|
اقتباس:
أنا مو هاني السعدي .. أنا حزين المحزون ..:cry: |
اقتباس:
|
عنجد حلوووة ....
والله يا سيدي انت بس تمخمخ ..بيطلع معك شغلات عجبة .. :سوريا: بس دير بالك على حالك هه .. العيون بكرا بتصير عليك ;-) |
لك me2 انت هووون؟ كيفك؟
|
اقتباس:
والله ما حكيت شي برا الطريق .. أنا أكتر من جبان .. و بعدين أنا معي مرض قلب و داء النأرزان .. وكوليرا و طاعون ومعدي ... :lol: |
اقتباس:
أنا منيح .. مشتاق وعندي لمعة ... ما شفتي موضوع اسمو "عدنا " ؟؟؟ بسيطة المهم انو عدنا .. |
اقتباس:
تقول العائد صلاح الدين الطنبوري:lol: |
اقتباس:
تلحس طنبوري .. المخلوقة هي اللي سألت .. بعدين انشالله مفكرني كتير مبسوط بالعودة ؟؟ عودة بمنطقتك الوسطى انشالله ..:lol: |
لا ما شفتو هلق بشوووفوا ولوووووووووو
|
تتناثر الأوراق و المراجعين .. يا أخي أعمل اللي عليك والباقي على ربك .. ما بيقطع حدا ..
شو المشكلة اذا أحد المراجعين .. المواطنين .. المحترمين .. عصب شوي و صرخ ؟؟ مافيها شي .. بسيطة .. بينحرق اليوم .. كيف ماكان .. المهم بيموت النهار .. وما زلت على قيد الحياة .. بيطلع الليل و بيخفي كتير مصايب .. يا محلى الليل .. بتفوت على بيتك و بتشوف الأشياء اللي بتحبها فقط .. امارة خاصة .. المهم ما تفتح التلفزيون ... لأنو اذا غلطت .. بتنسى النهار كلو ... و بتفوت بدوامة تبدأ من عزة الشرع و بيجوز ما بتنتهي الا بحضن جنبلاط .. السياسة بدمنا .. ما فينا يا عمي بلا أخبار. واذا كان بيتك بدف الشوك ... كل المحلات خير وبركة .. الوطن بيوسعنا كلنا ... بعدين الأحياء الشعبية أكتر حميمية و بتناسب طبعنا الشرقي .. يعني ب تستعار خبز , ب تدين زيت .. ب تعير طنجرة .. أو قشاطة .. شي طبيعي و بيدعم العلاقات الاجتماعية .. اذا ماعجبتك العيشة والحالات الاجتماعية المشتركة .. فيك تنتقل الى منطقة المالكي , هونيك ما حدا بيقول لحدى مرحبا .. الا اذا بدو يخوزقو بشي صفقة تجارية .. بس انتبه . السكنة بالمالكي بدها هز أكتاف ... بدك معاها سيارة من نوع خاص و لبس من نوع خاص .. وبدها عملية تجمبل أنف من نوع خاص . خليك بالمخالفات .. مدري الوليد بن طلال مدري غيرو .. بدو يشتري مناطق المخالفات .. و بتنقش معك .. نهاية الحلقة التالتة |
يحرق حريشك على هالحلقة:pos:
غصيت ووقفت الغصة بحلقي:aah: بس شو مشان تحطلك شوية مشاهد حامية:oops: بالمسلسل :o بيعطيه سوسبينس:p |
نااطره الحلقه بفاارغ الصبررر
|
الحلقة خلصت..
|
اقتباس:
سلامة حلقك ... شو بدك سوسبنس أكتر من دف الشوك ؟؟ |
يحرق حريشك ولاه فادي شو تفكيرك عاطل ... :jakoush: :jakoush:
يعني الزلمة من وين بدو يجبلك سوسبينس بحياتنا !؟؟ شو بدّك ياه يكذب؟! ... حياتنا هيك معتّة ومملة وروتينية .. واكتر سوسبينس بحياتنا هو سماع الوعود والخطابات الرنّانة :pos: نسيت قول ... تسلم ايديك يا me 2 على هالمسلسل الرائع :سوريا: وبانتظار الحلقة الجاية :سوريا: |
اقتباس:
و أيديكي يا أنجل .... انشالله منكون عند حسن الظن . |
اقتباس:
اقتباس:
|
اقتباس:
أنشالله كون عم فيد الأخوية .. ما بضمن ابداع و بتشكرك على المديح , وانما بضمن صدق المشاعر و حيادية الأفكار اللي ما ألها لا مصلحة ولا طمعة ألا بحبكم. |
حلقة جديدة ...
تفكر كثيرا بالأرجيلة ... القعدة على القهوة ومراقبة الناس .. شرب كاسة شاي من السماور ..
بس نزلة القهوة كيف ماكان بدها ميتين أو أكتر ليرة ..يلا .. مرة واحدة بالشهر .. تنزل ألى القهوة .. اللي مفترض تكون شعبية ... بعض الكراس فوق الطاولات ,, يعني الطاولة محجوزة ... يا أخي دبرولنا محل نتسمم أرجيلة و كاسة بطيخ شاي ... بسيطة يغمزك الكرسون منبها لضرورة عدم نسيان المعلوم الخاص بتدبير الطاولة .. نارة .... يا أخي هي أرجيلة ما بيمشي الحال ترحلك شي ساعة .. بدها نارة كل شوي .. أي والله نزلو بنات أدنيي و أبنائها كمان . يا عيني أنا بحب الشاي سخنة بتلط لط ... هي فاترة متل شخاخة ولد صغير ... ما بيصير هيك .. شكلك رح تعلق مع كل شباب القهوة ..واذا الكاسة وسخة شوي ؟؟ بتسحب سحبة عجمي بتعبي مخك و بتغيب عن العالم و بتيجي على مخك الصورة التالية : لو الكاسات بالعالم كلها نظيفة .. و الأراجيل كلها ماشية منيح .. و الطاولات متوفرة بدون بخشيش . و الشاي " الله على الشاي " سخنة متل النار ولو الراتب بيسمح بالجية على القهوة كل يوم .. كنت كل يوم . بخلص شغل .. بركب بالمواصلات الأكابرية .. و بروح على البيت .. بسلخ غدا فيو لحمة .. و بسلخ قيلولة .. و بفيق بنزل على القهوة مرفوع الراس ..بقعد وين مابدي و بشرب شاي سخنة وأرجيلة متل أيام زمان ... و بترك بخشيش متل ما بدي اذا عجبتني الخدمة .. والله مو كتير صعبة .. يعني شو بدها لحتى نصير ننزل على القهوة هيك .. |
اقتباس:
يسلموووووو ... كتيييير حبّيت الحلقة me2 ... ولو اني ما بحب الاركيلة والقهوة :p |
اقتباس:
هيي بدها أكتر من هيك بشوي ... بتوقع يكون موضوع الحلقة التالية شو بدها .. هو الموضوع هالحلقة رجالي شوية .. حقك عليي ... شكرا على الرد .. |
ولا يهمك .. بس يعني نستنى منك حلقة ( نسائية ) شوي ؟!؟! :p
اقتباس:
|
اقتباس:
حلقة نسائية : أكيد على الطريق ... ما الحريم :lol: نصف المجتمع .. و بعدين ما الحريم نجحو حماس ... اللي بدك ياه .. بعدين بيصير منظري متل اللي عم يتدلل .. أصلا هي تهمة مسبقة ألي . و أهليين بربك . هي كلمة حريم مزحة ... |
اقتباس:
|
اقتباس:
|
ناطرين حلقة الحريم........
بس معقوول القهووه بدها بس 200 ل !!! |
اقتباس:
|
اقتباس:
|
بتذكر اخر مره كنا فيها انا ورفيقتي طلعت الفاتوره 500
غير بينزين السيااره....(بدل مواصلات) |
اقتباس:
و اذا زركنت معك أخر الشهر و قصر الراتب .. اذا كنتي شاطرة أقنعي حدا منون يبين ...:lol: |
اقتباس:
شكلكون رحتو على سهارى أو بيت ستوب ... نحنا شغل الروضة أو النوفرة ماكسيموم ..:lol: |
لا مو عهدوووول حظا اوفر جرب كمان مرره....
حلووه النووفره...! |
اقتباس:
النوفرة بتاخد العقل ... خاصة الأخ بلال تبع النارة ...:lol: |
حلقة نسائية :
تخلد الى البيت بعد يوم شاق طويل وقصير .. تضيع فيه وقت و أوقات .. شي بالمواصلات .. شي بعل القلب مع المراجعين .. شي طق حنك و صراعات جانبية تكتيكية مع الزملاء . تقتح لك الباب , ياالله شو هالأنوثة , والله البنات معمولين من معجون الملائكة ... شو ابتسامة .. شو عيون .. شو لطافة .. بتقول متسائلة :تقبرني تعبان ؟... لا لا لا أنتي تقربيني أنا وكل الوزارة وقانون الأحزاب. تبدأ بمساعدتك على التحول من كابوس وظيفي ثقيل الى كائن بشري خفيف الوزن منزلي داجن .. تخلع عنك لباس اللؤم القذر و تضعك في حمام البراءة و تبدأ عملية التعقيم لكل أوساخ الحياة. تتنشق رائحة الصابون في لباس البيت المغسول حديثا و المكوي و المطوي على فراش غرفة العمليات الحنونة الهادئة مؤقتا . من بعيد تسمع صوت محببا ينبأ بأكلة يبرق محترمة ... أنه صوت طنجرة الضغط , يلعن أخت الأجانب على هالأختراع شو عجيب .. بتروح العصاعيص تحت اليبرق نيفا . تقعد الى طاولة الغداء .. تلاطش ملاطشة .. شو يبرق شو لبن بخيار شو زوجة حنون بتتاكل أكل .. وهي , على رقتها, لا تبدأ بالأكل ألا بعد الاطمئنان الى الأمن الغذائي الخاص بسعادتك ... قعدي يا بنت الحلال .. الله يبارك بالحليب اللي رضعتك ياه أمك . ترفع رأسك أو نظرك من صحنك ,, بدك شي ,؟؟ لازمك شي ؟؟ خبز ؟؟ في شي ما حبيتو ؟؟؟ بدك مي ؟؟ لا لا لا طولي باللك كل شي تمام .. بس عم باخد نفس ... شو هالمخلوقة هيي ؟؟ أنا شو عامل منيح مع ربي ؟؟؟ الحمد لله . هلق بدها توقفي عند المغسلة وتحملي المنشفة ؟؟ لك أنا اللي لازم أحملك بين جفوني ...بدها كاسة شاي .. أنا بعملها ... و تساعد بنقل الصحون و تظبيط الأمور .. بانتظار الشاي "خمر المسلمين" . هدا الدفء اللي بيدمع العيون .. هدا الحنان اللي بيطري القلوب .. هدا الحب اللي بيملء الصدور .. بيطول العمر والله ... خلص . |
هلق بدها توقفي عند المغسلة وتحملي المنشفة ؟؟ لك أنا اللي لازم أحملك بين جفوني ...بدها كاسة شاي .. أنا بعملها ... و تساعد بنقل الصحون و تظبيط الأمور .. بانتظار الشاي "خمر المسلمين" .
حلووه |
اقتباس:
عجبك أنو نقل الصحون و عمل الشاي ؟؟؟ :lol: :lol: :lol: |
:tears: :tears:
اي شو هالاسلوب الحلو هاد ؟!؟ شو هالكلمات الحلوة هي !؟؟! لك شو هالحلقة الحلوة !!!! والله العظيم شي حلوووووووووو كتيييييييير كتيييييييييير ..... ورح قلك مبدع وألف مبدع كمان ( معلش اسمحلي ) تسلم ايديك ... عنجد هي الحلقة اسبشل ... وبتجنننن :سوريا: |
انو انتو بدكم تنقلو صحوون و شااي ؟؟؟
|
اقتباس:
مبدع بالعامي .. مو مبدع تبع المثقفين اللي بيشربو قهوة بقهوة المثقفين بفندق الشام .. أوكي ؟؟؟ كل زوق و أحساس و رأفة بحال الفقراء أمثالي ... |
اقتباس:
متل ما بتأمرو ستي ... |
| الساعة بإيدك هلق يا سيدي 13:33 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون