|
موال السمك
يابحر قول للسمك طول ما الشبك فوقك لا العشق كارك ولا رمل الشطوط شوقك انزل قرار النجا واغطس ولاتقبش موج العلالي خطر في النوه ومغبش داري على شمعتك وتحب .. ماتحبش الصبح نور ياسمك واعشق على ذوقك |
في المعتقل
في المعتقل ياسلام سلم موت واتألم لكن لمين راح تتظلم والكل كلاب كلاب حراسه وكلاب صيد واقفين بالقيد يكتفوا عنتر وابو زيد ويهينوا دياب الكلب فيهم لايميز ولايتميز عن الغورريلا ومطيز وبظفر وناب ومدربينه يدق الكعب فوق راس الشعب يزرع في قلبه الخوف والرعب من غير اسباب غير ان شلة حراميه وشمحطيه عايشين في مصر عواطلية وبياكلوا كباب عايزين يعيشوا عرض وطول على كده على طول وان حد بلضم سيدنا يقول جربه ياكلاب ع المعتقل يرموه في الضيق مايلاقي صديق وادارة شغلتها التفليق تكتب له جواب غير الصحافة ماتهول بقى وتأول وبعد ما الكدب يطول تطلع في كتاب لكن يامصر حيجي اليوم ويطير النوم وكل ظالم أو مظلوم حيكون له حساب |
البتاع
يا للي فتحت البتاع فتحك على مقفول لأن أصل البتاع واصل على موصول فأى شئ في البتاع الناس تشوف على طول والناس تموت في البتاع فيبقي مين مسؤول ؟ وإزاي حتفتح بتاع في وسط ناس بتقول بأن هذا البتاع جاب الخراب مشمول لأنه حتة بتاع جاهل غبي مخبول أمر بفتح البتاع لأنه كان مسطول ! وبعد فتح البتاع جابوا الهوا المنقول نكس عشوش البتاع وهد كل أصول وفات في غيط البتاع قام سمم المحصول وخلا لون البتاع أصفر حزين مهزول وساد قانون البتاع ولا عله ولا معلول فالقاضي بتع البتاع فالحق ع المقتول والجهل زاد في البتاع ولا مقري ولا منقول والخوف سرح في البتاع خلا الديابه تصول ويبقي البتاع في البتاع والناس صايبها ذهول وأن حد قال دا البتاع يقولوا له مش معقول وناس تعيش بالبتاع وناس تموت بالفول وناس تنام ع البتاع وناس تنام كشكول آدي اللي جابه البتاع جاب الخراب بالطول لأنه حتة بتاع مخلب لراس الغول باع البتاع بالبتاع وعشان يعيش على طول عين حرس بالبتاع وبرضه مات مقتول |
منشور وطني علني رقم 1
أيها المواطنون أيها المواطنات مصر من طول السكات بتناديكم تسمعون ؟ عطروني بالبارود كحلوني باللمون عايز اغمض أو أفتح يرجع الشوف للعيون والقى سينا جوا حضني والجناين والزتون يا حبايبي يا جنودي ما عساكم تفعلون يحكي من أمثال زمان كل وقت وله أذان يا بهيه وخبرينا يعني إيه معني الأدان ؟ لما نصحى فى الصباح والخلايق مجروحين تبقي حي على الكفاح والسلاح يا مظلومين واما نصحى بالسلام والخلايق مرتاحين تبقي حي ع الكلام والمناقشه يا أفلاطين أيها المواطنات مصرنا ست البنات عايزه منكو تزوقوها وإنتو أهل المكرمات عايزه عقد النصر وردي والحلق بالدلايات عايزه طرحه وعايزه فرحه وعايزه ساعه م الساعات تعجنوا الحنه السويسي من زتون البيارات ما عساكن فاعلات أيها المواطنات ؟ يا حياة الشعب يا مصريا نور العيون الحياه والممات والمشانق والسجون والكلام والآلام والدساتر والقانون والعساكر والدساكر كله فى حبك يهون ليس فينا من جبان ليس فينا يحزنون فينا طيبه زرع طيبه بس آه لو تعلمون لو يفيض الصبر بينا تطفح النار م الأتون لو يغطي الصعب سينا والعبور يصبح جنون نرمي يا مصر العزيزه جسمنا فوق المنون وإنتي يا مصر الحبيبه عندنا جوا العيون وإحنا يا مصر الجميله حبنا فوق الظنون |
نويت أصلى
نويت أصلى نويت أصلى نويت أصلى صرصور دخل يى هرشلي مخي قعدت افلي خربوش خرابش صرصور مهابش وفضلت اهابش ما حد دللى حليت رباطي من تحت باطي لاقدرت اطاطي ولا طلت أعلي حيران يا حالي سهران ليالي وسنين بقى لي مربوط فى ضلي وسألت قال يى شيخنا المصلي أركع ترا تا أسجد ترللى يارب يا للي يارب يا للي زرعت عودي سارح تمللي وعدلت ضهري على سرج مهري وطبعت زهري على خد خلي وحياة ما عشقي متعب ومشقي مهن جرا لي مهن حصل لي لاوهب حياتي وأوصل صلاتي وإلآتي آتي فى يوم تجلي |
على حسب وداد جلبي
على حسب وداد جلبي ومزاج البلديات أبعد م الشين واتاخر وإجول للزين سلامات على حسب وداد جلبي على صهد الآرض السمرا أنا أبوي النيل سواني ممصوص وخشن من بره زى الطينه إلآسوانى وألخضره ف جلبي وجلبي دايما على طرف لساني ولساني حصاني رماني وتعبنى كتير وأذاني ياما جابني وياما وداني من جوله فى الحكايات على حسب وداد جلبي على بحر النيل يا جناوي ضليله وجلة ميه وناسات ع يجولوا حكاوي ع تخلي اللجمه هنيه وشطوط مزروعه غناوي وغيطان ألحان مرويه وألزين يغزل مواله من كلمه عمه وخاله وأنا زى ناساتي ما جالوا لفيت الجول حكايات على حسب وداد جلبي |
صبر أيوب
عليل وصف علته قال له الحكيم هوه داء الغرور فى البشر خلا النفوس هوه طبيب وجاي يسعفه صابه الغرور هوه ترك أصول حرفته وإنساق ورا القوة كاد العليل ينتقل قام قال له إيه هوه يا مسأسأ الصبر فوق الجرح من بره الجرح يا عم جايب دم من جوه فين آخر الصبر يا شيخ أيوب لآمتي الحر يبات مغلوب إلجو ضباب الوقت غروب ألديب ع ألباب ألباب موروب الحرب الحرب الحرب ولا غير الحرب سبيل والضرب الضرب الضرب على ناصيه كل ذليل النار والعار لعدو الدار والموت للخاين والغدار كان جدي كبير السن وكان بيقوللي كلام زى القرآن الحق عجوز وقديم ويغر لكن ما يموتش وله طلاب والتار قنطار فوق كتف الحر والصبر فى وقت البلوى عذاب والعزم صديق فى الوقت المر ولا غير العزم تلاقى صحاب والآرض براح وأن داسها الذل تضيق بالناس وألخضرة تموت ويعربد فيها البوم أجناس ولاتبقي حياه ولا يبقي نظام ولا خطوه تسير بالناس قدام ولا تعرف بكره حييجي بايه ولاتفهم معنى لآى كلام ونلف نلف وبرضه نقول الحرب سجال داير على طول والسكه أمل وألنيه عمل والجهد حياه والراحه شلل يا زنود الناس الشغاله ملعونه الراحه ف خط النار النصر عروسه يا رجاله لكن ممهوره بالآصرار التار يا عروبتنا التار التار فوق رقبتنا قنطار وخلاص الشعب الحر اختار الحرب الحرب الحرب وليحيا كفاح الشعب |
الأقوال الماسورة
المجد للشاه فى الاعالى وبالناس المذله وعلى الارض الخراب " شاهبور با ختيار " من سفر ما قبل الخروج حبيبك وصاحبك وصاحب حبيبك كلام كله فارغ عديم المعانى اذا الندل صاحبك يصاحبك لعله وتسمع كلام زي كذب الاغانى وانا اللى اشتريت الخسيس بالخساره وبعت الاصيل اللى يا ما اشترانى واول ما هبت رياح النهايه خلعنى الخسيس من صباعه ورماني الشاهنشاه رضا فهلوي من سفر الخروج اخويا الامير بزرميط الايرانى وعظنى ونصحنى وسلك ودانى لان اللى نابه يا حبه عنيا ما يتيخلوش أي كاتب اغانى دا كان لمسه قاعد معايا النهارده ولابس خواتم دهب امريكانى صحيح الشعوب بنت كلب ولتيمه وممكن تزيح العروش فى ثوانى " واحد صاحبنا " من سفر ما بعد الخروج |
دعوة
يا خالقنا وعالم بلاوينا يا رازقنا وحاسب خطاوينا نسأل فضلك من إحسانك يظهر عدلك وبسلطانك يطلع فلاح من وسطينا يزعط أفندينا وحرامينا |
باحبك
باحبك با حبك با حبك با حبك با حبك با حبك با حبك يا مصر مسايا وصباحي أسبح بحبك وحبك شفايا وجراحى يا مصر واسافر بحبك واميل زي ميلك وتحلا الخطاوي فى حبك يا مصر واحب اغترانى فى صبحك وليلك واحب الونس بالرفاقه يا مصر تنام الدموع فى العيون الهواجع وتسهر دموعي فى حبك يا مصر تهون السجون والشجون والمواجع ويغلا مع القهر حبك يا مصر ولو يحبسونى ولو يشنقوني ولوا فكروا بالعذاب يبعدونى ح اقرب واقرب مش ممكن اهرب وتنزل دموعي على خدودي تشرب تلاقى الرموش والخدود والمباسم مراسم وصورتك عليهم يا مصر باحبك با حبك با حبك يا مصر |
الشربة العجيبة
البلى بم بم والبلى باه قال لك ايه قال لك اه شربه عجيبه من تركيبه بلدي يا بلد البلي بلي باه قال لك ايه قال لك اه شوف يا موطن شوف يا امير واسبق شوفك بالتفكير ناس بيقولوا السر ف بير ادى البير وادى غطاه والبلى بم بم والبلى باه قال لك ايه قال لك اه قال لك اكل الفول بيقوت قال بيقوت قال لك حشو المعده يموت قال لك صهين قال لك فوت كل دا كدب الناس كا شفاه زى ما كشفوا البلى بلى باه قال لك ايه قال لك اه أي مواطن يا ولداه زاده الفول لازم تلقاه عندهالبنكرياس بطال والامساق فوق الاسهال عنده الرهقة عنده الدوخة عنده انيميا عنده عيال قال لك ثم الجهل مصيبه مولف ويا العيا تركيبه تشرب منها تعطش تانى تشرب تعطش تشرب تاني تعطش تشرب خمسه ف سته ميه نار لو طالت جته لازم تلحس اثمن حته يعني المخ يا خلق الله ادي البير وادي غطاه والبلي بم بم والبلي باه قال لك ايه قال لك اه قال لك تصبر ع المكتوب زي ما صبر النبي ايوب يعني تسلم للميكروب يا خد رزقه بفضل الله يفضل ينحل وبرك لما تتفر فط من وسط اللمه خايخ نخب السوس في عضاك خلا قوايمك ما هي شايلاك ويعالجوك الناس بالصبر مع انك عيان بالصبر قومك صبر ونومك صبر لحد القبر ياحول الله وحياتك من الدار للنار تتولف عند العطار يسقيك الحكمه ف اشعار ويركب م الصبر دواه وتقربع والداء عمال ف عضام الابعد نحال وتخلف للبؤس عيال وبهيه صيبه يا ولداه ادي البير وادي غطاه والبلى بم بم والبلي باه قال لك ايه قال لك اه بعد الكشف بميكرسكوب شفنا التوب وما تحت التوب تشكيله امراض عشناها واليكم فى الاتي دواها وصفه عجيبه من تركيبه بلدى يا بلدى البلى بلي باه قال لك ايه قال لك اه وجع الراس ح نعالجه بايه قال لك تدى الناس القوت قال لك طب والجهل يا بيه قال لك سيب الكلمه تفوت طب والكلمه تفوت ازاي قال لك لما الضلمه تموت طب والضلمه تموت ازاي قال لك لازم بالبنوت والنبوت حنجيبه منين قال لك لما نهز التوت قال لك قدر خفنا نهز قالك نشرب صبغة يوت ح تطهر ايوب من صبره وتفجر كيد المكبوت وتفوق يونس من نومته ويفلفص من بطن الحوت ادي البير وادي غطاة وادي وجعنا وادي دواه والبلي بم بم والبلي باه قال لك ايه قال لك اه |
تاجر
تاجر نزل سوق شاف غزاله مع الدلال قرب يدوق العسل نهر الدموع شلال شرب عديم التنا من دمعنا المسفوح زاد فى السعار والغنا من خسه الدلال اخص اخص اخص .. على كده |
أصل الحكاية .... ولد
منين أجيب ناس لمعناه الكلام عارفين سبه الأمارة إذا حفضوا الوداد عارفين شرعت من القلم رمحي جرح قمحي جعلت عشق الغنا زادي وناس عارفين يا ليل يا عين يا وطن يا صحرا يا بساتين يا جرحي يا غنوتي يا ناسي يا غايبين موالى من غربتي أخضر خضارة حزين حزين كلام الغنا والسامعين عارفين آه يا زمان الخنا يا ماشي بالمعكوس فيك أى شئ ينشري وكل شئ بفلوس حطيت عديم الرجا ع الخايب المتعوس خراب وحاكم أغا يا قهرة العارفين ركب الأغا ع البلد ركب عليها الخوف خاين قليل التنا جاهل عديم الشوف خان التراب والهوا خنق الضمير في الجوف وداس بنعل الوطا ع الحق والعارفين مين في البلد يا بلد كان صوته من راسه يحسب يكيد العدا ويصون وداد ناسه دار المدار بالخبل وسقانا من كاسه مين تحت الأغا ينطق يقول عارفين يا للي قريتوا الجرايد كله كلام مغشوش ومركبين في الصحافه بتوع وليها كروش يدوسوا زر البتاعه ينزل كلام مطروش حمضان في حبر المطابع وكلنا عارفين أصل الحكايه ولد فارس ولا زيه خذ من بلال ندهته ومن النبي ضيه وم الحسين وقفته في محنته وزيه قدم شبابه فدا والحق له عارفين خالد يا بن الربيع والأمل والشمس والزينه مين يا فتي أعملك فعل الخريف فينا وكبرت بره الزمان اللي ابتلاك بينا نايمين على وددنا مع إننا عارفين صالح من سكون الخرس كروان بغنيوه الملك لك يا فتي يا مصري يا حليوه رقصت نجوم الفلك بالضي تتعانق والشمس ويا القمر في برجهم عارفين شيل الغطا يا عطا عبد السلام قدد مين عبد الحميد يا فتي قطب الرجال يا حسين داعي المروءة دعي والعمر مش عمرين خالد يقول صحبتي واحنا الجميع عارفين الله أكبر هنا ع الباغي والجبار طعن الفتي طعنته خار الأغا وانهار المجد دا ابننا والفارس الكرار راكب على مهرنا والكدابين عارفين مين يا فتي علمك لعب العصا ع الخيل وازاي قطفت القمر من فوق شواشي الليل وطبعت نجم السما بالوشم على زندك الأسم : خالد ولكن عاشق ولك هندك أم الدلال علمك طبع الأسود عندك مين يا فتي علمك عشق الملاح والميل هندك يا أدهم هنا أصلك وسلسالك والناس يا خالد هنا عمك هنا خالك يا غنوه من قهرنا إسمك وموالك ويا العذاب والأمل فى دمنا عايشين وليه أجيب ناس لمعناه الكلام عارفين وإحنا الأماره إذا حفضوا الكتاب عارفين |
اقتباس:
حبيت سمعكون هالقصيدة بصوتو - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
شكرا مادماكس
فعلا القصايد بصوت نجم بتزيد حلاوة |
ايه المجهود الجامد دة يا ايمان
ميرسى يا قمر ووحشتينى يا بنتى |
1 ملف مرفق .
حضرة المتهم ابى
نازل و انا ماشى ع الشوك برجليا و انت السبب يابا و يالى خليت بيا نازل و انا ماشى ع الشوك برجليا و انت السبب يابا و يالى خليت بيا لا فرشتلى بستان و لا حتى بر أمان لا فرشتلى بستان و لا حتى بر أمان أعيش عليه إنسان و الدنيا فى ايديا فى ايديا و انا لما جيت من الغيب العدل كان كيفى و الحق كان مطمعى و الحب كان سيفى و انا لما جيت من الغيب العدل كان كيفى و الحق كان مطمعى و الحب كان سيفى دقيت ع الأبواب لقيتنى فى السرداب غابة من الأنياب مسنونة حواليا دقيت ع الأبواب لقيتنى فى السرداب غابة من الأنياب مسنونة حواليا مع الأسف يابا الدنيا دى غابة ملناش مكان فيها مع الأسف يابا الدنيا دى غابة ملناش مكان فيها يا عينى يا وعدى ع المغرمين بعدى و الطيبين فيها ع الطيبين فيها ع الطيبين فيها ع الطيبين فيها ع الطيبين فيها وهذه القصيدة بصوت مدحت صالح..تبكى :cry: |
من حسني مبارك .... إلى شعب مصر ياشعبي حبيبي ياروحي يابيبي ياحاطك في جيبي يابن الحلال ياشعبي ياشاطر ياجابر خواطر ياساكن مقابر وصابر وعال ياواكل سمومك يابايع هدومك ياحامل همومك وشايل جبال ياشعبي اللي نايم وسارح وهايم وفي الفقر عايم وحاله ده حال احبك محشش مفرفش مطنش ودايخ مدروخ واخر انسطال احبك مكبر دماغك مخدر ممشي امورك كده باتكال واحب اللي ينصب واحب اللي يكدب واحب اللي ينهب ويسرق تلال واحب اللي شايف وعارف وخايف وبالع لسانه وكاتم ماقال واحب اللي قافل عيونه و غافل واحب البهايم واحب البغال واحب اللي راضي واحب اللي فاضي واحب اللي عايز يربي العيال واحب اللي يائس واحب اللي بائس واحب اللي محبط وشايف محال واحبك تسافر وتبعد تهاجر وتبعت فلوسك دولار او ريال واحبك تطبل تهلل تهبل عشان مطش كوره وفيلم ومقال واحبك تأيد تعضض تمجد توافق تنافق وتلحس نعال تحضر نشادر تجمع كوادر تلمع تقمع تظبط مجال لكن لو تفكر تخطط تقرر تشغلي مخك وتفتح جدال وتبدأ تشاكل وتعمل مشاكل وتنكش مسائل وتسأل سؤال وعايز تنور وعايز تطور وتعمللي روحك مفرد رجال ساعتها حجيبك لايمكن اسيبك وراح تبقى عبره وتصبح مثال حبهدل جنابك وأذل اللي جابك وحيكون عذابك ده فوق الاحتمال وامرمط سعادتك واهزأ سيادتك واخلي كرامتك في حالة هزال وتلبس قضيه وتصبح رزيه وباقي حياتك تعيش في انعزال حتقبل ححبك حترفض حلبك حتطلع حتنزل حجيبلك جمااااال |
محمد فؤاد نجم من الشعراء اللي عندهم ضمير ويا ريت اللي بيحبوا هاي النوعية من القصائد يشوفوا قصائد عبد الرحمن يوسف اللي ما بعتقد انها بتقل جرأة عن قصائد نجم شكرااااااااااااااااااااا
|
احمد فؤاد نجم - يا شعبي يا حبيبي
ما رح احكي عن القصيدة ..
هيي بتحكي عن حالها .. هلأ انا لقيتها مطبقينلا فيديو .. فا قلت خطي .. خلي الشباب يشوفو الفيديو كمان .. تفضلو - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
صارلي سنتين بسمع انها لاحمد فؤاد نجم ، ولا مرة سمعتها بصوتو ،
اذا عندك او عند اي حدا من الشباب رابط بصوت نجم ياريت تحطوه لانو رح يكون شيئ قلما يوجد عالنت . عفكرة انا فايت مخصوص مشان هالموضوع ، لا تردني خائب :frown: جد هاد مش اسلوب نجم في بعض التشابه ولكن الاختلاف واضح واذا سمعتها بصوتو رح اطمن. |
يعني هادا ما احمد فؤاد نجم مولانا ؟
|
اقتباس:
|
يا سيدي .. انتي اعلم ..
ومشان انو صوتو .. دورت عليها .. وما لقيتها الا نفس هالتسجيل .. فا انو ما بعرف |
 هاد هو واللي تحت جزء من مقال جريدة صوت الامة والرابط - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ويمكن يكون هو اللي بالفيديو التالي - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - آخر المطاف يريدون توريث الحكم لنجل الرئيس.. السؤال استفز الزميلة رحاب الشاذلي، مما دعاها لإجراء تحقيق صحفي رائع في «صوت الأمة» حمل عنوان «من كتب القصيدة السرية ضد الرئيس»، وظلت هذه القصيدة متداولة وسط أوساط اليسار والبعض يخشي من ترديدها علانية دون معرفة صاحبها، إلي أن عثرنا علي مؤلف القصيدة الشاعر صفاء المويلحي والغريب أنه لا يخشي الاعتقال بعد الحكم علي شاعر مغاغة «منير سعيد حنا» بالسجن ثلاث سنوات بتهمة إهانة الرئيس في قصيدة شعرية الأمن من جانبه ظل يبحث طويلا عن صاحب قصيدة «رسالة الرئيس لشعبه الحبيب»، المويلحي فجر العديد من المفاجآت في هذا الحوار منها أن أمن الدولة اتصل بالشاعر الكبير أحمد فؤاد نجم عقب انتشار القصيدة لظنهم أنه من كتبها وأن القصيدة، متداولة بين الشعب دون الخمسة أبيات الأخيرة. يقول صفاء المويلحي: كتبت هذه القصيدة متأثرا بما حدث للنشطاء السياسيين من سحل وضرب وإهانة وتحرش من قبل قوات الأمن، وذلك أثناء وقفتنا الاحتجاجية أمام نقابة الصحفيين إبان الاستفتاء الأسود علي تعديل المادة 76 من الدستور ورأيت أحد الزميلات الصحفيات بجريدة الجيل وقد تم الاعتداء عليها بصورة سافرة، رغم عدم علاقتها بالسياسة وحيث حضرت لنقابة الصحفيين للحصول علي دورة في الكمبيوتر، وما استفزني أكثر لكتابة القصيدة أن الزميلة نشوي طلعت وفي ميدان سعد زغلول تعرضت أيضا لتحرش جنسي واعتداء قذر وكذلك ما تعرضت له المحامية «رابعة فهمي» والحقيقة أن هذا اليوم شهد أكبر اعتداء علي الصحفيين والناشطين السياسيين من قبل الأمن وعندما ذهبت إلي منزلي القديم بمنطقة الدويقة وفي إحدي حجراته وجدت نفسي أكتب هذه القصيدة ووضعتها في جيبي وهي شأن معظم قصائدي التي تنتقد هذا النظام الغاشم، |
لاللا مواحمد نجم ابدا
|
| الساعة بإيدك هلق يا سيدي 01:24 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون