|
اقتباس:
قلت في مشاركتي السابقة انو كان عندي شوية قناعات لكن هلاء غيرتها متل ما تقولي عم غير كتير لواكب التطور المعرفي بالكون لو قراتي يلي طلبته منك كنتي راح تفهمي السبب شكرا لاهتمامك:D |
اقتباس:
كيف يعني بدون الدين مافي حب؟؟؟ مصدر الحب هوي الانسانية والدين اجى ليكمل الانسانية بس بدونو بيضل في انسانية وبالتالي بيضل في حب وبالعكس ببعض الحالات الدين لما بيوصل لتعصب ممكن هوي بحد ذاتو يخنق الحب |
:pos: الكلام في هذا الموضوع لا يجدي
|
:pos: الكلام في هذا الموضوع لا يجدي شيئا
|
صح كلامك بس الحب الحقيقي من الايمان الحقيقي
:pos: |
الموضوع جيد بس القرار الحقيقي يكون حسب الظرف وحسب الحب وحسب الاهل أحنا نتكلم نظري ما جربنا حتى نحكم
:pos: |
:? صدقوني كلكم الحب الحقيقي مو كلام أبدا أحنا ما نقدر نحكم الظروف تحكم
|
الموضوع كتيييير شائك هلأ لما يكونوا زوجين من نفس الديانه بس في اختلاف بافكارهم وبقناعاتهم وبيئتهم اكيد رح يسير مشاكل كببيره بينهم فكيف لما يكون في اختلاف بعقائدهم
الحياة الزوجيه مو بس حياة الزوج والزوجه فقط لا هي ارتباط عائلتين ببعض وفي اطفال هلا لو جينا ناقشنا مشكله الاطفال على اي ديانه بدهم ينشأوا يعني رح يشوفوا التناقض بين الاب والام وكل واحد رح يربي ابنه على ديانته فكيف رح يستوعب هالطفل هيك شي لاتقولي خلي الطفل هو اللي يختار كيف طفل وبده يختار ديانته اوك لما يسير شب هو حر بس من لما يكون طفل وعنده اسأله كتييير عم يسالك عليها شو رح تجاوبه وشو رح امه تجاوبه انا من رأيي انه كتييير صعب انه يتم الزواج من ديانتين مختلفتين وتحياااااااتي |
اقتباس:
ماحدا هون عم يحكم نحنا عم ناقش الظروف وبس بعدين ليش حاطط كل هالمداخلات مع انها بتنحط بمداخلة وحدة بس:? |
والله وائل الموضوع مش اشي خرافي أو خارج عن المألوف
لأنه الفكرة اللي بتطرحها بالموضوع، أنا بعرف ناس بجد ضحوا بكل شي حتى الدين مقابل الشخص اللي بحبوه. وبجوز تنصدموا لو تعرفوا انه قناعتك بالانسان اللي بتحبه ومدى حبك اله، اكيد بتخلق عندك نوع من البحث بقناعاته وانتماءاته، وشوي شوي اكيد بتصير تتقرب من هاي القناعات حتى تقدر تفهم الطرف الآخر بشكل صحيح. وانا فعلا بحكي عن ناس قمة في الفكر والوعي، الشخص اللي بحكي عنه كان مسيحي وعلماني كمان، واهله كلهم مثله، تعرف على بنت مسلمة وحبها، المهم بعد فترة تخيلو الوضع، صار يقرأ في الدين الإسلامي ويفهمه صح، حتى وصل مرحلة أعلن فيها اسلامه هو وعائلته، وهذا الشخص اللي بحكي عنه شخصية محترمة جدا واله وزنه السياسي في المنطقة، يعني مش واحد بيتبع أهوائه فقط لا غير. بالتالي إذا حبيت بصدق، اكيد كل شي بصير سهل حتى الدين والاعتقادات والأفكار، أما انه البنت صعب تغير دينها، فكمان بحكيلكم قصة عن معلمة كانت تدرسني أيام المدرسة، كانت قمة في الأخلاق والأدب والرقي، كانت مسيحية، لكنها كانت باستمرار كانت تقرأ كتب في الدين الاسلامي وبتحاول تعرف كل يوم اشي جديد من الدين، ولما كانوا المدرسات يحكولها ليه ما تسلمي؟؟ كان جوابها، مش سهل أعلن اسلامي خصوصا انه عائلتها كانت من العائلات المتشددة جدا، عائلتها هي وعائلة زوجها كمان، بالتالي ما قدرت تعلن اسلامها وتتحدى الجميع. وهيك بكون واضح انه البنت رغم كل شيء بتضل مقيدة بشيء اسمه العائلة وانتمائها للعائلة، بينما الشاب بيتمرد على أي وضع وبيطلع منه، وما حد بيقدر يوقف بوجهه، لأنه هو صانع القرار وعنده القدرة يتكيف مع قراراته . |
اقتباس:
اشكرك على الرد القصير وانا بعرف ليه مش عاوز تتحاور معي لأنك ببساطة تقوم بدور المحاور وعليك ان تتخذ الحياد في الحوار :lol: شكرا مرة تانية وانا بس بقول اعتقاد خاص وما قريت ردود الاعضاء :cry: |
الموضوع معقد كتير وصعب الحكم فيو
بس الي بعرفو ومن دون خبرة ...انو الحب تضحية وبهيك حالة الشخص الي بكون علي الضرر اخف هو الي يضحي و برأيي ازا الاساس سليم ان شاء الله ما في شي بيعيق تحقيقو حتى لو طول الوضع هاد رأيي ...شكرا وائل على هالموضوع المعقد العميق:shock: |
انا مع الزواج المدني
لانو بعييد عن الطائفية عالاقل متل ما فهمت من شرحو بالصفحة الاولى الدين شي مهم.......والحب شي مهم بس لازم نعرف كيف نوفق بيناتهن لانو كل شي الو شي ولا شو؟ مايسترو |
ما في شك انو الدين والحب مهمين وتنيناتهم
بيرتكزوا على بعض بس الشي الي بيحمع بينهم اكتر هو العقل انا غلطانة بهالشي؟;-) |
اقتباس:
لا مو غلطانة بس للاسف الناس بياخدوا الموضوع بطائفية شديدة جدا وانا لاحظت كذا قصة وما بيستعملوا العقل مايسترو |
بصراحة ومن دون زعل انا برأيي الي ما بيستخدم عقلو منيح في هيك قصص ما رح تزبط
و خصوصا انو الحب مو كلمة والسلام الحب شي اكبر من المشاعر والحكي و موضوع حساس بيحتاج ل العقل وخصوصا بحالة متل الحالة الي طرحها وائل ما هيك مايسترو |
اقتباس:
بس مو هون بس القصة القصة عند الاهل والاخوات فهمت قصدي بتخيل مو؟ مايسترو |
هلق كوني بنت صعب شوي قيس هالشي على حالي
بس بعتقد انو الله واحد في كل الأديان و أنا شخصيا في بعيلتي أكتر من شخص كانو غير دين قبل ما يتزوجو قرايبيني .... هلق هنن بيمارسو تقاليدون الدينيا بس يعني عالخفيف و بالمناسبات و أنا بشوف الأمر عادي نوعا ما مشكور |
يا ريت لو كل الاهل متل اهلك او عيلتك
مايسترو |
اقتباس:
مشكور |
اقتباس:
لا عن جد عم احكي مو مجاملة ولو شايفك حاطة صورة تشي ................. بكفي انك حاططيها مايسترو |
اقتباس:
رجعت للموضوع مع اعتذار شديد للأخ وائل و الأخوان هون |
الموضوع جميل ولكن لا يفيد الكلام فيه:pos:
|
اقتباس:
برغم انسحابي من الموضوع لكن ما قدرت فوت وشوف هالجملةى وما علق عليها اجا يكمل الانسانية .......... اذن الانسانية كيان ناقص بحاجة لمن يضفي عليه صبغة ما ليكمل كل النواقص بدونو بيضل في انسانية ...................لكنها ناقصة بيضل في حب .........................لكنه قائم على كيان ناقص والحب كمال وسمو فكيف تكون ارضيته معطيات ناقصة متل الانسانية ؟؟؟؟؟؟؟؟؟؟؟؟؟؟؟؟؟ اسف انا ما عم ناقش بالموضوع بل لاتحولت لنقاش حول مدى حاجة الحب للدين اعذريني لتك الوجهة الجديدة التي اتحدث عنها لكني هنا ليس من باب التنظير والحديث لاجل الحديث فقط بل انها حقائق ثابتة لو تاملتي بالموضوع ستصلي لما وصلن له اختي العزيزة انه زمن الانكسارات والهزائم وليس للتضحيات والامال فليبقى الدين حقيقة عشنا عليها ولنموت عليها حتى لا نفقد الدين ونحن على يقين من اننا سنضيع من فقدنا الدين لاجلهم اثناء الرحلة تحياتي لكي:D |
اقتباس:
بعتقد هلاء وضحت الصورة منى وانتي متاكدة انو وجهة نظرك دايما بحترمها وعلى راسي من فوق :king: شكرا الك منى ولمرورك ومشاركاتك:D |
اقتباس:
لما الامر يكون متعلق بتشي ارنستوا جيفارا بيقى ما في مكان للاعتذارات هذا العملاق يجوز الحديث عنه بكل موضوع وبكل مكان دون الاعتذار |
اقتباس:
انا كنت عم رد على مشترك قال انو لاحب بدون الدين وانا كان قصدي انو الحب منبعو الانسانية مو الدين....... والدين اجى لينظم العلاقات الانسانية(وهون في كلمتين اللي انا غلطت فيون هني ينظم ومو يكمل والعلاقات الانسانية مو الانسانية بحد ذاتها) يعني الدين ببساطة المفروض ينظم العلاقات الانسانية بس هوي لحالو مابيخلق فينا الانسانية وبالتالي مو هوي اللي بيخلق الحب فيها..... يعني الاساس هوي الانسانية الكاملة بحد ذاتها...... بتمنى هون كون وضحت فكرتي :D اقتباس:
اقتباس:
وشكرا على تعليقك :D |
اقتباس:
و و حده الو :D |
اقتباس:
فهيم.......:D مايسترو |
مايسترو
المشكلة صحيح مع الاهل والاخوان بس لما الطرفين يصروا عالموضوع ما بظن انو الموضوع رح يضلوا معقد على طول يعني لما الشخصين الي بحبوا نعض بيتعاهدوا عالحب وبضلوا متمسكين فيو مهما طال الزمن وعاضوا الاهل الا ما يجي يوم ويتلاقوا :D :D |
اقتباس:
|
الله يسامحك
هلأ هاد الي طلع معك عيش يا كديش يلا مقبولة |
رح قول كم كلمة للجميع
يا اخواتي نحنا كلنا اخوا و حبايب بس وقت الانسان بشوف كم صورة سيئة عن دين معين بصير ياخد فكرة سيءة عن هاد الدين انا ما عم احكي عن حالي عم احكي عن العموم لهيك مثلا بس تقول لأبوك انا بحب وحدة مسلمة بقلك اذا بدك تتزوجا انت مو ابني ( مثال ) طيب ليش يا ترا ؟ انا بقلك لأنو بس يشوف واحد ماشي بالطريق بشوف بنت مانا لابسي حجاب بصير بسب عليا هاد مثال غصير انا ما بدي فوت بحوار ديني بس بدي قول انو مجتمعنا غير قابل للحضارة و للاسف مافينا نقول نحنا منغير و نحنا عنا قدرة لأنو المشكلة كبيرة و يلي بأيدو المفتاح كب المفتاح بالمحيط الاطلنطي لهيك انا بقول الدين خط احمر يا معلم :pos: وخصوصي بالحب اسف لأنو دخلت بحوار ديني بس هاي هيا المشكلة :D |
كلامك صحيح
بس ليه ما نحاول احنا نغير الشعب ونحولوا للاحسن مو هيك افضل |
اقتباس:
منحاول عقدنا على قد الوحدة الصغيرة بس على مستوا المجتمع صعب صعب كتير :D |
ما في شي صعب
وبعدين ما في شي بيجي مرة وحدة يعني خطوة خطوة احنا منغير الي بعدنا بغيروا لحتى يتغير المجتمع ما هيك:D |
اقتباس:
يعني نحنا منحكي حكي و بس يوصل الموس لدقننا منقول لاء عيب على كلن وجهات نظر قابلا للأختلاف تحياتي :D |
وجهات نظر
اخر شي ممكن قولو انو الشخص العاقل ما بيستغني لا عن دينو ولا عن حبيبه ما تسألوني كيف بس هاد الي طلع معي لانو القصة عم بتعدوها كتير وانا تعبت |
اقتباس:
انتي بتحكي صح دانا و جيمس كمان بيحكي صح بعتقد المشكلة مو في الدين بقدر ما هيا بعادات وتقاليد عفنة اكل عليها الدهر وشرب لانو ما في دين بالكون بيرفض الحب ولا السمو بين البشر الله واحد بكل الاديان بتختلف المناهج بين الاديان لكن امام ايمانا بوجود خالق واحد واتفاقنا كلنا على هيك بعتقد انو لو حب انسان يغير دينه لاجل شي مقدس متل الدين لازم المجتمع والاهل يساعدو الانسان انو يسموا بنفسه وبمشاعره بهيك ممكن يختلف وضعنا ونقضي على كل تعصب بينا وبنقدر كمان نقبل الاخر ونلغي مفهوم رفضنا للاخر يمكن هالشي يخلينا نصير انضف وانبل من هيك تحياتي جيمس الغالي ودانا وما تفهم كلامي جيمس اني قصدت اسلام ومسيحية انا بحكي بشكل عام :D |
معك حق وائل....انا مو عارفة ليه العرب بشكل عام صايرين هيك
يعني التعصب زايد والغل والكراهية زايدة و ما حدا رح يحل هالمشاكل غير الاجيال هي و الاجيال الجاية ولا المشكلة رح تزيد اكتر واكتر وبرأيي المشاعر والاحاسيس ازا حدا منعها وقمعها ...بيدمر الانسان ممكن مو بالشكل الخارجي وكمان من جواتو حسب علمي انو الانسان ما فيو يكون انسان ويعيش من دون الاحاسيس:D ومشكورين |
| الساعة بإيدك هلق يا سيدي 15:08 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون