|
يا وطن يا غالي
:( يا وطن وصلني تو مكتوبك بتسألني عن حالي؟ بتسألني عن الغربة؟ بتسأل كيفها أحوالي؟ أفيدك يا وطن إني مانيش ناوي أزيد همك كنوز الدنيا لا بتسوي عكارة نقطة من دمك أعيش جوّال شايل همي ولا اتسبب في عذابك وفي الأول سلاماتي لكل ترابه على أرضك لشربة ماي من نهرك لكل سنبلة في أرضك سلامي لموجة على شطك سلامي للون السمرة على خدك ومن جهتي أفيدك مختصر يا وطن بقسوة ليل غربتنا غريب عن ليلنا في حضانك وفي الآخر يا وطن هانت سنيني في غربتي ولت وساعة قرب الحبيب هلت نويت أخبط على بابك نويت أخف من حملك راجع لك يا وطن تاني و برسل لك سلاماتي، تحياتي بامضائي/ وليدك يا وطن غالي |
يا جماعة انا بدي احكيلكن عن تجربتي مع الغربة
وانا فيني قول اني عشت تلات انواع من الغربة الغربة والبعد عن العيلة الكبيرة الغربة مع الاهل عن الوطن الغربة عن الاهل والوطن غربتي الاولى انو انا واهلي عايشين بعاد عن بلدتي يللي بحبها وبعشق ترابها مع اني مو مقضي فيها الا شي بسيط كتير من حياتي وبنتيجة هالبعد كنت دائما حس حالي بعيد عن عيلتنا الكبيرة..قرايبيني واولاد عمومتي وخوالي وخالاتي وكنت حس دائما انو في شي بيفصلنا وهو البعد يعني كنت بغربة بمدينة كبيرة بعيد عن ضيعتي بحجارها وبيوتها وناسها غربتي التانية كانت بعمر صغير,بفترة الطفولة بين عم ال 7 وال 11 ويللي هي من احلى مراحل الطفولة بس انا للاسف كنت بعيد فيها عن بلدي سوريا لمدة خمس سنين متواصلة وهي انا شخصيا بعتبرها من اكتر الامور السلبية يللي اثرت ع شخصيتي انو ربيت بعيد عن عيلتي الكبيرة ورفقاتي واولاد بلدي وتراب وحارة وحيطان بلدي العربة التالتة هي الغربة الحالية بعيد عن وطني وابي وامي واخي...بعيد عن كل الناس يللي حبيتهن...عن جدي وستي..عن ختايرة ضيعتنا,,عن حارات الشام يللي ربيت فيها...عن هموم الناس...بس مع هاد كلو بحس انها الغربة الاقل قسوة يللي تعرضلتها بحياتي بكتئب احيانا مو لاني بعيد عن بلدي او لاني بعيد عن ابي وامي بس...بكتئب احيانا لاني بكره طموحي يللي خلاني اختار هيك خيار لا رجعة عنو لاني مقتنع فيه...بس بكرهو لانو عم يحرمني كون متل بقية العالم يللي عايشين ببلدهم مع اهلهم وناسهم ومحبتهم بخاف ضل متغرب بس بخاف ارجع وضايعة الطاسة وماحدا عرفان شي من شي والله يصبرنا ويعيننا واحيانا بقول يا ريتني ما تعلمت واشتغلت حلاق او حداد او لحام وضليت بسوريا |
يخرب قصتك
والله الدمعه كانت هتنزل من عيني :cry: وصعبت عليا قوي يا ذا لايت بس اكيد الغربه التالته اقل صعوبه لانك اتعودت انك تبقي غريب(مجرد احتمال) ربنا معاك ويقويك يا ذا لايت الا انا اعرفك من شهرين وعمري ما عرفت اسمك لو مش عايز تقوله ابعتهولي في رساله :D |
اقتباس:
 سألني لعمى شغلة |
اقتباس:
بس انا كتبتلك اسمي مرة برسالة خاصة باخر سطر فيها بس بالظاهر انك كنت محشش بس ولا يهمك راح ابعتلك ياه هلق وخليه سر |
ع الوجع..ع الوتر الحساس.. ع اي شي بدك اياها..بس هيدا الشي الي بيضرب صح....!
بدك نقول عن غربتنا...ليش عم تفتقي الجروحات شو عامليلنك نحنا.... اول ما بلشت الموضوع بكيت ومع كل رد ورد ابكي اكتر(بس بنفس الوقت ارتاح لانه مو لحالي الي عم حس بهيدا الشعور)... لنفوت بالغربة... مرة قلتلك اني بتمنى .. ما انزل ع سوريا ولا ارجع ولا روح زيارة من هووووون لتخلص كل الدراسة والشغل.... يعني هيك صرت اتمى بالفترة الاخيرة...صرت بدي بس بعد وقت الاجازة وادفشها لقدام..يمكن شعور بالخوف الي رح واحهه يمكن لانه النزلة بالاجازة صارت عم اتعبني اكتر ما بتريحني... كل مرة بروح فيها ع ضيعتنا بلاقي بيت جديد مبني... بسال لمين هاد...بقلولي لك مو ابن فلان تزوج فلانه اي وبنوا بيت وقعدوا هون.... وانا شو بيطلع مني بهيك حاله غير قول مبروك... بالنزلة القبل الاخيرة .. اخدت هدية لاعز بنت ع قلبي بالعيلة ..(بنت بنت خال : اسمها ريمي الصغيرة).. طلعت البلوزة ديقا عليها.. لاني زمان ما شفتها وانا اخدتها ع هداك المقاس... رجعت باخر نزلة اخدتلها بلوزة تانية .. طلعت كتير كبيرة... طبعا هاد التفصيل الصغير بخليك توقف عندو العمر.... اخر مرة رحت ع سوريا كانت بنت خالي حامل... رجعت ع سوريا لقيت ابنها ما شاء الله رح يصير شب ويحب كمان ... عم بتمر الايام والعمر والسنين وانا قاعده اتفرج.... توفى جدي وما قدرت شوفوا ولا حتى احضر الدفن... وصلت لقيتهن بالبيت ... وفاتحين العزا وكل شي... بتيجي بكالوريا وبتروح بكالوريا وبتطلع نتيجة التاسع وبتطلع العامة وانا بروح عليي موسم المباركات وما الى اخره... بروح ع بيتنا بوصل ... بحس اني لازم اكتشف الضيعه من اول وجديد... بكونوا عم يحكوا عن ناس انا ما بعرفهن .. وبتكون انا معلوماتي قديمة وقديمة كتير.... اقتباس:
طولت عليكن... فيني احكي لبكرا ... حاجة اليوم ;-) :cry: |
اقتباس:
وهي سيجارة..... |
لك هي مو حيالله سيجارة ......... هي لعمى غير شكل
|
اقتباس:
|
عشق الأوطان
سأقص عليكم أجمل قصة حب عرفتها الأكوان قصة عشق لا تتخيلها الأذهان فحبيبة قلبي نور مسكنه الوجدان سكنت قلبي وروتها دمائي فأنبتت الأحزان حبيبة قلبي.. من أجلك أنت سكنت بيوت العشاق وتعلمت العشق حتى صرت معلمهم واتخذوني قبلتهم في كل مكان صرت أمير العشق الأول أو قل أمير الهذيان فحبي صار جنونا صار قيودا وسجونا بلا قضبان مسجون وأنا السجان أتمنى لو أخلد محبوسا حتى أفقد إحساس الأزمان أتمنى لو أسبح في عشقي حتى أفقد كل الشطآن فأغرق غرقا يحييني غرقا ينجيني من الحرمان حبيبة قلبي.. من شوقي إليك اشتعلت في الأشواق النيران وصرت أفعل أشياء ينكرها العقلاء ويأباها الخِلان فأحدثك دون وجودك وأعانقك قبل قدومك عناقا مزق كل الأبدان أقبلك فوق جبين المحراب أغلق كل الأبواب وأعلن في كل الدنيا أعظم إعلان هذه عروسي هذي أجمل قصة حب بيني وبين تراب الأرض فسأكتبها فوق السحب وسأنشرها في ألف ديوان وسيقرؤها كل الخلق إنس أو جان سأكون دليل العشاق سأعلمهم كيف الحب كيف العشق مع الإيمان وستشرق شمس الدنيا من قلبي لتضيء ظلام الأكوان وسيعلم كل العشاق أني أعظم عاشق وأن العشق الأول.. عشق الأوطان |
اقتباس:
|
هي ياسيدي نحن لما قررنا نطلع على الغرية نحن والعيلة مشان ((نأمن مستقبلنا))
كنا مقررين وعازمين انو بدنا نروح 3 سنين بس ونرجع ومابزيدو عن التلت سنين ولا يوم وعدو هالتلت سنين وجا يوم تجديد الأقامة قلنا خلينا نمدد تلت سنين تانيات مارح يصير شي بس تلت سنين مابزيدو ولا يوم وخلصو هالتلت سنين التانيات واجا يوم تجديد الأقامة قلنا كمان خلينا نمدد تلت سنين تانيات مامنخسر شي تلت سنين مابزيدو ولا يوم وهيييييييييييييييك شطحت معنا هالشغلة 9 سنين ((وشكلو في تلت سنين عالطريق كمااان)) :lol: :lol: وطبعا في متلنا الشغلة شطحة معن 15 و20 سنة والله بعين :D :D :D |
اقتباس:
|
ما لحقت عدل المشاركة الاولى ..
كنت بدي قول انو الدنيا كلها صايرة متل كانو الواحد جايها زيارة .. بيقعد شوي وبروح . |
اقتباس:
منه واله نعود (التراب) |
اقتباس:
بيصير عندي دايما الاكتئاب نفسو اللي بيصير معك :cry: تحياتي الك :D |
اقتباس:
بس مابعرف ليش بحس انو كل او اغلب المتغربين عندون نفس الوجع وبحس انو اذا بنتشاركوا بنفش خلقنا وبنرتاح شوي وفعلا اللي حكيتيه بيشبه الاشياء اللي عم تصير معي كتير :cry: |
اقتباس:
الله بيعين :D |
اقتباس:
حدا يتحنن عليي بشي شفطة :cry: |
اقتباس:
بكره الروحة :cry: |
اقتباس:
:D |
اقتباس:
.. مو شفطة بس.. |
اقتباس:
|
اقتباس:
هاد هوا شمالي مدري غربي مدري شرقي..... هوي في واحد منون تبع فراق وحزن بقى بيكون هاد هوي :o |
اقتباس:
ايييييييييييييييييه وبما انو البحر اصفر والسما زهرية والارض زرقا..... فالحياة حلوة |
اقتباس:
نسيتي تحكي وبما انو الناس نفسياتا حامضة فاكيد الدني حلوة :cry: |
هلا خلوني اسأل سؤال واحد بس
شو تعريف الغربة بالزبط ؟؟؟ انك تكون خارج حدود بلدك؟؟؟ انك تعيش في بلد مختلف بكل اشي عن بلدك واهلك ؟؟؟ الغربة الحقيقية لما تحس حالك غريب بين ناس كانوا هم اهلك وناسك وكل شي بحياتك وفجأة صار وجودك وعدمه واحد، فقدت كل اثر الك بينهم. هاي هي الغربة، تحس بوحدتك رغم وجودك بين الملايين الغربة انك تعيش حالة وجودية تكون انتا الطرف الوحيد فيها. لكن الغربة إما بتجدد فينا انتمائنا وبتعزز وجودنا أو بتكسرنا وبتعزلنا عن الدنيا وما فيها |
اقتباس:
ليس الغريب غريب الوطن انما الغريب غريب اللحد والكفن 8) |
اقتباس:
ممكن ، تحية الك يا حكومتنا الرشيدة |
اقتباس:
:oops: :oops: :oops: :oops: :oops: خجلتينا :D |
اقتباس:
|
اقتباس:
البي وروحي داعينلكون:D |
سيرفر مان على راسي والله، بالنسبة الي المخيم هو فلسطين الصغيرة
صدقني مخيمنا في كل اشي فلسطيني حتى الناس اللي بيجوا عنا من الضفة بيحكولنا كأنه بفلسطين ما فرق كثير لكن شعور الوطن بضل غصة بقلوبنا *********** رايان يسعدك ويخليك ربي وان شاء الله دايما بتكون قلوبنا على بعض ، تسلم |
اقتباس:
ما صدقت انو ولاد اخواتي اللي تركتن عم يرضعوا صاروا ماشاء الله كبار واكتر شي غصصني وقهرني انهن استغربوني لانن ما تعرفو عليي غير من الصور اللي كنت ابعتلن ياهن وما تعودوا عليي شوي غير لاخر الاجازة ولولا بنتي الصغيرة ما كانو قربوني ومتل ما قلتي عن دائرة المعارف والحبايب صار وما راح ضيف شي :( بس جد الحياة الاجتماعية بشكل عام عنا بسورية حسيتا ضعيفة هالمرة عن اخر مرة نزلت فيها واكيد رغم كل شي ما كان بدي ارجع وكنت بتمنى ضل سورية هيي حياتي بريحة بحرا و ضيوعها وجبالها وكل شي فيها مع كل هاد وبين قوسين حسيت اني غريبة :cry: |
اقتباس:
بالاضافة لانو بس ترجعي من الغربة التقليدية (اذا فينا نسميها هيك) فانا بأكدلك وعن تجربتي انو رح تحسي بالغربة وانك عم تعيشي حالة وجودية تكوني انت الطرف الوحيد فيها لانو انت بتكوني تغيرتي وكونتي افكار غريبة الى حد ما عن المجتمع اللي كنت عايشة فيه بالاصل يعني الغربة التقليدية صدقيني انها بتضم كل انواع الغربة التانية :cry: وشكرا كتير عالمرور:D |
اقتباس:
شو نحنا بنسترجي نحكي غير هيك:p اهلين :D |
اقتباس:
الله بيعين :D |
اقتباس:
العفو ولو..............:oops: شكرا الك انتي على مواضيعك الرائعة :D |
وطني يا نسمة من روح الارض داعبت غلاف القلب وشفافية العقل،
نزفت وطني وسال الدم يعبق برائحة الارض فجبلت بدمي خصب الارض لتنبت زهرة دحنون تعلن بقاء من نزفوا معانقين ذرات ترابك يروون اشجارك وازهارك أي وطن، انت في القلب والروح قيثارة عشق غنتك همسات امي على لحن العودة وطني سنرجع يوما |
اقتباس:
معك حق صرنا بنحس بالغربه حتى ببلدنا وفي شي حابه ضيفوا للموضوع انو ببلدنا ما اسمنا سوريين ولا بعاملونا على هالاساس اسمن مغتربين وبالبلد الي عايشين فيه اسمنا اجانب شايفين شو الغربه حلوة الله لا يغرب مخلوق:cry: :cry: :cry: :sosweet: |
| الساعة بإيدك هلق يا سيدي 02:43 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون