|
يسلمو كتير على الموضوع الرائع أنا كمان من عرب ال 48 (شوفو الصدفه::lol: )
النقاش إلي صار بخصوص الموضوع حلو ومحترم والله ما إتوقعت يكون في نسبة عالية من عرب ال 48 بهلموقع شي حلو كتير و مُشرف وانا بمـــــــــــــــــــــــــــوت بالمسلسلات الســــــورية و اللهجة السورية :) بالتوفيق ;-) |
ههههههههه...والله شي بضحّك!!
انا عم شوف انه نسبة كتيرة من العرب ما سامعين بأشي اسمه عرب 48!! اذا حدا سألني منين انت؟؟.بجاوب وبقول عرب 48!! بجاوبني هيك ::shock: :shock: :shock: :shock: |
وأول شي مشكور صاحب الموضوع والله يعطيه العافية
بجد انه ذكرني بمدينتي الأصلية يافا!!! انشالله بنرجعلها بيوم من الأيام :cry: :cry: :cry: :cry: :cry: |
شكرا لك على الموضوع الجميل
وانا من عرب 48 مين من عرب 48 بدي اتعرف :deal: |
اقتباس:
مين هي الي قالهااااا شباب :pos: لك اسمعي يا خيتي متل ما بدهم يقولو يقولو نحنا فلسطينيين من عرب ال48 ول من الضفة ول من غزة نحنا عرب فلسطين والي عاجبو كلامي عاجبو مش عاجبو عمرينو اصلااا ما اوصلنا هاي الموصيل واتقطعت اوصال فلسطين الاااا منهم :D :D شكراا علا الموضوع الحلوو |
على العموم يا جماعه الله يمسيكو بالخير على رايك يا جدي
كمان بتصور انه كلنا عرب وبنحمل نفس الدم وكلنا فلسطينيه وبشهد ترابنا بس المشكله في الناس وتفكيرها الرجعي وبحب قول شي كمان انه انا من سكان القدس يلي بيعانو نفس المشكله يلي بيعانيها عرب 48 بس بنسبه اقل شوي يعني عنا سكان اسرائيل بينقسمو 3 اقسام وهم اليهود نفسهم درجه اولى وعرب 48 درجه تانيه وسكان القدس درجه تالته بس الحمد لله اكيد ما في شي رح يمنعني باني كون فلسطينيه وقولها بكل فخر وتحياتي للجميع وكل عام وانتو بالف خير |
لك وانا كمان يكونلي الشرف وكانلي الشرف انو انا فلسطيني
مشكورة :D |
كتير حلو هايا الكل هون من عرب ال48 اهلين:gem: فيكون وانا ممكن انضم معكن انا من عرب ال48 :D
|
لا يمكن تغطية الشمس بميكرسكوب اوروبي
موضوع شدني كتيررررررررر وحبيت احكي فيه ,,,,
اولا كاتب الموضوع الاصلي - لا اعلم اذا كان مؤرخا في علم الاجتماع تغلغل في اوساط مجتمع عرب ال48 وعايش ظروفهم عن كثب أم انه حلل وفسّر طبائعهم وتشبهمم باليهود وهو يستمع الى انغام موسيقى الروك التي يحبها ويعتبرها من هواياته - يبدو ان اخونا الكريم ابن الاكارم حكم على غابة كاملة من خلال بضعة اوراق وجدها صدفة خارج هذه الغابة . عرب 48 هم عرب ابا عن جد بعض النظر عن الهوية الاسرائيلية التي يحملونها , اما بالنسبة الى تقسيمك ايانا الى نوعين لا ثالت لهم - مندل ابو الوراثة كان ارحم بنا منك لو كان موجود - اما متدين متطرف او منحل اخلاقيا فهو تقسيم يدل على انعدام المعلومات والبعد عن الشريحة المستهدفة , فعرب 48 مثل اي عرب فيهم كل اطياف اللون الديني والسياسي والاخلاقي وغيره , وليس فقط نوعين احدهما على اقصى اليمين والاخر على اقصى الشمال . لسنا سذجاء حتى تنكر انت وسواك ان في الدول العربية ما يندى الجبين عن ذكره من اماكن الشرب والرقص والمواخير وانت تغيرت اسماؤها وكفانا ذلا - نعم كفانا جميعا كعرب على اختلاف الجنسيات - ان يضحك اليهود ويفرحوا وهم يقولون ارايتم متعة رؤية اجساد فتيات لبنان وسوريا ومصر وهي شبه عارية تعرض على التلفاز وهذا ما قراته بنفسي من اقوالهم - عرب 48 وبكل فخر بقوا في ارضهم رغم كل شيء , تخيل بابسط عملية حسابية كم من مساحة الارض التي حافظنا عليها بثباتنا كانت ستحوزها اسرائيل لو هربنا الى الدول العربية المجاورة ؟؟؟ الا يكفي فخرا ان الاقصى مأهول بالمصلين من عرب ال48 وبفضل الله وبفضل احدى مؤسسات ال48 العربية الاسلامية التي تشجع عرب ال48 ان يملاوا مسجد الاقصى ومسجد قبة الصخرة بالعشرات العشرات كي تثبت لليهود ان لا زال هناك من يصلي في الاقصى فلا حجة لديهم من الاستيلاء عليه ؟؟ ليس من السليم ان تشرّح شعبا كاملا بمشرط طبيب لم يزاول الطب بعد !!! وللحديث بقية |
ملاحظة صغيرررررري كتيرررررررررر لاهلنا في الدول العربية <<
على سيرة مسجد الاقصى في ردي السابق حبيت اوجه ملحوظة يجهلها معظم المسلمين في الدول العربية ويعرفها - بكل اسف - كل اليهود في داخل كيانهم وخارجه وهي ان القبة الذهبية الصفراء التي ترونها على شاشات التلفاز ليست هي الاقصى وان مسجد الاقصى قريب منها جدا ولكن فضائياتنا العربية - هداها الله - تتعاون بشكل متعمد او عن جهل مع اليهود حيث تبرز فقط القبة الذهبية حين تتكلم عن الاقصى فيربط المشاهد ان مسجد قبة الصخرة هو نفسه الاقصى. ويعني لو راح المسجد الاقصى وهدموه , ساعتها الشعوب العربية ما راح تعرف لانها الفضائيات الميمونة بتنقل صورة القبة وهيك بيفكروا انه الاقصى لا زال موجود لم يمسه اذى :( |
أهلين فيكي عابرة وطن ..
ما بدي إعتذر عن موضوعي .. و ما بدي حلل إسمك و إربطو بالموضوع اللي كاتب فيه عن كلمة وطن .. القصة و ما فيها إنو قبل ما إجي على ألمانيا, كانت المعلومات اللي عندي كتير قليلة عن عرب 48 .. و بعد ما تعرفت أكتر على أشخاص من عرب 48 حبيت شارك إخواتي بالمعلومات اللي حصلت عليها. بتمنى إنو تصلحي الأخطاء اللي وقعت فيها بدلاً من ذمي و لومي :D اقتباس:
ومدري ليش متأكد إنو كتبتي ردك قبل ما تقري بقية الردود بالموضوع :shock: بتمنا إنو تقري جميع الردود قبل التعليق .. و ميت أهلا و سهلا بين إخواتك هون .. و الإختلاف بوجهات النظر لا يفسد الود للقضية :D بتمنا هالشي أنا ناطر إغناء الموضوع |
اقتباس:
مرحبا صبي .. بحب احكيلك انه اعتقادك مو في محله , لاني قرات كافة الردود من الالف الى الياء , لدرجة اني لم اعرف فائدة رد الاخ / الاخت نونو 77 (يا رب النونو يكبر ويكون قرة عين اهله واحبابه) بالمساهمة في إثراء الموضوع حين قال / ت :?: كود:
من اطلاعي على الموضوع اريد ان اضيف مايليكود:
1- ان عرب 48 نسميهم عرب الشمينت (والشمينت هو لبن اسرائيلي ) على سبيل المزح ودون زعل على كل حال المتل بيحكي "ان كان بيتك من زجاج فلا ترمي الناس بحجارة " :oops: <؛ |
اقتباس:
اقتباس:
|
رد عى غدم فهم رد سابق
مرحبا اخ يـــــــاس
 كود:
كلامك نستدل أنو كل معرفتك عن العرب "نظريا" جاية من نظرة اليهود....معناتو عم تعملي نفس الشي اللي انت عم تشتكي منوثانيا يا اخي انا لا ارى احوال الدول العربية وشعوبها من خلال نظرة اليهود . لا سيما ان لي في كل دولة عربية اقرباء من الدرجة الاولى , فالاحرى ان اعتمد نظرتهم هم وليس نظرةاليهود خلاصة للامر , كل الردود كانت بدافع الاستياء من الحكم على شعب من خلال بضعة طلبة يدرسون في دولة اوروبية . فكل بلد وشعب مليء بكل الالوان والنسب المختلفة والدرجات المتنوعة على سلم طويل من ناحية الاخلاق والالتزام الدين بدون استثناء , فليس من المنطق ان نعمم , وسيكون التعميم اسوأ في حالة صدوره ممن يحمل شهادات علمية او على وشك حملها !! |
انا كمــــــــــان من عــــــــــــــــــرب ال 48
:clap: :clap: عنجد ما كنت اتوقع هالنسبه تكون من عرب ال48 الله يحيي اصلنا :ss: |
المقال كثير مزبوط بس بالنسبه للشباب المقسومين قسمين شي حشاش وشي متدين انا بعتقد هذا الشي غلط
يعني انا من سكان عرب ال48 والشباب عادي مثلها مثل باقي الشباب اللي بالدول التانيه يعني في حشيش وفي متدينين وفي منهم يعني لا حشاشين ولا متدينين اما مش تقول نوعين احنا مش اقطاب بطاريه !!!! |
عرب ال 48
انا كمان من عرب ال 48 وميرسي عل الطريقة الصحيحة الي عرفتنا فيها على عكس ما بنشوف بمنتديات تانية
|
اقتباس:
يسلمو على التوضيح يا عمي انا من غزة وصحيح الغزاوي مشراني بس والله قلبو طيب على الاخر ياريت ما تثبت صورت ابن غزة متل ما انتو وضحتوها يعني لو في واحد غزاوي مش نافع ما نكتب الغزاوية مش نافعين التعميم في الحكم على الناس ظلم وغلط ( صح والله لأ ) بعدين احلى ناس اهل الثمانية والاربعين .. همة عمقنا.. والاصل... وهمة الناس الى ثبتو في وجه عمليات التهويد الشرية ضدهم ومع ذلك حافظو على هويتهم العربية تحياتي لحضراتكم وشكرا لكاتب الموضوع وتسليطو الضوء على شريحة مؤثرة فعلا في فلسطين ويقع الان عليها عبء التصدي لكل عمليات التهويد بعد الانشقاق الى صار بين غزة والضفة تسلمو :D:D |
يا عمي والله ما في فرق بينا بالمرة
ولو بعدين يا عمي ماتنسو انو احنا كلنا فلسطينية وكمان احنا من بلاد الشام ( شوريا ــ فلسطين ــ الاردن ــ لبنان ) احنا شوااااااااااااااااام مين عندو اعتراض :lol: واحنا عرب واكتر من هيك من قارة وحدة وكوكب واحد ومجرة وحدة وين الفرق :D |
اقتباس:
اقتباس:
اختي العزيزة احترم فيكي وطنيتك وغيرتك على فلسطين اما بالنسبة للاخوان الدروز فهناك من يرفض الخدمة العسكرية ويلاقي الامرين لذلك الرفض (حتى نكون عادلين في النظر) |
بصراحة موضوع كتير كتير كتير حلو
وانا من عرب ال 48 اللي موجودين داخل الحدودد الا..... وفي مليان مليان مليان اشياء بحبب احكيهاا لو دحكيها ما بخلص اللي حابب يعرف اكتر ممكن عن طريق الاميل نتعرف اكتر واحكيلو.. وانا بدي احكي بالنسبة للعلاقة بين اليهود وبين العرب اول ايشي كل يوم بعد يوم انا كيف بشوف انو العلاقة بين عرب ال 48 واليهود بتصير احسن يعني في تحسين في العلاقات يعني قبل كانوا العرب ما يطيقوا يهود بالمرة ولا والعرب يطيقوا اليهود اليوم احنا منشوف في اسرائيل انوو في كتير علاقات في الشغل يعني بين يهود وعرب وانو يحكوا مع بعض عادي يعني العلاقات عم تتحسن وفي متلا انا ساكنة في قرية عربية بس جيراننا في القرى والمدن كلهن يهود ما في حدنا عرب يعنيي بيجوا هني علينا واحنا منيجي عليهن على بلادهن ومنشتري من عندهن وبشتروا من عنا... وكمان مرات بسالو عن الجلباب انو من وين منشتري وهيكك بحبو يعرفوا عناا وبحبوا يتعرفوا على اللباس الديني يعني وفي كتيرر اشياء حابة احكي بس ما رح اخلص والله.. بس زي ما حكيت اللي بحباحكيلو ممكن عن طريق الاميل ونصير اصحابب! |
وبالنسبة للغة العربية عنا واللغة العبرية
يعني كيف بقولوها انو "اللغة العربية تنعى حظها" اليوم اغلب المواضيع في المدرسة منتعلمها باللغة العبري متل رياضيات ، فيزياء.... في كتير مواضيع اللغة العبرية صارت تفوت فيها كتيررر وكتير الواحد بستعمل في حكيو اللغة العبرية ... وخصوصاا يللي متلي انا انو ما في عرب حدنا بالمرة.. كلها مستوطنات قرى يهودية اللي اصلها عربية يعني الواحد ويين مايروح مجبور يعرف يحكي عبري! واكيد في كلمة مشهورة عند عرب ال 48 " بسيدر" ههه |
بالنسبة للجيش الدروز ما بخدموا في الجيش لانهن هني بدهن!!!1
لا في عندهن هاذ الرجل الديني وقع اتفاقية على انو الدروز يخدموا في الجيش واليوم في محاولة من قِبَل اسرائيل انو المسيح والاسلام يخدموا خدمة مدنية بس في كتير معارضة |
اها مشكورة انسة على هاي المعلومات ومع ذلك كنت بريد اركز على حاجة مهما اختلطنا باليهود ما ننسى انهم محتلين ارضنا يعني قصدي اقول صحيح ما بنقدر الا ونعترف فيهم كأمر واقع وحتى انكون علاقات معهم انسانية كصداقات مثلا
ومع ذلك ينبغي الاننسي انهم ليسو إلا محتلين دمتى اختي انا من غزة المجنونة |
اح صح وانا معك انو ما ننسى انهن محتلين ارضنا
بس كمان كل واحد بدو يتأقلم مع ظروف معيشتو وكمان انا حكيت بس انو كيف صارت العلاقات بينا!! وما نسيت انهن محتلينن! |
اذا متفقين :deal: تحياتي
|
رح احكي عن الفرق بيني كمواطنة فلسطينية احمل الهوية الخضراء وبقية عرب الداخل
بينا وبينهم المسافة الجغرافية مش كتير بس الحياة كليا بتختلف واللهجة نوعا ما .. في بينهم وطنيين بس في بينهم ناس تنايين فخورين جدا بالهوية الزرقا اللي معهم .. انا ممنوع اروح ع اي منطقة تابعة ل (اسرائيل) بتشحطط عالحواجز وبينشف دمي بس هم بيتعاملو كاسرائيليين وبيروحوا وبيجوا بسهولة ! مش كتير " واسفة اني بحكي هيك " العلاقة طيبة بين عرب ال 48 وبينا .. وصراحة بعرفش ليش بس كتير بيشبهوا الاسرائيليين بنمط حياتهم وكيف بيلبسوا و كتير بيدخلوا العبري بحياتهم !! موضوعك حلو |
انا كل ما بدي اكتب رد بالموضوع هادا ما بعرف ليش بتردد..يمكن لاني بدي احكي الي بحس فيه و الي ما راح يعجب كتير منكم....فبختصر ....اول شي انا فلسطينيه من القدس و بالنسبة لعرب ال 48 صح فلسطينيه ما حد بنكر الشي هادا ...بس فلسطينيه بالاسم ليش اذا واحد واجهنا بحقيقتنا بنزعل...هلى ما بدها كل واحد يشد على حاله و يعملي فيها وطني و ابن فلسطين....لا خيو شوف انت جوا اسرائيل كيف عايش و شوف احنا بالمقابل كيف عايشين ....شوف العز الي انت فيه...و شوف الذل الي احنا فيه .....شو ف انت مين بحميك و بالمقابل مين منتهك حقوقناا....يعني اذا جينا نعمل جدول و نقارن بين شباب الضفة و شباب عرب اسرائيل.....كل واحد فيكم من جواه بعرف شو هي النتيجة فبلا ما نضحك على بعض ....انتو فلسطينيه على عينا و راسنا بس فررررررررق كبير بينا و بينكم متل الفرق بين السما و الارض....بكفي انتو حاسين بأمان بدولة انعدم فيها الامان :D |
امممممممممممممممم
بس يا اختي عرب 48 مش ذنبهم اذا كانو عايشين بامان ولا لأ هذا اذا كانو عايشين بأمان طبعا انتي اكيد بتعرفي المخططات والمضايقات الاسرائيلية يعني وما بدنا ننسي كمان انهم قدموو شهداء وفعلا اثبتو انهم اكتداد النا انا واثق اختى ان لهم دور كبيروفاعل في القضية بس كوني واثقة بالله |
اقتباس:
|
لا شكر على واجب انسة مروة :deal:
يعني الحقيقة لازم تنحكا وعنجد انتم بترفعو الراس والايام راح تثبت هاد الشي ********* الصراحة املنا فيكم بعد غرقنا في غزة والضفة املنا فيكم |
الصراحة اخ ارسلان اعجبني
ردك كتيرر وبدي اقول انو ما تنسي اخت لموش انو اخوتنا المسلمين بالضفة مين بساعدهن؟؟ اكيد عرب ال 48 بتبرعولهن دايما!! وصح احنا عيشتنا افضل منكن بس كمانن كتير اشياء ومضايقات بتصيرر وشكراا |
موضوع حلو كتير..
انا كمان من عرب 48.. بس ما عندي انتماء للدولة الاسرائيلية.. بعترف بوطني فلسطين وبس فلسطين.. |
اخت لموش ليش مالها العلاقة بينا وبينكم!!!!!
وبعدين شو بتتوقعوا منن عرب عايشين مع اكثرية يهوود الا ما يتأثروا بالظروف!! ويصيروا يحكوا عبري!! راجعي حكيك خيتا.. |
انا يا أختي من يلي شفتو امبارح عنا بالحي وتجربتي
الشخصية ما ضل امل الا الله واهلنا في ثمانية واربعين لك بعدين مين يلي بملأ ساحات المسجد الاقصى الا اهلنا في الثمانية واربعين وهناك رموز اسلامية كبيرة نعترف لها بالفضل في اكتير اشيا ************************************************** ********* |
اقتباس:
والله متل الي عم يضحك على حاله ..اي مضايقات عم تحكي عنهااا!!!....انتي عمرك قعدت على محسوم شي 4 ساعات تحت الشمس.؟؟؟...عمرك غفيتي على صوت القصف و الصورايخ و الدبابات؟؟؟......عمرك شفتي اهلك بموتو قدام عيونك؟؟ .....عمرك انقصف بيتك و نمتي بالشوارع؟؟؟؟؟؟عمرك حبيتي تتنقلي من منطقة لتانيه بحرية من غير ما تحسي انك بسجن بس شوي كبير؟؟؟ دخيل الله بس اي مضايقات عم تحكي عنها يا امورة ....شكلكم ناسين انه اسرائيل بحد ذاتهاا حاسبتكم عاليهااا ^_^..... |
اقتباس:
عملتو متل اللبنانيه لهلئ الاستعمار الفرنسي مأثر فيهم و بحكو 10 كلمات فرنسي و بمرئو بينهم كلمة عربيه ^_^ انا معاكي انتو عايشين معاهم و اكيد بدكم تتأثرو فيهم بس صدقيني الي بنكر اصله لا اصل له من الاساس |
ما تحكي هيك جوليانا الامن يلي عايشين في مش احنا يلي صانعينو
وبعدين مين حكالك انهم موافقين على يلي بيحصللكم يعني ليش بشعر انك موبتعتبريهم اهلك وعمقك يلي مش راح ينسو فلسطينيتهم لك هم يلي بقو وما هاجرو وضلو في بيوتهم اتذكري هيك اختي في الوقت يلي كان اي انسان بيهرب هو وعيلتو هم اتصدو واتجذرو في بيوتهم الله يخليكي يارب |
اقتباس:
اللي معيش اغلبنا شغلتين رواتب الاتحاد الاوروبي و القصص اللي من وكالة الغوث واللي بتنعطى لللاجئين ! خيتي صلي على النبي وكوني واقعية شوي ! وننسى كلام الاعلام ونحكي بالحكي الجدي والواقعي بإمكاني اكتب خطبة كاملة عن العلاقة الودية الوطيدة بين عرب ال 48 وبين اهل الضفة والقطاع بس بكون بكزب وانا مش بحب الكزب صراحة لا شك انو في من عرب ال 48 ناس وطنيين بس نسبة كبيرة بيفتخروا انهم عايشين مع يهود وبيفتخروا انو نمط حياتهم من نمط حياة الاسرائيليين ! بتتعاملو بطريقة سيئة من قبل الاسرائيليين بس برضو بتعاملونا بفوقية وكأنو احنا عايشين من خيركو ! :) مرة تانية انا مش بعمم ! انا بحكي في اللي هيك وفي اللي هيك ومش بحب المثالية صراحة لأنها ثقيلة عالمعدة وهلا ! |
اقتباس:
مش محاصرين ولا ملعون تميس اللي خلفهم كل يوم مش كتيرة لو حاربو محاولات طمس هويتهم الفلسطينية ! مقاومة اسمها ولا شو ؟! |
| الساعة بإيدك هلق يا سيدي 02:42 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون