|
اول شي شكرا لكاتب الموضوع. تاني شي انا ما بايد فكرة الزواج المدني لانو عواقبو وخيمة طبعا هاد راي الشخصي..والله ينور طريق الكل.:D |
يبقى الزواج المدني أفضل ألف مرة من الزواج التقليدي الذي يجبر أحد الزوجين على تغيير دينه..
و تبقى المشاكل اللاحقة مرتبطة بطبيعة كل شخص و مدى تقبله للأخر . و هي مشكلة أعم وأعمق من مجرد زواج مدني ويمكن هذه هي مشكلتنا في المجتمع العربي تقبّل الاخر |
انا مع الزواج المدني وبشوف فيه حل لكتير مشاكل وتقريب لكتير اطراف
وشكرا لصاحب الموضوع :D |
الزواج المدني.."تكريس لحرية الإعتقاد"..و يجب أن يكون موجودا في سورية.. :D
|
انا ضد الزواج المدني :pos:
ما بتدايق اذا اتطبق عنا بسوريا لان لازم يكون في حرية شخصية بس انا مستحيل فكر اتجوز بهيك عقد لان اذا بدي ارتبط بشخص من ديني فأنا بفضل يكون العقد مقدس و متصلى عليي لحس بقدسية العلاقة أكتر. اما اني فكر اني ارتبط بحدا مو من ديني فهي صعبة اذا ما بقول مستحيلة مو مشان شي انا بحترم كل الاديان بس لما بدي جيب ولد رح يكون دينو متل دين ابوه حسب القانون عنا و بهيك رح اظلم شوي ولادي لان ما رح اقدر علمون دينون صح و اذا بدي علمون ديني ح يضيعوا شوي او لبكون و يمكن كتير مو شوي هاي غير عن كتير عادات مختلفة مو بايدنا نغيرا مشان هيك لما ما بيكون في زواج مدني اي وحدة رح تفكر 100 مرة مو بس 10 مرات قبل ما تختاراحد مو من دينها |
يعني ضروري
يوجد أسئلة كثيرة مطروحة في تعليقات وآراء الآخرين، ولكن ...
مو ضروري نكمل مع الأولاد ( المولودين) من الزواج المدني على فكرة دين مين لازم يتعلموا.. إحدى غايات الزواج المدني إلغاء فكرة دين مين لازم يتعلموا الأولاد أو ع أي دين لازم يتطلعوا يتطلعوا على الحياة... ويشوفوا شو فيها ... الاتفاق بين الاختلاف يعني احترام للاختلافات جميعها وهيك بيصير ع فترة زمنية معينة موضوع الدين عنا هون بالمنطقة أخف بكتير من الاحتقانات الموجودة حالياً وتمهيد لعودة التسامح المفقود منذ فترة معينة |
اقتباس:
او في واحد منكم بيرضا انو ابنو يكون مو من دينو؟ بربك بدي الصراحة و ما حدا يضحك على حالو ! ما تفكر اني عندي تعصب لديني او شي بس انا بحب علم ابني ديني من هوي و ضغير و بتوقع اغلب الناس هيك . هلا اذا اتنين من دينين مختلفين ارتبطوا بجوز سهلة عليهم انو يعيشو سوا لان بيعرفوا كيف كل واحد يحترم التاني و يتعايش مع عاداتو و اراءو بس لما بيكون في ولاد و بدون يربون رح تكون مشكلة و هيي عند الاولاد قبل اهلن :D |
اقتباس:
في المنطقة العربية ؟؟ حتى و لو لم يكن الطرفان متدينان و لا يكترثان للأولاد ..الأرقام تتحدث .. و إذا سمحتم لي الزواجات المختلطة بين اطياف المسلمين انفسهم تبدو غير ناجحة ..و إذا عدنا لنصوص الإنجيل فعند بدء انتشار المسيحية سمحت كلمة الله إذا اعتنق احد الطرفان المسيحية و بقي الطرف الآخر على ما هو عليه ان تبقى الزوج او الزوجة معه ..لكنه نهى عن الزواج من شخص غير مؤمن منذ البداية ..قد تبدو هذه المشكلة قديمة بنظر البعض لكن حتى في الصين اليوم هناك هذه المشكلة .. |
"اللي ما بياخد من ملته بموت بعلته "
هادا متل قالوه من زمان انا ضد الزواج المدني لاكن بالنسبة للشرائع السماوية بالنسبة للاسلام يحق للرجل ان يتزوج مسيحية او يهودية و لاكن لا يصح العكس اي الانثى المسيحية او اليهودية تتزوج مسلماً و هذا المطبق بسوريا الان و شكرا على الموضوع |
اقتباس:
للتوضيح فقط طيب اذا حطوك مشرع برايك هاد الحكي صح |
اقتباس:
و عفوا على الغلط الانثى المسلمة لا يحق لها ان تتزوج مسيحيا او يهوديا وهذه من الشريعة الاسلامية |
اقتباس:
او هنن مانون من البشر بعدين اذا حبو بعض شو الحل؟؟ افضل حل هو الزواج المدني |
اقتباس:
|
انا بأيد الزواج المدني و بتمنى انو يتحول لواقع عنا بسوريا , الزواج المدني بيحل مشكلة بتوقف بطريق تنين ما بيفرقون إلا اختلاف الديانة.و الف شكر الك كيفن:D
|
يشكر صاحب الموضوع على هالموضوع الحلو الي بيجمع اراء الاعضاء كلها انا من ناحيتي ضد الزواج المدني لانفرض انو الشب المسلم اخد بنوتة مسيحية وجابو اولاد......... بس الاولاد على انو دين بدون يتربو اذا قلنا الاتنين هون االاولاد رح يضيعوا ووممكن يختارو الدين المسيحي مو مسموح الون انو يتسجلو بدين مسيحي لانو الاب مسلم انا مو ضد المسيحية بالعكس لو بيصير انو المسلمة تاخود مسيحي لحتى اخود مسيحي لانو عنجد المسيحي بيكون متفتح وعندو بعض العادات الحلوة مثلا بينظر لا لا البنات الي بدها صداقة كصديقة والي بدها حب كحبيبة وووو الخ بس لازم البنت لما بدها تاخود مسيحي تتخلى عن ديانتها او هو يتخلي عن ديانتو وهاد شي ولا حدا من الطرفين بيقبلوا لانو مافي حدا بيتخلى عن قيم ومبادئ تربو عليها وعاشوها لبين ما وصلو لهل عمر فا متل ما قال حميدو الي مابياخود من ملتو بيموت بعلتو يعني لو فكرنا فيها منيح منيح لغيرنا راينا او غيرنا عادات وتقاليد المجتمع العربي كلو بكوننا شرقيين وبعدين بنبقى منطبق هالموضوع لانو نحن اجيال اجيال لا اجيال لا اجيال عاشو بهالعادات والتقاليد يعني لو يغيرو فكرة انو المسيحي ممنوع ياخود مسلمة او لنفرض انو حب يغير دينو لحتى يصير مسلم بيهدرو دمو والبنت نفس الشي حتى الاسلام اذا غير دينو بيهدرو دمو بس نحنا عنا مو مسموح انو نغير دينا حتى بالاسلام مابياخدو من المذاهب التانية هلاء انا سنية اجي حب واحد شيعي اهلي مابيقبلوا لانو عندون عادات وتقاليد غير السنيين يعني بدنا نجاري الواقع وممكن بيوم من هالايام يصير هالشي وانا بكون مع هالفكرة انو تتطبق لما المجتمع الشرقي بيطور عقلو |
اقتباس:
|
اقتباس:
وبالاخص شغلة زيادة العدد بصفوف المسلمين طيب ليش البنت المسلمة لما بتتزوج من مسيحي او يهودي او حتى وثني او بوذي يهدر دمها اليس في هذا طعن في حرية المراءة؟؟ فعلا دوكة طويلة |
هلاء كوستا ونيرفانا نحن مارح ندخول بنقاشات دينية ومو قصة زيادة عدد صفوف المسلمين بس ل افرضلكون مثل انو الواحد بيكون بواب وبيترقى بيصير موظف وبيترقي وبيصير مدير قسم هل يقبل ان يرجع لوضعوا الاول اكيد لالالالالاءءءءء ماهيك والديانات نفس الشي وبعتقد مذكورة بكل الكتب السماوية انو اول ديانة كانت اليهوديه بعدين المسيحية وبعدين اللاسلام طيب طيب سؤال خطر على بالي هلاء المسلمات ما بيقدرو يااخدوا شب مسيحي طيب هل البنت المسيحية بتقبل تاخود شب ديانتو يهوديه كمان اهلا رح يهدرو دمها بقا الله يرضا عليكون ما بدنا نفسدلو لا كيفين الموضوع ويحذفوا كرمال ما يقولو انو صار في طائفية وديانات و من هالكلام وبالاخير كل واحد على دينو الله يعينو |
اقتباس:
طيب شو القصة لكان ؟؟ اما عن البنت المسيحية اي بتاخد شب يهودي ومسلم وشو ما كان دينو وانا شفتوا ولمستو بعدين ردي انا ما كان طائفي وانا بعيد عن الطائفية اصلا انا شيوعي وما بآمن بالدين كلو بس انا بكره التطرف شو ما كان نوعو او مصدرو |
انا ماقلت انو ردك كان طائفي وبعتذر اذا هيك فهمت من كلامي المسلمة مافيا تاخود غير مسلم كرمال الاولاد يتربو تربية اسلامية ولا نو الي بتاخود مسيحي بتنعد مرتدة عن دينها لانو الديانة الاسلامية هي اخر الديانات والي بيرتد عنها بيكون كافر مع احترامي لكل المسيحيين بس انا عم قول المرتد عن دينو وحتى المسيحي لما بيرتد عن دينو لليهودي بينعد كافر بس ما بيقولوا مرتد لما بيدخل الدين الاسلامي لانو تقدم خطوة ما رجع خطوة واكتر من هيك مابعرف اسال المشايخ او الخوريين وهنن بيقولولك ليش بالزبط |
بنوتة حلب
اقتباس:
انا بعرف كتير بنات اسلام اخدين شباب مسيحية وحتى يهود وسوريين بالنسبة لتربية الاطفال وقت بيكبروا المفروض يكون الهن الحق باختيار الدين اقتباس:
مافي شي اسمو مرتد ومافي شي اسمو كافر اقتباس:
يعني اذا اسلم الواحد بيتقدم خطوة؟؟:o يعني بقية الاديان بترجعوا لورا:shock: :shock: هاد الحكي ما بيزبط باي شكل من الاشكال اقتباس:
لانو كل واحد بشد اللحاف صوبو |
:clap: :clap: :clap: :clap: :larg:
|
سلامات للجميع
اني احترم كل الاراء التي طُرحت في هذا الموضوع. ولدي سؤال ليش كل واحد ماعندو الحرية في اختيار الذي يناسبه. . ولكن الى الان حرية الاختيار غير موجودة. علما ان الزواج المدني لا يلغي الزواج الديني . يعني ممكن يصير الاثنين او بس الزواج المدني. |
اقتباس:
|
اقتباس:
مرحبا احببت رودك بس ما متأكدة بصحة مالمعلومة. وعلى هويتي (قديمة) مكتوب الديانة. بس اذا متأكد من كلامك....يا ريت تخبرني اكتر على الشي.. |
اقتباس:
|
اقتباس:
|
إذا كان بيسمح بالزواج من أربعة:o يا أهلين وسهلين:p
طبعاً عم إمزح:larg: الزواج المدني عنا بسوريا صاير عادي جداً جداً وموجود...لذلك الله يهني سعيد بسعيدة:deal: |
اقتباس:
انا ما قصدت هالشي الي فسرتو انت انا فرضتلك اقرب مثال للتشبية وبعدين اذا ضلينا عم نحكي بموضوع الديانات لا انا رح فيني اقنعك ولا انت رح فيك تقنعني وشكرا الك لتجاوبك وردودك وبعتذر عن اي سوء فهم بكلامي |
اقتباس:
الزواج المدني :? عنا بسوريا :? من وين عم تجيبو هالحكي لا عتب على اللي برا اذا صدق:shock: |
اقتباس:
بيصير المسلم يتزوج مسيحية بس العكس ما بيصير الا ليغير دينو الشب ويصير مسلم هللأ هو صحيح في كتير شغلات متل حبر على ورق بس انت بدك الامر من الناحية القانونية واللا الواقعية اقتباس:
|
اقتباس:
انا ما بدي نقاش بالدين منوب لانو وجع راس عالفاضي انا بعتبرو وموضوعنا عن الزواج المدني .... يعني مدني بحت .... مشان تخلص العالم وترتاح من شغلة حاجز الدين وانت قلتي سؤال وخطر على بالك ومشي الحال ....... هلأ منرجع للموضوع الاساسي ..... الزواج المدني انت بتشوفي مناسب للشب والبنت يللي كل واحد من دين طبعا بغض النظر عن معرفة ديانتهم ...... او اذا كانو من نفس الديانة ...... لانو بتصير وصارت حتى كمان وانت حرة فيكي تجاوبي او ما تجاوبي |
انو كوستا اذا من دين واحد شو اللي بيخليون يتزوجو مدني؟ :?
|
اقتباس:
بكونو التنين من دين واحد على الهوية فقط وما عندون ايمان بهيك شغلات ( الدين ) الطريق الوحيد يللي امامون هو الزواج المدني لانو اذا راحو لعند شيخ مشان يقراوا الفاتحة او راحو على الكنيسة مشان يكللو وهنن غير مؤمنين بالدين ما بتزبط معون وصلت |
اقتباس:
فيك تقول مظاهر اجتماعية مااكتر |
اقتباس:
كل زيجات عليتنا هيك صارت :yahoo: ولما مرة ماشفت شيخ عم يقرا فاتحة...... بحسها شغلة افلام بس :oops: بكل الاحوال برجع بقلك انا مع الزواج المدني مية بالمية وياريت لو يطبقوه بسوريا :cry: |
اقتباس:
انا بعتبرها انو الحل وبجوز يكون متل ما قلتي مظهر اجتماعي بس انا ما بعتبرو هيك |
اقتباس:
وانا المحامي تبعي كتير عندو هيك حالات وانا معك مية بالمية :D |
| الساعة بإيدك هلق يا سيدي 15:08 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون