|
مرحبا
نسر السريان: بخصوص الشعارات المعادية، هي الشعارات ما هيي من طبيعة الاكراد، بس هيك اجت التوجيهات من بعض الاحزاب الكردية الموالية لاميركا بالعراق، و حاولوا انو يلعبوا ع هالوتر كنوع من الضغط ع الحكومة السورية (من مبدأ ضهرنا مسنود فديروا بالكم) و هي الشغلة من اهم الاسباب يللي بتخليني ارفض احزاب دينية او عرقية متل هيك احزاب غالبا ما تضع مصلحة جماعتو فوق مصلحة البلد بخصوص سؤال بليد: في 3 نظريات حول اصل الاكراد الاولى بتقول انو اصلهم من الحوريين ... ترجموها اليونانيين خوري و ترجموها الرومان كوري ... و منها اجا الاسم كوردي او كردي التانية (و هي المعتمدة من قبل الاكراد نفسهم) بتقول انو اصلهم من الميديين يللي انشأوا بالزمنات مملكة ميتاني بسوريا، و كلمة كورد جايي من كورانج (كورد/مانج) و معناها ميدي قوي التالتة بتقول انو اصلهم من الاسكيتيين، و هي النظرية كتير ضعيفة لأنو الاسكيتيين سكنوا بكازاخستان و جنوب روسيا و اوكرانيا، و يللي حكا بهالنظرية هوي المؤرخ و الفيلسوف اليوناني كسينافون متل مانك شايف كل النظريات بتأكد انو الاكراد من الاريين (او الهندو جرمانيين حسب التصنيف العلمي) و بالتالي ممكن هالشي يفسر سبب العداء بين العرب و السريان من جهة (كونهم ساميين) و بين الاكراد من جهة تانية بشكل عام اكتر نكتة ممكن تضحكني هيي نكتة تصنيف البشر على اسس دينية (حسب ابناء نوح سام و حام و يافث و بطيخ مبسمر) هلأ انت شو بدك بأصلهم ؟؟ ممكن اعرف ؟؟ انشالله يكون اصلهم القرود الملونة المهم انو اليوم الاكراد بيعيشوا بسوريا ... بياكلوا فيها و بيشتغلوا فيها و لما يصير شي مباراة كرة قدم بين سوريا و تركيا، رح يكون بالفريق السوري في لعيبة اكراد و رح يلعبوا لحتى تربح سوريا |
طيب يا معلم مادخلنا باصلهم وقصة الدين انا مادخلني فيهالا تزعل بس انا رح قلك شو بساوا الاكابر ببلاد الغرب شلون بسبونا عندك مثلا في اليونان الكردي اول مابوصل بروح على الكنيسة وبيساوي مسيحي مشان يحمل لجوء انساني على الاساس انه الحكومة حارمته من دينه و بالمانية وفرنسا بقدم لجوءسياسي على اساس انه محروم كامل حقوقه المدنية وهادا غيرالميلشيات اللي باسسوها وبطالبواعن طريقها بارض كردستان المحتلة
ياعمي تعى شوف بعينك وبعدين احكي اذا بدي بلش لبكرا مابوقف |
رح تقلي هادا شو دخلو بموضوعنا والموضوع هو تجنيس الاكرد قبل ما تحمل جنسيتك لشخص ما لازم تشوف مدى اخلاصه لارض الجنسية هادا بحال الفرد فكيف بحال الجماعة
الا اذا كان المقصود من التجنيس محي هوية ووجود الاكراد خوفا من مطالبهم بارض كردستان |
برأيي لازم ما يتجنسوا أبداً
هاد خطأ كبير لأنو منكون عم نخلق قومية جديدة بشكل شرعي وقانوني ببلد معبا طوائف ومو ناقصو بهدلة وشرذمة بعدين تعو لهون...بدي احكيها بصراحة.. شو هالعرق المهم اللي رح يفيد البلد؟؟ أنا ما شفت ولا كردي بيفهم راسو من رجليه؟؟؟!!! يمكن نسر أدرى مني بهالموضوع |
اقتباس:
بعمرك لا تقول لـ كُردي فكر , كردي عقل تنا ( يعني كردي ماكو عقل) , عم أمزح , بعدين خيو أش فيهون الكراد ؟ لسا الأوائل عل محافظة طالعين أغلبون أكراد , و بناتون :oops: , دخيل الله أنا , مالكون فيها , بعدين وين ما بتمشي بـ القامشلي بتشوف , الدكتور خوشناف أبن فلان , المهندس مستو أبن علان , الصيدلي صلاحو ( الواو خاصة بـ اللغة الكردية) على القليلة أحسن من غيرون , لأنو في عندون تطور |
اقتباس:
|
انا اللي شايفه انو اذا صار بدنا نعطي رأينا بصراحة صار الشاطر يلي بدو يتهمنا بالعنصرية
يعني قبل ما تحكي يا معلم انا بدي ياك اذا عندك كل هذا الأطلاع والمعرفة انك تعمل استفتاء بين هل الطائفتين وتتأكد بنفسك مدى الحقد الموجود في قلوبهم على هذه البلد واذا قاعد عم تحكي انه اقوالهم هي عبارة عن ردة فعل فأنا بقلك غلطان لأنه هذا هو اللي في قلوبهم وما خفي كان اعظم على العموم نحن ما بدنا نحكي هلق بأمور ما منها فايدة يعني اذا عندك مشاركة تانية ممكن نستفيد منها بيكون احسن...... أما اذا بدك تقنعني انه الاكراد والفسطينيين ما عم يتعاملو متل ابن البلد الاساسي فبدي قلك انك غلطان وروح شوف لبنان اقرب مثال وبالنسبة لما قلتلك انه على حساب ابن البلد فأنا واثق من كلامي يعني عبد الحليم خدام وامثاله ما لازم نساويه شماعة نعلق عليها كل شي عم يصير وكان يصير بالبلد وانا لا زلت عند كلمتي انه لازم الجنسين ينعملهم مخيمات في مناطق نائية ويتقدم لهم خدمات متلهم متل اي شعب لاجيء في اي بلد في العالم ويتعاملو معاملة خاصة تختلف عن ابن البلد الاساسي بالنسبة للخدمات المقدمة من الدولة وألغاء كلمة ومن في حكمهم من القانون السوري وعلى فكرة هي مو بس افكاري هي افكار اغلبية السوريين واذا مو مصدق ياريت الحكومة تساوي استفتاء على هذا الشي وصدقني راح تنبهر لما تسمع النتيجة يعني بالنهاية انا بدي قلك شي انا كمواطن سوري بيحقلي انه عيش في بلدي متل مو كل العالم عايشة في بلدها ما حدا مشاركني حتى في رغيف الخبز اللي انا عم اكله وسلامة فهمك |
يعني شو جاب الأكراد سوريين ؟؟؟
من ايمتى و هون بسوريا ؟؟؟ و الأكراد بدون دولة قومية متل اسرائيل و انا عرفت أكراد كتير بالجامعة ... الأغلبية العظمى مو معترفين لا بسوريا و لا بجنسيتها... و افضل حل لازم بنطردوا من سوريا ع كردستان .... |
يا جماعة شكلو مخي مسكر هاليومين
ما عم افهم عليكم حدا يفهمني شو علاقة انو الاكراد برا زعران بقضية تجنيسهم ؟؟؟ اصلا مين عم يحكي عن الاكراد يللي عايشين برات سوريا ؟؟؟ بعدين من ايمت كان في بقوانين الجنسية السورية انو والله الواحد لازم يكون آدمي و ماشي الحيط الحيط ؟؟؟ القصة و ما فيها انو في مليون كردي (و مليون واحد مو اكتر حسب احصائيات رسمية) من أصل اكتر من 25 مليون كردي بالعالم، هالمليون عايشين بسوريا اجدادهم عاشوا بسوريا قبور اجدادهم بسوريا ما عندهم وطن غير هالوطن انشالله يكون اصلهم من بلاد الواق الواق و انشالله يكون تاريخهم كلو اسود و ما فيو لا صلاح دين و لا يوسف عظمة و انشالله يكونوا نسوانهم اشبه بالشامبانزي هالشي ما بيمنع انهم سوريين و الجنسية السورية حقهم الطبيعي اما شغلة انهم حرامية و نصابين و ارزال في سجون و محاكم و شرطة خصوصي لهيك شي و الحرامي ازا كان سوري و اللا كردي و اللا زطي ... كلهم محلهم السجن ... بس بعمري ما سمعت عن حرامي سحبوا منو جنسيتو لأنو سرق |
اقتباس:
بقلب المنبر ما حدا بيمنعك انو تقول رأيك بصراحة مهما كان متطرف بس هالشي ما بيمنع انو يقولوا انو رأيك متطرف يعني لما حضرتك تطالب بوضع الاكراد و الفلسطينيين ضمن مخيمات اشبه بمحميات الحيوانات، و فوق هيك معاملتهم معاملة خاصة كأنهم مش بشر و لا تسري عليهم القوانين الانسانية شو بتكون متوقع انو نقول انك متسامح مثلا ؟؟؟ كتر خيرك لأنك ما طالبت بإبادتهم مثلا ؟؟؟ يا عمي حتى غلاة النازيين ما وصلت معهم لمتل هيك افكار عن الشعوب المنحطة بنظرهم |
اقتباس:
في كتير أكراد معروفين صارو بالشام بالكراد الشوام ومنهم عوائل كبيرة متل آل رشي و دقوري وأومري والأيوبي .....الخ ومنهم ناس كتار مفكرين او مشايخ او صايعين مابيهم المهم انهم كترة ومعروفين انهم سوريين ومابيعرفو شي عن الكراد غير الأصل وهدول نسبة كبيرة بالشام وبيحبو بلدنا (بشكل عام) ومابيربطهم بالكردي يلي مثلاً بعفرين او القامشلي شي تقريباً |
انا مصمم على ان الاكراد يتجنسوووووون ؟؟
افضل الحكومه تجنسهم بالطيب او مصيرهم ياخذوها بالقوة بصرااااحه او ينفصلون عن سوريا ويتبعون البرزاني ,, |
اقتباس:
بالنسبة للنا س المذكورة هي عوائل مجنسة اما بالنسبة للاكراد الي براد البلاد و الرعران هن نفسهن اكرادالبلد وبعدين شو بالنسبة لشعارات الاكرادمشان تحرير ارض كردستان وفيك تحددلي على الخريطة وين موقع هي الارض وهدا الحكي مو من عندي فيك تسال اي سوري مقيم بالخارج عن الوضوع وساعتها رح تسمع العجب |
اقتباس:
يا اما انت كردي وعم تحكي بلغة الوعيد |
اولا انا سعووودي وكلي فخر ان انتمي للاكراد احفاد صلاح الدين الايوبي
وبعدين انا قلت انا مصمم انهم يجنسونهم او انهم راح يتبعون الابرزاني ويصيرون دولة كرديه موحده وهذ1 اللي اعتقد ,,, |
أول شي حابب أشكر الجميع على أنو الموضوع صار ست صفحات و لساتو ماشي نظامي .... يعني من زمان ما شفت موضوع نقاش بهالحلاوة بالمنبر...بهنيكون !
بالنسبة لموضوعنا .... أستغرب أنو ليش عم نعتبر الأكراد كأنهون أجسام غريبة عن سوريا ... طيب ما الأكراد موجودين قبل العرب بفترة طويلة , يعني حلوة كتير أنو واحد عربي يقول أنو بدو يطرد الكردي اللي كان ساكن هون قبل ما يجو العرب (ولسا بتسمع ناس تنتقد اسرائيل ... مانفس الشي عم بتساووه) . بالنسبة للأمر الواقع ... ما بعرف ليش بعض الأخوة الأعضاء بيستنكرو أنو الكردي يكره التركيبة الاجتماعية السورية الحالية ....شي طبيعي , انتو بنفسكون عم تحكو أنو الأكراد همج و بدون عقل و ما بعرف شو , لما في بيناتهون ناس من كبار رجال الفكر و السياسة و العلم و حتى الفن ... أنا شخصيا أعتبر الأكراد جزءا لا يتجزء من تركيبة المجتمع السوري , و أتضامن مع مطالبتهم بحقوقهم كاملة . |
طيب في عندي سؤال
ليش في عوائل كردية تحمل الجنسية السورية وفي عوائل مالها حاملتها وبعدين لايغيب عن بالك مناداة الاكراد ومطالبتن باقامة الدولة الكردية فهي المطالب فيك تشرحلي ياها وتحت اي بند او باي وجه حق نمنح جنستنا لناس عم تنادي باقتطاع جزء من ارض بلدك |
الأكراد لهم الحق في التجنيس
وليس فقط التجنيس بللهم الحق بالمطالبه بدوله مستقره لهم وانا مصمم على هذا |
اقتباس:
|
المشكلة مغيبة عن الحوار بسبب أسلوب الحكومة العتيدة بمعالجة مختلف القضايا من هذا النوع "إذا زعجك شيلو" أو "حبسو" أو "قمعو"
بالبداية قبل طرح حلول للمشكلة أهم خطوة في أي منهجية معتمدة لحل أي مشكلة هي: تحديد المشكلة يعني تشخيص المشكلة المتابع للنقاش من بدايته يلاحظ أن المشكة ليست مشخصة ، صحيح أن السؤال هل أنت مع تجنيس الأكراد و لكن يبدو أن الكثيرين لا يعلمون أن الأكراد غير المجنسين أو قيد الدرس أو سمهم ما شأت هم (بغالبيتهم الساحقة إذا لم يكن جميعهم) أناس تم سحب الجنسيات منهم في الخمسينات إذا دعونا نحاول تشخيص المشكلة، ياحبذا لو كان في الأخوية أعضاء أكراد على اطلاع حقيقي على الموضوع ليدلوا بدلوهم لا يمكن الجزم بأن الأكراد يطالبون بدولة مستقلة أو حكم ذاتي إذ لا يوجد صوت ممثل أو حركة منظمة تعبر عن رأي الأكراد ، فعلى أي أساس يتم محاكمتهم و إصدار إدانات بحقهم؟ كما أشار الأستاذ YASS في مشاركته الأكراد هم سوريين (قد يكون هناك أكراد وافدين لكن بالنهاية الغالبية الساحقة هم سوريين) عندما أقول أكراد لا أتخيل مجموعة من المخلوقات الفضائية أو اللاجئين المهجرين .. أنا أتخيل مجموعة من السوريين المتوزعين في مختلف مناطق سوريا الشمالية الشرقية الشمالية و الجنوبية و حتى الوسطى و الذين تم تهميش مشكلة أساسية و محاولة دغم ثقافتهم و لغتهم دون هدف واضح سوى عن مناوره سياسية رخيصة أو قرار من قرارات الحكومة الطائشة (الطائشة عائدة على قرارات مع أن هذه القرارات تعبر عن مصدرها) و التي لم تنتهي و ليست حصرا على الأكراد (فعلى سبيل المثال في موضوع غير متعلق مباشرة : قانون تنظيم البناء الصادر في العقد الأخير يفرض رسوم على من يبتغي بناء غرفة واحدة لتأويه مع عائلته الكبيرة و يعاني منه سكان المنطقة الشرقية العرب ذوي الدخل السوبر محدود حيث لا يستطيعون تحمل أعباء بناء و لو غرفة واحدة ... ) كل ذلك لأن القرارات منتهية البيرقراطية و لا تتم بطريقة ممنهجة و لا تتيح مساهمة الإدارات المحلية التي ترفع صوت السكان المحليين و تتيح لهم إدارة شؤونهم بما يتناسب مع أوضاعهم المعيشية الثقافية و الاجتماعية بما يتماشى مع السياسة العامة للحكومة بدلا عن ذلك يتم إصدار القرارات بشكل مركزي و يهمل وضع الآلاف و مئات الآلاف .. و هذا أساس مشكلة القضية الكردية و التي لم يتم علاجها على مدى ست عقود تقريبا.. كيف يمكن أن نلوم شخص نقوم بازدراءه و نبذه و تهميشه إذا شعر بالحنق أو الغضب على الحكومة ، الوطن يبنيه ابناءه بوقوفهم جنب إلى جنب و ليس حكر على مجموعة اثنية أو طائفية أو دينية على قاعدة أنها تشكل الأكثرية و ما معنى الأكثرية العددية فهل نحن قطعان حيوانات الغلبة فيها للأقوى أو الأكثر عددا؟؟؟؟؟؟؟؟؟؟؟؟؟؟؟؟ |
ياعزيزي danito
نحن مالنا عم ناقش قرارات اواسلوب اومبادئ حكومتنا لانه مااظن في تنين بختلفه على هالشئ لانه مو بس الاكراد عم يعانوا من اسلوب الحكومة انا بالنسبة لمسالة الجنسية فالشعارات و مطالب الاكراد بتخليك تحط علامة استفهام عند موضوع التجنيس |
اقتباس:
اقتباس:
و هو ما دعاني للتفكير من هو وراء الترويج بأنهم دخلاء؟ من هو الذي يسمح للمدسوسين بنشر التفرقة و إعلاء الأصوات المتطرفة من الجانبين؟ يعني لماذا لا يسمح لهم بممارسة حقوقهم الثقافية على أرض وطنهم بدلا من دفعهم و بالقوة للالتجاء للغرباء لأنهم يلوحون باحترام حقوقهم؟؟ |
اقتباس:
اما شان شعارات ومطالب الاكراد فهادا الحكي من خلال معايشتي واحتكاكي للاكراد في مكان اقامتي و كن واثق تماما مافي شي من عندي او تفكر من دوافع شخصية عم ناقش انا عم ناقش بالشي اللي لمسته و شفته بعيني |
انا اعتقد ان الاكراد قنبله تنتظر من يشعل فتيلها فقططط ,,,
من الحكمه ان تقوم الحكومه بمنحهم الجنسيه وارضائهم وتقديم بعض التنازلات لهم ,, والا سيحدث مالا تحمد عقباه ؟؟ |
اقتباس:
|
اقتباس:
و حتى لو افترضنا أنه كان هذا الموضوع مطلب كردي فليس الجواب أن يتم سحب الجنسيات منهم فلو أن الحياة السياسية بخير كان الموضوع أخد منحى سجال سياسي اجتماعي و تنافش تحت قبة البرلمان بشكل موضوعي و تم التوصل لقرارات و تفاهم بين جميع الاطراف مثلا في شمال إيطاليا في إنفصاليين و حتى رئيس الوزراء برلسكوني مرتبط فيهم بقوة و مع ذلك ما حدا سحب منهم الجنسيات بقي الموضوع موضوع سجال .. يعني في كثير بسوريا ناس تتكلم عن سورية سوريا و ليس عن عروبة سوريا فهل نطالب بسحب الجنسيات منهم؟ و جزأ غير قليل من الناس يطالبون بنظام علماني فهل إذا وصل حزب ديني إلى السلطة يقوم بسحب الجنسيات منهم؟؟ |
يجب عليكم كمواطنيين سوريين شرفاء ارجاع الحق لاصحابه شمال شرق سوريا للاكراد وحاجه عنكم تصويت وكانكم بتتكرموا بالجنسيه السوريه
بالله شو فائدة الجنسيه السوريه؟؟؟؟؟ |
اقتباس:
و على فكرة بدي اشكرك لتنبيهي لشئ كان غايب عن بالي |
اقتباس:
:سوريا: |
اقتباس:
يا صديقي و للأسف الشديد الشعب السوري لا يملك قراره ... و لا أعتقد أن أغلبية المشاركين تحدثوا عن "التكرم" بمنح الجنسية... أنا على الأقل أعتبرها حقا طبيعيا. اقتباس:
|
| الساعة بإيدك هلق يا سيدي 02:33 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون