|
آااخ على عاشق و أيامو
مرسي للي نكش الموضوع |
:cry: رجعتوني لايام الاخوية القديمة
هالموضوع يمكن وقت انكتب قريتو شي سبعين مرة وماكنت مل منو وهلأ رجعت قريتو شي عشر مرات بدون ما مل مشكور عاشق من القلب ومشكور اللي نكش الموضوع الله يرد غيابنا :( |
:lol:
هل المرة مو انا يلي نكشتوا ....حطيت رابطوا بموضوع منشان تنكشوا .. ..فنكشوا ياس لانوا غالباً كل ما بنكش شغلة بتقولوا : ينكشوا قبرك ليش نكشتوا :lol::lol::lol::lol::lol::lol::lol::lol: |
عنجد هل الأيام هي وهل المسخرة يلي صارت بشغلة خدام و مجلس الشعب
بها هلوسة :clap: :clap: :clap: :clap: :clap: :clap: |
اقتباس:
|
اقتباس:
الحق كلو عليك ياطارق يا حبيبي , ولا تسألني ليش لأنو أنا كمان ما بعرف...المهم أنو الحق عليك :jakoush: :jakoush: :jakoush: |
اقتباس:
لا تواخذنا حبيب :lol: بس خلص طلعت براسك ...أنت يلي نكشت الموضوع :lol:  |
تحية لحسام ملحم
|
نحن دائما مهلوسين على هل حالة
|
هلوسنا عالآخر ..
|
شفتي يا نيرفانا وين كنا و ين صرنا
|
اقتباس:
يا خسارة ... :cry: بتعرفي كل ما شوف موضوع مرتب .. بتضايق .. على اللي راح أولا .. واني ما كنت موجودة وقتها تانيا.. فعلا يا خسارة .. والمشكلة الناس اللي بتحسي بيجي منها .. ما بعرف... :pos: |
و الخسارة الأكبر انو هالشب محروم من حريتو هلأ........
|
اقتباس:
سمعت .. بعرف .. :cry: :jakoush: |
شبدي اتذكر منك ياسفرجل كل عضه بغصه
حسام موهاترات انته شى:cry: بروح بالدم نفديك يابوشار ;-) |
الحرية لك ياحسام
|
لك عييييييييييب عليك هالحكي انت زودتها يللي عامل حالك بتعشقنا وبتعشق سورية
بيكفي انها ربيتك وعلمتك لك حافظ الاسد رجع كرامتنا وبشار صانها من بعدو بس حضرتك خنت الكرامة وخنت العهد لتكون من شلة عبد الحليم كمان ايواااااااااااااااااااااا اااااااااا وبتمنى من الادارة تحذف هالمقال المقذذ بالنفس المقرف جدا ومين ألك يا عاشق فلسيطن انو نحنا بدنا نغير النظام لك انا دمي بفديه لبشار وجود بعض الاخطاء لا يعني تغييب الجوهر كامل عيييييييييييييييييييييييي ييييييييييييييييييييييييي ييييييييييييييب وبدعي الاحرار يفوتو ويردوا على هالمقال المقرف وبضلك يا بشار حامي كرامتنا من اعداء الخارج و(الداااخل) بيكفي انو نحنا الوحدين يللي عنا حرية مو متل حرية غيرنا لك يا عيب عليك يا ريت تقدر الوطن يللي رباك وعلمك ما تروخ تخونوا بس شو بدو يحكي الواحد ههههههههه لك حبيبي تعا شوف الشعب صحيح في شوية منغصات بسبب الحصار الخارجي علينا ليشلحونا مبادئنا بس خسااااااااااااا نحنا يلي منصنع المبادئ ومنحافظ عليها والله يحميك يا بشار من الخونة والمتصهينين |
حبيبي روح افدي بشار لوحدك
وكلنا بأكد على حبو لسوريا ولكيد انت مابتميز بين الحب للوطن والحب لنظام فاشي عنصري اي شي قدموا بشار وحافظ للبلد لك صرماية الشباب المعتقلين بتسوا بشار وبيت الأسد ومخلوف وتوابعهن |
حبيبي لا حظ انو انا ما ألت بفدي بيت مخلوف او ذيول النظام يلي خربوا لفترة
لاحظ الضغط يللي عم نتعرضوا والمساوماة من كل حدب وصوب انا حكيت على النظام يللي عم يبني البلد والبعث يللي بفتخر اني منو مو بيت مخلوف ومدري مين شو هالحكي |
وانا سوري اه يا نيالي
وانا بعثي اه يا نيالي |
اناااااااااا اكيد مع الافراج عن المظلومين من المخلصين للوطن ولا حظ فقط المخلصين
هلأ ما تروح تألي يلي وقعوا اعلان ربيع دمشق مخلصين للوطن ويلي كانو عم يجوبو اوروبا طلبا للمساعدة ضد النظام ويللي اجتمع بالبانوني متل فاتح جاموس محب للوطن عنا نظر كمان |
تسلم للشعب يا بشار أمل الملايين يا بشار
عليت الراية يا بشار وبنيت المجد يا بشار تسلم للشعب تسلم للشعب ياااااااااااااااااااااااا اااااابشار |
يا عاااالم يا بشر تعو على سورية وشوفو الكل بيحب الرئيس وبيحب النظام ونحنا يللي اخترنا النظام
ونحنا وراه طول ما هو محافظ عالثوابت والمبادئ يلي ربينا عليها والله الكل بيحبو لا تجروح فينا بئااااااااا |
اقتباس:
اقتباس:
حافظ الأسد دمر البلد ومن بعدو بشار اقتباس:
عيب عـ يلي بيخرب البلد .. عيب عـ يلي بيغتصب البلد.. العيب عـ يلي بيساوي عيب . اقتباس:
اقتباس:
اقتباس:
و البع*** يلي الأغلبية بتنتسبلو مشان الأمتيازات تبعو .. اقتباس:
***تعديل اداري*** تم اخفاء حرف من الأحرف للضرورات الأمنية .. و لو مو مستغنيين عنك |
اقتباس:
وانا عازرك على حكيك شكلك مو جاي عالبلد من زمان تعا وشوف حبيبي زمن اول تحول هلأ كل شي بالنظام اطمن بعدين يا اخي مين الك انو هو عم يقود عصابة مدري شو لك شو هو مو فاضي غير لمسخراتك ااااااااااااخ على هالبلد شو بدو يصير اذا صار شي للمعلم او الحزب اكيد رح تنبسط انت وجماعتك وجماعة البيانوني والخدام وجنبلاط الكل نفس الشي ما بيفرؤ عن بعضن لك عيييييييييييييييييييييييي ييييييييييييييييييييييييي ييييييييييييييييييييييييي يييييييييييب ويييييييييين الوطنية.... وين الاخلاااااااااااااااااااا ااااااااااااااااااااااااا ااااص اه يا زمن شو عجييييييييييييييييييييييب بتمنى يكون حوارنا قائم عالاحترام وخاصة احترام افكار ومشاعر الاخرين من السوريين |
خيي حيدر شلونك انت اليوم؟
1- عيب علي بيعمل عيب... 2- اذا عاشق من سوريا وفلسطين مو عاجبهن البلد ولا النظام انت ما فينك تغصبهن...يعني كل واحد بشوف الموضوع من ناضوروه الخاص... 3- مين قلك انه هوي برى البلد..عاشق من سوريا..بالبلد وابن البلد وبحب البلد متلي ومتلك ومتل كل سوري.... بتمنى حوارك انت وهوي يكون غير هيك تحياتي :D |
هلوسات مواطن سوري حر .. يعني كل واحد حر بتوجهاتو ..
|
الحقيقه أنا مستغرب مسخرتك على النشيد الوطني السوري لأ و الغريب أنو بعض السوريين انبسطوا فيك و هنأوك
|
اقتباس:
بس ممكن تفهمني يا بعثي يا محترم ايا حوار هاد قائم عـ الأأحترام و أنت عم تقلي ما عندك وطنية ومن جماعة البيانوني و جنبلاط و خدام .. له له .. يا زلمة مو خدام من يوم يومو كلب للنظام .. شو عدا ما بدا .. أنا بقلك .. الأشخاص الحاكمين بنظامك همون الوحيد يجمعو مصاري .. وين في مصاري بيركضو متل الكلاب .. بعدين أن بتعرف كلمة ما عندك وطنية قديشا كبيرة .. اللي ما عندو وطنية يعني هاد مستعد يبيع البلد مشان تراب المصاري .. يلي ما عندو وطنية بس تصير حرب بيهرب .. يلي ما عندو وطنية بيسرق البلد .. بس عذرا يعني .. أنا ما عم أسرق البلد .. أنا ما مستعد بيع بلدي .. أنا ماني مستعد بدل تراب الوطن ولو بمصاري الدنية كلها .. بقى شغلة الوطنية و العمالة هدول شغلات مانك قدا .. ما حدا طلب منك تعيير الناس بوطنيتها .. أنا لما كون عم عارض الشي الغلط ( يلي متمثل بحزب العلاك المصدي و أكل الهوا .. حزب السرقة و ني* الوطن تحت أسم حزب البعث العربي الأشتراكي ) أنا لما عارض ما بكون قليل وطنية ولا عميل .. أنا عم عارض لأنو قلبي عـ هل وطن و عـ تراب الوطن .. |
انا بشكر يللي نكش الموضوع للمرة التانية
انا شايف انو الموضوع بيستق انو يتقرا خمسمية مرة بس حصرا الصفحات التلاتة الاولى لانو بعدين تحول لنقاش غوغائي قائم ع تبادل التهم والتخوين الدعوة هي لنقاش محترم وراقي مو بهدلة وخناقات هلق بالرجعى للموضوع الاصلي ما فينا ننكر انو الحكومة الحالية ممثلة بالرئيس بشار الاسد الها موقف ثابت وواضح بما يتعلق بالسياسة اخارجية وانا بشوفو لحد كتير كبير صحيح بس بنفس الوقت ما فيننا ننكر وجود فساد داخلي نخر البلد وما بقصدك بس الفساد الاقتصادي بس كمان قصدي القمع ع مستوى الحريات الفكرية والسياسية داخل البلد يعني بغض النظر عن انو اعلان دمشق او غيرو شي مناسب او غير مناسب للمرحلة بس بنفس الوقت ما في اي منطق بالعالم بيقبل باعتقال المعارضين سواء كانوا مفكرين او ناس عاديين يعني بصراحة الحكومة والسلطة يللي ما بتقدر تتقبل وجود معارضة داخلية هي حكومة وقيادة هشة عندها كتير تخاف عليه بالنهاية بس اتذكر انو كان في بهالمنتدى ناس منطينة الشباب بس ما عادو موجودين لانو اعتقلو وبغض النظر عن السبب...بكره كل شيي بهالبلد وشعر بالاشمئزاز انو ليش؟؟؟لوين بدنا نوصل؟؟؟ولايمتى راح نضل هيك؟؟؟ فكرهن راح يطوعوا الشعب ويحولوه لقطيع يمشي وراء الراعي اي ما راح تظبط ودمتم...... |
والله بدكن ياني اسكت ونشيد سورية عم ينهان ..................عجيبة
|
اقتباس:
بس عيب نحكي عالبلد بهالطريقة في الفاظ بتجرحني كتير مو معئول اسكت والنشيد يللي تربينا عليك عم يستعمل بهالطريقة |
اقتباس:
انت بتنجرح وغيرك بينجرح..:cry: .انا عم احكي عن الاسلوب بس :D |
فيك تقلي مين عم يهين نشيد سوريا .. يعني انا رجعت قريت الموضوع 16 مرة ما شفت حدا عم يهين النشيد
|
يا شباب الدولة هيا و أنطـــــلق يا موكبي
أغتصب سوريــا الأبية تحت ظلال البعث العربي أنهب الفلاح و العامل فـ أنت جلاد لا يليـــــن و خن الجندي المقاتل يا ويلكم من الكادحين خندق الثوار واحــــــــد أو يقال الظلــــم زال فاشلٌ يا بعث فاشـــل أنت في ساح الزوال أعتقل الأحرار هيـــــــا حطم الشعب العظيم فل تسقط يا بعث النازية لـ غدٍ حرٍ كريـــــــــــــــم |
بالروح بالدم نفديك سوريااااااااااااااااااااااااااااااا
يا حبيبي العاشق النقد البناء ما بيكون هيك ما في احلى من المعارضة يللي بتتنافس مع الحزب بس بشرف مو نجي نزت حكي هيك والله عيب وشكرا الك |
اقتباس:
كنا عم نشوف نقد بناء بـ موقع الدومري .. بس بعد فترة ما عاد شفنا الموقع كلو .. هاد هوي النقد يلي بتحكي عنو ؟ يعني البع* عم يعمل يقتل القتيل .. و ينعيه و يطلع بجنازتو هاد هوي العيب :D .......... حبيب |
اقتباس:
لك على راسي حارتك يامعلم :gem: كاسك ياوطن ... لك روحتلوا سكره يازلمه (دريد لحام) تحياتي :D |
اقتباس:
اي مظبوط حكيك على فكرة ما بعرف ليش منعوها وانا بأيد حكيك اذا كان المنع ظالم بس ليك جريدة المحرر العربي منعوها ومعن حئ لانو نهاد الغادري خربها كتير يا شريك المهم انو الموضوع برايي اكبر من انو ناخدو بطريق المسخرة هادا رأي وشكرا الك |
اقتباس:
بس اللي بدي قولو يا ترى حسام هلق شو عامل؟ شو عم يفكر؟ قتلو الحلم اللي جواتو؟ حطموا الإنسان فيه؟ طهروا من جريمتو يلي هي (الحلم)؟ فكو ارتباطو و حبو بمحبوبة الأثيرة "سوريا" ؟ بدي قول شو هالأمة اللي بتحبس ولادها الطموحين و ابناءها اللي ما بيملكو بها لدنيا غير كرامتهم و حبهم لألها؟ بس يعني ليش لأظلم الأمة ؟ أصلا شو هي الأمة ؟ الجغرافيا يعني ؟ ولا الأمة هي مخباية بقلوب ولادها الأحرار .. مثل حسام ، و هي معتقلة معهن بزنازين القهر و الديكتاتورية حسام طلع من قلب القهر من قلب سوريا من قلب الفينيق من أحلى جبال طرطوس أنسان مرهف الإحساس شجاع رفض الخنوع و ارتكب جناية شنيعة : فكر ارتكب جرم فاحش : كوّن طموح حاول الانخراط بالجريمة المنظمة: فعد بالقهوة مع أربع شباب و فكروا شو بدهن يعملو للبلد يا ترى مين رح يعوضوا لحسام عن هالأيام الضايعة؟ مين رح يضمدلوا جراحو؟ مين رح يمسح على جبينو؟ مين رح يهدهدلو لينام ؟ مين رح يرجعلو الزمان لورا؟ من شان الله و الملايكة و الشياطين اللي ما عندوا كلام مثل العالم لا يوجه إهانات لحسام و الشباب اللي جوا معتقلين بدون محاكمات و لاتهم و بس لترويع الناس اللي بيحب النظام يصطفل هوي و غرامياتو ما يتطاول على الناس اللي دفع التمن من عمرا و روحا و جسدا خليه بنعيمه عالساكت حسام ما عندي آلك غير هالدمعة بالوقت الحالي : أنا آسف بس بوعدك بأكثر ملاحظة : حسام مو لوحدو الكلام بينسحب على كل الشباب : عن جد أنا آسف بوعدكن أعمل شي |
| الساعة بإيدك هلق يا سيدي 22:35 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون