|
اقتباس:
انبحاتي :? ................منين عفشتيها هي:D |
و في كتير بالغرب بدون يتزوجوا الإنسانة ياللي بيرتاحولها و بيريدو يمضّوا باقي حياتهم معها بدون ما يكون للإنجاب أي أهمية بذلك ....... المهم حياته للشخص نفسه ......[/quote] بالعكس تايغر بالغرب بيعنيلن شي كبير إنجاب طفل و بيولو الموضوع اهتمام كتير بس الفرء انو بصير عندن تفكك أسري بمجرد إنو الولد يكبر ويوعى لحقو بإستقلاليتو عن أهلو. |
اقتباس:
أول الغيث .. ما هادا الحكي .. بشو غير مثلا .. |
اقتباس:
لا ابدا نيرفانا .. ولا في نسبة بين اهمية الانجاب بمجتمعنا .. واهميتة بالغرب ,, انا بتفق مع تايغر تماما .. والدليل انو هون بالغرب .. ما بيفكرو حتى انهون ينجنبو .. الا بعد ما بيكونو متزوجين والهون كذا سنة .. الانجاب بالغرب هو تكملة .. وليس اساس كما هو عنا .. بعد شهرين اذا ما حملت بروحو فيها على الدكتور انا شخصيا بعرف كذا علاقة زوجية .. بدون اطفال .. وسعيدين جدا بحياتهون .. المبدء بالزواج هو البحث عن الطرف الاخر .. او النصف الاخر ان صح التعبير ,, وليس الانصاف الاخرى .. مع احترامي الشديد الك .. ودمتي |
اقتباس:
ما بعرف ربما ياللي عم نحكي عنه بيختلف من بلد لآخر لكن حسب خبرتي بأوروبا ...... اتفق تماما مع (مايا )......:deal: بشكل عام ما عندهم التنظيم الإجتماعي الموجود لدينا ...... يعني ما في أهمية كبيرة للعائلة متل ما هي هون بالشرق ...... بيهمون اكتر عيشتهم الخاصة و إنو يكونوا مبسوطين بحياتهم الخاصة ..... و الأولاد بالدرجة الثانية ..... و متل ما قالت ( مايا ) في كتير متزوجين بعرفهم و ما بدهم أولاد .... لأنو العناية بهالأولاد كتير صعبة بالغرب .... فـ بيعتبروها متعة زائدة لا لزوم لها ...... فهم بيفضلوا يضلوا عايشين مبسوطين و بدون مسؤوليات ..... الشغلة التانية بالغرب ياللي ما بتخلي المرأة تحس بالعمر ...... هي كترة الإرتباط و الفك من هذا الإرتباط ...... يعني قديش ما صار عمرك بتقدري تلاقي نصفك الآخر ..... و بتلاقي كتير من النوادي و المطاعم و البارات مخصصة لأعمار معينة ممكن توصل للـ 50 و 60 ...... دائما في ( الماتش ) اللي ممكن تلاقيه و في كل عمر ..... بس عنا ( يا حسرة عليكم يالبنات ) الزواج الأول بتقدري بتعتبريه ( على الأغلب ) هو العلاقة الأخيرة ...... طبعا أنا ماني عم شجع على الطلاق لكن أكيد مرات كتير بيفشل الزواج لأسباب كتيرة المرأة ما بتكون واحد منها , لكن المرأة فقط هي ياللي بتتحمل الوزر الكبير ( تخلّف ) بهال فشل , أما الرجل ممكن يتزوج كمان مرة و اتنين و ثلاثة ....... آسف أمرأة من ورق إذا طلعنا من الموضوع لكن حسيت بضرورة لردي ..... |
المبدء بالزواج هو البحث عن الطرف الاخر .. او النصف الاخر ان صح التعبير ,, وليس الانصاف الاخرى .. مع احترامي الشديد الك .. ودمتي [/quote] اهلين مايا:D اللي بيسمعك مايا بفكر اني من مشجعين هالفكرة وأنا العكس تماماً أنا من الناس يللي كلمة طفل ما بتهز فيهن شي فيما يخص مسألة الإنجاب طبعاً وانا مع إنو الشخص يفكر بحياة سعيدة حتى لو بدون أطفال بس أنا لساتني عند كلامي إنو بالغرب بيهتمو كتير بمشروع إسمو طفل. وسلامي إلك مايا:D سامحينا إمرأة من ورق .:D |
[quote=tiger;522569]عزيزتي نيرفانا ......
ما بعرف ربما ياللي عم نحكي عنه بيختلف من بلد لآخر لكن حسب خبرتي بأوروبا ...... اتفق تماما مع (مايا )......:deal: بشكل عام ما عندهم التنظيم الإجتماعي الموجود لدينا ...... يعني ما في أهمية كبيرة للعائلة متل ما هي هون بالشرق ...... بيهمون اكتر عيشتهم الخاصة و إنو يكونوا مبسوطين بحياتهم الخاصة ..... و الأولاد بالدرجة الثانية ..... وأكيدهاد الصح برأيي طبعاً و متل ما قالت ( مايا ) في كتير متزوجين بعرفهم و ما بدهم أولاد .... لأنو العناية بهالأولاد كتير صعبة بالغرب .... فـ بيعتبروها متعة زائدة لا لزوم لها ...... فهم بيفضلوا يضلوا عايشين مبسوطين و بدون مسؤوليات ..... بيني وبينك وهون صعبة كمان ... الشغلة التانية بالغرب ياللي ما بتخلي المرأة تحس بالعمر ...... هي كترة الإرتباط و الفك من هذا الإرتباط ...... يعني قديش ما صار عمرك بتقدري تلاقي نصفك الآخر ..... هي رح تنسر فيها صاحبة الموضوع بس عنا ( يا حسرة عليكم يالبنات ) الزواج الأول بتقدري بتعتبريه ( على الأغلب ) هو العلاقة الأخيرة ...... هاد الشي متوقف على شخصية الفتاة ونمط الحياة يللي بتختارو لنفسها ومشكور تايغر:D |
شكر كبير لكل اللي مرو بالموضوع وقالو رأيون :D
وانا مابعتبر طلعتو عن الموضوع لانو كلشي حكيتوه بيصب بشكل او بتاني بموضوعنا [quote=نيرفانا;522720] اقتباس:
صح انو انا مع فكرة انو الانثى بتضلها انسانة والمفروض تكون قادرة تلاقي النصف الاخر باي عمر لاني كمان مع التقارب الى حد مابعمر الزوجين يعني بحسها فكرة غبية انو رجل مثلا بالاربعين يدور على بنت عمرها يادوب عشرين لحتى يتزوجها...... بس انا كمان ضد فكرة كترة الارتباط والفك من الارتباط....... بتمنى تكون هي الفكرة اللي بذهنك عني لما حكيتي هيك :D وجب التوضيح :D |
[quote=امرأة من ورق;524191]شكر كبير لكل اللي مرو بالموضوع وقالو رأيون :D
وانا مابعتبر طلعتو عن الموضوع لانو كلشي حكيتوه بيصب بشكل او بتاني بموضوعنا اقتباس:
لأنو حلنا نتعامل مع أمور المرأة بمرونة هاد حقها الطبيعي وأنا ضد إنو المرأة أصلا تطالب بحقوقها من الرجل لأنو مو هو المخلّص يللي رح يمنحها هالحقوق . بتمنى يكون انحل سوء التفاهم لأني بحترمك كتير وبعرفك شخص واعي:D :D وشكراً لمرونتك معنا وتفهمك إنو النقاش بموضوع بيفتح الأبواب لمواضيع تانية:D |
اقتباس:
واكيد هلأ توضحت الامور وبدي اشكرك على فكرة انو المرأة مالازم تطالب بحقوقها من الرجل او غيرو لانو اذا ماقدرت هيي كشخص تتجاوز اي عقبة مارح يكون في اي انسان قادر يطلعها من المشكلة او يعطيها حقوقها :D |
اقتباس:
ماني مع الزواج المتأخر ... فرق الأجيال بين الأولاد ... الفترة العاطفية والجنسية اللي رح يعيشوا الزوجين ... كلا رح تتأثر ... :? |
انا ما عندي مشكلة انو آخدوحدة بالثلاتين بس المشكلة انو معظم بنات التلاتين بتكون اذا صارفة هاد الوقت بالدراسة والشغل بيكون على الاغلب انو عندها شخصية ناضجة متبلورة بتعرف شو بدها وما بينضحك عليها
بيكون شافت كتير تجارب فشلت قدامها ومو مستعدة تفشل بزواج عرفانة لوين رح يوصلها بقى بتكون حذرة بيكون بدها رجال بموصفات معينة ترتاحلو بعدين بيكون بدها حب يعني مو معقولة تصوم تصوم وتفطر على ........ هاد الشي على الاغلب ما بيناسب العقل البلدي ما بيناسب الحماية المعتقة انو تجيها كنة قوية ما بيناسب الرجل اللي بالع طربوشو كل هي الاسباب المرئية والغير مرئية بتقلص فرصة زواج بنت ال30 بقى منشان هيك بيقولوا يا حرام صارت بال30 وما تزوجت تعقيب صغير بعرف حالي اني طولت بالحكي العمى شو بكر:p انو الشباب عم يقارنو مع المجتمع الغربي هونيك المرأة عندها حرية جنسية بقى ما رح يأثر عليها اذا اتزوجت بكير او متأخر |
اقتباس:
اول شي ابو مزيد مو كل البنات اللي وصلو للتلاتين صارفين وقتون بالدراسة والشغل..... في منون صارو بالتلاتين ولسه قطط مغمضة بكل معنى الكلمة يعني لادرس ولا شغل ولاطلعة ولافوتة ولاشي وبعدين بصراحة اللي حكيتو لسه اخطر من اي شي تاني :cry: يعني الشب عنا مابدو انسانة يكون عندها شخصية...... بدو بس وحدة تخدم عليه وتريحه لا اكتر ولا اقل:cry: ياحرام يابلدنا ويابنات بلدنا شو صاير فينا |
اقتباس:
معناها على الاغلب (مو الكل)عندون مشكلة بشكل او بآخر بالنسبة اللي حكيت انا عنهون يا ريت تقرأي شو كتبت منيح لانو حاسس انو التبس عليكي كلامي |
اقتباس:
انت حكيت انو انت ماعندك مشكلة ترتبط ببنت بالتلاتين...... بس بشكل عام البنت اللي بتعمل لحالها شخصية من خلال دراسة وعمل عم يصير عندها مشكلة لانو المجتمع من حماة لشب (غيرك انت يعني لاني مافهمت انو قاصد حالك بالكلام بس انو بشكل عام الشباب عم يفضلو البنت اللي شخصيتها ضعيفة نسبيا) او انو اصلا ماعم تلاقي شب مناسب لانو الشب اللي بناسبها من ناحية العمر والتعليم والشغل عم يدور على اصغر وبيضل اللي بيطلب الارتباط ببنت متل هي هوي اللي عند وضع متل انو مطلق ارمل او.... او.... وبالتالي فعلا ماعم تلاقي هيك بنت شخص بيناسبها هلأ انا هيك فهمت من كلامك واللي هوي كلام منطقي وشائع كتير بمجتمعاتنا..... بس فعلا مشكلة :cry: بكل الاحوال اذا كنت فهمت كلامك غلط بتمنى توضح :D |
فدهش محمد من نباهة امراة من ورق:p
لا مزبوط اي انا هيك بالضبط قصدت :oops: سوري:D |
اقتباس:
|
انا بالنسبة الي عمري 28 مابيهم انه الامراءة الي اتزوجه تكون باي عمر كانت حتى لو كانت بالخمسين وانا احكي هذا الحكي من داخلي وبقناعة تامة . لاني عندما اتزوج بامرءة فانني ابحث عن نصفي الاخر انسانة بتفهمني واحس معاها بالقوة اكثر حتى اكافح للنجاح بالحياة الصعبة , انسانة احس معاه بالسعادة بكل لحضة انسانة احس انه فاهمتني . مابيهمني المجتمع ونضرتوا فان عدو للمجتمع واذا اعترض المجتمع فمشكلتوا وخليه يصحح حالوا بالاول . اهم شي انه انا معاي نصفي الاخر :hart:
|
اقتباس:
|
اقتباس:
على كللا جارتنا عمرها 48 سنة عم ادور على عريس بس حاطة شرط انو يكون فيرجن متلها |
مرحبا امرأة الورق العزيزة....
انا معك..انو الانثى بالتلاتين بتكون بقمة العطاء...و بتكون بقمة الخصوبة ايضا....و بتقدر تعطي و تعطي و تعطي...و اكيد فكرة انا عنست بالتلاتين هي فكرة مغلوطة تماما....بس في شغلة..... انو كانوا عم يقولوا انو المرأة بتضل قادرة على الانجاب حتى سن الاربعين او 42 ...بيجوز هالحكي صح...و بيصير بس....بتبلش بتزداد نسبة التشوهات عند الجنبن و يزداد الخطر عليه كلما اتجهت المرأة بالتلاتينات....و بيقولو الاطباء انو السن الافضل للانجاب هو بين 25-32 وحتى افضل اذا كان بين 25-30 افضل للام و للجنين طبعا....يعني لما بتصير الام بسن الاربعين..يزداد خطر انجابها لولد مصاب بتناذر داون (اللي هو المنغولية) 40 ضعف....فتخيلي..؟؟؟؟ فضلا انو الام اللي عمرا 40 مثلاو بتجيب ولد لما بيصير عمر ابنا 20 هي بتكون صارت 60؟؟يعني كيف بدا تقدر تفهموا و صاروا من جيلين متباعدبن جدا..... انا مع الانجاب المبكر(يعني بين 25-30) لهي النقاط بس....بس اكيد انا مع انو البنت بتكون بعز انوثتا بسن التلاتين.... تحياتي امرأة الورق المميزة دايما:D |
اقتباس:
بغض النظر كيف ينظر المجتمع لدينا للمرأة ... إلا أن المرأة وبرأي الشخصي في سن الثلاثين قد إكتسبت الخبرة اللازمة للحياة كي تنتطلق إليها وهذا يعني بدايه العد التصاعدي وليس التنانزلي... هادا فعلا متل ما قلتي رأي .. حتى الرجل بيكون ناضج بعمر 30:sosweet: أو 32 تقريبا .:sosweet: |
اقتباس:
|
اقتباس:
بس منشان فرق العمر بين الولد واهله انا فعلا مابشوفها مشكلة اذا كانو الاهل متفهمين وعرفو يتعاملو مع الولد على انو صديق اما اذا ماكانو متفهمين برأيي انو بعمرون مارح يعرفو يوصلو لهي العلاقة الحلوة حتى لو كان الفرق مابيتعدى العشرين سنة...... يعني اللي بحدد هي العلاقة هوي الوعي عند الاهل وبرأيي هاد بيزيد مع زيادة فرق العمر ومابينقص..... واحكي عن تجربتي انا.... احسن صديق الي بالدنيا كلها هوي البابا مع العلم انو بيني وبينو حوالي 38 سنة واللي ممكن اعتبارو فرق كبير نسبيا اما منشان التشوهات ومشاكل الحمل المتأخر الصحية..... هي ممكن تكون مشكلة الى حد ما بس كمان بتفوت بالاحتمالات...... ومو عدل نظلم انسان (هون الانثى)كرمال احتمال انو يكون في وضع مو طبيعي بالولد |
اقتباس:
|
هلا ب امرأة من ورق
قررت بلش انبحات:lol: بس مخفف ;-) ليكي في مشكلة انا مع ابو مزيد فيها وهيي انو ما بيصير نقارن حالنا بالغرب لانو فعلا المرأة عندن بتملك حرية جنسية بقا مو فارقة معها شغلة الزواج المبكر ... لاء وأكتر من هيك فيه منهم بيفضلو عدم الزواج بالمرة والاحصائيات بتدل على هالشي ولكن بما انو الزواج مو بس علاقة جنسية وانما علاقة انسانية متكاملة فهوي أمر ضروري يعني مو حلوة الوحدة او بالاحرى مزعجة للشخص نفسه فما بالك اذا البنت وصلت للتلاتين يعني ما بيكفيها اللي عم تعانيه من الوحدة بيجي المجتمع بيقيدها وبيضيق عليها اكتر واكتر انو ليش ما تزوجتي وعم تكبري و عانس ..........ومن هالحكي اللي بيمرض وصحيح انو بتصير متطلباتها مختلفة وحذرة اكتر بانتقاء شريكها ولكن للاسف انو بيحصل احيانا استسلام انو البعض من البنات بهالوضع بيتزوجو احيانا لمجرد التخلص من هالحالة حتى لو الطرف التاني مو كل هلقد يعني وهيك بتصير مشاكل كتير بعد الزواج بس فيه مشكلة ما بعرف اذا حدا تطرقلها انو وين الحب؟؟؟؟ يعني معظم الزيجات عنا هي زيجات تقليدية يعني فلان بدو يتزوج بيدلوه على بنات مناسبين واللي بيمشي حالها بيتزوجها او مثلا فلانة تزوجت ابن عمها او ......... يعني انا قليل كتير ما سمعت عن شخصين حبو بعض وتزوجو عن حب مو لمجرد انو هلق اجا الوقت المناسب للزواج وخلص :D :D |
:clap:
شكرا ري مي للانبحات اي هه من زمان انبحتي هيك وعطينا افكار حلوة:D وانا معك بكلشي قلتيه واهم شي شغلة الزواج المدبر وعدم الاهتمام بالحب..... وبظن هاد عامل مهم بحوضوعنا لانو لما بدو شب يتزوج بنت بدون معرفة كاملة رح يحس حالو عم يشتري شي بضاعة (عذرا عالتعبير يمكن قاسي بس هاد انسب شي شفتو) وبدو يكسب اكتر مايمكن من مواصفات بيشوفها حلوة من عمر صغير لجمال لالف شغلة وبدون مايعطي الامور الاهم من حب وانسجام الاهمية الكافية |
اقتباس:
سؤالك جدير بالاهتمام بس أنا حابة إلّك إنو أنا شفت ناس كتير تزوجو بعد قصة حب وبعد ملحمة كمان لأنو غالباً ما بتظبط وبتزوجو تنين عن حب إلا وبكون في صراع مع الأهل وهيك شغلات بعكس ما بكون الأمر لما بيتزوجو زواج تقليدي لأنو بهالحالة بكونو خضعو لرغبة الأهل بانتقاء الشريك بس أنا بدي إسأل سؤال تاني وين الحب يللي كان قبل الزواج ؟ يعني بنشوف الناس بمجتمعنا حتى لو تزوجو عن حب بيفقدو هي الميزة أو ما بيعرفو يحافظو عليها بعد الزواج وسمحولي قول بعد إنجاب الأطفال كمان. شو سبب الفتور يللي بيطغي على حياة الزوجين؟؟؟ إمرأة من ورق:D فيكي تعتبري هاد انبحات على الأهل يللي بيتسببو بفشل حياة أبنائهم حفاظاً على التقاليد والعادات البالية:pos: |
مرحبا شباب و صبايا
من ناحية الزوارج و تكاملا مع اللي قالتو ري مي ، الزواج بالفهم الاجتماعي العام عنا بمجتمعاتنا بينبع من كونه مرحلة من مراحل الحياة "الطبيعية" و تعليق أبو مزيد على جارتهم العذراء بسن الخمسين (بعرف أنو فكاهي و ضحكني كتير) بس هوي في مسخرة على إنسانه من وضع ربما يكون بسببلها معاناة شديدة (بعرف أنو ممكن مزحة و الإنسانة ما ألها وجود و أنو أنت بجوز ما بترضى بالسخرية من هيك حالة) بس يعني هي المزحة بحد ذاتها انعكاس لمفهوم اجتماعي سائد ضمنيا هوي : للذكور: ولادة مدرسة شغل خدمة عسكرية زواج موت، للأنثى : ولادة مدرسة زواج موت و ضمن نفس الفهم الاجتماعي عنا: النظرة السائدة أنو الرجال لو كبر لازم يتجوز وحدة بعمر العشرين للـ 26 كحد أقصى لأسباب مختلفة: * لازم تكون غضة و طرية و شهية * لازم ما تخلص صلاحيتها بسرعة أنو الفهم العام الزلمة بيضل شغال (ناشط جنسيا) لعمر متقدم (80- 90 نفسه خضرة ماشالله) بينما المرأة بتنتهي صلاحيتها كحد أقصى بحدود منتصفات الأربعين، و من هون سن الثلاثين يعني بيكون فوت العشر سنوات الأهم من "الطبق الشهي" من البداية هي النظرة هي نتيجة رواسب بعمر الآلاف من السنين من قمع المرأة و تحويلها إلى سعلة متعة يبتاعه الرجل بجاهه و ماله أو غيره لفترة مؤقته (أقل من ساعة) أو أطول تصل إلى (العمر كله) و ساعتها يطلب منها مهام إضافية ، تنشأة الذرية الصالحة بعني بيكون مطلوب منها مهام خاصة (السرير) حتى عمر معني بعدين بتتفرغ لأعمال المنزلة و بناء الأجيال و بتجي زميلة أصغر و تازا (طازجة) بتشيل عنها عبء المهام الخاصة هلق وين المغالطة؟ أو بالأحرى وين المغالطات؟ الأنثى بالنهاية إنسان و عندها مشاعرها كمان هي أولا بعدين الأنثى عادة ما بتخمل جنسيا بسن الأربعين و ما بعده و إنما تصبح أقل جاذبية للذكور اللي اعتادو أنو ينظروا للمرأة كسلعة متاحة بطرق مشروعة (زواج) أو غير مشروعة (مصاحبة و اللذي منو) حتى لو كانت بعمر أولادهن بجميع الأحوال كل هي مغالطات و مفاهم شائعة لو ضمنية لكنها غير واقعية ، و غالبا بتكون مصدر المعارضة الشديدة و التهجم على أي إنسان يتطرق لقضية حرية المرأة و حقوق المرأة ، يعني كتير ناس بيدافعو عن السلطة الذكورية حتى لو ما كانو مستفيدين من مزاياها أو متضطرين للاستفادة ، بس هني ضد زعزعة هذا الاستقرار و انتزاع المزايا شبه الأزلية و بيلبسو معارضتهن لباس التدين و الأخلاق و بالحقيقة هني عم يحاولو ا يحفزوا موضع الأعراف هلق المشكلة أنو مجتمعنا للأسف و لأسباب سياسية (بشكل أساسي) و اجتماعية و نفسية صار خارج إطار الزمن ، لأنو بالعالم الآن الحديث عن أنو الحياة بتبدأ بعد التقاعد (سن الخمسين أو الستين) طبعا الحديث بيشمل الجنسين لأنو الناس الفهمانة صارت تفهم المساوة قولا و فعلا، معدل الأعمار صار أطول و الناس صار عندها وقت اطول تستخدمو بالإنتاج الفكري و المادي و ما عاد تقبل تتنحى "بديهيا" بناءً على عمرها أو جنسها (هون منتذكر موضوع مهم لامرأتنا عن التقاعد) هلق قد يقول القائل أنو هاد الكلام نظري و عند الواقع كل هالتنظير بيروح بشدة سيفون بالبلوعة.. ممكن يكون معو حق أنو الواحد بيجوز ما ينجذب لبنت بسهولة مقارنة ببنت أقل جمالا بس، كمان ممكن لا شعوريا يلغي الخيارات الأكثر تقدم بالعمر لما بيكون بحالة عزوبية و عم يدور على شريك حياة أو حبيبة ما فينا نقرر هالشي لأنو بالنهاية القلب و مايريد و يعني لو أنو المبدأ هاد بينطبق على الواقع بشكل تام و نهائي ما كان طلعلنا مين يقول "خودو عيني شوفو بيها" يعني الجمال نسبي و الجاذبية نسبية و لما الواحد بيكون من حيث المبدأ قبلان أنو الأنثى إنسانة بعواطفها و بنيتها النفسية ما بتخضع لقواعد ملكية الأشياء و انخفاض قيمتها بالتقادم بل العكس متل العود كل ما عاتق صوتو بيحلى و بيحن ، يعني هيك الإنسان بيطلع من الكليشة تبع التلاتين أو الأربعين و أقدر أنو يشوف الجوهر بالنهاية و بعد كل هاللت و العجن وجب التنويه أنو: الحب ما بيعرف عمر يعني الفرق بالعمر قد لايكون حاجز أبدا في كثير من الحالات بالاتجاهين (يعني مرأة أكبر أو رجل أكبر) هاد خيار العشاق طبعا ما بيشمل لما بيكون أحد الطرفين أصغر بكتير و تحت الـ18 (غالبا بيكون انتهاز و استغلال) |
اقتباس:
عموما بيصير في فتور باي علاقة زوجية بعد كم سنة من الزواج سواء كان زواج تقليدي او زواج ناتج عن قصة حب وهالشي الو عدة اسباب اهمها ضغوطات الحياة اللي بتزيد من تأمين متطلبات المنزل المادية للاهتمام بالاطفال وتربيتون ودراستون الخ الخ وكمان غالبا بتصير حالة من الروتين يعني كل يوم تقريبا عم يعيشو نفس الحالة ونفس العواطف ونفس طريقة التعبير عن العواطف...... هالشي ممكن يوصل ببعض الحالات لانهيار العلاقة بشكل كامل واحيانا بس بيصير في فتور بالتعبير عن العاطفة بس بيضل الحب موجود انا لسه ماتزوجت وماصابتني هي الحالة ولذلك حكيي بس من ملاحظاتي لمعارفي المتزوجين واللي ممكن تكون خاطئة يعني هيك فيكي تقولي كلام نظري شوي....... انو هيك تصوري للوضع:cry: |
دانيتو نور موضوعي :clap:
ياعمي حكياتك بمخمخوني :gem: مية وردة :D |
اقتباس:
نيرفانا يحرق حريشك شلون نكشتيها عن جد معك حق بهي القضية أنا عطول بفكر فيها و بما أني على أعتاب الثلاثين كتير بيخطرلي أنو المشاعر قبل الزواج (من النظر إلى التجارب المحيطة بنا) ماعاد ضمانة لاستمراريته بس أنا بدي ضيف على كلام امرأة مع العلم اني ما متزوج كمان انو يمكن تطور الحياة و تعقيداتها الحالية عم يشمل حتى الزواج و عم نتخلى عن مبادئ الزواجة النصرانية الأبدية (الاستخدام لتعبير زواجة نصرانية هون مجازي و ليس ديني) يعني مفاهيم الطلاق و الانفصال صارت أكثر قبولا من جهة و المشاكل المالية و الاجتماعية و النفسية صارت اعقد لذلك يمكن صار الحفاظ على الزواج بدو أكثر من نية الاستمرار بالبداية ، صار بدو شغل على مشاكل الأولاد و التربية الحديثة و حل المشاكل و حتى المقاربات الرومنسية يعني هلق الرومنسية يمكن صارت كتير مهمة و غالبا بتأدي لخيبة أمل خاصة لما بيكون احد الأطراف عندو توقعات عالية .. بشكل عام بعتقد انو هاد موضوع بيتعلق تماما بما بعد الزواج و ربما كمان بيتعلق بمدى المصارحة والواقعية بالاختيار قبل الزواج |
اقتباس:
بس ما ذكرت شي عن عذريتها بقى لا تقولني شي ما قلتو الله يرضى عليك بالنسبة لكلامك بغض النظر عن اتهامي اسمحلي قللك شي حلو كتير نورتونا انت وري مي ونيرفانا(طبعا بأذن من صاحبة الموضوع) |
اقتباس:
اقتباس:
اقتباس:
ليكي بالاضافة ل يللي قالته امرأة من ورق ودانيتو حابة أكد على شغلة أنو:طريقة التعبير عن العواطف من المفترض انو يكون فيه تجدد مستمر بحياة الشريكين يعني الروتين وعدم الاهتمام بالتفاصيل الصغيرة واللفتات الحلوة بيأثرو سلبا على أي علاقة وكمان من المهم جدا يكون لكل من الطرفين مساحة من الحرية يتحرك فيها لحتى ما يصير ذوبان بالكامل بالطرف التاني وتنمحي شخصية الطرف الاول(وهالشي موجود بقصيدة لجبران بتغنيها فيروز....... وجدتما معا وتظلان معا حتى في سكون تذكارات الله..........الخ) يعني دوما فيه 5 دقايق ضايعة بالنهار الواحد بيقدر يعبر فيها لشريكه عن حبه بطريقة ظريفة ........ ........ بس بدي قول شغلة انو انا كمان مو متزوجة يعني ما بعرف اذا كلامي صح ومنقدر على تطبيقه وللا تنظير |
اقتباس:
على كل حال أنا كمان ماني متزوجة لكن استشفيت هاللي إلتو من الحالات يللي عم شوفا و وصلت لنتيجة اللي هي، الزواج بسن متأخرة تصرف ذكي لأنو بهالحالة ما بتئتل بداخلك الحب ع بكير . ما بعرف إزا صح بس يبدولي هاد الأفضل وما في غير هالطريقة لنحصل على أكبر قدر من السعادة باستغلال أيام العمر بدون همووووووووووووم . وأهلين Danito :D |
اقتباس:
أنا ما قصدت انتقدك، أنا بس استخدمت مثالكلوضح أنو هوي انعكاس لثقافة اجتماعية مو بالضرورة نكون موافقين عليها يعني أنا نفسي ممكن جدا استخدم هذا الأسلوب، بس من حيث المبدأ هوي في جرح لمشاعر ناس معينين ، و أنا ماكان قصدي اتهامك أو قولك شي و ما بظن بشكل عام في اختلاف بالرأي أنما قضية نقاش للفكرة :D هلا نيرفانا :D |
اسمحولي ضيف كم تعليق من خلال قرايتي لردودكن الممتعة والواعية
بدي احكي عالفتور بعد الزواج بين الزوجين او حتى بعد انجاب الاطفال انا مو مع كلامكن الى حد ما يعني ليش حتى نسميه فتور الشي الاكيد انو الحب ما بيضل ع حالو يعني الحب عند التعارف غير الحب بالخطبة غيرو بعد الزواج غيرو بعد انجاب الاطفال بس بالنهاية هيدا حب بس اللي بيصير انو ترجمتو بتتغير مع تغير كل مرحلة وهيدا مانو فتور بنوب لاء ابدا بس الحب بيتطور مابيبقى متل ماآخدين عنو نحنا هالفكرة الرومانسية كتير بس متل ما قلت بالنهاية اسمو حب وبيبقى حب بس بيتلون النقطة التانية وهيي اللي ذكرتا سرسورة عن الانجاب المبكر وبالتالي الزواج المبكر انا معا وكتير كمان طبعا ما بقصد الزواج المبكر اللي بيتداول بشكل غلط والسبب لانو وقت الوحدة مننا بتكبر و بتوصل لسن معين ما بيعود بيعجبها شي وبتصير بتدقق كتير و بتكتر شروطا على عكس اللي بينقال انو بترضا بشو ما كان لاء ابدا ببساطة بيصير الخيار اصعب اما منشان الانجاب المبكر عدا عن اللي قالتو سرسورة بحب ضيف شغلة انو الولد - بنت ولا صبي - بيزيد المرأة اللي بعمر التلاتين وقبل بشوي انوثة على انوثة مو العكس المعنى بتكون بنتا او ابنا جنبها وهيي لساها بقمة شبابا واذا في ناس بيقولو انو بيأثر عليها مو صحيح يعني مو لهالدرجة واخيرا عن جد بشكركن كلكن لانو اضافاتكن كتير حلوة :D |
اقتباس:
و بالنسبة للزواج المبكر ...انو اكيد الزواج المبكر بالنسبة الي هو اللي بيصيرلما الانثى بتكون قدرانة تتحمل فيا المسؤولية...بالنسبة للعيلة و البيت و الزوج...يعني اكيد مو هو اللي بعمر 19 او 18 او حتى 20.....يعني بحدود 23 او 24....و بالنسبة لي انا بشوف الزواج بعمر 23 مثلا مبكر........و انا بشجع هاد الشي و بشجع بالتالي الانجاب المبكر....:D |
اقتباس:
مشكورة علا الموضوع بس للاسف عنااا متل ما قال عيون ما بياخدو بنت اكبر من 16 يعني ان طارت ان طارت 22 او 23 بس بعدين الله يجبر ;-) ;-) |
انو up .
|
| الساعة بإيدك هلق يا سيدي 00:24 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون