|
اسفة شباب عم رد ع فكرة قديمة بالوقت يلي صرتو انتو سابقيني باشواط ودخلتو بمواضيع كبيرة اكبر رجال السياسة و الاقتصاد ورجال القانون الدولي بيحكوا فيها وبالفو كتب ورغ هيك بكونو مش مقنعين انفسهم ولا مقنعين غيرهم وهون بقصد موضوع مين بيتحكم بمين الاقتصاد ولا السياسة ولا التكنولو جيا و سرعة تطورها يلي عم تخلق نمط جديد بالحياة ... المهم انو الفكرة يلي حكى عناHashtansht مش المهم شو الفكرة والعقيدة يلي بنؤمن فيها بكفي انو نكون انسانيين بمعنى الانسانية لحتى نرفض الظلم باي مكان بالعالم
جو سمعان غنية زياد الرحباني يلي بقول فيها(شو هالايام الي وصلنلا قال انو غني عم يعطي فقير كنو المصاري قشطت لحالا!!!! ع هيد نتفة وهيدا كتير!!!! ويلعن ابو الراسمالية ع ابو الملك حسين (عجبتني هاي) :sosweet: :gem: :gem: :gem: هييييييييييييي يلعن ابون كلن :hart: :hart: جيفارا :hart: :hart: |
مرحبا غيفارا
معك حق انوالمواضيع كبيرة بس هاد دليل اهتمامنا بالموضوع و انو نحنا مو آخدينو مسخرة يعني بدل ما تقولي لـjoe يعطيك العافية؟ فوق ما تعب لترجم الموضوع و شرحو؟ كان ببساطة فينو يحط اللينك و يقلنا يللي بدو يفهم شو صاير يدخل بعدين كل التجارب الاشتراكية بينت انسانية واضحة متل عين الشمس ..... و خصوصا بكوبا و كوريا الشمالية و الاتحاد السوفييتي و بولندا و بورما و الخمير الحمر و لعلمك الدول الرأسمالية هيي اكتر الدول انسانية (حتى للحيوان) و بعدا عن الظلم (بالنسبة لمواطنيها) اليوم يللي بدافع عن العولمة هيي الدول الفقيرة ويللي عم يقوم بمظاهرات ضد العولمة هنين مواطنين من دول رأسمالية، و الدليل المظاهرات يللي صارت بفانكوفر و سيدني و هانوفر و ....... بعد اجتماعات "منظمة التجارة العالمية" |
اقتباس:
الرأسمالية تعني اسمها , رأسمال , قيمتك تقدر بما تمللك , أو بما أنت قادر على الامتلاك... العدالة الاجتماعية في المجتمعات الرأسمالية معدومة أو شبه معدومة, و أنا هنا لاأتكلم عن غنى و فقر , اتكلم عن حقوق اساسية .... ضمان صحي مثلا تعليم مجاني بدون استغلال ( و أقصد بدون استغلال اسلوب المنح في الولايات المتحدة).... رأيي المتواضع أننا نظلم كوبا و بشدة.... كوبا أفضل من طبق الاشتراكية في العالم, و اتحدث عن الاشتراكية كنظام اجتماعي, اذا تركنا الحريات جانبا ( أعلم أنها جزء أساسي .... لكنني اتكلم الآن عن النظام الاجتماعي) لو قارننا كوبا بدولها المجاورة ( هايتي, جامايكا, بورتوريكو...) و أخص بالذكر آخر دولتين لأنهما دول ذوات ارتباط بالولايات المتحدة, لوجدنا أن وضع كوبا ممتاز , بل ممتاز جدا. كوبا ذات موارد اقتصادية ضعيفة جدا .... ومع ذلك تتمكن من العيش بكرامة نوعا ما رغم الحصار الحديدي الذي تفرضه الولايات المتحدة منذ أكثر من 40 عاما ( قانون جيمس بارلتون) .... في كوبا قد لا يعيش الناس برخاء.... لكن لا أحد يموت من الجوع في كوبا نظام ضمان صحي ممتاز جدا , حسب تقديرات منظمة الصحة العالمية فان نسبة الوفيات بين المواليد أقل بكثير من الولايات المتحدة, و تقترب جدا من نسب الدول الاسكندنافية !!! في كوبا التعليم مجاني , حتى التعليم الجامعي , و بجودة عالية جدا ( حلم أي طالب طب بشري في اسبانيا هو أن يكمل اختصاصه بكوبا ...) في كوبا رقي ثقافي رائع جدا , أدب , موسيقى , فنون .... حتى في مجال الرياضة ( قارن عدد ميداليات كوبا بأي دورة ألعاب أولمبية بدول أخرى بمثل عدد سكانها !!! تبقى النقطة السوداء في صفحة كوبا هي مسألة الحريات العامة , لكنها بلا شك أفضل حالا من أي دولة عربية................ تحياتي |
شكرا يا جيفارا على غنية زياد الرحباني... انا هلأ صابتني صحوة بالضمير و قررت انضم للحزب الشيوعي و اقتنعت انو الأيام قادمة بعد ما كنت مفكر انو الزمن رح يوقف :roll:
صديقي ياس كلمة رأس مال لا تعني المال أبدا و صدق أو لا تصدق و لكن المال ليس جزءا من رأس المال أبدا :!: رأس المال (Capital) هو الأجهزة و الأدوات و المصانع و الأرض.. و هناك ال human capital و هي القدرات البشرية... يعني مستوى تعليم الفرد و مدى كفائته المهنية و شطارته و المجتمع الرأسمالي يعامل الناس لا حسب ما لديهم من نقود في البنك, فهذه معلومة لا يمكنهم ان يعرفوها بدون علم الشخص.. و لكن حسب كفائته المهنية و مدى انتاجه. من هذه الناحية يكون الإنسان الأمريكي له رأس مال بشري أكثر من الإنسان الماليزي... فالإنسان الماليزي غير قادر على العمل مع الأجهزة المتطورة لأنها تحتاج دراسة و تدريب مهني غير متوفر لديه في كثير من الأحيان و لكن هذا لا يعني ان الإنسان الأمريكي أهم أو أثمن من الماليزي... لا يوجد هكذا معايير سوى عن الفاشية و القوميات المتطرفة... و لحسن الحظ ان أميركا كانت من قضى على هذه الفاشيات و خلص البشرية منها الرأسمالية لا تقدر الإنسان بقدر ما يملك... بل بقدر ما هو... هل هناك اعتراض على هذه الطريقة؟؟ عدالة اجتماعية معدومة او شبه معدومة؟؟؟ ماذا حصل حتى تقول هذا؟؟ كيف يعني هل يأتي ابن مسؤول أمريكي و يضرب مواطن أمريكي بدون سبب؟ هذا اسمه نقص في العدالة الإجتماعية و هذا لا يحدث في الغرب بل فقط في الأنظمة القديمة و العربية العدالة الإجتماعية ليس لها علاقة بالضمان الصحي! الضمان الصحي مطلب للجميع و لكن لا يوجد شيء مجاني في النهاية... تريد ضمان صحي؟ ادفع ضريبة... او تخلى عن حرياتك السياسية ... صدقني لا يوجد شيء بالمجان ابدا... شيء مقابل شيء... انا أفضل أن أعيش بحرية ثم كيف يعني تعليم مجاني بدون استغلال؟ هل تقوم أميركا بتشغيل طلاب المدارس العامة بالسخرة مثلا؟ الرجاء التوضيح؟؟؟ هل المنحة الدراسية استغلال ام تحفيز؟؟ |
اقتباس:
و أكيد أكيد هي الدول هيي يللي اخترعت الضمان الاجتماعي و التعليم بهي الدول كمان مجاني و الصحة عندون مجانية (ما عدا اميركا) و حتى بأميركا اذا صار معك مرض عضال (متل السرطان) و حتى لو ما كنت اميركي بتتعالج ع حساب الدولة انا بشتغل بالبورصة و أهم المؤشرات الاقتصادية يللي بتأثر ع اسعار الأسهم هيي تعويضات البطالة و بالفترة الأخيرة كان الصراع بين الاحتياكي الفدرالي الاميركي (البنك المركزي تبعون) و بين الكونغرس حول تغطية العجز الاميركي بالتعويضات الاجتماعية لأنها عبارة عن كتلة رهيبة من الاموال المدخرة الغير مستثمرة(هي الخناقة تبع الـnational security ) رح أشرحلك الموضوع شوي: اي دولة لما يصير في عندها عجز موازنة بتدين من دول تانية لتغطية العجز (و من جملة هالدول أميركا) طبعا بفوائد (أذون خزينة) آلان غرينسبان (رئيس الاحتياطي الفدرالي) اقترح انو بدل ما يتم تغطية العجز عن طريق الاستدانة الخارجية انو يستفيدوا من الاموال المجمدة كتأمينات اجتماعية بتغطية العجز و بالتالي الفائدة ما بتروح لبرا ...... بينما دول متل جامايكا و بورتوريكو و حتى الامارات والسعودية هي دول "نامية" وليست رأسمالية (نامية يعني يا أما بدها تصير رأسمالية يا أما اشتراكية) الفرق بين الغني و الفقير بالدول الرأسمالية يكاد لا يلاحظ (طبعا في فرق بنمط الحياة بس مقارنة بغير دول صغير كتير) قصدي انو كل شي فينو يعملو الغني بحياتو بالدول الرأسمالية فينو يعملو الفقير و كذلك الأمر بين المسؤول و المواطن العادي المشكلة أنو مع أول أزمة اقتصادية بالنظام الشيوعي انهار النظام بكل اركانو (سياسيا و اجتماعيا و اقتصاديا وعسكريا و .... ) اما النظام الرأسمالي على الرغم من تعرضو لكل الأزمات السابقة إلا انو ما زال موجود و حاليا هوي عم يعاني من أزمة خانقة بس الموضوع موضوع وقت لحتى يتعالج بعدين الحلو بهالنظام انو انهيار الجزء الاقتصادي ما بيعني ابدا انهيار باقي الأجزاء و انهيار الجزء السياسي قد يكون دعامة للجزء الاقتصادي او العسكري و الشي الحلو كمان الضمانات يللي بيقدمها النظام الرأسمالي ضد الوصول لمرحلة الامبريالية متل أزمة "بيبي بيل" تبع التلفونات و "مايكروسوفت" :D |
شكرا krimbow
:D |
اقتباس:
المنحة الدراسية الجامعية في الولايات المتحدة استغلال ............. وهالكلام موجايبو من عندي , حكي زملاءي الامريكان هون . الاقساط الجامعية بالجامعات الاميريكية عالية جداااا ........ في نظام منح للرياضيين وكذا , بس خلينا واقعيين , اذا شب من الطبقة الوسطى بأمريكا بدو يدرس طب مثلا.... القسط بأرخص جامعة لا يقل عن 25000 دولار سنويا............ اي بحياتو ما بيحلم يدرس اللي بيصير أنو بس هالشب يخلص ثانوي يجيه ضابط عالبيت, هيك زيارة...يعرض عليه الخدمة لمدة كذا سنة, و الجيش بيدفعلو الجامعة الفلانية, فرضا 3 سنين بندفعلك الجامعة الفلانية , خمس سنين بندفعلك جامعة أحسن...................و هيك !!! هاد شو اسمو؟؟ و انت لاحظ اعمار أغلب الجنود في العراق :wink: |
اقتباس:
Joe الله يخليك شو هالحكي؟؟؟ يا شيخ انا عايش بدولة رأسمالية و بعرف شو عم بحكي........... اي لو عندك مليون شهادة صعب جدا تتقدم..........اذا ما عندك "بابا" مليونير يا أما تدبر راسك بطرق أخرى ملتوية عم بحكي كطبيعة و أسلوب و سوية حياة , اتركلي آلان غرينسبان ع طرف هلق |
ع فكرة الكلام التاني ل krimbow ... :wink:
هلأ عندي مقابلة شغل مهمة دعولنا شباب... بس ارجع منكمل |
اقتباس:
المشكلة انو حتى بالنظام الاشتراكي ما دخل الشهادات بالارتقاء لا المادي و لا الاجتماعي نحنا بسوريا انفطمنا ع الاشتراكية مشان هيك منحبها.... بس الواقع المر انو الاشتراكية فشلت فشل ذريع (نتيجة ميل الانسان لعدم تحمل المسؤولية و طمعو الغريزي) هلأ نظام السوق نظام وحشي و اقرب لشريعة الغاب مزبوط، و انا كمان بفضل النظرية الاشتراكية، بس لازم نفتح عيوننا ع الواقع النظام الرأسمالي قام بكذا ثورة (تكنولوجية و اتصالات و مواصلات و بنوك و ....) و قدر يتغلب ع النظام الاشتراكي يللي بقي جامد غير قادر على مواكب تطور منافسه طالما بيعتمد النظام الاشتراكي على المركزية ما رح يقدر يلحق النظام الرأسمالي :D |
اقتباس:
فشل هذه التجارب لا يعني أن الرأسمالية ناجحة , و لا أتكلم عن نبوك و شركات , أتكلم على مستوى الأفراد , على مستوى الطبقة الوسطى فما دون ........... و بالنسبة للهجرة الى اميركا من كوبا .... فياصديقي هذا أمر حتمي , المال موجود في أمريكا , كوبا دولة فقيرة جدا بالموارد الطبيعية ( قصب سكر , تبغ , سياحة ... ) لكن رغم فقرها و الحصار المفروض عليها تستطيع أن تحافظ على حد أدنى لمستوى العيش , في كوبا لا أحد يمتلك بيتا كملكية شخصية , لكن لا أحد ينام في العراء أو تحت جسر مثلا.... في كوبا مهما كان الانسان فقيرا فانه يملك ضمانا صحيا جيد جدا مقارنة بالصحة العامة السورية... في اميركا شخص لا يملك الموارد المادية الكافية ليس لديه أي طريقة للعلاج لأن شركات الضمان الصحي هي عبارة عن شركات خاصة تؤمن معالجة طبية لقاء أقساط شهرية أو سنوية |
اقتباس:
وبالنسبة لجو خليني اوضحلك نقطة الظاهر انت ما فهمتها علي بغنية زياد الرحباني ......... زياد بهالغنية ما بيدعي حدا ليكون انساني ولا بقولو فتح عينيك وخلي ضميرك صاحي بالغنية في مقطع لو انت سامع الغنية كنت فهمت علي الي بقصدو بقول فيه(بقولوا من عرق جبينو طلع مصاري هالانسان لكان كيف هيدا وكيف ملاينو ولا مرة شايفينو عرقان) هاي نقطة بالنسبة للي بقول انو الانسانية انوجدت بالدول الراسمالية اسمحلي يعني اذا هاي الانسانية بنظرك فنحنا اشبعنا منها لانا شفنها بالعراق وفلسطين وافغانستان ومن قبل بفيتنام اولا خليني قلك ان الانسانية مفهوم ملك لشعوب الارض كلها وموجودة بكل انسان لكن النزعة الفرديةيلي بغذيها النظام الراسمالي والي هدفو الربح وتعظيم الربح فقط بخلي هالناحية تتوارى مع مرور الزمن وبالنسبة للمظاهرات الي طلعت باوروبا وخصوصا بريطانيا وايطاليا بتحدك ارجع للمواقع والصور وشوف مين الي طلع بالمظاهرات اعلام مين انرفعت وصور مين الاشتراكية لم تطبق كما يجب نعم سقط النظام باركانو الاقتصادي والسياسي لكن ىالفكرة مازالت موجودة وهي قابلة للتطوير مع الزمن ........... :hart: :hart: جيفارا :hart: :hart: |
اقتباس:
مان مستحيل تقنعني انو دولة بتقدر تقدم كل شيء ببلاش بدون مقابل... ما في شي مجاني مان في عندك طريقتين الدولة فيها تصرف مصاري على الشعب ببرامجها الخيرية و الإجتماعية و المجانية -تصادر الحريات العامة و الملكية الخاصة و تصير هي مالكة كل شيء بالبلد و تسطير على كل التجارات و و و - تبلش تطبع مصاري من البنك المركزي بجنون و بعد سنة بصير عندك تضخم اسعار بنسبة فوق الخمسين بالمية بالشهر ما في حل تالت الشغلة مانا سحر شريك معروف تماما كيف الإقتصاد بيمشي... يا بتخسر ملكيتك الخاصة و أي فرصة انك تصير غني و تستفيد من قدراتك الحقيقة و مهارتك و ذكائك... او استعد لمواجهة تقلب الأسعار و خربان البلد اقتصاديا (روسيا) بينما الحكام المسيطرين على كل موراد الدولة مبسطوين و لابسين فرو بالقصور صح في برامج بتدخل فيها على الجيش و الجيش بيتولى تعليمك حتى بكندا و كندا نص اشتراكية بس كمان في نظام المنح الدراسية للشاطرين... و الطالب الشاطر فعلا فعلا بتكون علاماته عالية و بيتقاتلوا عليه جامعات الطب بأميركا و يمكن يدرس ببلاش... مشان هيك ما يصير دكتور بأميركا إلا أحسن و أشطر ناس ما في عندك توزيع مقاعد طلابية للجميع هيك على العميانة... من وين لكن بيجي الإنتاج و الإبداع... من الإختصاص... لما الدولة تكون عرفانة تستغل الموارد البشرية بأفضل طريقة... مو تعامل الكل متل بعض... الجحش الما دارس كلمة بحياتو و العبقري ثم بأميركا كمان في نظام ال college و هادا بيدخله الطالب لمدة 4 سنين بدل الجامعة و بعدين بيدخل على الجامعة.. لانو أرخص بكتير و نفس الشي سلامات |
انا كأنسان عايش بروسيا التقيت مع كتير ناس كانو عايشين على ايام الاتحاد السوفيتي و راح اقارنلكون ببعض الامور يلي كانت و كبف حاليا
1-لكل مواطن الحق بالتعليم الكامل المجاني +راتب شهري لكل طالب حاليا الدولة بتتبنا عدد من الطلاب فقط بحدود 50% اما الباقي فمشكلتون مع 2-لكل مواطن بيت مجاني عند الزواج حاليا لأ 3-الرواتب كانت قليلة و لكن كل مستلزمات الحياة كانت موفرة بالمجان طعام شراب.... حاليا الرواتب اعلى و لكنها قليلة نسبيا(الكلام على طبقةالعمال من المجتمع) مقابل ترفيهات الحياة المتعددة(موضة ماكدونالدز....) 4-نسبة الفقراء (عمليا بدون ماوىاو طعام) شبه معدومة اما الان يوجد العديد الذين ينامون في الشارع والذين لديهم عمل بسيط فانهوم يعيشون على الخبز والماء 5-وسائل النقل كانت مجانية لكبار السن و مخفضة جدا للطلاب الان لأ 6-لكل مواطن لديه عمل تؤمنه الدولة هالان دبر راسك 7-الناحية العسكرية والانتاج العسكري كان متفوقا الان توجد مخططات للاسلحة ولكن لا توجد نقود 8-الاتحاد السوفتي كان يطعم ثلث العالم الان ماعم يطعمي حالو 9-ما كان عندون جينز ولا مسيقا راب او روك كان عندون سيمفونيات الان بالعكس وفي كتير شغلات بتبين الفرق بين الوضعين مع انوالحكم لحد الان متائثر بالنظام الاشتراكي و لو قليلا (من ناحية الدراسة) اقتباس:
و على فكرة يا شباب انا اؤمن بالديكتاتورية لأنو فيا قامت حضارات عظيمة (هادا راي خاص) |
ألو ..... وش وش وش ....... ألو ضياع هل تسمعني ..... وش وش وش ...... ألو حول.
يا جماعة, الموضوع كان عن اصلاح الاشتراكية شوفوا وين صرنا , هلاء في مليون فكرة بدي رد عليها لانو في كام شغلة اقتصاديا غلط , بس والله ضعت. بصراحة وبلا لف و دوران ................ الموضوع حسد و ديقة عين اشتراكية بحق الرأسمالية .............. يا ريت حدا يجاوب على السؤال الاساسي................. شلون بدكن تصلحوا الاشتراكية........... :?: مية خسة :D |
اقتباس:
يعني فيك تطور بالماركسيي بدون ما تلغي الأساس يلي بتقوم عليه و هوي الماديي الديالكتيكي و الماديي التاريخيي و الماركسيي ممكن تطور إذا نظرنا للتجارب الاشتراكيي الفاشلي و شفنا وين الغلط فيا و الغلط هوي أنو الاشتراكيي بكل الدول الاشتراكيي لهلأ وصلت بالعنف يعني بطريقة غير شرعيي و كانت حكوماتها استبداديي مما جعل الصوص أمثال بريجينيف يسرقوا بدون ما حدا يقدر يقلون وينكون و هالغلطة بتتصلح إذا غيرنا طريقة وصولنا للحكم مع كل تحياتي الحمراء :D |
يا أخي يا حسون ................. داخل على رب الديالكتيك جادلني و فهمني شلون رح تصلح الاشتراكية و شو هيي الشغلات اللي رح تصلحها :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?: :?:
|
اقتباس:
يعني بنفتح مجال اما اصحاب روؤس الأموال بفتح مشاريع اقتصادية خاصة و لكن بالمقابل تفرض عليهم ضراءب سنوية معينة + التائمين المعاشي والصحي للموظفين و بهالصورة هاي بيرجع قسم من الأموال على شكل ضرائب للدولة وبالتالي للشعب و بتنلغى حالة الأحتكار و التحكم بالموظفين و بهاعملية بتم نعش الأقتصاد و زيادة حصة الفرد و مخصصاتو و هادا الأسلوب عم تتبعو الدول الرأسمالية حاليا و عم بيلاقي نجاح بحيث انو اموال الضرائب عم تدعم الميزانية العامة للدولة وقسم منا تعطى للشعب على شكل قروض(ليلي بحاجتا) و عم يتوزع قسم منا للجمعيات الخيرية :D |
حكي نظري جدا... جمعيات خيرية؟... لما بدك تخنق صاحب العمل بالضرايب و القوانين بعمروه ما رح يتوسع و يزيد انتاجه... يلي رح يصير هوي خنق للإقتصاد مو العكس... المصاري على كل الأحوال عم ترجع للشعب لانو أصحاب الشركات بيوضعوا مصرياتهم ببنوك الوطن.. و هادا الأسلوب ما عم تتبعه الدول الرأسمالية... من وين جايب هل حكي... أصلا هادا اسلوب خاطئ و الإتجاه الصحيح هو بتقليل سلطة الدولة على السوق و ليس العكس
|
اقتباس:
اقتباس:
اقتباس:
اقتباس:
اقتباس:
|
أنا شخصياً ما بدي صلح الاشتراكية ...و ما بعتقد أنو الاشتراكية فيها غلط للتصلح ...أساساً كلمة اشتراكي صارت بدون معنى...كل واحد بحط شوية أحمر ع العلم و بطلع عرض عسكري بسمي حالو اشتراكي ..بس مين الاشتراكي الأصلي؟؟
أنا عم قول شغلة وحدة وبسيطة...أنو ريثما يصير في شيوعية ....لا بدي يكون في رأسمالية...و أنو هارأسمالية أنا ما بحبا ....يعني بقبل فيها بس بدون ما كون عم أعبد الله اللي خلق الرأسمالية....بحاول أتعايش مع الرأسمالية متل ما بيتعايش المعاق مع اعاقتو ..ما اكتر |
أخ Spaik
الكلام العلمي بأن تتحدث كلام يتعلق بالتنمية الإقتصادية عندما يكون كلامنا يتعلق بنظريات إقتصادية... و لا يكون محور كلامنا الجمعيات الخيرية... فهكذا أصبحنا نتحدث عن البنية الإجتماعية للدولة و ليس بنيتها الإقتصادية و لو أنه يوجد ارتباط نهائي بين كل أقسام الدولة لا يعقل أن تبني الفكر الإقتصادي للدولة على أساس وجود او عدم وجود مشردين بالشوارع... ما تقوم بفعله هو عملية ترميم للمجتمع مصيرها الحتمي الفشل ... و ما نريد فعله هو عملية انقاذ كاملة للمجتمع تتم بخلق ديناميكية بالسوق و خلق وظائف دائمة... و ليس مجرد عملية توزيع معاشات وهمية أشبه بالترميم منها ببناء بنية صلبة عندما تقوم بإضافة كمية من المال إلى السوق بدون وجود زيادة في الإنتاج فما هي النتيجة الحتمية؟ الجواب هو تضخم بالأسعار... إن أتى بعد 6 شهور او بعد سنتين فهو سيأتي حتما سأشرح هذا الكلام لمن ليس لديه معلومات عن كيفية عمل الإقتصاد: مثلا المواطن المتوسط يملك في جيبته 80 ليرة. سعر الكمبيوتر 100 ليرة و يوجد 5 كمبيوترات يتم انتاجها في السوق. الان اخذت الدولة توزع النقود على الناس بدون وجود زيادة في انتاج المصانع للكمبيوترات... ماذا سيحصل؟ اصبح لدى المواطنين متوسط 110 ليرات... الكثير من الناس قادرون على شراء السلعة و لا يوجد زيادة في الإنتاج لتوافق هذه الزيادة في الطلب... الناس تصطف في الشوارع لمحاولة شراء الكمبيوتر الذي أصبح فجأة رخيص جدا... النتيجة؟ تضخم أسعار الكمبيوترات إلى 120 حتى يعود السوق إلى التوزان أصبح من المعروف و من المثبت ان هذه هي النتيجة الحتمية لتوزيع النقود على الناس بدون وجود نمو حقيقي في الإقتصاد... نعم هناك فوائد على المدى القصير... و لكن على المدى البعيد الفقير سيظل فقيرا و سيحصل تضخم في أسعار السلع أما طموح الرأسمالية فهو خلق نمو اقتصادي مستمر و غير متوقف أما عن الضرائب... فأرجو توضيح نوعية هذه الضرائب. حيث ان كل شرائح المجتمع تدفع ضريبة على دخلها و أحيانا ضرية على المشتريات (و هي ضريبة يجب التخلص منها عاجلا او اجلا)... و لكن ما هذه الضرائب الإضافية التي تتحدث عنها أنت؟ هناك قوانين تتعلق بالبيئة أحيانا و لكن عن ماذا تتحدث بالضبط؟ انت لو كان لديك عمل معين... بزنس يعني... و لديك عشرين عامل.. و فجأة صار هناك ضرائب و قوانين إضافية ... ماذا ستفعل؟ طبعا ستطرد بعض العمال و سيخف إنتاجك... لا يوجد حل آخر للأسف. هذا هو رد الفعل الطبيعي في هذه الحالة أما بمنح الحوافز للشركات و أصحاب الاعمال لزيادة إنتاجهم.. فهذا يعني زيادة عمل العاملين و خلق المزيد من الوظائف.. أعتقد انها معادلة بسيطة جدا و لكنها قوية جدا ايضا و عن البنوك... فطبعا يجب ان تكون بنوك خاصة.. جميع الشركات و أصحاب الاعمال يضعون اموالهم في هذه البنوك... و هذه البنوك تستخدم النقود لغرضين: قروض لشركات جديدة لمزيد من العمل... او قروض لأفراد و أسر.... اما موضوع توزيع النقود بالمجان فهذا لا يجب ان يكون محور الحديث... و يجب ان يكون اخر حل لانه مضر للمجتمع و الاقتصاد على المدى البعيد و ضحك على النفس بدل مواجهة المشكلة بشكل مباشر تحياتي |
اقتباس:
|
اقتباس:
|
اقتباس:
|
اقتباس:
|
يا اخ جو انا وقت ذكرت موضوع المشردين كان هو عبارة عن توضيح للجمعيات الخيرية و انا ما ذكرت انو القسم الاساسي من المال راح يتوزع على المشردين و على كل حال المشردين هنن من المجتمع و بشكلو نسبة منو و الدولة ما فيا تكبون هيك....
ومن ناحية توزيع قسم من المال على الشعب انا ما قلت بانو هالمل راح بتوزع بالمجان بالعكس راح يكون بشكل زيادات راتبية او حوافز و هالشي بخلي العمال والشعب يشتغل بشكل اكبر لأنو عم بيلاقي مردود انتاجو وهالشي راح يزيد كمان من الانتاج( و هاي الفكرة هي فكرة رأسمالية على قد ما بتشتغل بتاخود) اما عن الضرائب فهي المخصصة بالشركات و هي كتير مختلفةو متنوعة و بتعتمد على نوع الشركة (انتاجا) و على البلد الموجودة فيه لأنو كل دولة الا نظم ضريبية خاصة و اذا بدنا نبلش بموضوع الضرائب ماراح نخلص حكي لسنتين المهم اي نوع من الضرائب كان فانو مردودو راح يرجع لخزينة الدولة راح قولك انو مافي حدا فهمان بالعالم بيفتح مشروع الا و ما يكون حاسب كل مصاريفو الاولية و عامل خطة للمصاريف المستقبلية راح اعطك مثال ضرايب شركات النفط و البترول بكل العالم تقريبا بين ال97% و 99% هادا غير اجورات الموظفين و وو و يعني فيك تقول انو الربح بحدود 1%( اول ما بتسمع هالحكي بتقول معناتا كيف عم توفي معون ) مع هيك ما في ولا شركة نفط خاصة بالعالم عم تخسر بالعكس كل رجال الاعمال الكبار بيحلمو انو يشاركو فيا و الامر بيمشي هيك مع اي بزنسمان فانا ما قلت انو تفرض ضرائب تعجيزية بحيث ماحدا يقدر يفتح اي مشروع و موضوع البنوك انا شرحتو من قبل يعني البنوك الخاصة لا توجد بالدول الاشتراكية و بهالحالة بتكون الاموال عم تطلع لبرا و هالشي بضر بالاقتصاد :D حبيبي حسون الاشتراكية يلي عم تحلم فيا مانا موجودة غير بالكتب و فشل تطبيقا عمليا و نجاحا مرتبط 100% بالدكتاتورية يعني بشرحلك ياها دورة المال بالنظام الاشتراكي كتير بطيئة و التنشيط بيعتمد علىالسلع يلي بتبيعا للدول التانية لانو النظام الاشتراكي نظام اقتصادي مغلق و الشعب يمكن اول فترة يشتغل بارادتو بس بعدين راح يدخل الملل لقلبو من الشغل و الروتين لانو الشعب ماعم نقاصو شي و كلشي عم بيجي على البارد المستريح وهالشي بيادي لتخامل الاقتصاد و ما بحل هالمشكلة و قتا غيرالحكم القاسي للشعب من شان يشتغلو (بالاتحاد السوفيتي الاشتراكية ما نجحت الا بسبب الدكتاتورية ) و انت عم تدعي لتطوير الاشتراكية يعني لازم نطور قوانينا و الحلالافضل هو يلي حكيتلك عنو و هالشي اثبت نجاحو الصين يعني الحكي مومنعندي :P :P تحياتي :D :D |
أخ Spaik
بعد كلامك هادا انا ماني شايف وجود اختلاف كبير بين كلامي و كلامك؟ انا بتفق معك انو المشردين جزء من الدولة و انو لازم يكون في جمعيات خيرية... و طالما انت كمان شايف انو موضوع "العدل الإجتماعي" و توزيع المصاري على الناس على العميانة مانه اولوية او بالأحرى "غلط" نوعا ما... فاعتقد نحن متفقون و أيضا موضوع الضرائب اتفق معك انها ضرورية للدولة... و لكن لو أردت الحقيقة المجردة... فكلما خفت الضرائب كلما زاد الإنتاج... و لكن ايضا كمية معقولة من الضرائب ضرورية لتمارس الدولة واجباتها... و لكن كل ما خفت المعوقات على البزنس كل ما كان أحسن يبقى فقط موضوع البنوك... لم افهم عليك تماما... هل تقول ان البنوك الخاصة تهرب النقود إلى الخارج؟ هل انت مع ام ضد البنوك الخاصة؟ شكرا |
من ناحية البنوك في خيارين
1- اذا كان النظام رأسمالي فوجود البنوك الخاصة محتم و ضروري كمان و هي بتساعد كتير بناحية تطوير الاقتصاد 2- اذا كان النظام اشتراكي فهي مشكلة بوجه الدولة (سواء اذا كانت بنفس البلد او خارجو) لأنا بتاثر على واردات البنكالحكومي وهالشي بسبب الفوائد و المغريات والميزات يلي بتقدما البنوك الخاصة و قدام الدولة الاشتراكية 3 حلول: A- انو تمنع تصدير الاموال لبرا بقوانين حازمة و تخلي قدام الشعب البنك الحكومي بس و هادا الاسلوب اثبت فشلو B-انو تسمح لبعض البنوك الخاصة بانو تفتح بالبلد بحيث انو تكون عليا عدد من الشروط بتخلي الشعب مايرغبا كتير و كمان هادا الاسلوب اثبت فشلو لانو بياثر على البنوك الخاصة و البنوك الحكومي و تنيناتون بيضعف انتاجون C- انوالدولة تقوم بتطوير دائم لبرامج بنكا الحكومي من ناحية الفوائد و نظام القروض.... و ممكن انو يتعاقد مع بعض البنوك العالمية ليستفيد منميزاتا (البطاقات,تغيير العملة الفوري ,ATM ...) بهالعملية اصحاب رؤوس الاموال بصير عندون البنك الحكومي افضل من البنوك الخاصة او بيعادلا فما بيظرو انو يرسلو اموالون لبرا و برائيي انو هادا هو الحل الامثل يلي لازم تطبقو الدولة الاشتراكية :D |
اقتباس:
و هاي الاشتراكيي يلي أنا عم بطالب فيا مانا موجودي بالوقت الحالي بأي بلد بس رح تصير تنوجد :D |
اقتباس:
اقتباس:
:D |
اقتباس:
و أنا مع الثورة قبل استخدام السلاح يعني مع هالمظاهرات بس طبعا كل زمن إلو ضروراتو يعني بتصور لو ضلوا على شكل مظاهرات كانوا ماتوا كلون بس بوقت متل هلأ لو بموت متظاهر بمظاهرة ممكن يحرك الرأي العام العالمي |
اقتباس:
أنا رح إشرحلك بس بشكل مختصر من الناحيي السياسي لازم تكون دولي قائمي على نظام ديموقراطي بقوم على قانون أحزاب عصري و بتوصل فيو الاشتراكيي عالحكم عن طريق صندوق الاقتراع من الناحيي الاجتماعيي فأنا بطالب بدولي علمانيي متل معظم دول العالم من الناحيي الاقتصادي فأنا بشوف أنو ملكية وسائل الإنتاج لازم تكون ملكيي عامي بس بشروط خوفا من التعرض للروتين و البيروقراطية و النهب الذي تتعرض له شركات القطاع العام عادة و هالشروط هيي تغيير إدارة الشركات بشكل دائم وضع حوافذ و عقوبات لعمال القطاع العام حسب شغلون ليصيروا ينتجوا متل القطاع الخاص و أحسن و فكرة الملكيي العامي لازم تكون بس لوسائل الإنتاج الكبرى يعني مصانع و معامل و هيك شغلات و بنفس الوقت لازم يكون في إعلام خاص لحتى يكون في صوت حر و ديموقراطيي و مشكور :D |
يا حبيبي يا حسون شيوعية و ديمقراطية ما بتزبط لسبب بسيط
اذا صار في شيوعية او اشتراكية يعني لازم يكون في ملكية عامة لوسائل الانتاج يعني تاميم طيب اذا صارت الاشتراكية و واحد راسمالي رشح حالو ع الانتخابات و برنامجو انو يلغي الملكية العامة لوسائل الانتاج و نجح شو بيصير؟ طالما في ديمقراطية يعني بدو ينفذ برنامجو يللي هوي الخصخصة بس طالما في اشتراكية ممنوع ينفذ برنامجو معناتا ما عاد في ديمقراطية :D :D |
اقتباس:
ذا هالرأسمالي رشح حالو ما حدا رح يمنعو تغيير الدستور بصير بعد استفتاء عام و إذا أكتر من خمسين بالميي من الشعب طالبوا بتغيير الدستور و صار بدون رأسماليي بدل اشتراكيي أو اشتراكيي بدل رأسماليي بصير متل ما بدون |
حبيبي حسون
كلامك مانو دقيق 100 % يعني التأميم بيصير بقرار بيتخذو مجلس الشعب متلو متل اي قرار تاني و ما بدو لا تعديل دستور و لا من يحزنون بعدين في شغلة تانية اهم بتخلي الاشتراكية و الديمقراطية على طرفي نقيض الاشتراكية مربوطة مباشرة بالمركزية و الغاء احدهما يعني الغاء الآخر بنفس الوقت الديمقراطية هيي نقيض المركزية طبعا حتى أكتر الدول ديمقراطية عندها شوية مركزية و هي الشوية مركزية عم تحد من الديمقراطية بس بيضل شوية مركزية ضرورية لما تتحول الديمقراطية لفوضى اما بالنظام الاشتراكي فالمركزية متلازمة مع الاشتراكية و معروف انو موسكو لما كانت عاصمة للاتحاد السوفييتي كانت بتضم اكتر من عشرين مليون موظف بيروقراطي و مع انو الاتحاد السوفييتي هو اكبر منتج للقمح بالعالم بس كان يقترض القمح حتى من اميركا نتيجة الهدر الناتج عن البيروقراطية الناتجة عن المركزية و لما انهار الاتحاد السوفييتي يللي كان مركز الشيوعية الرئيسي انهارت بعدو كل الدول الاشتراكية يللي كانت مرتبطة مركزيا فيه و دمتم :D |
اقتباس:
و بعدين ما دخل كلمة مركزيي بكلمة اشتراكيي و إلغاء أحدهم لا يلغي الآخر و أنا ما بعترف بالاتحاد السوفييتي كدولي اشتراكيي كما أني ما بعترف بالدول يلي كانت خاضعة تحت سيطرتو |
طيب شباب اعتبروني ما بفهم شي وبدي حدا يحكيلي ليش بحديث البعض عم بنحط ديمقراطية الغرب الراسمالي وعم بنحاول نقول انو نحن بندا نعمل من النظام الاشتراكي (نظام اشتراسمالي ) يعني بصراحة ع شوي ماعاد اقدر فرق عن مين عم تحكوا عن الاشتراكية او الراسمالية
:hart: :hart: جيفارا :hart: :hart: |
اقتباس:
التاميم ما بدو تغيير دستور اقتباس:
هلأ اذا عندك اشتراكية تانية غير يللي مكتوبة بالكتب هاد شي تاني بس الاشتراكية متل ما كتب عنها ماركس و لينين مرتبطة بشكل وثيق بالمركزية اقتباس:
بس الاتحاد السوفييتي هوي دولة اشتراكية ما بيصير تاخد المنيح و تترك العاطل بالاشتراكية متل ما يللي بينادوا بالنظام الراسمالي بيعترفوا باخطاؤن كذلك انت لازم تعترف باخطاء الاشتراكية و اذا ما اعترفت بتصفى متل الاسلام حبيب ما بعرف شو هيي الاشتراكية بمفهومك بس اذا بدك بناقشك بالاشتراكية متل ما حكى عنها لينين و ماركس و انجلز و دمتم :D :D |
اقتباس:
ثانيا الماركسيي متطورة ثالثاما كل واحد بقول أنا اشتراكي بكون اشتراكي و الاتحاد السوفييتي برأيي دولي غير اشتراكيي و هادا رأيي و أنا حر |
| الساعة بإيدك هلق يا سيدي 20:36 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون