|
اقتباس:
زياد حلو شو ما لبس :frown: بعدين هيك شعب ...لازم تخاطبو بطاقية عسكرية ليفهم |
اقتباس:
في عندك عالم ما بتمشي معا الطاقية بدا بوط عسكري يكتر خيرو اللي قضاها بطاقية :o |
حسب ما بعرف اللي مفكر يمشي العالم بالصرماية بكون هو ما بيمشي غير بالصرماية
|
اقتباس:
والله ..موقصة صرماية بس الطاقية العسكرية بترمز لكتير اشيا.... غلط نستغني عنها بهالوقت |
اقتباس:
لا تواخزنا معلم .. فهمتني غلط .. أو بجوز أنا ما عرفت أعبر عن وجهة نظري الأصد .. نص شعبك ما بتمشي معوه الديمقراطية .. :D |
اقتباس:
اولا ... مين الدولة العربية او الاسلامية اللي مو حاكمها حزب قائد او فيها ديمقراطية و تعددية لهيك انا قلت انو الردة الدينية و الحقد الطائفي كان من افرازات الحكم الشمولي ثانيا ... صديقي ما بيخفى على حدا انو سياسة التجويع اللي اتبعت من معظم ديكتاتويي العالم كانت بهدف صرف الشعب عن التفكير باأي افاق سياسية او اجتماعية تاني اما بخصوص الحرب فهي حالات تانية خاصة جدا تحياتي |
اقتباس:
طيب الدوتشي موسوليني (إزيك يا موس) كان مؤمن؟ طيب بينوشيه؟ طيب "بول بوت" تبع الخمير الحمر كان مؤمن؟ متل مو شايف معلمي، القتل و جرايم الحرب بترتبط مع الشمولية و ليس مع الايمان او الالحاد اقتباس:
و بقيت البشرية عم تعاني المشكلة بالشمولية بكل اشكالها، و الاديان هيي اكتر الانظمة الشمولية رقيا لأنها صرلها عم تتشكل و تتبلور كذا الف سنة، و لو عطينا ربع هالوقت لأي نظام شمولي لاديني رح نوصل لنفس المشكلات الدينية يللي بيعنينا بهالموضوع هوي شمولية النظام السوري و خصوصا نظام الاسد... بعكس يللي طرحو مشكورا تشي فادي انو كان في تعددية سياسية بعد ثورة آذار، فالوضع كان مش متل ما قال، الوضع كان كالتالي: قبل الوحدة مع مصر و بعيد الاستقلال: كان في تعددية صحيح، لكن كان في شرط لهالتعددية، انو يكون يللي عم يمارس السياسة هوي ابن احد عائلات المجتمع المخملي يللي هوي وريث الباشوية و البكوية و الآغوية العثمانية و لحتى تقدر تشتغل بالسياسة و ترتقي بهداك الوقت، ما مهم شو التيار السياسي يللي بتنتميلو بقدر ما بهم انو تكون ابن احد العيل الكبيرة، اتاسي، قدسي، سباعي، دروبي، رسلان، مخلوف، خير بك، عظم، خوري، اطرش، مالكي...ألخ الخ ثم الخ من العائلات الاكابر ع اساس، و استمر هالشي و كان للعيل الكبيرة الفضل الاكبر بالانفصال، بس الوحدة قدرت تفرز مجموعة جديدة قادرة ع استلام السياسة بعيدة عن العيل الكبيرة، و هالمجموعات عملت ثورة 8 آذار بعد ثورة آذار: ما عاد في شي اسمو تعددية سياسية، في تعددية يسارية بيجوز، بس انتهت الاحزاب اليمينية تماما، و الاحزاب اليمينية مش كلها دينية، يعني في الوطني و الشعب و السوري القومي (حزب وسط لا يمين و لا يسار، او بالاحرى يمين مع يسار) هدول كلهم ما عاد الهم وجود ع الساحة السياسية السورية بهالفترة، كان حاكم سوريا الفعلي هوي "صلاح جديد" صلاح جديد كان بدو يعزل سوريا (و خصوصا بعد النكسة مدري النكشة) عن العالم و يبنيها من الداخل.. على نمط الصين يعني، بس في فارق بسيط بيننا و بين الصينيين الصينيين طول عمرهم من فجر التاريخ بيعزلوا حالهم عن العالم، و بيعيشوا بعالم خاص فيهم و بينتهي عزلهم لفترة بسيطة مع شي غازي بعدين بيرجعوا بيتقوقعوا ع بعضهم اما سوريا، كانت على مر التاريخ مفتوحة ع العالم بحكم موقعها الجغرافي، لهالسبب ما بتنفع سياسة العزل سياسة العزل، هيي يللي أدت لتجويع الشعب السوري، و لو انو اساسا كان جوعان و عم ينسرق من ايام العثمنلي لما استلم حافظ الاسد عمل انفتاح على قدر الامكان، و شافت سوريا فترة رخاء كبيرة بعد حرب تشرين، و استمرت لوقت ما قررت الانظمة الدينية العربية انو والله بدها تستلم الحكم بسوريا، عن طريق عملاء الاخوان المسلمين، و تم تمويل هالعصابة عن طريق انظمة العراق و السعودية و الاردن .. و كلنا منعرف شهور الغزل و العسل يللي بين السي آي أيه و بين بن لادن ايام احتلال السوفييت للافغان قدام هالواقع المرير، كان حافظ مضطر (لحتى يحافظ ع الكرسي) انو يتحالف مع جهتين لعن الله الثلاثة: السوفييت من جهة، و الايرانيين من جهة تانية و مع انهيار السوفييت بقيت ايران حليفة قوية لسوريا و خصوصا مع نجاح ثورة الخميني فيها يللي بدي اوصللو، انو ازا بيوم من الايام كان الحكم العلماني بسوريا شمولي، فهالشي مجرد وراثة من انظمة دينية سابقة حكمت سوريا، و ازا كان حافظ الاسد استفاد من الشمولية، فالرئيس بشار الاسد اتخذ لليوم خطوات جدية و مهمة لانهاء حالة الشمولية، بالشكل او بالمضمون يعني شكليا ما عاد في شي اسمو عسكرة الطلاب و ماعاد في شي اسمو قيادة قطرية هيي الآمر الناهي بالبلد و شوي شوي عم يتقلص دور الاجهزة الامنية بالسياسة بس يا فادي التخلص من الشمولية بعد كل هالقرون مش امر هين، و رح يطلع كتير ناس يحاربوا هالشي، و اولهم انصار الدين السياسي و ما اكثرهم في بلادنا |
:D
متابعة بدون تعليق مع شكر عميق لهذه الحوارات |
مرحبا كريم
اقتباس:
بس انا كنت عم احكي بردي الاول عن سوريا بالنصف التاني من القرن الماضي و مقارنة الوضع الحالي بالوضع بعيد الاستقلال . اقتباس:
اقتباس:
اقتباس:
يا اخي وين هالتقلص بدور الاجهزة الامنية ,, بالانتخابات الاخيرة مثلا ؟؟؟ كريم .. مارح يتقلص هاد الدور طالما في شي اسمو قانون طوارئ .. فلا تقلي خطوات جدية لانو مافي شي جدي غير هالقانون عود على بدء برأيي غياب الديمقراطية كان السبب الرئيسي بانتاج الانظمة الشمولية الاشتراكية و الادينية بس المشكلة اللي نحنا مو حاسين فيها لانو لسا ماجربناها هيي الحكم الديني الشمولي (اللي برأيي رح يرجع) هلئ اكيد احلاهما مرررررررررر ,,,, بس ياترا ايهما أخف وطأة على ربنا ؟؟؟ |
طالما كريم هون .. أنا ما رح شكـ اصبعطي بالنص ..حاطط ببطني بطيخة صيفي ..
جد .. طيبة .. كريم |
العزيز krimbow and madmax
انت ملاحظ انك عم تكتب وغايب عن بالك انه في شئ اسمه سياسة داخلية وشئ اسمه سياسة خارجية ومابتلاحظ انه الحكومات في اي بلد بالعالم هى سبب ازدهار البلد وعمرانه وغمره بالخيرات او غرابه وفقر اهله بحسب السياسة المتبعة ولنا عودة |
اقتباس:
* * * لأنو شكلك برا الجو |
اقتباس:
و جوا اكتر مماتتصور |
حلو كتير عجبني الموضوع بصراحة
بكل بساطة رح اتطرق لموضوع الديمقراطية لإنو من عندي في تأييد كامل للموضوع بصراحة خيو شعبنا خرج ديمقراطية اول شي الديمقراطية مو مرسوم رئاسي الديمقراطية تعلم واكتساب بمعنى اخر ثقافة ولحنا لساتنا بعاد جدا عن هالثقافة بس برأيي لازم الحكومات العربية بشكل عام تبذل مساعي حثيثة - يا الله ما أحلاني وانا عم احكي فصحة- المهم مساعي من قبل الحكومات العربية لتعليم الشعوب على النهج الديمقراطي وهذا ما أرى الحكومات تتحاشاه لسبب أو لاخر وهذا الوضع لا يحوي سوريا فقط بل كل دول المنطقة وهذا بسبب الجو القلق المتوتر الذي تعيشه منطقتنا وبرايي سبب الجو المتوتر وجود إسرائيل وبرايي لا تطور أبدا وإطلاقا بوجود إسرائيل وشكرا على الموضوع |
اقتباس:
بس ليش لا شو المانع من انه نطور داخليا حتى بوجود اسرائيل ماهي عمتطور حالها ونحن موجودين |
كيف برأيك عم تطور حالها
أنا برايي ترجع تحضر برنامج على الجزيرة من فترة كان أسمو دولة لها جيش أم جيش له دولة تجييش الحياة داخل إسرائيل هذا إضافة إلى التمييز ضد العرب في الداخل فأي ديمقراطية يدعون وأي تطور |
اقتباس:
|
اي تماما متل عنا
خيي بنرجع للنسبية اللي حكي عنها انشتاين نسبية المطلب كل انسان شو بده من حياتو |
اقتباس:
هناك حملة سنوية تقوم بها الجالية اليهودية في فرنسا لجمع التبرعات للجيش الاسرائيلي.. والحكومة الالمانية ملزمة بدفع مليون يورو سنويا كدعم (بسيط )للجالية اليهودية، وهذا كله يصب في دعم اسرائيل. وهنا قارن كل هذا النفوذ الصهيوني في العالم ، ونتائجه على اسرائيل ،مع الحصار الذي تعيشه سوريا، ومع ذلك لا يستطيع احد ان ينكر بأن سوريا تتطور حتى لو بشكل بطيء. |
اقتباس:
وهناك اعداد هائلة من الطلاب العرب وتحديدا سوريين وفلسطينيين ممن حازوا على اعلى المؤهلات وهم الان والكثيرون منهم الان يشغلون مناصب هامة في الدول التي يعيشون فيها، واذا سألت لماذا لم يعودوا الى بلدهم، فأنا ارى بأنهم يخدمون بلدهم وهم خارجها أكثر من خدمتهم لها وهم بداخلها، من خلال متابعتهم لكل ماهو جديد كل في مجاله، ومن ثم تزويد البلد به |
نسيت ان اقول بأن هؤلاء الذين كانوا طلابا وبقوا في الدول التي درسوا فيها، من خلال بقائهم هذا يقدمون خدمة كبيرة لبلدانهم ولسمعتها التي يدأب الصهاينة كل يوم على تشويهها،لأنهم كما ذكرت سابقا من افضل الكفاءات،
هل تعلم بأن في أمريكا وحدها أكثر من 9 آلاف بروفيسور فلسطيني من اصل 232 الف يقومون بالتدريس في الجامعات الامريكية ، وهل تعلم بأن عدد الاطباء السوريين في ألمانيا وحدها هو أكثر من 4000 طبيب، هذا عدا عن باقي الكفاءات من مبدعين ومثقفين وجميعم يفخرون بجنسيتهم الاصلية حتى ولو كانوا حاصلين على جنسيات اخرى فأرجوك اخي، لايجب ان نستهين بهذه الطريقة بأنفسنا وامكانياتنا تحياتي |
اقتباس:
لانه اولا واخيرا بلد الاقامة هو البلد المستفيد ماديا ومعنويا اقتباس:
اقتباس:
في اوربا وامريكا هم من العرب اقتباس:
انا عتبي على حكوماتنا يلي بطفشهن من البلد عوضا عن تبنيهم وتبني افكارهن |
تٍسأ تسأ تسأ تسأ :?
|
اقتباس:
سأجيبك على كل ماذكرت من خلال ما أعيشه بنفسي هنا. في ألمانيا كاتب قصصي سوري اسمه رفيق شامي، معظم كتاباته تحكي عن سورية وعن دمشق والحياة فيها وما الى ذلك.وهو مشهور جدا في ألمانيا وفي كل الدول المجاورة لها والتي تتحدث الالمانية هل تعلم بأن هذا الكاتب الذي أتى الى هنا للدراسة وبقي بعدها هنا، عندما يقيم امسية قصصية فإن تذاكر الدخول تنفذ قبل شهر على الاقل من موعدها،علما بأن أمسياته تقام في اضخم القاعات(والتي تتسع للآلاف) وان هناك اقبال كبير جدا على مؤلفاته من جميع فئات الجمهور الالماني، وانه لاتمر امسية واحدة الا ويتحدث فيها عن فخره ببلده سورية وانتمائه لها، مع العلم بأنه يحمل الجنسية الالمانية. الا يصب ذلك في مصلحة سورية وسمعتها؟؟؟؟ تحياتي:D |
والله لو نزلوا ألله ورفئاتو لـ يحكموا سورية .. لحتى يئولوا على ألله أزعر ...
طالما الخط كلو أعوج .. ميت كومبريصة ما رح تجلسو ... ( هي أنو معارضة ً لمقولة الخط الأعوج من التور الكبير برأيي هالحكي فشكـ ) يا سيدي .. اللي بيحسن يعمل ئد نص اللي عملو بشار بهالسبع سنين .. يجي يتفضل عالبيست .. مو ع أساس .. الشريحة المسئفة هون ؟.؟ ومو ع أساس النخبة هون ؟؟ هاتوا لنشوف ... تعوا بسلم أسئف واحد بلد متل سوريا ئبل حكم الدكتور .. ولنشوف إذا رج يضاين 3 دئايئ .. لكـ انتوا ئاعدين ببلد مؤامرات ألله كلها عم تسرح وتمرح حواليه .. غير الشبيحة اللي بالبلد هون اللي كل واحد عامل دولة .. مو ئليل اللي عمله الدكتور أبدا ً .. وأنا كـ فرخ مهندس داخل عالمصلحة .. بقلكون من منظور عقاري .. أنو معدل سعر متر الأرض في سوريا .. تضاعف 25 مرة من سبع سنين لهلئ .. وأنو صار يدخل امتلاكـ واستثمار واسترهان العقار في سوريا (من قبل الأجانب) حوالي الـ 180 مليون دولار سنويا ً .. وأنو معدل نمو السوق العقارية الخارجية في سوريا عم ينمو بنسبة 6.4 % لسنة الـ 2006يعني أقل من الإمارات بشوي .. فاا حلوا عن إلاهو للزلمة خلي يعرف يشتغل .. أنا تعبت عنو .. |
اقتباس:
:D:D |
المشكلة يا صديقي انو ما حدا بهالمكان أو بهالمنطقة كلا .. عم يتعامل بمبدأ أنو القناعات شغلة قابلة للتعديل ..
كلو عم يحكي ليستعرض .. شفت أعرض من هيكـ ؟ |
اقتباس:
بحياة أبوك استعمل حرف ال (ق) بدال (ئ):sick::sick::sick: |
اقتباس:
|
 |
اقتباس:
|
اقتباس:
لازم تشكر العراقيه بالدرجه الأولى اقتباس:
(اكور) الفرنسية تبني ۵۰ فندقاً في تركيا ذكرت مجموعة الفنادق الفرنسية (اكور) أمس الاثنين انها ستستثمر ۳۰۰ مليون يورو (۳۸۸ مليون دولار) في تركيا لبناء ۵۰ فندقاً بحلول عام ۲۰۱۵م. وتعمل الشركة في ۱۴۰ دولة وتبلغ ايراداتها السنوية سبعة مليارات يورو وأعلنت في بيان انها ستوظف ۳۵۰۰ موظف في فنادقها في تركيا. وقال كوراي اوزباي المتحدث باسم (اكور) تركيا: (يستكمل بناء ۱۲ من الفنادق الخمسين في عام ۲۰۰۹م ونعمل مع مجموعة اكفين التركية الكبرى كشريك استراتيجي). وتابع: ان الفنادق ستكون بجوار المدن الكبرى على الساحل الغربي مثل اسطنبول وبورصا وازمير الى جانب مراكز صناعية ناشئة في داخل البلاد. والسواحل التركية على بحري ايجه والمتوسط مناطق جذب سياحي وفي العام الماضي زار ۲۱ مليون سائح تركيا وتأمل الحكومة في زيادة ايرادات السياحة الى ۳۶ مليار دولار بحلول عام ۲۰۱۳م. وبلغ متوسط معدل النمو الاقتصادي في تركيا حوالي ثمانية في المائة في السنوات الأربع الماضية بفضل قروض بمليارات الدولارات من صندوق النقد الدولي هي الشركه تفاوضة معنا على كم مشروع بس هربت اذا بتقلي ليش هربت الك مني كيس مصاص مشكل اقتباس:
|
اقتباس:
صحيح كلو مرتبط ببعضه بس في شغلة مهمة .. أنو لايمكن للتضخم الديموغرافي أنو يرفع معدل سعر المتر .. هي نظرية عقارية معروفة .. كلمة \\ارتفع سعر المتر\\ .. يعني ارتفع طلب الشراء الداخلي والخارجي .. يعني صار في حركة مصاري .. وبعدين لاتقارن أبدً بين سوريا وتركيا .. اللي صرلا أكتر من نص قرن عم تنمو .. بينما نحن لساتنا عم نعاني من ذيول تجربة التحويل الاشتراكي الفاشلة .. ومن سبع سنين بس .. يعني من وقت صدور قانون الاستثمار رقم 10 .. المعدل نحن ماشيين باتجاه اقتصاد السوق .. بعدين منشان دخل الفرد .. بتعرف أنو سوريا عندها أكبر نسبة تزايد سكاني بمنطقة الشرق الأوسط كلها ؟؟ (أكتر من تلاتة % ) التنظيم الأسري .. صفر بهالبلد ... ووعي تنظيم الأسرة صفر .. هي من ناحية .. ومن ناحية تانية ,.. لكـ لساااااااااااااااااااااتنا بأول الطريق .. ولو .. وبعدين قرب لهون شوي .. شو دخل الاستثمارات بالعراقية ؟؟ يعني شو جاب أدانين الأرنب لـ طيـ ** عم قللكـ نمو عقاري .. يعني حركة رؤوس أموال ومواد بناء وأيدي عاملة .. بتقللي العراقية ؟ احكي أرقام لأفهم عليكـ أوكـ ؟؟ وياريت تكون أرقام موثوقة .. مو ضروري تكون أرقامكـ من جريدة معاريف مثلا ً أنا عم بحكي .. أرقام عالمية .. لمنظمات عالمية .. إذا بدكـ فوت ع موقع قناة العقارية .. وتفرج .. أو فوت ع موقع شركة إعمار العقارية .. بتعرف طبعا ً أنو هيي اللي آكلة البيضة والتقشيرة بدبي .. وشوف مشاريعها بسوريا .. |
نعم يا روح امك؟
شو ناسي فلسطين؟ ولا ليش ضعيفه عتاداً ومش قادره لأسرائيل رميتوها على جنب؟ فلسطين اهل الشرف،ما بقول سوريا ولبنان لا!! لبنان خاصه ولله عندهم عزة نفس اشي محترم(خصوصا الشيعه) ! |
اقتباس:
اقرا الموضوع ولو .. |
أبل ماتطرح هيك اسئله قارن من الاستقلال الى بداية الثمانينات وشوف
حتى العقارات الي ارتفعت الدوله مالا علاقه هي عرض وطلب ومضاربات أنا من المزه بس بالتسعينات أرتفعت العقارت شي 500% بقا الدوله الي مخططه لهل شي ؟ سماع هي وتسلى اشرف من هل حكي في واحد شامي راح على جرمانا شاف واحد عراقي سألو : بالله بيت أبو فلان وين ؟ الو العراقي لك رحلو من زمااااااان بس بلا صغره حضرتك منين ؟ الو من الشام الو يييييييييييي من اديش ما شفنا شوام ال شو دخل العراقيه عم نقلك 1.2 مليون هدول وين ساكنين عم يشتغلو بالعقارت ولا عم يسكنو فيها ولا عم يضاربو على فرص العمل ؟ 1.2 مليونهي أرقام الرسميه وماخفي كان أعظم لك حبيب البي دخلهم كمان بجرزة كزبره وبعرق الفجل وبكفي أنو سوريا الرابعه بالعالم بالفساد حسب الامم المتحده |
اقتباس:
..:lol: :lol:.. |
اقتباس:
يا شريكـ والله الأمم المتحدة كبسوها مخلل من قبل القرارات 242 و 338 لكـ حتى اليونيسيف صايرين زعران .. قال بإحصائية اليونيسيف تبعيت حرب تموز .. قال حزب الله قتل 35 طفل اسرائيلي .. بحرب لبنان .. أي أشفي ؟ ومنشان العراقية .. بطلت أفتح تمي .. ومنشان المزة .. صح غليت الأسعار بس شوف قديش نزلت الليرة مقابيلها لاحظ أنو ارتفاع أسعار العقار هلئ .. معو ليرة شبه ثابتة .. حوّل |
اقتباس:
بتقول أيه يا روح أُ مك؟ هو انا مش مصري بس بحب هاي الجمله وانت يالا اخرس خالص |
أيروسبيد ؟؟؟
أنت بتهزأني ؟؟ بص كويس ع شان ما تتعورش .. :o |
| الساعة بإيدك هلق يا سيدي 12:43 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون