عزيزي صياد أنا أؤمن بأن شعبنا السوري بتاريخه وحضارته،لو امتلك مؤسسات اجتماعية مدنية وسياسية حرة هو قادر أن يكون مثالاً للديمقراطية في الشرق الأوسط والعالم.لقد تفوقنا على إيطاليا ديمقراطياً في الخمسينيات ، هذه هي الديمقراطية التي نطالب بها .

جاوبني أنت حبيب.. أنا خلصوا الأجوبة من عندي

أنا ليش قلت شي عن الديمقراطية؟؟ فعلاً مو كل الشعب واعي.. وشكراً لأنو الوعي مستفحل عندي كمان كلك ذوق..

أنا حكيت بوادي وأنت حكيت بوادي..

هيك هيك كنا بدنا نوصل للديمقراطية حبيت اختصر

لأ أبداً... كنا ماشيين بغير اتجاه.. هلق بفرجيك شو هو.. نط عالمنبر