|
اقتباس:
|
اقتباس:
اقتباس:
وانا اسف في التعبير . متخلف. كل فرد بالمجتمع بيعتبر البنت اللي مااكتملت خطتبطها بالزواج ان بيها عيب ولا يصح ان يتقدم لها اخر. هذه المفاهيم لابد وان تنتهي .لان ليس هناك نمط محدد للفتاه.يعني مواصفات شكليه او جوهريه .للقياس عليها. يعني ان البنت التي اكتشف بعد الخطوبه انها لاتناسبني او لا استطيع ان اكون فتى احلامها.(نتيجه الدراسه وقت الخطبه .فقط) من الممكن والمؤكد انها تناسب غيري .ويكون فتى احلامها.فكلنا يجب ان يفكر بعقله ويبحث عن سعادته مع الطرف الاخر. وفي رايي ان سبب فشل معظم حالات الزواج في مجتماعتنا ترجع لعدم التفكير العقلاني قبل الزواج. والمصيبه تكون قد وقعت .والحل لن يجدي كثيرا. اقتباس:
المهم انك عبرت عنها باسلوبك . وهذا هو الجميل .فاذا كان اتفاقنا او اختلافنا مهم. فالحوار هو الاهم. |
اخ محمد اول الشي لا تأخذني بس انا كان قصدي بالمجتمع الغربي ما الشرقي بس خطأ مطبعي بعتزر عنو ...
انا ما بعرف ليش انتي مصر انو البنت ما بيصير تحكي مع الشب ابل ما تكون خطيبتو .. يعني في كتير علاقات بتلش من صداقة عاديي بالجامعة او مسرح او حيلة نقطة التقاء بين مجمومعة من الناس ... وبهالحالي بيكون الشخصين عما يدرسو بعضون حتى لو ما كانو مفكرين لا بحب ولا بخطبة ولا من يحزنون ... بس مع الوقت بتتغير وجهت نظرون لبعض وبتتحول الشغلي لأعجاب او اكتر وبتطور العلاقة مع الوقت ... وانتي بحكيك هادا مسكر كل طرق الحوار بين انثى وزكر ابل ما يخطبو بعضون ... ما بعرف كيف بيكون هالشي منطقي ... بس بيجوز انتي مقتنع في وانا ما دخلني بالقصة .. بس كمان في كتير عالم بيناقشو حول موضوع مع انون شاكين في وبيحسو انو هوي غلط بس لانو المجتمع بيقول انو هادا هوي الصح .. مشان هيك الواحد مافينو يحكي حكي ضد المجتمع او الجو العام العايش في .. بس متل ما قلتلك اذا انتي مقتنع وبتحسو هو الصح وقت تنين ما فينون يدرسو بعضون ابل ما تصير هاي الشغلي الاسمة خطبي( الي انا بعتبرا من وجهت نظري ضحك عالحة وتسكيت للجو العام الي ماحدي فينو يكون ضدو ) انا مافيني ساوي شي .. وكل مين عندو وجهت نظروا بالحياة .. وبجوز انتي تكون هي وجهت نظرك ... بس المشكلي انو ما رح نقدر نعرف شو هوي الصح ابل ما يكون الوقت فات .. والضرب ضرب والهرب هرب ..... |
انا سعيد لحواري معك ولكني امامي عمل سانتهي منه واتابع توضيح رايي وافكاري لمناقشتها معك.وكذلك ساناقش ارائك ايضا فلي تعليق عليها.
وانا اسف لان عملي ديناميكي ليس له مواعيد محدده ولكني سارد عليك بعد حوالي اربع ساعات تقريبا. |
اخ محمد وانا كمان مبسوط بالحوار معك ...
هلق الساعة عشرة هون ... وبعد اربع ساعات بتصير اربعة وانا اسا ما بعرف اذا خرج اسهر لوقتا ولا لاء بس انا رح حاول .... سلام |
هالمواضيع عم تنطرح كتير بهالأيام يااااااا ..
طيب كلمتين ورد غطاهون البنت لازم تعامل الشب حسب ما هوي يعني أذا شافتو خرج الواحد يصارحو لازم هية تبادر ... هي أذا بتحبو هه أمّا أذا شافتو ع العكس و مو خرج و كتير من النوع اللي شايف حالو مثلاً ف لأ لا تصارحوا ولا حتى تغامر و تحكي معو بشي و هون القرار للبنت حسب ذكاءها بمعرفة الأشخاص .... هالشخص خرج ولاّ لأ وشو نوعيتو ... ويسلمو :سوريا: |
ملحوظه : انا لم احذف اي حرف الي انت كتبتو مشان الي هيقرى يفهم وجهه نظرك كامله .
