يا أستاذ احترم نفسك و احترم كلام رب العالمين ...
ما بصير تتمهزأ بالقرآن .. و حتى لو كنت مسلم أو كنت ملحد تستطفل انت حر .. بس لا تتعدى على غيرك ..

وقاحة ...

عفواً زميلة بس ما وصلني أي تنبيه من المدربين إني مخالف أو ما شابه. و على العموم أنا ما حكيت بالأديان أنا حكيت منطق. يعني أنا ما ناقشتك إنه "شو هي القيمة اللي بيوجب عندها حد السرقة"؟ أنا عم بطرح فكرة إنه قبل ما نرغم الناس بتشريع ما خلينا نتأكد مية بالمية من مصداقيته.
و شكرا على التنبيه :D

صديقي.. ما حدا نبه لأنو ما في حدا هالفترة ينبه.. وانا ما بقصد الاساءة.. انما نحنا هيك متعودين رغم انو منطلع احيانا عن العادة.. ومنعلق:p
هلأ الحكي واتشكيك بمصداقية الانبياء وانو ممكن يكونو هنن ألفو الكتب السماوية بيفتح باب ما ألو اهمية بنقاشنا.. انا بشوف انو مفترض نطالب بحقوقنا كبشر.. وعدم فرض تشريعات دينية علينا بوقت نحنا ما مننتمي لهي التشريعات ولا بأي شكل.. وبشوف متل ما كل مرة بقول أنو ببلد كل قوانينو علمانية وتشريعاتو وضعية "من وضع الانسان" مفترض يكون قانون الاحوال الشخصية متلو متل باقي القوانين بسوريا .. وضعي ومن صنع الانسان..

أوكي زميلة و أنا متفق معك باللي قلتيه تماماً بس أنا ما عم شكك بمصداقية النبوة و لاني عم بطرح أي رأي شخصي بخصوص الدين أنا كل اللي عم قوله "أذا أردنا تطبيق قانون لا جدال فيه يجب أن يكون إيمان الشعب بأسره لا جدال فيه" الشعب مش أنا و لا إنتي.
بتمنى تكون وصلت الفكرة .. مدري ليش حاسس حالي بعرفك من قبل. إلك شي صولات و جولات بالمنتدىات :oops:

لا بعمري ما فتت غير على أخوية.. ولا حتى اطّلعت على غيرها.. وما بتوقع انو فوت غير عليها ..
:D

الدين في النفس والروح ومش بالضرورة نطرش الدني فيه
انا مع قانون بعيد كل البعد عن تبني اي وجهة نظر دينية
رح يكون في رفض شديد الو بما انو المجتمع متمسك بافكار دينية بيشوف ببعض القوانين خطر عليها
بس لما بيصير في تعارض بين الدين وحرية من الحريات المفروض القانون يضمن الحرية اولا
ومع الزمن رح يربى جيل دينو الو بس ومش مضطر يفرض تعاليم هالدين على غيرو

أكيد راح يكون رفض شديد لأنه نحنا عنا كل شي إلا الدين. يصير لتر المازوت بمية ليرة مش مشكلة -الله الرزاق- بس ما حدا يقرب علكنيسة أو الجامع..

اي صحيح لانو نحنا عقليتنا مرتبطة كتير كتير بامور روحانية وخفيه
لاتنسى الاديان كلا طلعت من عنا
هل ياترى لانو ارضنا مقدسة :? وارض الاخرين دنس
ولا لسبب اخر؟
عم حاول افهم بس الدني بتقوم وتقعد كرمال رسم كاريكاتوري
بينما الناس عم تندبح بغير محلات وماحدا عم يفكر
شو مفهوم الدين؟ ارتباط بنبي وعدم الاساءة الو ولا ارتباط بانسان عم يموت كل يوم على ايد معتدي
كيف بنكون مؤمنين بما يتعلق بالاساءة لجامع او كنسية
وما بيبين ايمانا لما بيتعلق الشي بروح ازهقت ظلما وبهتانا
لهيك خلي الدين على جنب احسن شي

سيدي مادام هالشلة رح تضل حاكمة سورية :cry:
بقا عيش ياقديش لينبت الحشيش ......:shock:
يعني بدك لحتى تصير معجزة وينقطع نسل شي واحد منن
لأنو هيك رح يضلوا يتوارثوا الحكم بيناتن ....:jakoush: