الأكوادور متقدم على كوستاريكا بهدف في الدقيقة 8 للاعب كارلوس تينوريو .. اللعب في الدقيقة 18

آسف يا جماعة عالإنقطاع :oops:
ببساطة فرمتت الجهاز وما عاد الله يعرف المودم :jakoush: :jakoush: :jakoush: :jakoush:
فكيتو وغيرت محلو لحتى انضرب على قلبو و تعرف :aah: :aah: :aah:

نتائج مبارح و اليوم
 

اسبانيا X أوكرانيا (4_0)
السعودية X تونس (2_2)


ألمانيا X بولونيا (1_0)
كوستاريكا X الإكوادور (0_3)


إنكلترا X ترينيدادوتوباغو (2_0)
باراغوي X السويد "جارية الآن ونحنا بالدقيقة /81/ و النتيجة تعادل سلبي و الفريقين ضيعوا فرص كتيييير ، وخاصة السويديين

و أخيراً فرجت عالسويديين بالدقيقة /88/ من رأسية للاعب آرسنال "ليونبيرغ"

النتيجة النهائية: السويد X باراغوي (1_0)
 

بيستاهلوا السويديين الفوز
و أحسن شي عملوا المدرب تبعن إنو طالع هالأرعن إبراهيموفيتش "لاعب اليوفي:pos: "
لأنو مزاجي باللعب وكان متل قلتو اليوم !!

لك أحلى سويد و أحلى ليونبارغ ولك أحلى مشجعات سويديات ...
لك أحلى ستوكهولم و أحلى نورشوبينك ..
و السويد عـ النهائي و رح يخسر مع الطليان :p

ولك سويد ديدانيووووووو :clap:

الأرجنتين X صربيا (2_0)
 

افتتحت الأرجنتين التسجيل مبكراً بالدقيقة /6/ عن طريق رودريغز
و أضاف كامبياسو الهدف التاني بالدقيقة /31/

الأرجنتين مرررررررررررعبة :o

ففففففظيعة الارجنتين
صارو 3

الأرجنتين X صربيا (3_0)
 

ماكسي رودريغيز يضيف الهدف الثالث للأرجنتين بالدقيقة /40/ :o :o

إي والله
ممنوع الغلط قدام سافيولا :adal:
يخرب بيتو متل النمر عم ينقض عالمدافعين و هوي اللي لطش طابة الكول التالت :gem:

لطشة بعقل :?

هوي أداء الأرجنتين بيطير العقل :o
بالفعل رائع :clap:

و قبل شوي انتهى الشوط الأول بالثلاثية اللي حسمت المباراة برأيي
و المدرب ممكن يريح اللعيبة بالتاني

لا تعليق 5 :shock:

الأرجنتين X صربيا (5_0)
 

سجل الهدف الرابع هيرنان كريسبو بالدقيقة /78/
و الخامس الاعب البديل كارلوس تيفيز بالدقيقة/84/
:o :o :o :o

6 :shock:
مهرجان غوال

ميسي يسجل الهدف السادس :gem:
علماً إنو صنع الرابع لكريسبو :clap:

إي و الله مهرجاااااااااااااان
للأسف إنو الصرب فرطوا و طلعوا خرووووووووووووق

بس المهم إنو ميسي استعاد لياقتو و عم يصنع و يسجل و يتحرك بسرعة رائعة :clap:

اسفة فادي تعديت على موضوعك وسبقتك بالكلام :سوريا:
بس والله رهيبين :shock:

النتيجة النهائية: الأرجنتين X صربيا (6_0)
 

المباراة كانت من طرف واحد بكل المقاييس
و نجوم التانغو العظماء تفننوا و فرجونا أروع أداء لحد هلأ بالبطولة :gem:
مع إني زعلت على الصرب إنن يكونوا بهالمستوى المهزوز و المذل لكن الأرجنتينيين ما تركولن فرصة يتحلفصوا

والأهم إنو ميسي كان بكامل لياقتو و هالشي بيبشر بالخير

الأرجنتين وجهت تحذير قوي و مخيف لكل اللي بدو يلعب معها إنو رح يكون عرضة للأهداف من كل حدب و صوب :cry:

بالعكس :سوريا: أنا متفاجىء من سرعتك :clap:

و المباراة مثيرة بكل معنى الكلمة:o

المونديال كلو غير شكل:
_لأول مرة منشوف مباريات بهالكم عم تنتهي بالفوز
_التعادلات نادرة
_الأهداف كتيييييييرة مع وجود أهداف حلوة كتير
_عدد قليل من العلقات و الخناقات السيئة رياضياً
_ مستوى تحكيم جيد مع أخطاء تحكيمية قليلة نوعاً ما لكنها موجودة ...

ولا تنسى أنو أغلب الأهداف عم تتسجل بـ الدقايق الأخيرة ..
متل أنكلترا على توغو و السويد على باراغواي ..و و

يا عيني عليك
كنت نسيان
الدقايق الأولى شهدت تسجيل أهداف كتير وهاد دليل جديد على تصميم الفرق و إندفاعها من دون مرحلة جس النبض المتعارف عليها عادة
إضافة للدقايق الأخيرة اللي عم تحدد المنصر ويمكن المتأهل حتى ... وهاد دليل على إنو اللياقة هيي اللي بتنتصر لما فريقين بيتساوو بالأداء
بآخر المباراة في فريق صامد و فريق عم يفرط "وعادة عم تكون من الفرق الجديدة عالجو"

والمانيا كمان بالدقايق الاخيرة حتى فازت ;-)

هولندا X ساحل العاج ( 2_0 )
 

سجل الهدف الأول لهولندا فان بيرسي من ضربة حرة مباشرة بتجننننننننننننننننننننن :clap: بالدقيقة /23/
و سجل التاني رود فان نيستلروي بالدقيقة /27/ بس كان في لاعب "غير نيستلروي" متسلل
بقى ما بعرف شو الحكم فيها

هولندا X ساحل العاج ( 2_1 )
 

ساحل العاج تسجل هدف بالدقيقة /38/ من تسديدة رااااااااائعة :o

مرحبا
هلا خلص الشوط الاول بين ايطاليا و امريكا

(انا مع ايطاليا حاليا)....
1-1...بس طبعا هدف لامريكا بالغلط.......:cry: يا حسرة......!

لعب ايطاليا ما حلو ماهاد هوه المنتخب الايطالي....

بلكي ع لشوط الجاي بنعوض.....:jakoush:

تعادلت
أمريكا مع إيطاليا 1*1
فازت البرتغال على إيران 2*0
و المكسيك على أنغولا 2*1

2-0
برازيلووووووووووووووو:hart:

ولك يلعن ابو الحظ :jakoush: :jakoush:


وحياة الرب حرام تفوزوا ... كل اللعب والهجمات لأستراليا ...

هو صحيح والله ليش الكذب :sosweet:

بس واذا كان :jakoush:

بالنهاية فازوا:yahoo:

لنشوفكن هلق انتو ;-)

هلق اذا بدكت تعلموا اللعب
بس على كل حال هي عادة البرازيل بالمونديال ...بتفوز يا بالغش يا بالحظ :pos:

ليش حظ؟؟
يعني قلي وين الحظ بالكولين اللي دخلوهون البرازيلية؟؟
اذا البرازيل عندو هدّافين
ولعيبتو قادرين يحطو غوال ليش حظ
يعني شو تعريفك للحظ؟؟

بعدين ايمت غشو البرازيلية؟؟

ألمانيا X الإكوادور (3-0)
 

ألمانيا تضرب بقوة
و كلوزه في صدارة الهدافين برصيد/4/ أهداف بعد تسجيله الهدفين الأول و الثاني
نحنا بالدقيقة /75/

النتيجة النهائية: ألمانيا X الإكوادور (3-0)
 

سجل ميروسلاف كلوزه الهدفين الأولين لألمانيا بالدقايق /2/ و /42/
و بودولسكي بالدقيقة /57/

الألمان ضيعوا كتير فرص كمان
و فارق المستوى كان واضح

بالاك بين إنو فنان و صانع ألعاب من الطراز الأول من خلال التمريرة اللي عطاها لكلوزه وجاب منها الهدف التاني

مبروك الصدارة للألمان :D

بولونيا X كوستاريكا (2_1)

إنكلترا X السويد (1_0)
 

سجل الهدف "جو كول " بالدقيقة /34/

انتهى الشوط الأول من المباراتين بالمجموعة التانية و النتائج:
إنكلترا X السويد (1_0)
باراغوي X ترينيداد وتوباغو (2_0)

إنكلترا X السويد (1_1)
 

سجل هدف التعادل للسويد ماركوس ألباك بالدقيقة /50/

يا ويلااااااااااه
 

المباراة بين الإنكليز و السويديين نارية
ما عم تهدا أبداً
الفريقين عم يهاجمو
بس بهاللحظات السويديين توحشوا بعد الهدف :o