وانا شايف ان كده حقك لان الكلام هيتفهم انو الك .ولازم يكون كامل. يعني مناقشتنا معا ممكن تفيد باقي الاعضاء. اقتباس:
لانك مو محتاج لاعذار .لانه ليس خطأ في حق احد.وغير متعمد . ولكن اعتذارك يدل على اخلاقك العاليه.واشعر بانك شخص جدير بالنقاش مثل سويت بابي. اقتباس:
انا لا ارفض الحكي بجميع انواعه. ولكن الحكي الرومانسي والغرامي .(هذا ما ارفضه). طبعا انا شوفت شباب كتير بيتسلو بصبايا بحجه الحب والرومانسيه .وبيضحكو على الصبايا. ويتقابلو من ورى اهلهم .مثل اللصوص.ويسرقو القبلات والاحضان.بموافقه الصبايا. ومثل هذه الاشياء تجعل الصبايا رخيصه.في نظر من تعتقد انها تحب قبل غيره . اما الخطوبه . فيتقابل الخطيبين في بيت العروسه.تحت نظر اهلها.فلا يحتاجو للاختباء ويحافظ الشاب عليها لانه يعلم انو سيتذوجها (مثل ما يكون عندك جوهره تحافظ عليها لانها ملكك ولكن اذا كنت لا تملكها فانك لن تحافظ عليها) اقتباس:
انا لا اؤمن بوجود صداقه بين الرجل والمرأه.فالعلاقه في نظري تنحصر بين (الزماله والحب) يعني اما زميلتي في العمل او الدراسه او ما شابه او احبها فقط لا غير . اقتباس:
1. اقنعه برايي وان لم استطع.انتقل للخطوه التانيه 2.افرض عليه رايي وان لم استطع.انتقل للخطوه التالته. 3. اتجنبه وابتعد عن المجتمع وافعل ما انا مقتنع فيه. اقتباس:
والدليل انو في كل المجتمعات في بعض افراد بيقدروا يفرضوا ارادتهم على المجتمع ومع ذلك لا يخرجوا عن الاطار العام .(هناك فرق بين الرغبه والقدره) وممكن تعتبر الخطبه لدراسه كل طرف للاخر .واالا فماذا تكون . يعني كان من الممكن الزواج مباشره يعني فما الحاجه الي الخطبه. اقتباس:
يتم فسخ الخطبه.وهذا افضل من السقوط ضحيه من ضمن ضحايا الزواج التعيس. هناك فرق بين التحضر والانحلال الخلقي . كل مايريده الطرفين يمكن عمله خلال الخطبه.وليس قبلها.كما وضحت. وشكرا وانتظر تحليلك وارائك وتعليقك على ما كتبت. |
اهلين بالشباب والله
طيب اجا دوري يمكن اذا بتسمحولي شكرا كتير اولا الموضوع صار في دخول بموضوع تاني انا رح اتطرق عليي بآخر حكيي رح بلش بتوضيح افكاري بناء على ردودكن اللي حطيتوا وبس خلص انا جاهز للحوار مع اي عضو اقتباس:
طيب بدي اسالك سؤال عم تقولي البنت بتفقد ركازتا طيب ليش شو هالشي اللي بخليا تفقد ركازتا انو تحكي معو انا بقلك بالعكس اذا ما حكت معو وقتا عاد رح تفقد ركازتا ورح قول ليش بس من خلال حديثي الجاي اقتباس:
لاء بالعكس هادا هوي الموضوع انو مين بدا يعني هون نقطة الاختلاف اللي عم تصير يعني البداي اكيد رايحة تصير بشكل او بآخر بس المهم مين اللي بلش اقتباس:
اقتباس:
وبين تحكي معو لاء تحكي معو احسن انا رح اسالك سؤال انتي موجود ضمن شلة ماشي وفي بنت من هالشلة معجبة فيك وقعدت تغمز وتلمز وتعمل حالا مهضومة قدامك مشان تلفت انتباهك ماشي لهون يعني ما خلت حركة وما عملتا ان كانت مهضومة او بايخة يعني بهدلت حالا قدام الشلة انتي برايك هيك احسن ولا تجي تقلك صراحة انو خيو انا هيك هيك معجبة فيك وحابة نكون انا وانتي على علاقة ريتا خليكي معي بدي وصل لنقطة هون مشان حكيك هاي الحالة اللي ذكرتا لمحمد ما بتكون البنت قللت من ركازتا بدون ما تحكي مع الشب وبهيك حالة ما بتكون البنت حافظت على ركازتا اذا حكت مع الشب اقتباس:
طيب خيي بشو الشب بدو يستغل مشاعرا طيب خيي سمحلي قلك انو البنت اكيد ما رح تحكي مع الشب الا بعد ما تكون عاجنتو وخابزتو شي مية مرة وعرفانة انو ما رح يستغل مشاعرا انا ما ني عم قلك انو ما في شباب ما بيستغلو مشاعر البنات في كتير وخصوصي اللي عندن عقدة نقص بس لما البنت بدو يكون معمي على قلبا وما بدا تميز الشب اللي عاجبا اذا بدو يستغلا او لاء فهاي صفت مشكلتا يعني هيي الغلط مو القاعدة الغلط اقتباس:
اقتباس:
ريتا انا ما بعرف ليش مصرة على انو رح تفقد ركازتا وتقلها مع اني انا ضد هالفكرة تماما يعني ما بخبي عليكن انا كنت مع هالفكرة انو البنت بتفقد ركازتا يعني لاحكيلكن اول ما بلشت اوعى على الحياة شوي قعدت انا وابن خالتي فقلي ليك يا هاني البنت اللي بتبعتلك مشان تحكي معك طنشا وما ترد عليا لانو بتكون خفيفة والله دخلت براسي هالفكرة بس لما وعيت اكتر وعشت تجارب كتيرة عرفت انو هالفكرة غلط وحسيت انو لاء البنت ما بتفقد شي من قيمتا اقتباس:
بس انا بختلف معك بشغلة انو ما لازم تقلو انا بحبك كصديق لانو هيك بتكون جنت على نفسها براقش لانو هيك ما بحياتو رح يفكر فيا كحبيبة شغلة تانية عجبني سؤالك اذا هالبنت حبتو لسنة او اكتر وهوي متل الاجدب ما حس ومعد تقدر تعمل شي شو بيصير هون بدي ارجع للنقطة اللي تركتا فوق وقلت برجعلا بعدين انا رح جاوب على السؤال رح يصير شغلة من هدول يا اما البنت رح تزيد بحركاتا هالشي رح يفقدا ركازتا يا اما البنت عقلا ما رح يستحمل ورح تجن وبالتالي رح تفقد ركازتا با اما بتوهم حالا انها معد تفكر في وبالتالي رح يصير عندا نقص رح تعبي باول واحد رح يجي بطريقا وهيك بيصير سهل ينضحك عليا وبالتالي هون رح تفقد ركازتا يللا نتابع لاحقا :سوريا: |
اقتباس:
اقتباس:
اقتباس:
اقتباس:
لكن هكمل معاك سؤالك على فرض انو في بنت بتحبني. ياخيي هي مو محتاجه تبهدل نفسها امام اي حد .الحب مشاعر يعني اذا لم احس انها بتحبني فلا فائده من كلامها.(عن نفسي.راي شخصي) انا اتهمكم بانكم جعلتم كلمه احبك بلا قيمه من كثره استخدامكم لها بالباطل. الكلام لا يدل على المشاعر. الكلام للاذن والمشاعر للقلب. |
اقتباس:
اي خيو رجعنا لقصة الخفة انا ما بعرف ليش معلقين على الموضوع لك اذا الواحد بدو يكون خفيف لانو عبر عن مشاعرو فبلا ما يحسا احسن اقتباس:
يعني ممكن يكون ما في منو بالتعامل مع البنات وممكن يكون بتعاملو معاها ما في منو بس ما بيحبا شو غصب الشغلة عودة قريبة باذن الله :سوريا: |
تسجيل متابعة
انا هلأ شفت رد الاخ محمد اللي قبل ردي بس ما رح اقدر رد هلأ برد بكرا باذن الله :سوريا: |
اقتباس:
وانا عارف ان كل واحد وراه مصالح (وظيفتو او دراستو )او حتى ميعاد نومه. اشوفك بكره على خير. |
اقتباس:
ليكي شو ما كان اللي م تشعر في البنت او الشب يعني كل واحد بيسمي شكل واحد بيقلو حب واحد بيقلو اعجاب واحد بيقلو قلة عقل يعني مو هادا الموضوع وغير هيك يعني انا معاكي بكل شي حكيتي مشكورة كتير على المرور :سوريا: اقتباس:
بدك تقليلي المجتمع وما فينا نغيرو انا ماني عم قول نغير المجتمع انا عم قول نغير حالنا نحنا اقتباس:
رح احكي قصة صارت مع واحد من الشباب رفقاتنا كنا عم نمشي انا ويا يعني مشان تكون القصة واضحة بدير مار الياس بربلة طبعا المعظم بيعرفو المهم عم نمشي انا ويا حوالي المقام وفي عيل كتير كانت بالدير المهم في بنتين قامو يمشو كمان بنت من صارت تتطلع برفيقي وتلطش حكي وما بعرف شو وتغمز والبنت حلوة يعني بتلفت النظر رفيقي حاص بدو يحكي معا بدو يتعرف عليا شو قليلة بنت عم تتطلع في وعم تلطشو اي والله نطرنا شوي آخر الشي دقو الحماس قام زبط حالو مشي لعندا مرحبا اهلين ممكن احكي معك قالتلو بخصوص شو قلا انو نتعرف نحكي مع بعض قالتلو لاء اسفة يعني تصورو شو صار مع اني انا كنت متاكد انو رح توافق تحكي معو وانا هون عم قول حكي لا حب ولا شي فكيف لو كانت الشغلة حب بس انتو تصورو الخجلة والموقف اللي اكلو قدامي يعني صار قد الكمشة وبعرف انو تعرض لكتير مواقف متل هاي يعني هاي شغلة شغلة تانية رح احكي عني هلأ يعني معلش انا بخجل احكي مع البنات وصارحن بمشاعري يعني انو احيانا بتضرب الحمصنة وبروح بحكي معاهن بس انو ممكن اي صد من ناحيتن نروح دبلكة يعني في كتير احيان الشب ما بيقدر يعبر عن مشاعرو فمو مشكلة اذا البنت اخدت الخطوة الاولى اقتباس:
اقتباس:
ليش ما في بنات حبت و آخر الشي وصت للي بدها يا من الحب ومحد منعا من هالشي اقتباس:
اقتباس:
اقتباس:
هل بتكون راضي اذا اجا شب واعترف لاختك بحبو (بغض النظر عن الخطبة والزواج لانو مو هادا الموضوع ) اقتباس:
اذا اجت اختك وقالتلك محمد انا حابة شب كتير وهوي ما بيعرف اني بحبو فشو ساويي اول شي انتي بتكون راضي وتاني شي شو بتنصحا تعمل للحديث كمالة نعود :سوريا: |
اقتباس:
بس علواه لو بتوضحيلنا على اي اساس بنيتي هالفكرة براسك :سوريا: اقتباس:
بس الاغلبية قالت انو مو مشكلة اذا البنت بادرت اقتباس:
بس مو شرط في كتير عالم خجولة ومع هيك فازت بالحب ووصلت لدرجة ما قدرو يوصلولا اكتر الجريئين هلأ بيقولو شو هالتناقض هلأ كنت عم تحكي عن الخجولين غير هيك لاء انا ما غير حكيي انا من شوي ما قلت انو الخجولين ما عملو علاقات وما حبو وما كانت علاقاتن ناجحة كتير بالعكس اقتباس:
وما شاء الله حكيو لحالو بدو صفحتين فانا الي رجعة انشالل مشان حكيو ومشان ادخل بالنقاش اللي صار بينو وبين محمد تحية كبيرة ولا تواخذوني اذا كترت حكي :سوريا: |
يا جماعة اول الشي بتشكر هاني كتير عهالموضوع المشوق ... وعنجد يا جماعة هلق فت عالاخوية مشان شوف شو صار بالموضوع وإذ بشوف انو صار في كتير ردود جديدي .. وانشالله ققدر لحق عالكل .. مع انو الشغلي صعبي شوي بس رح حاول ...
اول الشي طبعا رح حاول رد عالاخ محمد وبتشكرك عمدحك كتير وانشالله كون عند حسن ظنك ... اقتباس:
ومشان الخطبي انو بتصير الشغلي ادام الاهل .. فما بعتقد انو رح تضل كل الوقت ادام الاهل ..( او عالقليلي بسوريا ما بعرف الوضع كيف بباقي البلدان العربيي) و وقتا كمان بيكون احتمال ما قليل بنوب اذا لو كان بدو يصير شي بين لتنين مشان يصير .. و بنفس الوقت رح ضيف شغلتين ... انو شو هالمعرفي الي رح يتعرف الشب فيا عالبنت اذا كان كل الوقت قاعد عندا بالبيت واذنين اهلة متل الرادارت عليون .. هي غير اذا ما كانو عما يسجلو كل الحكي الي عما يقولو ... والشغلي التاني انو ليش الحكي الرومنسي او الغزل مرفوض وشكلو مرفوض عالاخر كمان ... مع انو حتى لهدول الشغلات في كتير مستويات الي بتبلش من المديح بين الاصدقاء وبتوصل لغزل الحيبيبن لبعض ... يعني مافي احلى من الكلمات الحلوي الي بتتوجه للطرفين بالحديث وبتخلي الشخص يشعور بسعادي كبيري حتى لو كانت كلمي عابرة .... اقتباس:
اقتباس:
اقتباس:
اقتباس:
واخ محمد انا متل ما قلت من قبل بعبر عن وجهت نظري الشخصي و الشي الي عايشو ومتعود علي بسوريا والشي الي عما شوفو و اتعلمو من حياتي اليوميي بالمانيا ... واسا في اخر جملي الك اخ محمد انا رح ارجعل بعد شوي اوكي.. وانا هلق برجع كغي النقاش بس استراحة صغيري لصنع كاسة قهوي شكلة السهرة طويلي اليوم ...وهي احلة وردي لكل الي مشاركين بالنقاش:سوريا: .. مابدي قول اسماء مشان ما يصير زعل ... |
تسجيل متابعة
والي عودة |
اقتباس:
شو عم تحلّوا قضية الشرق الأوسط هون :shock: - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - طول بالك علينا شو جريدة هههههههه:o :سوريا: |
تسجيل متابعة
خخخخخ ولا الكون الموضوع صار فيه شي 4 صفحات مو قريانها ماني مستعد اقعد ساعة كاملة واقرا |
كل اللي سجلوا متابعه بيصعبوا على نفسهم الموضوع .
ادخل شارك برأيك .الاول. وعلق على اي فقره انت عايزها. |
شو مشان تسجيل المتابعة صارت دارجة هالأيام ههههههه
أنا قريت شي 4 صفحات يعني حسيت أنو الكل ماعندون مشكلة أنو البنت تبادر بطرح العلاقة أو موضوع الأعجاب أو أي شي مشابه ماعدا شكيكتي فتوش بس هيك خبرها شغلة ... 1 - ثقة البنت بحالها و قوة شخصيتها عامل ضروري و إذا كانت بتملكون فشي طبيعي يكون عندها القدرة عالمبادرة 2 - في حال استخفاف الشب من قيمة هالبنت و التقليل من مكانتها فبيني و بينك بالناقص منو لأنو صرنا سنة ال 2006 و شي طبيعي لنوصل لمساواة بين الشب و البنت 3 - قريت هيك شغلة أنو الشب هو القوي بمجتمعنا لهيك هو يلي لازم يبادر هي رسالة تأكيد لسلطة الرجل و صادرة عن أنثى فهيك بقلك من إيدو الله يزيدو 4 - منقدر نشوف طرف للعلاقة هيك أنو نحن ما عم نساوي بين الرجل و المرأة وقت يلي بدنا نحصر طرف المبادرة بالذكر أو بالأنثى فبرأيي يلي بيحس أنو هو حابب يحكي و يبادر لأنو إذا الطرفين قادرين على تحديد مسيرة علاقة و متفقين و واعين مارح يغير شي أن بادرة البنت أو الشب بادر تحياتي |
مجد الاصة برايي مو اصة ثقة البنت بحالها
لاعطيك مثال انا كتير واثقة بحالي وكتير عالم بيقولو انو شخصيتي قوية بس انو اجي قللو لشب انا بحبك بلاقيها صعبة شوي لانو اد ماكون بعرف هالشخص بيضل عندي خوف منو اقتباس:
اي انا قلت انو بمجتمعنا الرجل اقوى منالمراة بس انا ماقلت انو لازم يبادر مشان ياكد السلطة بس انا بحس انو لازم يضل عند الرجل شي من السيطرة لانو اد ماكانت البنت قوية بدها سند معها يللي هوي الرجل يمكن مشان هيك بحس هوي اللي لازم يبادر |
هلق انا بدي احكي فكرتي بشكل مختصر ...
انا بفضل انو البنت تبادر ....(مو تبادر بكل معنى الكلمة) يعني لما الشب بدو يحكي معها ..مو يكبر راسها وتتقل على ربو للزلمة ... لأنو متى ما عملت معي البنت هيك ...بتكون انتهت بنظري ... وبيكون افضل لما بتلمحلو انو هيي معجبة ..ومثلا انها بترتاح لما بتكون معو ...ومن هالحكي يعني .. وشكرا لهاني مرة تانية ...لأنو موضوع كتير مهم :سوريا: |
أنا بدي احكي بوجهة نظري وبوجهة نظر علمية كمان
نظرا لطبيعة الرجل المتقلبة يرى علماء النفس انو لازم الفتاة دايما تعبر عن مشاعرها تجاه الشاب ليبقى على حبه لها. والأمر أخف بالنسبة للفتاة وذلك لأنها أكثر وفاء. باختصار وبلا جعدنة, غلط انو البنت تكون بوضع تصارح في الشب وما تصارحوا لأسباب "تافهة" وأكيد هيدا مش معناه انو تموت عليه وتفقد رزانتها بس على الفتاة ان يكون لها موقف في المبادرة وفي الاستمرار بالعلاقة وفي النطق بكلمات الغزل والحب. والا قد يتناقص اعجاب الرجل فيها تدريجيا حين يحس ولو بشكل ضئيل بأن مشاعره من طرف واحد. مشكورين عالموضوع |
اقتباس:
يعني مشكور وسيم على توضيح الفكرة ولا تفكر انو في حدي مل منك يعني نحنا عم نتناقش وكل واحد عم يعبر عن فكرتو ولو كتر حكي :سوريا: اول الشي انا ما بعرف كيف انقلب الموضوع لموضوع خطبة وجواز مع انو ما هادا الموضوع يعني من ناحية الخطبة والزواج هاي امر مفروغ منو انو الشب هوي اللي لازم يبادر وطبعا بيكون احسن بعد ما يكونو دارسين بعضن منيح وعرفانين كلشي مشان متل ما تفضلت انتي ما تروح الشغلة على التنين بس انا عم احكي عن المبادرة بالحكي قبل ما يكون في حكي بخطبة وزواج وانا معك بكل شي قلتو ومشان الخيار التالت اللي حكيت عنو انو ما في فرق هلأ كلنا متفقين انو الشب يباشر ما فيا مشكلة بس الموضوع اللي عم يصير في جدل تبليشة البنت بالحكي اوكي ؟ اقتباس:
خيو انا معك بيضل الشب اقوى اذا هوي بادر بس في حالات بيكون الشب فيا مو قدران يبادر وانتي وضحت وجهة نظرك انو بتلاقيها عادية البنت تبادر مع الاحترام لرايك :سوريا: اقتباس:
بس مو لحد كبير |
يعني هل البنات بيحكو عن المساواة وقفت ع هالشغلة....................
اقتباس:
|
انا بعتقد الكل عرف رأيي بالموضوع لانو لما البنت بتصارحو بتحس بأرتياح اكتر :سوريا:
|
اقتباس:
انو خيو ليش انتي ضد انو البنت تحكي مع الشب قبل الخطبة ليش وين الغلط بالموضوع بالعكس اذا بتتحدد قبل الخطبة بيكون احسن سالني ليش سالتني طيب رح جاوبك بقصة صغيرة عشتا انا وصارت مع وحدة من عنا من الضيعة بجوز تقول الضيعة متخلفة (انا بقلك بالعكس ) ضيعتنا متل مجتمعنا على نفس العقلية (وانا عم احكي على زمن القصة لانو هلأ اختلفت الامور ) القصة وما فيا انو في وحدة كانت خاطبة واحد من عنا من الضيعة وبعدين اكتشفو انو ما عم يتفاهمو مع بعضن ففسخو الخطبة وراح كل واحد لحالو بعد ما فسخو الخطبة كل ما يتقدملا واحد يقلولو اهل الضيعة شو بدك تخطب "فتات خبز"(سوري على استعمال التعبير بس احسن من غير تعابير اللي انقالت ) وكانت العالم اللي بدا تجي تخطبا تبطل بسبب هالحكي طيب هون انتي مو برايك انو لو يكونو متعرفين على بعض اكتر قبل ما يخطبو مو احسن ؟ يعني انا معك انو هالمفاهيم لازم تنتهي بس شو بدك تساوي وضع هيك وفي سبب تاني لفشل العلاقات الزوجية انو الشب والبنت ما بيحكو مع بعضن قبل الزواج يعني رح ارجع للعصر الحجري يعني للعصر لما كانت الشب ما يشوف البنت لقبل ليلة الزواج هون كان في مشكلة كبيرة وهون كان سبب كبير لفشل العلاقات الزوجية |
اقتباس:
معك انو الخطبة هيي من العادات اللي درجت مشان تسكيت الجو العام بس ماني معك انو فترة الخطبة مانا حلوة ومفيدة ومانا شغلة شكلية ابدا يعني هيي انحطت مشان تسكيت الجو العام بس بعدين ادت كتير فوائد |
اقتباس:
اقتباس:
الخطأ لا يبرر خطأ اخر اقتباس:
اقتباس:
وين بيحصل هالكلام في سوريا ولبنان والاردن ومصر وتونس والمغرب والجزائر. نسبه حدوثه ضعيفه جدا. لا تغالط. |
اقتباس:
اقتباس:
وانا معك لابد ان يترك مجالا للحريه بان يتحدث الخطيب مع خطيبته دون ان يسمعهم احد .ولكن ليس خارج بيتها. اقتباس:
اقتباس:
يعني انا لما احدد من وجهه نظري انو العلاقه بتنحصر بين الزماله والحب. اكون بذلك حطيت حاجز من فولاذ.(توجد علاقه ولا مو كافيه ) انا متأكد انك لم تركز في تلك النقطه.وانتظر تعقيبك عليها . اقتباس:
اقتباس:
بس مو صح .يعني امريكا وانجلترا وفرنسا.فيهم خطبه وهم من اكتر الدول المتحضره. اقتباس:
اقتباس:
وهذا بوكييه ورد مني .:سوريا: :سوريا: :سوريا: :سوريا: :سوريا: :سوريا: :سوريا: :سوريا: :سوريا: :سوريا: :سوريا: :سوريا: . |
ولووووووووووووووووووووووو أنت وياه وياها و ياه وياااااااااااه :cry:
|
شو هلحكي ليكو التصويت ادي
انا مع التانية لانو طبعا الشب هو يلي لازم يصارح البنت بمشاعرو قبل |
اقتباس:
|
مرحباااااااااااااااا
كيفكون يلعي قلبكون متل مالعيتو قلبي يخربيتكون كل واحد لسانو طولو :p عم امزح معكون بالعكس النقاش كتير حلو وعنجد مهم كتير هلأ لقلكون من شبه تجربة شخصية انا من جهتي ماعندي مشكلة واجه اي شب بمشاعري بس بشرط اني كون متأكدة انو في مشاعر من ناحيتو تجاهي وانو مارح انزل من عينو ( يعني كون متأكدة انو Open Minded ) لانو بصراحة ( وانا عم احكي عن حالي ماعم احكي بشكل عام) انا الى حد ما كتير معتزة بحالي ( وبعرف اللي بيعرفوني مابيلاحظوها لاني مو شايفة حالي بتعاملي مع الناس ) يعني بسامح كتير وبمزح كتير بس وقت بحس انو حدا جرحلي كرامتي بأي شكل بنهيه من حياتي ومدري لمين قايلة هالجملة مرة لحدا من الاخوية كنا عم نحكي عن موضوع ( يمكن هاني ) انو وقت بحس انو الحب بدو ينقص من كرامتي بشيل قلبي من محلو وبرميه هلأ بيجوز سرحت كتير عن الموضوع بس اجا على بالي احكي المهم انا من ناحيتي ماعندي مشكلة بهالموضوع كتير منجي للمجتمع الحلو :jakoush: اللي آكل حقوق البنت المجتمع متل ماكتير قالو مو سامح للبنت تحب حتى يسمحلا تعترف يعني كلنا منعرف انو البنت اللي حابة قبل الزواج شو بتصير نظرة الناس الها ( وطبعا انا ضد هالفكر خمسين الف بالمية ) لانو الخطبة مابتعمل شي ولاحدا يجرب يقنعني انو رح يقدرو يتعرفو على بعض بشكل كتير منيح بالخطبة لانو مزال رح يكون في مراقبة للموضوع رح يضل في تصنع بينما لو التنين صادقين بمشاعرون ومافي ضغوط اجتماعية عليون من اهلو او اهلا رح يتعاملو مع بعض بصدق اكبر يعني بالخطبة الشب رح يحاول يبين حالو احسن مايمكن قدام اهل البنت والبنت نفس الشي منجي عالجازة فاتو بالحيطان المهم مو مشكلة انو البنت تبادر بمشاعرها وخاصة اذا كان الشب خجول بس المشكلة الاكبر انو الشباب يشيلو من راسون فكرة انو البنت اللي بتحكي مو منيحة ويستغلو مشاعرها مع انو هي بتكون صادقة وبيجوز مافيني حملون المسؤولية لانو اهلنا وجدودنا هيك علمونا وهيك ربونا بس التغيير صار لازم وانا ماني عم الغي ضرورة تدخل الاهل بهالموضوع بس بالنهاية اللي رح يتأثر بالموضوع كلو هوي انا وانا اللي لازم قرر حياتي كيف رح تكون ( طبعا مع ضرورة استشارة اهلي ) يعني بيهمني كتير انو اهلي يكونو عارفين بعلاقتي مع هالشخص اللي بحبو ( حتى لو مافي خطبة ) اذا فهمتو شي من حكيي بيكون كتير منيح لانو حاسة حالي خبصت اسفة عالاطالة |
اقتباس:
|
أنو أريضا اللي تقرضك ليلا نزليلي اسمي بهالتقرير مشان شوف حالي قدام العالم :x
|
اولا اخ محمد انا بعرف اقرا عربي
بس كنت عم اتبع اسلوب معين بالرد هوي الرد على كل واحد بدورو يعني بغض النظر عن شو كان في مناقشات بعدين بس بجوز انو ما عم يصرلي اقعد كتير على النت او اذا عم اقعد عم كون مشغول كتير فعم تكتر الردود وما عم لحق عليا طيب هلأ ليلى شكرا على توضيح وجهة نظرك يعني بجوز انا بعرفك اكتر واحد وبعرف انو حكيك مزبوط :سوريا: طيب هلأ رح علق على قول محمد انو العلاقة بين الشب والبنت هيي يا زمالة يا حب طيب خيو الصداقة وين صارت (الزمالة غير الصداقة شي اكيد ) انو ما بتعترف بعلاقة الصداقة بين الشب والبنت مع انو هيي كتير موجودة يعني انا ما بعرف شو وجهة نظرك انا قريت انك ما معاها بس ما عرفت ليش تاني شي سؤال محمد شو قصدك الخطأ لا يبرر خطأ اخر اللي كاتبا برد من الردود انو قلي رجعة قريبة مشان وضح فكرتي بشكل عام بدون ما علق على الردود اللي عم تصير (يعني رح علق على اللي جوات الردود بس من وجهة نظري ومن دون توجيه الحكي تجاه اشخاص ) |
اقتباس:
بس انا جاوبت عالسؤال مرتين .قبل ما تسألو الي. فشعرت انك اما تسخر من رايي او لا تقرأه اساسا. فاذا كنت لا تقرأه فكيف ترد عليا.وانت لا تقرأ ردودي كامله.(غير مقبول) واذا كنت تسخر فهو ايضا غير مقبول. وانا كنت عامل حساب زعلك وارسلتلك ورده في نفس السؤال اللي ضايقك. انا يمكنني ان استوعب اختلافنا في الاراء لاقصى درجه .ولكن السخريه لا اتحملها. اقتباس:
اقتباس:
انت اسلوبك منظم وارائك صائبه في كثير من الاحيان وما اختلف فيه معك لا استنكره ولكني لا اقتنع به ولا اعتب عليك فيه. لانه من التحضر احترام اراء الغير حتى وان لم يكن الشخص مقتنعا بها. |
موضوع جميل
وانا مع الاختيار الثاني
|
اقتباس:
تاني الشي الله يسامحك اذا كنت مفكر انو انا عم اتمسخر انا من الاشخاص اللي بيحترمو راي الاخرين وبيسمعو وبيقدرو بس انا فسرت اني عم امشي بالردود بالترتيب يعني شو عم يصير ردود جديدة ما عم اعرف لحتى اوصلن اوكي ؟ وعلى ما يبدو هالطريقة عم تسبب سوء فهم لانو عمتكون متوضحة الفكرة اللي عم ناقش فيا بالردود التانية لهيك قررت غير الطريقة متل ما قلت بآخر ردي تاني الشي انتي قصدت خطأ حكم الناس على البنت المفسوخ خطبتها حسب ما بعتقد انتي قاصد فيه الخطأ الاول بعبارتك طيب والخطأ التاني شو قصدك في او انك قاصد الخطأين ما بعرف فهيك بيصير حكي تاني وتالت شي هاي وردة مني الك لانك انسان واعي مثقف على ما يبدو لي :سوريا: |
| الساعة بإيدك هلق يا سيدي 18:57 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون