|
يعني اذا بنت بتصيري تتنطوطي علينا ونحكي متل ما بدك
بعدين موقف شو انا لا رحت ولا جيت على السعودية وعم نحكي متل ما سمعنا من البشر اللي راحوا معك حق تجكي على اللي غلطو بالسعودبة بكلام جارح بس في ناس حكت وما غلطت ومنهون انا بقى ليش التعصب |
خليكم كووووووول على طوووووووول
بسم الله الرحمن الرحيم احم احم صارلي اكتر من ساعه وانا عم اقرأ الموضوع والردود بس مافهمت شي يعني كلو حكي بحكي بس اللي بدي قولو انو انتو ليش محملينها كتير القصه والله مو مستاهله يعني خليكن رايقين مابدها تعصيب وتكبير انا هون صحيح حالي على قدو بس ماني متضايق وبحب العيشه هون بالسعوديه وبحبها كمان بالشاااام كلو نفس الشي انا بعتبر حااالي رايح سيران مشوار انا وصحابي حتى غير جوو ومتل ماذكرو الشباب اصابع اليد مو كلها متل بعضها وفي الصالح وفي الطالح وين ما كان مابصير نحكم على بلد كامل ونبني احكامنا بمجرد تعاملنا مع شخص واحد او كم واحد مو مناح يعني انا هلأ بالوضع اللي بينا وبين البنان كتير متضايق لانو اللبنانين عم يسبونا ع الطالعه والنازله عم يسبو بلد كامل شعبو 17 مليون بس ال شو لانو مات الحريري طيب ياخي بس تمسكو اللي قتل الحريري سبوه ليش عم تسبو سوريا وشعبها هاد الشي غلط وين ماكان مابصير نحكم هيك وصدقوني الدنيا مافيها شي عيش ويومك واللي بيجي بكرا يامحلاه وبالاخير اتمنى للي بالسعوديه التوفيق والنجاح بعملهن وللي بالشام كمان وكلنا اخر شي عرب جنس واحد ولغه وحده وجزورنا وحده تحياااااااااااااااااتي الكم جميعآ  |
غربة الروح
كلام يكتب بمداد من ذهب سلمت اخي الكريم |
اقتباس:
وتحية لابن الرياض رغم بعض الاختلافات بوجهات النظر بس على الاقل في احترام متبادل |
اقتباس:
|
اقتباس:
فينك ما تفوتي اذا مو عاجبك |
اقتباس:
دبي : عمليات نصب وسرقه ما الها حل وما في اكتر منها القاهره : الاخوان المسلمين ( عليهم لعنه الله ) مو تاركينهون من شرون كمان تفجيرات وقتل باريس : ما صرلون زمان لما كل يوم يطلعو يحرقو سيارات ودواليب والشرطه مو قادره تعمل شي مدريد : كمان هدول جماعه نسيان شو اسمون كل فتره بساوو تفجيرات بعدين ما تنسى التفجيرات يلي ساووها القاعده فيها لندن : اكيد انت عم تمزح انو لندن فيها امن .. لك لندن بعد الساعه 9 بالليل ما فينك تطلع من بيتك واشنطن : حالها من حال كل اميركا كمان الامن سايب والقتل والسرقه ما الون حل باقي المدن ما بعرف عنون كتير بس كمان اكيد نفس الشي |
هل يعقل بان سوريا مافيها نصب ولا سرقة ولا جماعات ارهابية ولا صار فية هجوم بالمزة ولا على مبنى التليفزيون
اذا على كلامك معناه ان الشرطة حتقفل |
اقتباس:
وهي انت ليكك عديتهم يعني بينعدوا بس عدلي العمليات اللي صارت بالسعودية |
اقتباس:
شو بدك شو صار بسوريا تفجير وعمليات:jakoush: |
هممممممممممممم
اقتباس:
 وبدي أعرف السبب الحقيقي للكره بس..............  الا يعني اذا كان وجودي مضايقك..........وتبي تكرشني.......قول  ................. |
اقتباس:
ما اعرف ان الحقيقة تزعل هنا في المنتدى |
اقتباس:
شي ظريف والله |
اول شي بحب سلم عالكل لانو مشاركاتي كتييير صارت قليلة بآخر فترة
ولكن ...... موضوع السعودية غير هيك عالخالص كيف؟ انا بالسعودية من سبع سنين والحمد لله الحمد لله عايش حياة متل حياتي بسوريا واحسن ببعض النواحي يعني بشتغل بشركة كبيرة اصحابها سوريين وتحت اسم شخص اسمو عصام قباني حاصل على الجنسية يعني كفيلي سوري الاصل والمنشا وهيك وكل موظفين الشركة من الشام 100% وخدو هالمقارنة مثلا : هون (في السعودية )عندي سيارة موديل سنتا هنيك(سوريا) بنطر تكسي ساعتين بالشارع وبتوقف بالاخير للسعودي اللي بعيد عني مترين هون: بشتغل بدوامين بالمكتب تحت المكيف وغير شكل هنيك : اذا وعمقول اذااااا لقيت وظيفة محترمة رح تتمرمط لانو الراتب ما رح يكفيني دخان هون: اهلي هون هنيك : بعيش من غير اهل هون : الي حساب بالبنك وصار معي حق بيتين بدل بيت هنيك من .......... بيصير معي حق بيت هون : في شعب غليظ هنيك: في شعب مرتشي هون : سجلت عتلفون تاني يوم ركب وما دفعت فلس لبعد 3 شهور هنيك: سجلي البابا عتلفون سنة 1991 وتغير الرئيس و لسه ما طلع التلفون هون : معي موبايل من سنة 98 هنيك: ههههههههههههههههههههههههه هههههههه وباي |
مع احترامي للاخوة السعوديين، في تعليق على الامور التالية:
اولا: عندما يأتون لشراء سيارات من بلاد عربية اخرى يبخسون باسعار السيارات مثلا السيارة التي سعرها عشرة آلاف دولار يدفعون فيها خمسة آلاف دولار. ثانيا: لدي البعض منهم نظرة احتفار نحو الاخوة العرب الذين يأتون للسعودية للعمل، ويعاملونهم وكأنهم خدام عندهم، ولدي اصدقاء ذهبوا للعمل بالسعودية ولم يكملوا اشهر وهربوا بسبب المعاملة السيئة. ثالثا: لدي البعض منهم نظرة تكبر وعلى انهم دولة نفطية، ولديهم فكرة وانطباع انهم عندما يذهبون للسياحة بالدول العربية ان الاخوة العرب يطمعون فيهم ويستغلوهم بالاسعار. رابعا: ممنوع على المرأة عندهم قيادة السيارة، وارى الكثير من نسوانهم عندما يذهبون لدول عربية يقومون بقيادة السيارة وقد شاهدت هذا بنفسي. خامسا: آمل من الاخوة السعوديون ان يأخذوا عبرة من دولة الامارات، فالمواطن الاماراتي يصطف على الدور مثله مثل الهندي والباكستاني واي مواطن عربي، ولا يوجد لديهم نظرة استكبار واحتقار لاحد مع انهم دولة نفطية، وهذا سبب نجاحهم. :king: |
اقتباس:
|
هه ئال سعودية ئال
يا محلاكي يا سوريا :pos: |
انا زرت السعوديه وبعرف فيا كويس .. وبصراحه ما الي تعليق على موضوع السعوديه
بس الي تعليق بسيط وهوه أنو بالنسبه الي لو لف الارض كلا ما بلائي متل هويات سوريا لك يا جماعه لمى شوف سيارة سفريات جايه من الشام لك والله والله بشتهي فش دواليبا لشم هوياتا وتعليق أخر الي هون هوه يا جماعه لازم لمى تقارنو بين دوله وتانيه من ناحيه اجتماعيه او اقتصاديه بالتحديد لازم تاخدو بالاعتبار الثروات الموجوده والي موفره بتلك الدول يعني مثلا عندي سؤال وبالفعل حيبب اسمع اجابه عليه هلأ تخيلو يا شباب لو الشعب السوري عندو الثروه النفظيه الموجوده في السعوديه هلا كانت سوريا من كل النواحي راح تكون متل وضع السعوديه الان طبعا لا بجوز يكون في تطور اكتر على كافة الاصعده وبجوز شي تيني بس الي انا بعرفو أكيد هي الشغلات لازم تأخذ بالاعتبارات . |
اقتباس:
طولي بالك أختي ليش معصبة هلأ بعدين الموضوع إلو أكتر من جمعة ولسا الشغلة محتدمة طولو بالكن هلأ ما أنا عشت هون رح قول الحقيقة بالمشرمحي :ـ الشعب هون ع سلامتو متل عنا في الصالح وفيه الطالح أما نظام التعامل مع الجنسيات الأخرى فهو السيء ولاداعي للخلط بين الشعب ونظام التعامل بس يعني بالأخير هنن متل عنا نحنا نظامنا في شغلات منيحة وشغلات سيئة يعني بصراحة نحنا هربنا من سوريا مشان بعض الأنظمة قمنا جينا لهون مشان نرتاح من هنيك بس طلع كلو متل بعضو يعني كلنا بالهوا سوا وقمنا أكلنا هوا وكل بلد بالنهاية إلها فضائلها بس بنصحكن خلي كل واحد ببلدو يعني اللي ناوي يجي بلالو الجية بس يعمل عمرة وحج ويرجع وليالي مالو داعي تعصيبتك وبدك ما نحكي بالعاطل ع السعودية هاي رجعنا مدحناها تكرم عينك بس هدّي فايتة عم تقاتلي بعدين خلص إنتي تعتبري حمصية ولما بينحكا علينا كإنو انحكى عليك ما؟؟ وبالأخير تحياتي للسوريين وللسعوديين سوا |
اقتباس:
 |
مش حلوة ابدا ;-)
عندي كل شارع بسوريا يسوى مليون بلد تاني خاصة السعودية مافيها شتاء و البلد بلا شتاء وامطار مش حلو هاد رأيي8) |
بعيش بكوبا و بكمبوديا و لا بعيش بالسعودية ببلد كلو خونة
|
من طلع من دارو قل مقدارو
|
انى اعيش بمكة المكرمه على طول اوكى يعنى اكيد بتمنى من كل قلبى
يعنى تحج وتعمل عمره وتعيش بجو ايمانى نقى بس حبا فى السعودية نفسها ما بطيقهاش |
انا اصلا ولا مرة رايحة السعودية
بس بسمع كتير حكي عناّ وعن الشعب يلي فيها ف قرفت قبل ما روح :o يعني اذا بدي روح سياحة كم يوم ما في مشكلة بس انو اسكن فيها .. من ورا اللي سامعيتو .. مستحيل |
السعودية ...!!! :shock: :cry: |
يعدمني حالي لك ليش اليوم كل شي عم يتسكر بوشيييييييييييي
لك اذا حدى بيعرف يئلي ليش ما عم بئدر حط صورة رمزية بدل هي يلي حاطتا انا السعودية شبها:shock: |
اقتباس:
|
مراحب
انا كنت عايش بالسعودية واعاني من سوء معاملة الكفيل خصوصا ان كفيلي ملحد ولايعترف بالدين الاسلامي وللعلم هو اصله تركي وامه تركيه على كل حال انا كنت اعامل معاملة سيئة وراتبي كان يعطيني ياه كل 3 شهور بشهر هذا بالاضافة الى ساعات الدوام الطويلة التي تبلغ 11 ساعة وعدم وجود اجازة بالاضافة الى ذلك ان حكومة السعودية لاتنظر الى مواطنيها عندما يقومون بفعل الفواحش لكن يتحططون على الاجانب اعطيكم مثال : بوقت الصلاة كفيلي يجلس داخل المحل ولايذهب الى الصلاة وهيئة الامر بالمعروف والنهي عن المنكر بالسعودية تعرف ذلك لكن باعتباره مواطن سعودي وواصل يعني عنده معارف فلاتستطيع الهيئة ان تقول له اي كلمة بينما انا كنت واقف بالشارع مرة من المرات وجائت سيارة الهيئة قالولي عطينا اثباتك قلت لهم ليس معي فاخذوني بسيارتهم وكلبشوني كأنني ارتكبت جرم فظيع واصبحوا يعاملوني كالمجرمين وحلقوا لي شعري اقرع ووضعوني بالحجز 24 ساعة على ان يتم ترحيلي من السعودية لكن عندما جاء كفيلي عفوا عني واصبحوا يراقبونني مثل المخابرات هذا بالاضافة الى ذلك طلبوا مني شهادة من امام المسجد يلي بحارتنا انني اصلي الفرائض الخمس لمدة اسبوع كامل مع العلم انهم هم لايصلون وقت الصلاة وتجدهم كلهم منافقين ولايتكلمون الا مع الاجانب الضعفاء اما رعايا الدول الغربية فلايقدرون عليهم ولايستطيعون التحدث معهم باعتبار ان دولهم قوية هذا بالاضافة الى الذل والمهانة يعني كل شيء بيد كفيلك لاتستطيع فتح حساب بالبنك الا باذن خطي منه ولاتستطيع اصدار رخصة الا باذن خطي منه ولاتستطيع ان تستأجر بيت او تحصل على خط تلفون الا باذن خطي من الكفيل الكفيل يعتبر كل شيء بحياتك ويجب ان تكن له السمع والطاعة ....والا غضب عليك ودمر حياتك هذه اسميها العبودية والاستعباد وهذا الشيء محرم بالاسلام وكل الديانات الحمد لله استطعت ان ارجع لبلدي الحبيب سوريا وقدرت افتح مشروع ولله الحمد دخلي يوازي تقريبا دخلي بالسعودية ولله الحمد انا ببلدي مرتاح ولاينقصني شيء وكل الامور تمام التمام الحمد لله اني خلصت من العيشة الزفت بالسعودية والذل والاهانة التي بها عدا ذلك اصبح الان ممنوع على الاجنبي العلاج بالمستشفيات الحكومية يعني اذا ماكان معك مصاري بتموت وبتطلع روحك او انك تدبر واسطة كبييييرة .. هذا بالاضافة الى انهم يمنعون العرب (الاجانب) من الدراسة بجامعاتهم ومدارسهم الا اذا كانت خاصة والخاص بيكسر الضهر يتبع .... |
أيو هيك
رجعو جو الخانايق حاسس حالي قاعد بدار العجزة السعودية بس ليخلص النفط لترجع على الخيمة يلي ما إيلو خير لأهلو مالو خير للعالم |
اقتباس:
تحياتي :larg: |
يعدمني النكش:shock:
الموضوع من اينو قرن نكستوه:shock: |
اقتباس:
تماما :deal: وانا احمد ربي لاني عايشا في المغرب ولايمكن ان ابدله باي مكان في العالم. vive le maroc :hart::yahoo: |
اكيد مستحيل فكر فيها..
شعب معقد وبلد ماسك الدين بالشئلوب.. حتى الي بطلع لهنيك مدري شو بصيرلن..برجعو طاق وطاق من الشوفات الي بشوفوها هنيك والي بصير فيهن. ازا بدي احكي ما بخلص حكي بئا احسنلي ابئا ساكتة!:p :D |
| الساعة بإيدك هلق يا سيدي 22:17 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون