|
اقتباس:
بدك تبلشي معو من هو وصغير. مافيكي هيك فجأة, خبط لزق. تحطيه بمكان مو متعود عليه. مصيبة هيك. اذا البنت او الشب, مو متعودين على الاختلاط من هني وصغار. انك تخلطيهون سوا هني وكبار. هاي مو لمصلحتون, هني اولا. ومو لمصلحتك انتي تانيا. لانو ما بيعرفو يتعاملو مع بعض. ورح تشوفي الوساخة زادت اكتر. متل عالم (ما بدي سمي هلق, بس انت المفروض تعرفي قصدي) عايشي بمكان ما بيعرفو شي عن الجنس التاني, بس يجو على سوريا. هون المصيبة العظيمة, ببهدلو حالون, وبخلو العالم تقرف منهون. بينما لما الولد من وقت ما بيوعى بكون متعود على التعامل مع الجنس التاني, بصير في نوع من الاحترام الو. يعني هاد اي بيطلع معو. مانو بس للجنس. فيكي تشوفي معظم الطلاب اللي بمدارس مختلطة. بتكون نظرتون للجنس التاني, ارقى بكتير من اللي موجودين بمدارس للبنين او البنات. حتى بس يكبرو بضل تعاملهون بيتحسن اكتر, ووقت بوصلو لمرحلة انو يشتغلو سوا. بتكون نظرتون للجنس التاني, انو اوكي وين المشكلة؟؟ مافي. بينما لما ما بكون متعود. بتشوفيه بكون تفكيرو انو, يا ويلااااااااااااه بنت. لك لك ليك .... او انو لعمى ما ناقصنا الا شباب يشتغلو معنا. وبتشوفيه عيونو بالموظفة او بالمراجعة اللي اجت لعندو. بدال ما تكون عيونو بشغلو. وهكذا. وتحياتي. والجبنة عليكم, وزعتر الله وزيتاتو:clap: |
كلامك اوامر حبيبي منسق على راسي :gem: |
اقتباس:
اخي ابو العبد بصراحة ما قصرت بكل البهادل الي تحمم فيها مشرفنا العظيم بس سبحان الله في حكمة بتحكي لا تجادل بليغاً و لا سفيهاً . . فالبليغ يغلبك ، والسفيه يؤذيك واريد ان اعطي مما قراته كي يسترجع الاخ حاسة الشم لانه قد اتضح لي ان هذه الحاسة في متعطلة والدليل انظر الى توقيعه فهو يدل على المجتمع المتحضر الذي ينتمي اليه النار تأكل بعضها إن لم تجد ما تأكله - ومن لايُكرم نفسه لا يُكَرَّم - وإنماالأمم الأخلاق ما بقيت فإن هم ذهبت أخلاقهم ذهبوا --- ليس هناك أجمل من تجاهل أصحــاب الأخلاق الدنيئه و تـراهــم أنــاس أقــل مـنــك بالمســتــوى والقــيـمة لا يحق لك التعامل معهم و انك تظلم نفسك ان فعلتو تـجـــرهــامــن الــمــعــالــي الـى ما لا تســــتـحــق --- احترم الناس لكي يحترموك و احـتــرم مــن احــتــرمــك و مـــــن لايـحــتـــرمــــــك فــدع لـه الـدنـيـا من غيـرك |
اقتباس:
عزيزي فلتعش ابد الدهر هكذا وان مت فلن تجد حذاء يشتريكا |
اقتباس:
انا بأيد هالفكرة لانو انا عشتا وكانت يعني فترة حلوة وخلت الشباب الي معي بالصف الي كبرنا انا وهنن سوا من لما كنا صف اول يعتبرونا اخواتون متل اخواتون من امهون وابوهن يعني ما يطلعوا علينا بنات صفي حلوين تاعا لنحبلنا شي وحدة ابدا ماصار هيك شي ولا حتى حدا جرب وشوي بعارض الفكرة لانو بمجتمعنا العربي مارح تتحقق ابداااااااااا ولو ضلينا عم نحكي 10000 سنة بس ممكن تتطبق على الي داخلن الصف الاول بيكونو صبيان وبنات يخلوهون بنفس الصف ولا يدخلو عليهون طلاب جدد وهنن نفسون يخلوهون لالالا البكالوريا بس طبعا مع التوعيه بين المدرسة واالاهل يعني لازم البنت تحترم حالها تلتزم بلبس المدرسة والشب يعامل ابنت باحترام وكانها اختو طيب ليش المسيحية مع انون عايشين بمجتمعات عربية احسن من الاسلام بي خير الله وخاصة بهالشغلة يعني |
اقتباس:
بس نحن عم نقاش الفكرة وكيف فينا نحلا نورتي |
اقتباس:
هالشي مو بالضرورة يكون صحيح. بس الشغلة شغلة عدد. يعني بسوريا مثلا في 8.9 مسيحي. يعني يمكن بيطلعو شي مليونين. اغلبون درسو او عم يدرسو بمدارس مختلطة (مو الكل لاكن الاغلب) بينما الاسلام هني طبعا عددون اكبر بكتير. بس اللي دارسين بمدارس مختلطة, بتلاقي تعاملهون مع المرأة ما بيختلف عن تعامل المسيحي اللي دارس بهالمدارس. الشغلة شغلة انو تعودو انو يشوفو الجنس التاني, ويتعاملو معو بشي خارج نطاق الجنس. اما قولك انو هالشي ببلادنا مو ممكن. بالنسبة لهلجيل اكيد مو ممكن. حتى الجيل اللي بعدو اكيد رح يكون في نسبة مو زيادة منيحة بهالشغلة. لاكن اذا بلشنا نعود الصغار على هالشي. بعد جيلين بكون الاحترام المتبادل بين الجنسين ممكن, ومنكون نجحنا بهالشي. بس متل ما سبق وقلت, خبط لزق هالشي طبعا مو ممكن |
ياشباب طولو بالكون
خلونا بالموضوع وتجاهلوه |
تحية لكم أيها الأعزة
ايها الأعزة لماذا لا نرتقي قليلا في حواراتنا لماذا كل هذا الإسفاف في الحوار المفترض أن الكتابة في مثل هذا الموضوع نابع عن ثقافة و وعي أعزائي لنحترم جميعا شعور الآخر لماذا لا ينصب حوارنا حول الموضوع ثم نخرج جميعا بفكرة راقية أيها الأعزة و أخص بالحديث (willi) لك مشاركة جميلة أوضحت فيها وجهة نظرك مشكورا و لكن عزيزي أعذرني لماذا هذا الجرح لشعور الغير أيها الأعزة أكثر من موضوع كان من الممكن أنن نخرج منه بحوار راقي و لكنه ينقلب إلى مهاترات جارحة أطلت الكلام قليلا و لكن هدفي أن نصل بالموضوع إلى نتائج يمكن لنا الاستفادة منها ثم عودة للموضوع مازلت لم أتلق جواب للسؤال الذي سبق و طرحته لماذا تطالب بعض الجهات الأمريكية و البريطانية منع الاختلاط في الجامعات و هو المطبق في بعض الجامعات الأمريكية فعلا ، مع أنهم يربونهم عليه منذ الحضانة |
له له له
وهل انا سبيت حدا؟؟ ما بظن. هل تهجمت على الله؟؟ ما بظن. لاكن هني الشباب...... (املأ الفراغ بالكلمة المناسبة) عاملين حالون محامين عن الله. وبالفعل دافعو عنو بجدارة بالكلام اللي حكوه. فيك تشوف ردودهون وترجع تشوف ردودي. وساعتها تعا حاكيني بكل الاحوال. اقتباس:
يعني انو جامعة طلبت هالشي؟؟ انا شخصيا عايش باميركا وبدرس فيها. ولهلق ما سمعت شي من هالحكي. |
يسلم تمك willi حكيك متل الطابو يا معلم
الى الامام سر :D |
شكرا على ردك و هذا يدل على سعة أفقك
طوووول بالك ما أجمل من الابتسامة و أخذ الحياة برفق سأذكر لك التقرير قريبا فقد اطلعت عليه من فترة ليست بعيدة، و إن كنت متأكدا من المعلومة، و أنا أسأل مجرد سؤال عزيزي ما أجمل أن نأخذ الموضوع بهدوء و ابتسامة و أن نناقش الأحبة بطريقة راقية، و على قولك عايش بأمريكا يعني لابد من احترام الرأي و الرأي الآخر تحية عزيزي |
اقتباس:
ممكن يكون لانو هنن عندون حرية زيادة عن اللزوم وعندون البوي فرند شي عادي جدا فا بسبب هالعلاقات عم ينولدو اولاد غير شرعيين والاهالي ماعم يعترفوا فيون بس هي مشكلتون انو مافي توعيه دينيه او شي رادع يمنعون عن هالشي هاد بينما نحنا عنا ميادئنا الاسلامية الي اذا وعينا فيها اولادنا رح يرتدعوا ويصير عندون شي كتييييير عادي يعني بجو مختلط |
اقتباس:
روح الشاورما عليك وبندورة الله ومخللاتو ;-) |
اقتباس:
بندوراتو حمر ولذيذات :deal: تفقنا يالله مد الشرشف وجيب الدربكة وعالروزنا عالروزنا كل الحلا فيها :lol: |
اقتباس:
ممكن يكون في اسباب كتيرة لكلامهون. يعني مو بالضرورة معارضتون لشغلة الاختلاط بين المرأة والرجل. |
اقتباس:
شو كلو انا!! |
اقتباس:
|
انا ما باكل شاورما غير من عند التركماني او كريش. وهلق ما معي ولا فرنك.
خليها للاسبوع الجاي. |
اقتباس:
|
عزيزي( willi )
أرجو أن تأخذني بحلمك شكلك شوي عصبيو هدا مو كويس عشان صحتك هذه بعض التقارير التي استطعت الحصول عليها على السريع علما عزيزي أنني إلى الان فعليا لم اتبنى أي وجهة نظر و إنما أحاول صناعة حوار و إن ظهر من كلامي ميلي لأحد الأراء (منذ ظهور دراسة اليزابيث تيدبال في العام 1973م التي أكدت فوائد التعليم غير المختلط ونادت به ، فإن الدراسات حول هذا الموضوع تكاثرت بشكل كبير جدا ومؤيده في معظمها نفس نتائج تيدبال ، ولقد خلصت إحدى الدراسات الحديثة من جامعة هارفرد بأن المدارس النسائية وبمقارنتها بالمختلطة تحقق الآتي : ـ أهداف تربوية أعلى . ـ يحقق الطلبة فيها درجة أعلى من القيم الذاتية ودرجة أفضل لنوعية الحياة . ـ درجة أفضل في العلوم والقراءة . ـ التخلص من النظرة النمطية التقليدية تجاه العلاقة بين الجنسين. ـ درجة أقل من التغيب الدراسي ومشاكل عدم لانضباط السلوكي . ـ مراجعة منزلية أفضل ودرجة أقل من ضياع الوقت في مشاهدة التلفزيون . كما أن الباحثة بوني فير ـ بويست من جامعة غرب أونتارو في كندا تقول بأن التعليم المختلط يغش النساء بشعارات المساواة ، بينما الحقيقة تؤكد أن المساواة الحقيقة هي بالفصل وذلك لتمتع الجنسين بخصائص وامتيازات متباينة لا تركز عليها المدارس والجامعات المختلطة أكثر من التركيز على الخصائص والإمكانيات التي يتمتع بها الطلبة دون الطالبات ويصل إلى نفس النتيجة العديد من الباحثين والباحثات مثل الأستاذة ليزا رايرسون رئيسة جامعة ويلز والتي تزيد على النتائج السابقة بقولها إن الجامعة النسائية تزيد الثقة بالنفس والطموح عند طلبتها بعكس الجامعات المختلطة وتضيف البروفيسوره نانسي بيدي في دراستها المقارنة لمصادر النجاح في أكاديميات القرن التاسع عشر والمنشورة في المجلة الأمريكية للتربية في العام 1999م بأن سر النجاح يكمن في وجود المدارس غير المختلطة وبناء عليه تقترح زيادة الدراسة في إمكانية قيام مدارس على هذا النمط في الوقت الراهن بناء على معطيات متطلبات السوق . ولعل مثل هذه الدراسات قد فتحت آفاقا جديدة في أساليب التعليم ما حدا بحاكم كاليفورنيا بت ولسون بأن يخصص خمسة ملايين دولار لإنشاء عشر مدارس غير مختلطة كنوع من التجربة العملية للتحقق من النتائج وعلاوة على ذلك فإن بحوثا كثيرة منذ الثمانينات قد أكدت إيجابية ومنفعة الجامعات النسائية على وجه الخصوص ، فلقد ذكرت البروفيسورة ليزا ويندل من جامعة كنساس بالولايات المتحدة الأميركية في بحثها( الوصول إلى القضايا في الجامعات النسائية) العديد من البحوث الحديثة التي تؤكد النتائج السابقة والتي تربو على الخمسين بحثا وكتابا ، وتحققا من نتائج تلك الدراسات فقد قامت بدراسة فريدة من نوعها تقوم على أساس الزيارة والمشاهدة الميدانية حيث خرجت بنتائج باهرة مفادها أن المدارس النسائية تحقق التركيز على العلم أكثر وتحقق درجة أفضل من التوقعات والطموحات عند الطلبة وتحسسهم بأهميتهم الاجتماعية والروح القيادية العالية ، بالإضافة إلى التسلح الأفضل لمواجهة الحياة العملية بعد التخرج ، ولعله من المفيد أيضا الإشارة إلى دراسة البروفيسورة أميلي لانجدون من جامعة نور برت التي قامت بدراسة إحصائية كمية مقارنة بين الجامعات المختلطة والنسائية . وهناك الكثير من الدراسات الأخرى التي أجريت في دول متعددة تكاد النتائج نفسها مثل دراسة مارش ورو المنشورة في دورية australiian journal education في العدد الثاني لسنة 1996م ودراسة أما نويل جيمنز ومار لين لوكهيد المنشورة في دورية Educational evalunation and policy analisis . في العدد الثاني لعام 1989 والتي طبقت في تايلاند وصدق الرئيس الأمريكي جورج بوش أخيراً على مشروع قرار يقضي بمنع الاختلاط في المدارس العامة ، وتشجيعاً لهذا القرار الذي يقضي على وضع قائم منذ ثلاثين عاما، قرر إعطاء معونة مادية أكبر للمدارس التي تلتزم بتنفيذ هذا القرار وبالتأكيد فإن الرئيس الأمريكي لم يوافق على هذا القرار إلا بعد أن قدمت لـه دراسات علمية وعملية تربوية شاملة تبين صحة قراره البروفيسور الأمريكي ( اميليو افيانو ) وهو رجل القانون المتخصص في النظام التربوي في أميركا ذكر أن العديد من الدراسات تؤكد أن الفصل بين الجنسين في المجال الدراسي يساعد على اجتياز الفتيان والفتيات بصورة أفضل ، وأن الأولاد يفضلون الفصل في الدراسة حتى لا يتحتم عليهم الالتزام ببعض التصرفات أمام الفتيات ، وكذلك الفتيات يفضلن هذا الأمر حتى لا تضطررن إلى التزين قبل الذهاب إلى المدرسة ؛ لأنه يضيع وقتهن ويعرقل تقدمهن الدراسي . الجمعية الوطنية لتشجيع التعليم في أميركا أيضا عرضت الدراسات التي قامت بها جامعة ( ميتشغان ) و التي تؤكد أن الفصل بين الجنسين في المدارس يعطي نتائج أفضل في المستوى التعليمي للبنات وللأولاد وتقول الخبيرة التربوية «كريس ما يكل » : لقد نجحت التجربة بصورة أفضل بكثير مما كنا نتوقعه مما يغري المزيد من المؤسسات التعليمية الأمريكية بتبني هذا النمط من التعليم، وهو ما حدث بالفعل؛ فلغة الأرقام تشير إلى أن (12) ولاية أمريكية تتبنى سياسة الفصل بين الطلاب والطالبات، والعدد مرشح للزيادة بعد أن اكتوى الأمريكيون بنيران التعليم المختلط) آسف للإطالة و لكن أحببت أن أذكر بعض هذه التقارير و الدراسات بالنص و شكرا عزيزي willi و هل من الممكن أن أطلب منك طلب خاص أن تزيل هذه التحية التي تضعها في الأخير |
GMC
Willi بليزززززززز شباب مابدنا نططلع برات حدود الموضوع اذا بتريدوووووووووووووووووو ممكن ولا مو ممكن |
اقتباس:
هاي دراسة ومو تطبيق او قانون يعني ما صار شي من هالنوع ابدا |
انو بدايتا. معلم انا ابدا ما عصبت.
ما بعرف من انو رد استدليت اني معصب. بس بكل الاحوال. معلم متل ما قال جي ام سي هاي دراسات ممكن تزبط وممكن لاء. ومتل مافي دراسات بتأيد فصل الشباب والبنات في ظاهرة تانية بتأيد جمعهون. بس لاحظ الفرق بين الدراسات. الدراسة اللي بتأيد الفصل. بتحكي عن ارتفاع مجاميع البنات. ومعدلاتهون. اما الدراسة اللي بتأيد الاختلاط, فهية بتحكي عن احترام متبادل بين الجنسين, ووعي تام انو هالجنس بيطلع معو متل ما بيطلع نحن معنا, واكتر. الاولى ممكن نحققها بكون البنات بمدرسة مختلطة. بينما التانية كتير كتير صعب نحققها بكون الشب او البنت بمدارس خاصة, لانو بكل بساطة هني ما عم يتعاملو مع بعض. هلق في شغلة تانية. مافينا ناخد المجتمع الاميركي (هاد اللي انا عايش فيه وبعرفو مشان هيك بحكي عنو) على انو مجتمع كامل. ففي كتير من الاحيان الرجل الو افضلية على المرأة, والمرأة بتتعامل بطريقة مختلفة عن الرجل. وبكتير من الاحيان بفهمو المرا انو هية اقل قدر من الرجل. لاكن بالنسبة لتعاملون مع المرأة فهني ارقى مننا بمليون مرة. الدراسات اللي ذكرتها انت, ما ناقشت عوامل التانية. وهالشي خطأ. في عوامل كتير بتأدي لتراجع مستوى الطالب. دراسيا. كتير فوق ما ممكن نحن نتصور. هالدراسات ما اخدت غير كون البنات بمدرسة لحالون. وكمان هالدراسات انعملت نسبة للمجتمع الاميركي. اللي بيختلف كتير عن مجتمعنا. بس انا كوني كنت بمدرسة مختلطة, وبعرف رفقات من مدارس غير مختلطة. فيني قلك انو هالتجربة بسوريا ناجحة جداً. نحن ما بدنا نكون متل الاميركان. نحن منسعى لنكون افضل منهون. ;-) |
اقتباس:
معصب او متعصب:p |
هو انا دخلت لرد على الموضوع لقيت الموضوع طاير لغير منحى
الانسة كانت عم تحكي على الاختلاط بالعمل وانتو قلبتوها للاختلاط بالمدارس وانا شايف انو كل واحد موضوع اكبر من التاني ما بيسعو بموضوع واحد بالنسبة للأختلاط بالعمل شغلة حلوة ومفيدة للجنسين بس انو يكون بنسب متقاربة مو متل ما صار معي بالزمان حطونا بغرفة كلها بنات بالنسبة للتعليم برأيي بمرحلة البلوغ لازم يكونو منفصلين لانو مرحلة حرجة |
اقتباس:
الله يسامحك شو خليتي لغيري لكن. اقتباس:
|
عم يختلطو بالابتدائي والبجامعة بيكفي
|
اقتباس:
بينما المجارس الخاصة يعني مو الحكومية مختلطة وكلنا منعرف ليش :D |
اقتباس:
فى النص ينفصلوا ليه |
اقتباس:
|
اقتباس:
اقتباس:
|
اقتباس:
|
لانو انا قلت ليه بالرد الاول
:D |
اقتباس:
بس لاتنسى ان الممنوع مرغوب لو يفضلوا سوا بكل المراحل مش هيبقى فى اى مشاكل احسن من اللى بيحصل دلوقتى الشباب هيموت ويدخل الجامعة مش حبا فى التعليم ولكن بحثا عن الجنس الاخر |
مرحلة المراهقة بين 13 وال18 بتكون حرجة مو لشي بس بسبب غياب الكادر التعليمي المؤهل لهيك مرحلة
هللأ من جديد في بوادر انو المدرسين لازم يكون معون دبلوم تربية بالاضافة للقسم الخاص بالمادة ولبين ما يتبدل الكادر التعليمي ويعمل شي يستاهل الثقة ممكن وقتها ليش لاء بعدين شب عم يدخل الكلية ليعمل علاقة !!!!!! اي شو يعني على الاقل بيكون اوعى من ابو ال15 سنة |
اقتباس:
:D :D |
:D
اقتباس:
|
اقتباس:
ياعيني عليكي يا ماروووووو نظريتك مزبوطه 100 % هاد الي كنت بدي قولوا يعني بعيدو البكالوريا 3 مرات وشو ماجبلون مجموعون بدون يفوتوا ولو معهد قبلو رح يدخلو معهد |
اقتباس:
اي بس انشاء الله تتطبق هالفكرة لانو عنجد رح نوصل ليوم انو لا تطاق فيه البشرية رح نرجع متل ماقبل الجاهلية انو بيفكرو بالمرأه للجنس وبس |
| الساعة بإيدك هلق يا سيدي 04:44 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون