|
لا انا بحبها دغري من التقلاي بدون لف
|
بالله في واحد اخو صاحبنا صوتولوا بالله اذا مافيا سقلة
|
اي ما قلتلنا اسمو
|
اقتباس:
هون بطرطوس عندك في منافسة للدفع:o :frown: بقا من المفترض يكون السؤال: اذا بتعرفلك مين بيدفع اكتر؟؟ وللا بالشام مو متل عنا؟؟;-) |
اقتباس:
والله بصراحة مابعرف اانا |
اقتباس:
|
اقتباس:
لا لا ابو صاحبي نضيف وشريف وماعندو هيك شغلات مدري شلون طلع هيك الله واعلم :? نيئة ع الخنيئة |
هزلت....هزلت.....!
:frown:يا عمي المسخره مسخره شو بدكن بالحكي..... :frown: آخر الاخبار من ضيعتنا.... :jakoush: في واحد عنا فاتح مقصف... يعني بيعمل اعراس وما اعراس ..متعهد حفلات ...وعندو محلات تصوير وتسجيلات ومن هالحكي...وطلع ع التلفزيون كذا مره لانو بنظم ... العيد الي بصير كل سنه ع ضريح عنا بالضيعه (وبطالعوا ع التلفزيون ع اساس مهرجان الاغانيه التراثيه ) ما علينا... قال هاد عم يعمل حفلات " مجانا " كل يوم بالضيعه وبجيب فنانين وعشا ومشروب وخود ع سهر .... ويوم الاحد رح يجيب " علي الديك ووفيق حبيب وناصر عجيب " بحفله واحده.... وكل هاد لشو يا حزركن.... لانو مرشح حالو ع مجلس الشعب..:o... شي تسالي وحق الرب..... :x:x:x:x بس انو اهل الضيعه مكييفين كل يوم سهره وعشا ومشروب ببلاش :o |
اغرب ديعاية شفتها لهلأ شفتها بباب توما لمرشح يدعى: محمد السعدي، و يدعي انه "مخترع تقنية البلوتوث بالخليوي"!!!
و ما اثار استغرابي فعلا، هو هل تختلف تقنية البلوتوث بالخليوي عنها في مكان آخر؟؟؟؟ |
هلأ احلى شي أحلى شي...انو من مرشحات مجلس الشعب...في وحدة مننون عضوة باخويتنا الكريمة....
انو انا كنت عم شوف اسما بالشارع...و قول ..هالاسم مارق عليي...وين ...وين؟؟ ام طلع انو هون...باخوية... مع انو المخلوقة مالا كتير مشاركات...بس انا بوقتا لفتتلي نظري مواضيعا لانا كلياتا كانت تحمل طابع واحد و موضوع واحد......شوفو مثلا... - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
طيب وين مرشحة حالا، بالشام او بحومص؟
|
اقتباس:
|
اقتباس:
اي مامشكلة هادا ارحم من اللي صار يوزع صندويشات زيت وزعتر ومية فرنجي ع البشر عند الصناديق مشان ترشحوا وبالاخر هالبشر اكلو الصندويشات وكيفو والزلمة تسبح ;-) |
عراسي الشباب الطيبة والله، شي هالفضايح هي؟؟؟؟ بس يا ترى عنجد إنتو بتنتخبوا و الشعب بينتخب؟؟؟ و إنو النتائج بتجي ديمقراطية و نتيجة للانتخابات؟؟؟؟؟؟؟؟؟؟؟
|
لعل وعسى.
يعني بلكي اذا شافو هالمرشح ريحتو طالعة كتير بين الناس. والكل بيعرفو. بحسو على دمهون شي شوي |
مرشح في حلب "يجب أن يكون وراء القضبان" وآخر محجوز على أمواله المنقولة وغير المنقولة حصلت سيريانيوز على نسخة من قرار اتهام من قاضي الإحالة بحلب بحق المواطن ياسر بشير بن أحمد المرشح لمجلس الشعب عن مدينة حلب الفئة ( ب ) بجرم" التدخل بجناية التماس أجر غير واجب بغية التأثير في مسلك العاملين بالدولة والمعاقب عليه وفقاً لأحكام المواد / 22-28 / عقوبات إقتصادية و / 218 / عقوبات" و إصدار " مذكرة قبض ونقل بحقه" بتاريخ 5 /4 / 2006 . وعلى قرار" رد الطعن موضوعا" بتاريخ 5 / 3 / 2007 الذي كان بشير قد قدمه وبالتالي تحول القرار إلى " قرار مبرم". واستغرب خبير قانوني بقاء هذا المواطن طليقاً كل هذه المدة وخاصة أنه قدم أوراق ترشيحه إلى مجلس الشعب . وقال الخبير "إن هذا المواطن يجب أن يكون وراء القضبان لمحاكمته وخاصة أن القرار أصبح مبرماً" ونفى المرشح بشير في اتصال لسيريانيوز الموضوع من أساسه وقال " الأمر لا أساس له من الصحة " . يذكر أن بشير يعمل في تعهدات البناء وهو رئيس جمعية الأسطورة السكنية بحلب ولديه الآن مضافة انتخابية كبيرة على طريق المحلق في مدينة حلب . كما حصلت سيريانيوز على قرار حجز احتياطي على الأموال المنقولة وغير المنقولة بحق المواطن محمود أحمد الترك المرشح عن مدينة حلب الفئة ( ب ) بتاريخ 2 / 11 / 2006 . وتساءل الترك عن الفائدة التي ستجنيها سيريانيوز من نشر الموضوع وتمنى أن نؤجل النشر إلى ما بعد الانتخابات . وقال خبير قانوني " إن القاضي لا يصدر قراراً بالحجز الاحتياطي إلا إذا تيقن من وجود سبب وجيه لذلك وحق يخشى عليه من الضياع ". وكانت سيريانيوز قد كشفت في الفترة الأخيرة العديد من القضايا المتعلقة بمرشحي مجلس الشعب في دوره التشريعي التاسع والذي وصل عدد المستقلين منهم إلى 9770 مرشحاً انسحب 125 مرشحا منهم. وكان مرسوم رئاسي حدد موعد الانتخابات التشريعية في سورية في 22 - 23 من نيسان المقبل لانتخاب 250 نائبا في الدور التشريعي التاسع ومدته أربع سنوات. عبد الله عبد الوهاب – سيريانيوز - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
ماكانوا عممتو هالحكي ع كل المرشحين وعملتون كلن اخوات شليتة
شو يعني ماعاد في ناس ولاد حلال وقلبن لالله ببلدنا يعني ولو :shock: |
ان لم تكن جئبا, اكلت الجئاب.
هاد المبدأ متبعو تلت ارباع الشعب |
وهي اخر الاخبار اليوم....
من سيريا نيوز.. نقلت صحيفة الرأي العام الكويتية اليوم الاثنين عما اسمته مصادر مطلعة ان توجيهات صدرت على مستوى القيادة القطرية للحزب الى الفرق الحزبية لحض اعضائها على شطب اسماء كل من مرشحي مجلس الشعب ,محمد حمشو من قائمة الفيحاء وزاهر دعبول، ومحيي الدين حبوش، من قائمة الشام، واحسان سنقر وباصيل دحدوح من قائمة الوفاء والتنمية ومحمد رضوان المصري". واوضحت المصادر ان السبب هو"عمد هؤلاء على اشاعة اخبار غير صحيحة بأن الدولة والحزب هي الضامنة لهم وقد صدرت توجيهات للتصويت لهم وانه لا يوجد اي تخوف من امكان اختراق هذه الاسماء لقائمة الجبهة وهي لن تشكل اي خطر عليها لكنهم بدأوا يقدمون انفسهم وكأنهم جزء من الدولة" كما صدر توجيه بدعم المرشح المستقل صباح عبيد على اعتبار انه نقيب الفنانين،حيث اشارت المصادر الى انها "المرة الاولى التي تصدر فيها توجيهات بالشطب على اسماء مرشحين مستقلين، في حين كان الحال في المرات السابقة بالتوجيه للتصويت لبعض الاسماء فقط - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
والله انا مبارح خبرني واحد صاحبي هالقصة انو الحزب عم يعمم شطب اسماء المرشحين المذكورين، بس فكرتها "إشاعات مغرضة" ...
عموما من جهتي ما انتخبت حدا من قوائم الشام و الفيحاء طيب هي خلصنا معارك انتخابية، هاتوا لشوف مين انتخب و مين قاطع؟ و يللي انتخب مين انتخب؟ |
اقتباس:
|
اقتباس:
قائمة الجبهة(بس بدون صباح عبيد لاني ما حبيتو و لا حبيت كيف دحشو دحش)...والنسوان.....هدول اللي خرج الواحد ينتخبون....واللهم نبيل سليم داوود الطيار المدني (لاني بحبو). و هادا الللي ساويناه.... مع انو عدد اللي انتخبوا كان كتير قليل.....والعالم كلا ما كان الا خلق...من مبدأ انو اسماء الناجحين معروفة سلفا... |
اقتباس:
لأنو بالمرة الأولى كنت خارج البلاد:larg: وتاني مرة يلي هية هلىء ما انتخبت حدا ولله ابدا ولا طالعت بطاقة من اصلو:frown: ولو بدي انتخب كنت انتخبت خلدون المالح مو قايل هو المرأة أم الوطن ونحنا بدنا حدا يقدر........... |
اقتباس:
|
اقتباس:
موشي جديد أبدا والحكي ببلاش بكل مجالات الحياة مو بس السياسة يا حسرة... |
اقتباس:
طيب مين ابو للوطن ؟؟؟؟؟؟؟؟؟؟؟؟؟؟؟؟:? والمصيبة انو ما يطلعلو ............ اب ؟؟؟؟؟؟؟؟:shock: بكون الوطن ابن حرام :o :o :larg: ;-) |
| الساعة بإيدك هلق يا سيدي 06:18 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون