|
هادا الشارع يلي بدو ينفتح من شارع الثورة الى باب توما موضوع مخططه منذ ايام الوالي العثماني مدحت باشا
يعني كان لازم ينفتح بع ما فتحو شارع مدحت باشا ولكن بسبب عزل الوالي لم يتم فتح الشارع الشارع سيقلل الضغط عن شارع بغداد المحلات يلي بدا تنشال لا قيمة تاريخية لها ... والبشر اهم من الحجر .. رح نختنق من الزحمة ... حتى لو كان الصفويين ورا المشروع .. اعتبرهم سياح وعم نعمل بنية سياحية ... نص المنطقة يلي بدا تنشال مزابل ومناطق مهملة الاهم :هو التعويض المناسب لاصحاب العقارات والمحلات (باعتبار ايران الممولة ) لسه كل بناء عملره 100 او ميتين سنة بدنا نساويه تاريخي (ومعظمه بناء طيني ) طيب الحجر الاسود .. ونهر عيشة . وعش الورور زالطبالة والدويلعة ....وجبل الورد ومزة 86 بعد مية سنة رح تصير اثار |
يا حبي يا الحب الازرق هلأ العمارة وسوق المناخلية وستي زيتونة والسوق الطويل صار عمرهن 100 سنة؟؟؟ هي تاريخنا يا عزيزي... تاريييييييخنااااا هي مو مزابل يا صديقي هي بيوت ناس ساكنة فيها وتجار بتاجر فيها ، بدها تنهد لأجل عيون الايرانيين! وببلاش من دون حتى تعويض مادي. بس بالنسبة لموضوع شارع الملك فيصل يلي حكوا انهن بدهن يوسعوه ... طيب ليش لحتى تنهدم العمارة كلها!! وليش لتنهدم المنطقة كلها من مقام رقية لشارع الثور ومن المسجد الأموي لقريب شارع بغداد! مربع طويل عريض منشان توسعة شارع ولحتى يرضوا عنا الصفويين الفرس؟؟؟ بالنسبة لموضوع السياحة ، طيب لازم نهدم تاريخنا لحتى يصير عنا سياحة!! شو هل منطق الأعوج هاد! وبعدين سوريا كلها بلد سياحي ( قبل البعث يلي حولها لمزبلة طبعا ) ، كل اخواننا العرب وأصدقائنا الأجانب بييجوا لدمشق لحتى يشوفوا هل حارات العتيقة! وجايه حضرتك تدافع عن تدمير دمشق القديمة وتحويلها لمصف باصات! فليسقط الخونة المستبدين ومعا نحو الحرية |
اقتباس:
انا اقصد ان معظم المنازل هناك تعود للفترة العثمانية ,, يعني بيت جبري من اقدم البيوت وداخل السور يعود الى حوالي 300 سنة على ما اذكر .. انا ما قصدت انو المنازل مزابل ... ولا يحق لي .. ولكن انا اقصد معظم منطقة توسع الطريق .. يعني شوف ورا المخفر عند الطاحونة ساحة فاضية ... وشوف المنطقة القريبة من باب توما ... وان ضد ان يهدم ولو كوخ دون تعويض مناسب انا ما شفت المخطط ... وما في داعي لعمل ساحات طويلة عريضة توسيع الطريق مطلوب وبالحد الادنى من الهدم مع التعويض وانا المنطقة بعرفها منيح كتير وبالشبر .. ولي اصدقاء لهم محلات هناك وتحية مرة اخرى |
عزيزي الحب الازرق أنت الآن وضعت يدك على الجرح... لو أراد النظام فعلا الخير لهذه المدينة لأصلح المنطقة القديمة وأبقاها ذخرا سياحيا تحلم به كل بلاد العالم! كانت تلك الساحات وبعض من المناطق المهترئة قد أُصلحت وجمّل مظهرها بما يتناسب مع مكانتها! ولكن الذي يريدون فعله هو هدم كل المربع المشار اليه في الخريطة! وتحويلة الى مجمع باصات للحجاج الشيعة!!! طبعا هذه ( المزابل ) التي تتكلم عنها فعليا أوجدها النظام عندما منع سكان المنطقة من ادخال أي مواد بناء أو ترميم أي بيت أو بناء ولو حتى غرفة جديدة أو حتى اصلاح حائط أو تبليط أرضية ...ومع الزمن بدأت المنطقة يظهر عليها الاهتراء! فالنظام يتآمر على دمشق لهدمها وازالة المعالم السياحية بها ، وتحويلها الى مزار شيعي فارسي! |
ستبقى دمشق عاصمة الأمويين الى أبد الآبدين وليسقط أعداء هذه الأرض الطاهرة والى الحرية يا شعب سوريا |
طبعاً لهلق ما قدر السيد زاهي يثبت صحة كلامو وإدّعاءاته...
شو حبيب؟ قال مروان بن عبد الملك قال أمويين؟ إي لأ عيني ستبقى سوريا عاصمة السوريين وفشرت تكون عاصمة حدا عحساب حدا |
اقتباس:
... مشكلة هيك..!!! دمشق عاصمة الامويين...؟!! مين ايمتى دمشق صارت عاصمة الامويين..؟ سؤال بيطرح نفسو.. ع مخك اللي عم ينادي بحرية الشعب السوري... مو هالامويين مهاجرين اجو من الصحرا ...من شبه الجزيرة العربية...ونزعو ودمروا سلام وصفاء دمشق...يعني تصور عزيزي زاهي بدوي جاي من الصحرا واعلن دمشق عاصمتو...أمر غير قابل للتصديق مو هيك... وبعمرك شايف بدوي بيفهم بالمدنية..؟ ليك عيوني دمشق بتبقى عاصمة لكل السوريين ...سوريين يا فهمان..قبل هدول الامويين تبعك...وسؤال ع الماشي.. انت برأيك انو الشعب السوري كلو من اصل أموي نسباً...وبدوي ومن الصحرا...؟ بقا حاجتك يا عزيزي انك تعزف ع هالوتر...شنو عزفك كتير مزعج... |
أمويين مين والناس نايمين
دمشق عاصمة سوريا سوريا الي رافع راس كل مواطن من مواطنيها وراس كل عربي سوريا حافظ الأسد القائد التاريخي والخالد في قلوبنا |
اموي شيعي كاثوليكي اورثوذكسي!! لا عنجد تفكيرنا رائع :lol:
الشيعي والسني مش مسلمين؟! ومش حرام يكرهوا بعض و يعملوا ببعض مجازر؟! ومش الكاثوليكي والاورثوذكسي مسيحيين؟! والامر ذاتو بالنسبة للمجازر والكراهية!! يا جماعة اتركوكوا من الطوائف تعاملوا مع بعض على اساس الانسانية على اساس انو احنا كلنا اولاد ادم وحواء!! اسى احكيلكوا بصراحة لو انا كنت من سوريا وهالمشروع عنجد بدو ينعمل (يعني الخبر مؤكد وموثوق) كنت اكيد رح انزعج حتى لو كنت شيعية! لانو ما في شي بضاهي الحضارة والتاريخ ان كانت اموية ولا صفوية ولا بطيخ!! بعدين نحنا لازم نتخلص من الطائفية اللي بيناتنا وبلاش نضلنا عايشين بالجو تبع معاوية بن ابي سفيان وعلي بن ابي طالب!! الله يرحمهن ويغفرلهن التنين (التنين على راسي من فوق :deal:)نحنا هون بالحاضرررر! بدك سوريا تتقدم معناها تحرر من الطائفية! بتمنى انو ما حدن زعل مني واني كنت ضيفة خفيفة عالموضوع بس انا فتت لانو سوريا بتهمني والله يحميكو كلكو :D |
لك صحيح نسيت...ع سيرة إلى الحرية..يا شعب سوريا...
المعنى من هالجملة انو إلى حرية.. اللي رح يكتشفها الشعب من خلال حكم علماء الدين جماعة الامويين.. اضرب حكم مر ع الانسان هو حكم الفكر الديني..لانو بهيك حكم الانسان ما بيقدر يقرر مصيرو ابداً..والمصير بيكون بيد ...انسان دارس تحت القبب... بقا ممكن نسأل هون شو شكل هالحرية اللي عم ينادي هالانسان وعم يصرخ بتطبيقها...؟ |
| الساعة بإيدك هلق يا سيدي 12:09 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون