|
اقتباس:
|
اقتباس:
أول شي toocoolfriend شب مو بنت و صاحبك أسمو السيد حسن والعلوج هنن الي بيروحوا وبيهربوا من أمثالك على اميركا ( طبعا مو الكل ) والبهورة هنن الي شاطرين بالحكي بس مو بالفعل .... والسيد حسن عمروا ما قال كلمة ألا وطلع قدها والله ينصر المقاومة وسيد المقاومة .... ويرحم كل شهدائها بس طول ما في من أمثالك عمرها ما رح تتحرر بلادنا ورح يضلوا الأميركان والأسرائليين فوق راسنا لأنو أنتو أخضر من الأستعمار |
اقتباس:
2- ع قولة ابو وديع...: الناس ما بقتش ناااااس.... 3- نرجع للموضوع....: أ- مبروك لعودة الموضوع...وشكرا لجهودي انا ورونالدو...! ب- عباس وحمزة نحنا بنعرف صمودكن وقد ما قلنا نحنا معكن بمشاعرنا ما رح نوفي لانه الي رجليه بالنار مو متل الي رجليه بالمي... ج- الي صار معكن بسوريا: معليش حبيب بدك تتحمل...الله وكيلك كل الدنيا وكل بلد فيها المنيح وفيها العاطل... د- انت الي علمتلي ع الموبايل امبارح 098؟ الله يكون معكن...والله ينصر السيد حسن نصر الله.... |
ما بينكر الواحد صمود الشعب اللبناني وتضحياتو ..
بس هادا ما بيعني التهجم عالناس (أنا شفت الموضوع لما كان بالأول) يعني كاتب الموضوع حسينا بألمو .. بس لما بلش يسب ويهين .. علقت.. وبعدين هو بدو يحمي حالو واهلو .. مو غلط يطلع من لبنان ويروح عسوريا .. بس انو عم بناقض حالو . . بقول لازم تروحو وعملو وهو ترك لبنان وراح عسوريا. (مو منطق) ومع احترامي للبنانية .. بس لو صارت بسوريا الحرب لبنان ما كانت استقبلت السوريين .. وبعدين كل بلد فيها المنيح والعاطل.. ما حدا بقدر يعمم .. وكل انسان عندو قدرة عالتحمل.. بس اللي ما بصير اني أحكي شي وكون عم بعمل العكس لانو هيك الواحد بفقد مصداقيتو .. وبالنسبة لرسالتك الموجهة للعرب والإعلام .. فإنو كل شي صار مكشوف.. ما في داعي حتى نحكي .. |
اقتباس:
على كلن تحياتي :king: |
اقتباس:
ع الاقل الي عملناه انا والاخ...حسسنا انو في حدن بيتحرك..مو الكل سكت لما راح الموضوع :p شو مشان ((على كلن))...! هيك بتفقد مصداقيتها ..تحياتك....8) تحياتي :D |
توضيح :
يلي عملو ليوناردو أو غيرو مو سبب عودة الموضوع أبدا يعني ما رجع الموضوع بسبب السبام يلي عملو ليوناردو أو غيرو رجع متل ما تم التوضيح بعد مناقشات .. وجب التنويه |
اقتباس:
اسرائيل عم تصنع صواريخ وقنابل وبمناطق جعجع وغيره عم يصنعه ستار أكاديمي بقى ياريت لما بدك تحكي احكي بموضوعية وبعيد عن التعصب اللي خرب ورجع لبنان اكتر من الحرب الاسرائيلية |
اقتباس:
|
اقتباس:
خيو هاد الشي اللي مو عاجبك بالاشرفية و الجنوب اسمو توازن، اللبنانية شعب حي، مش قطعان ماشية في الها راعي عم يسوقها، مش قطيع بعير شارد بالصحرا ناطر صحابو لحتى يزبطولو خيام لحتى "يتكاثر" فيها، او ناطر اوامر الدبح على شرف شي "خواجة"... شعب حي، في منو مين تعب، في منو مين نعس، في منو مين بدو يهيص... و في منو بدو يقاوم، بوكرا يللي عم يهيص بينعس، و التعبان بيرتاح و بيقاوم، و المقاوم بيهيص ليتعب يوم احتلال باريس من قبل النازيين، كانت الكافيه تروتوار بالشانزيليزيه سهرانة لوش الصبح، القصف شغال، و المقاومة باوجها، و في ناس عم يشربوا شاي بالشانزيليزيه هدول مش خونة، بس دورهم ما اجا بعد، او يمكن تعبانين. بكل الاحوال، دورهم وقتها ما بيأثر ع نتيجة الحرب لهالسبب تحديدا، اختاروا الحرب بلبنان، لأنو هوي الوحيد القادر على المقاومة، الحياة يللي فيو بعدها بشبابها، و هالشي مقلق الهم، لأنو الحياة عندهم، متل ما هيي عنا، عم تحتضر تعدد مشارب الافكار، و وجهات النظر الموجودة بلبنان، يللي مو عاجبتنا، هيي يللي بتعطي عظمة لبنان في مين حامل سلاح، و في مين حامل مايكروفون عم يسمع صوت اللبنانيين للعالم كلو، و في مين حامل كاميرا عم يصور همجية اليهود، و في يللي عم يكتب شعر يولع مشاعر العالم، و يللي عم يلحن.... و يللي فاتح بقاليتو و متجرو و فرنو ليأمن خبز الناس و ع راس كل هالناس، ساحر، فقس بزمن معجزة الصمت العربي، فقس بجرد الجنوب، و بلش يعمل عجايب. بلحظة مجنونة، حجم (بدمغ الجيم) اسرائيل لـ "حيفا، و ما بعد حيفا، و ما بعد ما بعد حيفا" "اسرائيل"، بعبع العرب، طول عمري بكره الجغرافيا، لأنو بيرسموا اسرائيل ع الخريطة زغيرة. لك يا عمي ما عم تركب براسي، انو كيف هيك بس هي اسرائيل؟!!! اي كتير زغيرة!! طلع مزبوط هاد حجمها، طلع مزبوط انو كلها ع بعضها عبارة عن "حيفا، و ما بعد حيفا، و ما بعد ما بعد حيفا". علما انو "حيفا" اصغر من "جرمانا" العجيبة التانية، انو ساوى من "مارون الراس" و " بنت جبيل" ... ساوى منهم "طروادة" مارون الراس يللي كلها ع بعضها بيتين تلاتة، حولها لمدينة طروادة، و مشكلة الاسرائيلية اليوم، انو ما عندهم "اخيليس" يجي يفتح، و مش رح يلاقوا و اكبر عجايبو، انو عمل من اميركا، و الدول العظمى، و بضهرهم دول العهر العربي، عمل منهم "فرجة" مشكلتو الوحيدة، انو في ناس مش عم يتأقلموا مع شوية كرامة، فاجأنا و بعتلنا ياهم ... طول بالك والله لنكيف |
اقتباس:
|
هاد الرد كتبتو و نزل بالغلط بغير موضوع و هلأ لحصّلت عليه :
توكوول شكرا لتفهمك ..... مافي داعي ارجع وضّح يللي صار عن هالموضوع .... ضروري قول أنو كنا مبيتين استخارة وناطرين..... أنا كمشرفة .... عم حاول قوم بواجبي ... بعرف ما رح ارضي حدى ... كل ما راح موضوع بيستلمونا عشرة بلدي .. جماعة الأصوليين مرة ... جماعة الملحدين مرة ... جماعة حزب الله مرة.... و البهدلة يللي أكلتها من ليوناردو أنا استوعبتها بكل صدر رحب .. و اعتبرتها تعبير عن يللي جواه بهيك لحظات..... و نسيت كلشي قالو .... كرمال هالشوية الود يللي بقلبي بس حبيت قول كـ مجد الأنسانة .... أنا ضد الحرب بجميع أشكالها ... ضد الصواريخ .... بتمنى كل صاروخ يتحول لقطعة خبز تطعمي كل جوعان بهالعالم .... كل دبابة تتحول للعبة يلعبو فيها الأطفال... أنا مع شعب لبنان ... قلبي معو ... مو ضروري قول شو عملت و كيف عم ساند هالشعب .... بس يللي عم يطلع بايدي ما عم قصر فيه ... أنا ماني جماد و لاني مجرمة حرب و لا بتمتع بمنظر الدم أو بجثث الناس الأبرياء ..... أنا شقفة أنسان بيحب الأنسانية .... بغض النظر عن القومية و العرق و الدين و الحزب و ما الى ذلك ..... تحياتي:king: |
اقتباس:
|
ليش صياد .... ؟ معلش عطيني وجهة نظرك
|
اقتباس:
كيفك حبيب:D |
اقتباس:
بعرف احساسك وبعرف وطنيتك وبعرف شعورك و أفكارك تحياتي :D |
اي زتلّك شي سمايلي مع الرد ... وقعتلي قلبي .. قلت لحالي حتى أنت يا بروتوس.....
|
من أقوال زياد الرحباني:
يانور عينيا، رحنا ضحية، ضحية حركة ثورية، كنا في أحلى الفنادق، جرجرونا عالخنادق، وشكلنا ليس بلائق، قبل ما جيت يا عفريت كنا نغني عالقرصية، عالقرصية منين منين والله سقوها دمع العين، يا عيني عيني ملا تنين، والله رحنا ضحية، يا من تهدد بالرشيش، طططم، بكل أنواع الفتيش، فششششش، طالبا تحسين عيشي، ساخر حار يأكل النار، ونحن من؟؟؟ مزيكتيا، يانور عينيا رحنا ضحية، ضحية حركة ثورية. الله يعينك يا لبنان، شبدك تتحمل لتتحمل:cry: :cry: |
اقتباس:
بعتقد بتكوني شفتي اليوم مواجهات بنت جبيل وال18 قتيل اسرائيلي والجنود اللي عم يبكوا ويولولو. هيدي هيي المعارك الحقيقية وما تكوني انخدعتي وفكرتي قتل المدنيين بالطيران انتصار اسرائيلي. على كلن ما حدا بقوي اسرائيل غير هالأصوات اللي بتطلع من حضرتك وأمثالك من بعض السياسيين قصيري النظر |
اقتباس:
فأنا وماشي وإذ بلاقي حالي هون بالأخويــــة والله اشتقنالكن يا زلمة كيفكن |
اقتباس:
كلمة عجنب: تحية عظيمة جدا جدا وتقدير من القلب للحزب الشيوعي اللي شارك اليوم بمواجهات بنت جبيل وما بستبعد يكون قدم شهدا بالمعارك الضارية. البعض عم يحكي عن مارون الراس وبنت جبيل كأنو صرلو شي ميتين سنة عايش بالجنوب. بس اللي مارق بطريق مارون الراس واللي سامع تحليل الجنرالات اللبنانيين والاسرائيليين عن مارون الراس بيعرف انها تعتبر عسكريا هدف سهل للأعداء. هيدا الهدف السهل كلفهن اكتر من 10 قتلي و10 ايام بقوات نخبة النخبة. يا عيني عالأهداف الصعبة بعدين اذا ناويين يوصلوا على صور. |
اقتباس:
ما تعذب حالك ما رح يشوفوهن ما رح يشوفوا كيف نخبة النخبة بالجيش الأسطوري اللي مخلي كل العرب يبوسولو اجري كيف عم ينطحنوا عحدود قرية زغير عحدود لبنان ولك كم ميت شب من المقاومة عم يهزموا فرقة من عشرة الاف جندي مع الإحتياط بعتقد انو أول شي لازم نعلمها تميز بين الصبي والبنت وبعدين منعلمها تمشي وبركي شوي شوي بتتعلم تحكي |
اقتباس:
كل اللي قلتو انو الشعوب العربية وأقله السورية لازم تعمل مقاومة وان لم تقدر فلتدعم بمالها وانا قدرتي كانت انو ادعم بمالي وهيدا اللي عملتوا. فوين التناقض وفقدان المصداقية؟؟ |
اقتباس:
انا رح لخصلك وجهة نظري باقل حروف ممكنة . اسرائيل هي العدو ( مشان ما حدا يفكر غير هيك ) الجهل و التخلف عدونا قد اسرائيل و يمكن اكتر الاحزاب الدينية هي البنت الشرعية للجهل و التخلف الاحزاب الدينية هي مطلب اشرائيل و مناها لأنو وقت بتصير المنطقة شيعة و سنا و مسيحية ..بصير منطقي يكون في دولة ( يهودية ) حزب الله حزب ديني ( و مكتر ) صحي التلفزيون السوري بسمي المقاومة اللبنانية بس هو اسمو المقاومة الاسلامية ...اولا و اخيرا . لحد هون هاد موقفي من حزب الله ...بغض النظر عن الحدث ..هلأ مننتقل للحدث . اذا كان الشي اللي صار بلبنان بطولة .....معناتا شو هو التهور ؟؟؟ اذا كان الشي اللي صار بلبنان انتصار ...شو هي الهزيمة ؟؟؟ أنو سماحة السيد وعد بمفجآت !!! و كأنو غرق بارجة رح ينسيني أنو القدس عندن !!! و كأنو اذا وقع صاروخين بحيفا ...رح ينسيني انو حيفا كلا عندن !!! و كأنو اذا مات 50 جندي اسرائيلي ( و يمكن كلن من عرب اسرائيل ) رح ينسيني أنو مات مئات الشهداء !!! طيب ...هل الخطأ خطأ حزب الله ولا الخطأ هو موقف الزعماء العرب ( من العقيد الى الشهيد قولة محمود درويش ) . بصيغة تانية ..انو هو الغلط من حزب الله عم يحارب بزمن الكل مستسلمين , ولا الغلط انو الكل مستسلمين و حزب الله هو الوحيد اللي عم يحارب ؟؟ هاد عاد سؤال فلسفي ...و بيحمل الشئ و نقيضه . ما بدي احكي بلعبة توازنات القوى ..و الصراع ع الشرق الاوسط و كل المعادلات الدولية و الاقليمية ...بيوجعني راسي الله وكيلك . ...انا بس عم فكر انو ....معقولة ما كان في طريقة تانية !!! اللي عندو الجواب الشافي يعطيني ..بس بدون خطابات ...أنو راسي ما عاد يحمل :lol: |
بتعرفو انو الحقيقة بتوجع
لانو حزب الله ورغم كل مقاومتو راح يطلع من هالمعركة خسران وقصدي خسارة استراتيجية ليش؟؟؟لانو اذا اجت قوات فصل دولية ماعاد الله يزحزها من الجنوب وبتكون سوريا وبيكون حزب الله خسروا تمرك حزب الله الاستراتيجي المباشر ع حدود اسرائيل بس للاسف هاد يللي بدو يصير |
اذا كان الشي اللي صار بلبنان بطولة .....معناتا شو هو التهور ؟؟؟
طيب اذا كان اللي صار تهور لكن كيف البطولة وكيف بترجع الأسرى من دولة متل اسرائيل بتقلها عملي معروف عطيني ياهن وأكبر مثل الأردن وغيرا وغيرا عملت سلام وأسراها بعدن اذا كان الشي اللي صار بلبنان انتصار ...شو هي الهزيمة ؟؟؟ نحنا كلنا منعرف انو نحنا شعب مضحي وصابر مش متل اسرائيل يعني نحنا الشهيد والتنين والعشرة ما بهزوا عزيمتنا متل ما بيتأثروا هني بقتيل واحد عشان هيك ما بتجوز المقارنة بين خسائرنا وخسائرن أنو سماحة السيد وعد بمفجآت !!! و كأنو غرق بارجة رح ينسيني أنو القدس عندن !!! و كأنو اذا وقع صاروخين بحيفا ...رح ينسيني انو حيفا كلا عندن !!! و كأنو اذا مات 50 جندي اسرائيلي ( و يمكن كلن من عرب اسرائيل ) رح ينسيني أنو مات مئات الشهداء !!! طبعا هاي مفاجاّت .. لما تنقصف حيفا اللي صرلها شي 40 سنة ما وصلت عليها رصاصة .. لما الشعب الأسرائيلي نصو بالملاجئ .. لما مجموعو متل حزب الله توقع طيارة أباتشي وبارجة .. لما عصب اسرائيل واللي هيي تل أبيب تكون مهددة ما بتسمي هيدي مفاجاّت .. أما عن ال 50 جندي واللي انشالله حيصيرو أكتر واللي هني اسرائيلية 100% للعصب حتى لو كانو بيحكو عربي فهني عم يقتلونا هودي ما فينا نقارنن بعدد شهدائنا متل ما قلتلك لأنو ال 50 جندي بهزوا اسرائيل وال 1000 شهيد ما بيعملوا فينا شي ما بدي احكي بلعبة توازنات القوى ..و الصراع ع الشرق الاوسط و كل المعادلات الدولية و الاقليمية ...بيوجعني راسي الله وكيلك . ...انا بس عم فكر انو ....معقولة ما كان في طريقة تانية !!! متل ما قال نصرالله والكل عرف الحرب كان مخطط لها من زمان والله العالم اجت عملية الأسر رحمة النا وخلت اسرائيل تعجل بالمخطط وتخسر عنصر المفاجأة |
اقتباس:
بستغرب انك بعدك مفكر انو هيدي الحرب هيي رد فعل على الأسيرين وانو حزب الله تهور لما اقدم على اسرهم. سمحلي قلك انو هيدي الحرب مخطط الها من 6 سنين من وقت خروج اسرائيل من لبنان وسمحلي قلك انو التاريخ اللي قالوا السيد حسن واللي كان مخطط لبدء هذه الحرب في آخر ايلول ليس لتبرير فعلتهم بل بناء على معلومات وانا سمعتو بأدني من مسائيل حزب الله قبل اكتر من سنة. اذا بتعتبر انو اللي حصل بلبنان هزيمة وانو الهزيمة هيي بعدد الشهداء فيك تراجع جميع حروب التحرير وتلاحظ انو عدد الخسائر في المحتلين هي أقل من عدد الشهداء في المقاومين. بيكفي تقرا ترجمة الصحف الاسرائليي كل يوم الصبح لتعرف اذا هيدا اللي عم يحصل بلبنان هزيمة او بداية الانتصار التاريخي. |
لك والله بتستااهل مليووووون وردة على هالكلام العسل :D .........نحنا معك ومعهن للعضم;-)
شكرا عالموضوع:D |
اقتباس:
يكفي انو سوريا ما تنازلت عن موقفها! وإنو سوريا كدولة بتقدم المساعدة للبنان على أرضها و بترسلها إلى الأراضي اللبنانية .. (وهادا بعتبرو صمود ) بالنسبة للتناقض .. انت بدك هالشعب السوري ينزل يقاوم ويحارب . وإنت كلبناني نزلت عسوريا لتحمي نفسك .. أنا مو ضد انك تحمي نفسك بس ما تقول ليش سوريا ما عم بتقاوم ؟ |
هادا الرد كنت حاطو مبارح .. وانحذف:
اقتباس:
|
اقتباس:
ما بخالفك بنوب الرأي بموضوع الاحزاب الدينية و ما بدي نحكي كأنو حزب الله و اسرائيل ولاد زغار بمدرسة و سبوا بعض و بدنا نشوف مين البادي لحتى نبعت ورا ولي امرو خليني افترض انو يللي عملو حزب الله "تهور"، خليني افترض انو مش بس تهور، بل خطأ هل هذا يبرر حرب اسرائيل على لبنان؟ طيب لنروح ابعد و نفترض انو لقينا شي زغبة بررنا من خلالها حرب اسرائيل على لبنان هيك زغرنا عقلنا و قلنا "يا خيي كمان الصهاينة من حقهم انو يحموا و يأمنوا مواطنيهم" هل هذا يعني، انو نوقف على الحياد مثلا؟؟؟ ما نحنا متفقين، انو اسرائيل هيي العدو هذا في ما يخص التهور اما في ما يخص الانتصار: و نحنا و بعدنا على زات الافتراضات الجدلية بأنو حزب الله متهور لدرجة الخطأ، و اسرائيل مبررة بحربها على لبنان... طيب ما هيي من اول كم يوم، هدمت مبنى المنار و القيادة العامة لحزب الله و المربع الامني كلو، و كل عيلة من عيل حزب الله، و كل حيط مكتوب عليه "حزب الله"... و فوقهم كلهم، المطار و الجسور و الطرقات و محطات الكهربا و المي و المواني... عال لشو بعدها عم تقصف؟؟؟ انو كيف برأيها القصف بيحزف حزب الله؟؟؟ طيب كيف ممكن لاجتياح لبنان كلو يحزف حزب الله؟؟؟ ببساطة خيو، اسرائيل ما عرفت تلعبها، كان ممكن تضرب شوي و تتفاوض سياسيا شوي مع تهديد بأنها رح تضرب اكتر، بس عمليا، هيي ما خليت لحزب الله غير الطريق يللي عم يمشي فيه شو بدنا بحزب الله، انشالله يكون يللي عم يقاوم هوي حزب شارون، منيح؟ نحنا ... ما عنا غير هالطريق نمشي فيه، انو نساعد المقاومة بلبنان، بغض النظر عن الفلسفة يللي رح تلاقيها انسب لحتى توصلك لهالشي |
ولك قلك بدون خطابات ...راسو مو متحمل الزلمة
|
اقتباس:
شو ما رد عليه لحتى تنبسطوا ؟؟؟؟؟ |
عم تحكي جد ولا عم تمزح:shock: لأنو أنا عم امزح:o .........
|
اقتباس:
بس "بيتهيألي" اني عم امزح |
اقتباس:
هييييييه... هه... هاد الكلام المزبوط... هي كلمة ع جنب كمان |
اليوم نعا شهيدين الحزب الشيوعي اللبناني
فالف تحية للشيوعيين اللبنانيين ...:clap: |
اقتباس:
لنعي الشهيدين؟؟ |
اقتباس:
تحياتي ,,,:D |
اقتباس:
|
| الساعة بإيدك هلق يا سيدي 06:48 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون