|
آهاا ..
حلووو و جميل .. يعني الله في مين علموا .. عبتتطور ما بك شي معناها أنا لازم أعبد اللي علم الله كونه أحق منو بالعبادة .. باعتبار أصل المعرفة إجا منوه .. تقريباً انحلت المشكلة .. و اعترفت بأم لسانك .. عن وجود معلّم سبق وجود الله .. |
اقتباس:
هلء بكتفي بإعترافك بأنو الله موجود, أكيد رح أكسب ثواب هلء:yahoo: |
ههههههههههههههههههه طيب .. متل ما بدك ..
بس أنا بفتخر إني وصلت معك لنقطة قلت فيا انت انو في حدا علّم الله .. بس شو فهيم هالمعلّم قدر يسوي من اللاشيء .. شيء عظيم :p |
اقتباس:
أهلا بك في عالم الإيمان يا مؤمن:p |
قال الامام علي :
( ما ناقشت جاهلا إلا وغلبني وما ناقشت عاقلا إلا وغلبته ) بس انا ما عرفت هون مين العالم ومين الجاهل كل مين بشد الحبل لناحو |
اقتباس:
ولا يقول أنّ لكل صنعة "صانع" .. حينما تقول "صانع" .. فأنت تحاول الإيحاء بأنّ هناك"قوّه عاقلة" صنعت .. بينما مبدأ السببية لا يفول لك ذلك .. لذا لا يمكن أن تطبّق هذا المبدأ على الكون كجملة واحدة .. بل الكون يتكوّن من عدد لا نهائي من الجمل .. بعودة هذه الجمل زمنياً نحو الوراء .. يمكن أن تكون المحصّلة : - جملة مفتوحة : أزليّة .. - جملة مغلقة: بحيث يكون حدث وجود الكون نقطة بدء لجميع الجمل على المستوى الكوانتومي .. الاحتمال الأوّل وارد جداً .. النظريات الحديثة التي تتحدّث طبيعة الكون الثنائيّة .. عن اللامادة المقابلة لمفهوم المادة .. والتي بانفصالها عن المادة تتكون الثانية .. حيث وجدوا مقابل الالكترون مثلاً .. الذي باتحاده مع الالكترون يكون العدم .. !!! (أظنها أمست نظرية مشهورة .. لا أدري مدى الاطلاع عليها هنا) .. حيث العدم في التعريف الفيزيائي الحديث هو "التناسق" .. اتحاد الأضداد .. أما العدم في عقولنا .. فهي أمر خرافي لا نتخيّله إنما نردده فقط .. فنحن لا نستطيع تخيّل عكس الوجود .. وحينما نقول العدم .. فنحن نتخيّل وجوداً بالأصل .. لكل سبب مسبب .. لكن ليس لكل صنعة صانع .. وليس لكل مخلوق خالق ..ولا أدري حقيقة كيف استشهدت بالسببية لتقول "الكون لا ييكوّن نفسه" !!!!!!!!!!!!!!! أن تستخدموا العلم في برهان أفكاركم فذاك حقّ لكم .. أما أن تشوهّوه وتلوون عنقه قرباناً لإلهكم .. فذاك ما لا نقبله في عالم اليوم .. خوليو |
رائع يا خوليو رائع
اقتباس:
|
اقتباس:
أوكي رح علق على هل الجملتين: جملة مفتوحة:أزلية يعني الكون أزلي? إزا هيك رح نكون نناقض مبدأ السببية, لأنو إزا كان أزلي فليس له مسبب! جملة مغلقة: بحيث يكون حدث وجود الكون نقطة بدء لجميع الجمل, أوكي هناك مسبِّب لهذا الحدث, هذا المسبِّب أنا بسميه الصانع(إللي هو الله), ليش?لأنو بكل بساطة: أولا ما عم تنهضم معي هي قصة الصدفة, خلق هذا الكون الفسيح الانهاءي, والمنظم تنظيما دقيقا بكل هذه القوانين الرياضية التي لم نكتشف سوى جانب يسير منها, يعني هذا كتير على الصدفة, بلغة الرياضيات: إحتمال أنو الكون يكون وليد الصدفة إحتمال ضعيف , الإنسان بكل ما وصل إليه من تطور و على مدى ألاف السنين ليس قادراً على خلق ذرة فكيف بالك بالصدفة التي حملتموها عبء خلق الكون بأكمله في لحظة! ثانيا الذرات لا تفكر!لأنو لو كانت تفكر ما كانت لتسمحلنا نساوي قنبلة ذرية! إزا أخدنا بالإعتبار هذين العاملين رح نستنتج يعني بالأخير أنو المسبّب هو الصانع (الله سبحانه و تعالى) باقي كلامك لا يفهم منه أي شيء, وصراحة لم أفهم العلاقة بين خلق الكون و اللامادة, الكلام إللي أنت كاتبو يوحي أنك مو فاهم شي فأي شي! اقتباس:
اقتباس:
|
اقتباس:
عجبــي .. اللادينين و الملحدين يعرفون أمور و خفايـا الدين أكثر من المتديـنـين أنـفـسـهم .. و المتدينين لا يفقهون شيـئـاً في النظريات العلمية ..!!! |
اقتباس:
رجعنا لنفس النقطة كمان مرة , انا مؤمن بأنو الكون لم يخلق وليد صدفة .... و هناك خالق مبدع وراء خلقه ....... لكن كيف بتفترض انو هذا الخالق هو ( الله ) تبع الديانات السماوية ........ ليش ما يكون زيوس (تبع الاغريق مثلا ) ؟؟!!!! هم عندهم اساطير مقدسة و الديانات السماوية ايضا عندها نفس الاساطير ( كتب مقدسة ) ....... يعني انا ما عم شوف رابط ابدا بين هالخالق الجبار هذا و ( الله ) سوى كلام كتب كتبت من كذا الف سنة و على ذمة الراوي ..... |
اقتباس:
الايه صحيحة 100% اها عندما تأتي لشخص لم تنفع معه اللينة والاقناع والمعجزات وفي قلبه مرض وعند وكبر متل حضرتك فخلص لا تحاول ختم الله على قلوبهم ......... يعني عمل حاجز وغشاء على قلبهم وبصيرتهم اذا المراد من الآيه انتا عملت يلي عليك ... لكن خلص هدول الفئة يلي تم الغضب عليهم وحلت عليهم اللعنة اقتباس:
أخي في الانسانية لست أنتا من يحدد أن هذا الانسان مؤمن أم لا ..... انتا لم تفتح قلبه وترى مابداخله وانا لست من يحدد ان كان مؤمنا ام لا ولكن من شهد ان لا اله الا الله وان محمد رسول الله فقد عصم دمه وحلاله من المسلمين أصبح مسلما ... ولكن الايمان يبقى بينه وبين الله أستغرب عندما تقولون لي أن الله لم يكلفكم بالدعوة ولم يجعلكم محاميين عنه ......... إن الله عزوجل أمرنا بالدعوة اليه ........... بمعنى اخر ان هناك كثير من البشر في افريقيا لايعلمون بوجود شئ بمعنى كلمة الله فنحن من واجبنا ونسأل عنه يوم القيامة أننا لماذا لم ندعهم باختصار نحن المسلمون أخوة اعتقد بأنك ستتكلم عن واقع المسلمين اليوم ... أعلم ذلك ولكن .... كما أن الله خلق الصالحيين أوجد الفاسديين أيضا لحكمة ما لذا تكلم عن الاسلام ولا تتكلم عن المسلمين ........ كما أن الديانات الأخرى حالها يرثى له أكثر منا .......... دون تعليق دمتم |
متابعة ؛؛؛
بس مالي مبسوط على فكرة ؛؛ وينو سمايلي الروئان ؟؟ حطولنا ياه بالردّ السريع رح اكتب كودو إذا بتذكر :melody: أو :milody: ® |
اقتباس:
أحلى دانيتو ولله |
رفيقي العزيز
قبل كل شئ يؤسفني اسبلوب بابا سنفور الذي تمارسه في نقاشك لانه يذكرني بايام الطفولة وانت باعتبارك شخص ناضج تؤمن بالاه سماوي يفترض ان تملك اسلوب ارقى للنقاش عزيزي...ومن منطلق اني انسان يساري غير ملحد ولكن بصراحة وبنفس الوقت لا ؤمن باي دين سماوي وباعتبار اني انسان علمي اؤمن بالسببية وعدم وجود شي ناتج بمحظ الصدفة .. انا اتفق معك بوجود قوة قامت بوضع الحجر الاساس لهذا الكون (الي يمكن كان بزمناتو قد طابة البين بونغ)..طبعا اذا بتامن بالعلم. بس ياسيدي هالسوال الي بدي منك اجابتة :بكل الكتب السماوية في حكي عن ان الانسان اجا من ادم وحوى وهاد لعلمك الكريم موجود بكتب الوثنين قبل الديانات السماوية السؤال هو :دخلك شو صفا من قصة ادم ؟ ما عمك دارون اجا شالها من شلوشا واذا ما بتؤمن بدارون ياعمي روح عالمتحف الوطني _ قتلي ما بتعرف وينو _ ياسيدي هاد صاير تحت جسر الرئيس موجود فيه شي من باقايا جدودنا او لاتعزب حالك كتير فوت على اي متحف بالنت وشوف الاحافير والبقابا تبع الانسان القديم وهاد دليل ملموس فيك شوفو بعينك او اذا بدك تعذب حالك كتير ياعمي هات اصل الانواع (صحيح كبير) بس مابدو 80000 شيخ صارلن 1400 سنة يصدروا فتاوي منو |
أنا الله... منيح؟؟؟ خلصونا بقى
|
اقتباس:
فبقى الله يرضى عليك لا تقول عني أنو ما بفهم! :cry: |
اقتباس:
:D |
اقتباس:
أنو أنا اللي وصلتلك الفكرة ( بالشات ) .. ما أشرت لهالشي مجرد إشارة ;-) يعني في شي اسمو الأمانة العلمية :p و بالأخير جاي عبتقلي أروح أفوت غوغل .. :o ..!! |
اقتباس:
هوي لمابيقول إلهكم فهاد يعني الأله اللي بتصوروا داخلكم و بذكرك هون بقصة محي الدين بن عربي اللي قلن:"دينكم دنانيركم و معبودكم تحت قدمي هذه" و لأشخاص على أساس مؤمنين و قتلو على أثرها لأنو سب الله بعدين اكتشفوا انو كان تحت قدمه تلك لما حكي الجملة في ذهب مخبا (انشالله تكون فهمت العبرة ) هي 2 هلق الأخيرة : هندوسي و لا هندوسي؟ عفوا يعني ليش معتبر الهندوسي مسبة؟ ليش احترام الآخرين كلمة بترددا بس ما بتمارسا ؟ لمعلومك هي اسمها عنصرية دينية و ما حدا بيقول انو المسلم أحسن من الهندوسي أو المسيحي أحسن من اليهودي و لا حدا أحسن من حدا على أساس الدين أو العرق ، عدم إدراكك لهي النقطة بالذات موضوع خطير |
اقتباس:
لا تهدي من احببت .. و ليس توقف عن إهداء من احببت إذا ما انهدى و كمان متل مانك قايل تحت شو بعرفك انو الإنسان "غير مهدي" و لا لا؟ اقتباس:
أنا ما انتقصت من إيمان حدا بس قلتلك الجهل في النقاش و التهكم ليس دليل إيمان .. يعني أنا اسقطت طريقة و أسلوب الشباب على الآية بس ماني مهتم بإعطاء شهدات إيمان و شهادات لا إيمان لحدا اقتباس:
اقتباس:
بحب ذكرك أنو النقاش بالأصل عن الإلحاد و أنا حبيت جاوبهم على أساس منطلقاتهم النظرية .. يلي هني نفسهم ما بيعرفوها مزبوط اقتباس:
|
يعني بدي هيك اتدخل بعد اذنكن مع اني قريت الموضوع بس ماكملت قراءة الردود لاني حاسس صاحب الموضوه المهم يهاجم ويكفر ويثبت لالله انو حبيبو. الله يهنيهم ببعض. شوف لقلك انا كمان وكيلك الله موملحد يعني مؤمن انو في الله وعمل وسوى وخلق مكتور الخير. وبآمن في بعيدا عن اي ديانه يعني الديانات الثلاثة موخارطة مشطي سمحولي يعني. بس ياكاتب الموضوع ببساطة فعلا ماعطيت انت اي قوة بنقاشك او دليل. يااخي كلنا ثقة فيك وكلامك عقد مصدق بس الثقة لاتلغي التوثيق يعني جيب شي دليل منطقي. واذا ماقدرت انا راجعلك بدليل على وجود الله وانو خلق الكون. بس بدي اعرف اذا هيك بدو يبقى مستوى الحوار بالاول يعني.
|
طولو بالكم
ياجماعة الامور مو هيك بتتناقش
اولا اخونا المطارد خفف شوي من تعصبك لانو معروف نيتك وقصدك شريف بس موهيك بتقنع الناس بافكارك بعدين يا اخونا بتعرف يمكن انو حرام تتهم الناس بالالحاد حتى ولو كانو من غير دينك بالنسبة لموضوع الصدفة ولو انو هي الكلمة خبيثة المعنى فلاامر كتير بسيط وجود الكون بالصدفة متل انك تاخد عدد لايحصى من الاحرف ( او ليغو مثلا) ورميها في الهواء وبالصدفة تتجمع هذه الحروف لتكون قصيدة للمتنبي او بالصدفة تتجمع قطع الليغو لتكون بناية مع شرفات و كراج ... موضوع الصدفة ياجماعة انتهى من زمان لانو علميا اثبت انو مافي شي بيجي صدفة |
يا جماعة الشغلة بسيطة كتير ومابدها تعقيد
اولا بحب قول للمطارد انو خفف حديتك شوي ومافي ضرورة وصف من يعارضك بامور الدين بالملحد الحل هو : وجود الكون بالصدفة اشبه بالقاء مجموعة من الحروف بالهواء وبالصدفة تتجمع هذه الحروف لتشكل قصيدة للمتنبي او القاء قطع الليغو وبالصدفة تتجمع هذه القطع لتكون بناية 3 طوابق مع كراج مسبح موضوع الصدفة ياجماعة صار قديم لانو العلم اثبت انو مافي شي بيجي صدفة |
رد للكلّ
السلام عليكم و مسا الخير ؛؛؛ كلّ واحد ينئـّـي سلام اللي بناسبه ؛؛
. يبدو هلأ إنـّـو صار هون في فريقين ؛؛ الفريق الأوّل الذي يدّعي وجود (الله) رح نسمـّـيه الدينيـّـين الفريق الثاني يدّعي بعدم وجود (الله) رح نسمـّـيه الملحدين . الدينيّــين يطالبون الملحدين بدليل على عدم وجود الله و العكس الملحدين يطالبون بدليل على وجود الله ؛؛:? . أوّلاً قبل الدخول في أيّ نقاش يجب أن يكون الهدف الوصول إلى اتـّـفاق أو إلى حلّ وسط على الأقلّ إن لم يكن اتـّـفاقاً فليكن زيادة الثقافة و توسيع المدارك ؛؛ لكن أجد معظم من خاض في هذا النقاش يريد فقط ضحد الطرف الآخر باللامنطق أحياناً و بالمنطق أحياناً أخرى قليلة ؛؛؛ :jakoush: . ثانياً أنا أؤمن بوجود الله ؛؛؛ لكن لن أثبت لا بالدليل العلمي و لا غير العلمي أنـّـه موجود ؛؛:pos: . إخوتي الدينيـّـين بما أنـّي محسوبٌ معكم لي عليكم عتاب شديد فقد ناقشتم بطريقة سيـّـئة ؛؛ و هذا يسيء لي كمتديـّـن من جهة و يسيء إلى (الله) الذي هو -جلّ و علا- محور حديثنا ؛؛ . القاعدة العامـّة تقول إنّ الشيء أي شيء غير موجود حتـّـى تثبت أنـّـه موجود ؛؛ من هنا يجب على الدينيّــين أن يثبتوا أنّ الله موجود و ليس العكس ؛؛ قاعدة أخرى تقول لكلّ سبب مسبـّـب ؛؛؛ هذه القاعدة قد تساعد في إثبات وجود الله لكن سنصل إلى نقطة نـُـسأل فيها و من أوجد الله ؟! نحن (أقصد المسلمين) نقف هنا و نقول إنّ الله الأوّل و الآخر و الظاهر و الباطن ؛ كمـّـا أنّ الله تنزّه عن الصفات البشريـّة فلا يمكن لأحد أن يتصوّر شكل الله فكيف بنا نفسـّـر وجوده أو مـَن أوجده كما أنـّـه إنْ كان هناك مـُـوجد له فلن يعود ما نتكلـّـم عنه الله ؛؛ لأنّ الصفة الأساسيـّـة لهذا الـ (الله) أنـّـه خالق كلّ شيء و لا شيء خلقه و موجود قبل كلّ شيء و لم يسبقه شيء ، أي أنـّـه منذ الأزل ؛؛؛؛؛ هنا تنشأ مشكلة جديدة ؛؛ هي الأزل ؛؛ ما هو الأزل ؟! هنا (و الكلام لي شخصيـّـاً) أظنّ أنـّـنا إن استطعنا فهم الأزل بعقولنا البشريـّـة المحدودة* لنستطيع فهم ماهيـّـة الإله بشكل عام و الوجود و الخلق و كلّ ما يتعلـّـق بهذه الأمور التي نصل أثناء مناقشتها إلى حلقة مفرغة ندور فيها بلا انتهاء ؛؛؛ إذاً محدوديـّـة عقل البشر تقف عائقاً أمام فهم الإله ؛؛ و هذا منطقيّ ؛؛؛ فالإله حتـّـى من وجهة نظرنا نحن البشر يجب أن يكون ذا مقدرات لا محدودة فهو الذي لديه المقدرات و لديه الأرزاق و لديه الأعمار و لديه الأزل و لديه الخلود ؛؛؛ و طالما أنّ الأزل و الخلود شيئان بلا حدود ستبقى هذه الثغرة بيننا معشر البشر و بين الإله! . . إنّ لبّ حديثي هو الآتي: الإيمان بالله لا يحتاج دليل :o نعم ؛؛؛ الثقافة الدينيـّـة تقضي بأنـّـنا نـُثاب بإيماننا بالله و بالتالي كي يكون لهذا الثواب ثمن يجب أن يكون مقابل شيءٍ ما و هو أن نؤمن بالله دون دليل (أنا لا أقول إنـّـه لا دليل لوجود الله) أي أن يكون الفعل الإيمان و النتيجة الثواب ؛؛؛ أمـّـا أن نؤمن بالله بسبب وجود دليل (من وجهة نظري) لا نستحقّ عليه الثواب فالفعل هنا أصبح الدليل و النتيجة هي الإيمان و لن يكون للثواب مكان ؛؛ بل إنـّـه لا ينبغي أن يـُـثاب شخصُ لإقراره بوجود الله جبراً ؛؛؛ أجل أليس الإقناع جبراً للعقل فليس الإجبار يكون فقط بالقوّة العضليـّـة ؛؛؛ بعبارة أخرى الإيمان يجب أن يكون نابعاً من القلب كي يكون إيماناً بحقّ فمن واجبنا ليس فقط الإيمان بل أيضاً أن نحبّ خالقنا فلو أقنعنا بوجوده إقناعاً فلسفيـّـاً أو علميـّـاً لن يكون هناك تلك المشاعر (أقصد الحبّ) تجاه الخالق! . . تعليق على مبدأ السببيـّـة ؛؛ ذكرت منذ قليل أنّ هذا المبدأ قد يـُـستخدم للدلالة على وجود الله ؛؛ لكن أظنّ أنّ هذا انتقاص من قدر الله و جلالته ؛؛ فهنا أصبح وجود الله ضروريـّـاً لسدّ ثغرةٍ ما و بالتالي ستزول هذه الضرورة إن وجدنا شيئاً آخر نسدّ به هذه الثغرة و ينتهي عمل الله ؛؛ و بالتالي أرجع إلى النتيجة التي وصلتُ لها و مفادها أنّ الإيمان بالله لا يجب أن يكون نابعاً عن شيء آخر سوى الإيمان القلبي و الحبّ الإلهي و الاعتراف بفضل الله . . . شويـّـة تعليقات ؛؛؛؛ المطارد رقم 1 لك بهدلتنا بين الملحدين يا بني آدم ؛؛ أوّل شي غلطت عالزلمة (Tiger) مع إنـّـو كان كتير أكابر معك و هوّ اللي أخدك على ئد عئلك مو إنت ؛؛؛ تاني شي غلطت على الرياضيـّـات ، يعني بدّي إعرف لأي مرحلة بالتعليم أو بالرياضيّــات واصل حضرتك لحتّــى عم تتفوّه بإنّــو الرياضيـّـات أجوبتها سريعة و كيف ما كان ؟!! ؛؛؛؛ تالت شغلة يا ابني يعني إنتي اللي سألت السؤال و لا الله لحتّــى ما بصير نتحرّك و لا ديزم لحتـّـى نجاوب على سؤالك ؛؛؛ يا أخي ما بدنا نجاوب و بدنا نسألك أخو مرائنا إنت ؟؟!! . بلاك و كريم 94 ذكرتوني بالابتدائي ؛؛ شو هالنقاش الولاّدي هاد ؟؟ كل واحد عم يشدّ اللحاف لعندو ؛؛ يعني مفكرين كلّ واحد بدّو يثبت وجهة نظره إذا صيـّـح أكتر ؟؟! . كريم94 و المطارد الزلمة تايغر عم يسأل سؤال واضح ليه عم تضيعوا الحديث إمـّـا جاوبوه أو انسحبوا ؛؛ و ئال مليون مرّة إنـّـو مو صدفة ؛؛ كمان بلاك عم يئول هات دليل ؛؛ بترجعو بتطولو و تئصرو و بتئولو انتو هات دليل على عدم وجود الله ؛؛؛ لك ركـّـزو شوي و انتبهو إنـّـو عم تغلطو بالسؤال ؛؛؛ الإثبات يحتاج لدليل أمـّـا للنفي يكفي عدم وجود الدليل ؛؛ . خوليو و كريم شغلة المادة الثنائيـّـة أو المادّة العاتمة أظنّ بالفعل تمّ إثباتها و المفاجأة إنـّـو معظم الكون يعني حوالي 90% (مالي متأكـّـد من الرقم) مكوّن من هالمادّة ؛؛ أظنّ إذا ئدرنا نفهـّـم الناس أو نفهم نحنا بالأوّل أبعاد هالنظريـّـة رح نستفيد كتير . . بلاك انت صاحبنا و لا تخلـّـيني إزعل منّــك ؛؛؛ (( و المتدينين لا يفقهون شيـئـاً في النظريات العلمية ..!!! )) هي ما حبّــتا منـّـك ؛؛ أنا بعتبر حالي متديـّـن ؛؛؛ و إذا بدّك تفضـّـل على قسم العلوم لناقشك بالنظريـّـة اللي بتخطر على بالك!:gem: _________________________________ العقول البشريـّـة المحدودة: أدّعي بأنّ العقل البشريّ محدود ؛؛ كي لا ألدغ من هذا الجانب لأبيـّـن محدوديّــة عقل الإنسان ؛؛ ثبت في بداية القرن العشرين أنـّه لا شيء مطلق في الوجود فلكلّ شيء حدود (إحدى نتائج النسبيّــة) و هناك قول طريف لأينشتاين: (( شيئان لا حدود لهما الكون و غباء الإنسان، مع أنـّـي لست متأكـّـداً بشأن الكون)) و بما أنّ الغباء بلا حدود فالعقل محدود ؛؛ كما أنّ إنجازات العقل البشري محدودة فهو محدود ! دمتم :melody: ® |
مرحباً ..
رغم إنّي فضّلت منذ زمن ليس بالقريب أن أبتعد عن هذه النوعيّة من السجالات .. لكن استفزّتني بعض الردود التي رُدّدت بثقة هنا وهناك .. لذا وجب عليّ التعقيب على بعض النقاط على عجل : مبدأ السببية (كما أسلفت بردّي السابق) .. يقول أنّ لكل سبب مسبب .. ولا يقول أنّ لكل مخلوق خالق .. أو لكل صنعة صانع .. وهنا يوجد فرق كبير .. إن لم يميّزه دارس "ليسانس الفيزياء" فأظنّ أنّ عليه أن يتوجّه للرقص الشرقي أشرف وأولى :) .. لكل سبب مسبب .. تعني أنّ كل حدث يسبقه حدث .. امتداد هذه السلسلة إلى ما نهاية لا يخالف المبدأ بشيء .. وأن يأتي لي من يقول : اقتباس:
مبدأ السببية هو قانون كوني .. الجملة التي تختارها لتحاكمها يجب أن تكون جملة بسيطة مشتمله في هذا الكون .. قدم اللاعب سبّبت تحرّك الكرة، تحرّك الكرة أدّى لتحرّك العارضة .. إلخ .. إلخ .. هذا هو مبدأ السببية .. وأن تعود لمبدأ السببية نحو الوراء لا يشترط أن تجد نقطة بداية .. من قال لك ذلك .. !! .. وعلى ماذا تستند يا أبو ليسانس فيزياء !! أخيراً فمبدأ السببية لا يقول لك لكل صنعة صانع، بل المبدأ يحدّثك على نطاق العمليّات الفيزيائية .. ولولا هذا المبدأ لما نشأ العلم بالأصل .. لذا لا يشترط المبدأ أن يكون للكون "موجد خارجي" .. لأنّه لا يقول لك بأنّ لسلسلة السببية مبدأ واحد !!!!!!!!!!! بالنسبة للصدفة .. فأضحكتني الردود الذي تناولته .. وصدّقوني لحد هذه اللحظة لا أفهم ما معنى الصدفة في هذه الردود فهلا يشرح لي أحدكم معنى الصدفة .. !!!! أتمنّى أن يكون كلامي مفهوماً هذه المرّة :) .. ولي عودة لتناول بعض النقاط .. خوليو |
Up
Up Up Up :melody: ® |
اقتباس:
اقتباس:
اقتباس:
أنا ماقلت أنو مسبة, قلت هيك لأنو الهندوس يقدمو كتير قرابين لألهتم,..... ههههه خلص عملتلي محكمة وحاكمتني بدون ما تسمع أقوالي في هذه النازلة:p |
اقتباس:
هي الجملة إللي بالأحمر ما حبيتها منك, شو صرنا بنظرك ولاد صغار عم يتخانقو:nono: بالنسبة لتايجر فبظن أني رديت على سؤاله |
اقتباس:
أكيد أنو ردي السابق زعجك كتير لترد بهالطريقة:lol:, مشان الرقص فخليه لإلك بيلبقلك, ولأنو صارلي سنتين مخلص ليسانس فلا مجال للتراجع:p نرجع لموضوعنا: أنا لما بحكي عن الكون فبقصد المادة في وجودها هل هي أزلية أم مخلوقة تانيا يا صديقي أنا قلت أنو مبدأ السببية مع الإفتراض بأنه ليس هناك صدفة للمرور من حدث إلى أخر بالإضافة إلى أن المادة ليس لها تفكير(الذرات, والإلكترونات,و....) كل هذا يؤدي بنا إلى إفتراض وجود صانع لكل صنعة, سأعطيك مثالا بنظرية الإنفجار الكبير, يقول العلماء أنو المادة كانت مجمعة في نقطة واحدة, لنسميها نقطة الصفر, كيف ظهرت هذه النقطة من العدم إلى الوجود, لنقل من اللامادة إلى المادة , لا بد أن هناك سبب (مبدأ السببية), إحتمال أن يكون ظهور هذه النقطة عشواءيا(صدفة) إحتمال ضعيف جداً, وباعتبار أنو المادة أو اللامادة ليس لهما عقل(يعني أنو اللامادة تصير مادة لأنها قررت ذلك!) إذن كل هذه الفرضيات تؤدي إلى نتيجة واحدة :إلى وجود الصانع. الصدفة إللي بنتكلم عنها يا صديقي هو أنو تكون هناك مجموعة من الأحداث المحتملة الوقوع ثم يأتي قاءل ويقول إن حدثا منها سيتحقق وإن تحقُّق هذا الحدث ليس له علاقة بنسبة إحتمال وقوعه, يعني هكذا عشواءياً ,صدفة.... :D |
أخيراً أعلن إنسحابي من الموضوع مؤقتا
ولي عودة فيما بعد إنشا الله إذا ظل في ردود سلام للجميع:D |
ضاعط الطاسة كل واحد بفوت يلزق صفحة كاملة طولو بالكن وكل واحد بدو يحط رد من محل ما وصل الاخير لا يرجع للاول
تحياتي |
اقتباس:
أنو قصدك بدون سبب .. !! شو بتقصد بهالكلمة !! حسب ما فهمت أنو احتمال حاطّينو مقابل لاحتمال أنو يكون الله هوّ المسبب الأوّل .. !! يعني هيّة سبب أوّل ولا شو .. !! طالما انت لسانس فيزياء .. ففهمّني معنى هالكلمة رياضياً واحتمالياً .. قبل ما ارجعلك بحكيي !! خوليو |
اقتباس:
اي معلم و بعدني عند كلامي .. أكيد اللي قصدتو بالجملة .. ( الأغلبية ) .. بشكل عام المتدين .. اتبع الدين تبعاً لما يدين به أهله .. بينما الملحد بناءاً على تفكير و محاكمات عقلية تمكن من تهميش ما يسمى بالذات الإلهية .. لن تجد أي ملحد ليس لديه تصور عن نظرية داروين و نظرية التطور و و و .. بينما قد تجد الكثير من المتدينين لا يملكون أي تصور عن هذه النظريات ..!! ما بنكر في بعض المتدينين فهمانين و ضليعين بهالأمور .. بس الأغلبية إذا اعتبرت كلامي إساءة شخصية لحضرتك .. أنا بعتذر منك و بصحح الجملة للآتي .. (( قد تجد الأغلبية و إن لم نقل الأغلبية في نسبة أقلُ ما يقال عنها كبيرة من المتدينين لا يفقهون شيـئـاً في النظريات العلمية ..!!! )) بتمنا تكون وصلت الفكرة :D |
هل الصنعة تدل على الصانع أم العكس
أيهما الجولب الصحيح من يدل على الآخر وشكرا للموضوع |
اقتباس:
وفي كمان ناس بيعتبروها سبب أول, يقصدون به أن ظهور الكون كان هكذا فجأة, بدون سبب ,هذا الإحتمال طبعا يناقض مبدأ السببية. أما عن تعريف الصدفة فهناك تعريفان لفتا إنتباهي: التعريف اللغوي الفرنسي: تزامن حدثين, تزامن (غير متوقع,عبثي) لظروف معينة.... تعريف القرن التاسع عشر: الصدفة هي إلتقاء مجموعتي أسباب منفصلة عن بعضها البعض في نفس المكان والزمان.... أعطيك متالا للتعريف الأخير: تخيل أنو أنت عُماني (مجرد إحتمال) عايش بأمريكا صارلك عشر سنين ما رحت لعمان وهالسنة قررت أنو تروح لبلدك , مشان هيك واحد قرايبينك حجزلك ففندفق بيطل على البحر,و هيك سافرت ع عمان يوم .....هي مجموعة سببية... إعصار غونو ضرب عمان وخلف خساءر في البنيات التحتية, وخاصة عواميد الكهرباء, وخاصة خاصة هذا العمود أللي على جنب الطريق المؤدي للفندق و إللي بدو يسقط فشي لحظة معينة.....هيدي مجموعة سببية ثانية..... هلء إذا وإنت وماشي للفندق وقع عليك العمود, فبتكون الصدفة جمعت بين هاتين المجموعتين السببيتين اللتين تتزامنتا فجأة في الزمان والمكان....هلء هما هيك بيقولو, أنا بقول أنو قدرك يوقع عليك العمود دوناً عن عباد الله, أبصر شو عامل بأمريكا..... أما عن الرياضيات فما وجدت فيها تعريف للصدفة على الأقل بالمعنى المتداول, فإذا كان لدى دارس الرقص الشرقي تعريف فليتحفنا به للإستفادة مع ذكر المرجع. تعريفي الشخصي للصدفة, العبث, العشواءية :غياب المنطق ولو ظاهريا عن سبب أو مسبب لحدث ما. هلء نرجع لموضوعنا: كيف بتشوف حضرتك نشأة الكون? :D |
عفواً نسيت حط مين صاحب التعريف
اقتباس:
|
الأخ tiger
الأخ العزيز تايغر .... أنا مشترك جديد .... وشفت الي كتبتو بالأحمر يعني ما بتآمن بالصدفة .... وهاد الشي بيوفر علي نصف المسافة ....
بالنسبة لخالق هالكون .... مافي حدا إدعى من قبل إنو هو خالق الكون غير الله وأعطى تفاصيل هذا الخلق بكتبو السماوية وعلى لسان الرسل الي بعثهم ... رسل بينهم فترات زمنية ويستحيل تواطؤهم على الكذب لعدة أسباب ... فكون الله هو الذي نسب الخلق لنفسه ومافي حدا غيره نسبو لنفسه ...... يبقى هو الخالق حتى يأتي أحد أخر غير مخلوق يدعي هذا الخلق لنفسه .... ودمت |
| الساعة بإيدك هلق يا سيدي 23:46 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون