|
اقتباس:
خيو انا قريت الموضوع والنقاش فيه حلو وفي نقطة انا حابب وضحها هلأ الكل بيعرف انو يللي مستلم الحكم بسوريا هو بشار الاسد واستلم الحكم بطريقة كاركوتورية مضحكة والبوراثة عن ابوه ............ وطبعا نحنا بدولة فيها نظام ديموقراطي برلماني ..... على الورق بس المهم حافظ الاسد لما استلم الحكم هو من الطائفة العلوية وشي اكيد بالطريقة يللي استلم فيها بدو يكون ديكتاتوري بحكمو ويقرب جماعتو لانو ما استلم بطريقة انتخابية نظامية وكلنا منعرف انو لما استلم الحكم كان في منافسة بينو وبين سليم حاطوم احد مؤسسي حزب البعث والمنافس التاني كان صلاح جديد وهو كمان احد مؤسسي الحزب وقام حافظ الاسد قتل سليم حاطوم بعد ما اتهمو بالخيانة وقام باعتقال صلاح جديد وهيك فضيت الساحة قدامو وقدام جماعتو العلويين يمكن طولت بالحديث بس معليش لازم نشرح شوي وحتى يضل بالحكم قرب منو جماعتو وسلمون المناصب المهمة والحساسة بالبلد وهيك بيضمن سلامة الكرسي وترك رفعت الاسد يصول ويجول على كيفو بالبلد ولما ورت الكرسي بشار الاسد كان الوضع بسوريا انو العلويين هنن يللي مستلمين المناصب الكبيرة والمهمة والحساسة ومن الطبيعي انو يكمل بنفس الطريق تبع ابوه حتى يضل ضمنان الكرسي وما ينشال من تحتو وحتى انو تركهون يعملو يللي بدهون ياه مقابل الولاء لسلطتو |
اقتباس:
اذا بد اي شخص يحسم نقاش الافضل يكون بينو وبين الشخص اللي بيناقشو بس مافي داعي لاستغلال اطراف اخرى ما تستحق هالمعامله . احتراما وتقديرا لطارق ولصاحب الموضوع وللقراء , حذفت تعليقي الكامل واكتفيت من الحوار نهائيا وكمان لسبب تاني مهم وصول الحوار لنقطة اللاحوار |
اقتباس:
طبعا بغض النظر عن الكم الذي لايستهان به من الرموز والاشارات بكل الردود السابقة... بس انا بدي انهي الموضوع من جهتي بقولي انو انا وقت تدخلت بالحديث من البداية فكان بهدفايضاح وجهة نظر طارق بالطريقة يللي بتخيل انو قصدها دون الرغبة بالمزاودة او تبييض الوش او الاساءة لاي شخص كان او اتهامه بالجهل او بأي شي تاني.... شكرا ملاحظة....ع سيرة التأويل الجملة التالية اقتباس:
|
اقتباس:
|
هلأ منشان الجزء الاول من الموضوع انا مع الكاتب مية بالمية انو العلويين فئة من الشعب السوري ومتلون متل اي فئة فيون الفاسد اللي قدر انو يوصل لغاياته بوسائل ملتوية وفيون ناس من اطيب واحسن الناس ومابيصير باي شكل من الاشكال انو نحط الطائفة كلها بخانة وحدة
وشغلة تانية انو انا مع لاوديسا انو بعد مااستلم بشار الحكم تغيرت كتير شغلات للايجابية...... يعني مثلا انا ماني علوية وماني بعثية وماالي اي واسطة مهما صغرت او كبرت ومع ذلك انقبلت بايفاد ببلد اجنبي ومن قبل ماكان ممكن احلم فيها حتى...... وبذكر اول ماقدمت عالايفاد طبعا تقدم فيي تقرير عن وضعي وبذكر وقتها حكى معي واحد من المخابرات :cold: ليكمل التقرير ويسألني شوية اسئلة (طبعا انا لمارديت عالهاتف وعرفت شو القصة صرت ارجف رجف) المهم سألني كم سؤال وبالاخير قلي والله غريبة ياانسة انك انقبلتي للايفاد وانتي هيك وضعك ....... اللي بدي قولو انو الوضع فعلا تغيير بالسنين الاخيرة وممكن شخص ياخد فرصة بس لانو بيستحقها ومو لانو بينتمي لطائفة او لحزب وبدي احكي عن البديل اللي عم يحكي عنو الموضوع...... انو بالله اللي كتب المقال مقتنع انو رح يصير في وضع احسن؟؟؟ وانو اذا المعارضة (اي معارضة كانت)رح تلغى شغلة الطائفية والاحزاب؟؟؟ او يمكن اللي كتب المقال ضامن انو هوي يكون من الجماعة المرضي عنها :shock: :notok: |
اقتباس:
|
اقتباس:
أول شي سيدتي صحي مافي راتب أقل من 7000 ليرة، بس كمان مافي كيلو لحمة أقل من 300ليرة، و مافي معاملة بالدولة رشوتها أقل من 200 ليرة، و مافي أجرة بيت صالح للاستهلاك البشري أقل من 6000 ليرة(لاحظي ما قلتلك سعر البيت، لأن المواطن التفكير بشراء بيت صار معجزة)، و مافي سيارة متل الخلق و العالم سعرا أقل من 300000 ليرة سوري، بس عنا بسوريا مكتوب عالمواطن مشان ما ينشغل بمحاربة الفساد و المفسدين يللي عميستغلوا خيرات البلد الكتيرة، مكتوب عليه إنو يشقى و راتبو لازم يكون يا دووووووووووووووب مكفيه، يعني توفير يحلم فيه، لأن إزا المواطن شبع رح يصير فاضي لمحاربة الفساد، يعني لمحاربة مخلوف و آصف شوكت و رستم غزالي...الخ، هدول يللي عمبحركوا البلد بأصابيع رجليهن، و داعسين عالمواطن متل الصرصور. و أنا لما حكيت عن العسكرية و الفساد ما كان قصدي بشار لحالو، يعني حافظ الأسد و جماعتو، يعني الحرس القديم. و لما حكيت عن سبب، يعني بتكوني كتبتي استرحام أو مثلا قدمت لمقابلة الرئيس و بالصدفة نقبل الطلب، هيك شي يعني، وكمان الإيفاد سبب من الأسباب. مشان الدوائر الحكومية، صحي ما فينا نشتري ضمير، بس فينا نسرح الموظف اللي ما عندو ضمير، و نحط بدالو واحد-بغض النظر عن طائفتو- عندو ضمير، يعني الضمير فيه buit in، مافي داعي نركبلوا ياه تركيب. ياريت وقفت عالموظفين الصغار، لك حتى الموظفين الكبار متل يللي زكرتن سابقا ماحدا عميحكي معن، بالعكس، الرئيس معتبرن إيدو اليمين، و كل يوم عمبزيد صلاحياتن، فوين التغيير؟؟؟ يعني إزا جذور الفساد ما نخلعت، كيف بدنا نقضي عالفساد؟؟؟؟ و لسا حجتنا إنو التغيير بصير شوي شوي، والله خلق الدنيا بسبع تيام، بعلمي الرئيس صرلو سبع سنين، و لسا البلد من سيئ لأسوء؟؟؟؟؟؟؟؟وين الإصلاح، ولا الفساد يللي صرلوا 35 سنة، بدو 35 سنة ليروح؟؟؟؟؟؟؟ متل ما بقول المتل، لو بدا تشتي كان غيمت. |
اقتباس:
بس حبيت علق على فكرة وحدة بردك .. صحيح انو سيادة الرئيس الو سبع سنين بس شكلك نسيان قديش مرق على سورية ضغوطات ومع هيك التفت للداخل وعطاه الوقت الاكبر وعمل اصلاحات ما بتنعمل بهالسنين اللي ذكرتن ليش مصرين انو مافي اصلاح والفساد كل مانو عم يكبر انا سورية وبحب بلدي وبدي ياها احسن بلد .. وشايفتة انها عم تمشي على هالطريق |
اقتباس:
انا ماكتبت استرحام وماقدمت لمقابلة الرئيس وفي طلاب موفدين سوريين كتير غيري هون وكمان ماعملو هيك ولا اصغر من هيك ولا اكبر من هيك ومافيك تقول كلنا انقبلنا صدفة :shock: الا اذا برأيك انو الصدفة هيي صارت الوضع العام |
اقتباس:
يعني ولو جيت معك وفرضت انو هالشي صحيح معناتو هالشي ايجابي وفيو شي من الاصلاح ولا لاء :? واي واحد غيري بيقدر يوفد اذا اتبع هالشي اللي ذكرتو ولا شو لا تعليق .... |
مرحبا و سلامي لكل المشاركين بهالموضوع
المهم ,,,, انا مع كل الحكي اللي انحكا عن انو في محاولات اصلاح بائسة ( و خطين تحت كلمة بائسة ) يعني اكيد الحكي اللي حكيو لاوديسا و امراة من ورق عن الايفاد مزبوط ,,, بس ما هو الحل (برأيي طبعا ) يعني اذا بدها تضل مناهجنا متخلفة و بدها تضل الرقابة معدومة على دكاترة الجامعة فالشريحة الاكبر من خريجين الجامعات ( اللي مارح يحلمو بالايفاد ) رح تطلع متل مابيقولو ايد من وا و ايد من قدام و رح تشتغل الوسايط كرمال وظيفة الدولة و اللي هيي اسوأ الموجود ( من ناحية الرواتب و الافادة العلمية و المهنية بس احسن شي من ناحية شرب الشاي و المتى و تعلم كتاية التقارير ) استوقفتني كلمة لاوديسا : ليش مصرين انو مافي اصلاح والفساد كل مانو عم يكبر انا سورية وبحب بلدي وبدي ياها احسن بلد .. وشايفتة انها عم تمشي على هالطريق انا بدي قول : كلنا منحب بلدنا و منتمنى تكون احسن بلد و كلنا عنا ايمان بذكاء و قدرات المواطن السوري بس يعني وقت منلاقي انو الاصلاح المزعوم عم يشمل القشور و ماعم يدخل على لب المجتمع (سياسيا و اقتصاديا ) ف اكيد مافينا نسمي اصلاح و لا حتى محاولة اصلاح ,,, فينا نسمي شغلة لحتي يسكت هالشعب ,,,,,, اسف ع الاطالة تحياتي للجميع |
بدي ارجع اتدخل بالموضوع واحكي رأيي بعدة نقاط
أولا...بعنير انو موضوع الايفاد او موضوع المنحات ماهو من المواضيع يللي بيعبر عن الوضع يللي وصلو البلد....يعني اذا كان 100% او 50% او 0% من الطلاب الموفدين علويين فهدا ما راح يقدم صورة عن الوضع الحقيقي للبلد لانو ما فينا ننكر انو كل المناصب الحساسة والمسيطرة ع مفاصل الحكم بسوريا هن من العلويين وطبعا أنا ماني عم دور ع رئيس مجلس الشعب او رئيس مجلس الوزراء يللي ما كتير عندهم امكانية للخلق والتغير الا بموافقة القصر...انا عم اقصد رجالات المخابرات والجيش ورموز القصر يللي هي عم تصنع فعلا القرار بسوريا.... تانيا...بالرد ع لاوديسا يللي عم تقول انو أقل راتب صار 7000 ليرة والعالم صارت عم تتغرب لتحسن وضعها مو لتعيش...فأنا هون رحل حط علامة أستفهام قد هالصفحة خصوصا لانو الكلام صادر من وحدة عاشت بسوريا وبتعرف معنى الحياة الفقييرة بسوريا وحاليا عايشة بدولة غربية ماني متأكد وين....معقول ما بين معك لهلق شو معناتها انو الواحد يكون عايش بس ليعيش ويضل قلبو عم ينبض وبين واحد يعيش لانو عندو احلام وطموحات وعندو حياة عم يكون سعيد ليعيشها.... تالت شي بالنسبة لموضوع الاصلاح.....سبع سنين بتكفي وزيادة اذا كان بدو يتم اصلاح حقيقي...طبعا مو بتكفي لحتى نشوف بلاد خلنج...لاء...بتكفي لنشوف نتائج أحسن من النتائج يللي عم نشوفها هلق.....بس للأسف المكتوب مبين من عنوانو....طلعو بس ع الاسماء يللي توالت ع رئاسة مجلس الوزراء بسوريا بعصر بشار الاسد...وراح تقدرو بجد تحكمو.... |
اقتباس:
|
اقتباس:
|
لاوديسا و امرأة من روق، أنا ما بدي شكك بقدراتكن، إنتو أكيد بتستحقوا الإيفاد، و هي أقل شي ممكن الدولة تساويه بحق طلابها، بس تحت مظلة الحكم بسوريا و حسب ما شفنا عأرض الواقع من قصص، و حسب ما شفنا بالمسلسلات، البعثات و المنح ما بتنعطى إلا لمن لهو واسطة، سواء كانت هالواسطة طائفية أو شخصية أو حزبية، و بالتالي ماعاد سألنا حالنا إزا فلان بيستحق البعثة ولا لاء. و أنا متاكد من الصميم إنو إنتو التنتين مالكن واسطة، و طلعتوا بجدارة، يعني الواحد يحكي ضميرو، رغم كل التجاوزات في طلاب بيطلعوا مستحقين، ما عمأنكر هالشي.
مشان الإصلاح غاليتي، تعي نراجع سوا أنا وياكي شو صار تغيير، نبدأ بإنو الرواتب ارتفعت و ما عمبتقل عن 7000 ليرة، صار انفتاح عالجامعات الخاصة، السماح للبنوك(المصارف) بإنو تمارس نشاطاتها بسوريا، قريبا جدا في سوق للأوراق المالية بدمشق، انسحاب الجيش السوري من لبنان، العمل للدخول في السوق الأوروبية المشتركة، أسس جديدة للقبول في وظائف الدولة تبنى على أساس امتحانات للكفاءة و مسابقات، هاي أبرز الاصلاحات يللي بتهدف للتطور الاقتصادي. هلأ خلينا نراجع شو يللي ضل متل ما هوي و ما تغير، و إنتي بنفسك قارني و قرري مين أهم لمصلحة الشعب السوري، نبدأ بغلاء الأسعار و غلاء البانزين بين ليلة و ضحاها، رح تقليلي وين ما كان في غلا، أنا معك، بس زيادة الرواتب ما تناسبت أبدا مع غلاء الأسعار، يعني الموظف يا دوب يدفع أجرة بيتو و حق أكل إلو ولولادو، و الموظف بيضطر ليرتشي مشان يعيش، الحكومة السورية منعت الدول العربية من إنو تعادل للطالب السوري أكتر من 64 ساعة دراسية لأسباب سخيفة جدا و مو منطقية، المناهج الدراسية لساتها معربة و متخلفة، و الاقتصاد لساتو بيتدرس عاقتصاد أول التسعينات، الدكاترة رواتبن ما بتليق بمستواهن العلمي و الأكاديمي فبيضطر ينجح بالرشاوي و الواسطة على حساب المتفوقين، قانون الطوارئ مازال العمل فيه و ما نشال من القانون، فاسدين كتيرو متنفذين معروفين جدا لساتن ماسكين البلد و سياسة البلد، رامي مخلوف عميسرح و يمرح بأموالو و نازل مص بدم الشعب بدون ماحدا يقلوا محلا الكحل بعينك، المرتشين و المتخلفين من الموظفين الحكوميين، من الصغار للكبار لساتن بمواقعن و زادت وقاحتن، و للأسف أغلبن علويين، رغم وجود قانون التوظيف الجديد، يللي طلع، بس للأسف بعد إيش؟؟؟؟؟؟؟؟ و الأنكى من كل هالشي العسكرية يللي لساتها واقفة بحلق الشب السوري متل الشوكة، و عمبضيع 1.5 لسنتين من حياتو عالفاضي، بقضيها ذل و مهانة و تقليل قيمة، أو بالأحرى ترويض. بالمحصلة متل ما قال تشيفادي إنو الإصلاحات سطحية و قشور مو أكتر، و كمان متل ما قالthe light، إنو سبع سنين بتكفي لإصلاحات جذرية أهم من كل الإصلاحات يللي صارت و كان الهدف منها زيادة رصيد رامي مخلوف، لحتى تصير ثروتو قانونية، و تمكين لبعض المسؤؤلين من المخابرات و غيرن، تمكينن من مسك البلد أكتر و أكتر. آسف عالإطالة... |
هلق انت عيني يا ابو طريق
يعني انا معك باغلب كلامك وما بقدر برد عليه لانو باغلبو صحيح يعني ما بنكر هالشي الفساد موجود وسيادة الرئيس بيعرف انو واقع بس برجع بقلك انو ايد وحدة ما بتعمل شي بس يعني في اصلاحات عم تصير وشغلات عم تتجدد ولو كانت بطيئة وكتير مهم انو تنذكر وما ننكرها سعيدة كتير بحوارك الراقي ابو طريق و لانو ماراح اقدر اقنعك ولا راح تقدر تقنعني بفضل اني اسكت ووقف عند انو تنيناتنا سوريين منحب بلدنا بس مختلفين بالراي بس قبل ما اسكت بحب قلك انو زاد احترامي الك اكتر |
اقتباس:
|
شباب صبايا أنا أحمد الله العزيز الحميد أني بشوف هيك حوارات راقيه بهيك منتدى متحضر وأنا كلي فخر أني خلقت سوري ولي الشرف أن أقرأ تعليق كل فرد منكم نقطتنا شباب وصبايا هي : الطائفة العلوية هي قطعة مهمة من النسيج السوري ... أخي العلوي المقموع من هل النظام الظالم واجبي صف معو و نتعاون على الخلاص من أعداء سوريا وعلى رأسهم الفئة المجرمة حزب البعث وقائدة الخائن بشار اسد. هاد واجب لموضوع حتمي وهو أن الديمقراطية والحرية لجميع الطوائف والاحزاب و الاديان ، لنا ما لهم وعلينا ما عليهم مرة تانية بشكركن وبتمنا التواصل دائما مع مواضيعي باسلوب النقاش الهادئ وليس باسلوب الشتائم |
اقتباس:
|
يااااااااااا شباب انا علوي طيب وعايش باللادئية مدينة الاسد طيب شو مستفيد
انا ماني منتفع ولا مستفيد مبلا انا عايش بكرامتي وبكفي انو انا بفخر انو رئيسي هو بشار الاسد وبفخر انو عايش بين احلا شعب بالعالم الشعب السوري سنة وشيعة يللي هني اخوتي بالدين وبالارض وبفخر انو نحنا عايشين وعم ننتج لحالنا أكلنا مننا مو من عند غيرنا فيها الذل حماك الله يا بشار وحفظ الله هذا الشعب الابي والحمد كل الاراء بتكفي انو تأكد حكيي لهيك انا ما رح رد على كاتب المقال انتو كفيتو ووفيتو شكرالكم كتير شكرا لكم |
حلو هالنقاش يللي بلش ياخد المنحى العاطفي والطائفي
طيب ممكن تقلولنا مين بدكون يحكم ؟؟؟؟؟؟؟ ومن انو طايفة بدكون ياه؟؟؟؟؟ وبس تلاقو جواب خبروني هو اكيد ما رح تلاقو جواب بس بركي لقيتو .....................عل ............وعسى |
ياجماعة انا سبق وطرحت فكرة بس ماحدا رد عليها
انو عطوني ضمان واحد انو بس تحل المعارضة محل الحكومة الحالية (وبغض النظر عن اي معارضة) رح تصلح الوضع اكتر من هيك يعني معلش انا غبية بس بدي حدا يوضحلي هالمعارضة شو رح تعمل هل رح يتحسن الوضع؟؟ هل رح نخلص من شغلة المحسوبيات بشكل كامل سواء كانت على اساس ديني وطائفي او على اساس مناطقي او على اساس حزبي؟؟؟ مابظن رح يصير هيك تغيير وبرأيي الحل مو باسقاط حكومة وحط حكومة تانية الشغلة شغلة انو نربي جيل جديد قادر على هيك تغيير جذري لانو بس تغيير حكومة والشعب لسه بنفس العقلية مارح يغيير اكتر من شكليات يعني بدل مانكون هلأ عم نحكي بعلوية وببعث رح نصير نحكي بشي طائفة او حزب تانيين اما جذور المشكلة رح تضل نفسها |
اقتباس:
خيتو المعارضة ما رح تعمل احسن من يللي عم بصير مع انو يمكن يتحسن الوضع شوية مو اكتر اما بالنسبة للعلويين رح يضلو بالحكم لوقت ما يصير عليهم انقلاب ورح يكون الوضع عراق تاني او نسخة تانية والحل الافضل للبلد هو الشرق الاوسط الجديد مع انو الكل ما رح يحبذ الفكرة بس هو الحل الوحيد لانو يللي بدو يجي رح يعمل متل العلويين ويضرب بيد من حديد حتى يتمكن من الحكم ويقرب ابناء طايفتو للكراسي العالية والحساسة وبالنسبة للجيل الجديد انا ماني متامل منو شي لانو هاد الجيل وعي على اغاني البوب والسفن اب والمستورد وما بعرف شو الوطني ومشان هيك انا ماني متامل منو |
اقتباس:
|
طيب اخواتي كلكون عم تحكو عن انعدام البديل و عدم قدرة حدا على الحكم هاد الحكي لوين بياخدنا (مع انو انا مو مع التغيير على الاقل بهاد الوقت ) :
1 - بما انو مافي بديل معناتو ممكن تضل سياسة قمع الحريات و الاعتقالات و كم الافواه 2- رح يضل قانون الطوارئ 3 - رح يضل ميشيل كيلو و انور البني بالحبس 4 - رح تضل تغلى الاسعار و تقل فرص العمل ........ هون بئا بيجي سؤالكون انو شو بيطلع بايد المعارضة تعمل ؟؟ المعارضة الممثلة بالبيانوني و خدام و الغادري هي سقطت شعبيا ( باستثناء الاخوان ) انا عم احكي عن المعارضة الداخلية اللي ما عندا ادوات عمل غير الشارع و حتى الشارع مانو متاح بشكل مريح ,,,, المهم : متل ما عم يطالب البعض باعطاء فرصة للحكومة مشان نشوف فجر الاصلاح انا بقول انو كمان لازم نعطي الفرصة لهي المعارضة اللي عم تشتغل ضمن اطار فعاليات مدنية بحتة ( مع هيك في خطوط حملا كتير على عملها ) و اللي عم يحاولو يعملو هو تقليل عوارض الطائفية و العشائرية و تعيق دور المواطن بكل معنى الكلمة و كلو ضمن اطار جمعيات حقوق الانسان و المجتمع المدني و غيرو ن .. خلاصة القول : ممكن تكون المعارضة ( فسرت مين بقصد بالمعارضة ) بديل جيد بس مو هلئ تحياتي لألكون و للحوار الراقي :D |
تسجيل متابعه.... وشكرا للجميع :D
بس ملاحظة (ابو طريق خلي فراغات بين الحكي.. او سطور .. عيوني راحوا يا رجل ) ((بشارة للطلاب الي موجودين برات سوريا... طلع مرسوم من الرئيس.. انعفيتو فيه من الضريبه الي كنا ندفعها بالفايت والطالع هاي شغلة ال800 ليرة وال 500 ليرة ... :D )) |
فكرة انعدام بديل
هي حل انهزامي و حل على مبدأ يلي بياخد إمي بصير عمي .. ولا تلحقني مخطوبة :lol: لنحكي بواقعية مين ما صار رئيس مارح يصلح بين يوم و ليلة .. في أولويات بالاصلاح .. تم تجربة الحركة التصحيحية بقيادة فلان الفلاني و اللي المفروض ترفع من مستوى البلد بس .. يلي صار انو تم إعمار الصروح و الأبنية ظاهريا .. و تم لطش يلي في النصيب من تحت الطاولات .. و صار الشعب بالحضيض .. و يدور على علبة محارم .. هلأ كنظرية انو شو المفروض يصير .. هاد موضوع بدو محللين استراتيجيين .. بس على حسب مخي شو بقلي .. بقلّي التالي : أي رئيس رح يستلم زمام الأمور و طبعا رح يجي بطريقة ديمقراطية ( رغم انو شعبنا بدو روداج للديمقراطية " هاد موضوع تاني " ) الرئيس هاد مارح يحسن يعمل شي " شي ظاهر بس رئيس ورا رئيس ضمن دورات انتخابية نظامية .. يعني الموضوع استرتيجي جدا .. على عشر طعشر سنة .. ممكن تبلش البلد تنتعش و نمشي بشي نظام برلماني قادر انو يكون هوي الحاكم و ليس من على كرسي الرئاسة .. أي البرلمان يكون القائد العام = الشعب هو القائد و الرئيس هو مخرج منفذ للسيناريو الشعبي 8) دمتم |
اقتباس:
و من جهة الأنظمة البديلة في كتير , و الأحزاب عنا ماكنة و في شخصيات سياسية قوية يعني نحنا لازملنا نظام ديمقراطي حر مستقل ليبرالي يسمح فيه للأحزاب أنو تمارس حقا بالحكم من خلال برلمان بس ما يقتصر الحكم على حزب معين و لازم تصير انتخابات ديمقراطية كل تقريبا 5 سنين و ما بيحق للرئيس يفوز بالانتخابات أكتر من مرتين يعني شي بيشبه النظام بأميركا حاليا بس طبعا هادا كلو لازم يصير بدون تدخل من الجهات الخارجية , يمكن هادا يعتبر حلم بس ليش لأ... |
اقتباس:
|
اقتباس:
الخروجية 1600 :? ما فهمت أيا ضريبة ... |
اقتباس:
|
اقتباس:
|
اقتباس:
|
اقتباس:
|
اقتباس:
|
اقتباس:
اي تذكرت أنا كنت ادفع مدري 1600 او 1800 لأنو سفر لخارج الدول العربية. بس عفكرة من زمان كانت أقل من هيك بس هني رفعوا من كم سنة بس أنا بعمرن ما عملولي إعفاء... سيديي آل يعني نزلاتي عسوريا بتقطع بعضا... |
اقتباس:
طبعا لأنو نحنا مميزييييين 8) الله يديمنا للتميز |
اقتباس:
|
اقتباس:
انو انا ما بدي فوت بهالموضوع من اول.... بس جد قلتيلي بس بسوريا؟؟؟؟؟؟؟؟ تاكدي من حكيك اول..:? .مو لانو بدنا نعارض بصير كل شي زفت وبنصير نحكي شروي غروي..:pos:. انا معي جواز سفر اردني...وبدفع خروجية بس اطلع من الاردن لاي بلد تاني....:pos: لاحظتي انها مو بس بسوريا.....8) مع احترامي طبعا....:D |
اقتباس:
|
| الساعة بإيدك هلق يا سيدي 18:23 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون