|
طارق: برهنلك انو بلدنا مو ديمقراطي
منصور: هات لشوف... طارق: فيك تقول ليرة ورا ليرة عشر مرات؟ منصور: اي طارق: طيب فيك تقول هالمشمش مش من مشمشنا، هالمشمش من مشمش شمسطار خمس مرات؟ منصور: اي طارق: طيب فيك تقول تنشيزات جاز شاذة خمس مرات؟ منصور: اي طارق: طيب فيك تقول خشبة الحبس حبست خمس خشبات و خشبة من خشبات الحبشة الخمسة ما انحبست 3 مرات؟ منصور: اي طارق: طيب فيك تقول مرغة رغبة بغرتنا، اطيب من مرغة رغبة بغرة بركة ((مرقة رقبة بقرتنا، اطيب من مرقة رقبة بقرة بركة، بس بالخيليجي)) منصور: اي طارق: طيب فيك تقول شجرة العرنكرنكبة، سنة بتحمل عرنكرنكبة، و سنة بتحمل عرنكرنكبتين مرتين؟ منصور: اي طارق: طيب فيك تقول خيط حرير على حيط خليل عشر مرات؟ منصور: اي طارق: برافو عليك، طيب فيك تقول يلعن ابو الـ ******************** عرص؟ منصور: لك هصصص وطي صوتك !!! يخربيتك رح تروحنا، شو مفكر حالك قاعد بالهايد بارك؟ طارق: شفت شلون؟ |
قلنالك لا تصحصح وتقطعنا
بس ظريفه الديمقراطيه |
خلصت الكبريتيه :cry:
|
ممتازين كريم
شي حلو بس متل ا بيقولوا بالتلفزيون بسس يعملو مقابلة مع احد اشاوس الفن (ليش مقل باعمالك بالفترة الاخيرة؟))) |
يا لطييييييييف شو حلوين
|
روووعة ...
وبالذات الاخيرة .. هديك بتجنن :D الله يديم علينا التحشيش يا شعب :yahoo: |
لك الله يخليلنا كريم و يضل يتحفنا بأعماله:D
|
يحرء كفرك :o
|
هات كمان هات
|
رهيبة رهيبة :mimo:
welcome back يا معلم |
لك وينك يا معلم اشتقنالك
|
:lol: :lol: :lol: :lol: :lol: ههههههههههههههههههههههههه هه:lol: :lol: :lol: :lol: :lol: :lol:
مشكوووووووووووووور يسلمووووووووووووووو |
>>> يا سلام كبرت المظاهرة، شكر كبير للجميع<<<
طارق: خود اشحطلك شحطة راغب: بتعرفني متدين، ما بحشش، الحشيش حرام، و فوق هيك مخالف للقانون. الله يغنيك عنها. طارق: هلأ من كل عقلك عم تحكي؟، اذا حششت بتخالف القانون؟ راغب: طبعا، تعاطي المخدرات فيها سجن طارق: طيب شو رأيك انو عيسى بن مريم و محمد بن عبدلله كانوا مخالفين للقوانين؟ راغب: هاه!!! اعربلي ياها بالله! طارق: عيسى خالف قانون الجاذبية و مشي ع المي، و محمد خالف قانون "مقاطعة اسرائيل" و اسرى للقدس راغب: لك يا حشاش، هدول انبيا، يعني هي الشغلات عجايب، بعدين ع ايام الرسول ما كان في شي اسمو اسرائيل ليقاطعوها طارق: اي مزبوط، بس كمان ما كان عندهم حشيش ليحرموه، بدك نمشي ع قوانين اليوم و اللا قوانين مبارح؟؟ ع قوانين اليوم، التحشيش جريمة و الرسول طبع مع اسرائيل، ع قوانين مبارح الحشيش مباح، و الرسول اسرى للقدس، شو قلت؟ بعدين ع سيرة العجايب، اي شحطة وحدة رح تخليك تشوف ما لم تره عين، و تسمع ما لم تسمع به اذن راغب: في وجهة نظر بكلامك، بس بدي افهم شو قصدك انو ما كان في حشيش ليحرموه؟؟ الله يللي بيحرم، شو قصدك انو الله ما كان بيعرف انو رح يدخنوا الحشيش؟؟ و اللا برأيك انو بيعرف بس الحشيش حلال؟؟ طارق: لا خيو، ما بحب حدا يكفر على يدي، انت ليش هيك فسرتها؟ اخي اعتبر انو الله بيعرف كل شي بما فيو التحشيش، بس نحنا يللي ما كنا منعرفو و ما حب يدلنا عليه... يعني شو كان بدك ياه يقول حرمت عليكم الميسر و المنكر و الحشيش؟؟؟ و يحط الرسول بموقف حرج يقعد يشرحلون لقريش شو قصدو بالحشيش! ما بيعملها، أصلا ما بيلبقلنا، ازا حكالنا كلمتين عن الجنة الناس صارت تتفنن كيف بدا تفجر حالا بافغانستان و العراق... انت خدها بروح رياضية راغب: والله اقنعتني، بس يا زلمة بلكي صار معي صرطان او خرفت ع بكير؟؟ طارق: يا رجل عم تدخن متل الببور كل يوم 3 بكيتات حمرا و خايف ع صحتك ؟؟؟ بعدين دخلك عقلك شو نفعك ؟؟، صرلك 3 سنين متخرج من الجامعة و بعدك عاطل عن العمل، و بيتكم أد هاد العقربة و ارخص بيت حقو مليون ما معك منهم الف ليرة ع بعضا، يعني زواز.. انسى، انو ع شو خايف بالله؟؟ ع مستقبلك الباهر؟ و اللا مجدك المروم؟؟ راغب: خليها بالقلب يا مواطن احسن ما تطلع لبرا و تفضح طارق: ولي على قلبي عليك شو مفحم، خدلك شحطة خود... لك هي الشيغارة دوا، مسا الخير راغب: مية مسا |
حلوة مع التحفظ على قانون الجاذبية :o
|
زعيم يا كريم.....زعيم.....:king: :king:
|
قلتلي طبع مع اسرائيل لكن
|
اقتباس:
حشاش شو ما حكى ما بيتواخذ بسنهفة الموضوع مشكور قطرميز |
لك والله انك معلم
اخر وحدة شغلة كبيرة خلص اقتنعت بالشغلة. هتلك شفطة |
:D حلو
|
أنو أحلى شي : ضروري تدعس للصاجة هههههههههههههههه
|
بس يا ولد عيب :lol: :lol:
|
رائعة يا كريمبو شو هاد بتجنن وكلهم حلوين مشكور
|
والله حلوة
دورها خيي وعطيني شحطة |
شو خلصو التحشيشات:jakoush:
|
ترقبوا كل ماهو جديد في عالم التحشيش مع كريمووووووووووووووووووووو
|
اقتباس:
|
أنو القصة طلعت ماالها علاقة بالحشيش
يعني هي أنا بحشش وما بتجيني متل هالأفكار تبع كريم ليييييييييييييييييييييييي يييييشششششش:cry: :cry: بس روعة كريمو ميغسي....:lol: |
ههههه شي فظيع , خارق , ممتاااااززززز
ثابر و إلى الأمام ... |
ما عد شي بأخوية ينقرا . وينك سيد كريم .. نسيت التحشيش ولا التحشيش نسيك؟؟؟
|
((آسف ع التأخير))
سليم: يعني لهلأ ما عم افهم كيف لقطوكم، ممكن تحكولي القصة؟ طارق: كنا طالعين من عندك بتذكر؟ سليم: بذكر انكم طلعتوا مروقين، و ع اساس معكم سيارة ترجعوافيها ع بيوتكم طارق: اي وقتها عطلت سيارة منصور، لقينا تكسي واقف فيو واحد ختيار كأنو بدو ينزل، و عم يتخانق مع الشوفير ع شي، قمنا رحنا لحتى نركب و صار التالي ((( الختيار: ما رح قوم لتوصلني ع بيتي الشوفير: عمو كرمال الله مرقلي هالليلة ع خير، صرلي ساعة عم فتلك، لك قللي وين بيتك و براسي بوصلك لهنيك الختيار: بيتي بالبرامكة الشوفير: لك هي البرامكة، وين بيتك الختيار: بالبرامكة بس مو هون الشوفير: صرلي ساعة عم دورك بالبرامكة، لك يا عمو الله يرضى عليك قوم و خلصني بدي اترزق الختيار: ما رح قوم لتوصلني ع بيتي الشوفير: عم قللك قوم بالحسنى احسنلك الختيار: ما رح قوم طارق: طيب ما في انتخابات؟ الختيار: ما رح قوم طارق: حتى انت يا بروتوس؟ منصور: اخي انت شو دخلك؟ خلص اتركهم ليكو جسر الرئيس هلأ مناخد ميكرو من تحتو طارق: جسر الرئيس بعيد و مالي خلاق امشي منصور: لا بعيد و لا شي، ليكو عضة كوساية (بعد خمس دقايق) طارق: لك وينو جسر الرئيس ؟؟؟ مالي خلاق امشي منصور: ليكو ما عاد بعيد كمان كم متر منوصل (بعد خمس دقايق) طارق (متذمرا): لك يا اخي خلينا ناخد تكسي حاج كحتتة، تعبت كتير، و رح يطلع الضو ما كنا نوصل ع جسر الرئيس منصور: يالله وصلنا وصلنا، ليش هيك بصلتك محروقة، كمان كم متر منصير تحتو (بعد شوي، وصلنا ع جسر الرئيس، بس حبيت امزح مع منصور قمت قلتلو) طارق: لك اخي وينو جسر الرئيس؟؟؟ منصور (صارخا بأعلى صوته): لك هلكتني، ليكو جسر الخرا مخبر: وقف عندك انت وياه يتبع... |
قريت الموضوع من اولو وعنجد ابداع بياخد العقل
وكل وحدة احلى من التانية وخاصة اخر وحدة ....بتجنن بس والله مسكين هالمنصور هو فقعت مرارتو من نق رفيقو ..ماكان قصدو شي ..زعلت عليه:cry: :D :D |
:D :lol: :lol: :lol:
|
اقتباس:
بتعرف كريم شايف الديك ارنب هلاء بس لما قرات القصة هاي حششت على الاخير :hashish: هاي التجليات كيف بتيجي ؟؟؟ لك الحشيش بيخلي الواحد يكسل يفكر ولا يحكي وانتا عم تبدع :o دخلك ما بتكسل تبدع ؟؟؟؟؟؟؟ |
اقتباس:
|
يا معلم طيب كنت مشيهن لعند جسر فكتوريا
لازم يعني تمشو لعند يلا بسيطه حصل خير..مين قال خير المهم يعطيك العافيه |
اقتباس:
بس جد حلوة....مشكور و ما تطول علينا:D |
شو يتبع ما يتبع ... شو هوي الي بدو يتبع :o :o
|
:lol: :lol: :lol:
لك أنا بستمتع كل ما اقرا قصص طارق يسلموووووووووووووووووووو هلقد:D |
عم استنى الكمالة :larg:
|
اقتباس:
|
| الساعة بإيدك هلق يا سيدي 17:06 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون