|
اقتباس:
طيب ع راحتك الموضوع مالود اعي :سوريا: :سوريا: |
اقتباس:
ثانيا ليست العمليه بيع شعارات ولا هم يحزنون بل راي شخصي اما عن رأيي فانهن لسن من البشر بل من الشياطين واعتب عليك على استهزائك(حيائك سريع الخدش) وياريت المواضيع تكون هادفه ومهمه مثل موضوع الحجاب للدكتوره اليمنيه وغيرها واكرر شكري لكي مره اخرى على حسن اختياركي لمخاطبة الشخص المقابل |
بعتذر .. عن ردي اللي فعلا كان جفص شوي ..
بس تأكون صريحة معك .. انا عندي الأنسان .. لو شو ما كان .. بيضل مقدس .. اهوي بيضيف قدسية لكل شي .. لهيك يمكن نرفزت وقت شفت ردك ..اعذريني أما كونن مانن بشر ؟؟ لو كنتي انت الخالق .. كنتي بتقدري ماتخليون بشر .. بس هنن بشر .. متلي ومتلك .. يمكن متألمين اكتر مننا شوي وبكرر لك اعتذاري .. واخترامي للأنسان فيكي |
المرأة.. ضلع أعوج!
بقلم: احسان طالب خاص: "نساء سورية" في حادثة غريبة من نوعها قام ثلاثة شبان بمساعدة والدهم بجر أختهم من شعرها إلى وسط الشارع وتناوبوا على طعنها عدة مرات في أحد أحياء مدينة حلب ( عاصمة الثقافة الإسلامية لهذا العام ) وذلك بالقرب من مركز للشرطة الذي امتنع عناصره عن التدخل لمنع الجريمة بأمر من ضابط أكير رتبة ولما نقلت المطعونة إلى متشفى خاص رفض إسعافها واستقبلها آخر عام حيث لقت حتفها جراء ثلاثة عشر طعنة في أنحاء مختلفة من جسدها. الأب سلم نفسه لمخفر الشرطة فخورا بما فعل ومتأكدا أنه لن يلقى جزاء فعلته وفقا للقوانين المتعاطفة مع جرائم الشرف والتي تمنح القاتل ظروف مخففة يتمكن في نهايتها القاتل من النجاة من العقاب. لم يكن الشارع خاليا ولم تتم الجريمة تحت جنح الليل بل في وضح النهار ولم يتجرأ أحد للحول دون وقوع الجريمة وربما كان الجميع أو الغالبية يؤيدون ما قام به الأب مع أولاده الثلاثة. إنها جريمة جماعية اشترك فيها أربعة رجال تابع تفاصيلها الكثيرون لم تحرك الشرطة ساكنا لوقفها وساهم مستشفى خاص في تأخير إسعاف الضحية حتى لقت حتفها. إنها حالة نموذجية لتواطؤ المجتمع المسلح بثقافة يظن أنها الدين الحنيف ويعتقد بأن الإجرام تقربا إلى الله وإلا لما سكت المجتمع وجبن عن السعي لمنع الجريمة ولما افتخر الأب وأبناؤه بما فعلوه أمام أعين الجميع. إن المكانة الوضيعة للمرأ ة في مجتمعاتنا الذكورية المتسلحة بثقافة وتقاليد وضعت المرأة تحت الوصاية والرقابة والتصرف الكامل للذكر وجعلت من الشرف الجنسي قيمة تتعدى أهمية حياة الإنسان وتسمو على كل معاني الرحمة والعدالة ، سمحت وهيئت الظروف الملائمة لارتكاب جرائم الشرف علنا وأمام أعين السلطة والناس. و العجيب أن مسألة قتل النساء حفاظا على الشرف في حالة ارتفاع وازدياد مستمر في أكثرية الدول العربية والإسلامية ، حيث مازالت القوانين والعادات والثقافة السائدة لا ترى في قتل النساء دفاعا عن الشرف جريمة بل على العكس تعده عملا شجاعا وتضحية كبيرة تستأهل التعاطف والمباركة. تبدأ المشكلة من تضخيم إثم الجنس المحرم وتثبيت الاعتقاد بأن الغيرة على النساء أمر إلهي وتشبه بسير الأنبياء والأولياء وكلما زاد الاعتقاد بأن مفهوم الشرف أغلى من الروح هانت الحياة دونه وتضاءلت أمامه قيم التسامح والحرية والتراحم. وت ترسخ المشكلة بخضوع النساء وقناعتهن بصوابي ما يمارس عليهن من قيود وشروط وقوانين تجعلهن دون الرجال مكانة ومقامة. تأكد وفقا للموروث السائد المدعوم بنصوص محفوظة تناقلها الأجيال وتعيها إلى يومنا هذا وتقبلها كما هي ، وجنوح ثقافة العامة نحو تعميق المعاني السلبية للنصوص وتحميلها ما لا تحتمل خضوع المرأة ودنو مكانها ، ومن تلك النصوص ما دل على أن المرأة خلقت من ضلع " استوصوا النساء خيرا فإنهن خلقن من ضلع ، وأعوج ما في الضلع أعلاه ، فإذا جئت تقومه كسرته ، كسرها طلاقها " حشدت كثير من التفاسير القرآنية الأدلة على أن المرأة خلقت من ضلع لدي تفسيرهم ( وخلق منها زوجها ) ولست هنا بصدد تأكيد أو رفض نسبة تلك المعاني لصحيح الدين إنما أكتفي بتأكيد شيوعها وانتشارها ورسوخ معانيها في المكون الثقافي الجمعي للمجتمعات العربية والإسلامية مما يقتضي العمل على مراجعة جادة وواعية لما حواه المنقول النصي السلبي وما تركه من آثار مدمرة على المرأة والمجتمع. شو راي الاخت بيوتي 8/5/2006 |
لهلق ما فهمت
على انو اساس عندهون الم؟؟ يعني منين اجت هاي كلمة الم ما بعرف بس في شي ناقص باللي عم تحكيه مرسيل يعني انا لهلق ما فهمت ليش اخترتي كلمة الم! يا خيتو في ناس بقولو للبنت اذا بتحبيني لازم تنامي معي بتقوم البنت بتمارس الجنس (ماني شايف انها بألم) في بنات او شباب بقلولك انو يعني الشغلة كوول انو ينامو كل يوم مع حدا شكل (كمان ماني شايف الم) والسبب بكل الحالات هدول وغير هدول هو اشباع الغريزة الجنسية (اللي ما بتجي من الم) هلق في اسباب متل الحاجة للمصاري (كمان ماني شايف دخل للالم بالموضوع) في مليون طريقة للوحدة تجيب مصاري غير الجنس. مشان هيك ما بشوف انو الحاجة للمصاري هية منطقية انا بحط بدالها الحاجة للجنس. كون الشخص اختار الجنس ليجمع مصاري, معناتها الموضوع صار "منو بجيب مصاري ومنو بنبسطلي شوي." |
اقتباس:
سعيدة هية برأيك ؟؟ أنو متعة جنسية ؟؟ أنو كل يوم ومع أيا يكن ؟؟؟ خلينا نفترض انو اتجهت للدعارة ..من اجل هالشي..وبعدين ؟؟ وبكرة وبعد عشر سنين ؟؟؟ ووقت بيذبل جسدا شو ؟؟؟ من هون الألم ... المرأة التي فقدت احتراما لجسدا .. وفقدت الحب .. وانرفضت من المجتمع ...شو بتكون ؟؟؟ يا اخي وغلطت ؟؟؟ شو بدك نساوي ندبحا؟؟؟ |
اول شغلة انا ماني عم ناقش اذا اللي عم تعملو صح او خطأ
تسطفل كل وحدة وحياتها مو هاد اللي عم نتناقش فيه اقتباس:
بعد عشر سنين يعني هالشي هاد هو اللي بوصل للالم مو الالم بوصل لهلشي |
جادويتي
لنوضح شغلة .. أن كان السؤال الدعارة صح ام خطأ ؟؟؟ أكيد جوابي خطأ ... خطأ ... خطأ ... بس شو نتيجة هالخطا ؟؟؟ ألم لهالأنسان .. طيب شو منعمل ؟ بدي حدا يجاوبني ؟؟ شو منعمل ؟ منسرق منون صفة الأنسانية ما بيحقلنا .. لانقول عليون مبصقة .. ولا نقول عليون شياطين ... ما بيحقلنا نحكم عليون وندينون بدكون حل .. عملو معالجة لهالناس... أعادة تأهيل.. أقنعا .. لهالمرأة ...انو ممكن يجي شخص يعمدا بحبو ويرجعا شريفة أقنعا أنو المجتمع رح يسامحا .. وما رح يرفضا.. وبعدا لوما ...إذا هية ضلت بهالطريق المشكلة انو هالطريق حلقة مفرغة .. ما بتقدر تطلع منها لحالا بدا مساعدة مجتمع كامل |
المشكلة انو هالطريق حلقة مفرغة .. ما بتقدر تطلع منها لحالا
بدا مساعدة مجتمع كامل [/quote] ايـــــــــــــــــــــــ ـــه وصلتي الحقيقة مجتمعنا رب المساعدة بهيك حالات يعني عندو استعداد يساعد الشريفة انها تصير عاهرة بس مو العكس ,,, عوووووووووووووووجا |
ما بعرف من انو منطق عم تربطي الالم بالجنس
طيب رح امشي معك بهاي الم اوكي طيب هدول اديش نسبتهون 1%؟؟ طيب وغيرو؟؟ بس الم؟؟ |
اقتباس:
|
اقتباس:
المرأة العاقلة تضع السكر فى كل ما تقوله للرجل .. وتنزع الملح من كل ما يقوله لها الرجل وما المرء إلا حيث يجعل نفسه هلك من اتبع هواه . |
هلق انت كل مرة بدك تطلعيلي وتكتبي تعليق ابيخ من التاني؟؟
عفوا هالمسألة مهمة كتير مو شوي اذا انت من النوع اللي بحب يغمض عيونو ويسكر ادنيه مشان ما يعرف شو عم يصير حواليه هاي مشكلتلك هاي مشكلة كبيرة بكل المجتمعات مانها تافهة متل ما عم تقولي التفاهة هية انو نغض نظر عنها ومافي داعي لتبيعينا اخلاق ما عجبك الموضوع خليكي براتو |
هاي مشكلة كبيرة بكل المجتمعات
مانها تافهة متل ما عم تقولي التفاهة هية انو نغض نظر عنها |
اقتباس:
بدي حاول اكتب رد من دون ما نرفز ... هلق أطلقت عليي حكمك انو أنا بعرف أتناقش في الأمور التافهة .. لأني أعرف عنها أكتر من المسائل الهامة :clap: :clap: التفاهة ؟؟:shock: :shock: منيح لقب صرلي زمان ما سمعتو عم ينطبق عليي .. تغيير شكل .. وحددتي شو بعرف وشو ما بعرف كمان ... بحييكي :clap: يا عزيزتي سمعانة بابن رشد ؟؟؟؟ أكيد سمعانة بما أنك بتعرفي تحكي بالأمور الهامة :pos: :pos: هادا ابن رشد بيقول (الأفكار لها أجنحة ولا يستطيع أحد أن يقف أمامها ) لهيك فينا نناقش أيا فكرة بدنا ياها ... الفكر مالو أفق .. ولا لو حدود... هي واحد ... تنين : عزيزتي أكيد سمعانة بمصطلح يدعى حرية الرأي ... أنا وأرائي ما عجبناكي ... على عيني ...بحترم رأيك .. الموضوع ما عجبك .. كمان صاحب الموضوع احترم رأيك فيكي بقى انت تحترمي أرائنا المتواضعة التافهة .. وما عاد تزعجي نفسك وتهدري وقتك الثمين بمناقشتنا .... :سوريا: :سوريا: تلاتة : عزيزتي ... هالأنسان .. اللي أنت عم تقولي أخطأ واتبع هواه .. أنا معك أنو أخطأ واتبع هواه .. شو بدك المجتمع .. يعمل ؟؟ يدبحو ؟؟؟ شو رأيك نعدمون مثلا ؟؟؟:shock: :shock: أو مننفيون بس قوليلي شو بيناسبك نعمل فيون ؟؟؟ |
اقتباس:
اي اخواتي انا متابع مناقشة الموضوع من اول وعم يعجبني الحكي بالنسبة لرأيي (بدكن رأيي مهيك ) ما بحب اعطي هلأ خلينا نشوف لوين رح توصلو :سوريا: |
يعني بدنا نضحك على حالنا العاهرات موجودين ومطلوبين وانتو عم تعملوا فيها اخلاق
العاهرات ضرورة بالمجتمع ومن زمان كان الون اسم تاني (سياج الحرائر) بالنسبة الي انا ما بحبون ولا بحب اتعامل معون وبصراحة قد ما كنت محروم ما رح فكر بوحدة منون بس في كتير ناس ما بقدر تضبط حالها خليون ينفلقوا يروحوا لعندهون ولا يعتدوا على بنات العالم |
على كل حال العاهرة مش مخبي حالها
شو بتقولو في المتزوجة وبعمل اكتر من العاهرة |
اقتباس:
انتي شايفة انو هاد الموضوع مم هادف !!!!!!!!!!!!!!!!! |
اقتباس:
اقتباس:
اقتباس:
|
اقتباس:
ولا لايكون خلقت بس السعادة الرجل... بس الرجال اللي بيقبل يكون عندو هيك مرا .. مانو رجال .. |
اقتباس:
بما أنو بترفلاي ردت بدون عصبية ... عيب و شي بيخجل أنك تساهمي بمناقشة موضوع تافه "بالنسبة ألك " و نحنا كسوريين انبلينا بشي خمسة ألاف عاهرة و داعرة عراقية ,عم يشتكي منهوم عاهرات الشام قبل رجال دينو لأنهون "نزلو السوق" ... هي تبع المرأة العاقلة و الملح و السكر " العأيدة" بتنحكى عن أنثى القرد أو الذئب .. الانسان هو انسان قبل ما يطلعلو شقفة لحمة و يصير دكر و قبل ما ينقصها ضلع و تصير أنثى . مية وردة للعراق "فيتنام العرب" . |
اقتباس:
دخيل ربك ما أقواك ....:سوريا: خيو أنا أسف عدك حكيك ... |
اقتباس:
غيرك كتير من النساء لاتقبل أصلا مافي رجل عنده كرامة بيقبل تكون مرأته خانعة الرأس اذا انت بتقبلي هيي بترجعلك وكما قالت الاخت بيترفلاي من منكم بلا خطيئة فليرجمها بالحجر الاول تحياتي |
انا بعتقد انو ما في حد بالدنيا ممكن يجبر مرأه ات تفعل ما ليست مقتنعه فيه
يعني واكثرية من يقمن بهذا هم إما حاسين انو شغلة بتربح وما بتتعب كتير، وإما راكيزتهم الدينية منعدمه ولا رأيكو ايه!!! |
اول شي بدي احكي عن علاقة الألم بالعهر واللي حكيتو عنو بالموضوع..... انا بوافق اللي حكو انو العاهرة عندها ألم كتير...... والالم مو ناتج عن ممارسة الجنس بحد ذاتو وانما ناتج اول شي عن ممارسة الجنس بدون حب يعني احساس المرأة انها مجرد بضاعة عم تنشرى وتنباع (ألم نفسي) ..... وبعدين من نظرة المجتمع الها واللي اكيد رح تسببلها ألم كتير (كمان ألم نفسي)...... وبعدين في شغلة مابعرف اذا مو منتبهيلها او عم تفضلو انو ماتفكرو فيها وهي انو قسم كبير من الرجال اللي بيلجأو للعاهرات عم يكون عندو حاجات غريبة ويمكن شاذة ويمكن ماعندون جرأة انو يطالبو شريكة عادية فيها خوفا انو ينزلو من عينها او ما بيطالبو الشريكة العادية فيها من باب الاحترام للشريكة ولهي بيلجأو للعاهرات لحتى يفرغو هالحاجات المريضة..... ويمكن هالحاجات هي تسبب الم جسدي للمرأة (العاهرة هون)
وبعدين مع كل القباحة اللي ورا سلوك العهر بس بيضلو العاهرات بشر وبكتير حالات عم ينفرض عليون هيك نمط حياة لفترة معينة يمكن..... وبمجتمعاتنا بس الوحدة فاتت بهيك حياة مستحيل تطلع منو لانو المجتمع رح يضل معاملها انها عاهرة حتى لو تابت بشكل كامل وغيرت نمط حياتها وبالاخير مابعرف شو بدي قول لوردة بغداد...... عن جد مابعرف كيف انثى ممكن تقبل انها تتعامل متل رجل كرسي بالبيت ويكون عندها هم وحيد انو ترضي الرجل وتسحق شخصيتها بالكامل بس كرمال رضى الرجل |
اقتباس:
أبوس روحك وينك من زمان .. تاركتيني لحالي .. وما حدا معبرني :cry: :cry: |
اقتباس:
|
شكرا كثير الك يا زين على هالموضوع وعلى هالتوعية...لانه هالموضوع بات شي عادي عند الكل لانه تخلينا عن الدين عن الطريق الصحيح عن الهداية عن سرسعادتنا بهالحياة!!!!!!!!!!!!!!!!!
يا الله لوين وصلنا...وليه هيك صار فينا؟؟؟؟؟ استغفر الله العظيم.. وانصح كل الاخوة قراءة كتاب"اخلاق المؤمن" للدكتور عمرو خالد... وكتاب آخر "حتى تغيروا ما بانفسكم"... ويا اخوتي اذكروا الله دائما من قلوب صافية"الا بذكر الله تطمئن القلوب"... dm3t 7zn... |
اقتباس:
وانا برأي عهارة النفس اسوأ من عهارة الجسد |
اول شي بتمنى تخلو الدين شوي ع جنب
خلونا نحكي انسان ل انسان او حتى لو بدكون تحكو بالدين انتو اللي عم تقولو عن العاهرة انها زانية برأيي كل علاقة جنسية بدون حب هي زنا معناها اغلب علاقات الزواج ( اذا مو الاغلب نسبة منيحة ) تمت هيك بدون حب او اجباري او او او بنظري كلون زنا بعدين ماحدا فينا الله كل واحد بيضعف وبيغلط وماحدا معصوم بس مجتمعنا غبي غبي غبي اذا بنت تعرضت لاغتصاب واهلا عقلاتون جوزتين بخرج بيدبحوها او بيتبرو منها بيزتوها بالشارع وبيجي واحد ابن حلال بيضحك عليها بكلمتين بتضيع :cry: وحتى لو تراجعت عن غلطها المجتمع بيكون زبلها او فينا نقولا بزقها ودعس عليها كمان هدول ناس متلون متلنا بيجوز غلطو اكتر مننا بشوي نحنا بس تروح مننا شوفة هالحال و انو نحنا احسن من اللي بيغلط ونحنا ملايكة بيمشي حالنا ومنصير بشر بس طالما نحنا بشر واللي بيغلط "شيطان " بدنا نضل بقر طول عمرنا |
اقتباس:
وانا ما عم احكي عن هالنوع وانا ضد انو حدا يقتل حا كرمال هالشي :سوريا: :سوريا: :سوريا: |
اقتباس:
لك :jakoush: :jakoush: بترجع بتقلي الم لانو نظرة المجتمع ولانو عم تمارسو بدون حب يا جماعة لسى البنت ما مارست الجنس مع حدا, اوكي؟؟؟ شو الشي اللي خلاها تمارسو مو شو الشي اللي سببلها ياه ممارستو :x |
اقتباس:
|
بغض النظر عن انو عم يعملو هالشي عن ألم أو ضعف أو شي تاني
بس المهم انو نتفق على شغلة وحدة وهيه انو نتعامل معهم كانسان ونكون عامل مساعد ليتجاوزو ازمتهم مو نكون نحن والزمن عليهم بس اللي صاير فينا متل المثل الشعبي اللي بقول لما بتوقع البقرة بكترو السكاكين عليها يعني الكل بساهم بالجريمة |
عباس بدباس ....
|
اقتباس:
وفي قسم تاني يمكن مو مضطرين ماديا وبيعملوها لانو شايفينها شغلة سهلة ويمكن ممتعة وهدول اكيد برأيي مريضات نفسيا يعني ممكن الوحدة منون تعرضت لاغتصاب او صدمة جنسية كبيرة بمرحلة مبكرة من عمرها فصار عندها اضطراب حقيقي بنظرتها للجنس وبالفعل صارت تلاقي المتعة والرياحة بالعلاقات الجنسية المشوهة..... يعني مريضة نفسيا ومانها مجرمة وممكن كتير عاهرات هني خليط من النوعين بقى بالحالتين بتضل العاهرة بشر وبدل مانحكم عليها ونزيد وضعها سوء يفترض المجتمع يحاول يلاقيلها حل مادي ونفسي واجتماعي يطلعها من اللي هيي فيه وشغلة تانية كمان ماحدا عذب حالو وحكاها انو العاهرة بنسميها عاهرة وبنحكم عليها باقسى الاحكام مع انو كلنا بنعرف انها بحالات كتير عم تكون مضطرة تشتغل هالشغلة...... طيب الرجل اللي بيلجألها شو هاد؟؟؟ ليش مابنقول عنو انو عاهر؟؟؟ ماهوي كمان تعامل مع الجنس مقابل المصاري :jakoush: وتحياتي |
اي بس اذا كل وحدة بحاجة مصاري بدها تروح تمارس جنس, ولازم ندبرلها مصاري
لعمى مصيبة اقتباس:
الرجال معلش 8) |
اقتباس:
بس دبرولها شغل..... دبرولها علاج نفسي اذا كانت من اصحاب الصدمات القاتلة...... دبرولها شوية احترام..... اضعف الايمان اتركوها بحالها ولاتعاملوها انها صارت زبالة وشيطان وبطلت بشر اقتباس:
|
| الساعة بإيدك هلق يا سيدي 17:31 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون