|
:lol: يعني على هالأساس
بطلع بشار الأسد مسؤل عن حادث هيفا وهبي تبع الطيارة ؟ |
اقتباس:
|
اقتباس:
لك يا عيوني ما لقتي غير تناقشي خلي يروح يلعب بعيد اصلن واحد بيحكي بهل مبدا بيكون انسان جاهل |
حبيبي ليك لأقلك أقلك شغلة (أهل سوريا أدرى بأسودها) يعني ليك متلك متايل مدسوسين ممكن ما تكون سوري أصلاً عرفت كيف حبيبي أميريكا بدها تلهينا بشي أسمه أنو نحن ما عنا ديموقراطية و من هالعلاك تبع أميريكا واسرائيل واللي عبيدسو بيدسو شي مننن بده دوله و التاني بيحكي لك سكتواااااااا كرمال الله ومحمد وعيسى توحدواااااااااااااااااااا ااااااااااااااااااااااا حاجه بقااااا
المعلم أمير سوريا الله حاميها فليحيى ويبقى عرين الأسد |
اقتباس:
|
اقتباس:
|
هو انا مستغرب منكم ؟؟؟؟
ليه بتردوا عليهم بالاساس هو انه تتناقش معه بتخليه يرجع ويغلط هو وغيره هل ناس النقاش معهم اكبر غلط مو كل واحد بيحكي على سوريا بيطلعله لانه الخير فيها وباهلها وفيكيم اخوية سوريا |
اقتباس:
|
في مقوله بتقول
القافلة تسير والكلاب تنبح |
اي اهلين والله بالشباب
اولا بالنسبة للسيد اللي معتبر الحرية والديمقراطية انها علاك هدا مسكين لانو ما بيعرف شو يعني انو انسان يعيش حر ويفكر حر و يقدر يكتب رايو بحرية ويقدر يكتب تعليق بموقع متل موقع اخوية من دون ما يصير في متل حسام ملحم وغيرو اما انو نتوحد فنحني كنا بزمانو موحدين قبل ما يجي حافظ الاسد ويفرقنا مشان يقدر يحكمنا ويورث الرئاسة للمحروس ابنو اما الانسة او السيد بنفسجة فمن الواضح انو شغلتك كتابة هيك ردود فاضية اصلا انا حبيت اتمسخر قصدا على شخص بيعتبروا اناس متلكن صنم ممنوع انتقاده باي شكل من الاشكال اما اللي اتهمني بالجهل وباني ماني سوري فبحب قلو انو لو انتو بتمثلوا سوريا فانا بدي صير صومالي اشرفلي ياريت يلي عم تتفلسف وتحكي عن الجهل تحيكلنا عن تاريخ سوريا قبل عصابة بيت الاسد اذا كنت بس بتعرف بس مين كان رئيس سوريا قبل انقلاب 1970 والله لاعتبرك مثقف بس للاسف جيل الاسد جيل ممسوخ الشخصية جاهل بتاريخ بلدو وباللي عم يصير حواليه واللي بحاول يشذ عن هالقاعدة الذهبية وبيحاول يفهم شو عم يصير بيكون مصيرو متل حسام وغيرو انا بعتذر انو وصفتكن بالعبيد لانو بعد ما شفت ردود المساعد بنفسجة تأكدت انو انتو مو جهلة وعم تدافعو عن بشار ابو ريالة بعفوية وانما انتو موظفين شغلتكن تلميع صورة النظام بمواقع الانترنت مشان هيك ما بينعتب عليكن وصدقوني انتو اول الناس اللي مستعدين تبيعوا البلد لانو اللي ببيع ضميرو لنظام ديكتاتوري قذر مستعد يبيعو للي بيدفع اكتر |
اقتباس:
انت عن شو عم تحكي بالزبط ؟؟ عن حسني الزعيم يلي قام باول انقلاب و عمل نظام حكم دكتتوري بحت ، و الشي يلي ظل مستمر بانقلابات عسكريه لنص الخمسينات ؟؟؟ هل عندك علم انو سوريا و الارجنتين اكتر دولتين بالعالم قام فيهم انقلابات عسكريه على مر العصور ، السبب سوريا معروف ليش ، الارجنتن لانو كل شي قاد انقلابات فيها كانو من جذور سوريه .. الشي التاني ، يلي عم تحكي عن نظام الاسد ، امتى كنا موحدين ممكن تزكرلي هل حقبه التاريخ يلي حضرتك قارء انها كانت البلد موحده مثلا ؟؟؟ بنحكيلك عدد الانقلابات بسوريه ما شافتو بلد قبل حافظ الاسد بتحكيلي كنا موحدين ، ليكون قصدك انت على الدولة الموحدين و المرابطين مثلا و مالنا خبر ؟؟؟ حافظ الاسد رحمه الله ، اول رئيس سوري وحد سوريا ، ماتحكيلي بالقوه او بالاجبار شعبنا ما بيمشي غير بهل طريق ... لما سمحو بالاحزاب بسوريا من فتره ، صار كل حاره بدها تعمل حزب و يجمعو حالهم فيه ، اي كمان هاد مو منطق هلأ الشي الاخير مين قصدك بالرئيس يلي قبل سنة ال 71 ؟؟ نور الدين الأتاسي يلي كان اخر واحد قبل حافظ الاسد الله يرحمو .. يلي حكم من 1966 - 1970 ولا امين حافظ يلي حكم من 1963 لل 1966 بطل تستخف بعقول يلي عم تحاكيهم ، لانو هاد ان عبر فبيعبر بس عن جهلك انت و اتباعيتك االعمياء لغيرك .. ما تزعل كتير بعد هل رد لح حطلك كل من حكمو سوريا بشكل مرتب لانو هاد السؤال واجهتو بكذا منتدى من قبل ، مو مشان شي بس لورجيك مين الجاهل و مين يلي بيعرف شو عم يحكي .. يا ريت تشوف بس من سنة ال 1936 لسنة ال 1970 يعني لعند حافظ الاسد كم رئيس كان لسوريا بهل سنين ، ولله شي بيضحك بهل فتره اجانا رؤساء بعدد رؤساء امريكا كلهم يمكن ... المره الجايه بس بدك تحكي عن الرئيس بشار الاسد ، حاول تختار ملافظك بعنايه حتى لو كنت معارضه او شو ما كنت تكون ، لانو احترام الدوله ولو كان الواحد معارض بتبين انو بيحترم حالو ، بس للاسف الناس لي متلك مالهم علاقه لا باحترام ولا بسياسه ولا بتاريخ اصلن .. ولا تعود تعلمنا عن تاريخ بلدنا يلي حافظينو من زمان ... ملاحظه : معظم المدافعين عن النظام هون ناس متغربه معناها ما تخاف مو عم نحكي عن خوف لا عم نحكي عن اقتناع .. بس العتب يلي علي عايش بسوريا متل حضرتك و بيفوت باليوم بيرد ردين و بيهرب ، لما بدك تكون قد كلامك حكي بشكل مفصل تاني مره ... لاخر مره بحيكلك خاطب الاعضاء باحترام و رئيس الدوله بحترام |
اقتباس:
واذا بتريد بتحكي عن الرئيس بشار الاسد باحترام لانو رئيس للجمهورية اللي انت حامل جنسيتها و شئت ام ابيت انت لازم تحترمه ناهيك عن انك عم تجرح شعور كتار باخوية وعالم تانية انا منون علاقتي فيه اكتر من هي علاقة مواطن برئيسه وفشرت بنص عينك نبيع البلد او ضميرنا اسمعا للكلمة منيح فشرت |
أولا بالنسبة للاخ ASH عجبتني كتير لانك فتحت باب نقاش عن تاريخ سورية وطبيعة نظام الاسد
معك حق انو سوريا كانت بلد مضطرب سياسيا بفترات معينة بالخمسينات بس ياترى لو تتامل بالنسيج الاجتماعي بهديك الفترة وتقارنو بالمجتمع بعد 40 سنة من حكم بيت الاسد رح تلاقي انو الناس بهداك الوقت ما كانت تعرف شي اسمو طائفية وعلى الاقل مو متل هلق يعني ما كان معروف شو يعني علوي او اسماعيلي او غيرو ولا معروف فرقهن عن السني وغيرو واللي وضع بذرة الطائفية بالبلد هم اعضاء اللجنة العسكرية المؤلفة من صلاح جديد ومحمد عمران وغيرهن وهدول هني اصل البلاء اللي كان عندهن اهداف طائفية متسترة بستار حزب البعث هلق من قبل ماكانت الحياة بسوريا جنة نعيم بس على الاقل لما الجيش عمل انقلاب على أديب الشيشكلي عام 1954 و أجبرو يترك السلطة كانت القوة الضاربة للجيش بايدو (الشيشكلي) ومع هيك ومع انو كان ديكتاتور رفض انو الجيش يعلق ببعضو وفضل التناااازل عن الحكم (معلومات موثقة في كتاب الصراع على سوريا ل باتريك سيل) هلق كلمة تنازل متل ما بتعرف مو موجودة عند حافظ اسد و المافيا الخاصة فيه لانو هو واخو في عام 1984 كانو على وشك تدمير دمشق لولا انو حافظ كان اذكى من اخو وطالعو برا باخر لحظة وطبعا هدا بيعطيك فكرة انو الدكتاتوريات اللي كانت موجودة بهداك الوقت والانقلابات وغيرها افضل بمليون مرة من الي اجى على سوريا بعد 1963 قلي لشوف ايمتى بتاريخ سوريا من 1920 لهلق اختفى بالسجون 17000 شاب مو معروف لهلق اذا عايشين ولا ميتين؟ ايمتى دمرت احد اجمل مدن سوريا وانقتل 10 بالمية من سكانها ايمتى بسوريا الناس ما عد تعرف شو يعني صحافة حرة غير البعث وتشرين والثورة وايمتى وايمتى وشو بدي عدلك........................ اما من 1963 ل 1970 فكل اللي حكمو سوريا واجهات الحاكم الفعلي كانت اللجنة العسكرية والرجل القوي فيها كان صلاح جديد وتابعه حافظ الاسد اللي غدر في بعدين ورماه بالسجن لما قلت انو كلنا عبيد كلكن هبيتو بوجهي بس هلق حضرتك عم تتفضل وتقول انو شعبنا ما بيمشي الا بهيك طرق يعني هدا الحكي اسوا من انو نحني عبيد مابعرف انتي وين مغترب؟ اكيد ب كوريا الشمالية لانك لو كنت مغترب ب موريتانيا كنت شفت عندن انتخابات وديمقراطية واكيد هني مو مثقفين ولا محترمين ولا بشر اكتر مننا نحنا اللي ما منمشي غير بهالطرق بعدين لو كنت بسوريا لازم تحترموني اكتر لانو عندي الشجاعة اكتب كل هالحكي بينما انتو اللي برا بتخافو تحكة عالنظام كلمة ام االا خ كنان فيا صديقي انا هدا رئيس الدولة ما بيسوى شي عندي لانو هدا عبارة عن رئيس مافيا اغتصب السلطة بطريقة همجية واضحك العالم علينا بمسرحية تغيير الدستور المخجلة وفتح البلد لاولاد عمو وخالو ولكل نصاب لينهبها علنا اما موضوع الجنسية ففشر بشار وابو يتمننو علي فيها لانو هدا البلد اللي ولدت في واهلي عايشين من مئات السنين يعني فهمنا عم ينهب الشعب وبعدين بيعطي الفتات وبيقولو عطايا السيد الرئيس بس لا هلق صاير المطبل المزمر ماسح الجوخ هو الوطني والمواطن الصالح بينما اللي بيحكي كلمة على القائد الخالد المخلد (في جهنم باذن الله) واولاده فهدا صار شيطان شاذ لازم كلنا نبزق عليه ما قلتلكن جيل مشوه |
اقتباس:
وشو معناة كلمة مشوه ، هل بتعرف حضرتك انو كلمة مشوه ، تطلق على تشوه خلقي او جسماني !!! الشي التاني مين مفكر حالك مثلا ، لتكون مفكر حالك الرب و العياذ بالله لتحكي مين لح يفوت علجنه و مين لح يفوت علنار ؟؟؟ الشي المهم بعتبارك قريان تاريخ كتير بسنة ال 84 ، يلي صار بين الرئيس حافظ الاسد و اخوه كان السبب فيه تجبر و تسلط رفعة على الحكم و علناس ، يعني الرئيس حاول يردعو بس شو بتحسن كنت تحكي وقتها مع سريا الدفاع ؟؟؟ نصبو مدفعيات على دمشق و هدد بتدميرها ، ممكن تحكيلي شلون طلعو الرئيس حافظ الاسد وقتها ، اشك انو عندك فكره عن هل شي مع احترامي المتحفظ لقرأتك ... النقطه تبع سويرا ما كانت افضل حال قبل عهد حافظ الاسد عن ولاية عهدو لا صدقني عهدو كان مستقر مو الكل اعد على اعصابو خايف من شي انقلاب عسكري مفاجأ بس انت لحقدك ما بتحسن تفهم هل شي بشكل بسيط .. السبب الثاني على كلمة عبيد في فرق بين كلمة عبيد و بين كلمة بتعرف شو شعبك و مشي بطريقه تتماشى و مصلحة البلد ، لك انت من وين عم تجيب افكارك بس حكيلي ، انت برأيك الشعب كشعب بسوريا اديش ممكن تكون نسبة الناس الفهمانه و المتعلمه و اديش نسبة يلي مو متعلم ، وادشي نسبة الفشل ؟؟ بتحسن تجبلي دراسه عن هل شي ، كيف بدي اعطي حريه مطلقه و ديمقراطيه مطلقه لشعب فيه تفوات كبير ؟؟؟ يعني لو بدي اعمل حريه مطقله و ديمقرطيه مطلقه بدي اتوقع يجوني مجموعه مالها علاقه بالسياسه تحكيلك انا بدي احكم البلد و ممكن يكونو كتار ، و تحكيلهم لا يحكولك هي ديمقراطيه ، او بيجيني ناس هدفهم ديني بحت يحكولك نحنى الشريحه الاكبر من المجتمع لازم نحنى نحكم البلد حسب مبدانا و قونينا و هي حريتنا .. هون بتحكيلهم اي تفضلو تكرم عيونكم شرفو ، بيقوم شو بيصير بالبلد بيختل التوزن كلو ، و بنرجع لحروب اهليه مثلا لو لعصر الانقلابات كل سنه سنتين جماعه مستلمه البلد و مغيره كل شي و الشعب كل مالو لتحت و البنيه كل مالها عم تتهوى ... لك بيكفي صحى شوي لسى بتحكيلي انتو لانكم برا بتخاوف و نحنى لا ، اخي شوف كم ميه بالموقع متغرب و معارض للحكم ، وشوف كم واحد مغترب مع الحكم ، انا ماحدا لاحقني بعصايه وعم يحكيلي ايد او بقطع رقبتك انا مؤيد من حبي لهل شي ، مو ضروري تقتنع انت بهل شي او بكلامي ، بس هاد مو معناه انو انا او غيري مشوهين على قولتك او عبيد ، العبد و المشوه واحد فكارو شاذه او متطرفه متل ماني شايف من حكيك او حكي ناس مشابها ألك ... عم تحكيلي حضرتك عن الصومال ، روح علصومال يا عمي ديمقرطيه و حريه بس على شو على بلد متخلف نسبة الايدذ فيه شي خيالي ، اي ولله انا بدي متل هل ديمقراطيه يلي بلهي شعبي بملذاتو لأدنيه و بحكيلو عيشو ، خود شو مابدك ، اي كمان فكره كتير حلوه ، لك تخيل سطحيتك حتى لو ستشهدت بمثال عن الديمقرطيه جبتلنا بلد حكمها الدبح و العنصريه و هنه كلهم سود لسنين .... بالنسبه لصلاح جديد ماحدا غدر بحدا ، هوه عمل خطوه لحالو وطلب بعد هيك امدات من وزير الخاريجه يلي كان حافظ الاسد و قتها و رفض ، لما فشل طالب بمحاكمة حافظ الاسد ، فشو بتوقع يعمل لو ظل برا. الشي الاخير عم تتكلم عن جنسيتك و انو الرئيس ما دخلو فيها ، لانو انت ولدت بهل بلد و اهلك صرلهم مئات القرون من ايام سيدنا عيس لليوم ، مدام هل وضع مو عاجبكم من قرون ليش ما طلعتو مثلا ؟؟؟ او ليش كتير متمسك بجواز سفر مكتوب باول صفحا فيه باسم رئيس الجمهوريه ، و كل الحكي باول صفحا بينكتب نيابة عن اسم رئيس الجمهوريه العربيه السوريه ؟؟؟؟ كيف حامل هل شي انت و ماشي فيه طيب ؟؟ لا ترجع تحكيلي بعقلية كلمة مشوه و عبيد ، كلامي و ردودي لحد الأن عم تصب بس بردودك بدون ما اتهجم عليك او على شخصك لا تخلي الموضوع ياخود منحنى شخصي ... ولاتحكيلي لاني برا عم احكي لخوفي لا مو خوف ، عم احكي عن قناعه تامه |
اقتباس:
اما عن ردودي الفاضية فهي ردة فعل طبيعية على مشاركاتك البايخة ومسخراتك يلي بتعبر عن شخصية فكاهييه بس تقيلة دم اما اني مساعد فياريت والله اذا فيي فوت عالجيش هيدا شرف الي اذا انت بتعتبرها مسخرة اما انو نبيع البلد فما من حقك تحكم بهي الطريقة وخاصة انو طالعة منك وفاقد الشيء لا يعطيه |
أهلين SH طول بالك يازلمة الموضوع انشاء الله ما بياخد لا منحى شخصي ولا شي نحنا عم نتناقش وكل واحد فينا بيستفيد من افكار ومعلومات التاني
رح رد عليك نقطة نقطة اولا انا لعلمك من نفس الجيل يعني الجيل اللي تربى بصغرو على شعارات طلائع البعث واللي كان عمرو 6 سنين ويوقف كل بالبرد بكير ليهتف قائدنا الى الابد حافظ الاسد هدا الجيل واللي للاسف انا منو هو جيل مشوه بكل معنى الكلمة مشوه فكريا لانو نحني تعودنا من الصغر الخوف الخوف من الحكي بالسياسة,الخوف والرهبة والقداسة من شخص الرئيس,الخوف من مناقشة الشأن العام علنا خوفا من المخبرين والتقارير مشان هيك نشات عنا فكرة اذا بدك تستريح شو ما شفت قول منيح ومشوه ثقافيا ولا تنظر للنسبة الكبيرة اللي مو متعلمة بس انظر على طلاب وخريجي الجامعات تبعنا اللي هني اميين بس بشهادات جامعية يعني لا بيفهمو باختصاصن ولا باي شي تاني وهذا طبعا مو ذنبن بل ذنب الظروف الي حطن فيها النظام ثانيا انا والله انسان عادي واقل من عادي كمان ثالثا رح قلك شو قصة سرايا الدفاع وقصة 1984 وصدقني هالمعلومات مو من عندي وانما وردت بكتاب باتريك سيل الصراع على الشرق الاوسط اللي بيحكي في قصة حياة حافظ الاسد وعلى فكرة باتريك سيل يعتبر من اصدقاء الاسد وكتب كتابو بناء على مقابلات شخصية مع الاسد واركان حكمو اولا اسال حالك سؤال مين اللي سمح بانشاء ميلشيا طائفية مسلحة تحت اسم سرايا الدفاع واعطاها ميزانية مفتوحة على حساب باقي قطعات الجيش واطلق يدها في البلاد في القتل والتعذيب وجرائمهم معروفة وموثقة واهمها مجزرة تدمر يلي قتلو فيها اكتر من 800 سجين,ولاحظ سجين يعني هدول كان لسا مشتبه فيهم يعني لا محكمة ادانتهم ولا شي نزلو الشباب باوامر من رفعت المجرم على السجن وفتحوا الزنزانات وقتلو كل السجناء المتهمين انن مع الاخوان وفي عام 2002 رفع رفعت الاسد دعوى على نزار نيوف المقيم في فرنسا لانو نيوف ذكر تفاصيل المجزرة على قناة الجزيرة وكانت نتيجة الدعوى المرفوعة امام محكمة فرنسية(لاحظ فرنسية مو محكمة امن دولة عليا بسويا) رفض الدعوى المقامة من رفعت واعتراف علني بالادلة اللي قدمها نيوف للمحكمة والتي تدين بشكل واضح المجرم رفعت. منجي هلق للي صار ب 1984 هدا يا سيدي بعدما حافظ الاسد استخدم السرايا في قمع المعارضة حس انو اخوه كبر راسو كتير وصارت حادثة شهيرة لما حافظ مرض فعين لجنة مؤلفة من 6 اشخاص رفعت مو من بينهم لتحكم البلد خلال مرضو لكن هدول الستة كانو اضعف من انو يوقفو بوجه رفعت فرضخوا للامر الواقع و سلمو كل الصلاحيات لما رجع الاسد من مرضو اكتشف انو فعلا مكانة رفعت رح تغطي على مكانتو وانو اخو بدا يحضر لانقلاب عسكري وهدا شي طبيعي لانو رفعت رافق اخو بكل مراحل الانقلابات العسكرية من 1963 حتى 1970 وصار عندو خبرة بهيك امور طبعا حافظ الاسد كان امامو خيارين اما المواجهة وكانت شبه محسومة لصالح رفعت او التنازل وهدا كانت كلمة التنازل مو موجودة بقاموسو فقرر يلعب على مشاعر اخوه ورفعت هو اصغر اولاد ناعسة ام حافظ الاسد فبعت جابها من القرداحة ولبس بدلتو العسكرية وركب سيارتو واخد امو وراح على بيت رفعت بالشام وهنيك صارت مواجهة عائلية عاطفية انتهت طبعا بتنازل رفعت وموافقتو على السفر برا سوريا على اساس شهرين لتهدا الامور مع تعهد من اخو الكبير بالحفاظ على مواقعو بالبلد بس لما رجع بعد شهرين لقى انو سرايا الدفاع تبخرت واضطر انو يغادر للمنفى بعدها ثالثا كلامك عن الديمقراطية وانو نحني ما منستاهلها فظيع بس بربك قلي, موريتانيا شعبها احسن من شعبنا شي؟؟ لك نحني كنا من اوائل الدول العربية اللي استقلينا ونحنا كنا كل عمرنا مع مصر واجهة العرب يعني اكتر الشعوب تحضرا ومع هيك قاعدين منطبل ومنرفع شعارات النظام بتعرف شو معنى كلامك انو شعبنا في تفاوت وجهل وما خرجو حرية ؟؟ معناه انو نستعد من هلق لنرفع صور حافظ التاني المحروس ابن بشار بدل ما نلاقي حل لمشاكل التخلف الفكري اللي عنا لا لازم نضل قاعدين على مبدأ اللي بيجوز امي بقلو يا عمي والمهم في استقرار يعني لو بدي اعمل حريه مطقله و ديمقرطيه مطلقه بدي اتوقع يجوني مجموعه مالها علاقه بالسياسه تحكيلك انا بدي احكم البلد و ممكن يكونو كتار ، و تحكيلهم لا يحكولك هي ديمقراطيه ، او بيجيني ناس هدفهم ديني بحت يحكولك نحنى الشريحه الاكبر من المجتمع لازم نحنى نحكم البلد حسب مبدانا و قونينا و هي حريتنا .. بعدين المنطق تبعك يعني اسف قلك انو مضحك يعني شو فيها مثلا لو عملنا انتخاب بسوريا انتخاب حر واترشحو يا اخي 10 مرشحين او 100 والشعب انتخب واحد ب نسبة 50بالمية مو 99.99 وابصم بالدم واللي ما بيروح على الاستفتاء ياويلو ساعتها بتكون هي اول الطريق ولازم نحترم راي الاغلبية مهما كان لانو هي هي الديمقراطية وقتها بتبدا الناس تعرف شو يعني انتخاب حر وشو يعني رئيس بيهمو رضا الناس لانو الناس هني اللي جابو على الحكم مو ورث الرئاسة والبلد والشعب من ابو عم تحكيلي حضرتك عن الصومال ، روح علصومال يا عمي ديمقرطيه و حريه بس على شو على بلد متخلف نسبة الايدذ فيه شي خيالي ، اي ولله انا بدي متل هل ديمقراطيه يلي بلهي شعبي بملذاتو لأدنيه و بحكيلو عيشو ، خود شو مابدك ، اي كمان فكره كتير حلوه ، لك تخيل سطحيتك حتى لو ستشهدت بمثال عن الديمقرطيه جبتلنا بلد حكمها الدبح و العنصريه و هنه كلهم سود لسنين .... ليش مين قلك اذا انقلع بشار وعصابتو رح يصير عنا انحلال وغيرو يا عمي سوريا الها الاف السنين موجودة واهلها عايشين بخير مو بفضل بيت الاسد يعني لازم يكون الرئيس من بيت الاسد لحتى نستمر والا بعدها بنتهي سوريا من الوجود يعني وتصحيحا لمعلوماتك حافظ اسد بعمرو ما كان وزير خارجية هو كان وزير الدفاع من 1966 حتى عام 1970 وهو اللي اعطى امر الانسحاب من الجولان قبل وصول الجيش الاسرائيلي للمدينة بساعات قليلة ولما حبو يتصرفو بمجلس قيادة ثورة البعث كالبشر ويحاكمو حافظ على هالهزيمة الرهيبة بتعرف شو صار؟؟ انقذو صلاح جديد لسبب بسيط انو الاسد كان ايدو اليمين لصلاح جديد في شؤون الجيش وكان جزاء جديد هو جزاء سنمار اي انو الاسد انقلب علي ودكو بالسجن لحتى مات وبرجع بقلك على موضوع الجنسية الوطن مو بشار الاسد الوطن بيبقى وبشار قريبا زائل باذن الله |
هلا لرد عليك بس مالح طول مشان ما يملو الشباب منا و نترك الدور لغيرنا ..
اول شي لنحكي بموضوع حافظ و رفعت ، الكلام صحيح ، بس لو ماعم هيك و ما كان بيحب البلد كان دخل بحرب مع اخو و دمر كل شي كمان ... الشي التاني مشان 10 او 100 يترشحو ، صدقني الانتخابات لح تناعد شي مليون مره لانو ببساطه ماحدا لح يفوز فيها ،، هاد شي المنطق بيحكمو و انت بتعرف هل شي من جوا ... شغلة الديمقراطيه و الحريه انا ماعم قول يكون الوضع متل ما هوه هلأ ، بس كمان صدقني لو اخدو زياده لح تكون النتائج مدمره بكل ما للكلمه من معنى .. و مشان مقارتنا بالصومال ، انا ما زكرتك الايدذ لورجيك شو ممكن يصير عنى لا لا مو هيك القصد انو ديمقرطيه و على كيفهم بس شوف كيف ستغلوها ، نحنى مالح نستغلها هيك بس لح نستغلها بشي ما يكون هوه المطلوب او المرجو .. هلا اخر شي مشان اني غلطة انو حافظ الاسد كان وزير دفاع مو وزير خاريجه انا ذكرت باحد ردودي من قبل ، انا احياننا برد وانا عم اشتغل بيجوز توق مني نقطه بس هاد مو معناها لانو انا هيك مفكر لا بس من الكتابه و مابدي ضوع الفكره بتطلع هيك ، بس يلي بيشوف ردي ككل بيعرف انو هي غلطه طباعيه مو اكتر ... نهايتو مشان انو الدكتور على قولتك زائل برجع و بحكيلك ممكن يكون هاد ضرب من الخيال و لو صار الله لا قدر ، لح تشوف شغلات بدنا كلنا نبكي عليها و نترحم على ايامو ... بس انا بقلك بشار الاسد ظالل مو بس لانو ظالل لا ، بس لانو شريحه كبيره كتير بالبلد بتحبو لانها بتحبو ، وانا عن نفسي مستعد افدي بروحي ، و بيظل اسمو رئيس الجمهوريه السوريه |
اقتباس:
ليش دخلك انت بشو عم تفيدنا بحكيك الجميل ؟؟؟ و بنقلك الظريف شو عم تغني معلوماتنا يعني ؟؟؟ الكل بيحسن يشارك هون ، هل شي مو حضرتك بتقررو ، انت اكتر شي ممكن تعملو انك تشوف رد اذا حسيتو طفاك ما ترد عليه و بس |
اقتباس:
|
اقتباس:
والله انكون واحد بس خخخخخخخخ |
اقتباس:
بعدين مين هاد يلي عم يقيمنا مثلا ، شو مستواى الفكري و التعليمي ؟؟ ما اتوقع واحد صرلو بالموقع يومين لح يكون قادر بهل سرعه يفهمنا شو المستوى تبعو ، اي انا يلي طالع متل الصاروخ و بسرعة الف ظلية شهر لحتى عرفوني العالم ... بالنهايه بيقولو ما صارعة جاهل إلا و غلبني .... مشان هيك طنشي:D |
حبينا نناقشك بس طلعت مو خرج تتناقش طالما هيك مستواك بالردود
اسف بس بقترح اغلاق الموضوع |
اقتباس:
انا معك ولله بيكون زينت العقل الصراحه |
قرد شو هالحكي يا زاهي لعما يلي بيسمعك بيفتكرك شي فيلسوف عيب عليك و استحي على حالك انت سوري و الك الشرف و اذا ما حابب بلدك فيك تتركها و تفل عيش بكرامتك فقير و لا تعيش بالمال بلا شرف و الظاهر انك متل النسوان بتنقل الحكي اذا ما بتعرف تحكي الحق فالسكوت افضل الك
|
الى كل سوري منخاذل و حاقد الى السوري الذي يطالب بالحرية ل تعرف الحرية
الحرية بالنسبة للغرب او المتشدقين امثالك انه سب الرئيس و الحكومة و بدي عيش كيف مابدي و كاني بغابة الحرية انه كون مع شعبي في السراء و الضراء و كون مع الحاكم او الرئيس و لما شوف غلط بيستاهل خبر عنه بس ما سب الدولة عليه يا اخي شفلي واحد بالعالم مبسوط من حكومته فرنسا ام الحرية العمال قايمين على رئيسهم فيها لانهم عايشين بوضع مزري سبب مشاكلنا اسرائيل لما تزول اسرائيل من الوجود ما بيبقى عربي مزعوج و ما بتبقى دولة عربية اقتصادها منهار زمن اول كان الحرب بالسلاح و العتاد اما هلا الحرب نفسية و اقتصادية بيخربوا اقتصاد بلدك و بس تجوع بيطعموك لتعض ابن بلدك و بهيك سيطروا عليك بس لما تكون عزيز النفس و تعرف اخداف عدوك ما بيصير فيك هيك و نحنا لهلا ضعاف لانه في امثالك بيجوا و بدهم يناقشونا و يقنعونا انه سبب بلاوينا رئيس او حكومة يا اخي بشار الاسد شخص واحد و الشعب ملايين طيب لما الشعب ما بده هالشخص ما رح يقدر يوقف بوجهه و قصص رفعت الاسد معروفة و حافظ الاسد ما استجدى عطف اخوه ليرجع للحكم حافظ الاسد رحم اخوه من الموت لما الست ناعسة الاسد طلبت منه انه يعفوا عن اخطاء اخوه و رفعت الاسد كان يتصرف من تلقاء نفسه بالمجازر و كان حافظ الاسد بالصورة و يتورط بس لما ما بقى في مجال للغلط نفى اخوه بارادته و لمعلوماتك انه لو المرض بده يمنع انسان متل حافظ الاسد يحكم البلد ما كان وصل للي وصل عليه قائد عربي اعدائه كانوا يحترمونه و لما كنت توقف تهتف بحياة الاسد بالبرد الصبح كنت تتعلم مجانا من اجل انه الاسد يشوف شعبه متعلم روح شوف مدارس فرنسا و اميركا او المدارس الخاصة الفرنسية و الاجنبية حافظ الاسد كان يعلمك مجانا و يسفر المتفوقين بعثات ليشوف شعبه متعلم و لو ما علمك حافظ الاسد ما كنت هلا عم تكتب بالمنتدى سوريا بفضل بيت الاسد و حافظ الاسد و رفاقه امثال العماد مصطفى طليس و الحرس الوفي لمبادى سورية اصبحت قوة عظمى بجيشها و شعبها الصابر سورية خلال 40 سنة تعمرت يلي عنا كتير دول بتحسدنا عليه بيكفي انه المسلم جار المسيحي و بيكفي انه عنا اليهود اذا طلبت منهم يغادرو سورية بيرفضوا لانهم عايشين بين شعب بيحترم الاديان كلها هي الحرية مش الحرية سب الرئيس و الحكومة و احكي على شعبي انه مغلوب على امره الحرية بتشوفها بالعمران بالناس بالفن بتاريخ بلدك بحروبه بدعم بلدك لحركات التحرر بصمود بلدك بوج الاستعمار القديم و الجديد حافظ الاسد علمك و من علمني حرفا كنت له عبدا غير افكارك المتخاذلت و الانهزامية اطلع ببلدك و ناسها المشاكل اليومية الاخطاء اليومية الروتين اليومي ظروف ضاغطة عليك ما تخليها تولد حقد اعمى على بلدك و شعبك و رئيسك شوف لبنان شوف مصر دول الخليج يلي كلها مال سناع قصصهم شوف نسبة الجرائم بالغرب و باميركا شوف نسبة اليدز و الانحلال الاخلاقي قارن ساعتها رح تعرف انه بلدك سورية الله خلق الحرية و سماها سورية |
اقتباس:
خخخخخخخخخخخخخخخخ عيوني بنفسجة لا تستغربي من هدول ،، متل ما حكيتي انتي هدول اكيد اشخاص او كم شخص او يمكن كمان شخص واحد عم يدخلو يدخلو باكثر من اسم حتى يبينووو للناس انهم كتار و الهم اراء ،،، بس على مين يا بعدي ،، ايه لعبتهم مكشوفة و احلى تحية لالك ولكل واحد بفهم بهل المنتدى:hart::deal: |
شباب خلاص سكرو على الموضوع وياريت اذا حدا عندو رايي بيخص الموضوع يعطيه والا خلصنا
|
اقتباس:
ما بتوقع صفيان أراء خلص نكتو كل شيو و ماطلع منهم شي ، والدليل اخر يومين ولا واحد بين فيهم :D |
له يا سيد أرش مو على اساس طلبتو نسكر الموضوع بعدين مو نحني والله اللي ما طلع منا شي ....
|
اقتباس:
أش ASH مو ارش يا فطحل الشي التاني ايه ماطلع من امركم شي ، انا بحب الحكي الصح مو حكي التهجم و العلاك :D |
سيد زاهي مبدئيا لا أرضى أن تنصب نفسك متحدث باسم المعارضة
ثانيا انت حر بأفكارك ولا أريدك أن تقتنع بأفكاري ولكن 1- لانريد ل لبنان ان يحكم من سوريا ولكن الاهم ان لا يحكم ضد سوريا 2- مامصلحة سوريا نظام او معارضة ان يكون لنا جار أخر يتأمر علينا كاسرائيل 3- انت تقول وكأن النظام السوري يفعل كل شيء في لبنان . كل شيء وكأن اللبنانيين لا خلاف بينهم ولا صراع صديقي حتى ان كان اعوان النظام السوري كما تسميهم في السلطة وكانو يهمشون الطرف الأخر لكنت وجدت نفس المشاكل الأمنية . فلا تصور الأحداث التي تجري على أنها فقط من حلفاء النظام السوري 4- اين دور أجهزة المخابرات الأخرى التي تعبث بلبنان وهذا احيانا ينشر حتى في صحف وأبواق أل الحريري وأل سعود 5- صراع النفوذ على لبنان صراع قديم ولسوريا موالين لها منذ الاستقلال . أي حتى قبل وصول حزب البعث في سوريا الى السلطة 6- لم يستطع لبنان بتاريخه ان يعيش كدولة مستقرة الا ثلاثة مرات . عندما كان تحت الاحتلال العثماني وتحت الاحتلال الفرنسي وتحت مظلة الوجود السوري 7- سينتصر المحور السوري في لبنان ولكن سؤالي لك ماذا ستقدم امريكا واسرائيل لنا اذا أنتصر المحور المعادي لنا ستجعلني ابكي بدل ان أضحك ان قلت الديموقراطية صديقي ليست المعارضة ان نعارض كل ما يصدر من السلطة فربما نلتقي في أمور رغم أختلافنا في أخرى فنحن نعارض مثلا أنتشار الفساد في جماركنا ونتفق مثلا مع قانون تجارة حديث ولايمكن مثلا أن نعارض علاقات مميزة مع تركيا لقد ارادت القوى الدولية وضعنا في لبنان بموقع الاعداء له لتنفيذ مشاريعهم في المنطقة وبمساعدة دول عربية معروفة للجميع . فهذا الوضع فرض علينا ولم نختاره أخيرا كشباب مثقف يجب علينا أن نعارض لنبني وليس أن نعارض لمجرد المعارضة |
اقتباس:
:wink::bye: |
اقتباس:
بدي عقب على فكرتين اولهما الوجود الاستخباراتي في لبنان ومن يتحدث ان المخابرات السورية وحدها من يعمل على ارض لبنان ويخرب ويقتل للفت النظر الاماكن التي حدثت فيها الاغتيالات في لبنان تسمىمربعات امنية لقوى السلطة الحاكمة هذه المربعات الامنية يكثر فيها رجال امن اردنيين بالغالب وهم تابعين لمخابرات الاردنية بعض المناطق كانت مشهورة بوجود الموسادالاسرائيلي فيها كالمنطقة التي قتل فيها بيير الجميل هذه المناطق لم تكن يوما تحت سيطرة المخابرات السورية حتى عندما كانت استخباراتنا تسرح وتمرح في لبنان فكيف لها ان تخترقها الان الفكرة الثانية عن المعارضة والفكر المعارض انا ذكرت في اكثر من مرة انا انتمي لحزب البعث لكنني من تيار شبابي معارض ضمن الحزب او بالاحرى اكثر نزعة للتطور في الحزب ومبادرة نحو الاخر فانا من موقعي معارضة في حزب البعث لكثير من الامور التي تحدث ومن اهمها الاعتقالات السياسية لكن هذا لا يعني ان اضع نصب اعيني هذه الاعتقالات وببقى كل الوقت اشهر بالدولة والنظام على اساس اختلافي معهم على هذه النقطة ما يحصل ان المعارضة يتحالفون مع اي جهة تقول انها معادية لنظام بشار الاسد وهذا غير منطقي ابدا لدرجة ان احد الاعضاء اتى بموضوع ابان زيارة الرئيس السوري الى تركيا كاتب هذا الموضوع رجل اعمال تركي يقدح ويسب فيه الرئيس فلست ادري ما الغاية من هكذا معارضة ان كان فقط همها ان تعارض وتشتم :deal: |
يا أخي يعني لو حتى انبوب غاز يتسكر او طفل يسقط من على شجرة في لبنان نتهم سوريا وننسى العدو الصهيوني لماذا ؟؟؟؟؟؟؟؟؟؟؟؟؟؟؟؟؟؟ظ
|
اقتباس:
ولانو الحرير و جن بلاط هيك بدو ولانو امريكا و فرنسا هيك بدهم و لانو اسرائيل هيك بدها عرفت ليش :D |
والله يا سيد اش خدام كل عمرو خاين من لما جابو حافظ اسد وسلمو كل هالمناصب اللي كان فيها بس لما كان يسبح بحمد القائد الخالد واولادو وعيلتو كان محترم وما حدا بسوريا بيسترجي يجيب سيرتو مع انو ملف سرقاتو و خيانتو معروف للكل واولهم الاسد ومخابراتو
يا حزرك كم خدام لسا في سوريا الاسد؟؟؟ اذا بدك تعد بلش من رأس الهرم |
اقتباس:
صاير أنو الشعب ميت جوع وإنو ال الأسد ومخلوف وصحبهم أجمعين صاروا فوق فوق فوق الريح صاير أنو السوريين بالجيل الجاي رح يخلقوا بلا تم حسب نظرية التكيف تبع دارون لأنو ماحدا مسترجي يفتح تمو لا للأكل ولا للحكي صاير أنو السجون تعبت شباب وشياب صاير أنو البلاد محكومة من قبل مجموعة من الأغبياء المجرمين صاير أنو شقفة موقع يؤدي يإلى استنفار السلطات ومن ثم إلى حجب الموقع وصاير أشياء كتير أنتي بتعرفيها قبل غيرك بس الأسوأ من البشر هنن يلي بيعرفوا وبيعملوا حالن مابيعرفوا بعدين ياشباب موضوع خدام مين هو خدام خدام ماكان نائب حافظ الأسد من طول فترة حكمو سؤال كان في واحد منكن بيسترجي ينتقد خدام يوم ماكان بالسلطة؟ ياشباب خدام عار على النظام ومو عار على المعارضة |
ياشباب خدام عار على النظام ومو عار على المعارضة
خدام عار وين ماكان مجرد متابعة لقاء معه على فضائيات ال ---- يجعلك تتقيء (مازال يستغبينا حتى الان) |
تخيلو معي, خدام يرجع عالنظام.
فقط تخيلو معي. هل يا ترا بضل حرامي وخاين وفاسد وهالحكي؟؟ (طبعا بالنسبة للموالاة) لاء, بيرجع اقل من الله بمرتبة. هلق بلشو يتفلسفو عليه وصارو يحسبوه عالمعارضة. مع انو كل سرقتو, ونصبو صار لما كان مع النظام. |
لك الله لا يردو لا هوي ولا النظام الفاشي تبعو اصلاً ما حدا خرب الدنيا الا هالنظام الفاشي. لك هادول عملو اضرب من جارايم صدام بس كلو ع السكيتي:jakoush:
|
| الساعة بإيدك هلق يا سيدي 02:23 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون