|
اقتباس:
اقتباس:
ليك خيوا انته عم تناقش 100 فكر وتيار اسلامي مع بعضون ؟؟؟ الاسلام لايرفض الديموقراطيه ان كانت تعني حكم الشعب بس بيرفض العلمانيه .. وهنن بعرفوا لو في ديموقراطيه هنن لاعب رئيسي ;-) اما كلامك التفكير حرام :shock: :shock: الوهابيين المتشددين ماقالوها وكلامك مناقض للقرآن يا باشا ؟؟؟ الازهر ومجمع العلماء في مكه والحوزه في طهران لم تحرم الاستنساخ للأعضاء البشريه ... بس حرمة استنساخ انسان كامل اما المتمشيخين فالعالم العربي والاسلامي كله يعاني من هذه الظاهره .. وظاهرة علماء السلطه والفضائيات ولاتنسى للمره الثانيه اقولها لولا الاسلامين لضاعة فلسطين والعراق من زمان حماس وحزب الله اعادوا القضيه الفلسطينيه الى مربع الاول اظن ان السيد بوش يتنرنح في العراق ووصل عدد قتلاه لغاية 25 شهر الى 101 ولو استقر لهم الوضع في العراق فعينهم على دمشق :cry: بكل بساطه ان كان مد اسلامي او شي تاني التيار الاسلامي تيار وطني ويجب التحالف :deal: معه وليس الاصطدام لاننا كلينا سنخسر اظن ان امريكا تعاني من جيش الاسلامي في العراق والقاعده وحماس وحزب الله ... وليس من ..... الانبطاحيين |
أعتقد ياصديقي أن مايحدث في العالم أجمع وليس في الوطن العربي فقط
هو مخاض للمد الأسلامي أو بشكل أدق مخاض للصحوة الأسلامية أنا أختلف معك أن كل شيوخ القنوات الفضائية غي كفوئين . فيهم الكثير ممن يشهد له في العلم على مستوى العالم الأسلامي وفيهم الدعاة الجدد كعمرو خالد وهذا ممن أقل كفائة وأن كنت أريد أن أقرأ مابين السطور فأستطيع أن أفهم منك أن علينا أن نأخذ من الأسلام اللب ولا أن نتعلق بالقشور وليس كما فسر البعض بأنه هجوم على الأسلام |
عنجد بدك مين يقرا بين السطور
ولا تعليق اكتر من هيك مايسترو |
انه مد أعمى يحتاج لبعضالتنظيم والا اصبح وبالا على حامليه
هكذا هو المد انها مجرد تفاصيل - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
تحياتي الحارة ظل جيفارا |
اقتباس:
|
اقتباس:
|
اقتباس:
لو كان دين تسليم كما قالت الاخت لما انتشر المفكرين والعلماء في عهد المد الاسلامي الاسلام دين علم وتعلم وازدهار المكتبات في الدولة الاسلامية حين كانت اوربا غارقة في الجهل |
يسلمو ابو عمير...
و كمان الفلسفة ع فكرةةةةةةةةةةةة |
اقتباس:
والمذاهب جائت لترد على أسئلة ليست في أساسيات العقيدة كمفسادات الوضوء فلايوجد أختلاف مثلا على أن النوم يفسد الوضوء ولكن الأختلاف على أن لمس المرأة الأجنبية بدون قصد يفسد الوضوء أم لا . من هذا المثال نستنتج أن الأسلام واحد والأختلاف بأمور بسيطة حتى الأئمة الأربع رحمهم الله كانوا يفتوا لأتباعهم بعمل الفريضة على مذهب العالم الأخر أذا تعذر على السائل العمل بطريقة شيخه فالأسلام دين يسر وليس دين عسر والثوابت في الأسلام واحدة والموضوع عن الصحوة الأسلامية التي نتمنى أن نراها تطبق عملا وليس قولا :D |
اقتباس:
أن الله يخشى من عباده العلماء وهذا أنما يدل على أن أعلى مرتبة في الأسلام هي مرتبة العلماء |
يا شباب ما هيك القصد من الموضوع الرجاء الإلتزام ..
تحياتي الحارة ظل جيفارا |
موضوع حلو كثير .. بس ..
كمان انت احكيت عن 7 شيوخ !! يعني الاسلام بنحصر على 7 شيوخ .. !! وبعدين المد الاسلامي .. موجود .. لانو الحمدلله بنشوف كثير داخلين على الدين الاسلامي .. وبتقدر تروح تشوف شو نسبة المسلمين اليوم وشو نسبتهم في سنة 1900 .. وبعدين في اختلاف بين علماء ومشايخ المسلمين .. هذا اشي طبيعي .. وفي نقطة كمان .. رسم الكريكاتير .. بس سؤال يعني .. شو المطلوب من هالمشايخ .. كل واحد يسب الاسلام .. يروحوا يحاربوا .. !! ليش ما بتعاتب هذه الدول يلي بتدعي انو في عندهم احترام وغيروا .. وما بحترموا .. يعني في كثير قنوات على التلفزيون .. وكثير بنسمع عن ناس .. بشتموا الدين الاسلامي .. احنا الي علينا انو نحترم باقي الديانات .. هذا هو الي امرنا في دينا .. |
يا صاحبي أذا كنت بتعتبر حملات التكفير والإقصاء اللي زادت هي الإسلام
اذا كنت بتعتبر إنو القتل الممنهج اللي عم يصير هو الإسلام اذا كنت بتعتبر انو التفاهات اللي عم تصير من اغاني غير إسلامية في مدح الرسول إسلام ان كنت بتعتبر كل هالمسخرة اللي عم نشوفها هاليومين اسلام اقول لك هنيئا لك فقد عاد إسلامك إلى مجده ولكن إلى متى سيتطيع المرء تحمل كل اعباء " النهضة الإسلامية " اللي عم تحكي عنها ؟ ما رح نستحمل كتير . تحياتي الحارة ظل جيفارا |
اقتباس:
يا اخت جيفارا .. يا ريت يكون ردك اكثر اناقه .. يعني انا موش فاهم .. لشو كل حالهقد منك على الاسلام .. الاسلام قتل حدا من قرايبك .. سبب الك اذى بشي ..!! يعني انتي اشيفه كل الي عددتي تفاهات !! .. بس انا مو شايفو تفاهات .. كل واحد لازم يحترم راي الثاني .. ليحترموا رأيو الناس .. يعني كمان انتي الك دين .. وبقدر اشوف دينك بوجهة نظري انا .. مو بوجهة نظرك .. وبجوز وجهة نظري ما تعجبك .. بس اكيد ما رح اجرح مشاعرك فيها .. يعني بخلي رأي الي .. بلاش كل هالتعليقات الي ما الها لزوم .. مشكورة جيفارا على ردك .. ويا ريت يكون نظرتك افضل لحرية الديانات .. :D |
ظل جيفارا شاب و ليس بنت :lol:
|
قبل مناقشة الموضوع يجب ان نتفق على جوهر الاسلام بالنسبة لكل شخص, فلوكان جوهر الاسلام بالنسبة لنا هو الصلاة و الزكاة و لباس و باقي الشعائر حينها مامن احد يستطيع ان يجادل ان الاسلام بالف خير. فالعبادات الشرعية لم تنتكس يوما, من يوم ما انتشر الاسلام و سيظل الامر على هذا المنوال الى ان يرث الله الارض و من عليها.
اما اذا كنا نعتبر ان الاسلام هو المعاملة ( انما الدين المعاملة) و اخلاق ( انما بعثت لاتمم مكارم الاخلاق) فساقول اننا نعيش في اسوء مرحلة من التاريخ الاسلامي فمن و جهة نظري المعاملة و الاخلاق هما مفتاحا التطور و الرقي فالاحترام المتبادل و الجد في العمل و الوفاء بالعهد و المثابرة و الصبر و الاجتهاد شجاعة نظام... و غيرها من الخصال الحميدة هي الوحيدة القادرة على اخراجنا من بركتنا الاسنة. صار مجتمعنا انانيا منحلا يستغل ثارة الدين لاثارة الفتن و قهر امراة و تارة ينبذ الاسلام باسم التحرر و نشر الرذائل. الكذب و العنف و الزنى و الشدود و الخيانة و الاستغلال واغتصاب و ظلم .... هي عناوين واقعنا المعاش لو اردت معرفة احوال اي امة فما عليك الا التوجه الى الاماكن التالية: - الاسواق : اسواقنا صارت مكانا رسميا للغش و السرقة و الاحتكار و المضاربة و الغلاء و استغلال المواطن فاين هو الاسلام؟؟؟ - المدارس : مصانع لتخريج العاطلين و مضيعة الوقت و انتشار جميع انواع الرذائل و كل ما هو سيء من بيع للمخدرات الى تجارة اللحوم البشرية فاين هو الاسلام؟؟ المخافر و المحاكم : عنوان للظلم و تلفيق التهم و زرع الخوف و بث الرعب بين صفوف المواطنين و اكل حقوق الناس بغير حق و محسوبية فاين هو الاسلام؟؟ - المستشفيات : اللامبالاة و الاتجار بالم المرضى و ابتزازهم فاين هو الاسلام؟؟ اننا نعيش في زمن اسوء من الجاهلية الاولى فعن اي مد اسلامي يتكلمون |
اقتباس:
بس بدي كمان انا اوضحلك اذا ممكن .. صحيح انو الاسلام في الصلاة والزكاة وغيروا .. بس كمان في كثير ناس ومنهم المسلمين ما بفهموا مضمون الاسلام .. لانو الاسلام مبني على التسامح واحترما الغير .. واحترام الديانات .. يعني اذا واحد متعصب .. تصرف بطريقة متعصبة .. و خالف قواعد الاسلام .. هذا مو معنى انو باقي المسلمين مشتركين بهالتخلف .. في كمان كثير مسلمين واعين للاسلام .. ومتسامحين حتى مع باقي الديانات .. وبعدين سالتني عن شغلات .. وقولت .. وين الاسلام .. يعني حسب رايك في اليوم في الدول العربيه .. دولة اسلاميه وحده !! يعني ما في نظام اسلامي ليمنع هيك شغلات .. وبعدين في مسلم بالاسم .. وفي مسلم بالمضمون .. يعني بنشوف كثير ملسمين اليوم .. بسكروا .. بزنوا .. وبقلدوا الغرب كثير .. :pos: مشكور اخي على التوضيح ويا ريت تتقبل توضيحي .. |
انا رايي انو الكلام عن الصحوة والمد الاسلامي متل العادة مبالغ في كتير يعني كل كم سنة بيطلعولك بنفس النغمة وكلها بتطلع بالاخير تلاعب من اولياء امورنا الله يخلصنا منن
مثلا بزمانو بمصر بعد فترة عبد الناصر اجى السادات اللي لقى انو الد اعدائو هني الناصريين والشيوعيين فقام طالع كل الاسلاميين من السجون وسمحلن يعملو اللي بدن ياه كمان بوقتها انحكي كتيير عن الصحوة الاسلامية وهلق صارت موضة بالدول العربية يعني مثلا سوريا ليش بيسمحوا بكل مظاهر التدين اللي عم تزيد رغم انو نظامنا معروف شو توجهاتو؟؟ ليش سمحوا بظاهرة ابو القعقاع وامثالو؟؟ لسبب بسيط ليوصلوا للعالم الخارجي رسالة واضحة انو شوفوا كل هالمتطرفين بسوريا ما في غيرنا بيقدر يلمن بقى القصة هي سياسة واستغلال للدين ومو قصة صحوة وانا بقول انو الصحوة الاسلامية الحقيقية ما بتكون بالمظاهر وانما : لما بتروح على حي بيسكنوا مسلمين بالشام وبتلاقي انضف من القصاع وباب توما لما بتنخفض معدلات الطلاق بين المسلمين لما منشوف الغلط ومنقول انو غلط مو منضل مطنشين لحتى يصير الغلط هو الصح والصح هو الغلط لما بيطلع واحد مريض نفسيا متل الظواهري وبيحرض المسلمين على التفجير والقتل وقطع الرؤوس منوقف كلنا ومنبزق عليه ومنفهموا انو نحني منعرف دينا صح اكتر منو لما منحط رجلنا على اول طريق التقدم متل بقية شعوب الارض اللي تصاب بكبوة لفترة معينة وبعدين بترجع للطريق الصحيح ساعتها فيكن تسموها صحوة وغير هيك رح نضل متل مانكن شايفين |
أولا أفضل كلمة صحوة إسلامية على كلمة مد إسلامي, لأن الثانية فيها نوع من التسييس وهي تصور الإسلام على أنه خطر يتهدد الديانات الأخرى.....
نعم هناك صحوة إسلامية والحمد لله, تظهر بشاءرها يوما بعد يوم للمسلم وغير المسلم, إلا لمن عمي أو تعامى قلبه عنها.....وساعطيك مثالا : في بلدي المغرب : جماعة العدل و الإحسان الإسلامية المحظورة, تكونت في الثمانينات من رجلين هما الأستاذ عبد السلام ياسين والأستاذ محمد البشيري رحمه الله, والجماعة الآن تعدادها بالملايين رغم ما تمارسه دولة المخزن في المغرب ,عليها من حصار وتضييق و إعتقالات وووو..... وغيرها من الجماعات كثير : كجماعة الدعوة و التبليغ العالمية, الإخوان المسلمين, حركة النهضة, الجماعة السلفية..... هذا من جهة أما كلامك عن الشيوخ والورود ووو...فكلام باطل أريد به باطل وأقل ما يقال عنه إفتراء وإدعاء بدون وجه حق , حيث تظهر العلماء بمظهر الجهل و التخبط و عدم المعرفة بأمور الدين....أريدك أن تعطيني مثالا واحد عن واحد من هؤلاء العلم الذين تصفهم بالجهل والغباء! صراحة لم أر كلاما لا في السطور ولا بين السطور, كل ما رأيته هو تهكم وسخرية و حقد على الإسلام خاصة, بأسلوب الغمز و اللمز.... أنا أسألك أنت وغيرك لماذا الإسلام?? لماذا لا تكتبون مواضيعا عن المسيحية, اليهودة, الهندوسية....??! لماذا لا تحرفون كلمات الإنجيل أو التوراة وتضعونها في ردودكم كما تفعلون مع الآيات القرآنية??! |
ما بعرف شو بدي رد ...اخر شي وصلنا لمرحلة " اخت ظل جيفارا رغم انو صورة الشب عم تلمع جنب اسمي
على كل .... لا حقد على الإسلام ولا شي القصة وما فيها إنو انا شايف انو اللي عم يزيد هو التطرف والتعصب وهيدا شي واضح من فتاوى شيوخ الإسلام ماشاء الله عليهن بدهم يعملوا نظام شمولي بشكل مو طبيعي والناس عم تتجاوب معهن هلا لو كان هيدا الإسلام بقول صح في صحوة إسلامية وبسيطة كتير ما بدها كل هالنقاش تحياتي الحارة ظل جيفارا |
ولو زعل الاخ .. لانو ما انتبهت وقولت اخت .. متاسف اخي ..
بس كمان انت بتحكي عن تطرف !! .. انا معك بهالشغله .. بس التطرف من عند جميع شيوخ الاسلام .. مثل ما انت متصور .. في قسم متطرفين .. ايوه انا معك بهذه .. مثل ما في رجال دين مسيحين ورجال دين يهود متطرفين .. اشي طبيعي يعني .. وعن النظام الشمولي !! شو يعني بدك يكون نوع النظام في الدول العربيه .. والي اغلبها مسلمه !! نظام علماني !! ؟؟ |
متاجرة وليست صحوة!!!!!!!
يا شباب قبل كلشي، يا ريت ما نفهم إنو هالموضوع ضد الإسلام ونبلش نتهم ظل جيفارا، يعني الأخ كريم 94 مفكر إنو هالموضوع مؤامرة، بالعكس تماما، لو تمعنت شوي بمحتوى الموضوع والردود بعدو رح تفهم تماما إنو ظل جيفارا بغار على الإسلام أكتر من أي شيخ عمل حركات أو جماعات، بعدين إينو جماعات إسلامية عمتحكي عليها؟؟؟ يعني هلأ بتعتبر الإخوان المسلمين جماعة إسلامية؟؟؟؟ تعال شوف شو عمبخبصوا بالأردن وباقي الدول العربية، عندك المستشفى الإسلامي وجمعية الثقافة الإسلامية...الخ من المؤسسات يللي بتتسمى إسلامية، الله وكيلك بتفوت عالمستشفى الإسلامي ما بتشوف ممرضة مو محجبة، مافي ممرض إلا ولحيتو شبر بوشو، بس تعال وقت الجد، التحاليل الطبية غالية، الكشفيات بتجلط، العمليات ما بتنعمل إلا بعد ما يتأكدوا 100000000% إنك رح تدفع، إنشالله لو كنت نبي، ما بفوتوك إلا بمصاري أو تأمين صحي، وتعال على جمعية الثقافة الإسلامية يللي بتنبثق عنها مدارس الكلية العلمية الإسلامية، مدارس بهدلة، قمة الانحطاط العلمي والثقافي والأخلاقي، مع إنو قسطها غالي وحياتك وما بفوتها إلا الغني(الفقير مو مسلم لأنو)، تخيل منح دراسية متل الخلق والعالم ما بيعطوا، طبعا كلشي حكيتو هوي غيض من فيض. يللي بدي أوصللو إنو نحنا بهالفترة ما منعرف من الإسلام غير اسمو، ويا سيدي يللي عمبصير اسمو مد إسلامي لأنو مسيس، مسيس لتشويه صورة الإسلام الحقيقية، الدين بعمروا ما كان جماعات وفرق، الدين الإسلامي دين فطرة، يعني دين أخلاق إنسانية، الأخ دونالد دك زعلان لأن مفكرين إنو واحد متعصب هوي يللي عمنعتبرو مسلم، يا سيدي هادا المتعصب يللي عمتحكي عليه هوي أكتر من 75% من الشعب، روح شوف شو المشايخ، الغالبية القصوى منافقين وحرامية، نحنا أبعد ما نكون عن الصحوة الإسلامية، الصحوة الإسلامية متل ما قال أيهم 26، لما تشوف مظاهر التطور والحضارة على المسلمين، رح أعطيك مثال، وهي أقسم بالله إنو شفتو بعيني، وأنا راجع على بيتي مرت سيارة فيها أم وولادها، وهيئتن أجانب، لأن الأم تيبها أجنبي، المهم، الأم حاطا ولادها بالمقعد الوراني وعليهن الأحزمة، ومسكرة الشبابيك، بعدها بفترة مرت سيارة عمبتسوقها وحدة مخمرة، ولادها أصغر من ولاد الأم الأجنبية، ورغم هيك عمبينطوطوا عالمقعد الأمامي والشبابيك مفتوحة عالآخر وكل واحد مادد راسو من شباك، وما بستغرب إزا عرفت إنو البواب مو مقفولة!!!!!!!! بلا الشارع، روح عخطب الجمعة، كل شيخ إلا ما يدعي بصلاة الجمعة: "اللهم عليك باليهود والنصارى ومن والاهم" ومستحيل خطبة جمعة تكون بتحكي موضوع مفيد، كلها حقد على غير المسلمين وعالنساء وعالموبايلات!!!!! ولك اشتهيت مرة صللي ورا شيخ خطب عن تنظيم الوقت، عن احترام الأديان، يشرح شي موضوع علمي بأسلوب مبسط ومختصر يثير فضول المصللي ليعرف التفاصيل بعد ما يرجع عالبيت!!!!!! بس هادا كلللللللللللللللللللو كفر وبدع، مهيك؟؟؟ بتفتح عالقنوات الفضائية الدينية، كلها فتاوى غريبة مبنية على جهل متل ما قال ظل جيفارا، متل وراق الوردة، ولك بتعرف إنو أفيد للإسلام إنو تنفتح قناة وثائقية على مستوى عالي أحسن من ميت مليون قناة دينية؟؟؟ لو شي أمير خليجي أو ثري عربي يفتح هيك قناة ما بتشوف الإسلام هيك، بس ما بتوفي معو، لأن القنوات الوثائقية ما بتستقطب جمهور عربي متل قنوات الرقص والقنوات الدينية، وقبل كل هاد، أميركا واسرائيل حبيبي ما بيسمحولوا!!!!!!!!
بعرف طولت كتير، بس خلاصة الموضوع إنو يللي عمبصير لا صحوة إسلامية ولا شي، يللي عمبصير متاجرة بالدين ما أكتر، متاجرة بعواطف المسلمين، وتخدير لإلنا مشان نضل بدنب الحضارة ما مناخد منها إلا العالطل. آسف عالإطالة، بس من حرقة دمي على ديننا المظلوم. |
تحياتي الك أبو طريق
ردك كتير عجبني لأنك حكيت بموضوعية وعقلانية بس عندي تحفظ على عبارتك اقتباس:
بيكفي نحط الحق على غيرنا :D |
اقتباس:
:D |
اقتباس:
هيك وضحت الفكرة تحياتي |
ابو طريق تحياتي الحارة .... من القلائل اللي بيكفيني انهن فهموا موضوعي صح . عنجد بقدملك الوردة من كل قلبي :D تحياتي الحارة ظل جيفارا |
اقتباس:
وإنشالله تكون الصحوة الإسلامية الحقيقية مو بعيدة، بركي منلحق العالم بعلمنا وعقلنا. |
اقتباس:
|
اقتباس:
هلأ الفتوى اجتهاد فيه الصح و فيه الغلط... اللي ما يجوز هو "تقديس هالفتاوي" لأنها ليست من أساس الدين انما هي اجتهاد من "اعتبر نفسه" عالم دين |
اقتباس:
تحياتي الحارة ظل جيفارا |
اقتباس:
واضح أنك من أنصار إسلام مشي حالك....الإسلام الذي يتماشى مع العصر ...الإسلام الذي يسمح لك بسماع الموسيقى و الغناء بإعتبارهما فنا....الذي يسمح لك بالرقص لأنه رياضة....الذي يسقط عنك صلاة الجمعة لأنها تدعو إلى العنف و الكراهية....الذي يسقط عنك الصلاة لأن عملك لا يسمح بأداءها في وقتها....الذي يسقط عنك الصوم لأنك لا تريد أن تجرح شعور أصدقاءك من الديانات الأخرى....الذي يسقط عنك الحج لأنك لاتريد أن يصيبك أذى أثناء رمي الجمرات مثلا....الذي يسقط عنك الزكاة لأنك تريد أن تدخر بعض المال لتشتري سيارة....لم تبق إلا الشهادة وحتى هذه ربما تود أن يسقطها الإسلام عنك لأن الإيمان في القلب و أنت مؤمن ولا داعي لأن تجهر بذلك حتى لا تؤذي مشاعر الآخرين.... |
اقتباس:
|
اقتباس:
لك عوووووووووووووووووجة، وعلى قولة ويلي: "ما في أمل، يلعن أبو التخلف". معلم ويلي آسف عالاقتباس، بس إجا بمحلو لأن!!!! عووووووووووووووووووووجة :jakoush::jakoush::jakoush::sick::sick: |
اقتباس:
اقتباس:
إجتهاد مبني على النصوص و الأدلة من الكتاب والسنة. العلماء لا يعتبرون أنفسهم علماء, بل طلاب علم , الناس هم الذين يشهدون بعلمهم وورعهم ووو....إذا عندك تسجيل أو كتاب لعالم من علماء المسلمين يعتبر نفسه عالما, أتحفنا به.... |
اقتباس:
اقتباس:
|
اقتباس:
بن باز كان مع افتاء تحريم الرموز الدينية الغير اسلامية بالمملكة لكن لما عطو الملك فهد وسام من ملكة بريطانيا على شكل صليب قال انو من الممكن تجاوز تحريم الرموز الديني الغير مسلمة ممكن لعدم "جرح شعور قيادة بلد حليف" بن باز وافق على الاستعانة بغير المسلمين لصد هجوم بلد مسلم و مشهورة حادثة "كفار يا شيخنا" المسجلة وبامكانك ايجادها في العديد من المواقع بن باز أفتى بأن الحديث عن دوران الأرض حول الشمس "هرطقة" و قد رد عليه المسلمون قبل غيرهم و له كتيب بهذا الخصوص و اذا معتبر انو المشكلة مع المشايخ هي مشكلة مع الاسلام نفسه...... فلا تعليق |
اقتباس:
صديقي أعصابي هادءة وأخر رواق , وإن كان كلامي يوحي بعكس ذلك.... أولا بدي منك المراجع مشان أتأكد من هالشي....ثانيا هل تكلم إبن باز إنطلاقا من نصوص الكتاب والسنة أم هو إجتهاد ورأي شخصي.....?? ثالثا و سأعيد الكلام للمرة الثالثة ,المشكلة مع علماء الإسلام هي مشكلة مع الإسلام نفسه |
اقتباس:
ما بدي اقلب الحوار الى حوار ديني.... بدي أركز على انو المشكلة مع علماء الاسلام هي مشكلة مع الاسلام أول شي قبل ما أنسى... كتب بن باز ما عندي ياه الأن لكن كتيب دوران الشمس حول الأرض اسمه "رسالة الأدلة النقلية والحسية على جريان الشمس وسكون الأرض وإمكان الصعود إلى الكواكب" و اتصور انو موجود عالنت ارتداء المسلمين لرموز دينية غير مسلمة كانت فتوى و لم تكن رأي فقد اعتبرها من الكبائر (الكلام حرفي) و الفتوى موجودة في مواقع عديدة و في تسجيلات لدروس بن باز الموجودة على يوتيوب و غوغل فيديو. تحريمه للاستعانة بغير المسلمين لمواجهة هجوم مسلم موجودة في كتابه "إقامة البراهين على حكم من استغاث بغير الله أو صدق الكهنة والعرافين" و رغم ذلك فقد سمح بالاستغاثة بغير المسلمين عام 1991 و درسه حول هذا الأمر الذي يرد فيه أحد طلابه بقوله "كفار يا شيخنا" معروف و موجود في العديد من المواقع. ليس النقاش حول بن باز أو غيره... نقطة الخلاف عندي تدور حول اعتبار الاختلاف مع علماء المسلمين هو اختلاف مع الاسلام.... من هم علماء المسلمين.. أليسوا بشر يتحملون الصواب والخطأ... و حتى عندما يتحدثون طبقا للقرآن و السنة النبوية ألا يمكن ان يفسروا أحد النصوص بشكل خاطئ سهوا أو حتى بسوء نية؟؟ و الأهم من ذلك.. من يحدد من هم علماء المسلمين؟ |
اقتباس:
صديقي الفاضل :العلماء في الإسلام ملزمين بالدليل من الكتاب و السنة, بمعنى أن هذا الإنسان الذي يفتي لا بد له أن يكون عالما بالحديث و الفقه والتفسير وفقه الواقع ووو....وليس إنسانا جاهلا كما يصوره صاحب الموضوع....أما الإجتهاد فموجود وله ضوابط ومن أهم هذه الظوابط أنه لا إجتهاد مع النص..... ضوابط الإجتهاد في الإسلام من موقع إسلام أون لاين - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
| الساعة بإيدك هلق يا سيدي 00:38 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون