|
متل ما قالت ناي
هون بالاخوية ما منعبر عن المزاج العام بس احيانا بتشوف ناس كتير متعصبين ظاهرين ض فكرة معينة وبس تصير عندهون بيصيرو يقبلوها شوي شوي |
حسب الظروف والاحوال
يعني بصفة عامة انا مو معها لان الاضرار الناتجة عنها اكتر من منافعها . اولا المجتمع بصفة عامة مابيتقبل هالفكر والافكار المشتملة عليه من الجنس خارج اطار الزواج والعلاقات واسلوب الغرب بالحياة . الشرق بيرفضه وبيتحفظ عليه . بعتقد رح تسبب مشاكل كتير للمتعايشين رجل وامرأة تاني مشكلة ، اذا فرضنا حدوث حالات حمل(وهذا يحدث كثيرا بالمجتمعات الغربية) ، مشكلة جديدة بمجتمع له نظرة سلبية جدا تجاه الطفل الجديد ، وتضاف معاناة كان وليد ليس له دخل ولا اختيار لما حدث . مشكلة تالته ، الاهل والاسرة وموقفهم من الابناء والاخوة بهذه الحالة . المشكلة الرابعة ، هل الطرفين بمجتمع مثل مجتمعنا قادرين على التأقلم مع المعايشة بنفس السكن ؟ يعني مثلا هيعيشو حياة غربية بحته ؟! يقتسمو الواجبات والحقوق بكل شيئ ؟ مصاريف البيت والفواتير والاكل وكل شيئ مشترك رح يقتسموه ؟ ولا هيبتكرو رؤية جديدة معايشة على الفكر الكلاسيكي الشرقي ( الرجال قوامون على النساء بما انفقوا ) كلها نقاط تحتاج لحسم قبل اتخاذ القرار . هناك مشاكل اخرى فرعية اقل اهمية ولكني ارة هذه المشاكل الاهم من وجهة نظري . انا وضحت اني بصفة عامة ضد المساكنة . لكن اذا لم اجد سكن وكنت سأنام بالشارع سأختار المساكنة و طز للمجتمع ، ما حدا رح ينفعني لما انام بالشارع :lol: (هاد موضوع تاني ) بس اقصد اقول لو المساكنة رح تحل مشكلة اساسية عندي ومارح تسبب لي مشاكل اساسية اكبر منها ، رح اختار المساكنة . كل واحد بيدور على اللي يحقق مصلحته وان انكر ذلك . |
هلق معلش افهم انو ليش معظم الردود ... مصرة انو مساكنة = سكس :shock:
لك خيو تنين رفقات ... عمقول رفقات .. لا مصاحبين .. ولا حابين بعض .. ولا اي شي حابين هيك يقعدو مع بعض ويدرسو مع بعض وياكلو مع بعض .. و وو الخ مع بعض يعني معلش ... بس مو كل مين بدو يعمل سكس بحاجة للمساكنة ومو كل المساكنات مبنية عالجنس :? :D |
أنا مع حرية الاختيار... انو يكون عندي هالخيار إذا بدي أعملو.. والموضوع شخصي بتختلف الآراء فيو حسب كل شخص...
أي شخص بدو يناقش هيك موضوع وخصوصاً في مجتمعنا لازم يناقشو من منطلق انساني بحت. لا ديني ولا اجتماعي لأنو التنين بيرفضو هالشي. لأنو ما بينفع شخص بيعتبر الحكي والاختلاط والحب والصداقة ... إلخ بين الذكر والأنثى حرام يفتي بهالقصة... وما فينا نفترض انو مجتمعاتنا الشرقية الطابع رح تتبنى هالفكرة بشكل مطلق... بس فينا نتأمل أنو توصل مرحلة من القبول لهالشي... يعني ما ترفض انو في ناس بتتقبل هالشي وممكن انها تعملو. |
ييييييييييييييييييييييييي
شو مساكنة وما مساكنة يا لطيف اذا كانت الوحدة عذرا وبدا تسكن مع شب بعد كم شهر بتلاقيا حامل لأن الخلوة بين الجنسين لوحد بيحضر الشيطان بيناتن وبتتحرك غرائزن واي وحدة او واحد ما بيرضو يتجوزو وحدة او واحد ساكن مع شب او بنت قبل الزواج... |
انا معها ..
وللعضم .. لك حبيبي .. شو بدكن برب العالم يعني انا انسان هلأ .. سنة زمان .. بدي دبر هي الشغلة .. ما تقلي مجتمع ما مجتمع .. شو بدك بالمجتمع .. بعدين ازا كل واحد قال مجتمع .. كلياتنا هيك بيصير فينا اقتباس:
اقتباس:
ما بتستنا تسكن مع شب .. للمعلوماتية فقط |
اقتباس:
يعني اذا مع الوقت اتغير المجتمع الشرقي وغير نمط ونظام حياتو ، وصار اقرب للغرب هون بيكون اللي قلتو تمام . |
اقتباس:
انو ما رح يصير شي .. ازا مانن حابين تنيناتن .. وفي كتير احيان ما حدا بيكون حابب .. انو انا ساكن يا اخي .. متلا متل اي شب .. اقتباس:
انو تعا قلك شغلة .. وخليني امشي على نفس المنوال .. اللي ماشين فيه الشباب .. انو طيب انا من وانا عمري 14 سنة .. بمارس الجنس .. برأيك انا رح اشبع ؟ بما انو انا ما عندي تفكير بغير هالشغلة .. بس مولانا .. في نقطة انا ما فهمت ليش اقتبست هادا الحكي بالضبط .. عندك شك .. انو البنت اللي بدا تصير نو فيرجن ..رح تصير ايمت ما بدا و ما رح تستنى المساكنة .. ؟ |
اقتباس:
بس مافي مشكلة عادي ، هي وجهات نظر وقناعات ، ربما انت من 0.01% شوف يا معلم على الظروف الشرقية اللي عنا وخصائص مجتماعتنا انا متيقن برئيي ، لو المجتمع اتغير بتفق معك برئيك ، وسواء اختلفنا او اتفقنا ، مافي اي مشكلة ابدا ، مجرد اختلاف بوجهات النظر ولن يفسد للود قضية كما قالو . اقتباس:
انا بدي قول ان اختلاف المجتمعات وعاداتها وتقاليدها وافكارها وثقافتها بيمنع حدوث تقارب وتطابق بنفس الاوضاع والحالات وان حدث نفس الفعل والامر . اقتباس:
اللي بدو يعمل شيئ رح يعملو ومارح يستنى المساكنة ابدا . هذا موضوع منتهي بالنسبة لي واعتقد انه بديهي . فلا نقاش بالبديهيات . |
هلأ انا شباب بتمنى انو نوضح معنى المساكنة..
المساكنة بتعني اتفاق شخصين عل العيش مع بعض مع وجود علاقة خاصة بين هدول الشخصين.. يعني سكن بنت مع بنت مو اسمو مساكنة وسكن شب مع بنت بدون ما يكون فيه علاقة بيناتون مو اسمو مساكنة وكمان انو يستأجر حدا بيت مشان يلتقو فيه هوي وحبيبتو كمان مو اسمو مساكنة.. المساكنة يعني علاقة بتشبه الزواج كتير بس بدون ما يكون الها طابع شرعي أو رسمي.. هي معلوماتي عن الموضوع.. وباقي الحالات ما بتندرج تحت هي التسمية.. حسيت انو صار لغط.. انا غلطانة شي:pos: |
المساكنة من الوان الحب السبعة
جيزة takeaway |
كل شي بوقته حلو
:oops:مرحبا يا اعضاء اخويه الكرام الموضوع مربوط مع المجتمع وقوانينه واللي بتتغير مع الزمان فما تقلقو ما تزعلو كل شي بوقته حلو ورح زكركن وقتها بس بدي تنتبهو لشي افكار هدا المجتمع مو باليه ابدا بس لهدا الزمن وهدا المكان وهدا الشي ما بعيبهارأيي بعد السلام ;) |
حدا يشرحلي شو يعنى المساكنة . ألله يخليكون :lol:
|
يا اخي شوف شب + بنت = مساكنه مهما كانت نوع العلاقه بينهما
|
اقتباس:
بس كمان الها قوانين بتنظمها متل نسب الاولاد عندك مثال واضح كانت المرشحة للرثاسة الفرنسية سيغولين رويال عايشة مشاكنة وعندها ولاد من حبيبها بس انفصلوا وطبعا متل ما قلت في قوانين بتنظم هالشي |
لك يا عمي .... انك تكون مع شي ... مو شرط انك تعملو ...بس لازم تعترف فيه حق لغيرك
بخصوص هالجماعة الألاويين ..... يللي صرعوا سمانا بالدين أي شي مو مقتنعين فيه ... معكون كل الحرية أنو ما تعملوه بس لاتعمموا أفكاركم على غيركم و لا تفرضوا قناعاتكم عالناس الحرية مطلوبة ...و لازم الانسان يكون عندو خياراتو .... بعدين كل شخص بيختار يللي بناسبو و بناسب أفكارو خاصة أنو قضية متل المساكنة ... ما بتتعدى الحرية الشخصية .. و ما إلها أي تأثير سلبي عالمجتمع |
اقتباس:
لا خيو انتا الكبير.... منيح هيك:pos: |
اقتباس:
مشان القوانين .. مافي قوانين بأوروبا بتنظم مسألة المساكنة لأنو تعتبر فعل عفوي وحر.. أما بالنسبة لحكم الأولاد اللي بينتجو عن لعلاقة بين الشخصين فالأحكام اللي بتنطبق عليهم هي نفسها الاحكام اللي بتنظم نسب الأولاد بدون زواج أو أولاد الأم العازبة والخيار موجود بين أنو يتم الحاق الاطفال بأمون أو بأبوهن وطبعا هي التشريعات بتختلف بمسائل اجرائية ما بعتبها كبيرة بين أمريكا وبين روسيا و بعض دول أوروبا |
تسجيل متابعة
|
تم حزف الردود المخالفة .. وتنضيف الموضوع وتعزيلو كمان ...
رجاء خليكن ضمن اطار الحوار وضمن اسلوب راقي وحلو بالحكي ... سلامات :D |
كل شي ببدايتو صعب ومستهجن
بس بعدين بيصير عادي ومقبول جدا المساكنة بتلغي حالة الهلع يلي بتصيب الشب والبنت لما بيكونو لحالون وبتخلي علاقتون ترتقي كتير فوق مفاهيم المجتمع السائدة يلي بتقول ما اجتمع رجل وامراة الا وكان الشيطان ثالثهما وكانو هالشيطان قاعد عنا وملتهي بالشرق وناسي الغرب والمساكنة عندون المهم بكل خطوة جديدة بنلاقي فيا كتير اخطاء ومشاكل بس بالاخير بتوصل لدرجة من الرقي كتير محبب انا مع |
انا معئدة شوي وماني مع ...
يعني في ميت شغلة تمنعا يعني اذا كانو بيحبو بعض رح يحبن المجتمع لان لح يجيبولو عينات متل شاكلتن وازا ما بينهن الا الصداقة فما ح يقدروا يعيشو مع بعضن لان كل واحد لح يقيد حرية التاني |
اقتباس:
بس بظن انو بكون فرص الحمل والعلاقة بين الجنسين فرصها أكبر لما بيسكن الشب مع البنت :pos: |
اقتباس:
اقتباس:
طبعا مع احترامي لما تقول.. ضد المساكنة قلب وقال وشكل واشكال بغض النظر عن الجانب الديني قال مساكنة قال ..هع... أيـــــــــــــــــــــــ ــــــــه يا زمن عجبت لأمرك لزمن أصبح فيه للعار لذة انتصار وتفاخر وتشهير عجبت لزمن بات يخلو من النزعات الشرقية ويخلــــــــــــو من الرجال أحياناً أين أنت يا معتز ودمتم ودامت أخوية |
اقتباس:
لكن هل من الضروري أن نتخلص من حالة الهلع هي بالمساكنة؟ ولايوجد ولا حل بديل للتخلص من حالة هالهلع هي غير المساكنة اقتباس:
بس أنتي ست العارفين كل نفس الها شيطانها لحال أذا بتعرفي تعداد سكان الكرة الارضية بيطلع معك عدد شياطين الكرة الارضية معادلة متوازنة اقتباس:
الارتقاء عن مايعطل الروح :Dوبونجورك لمى |
اقتباس:
شو الشي يللي حابة تعمليه .. و المتمع عم يمنعك ..؟؟ اقتباس:
اقتباس:
ظريف مجتمع باب الحارة و الأظرف هني النساء .... يللي مصرين يضلو حريم و مصرين يضلو عبارة عن كتلة عورات متنقلة |
اقتباس:
يلي بيمنعني عن شيء هو ديني فقط مع اقتناعي التام والكامل لصحة ما امتنعت عنه اقتباس:
اقتباس:
مريومة أو ريم |
هيكة تشحيطة زغيرة ع قولة شوش
المجتمع الفرنسي والتركي ومدري مين منع النساء المسلمات من ممارسة حريتهم بحق وضع الحجاب شكلي بدي اتخالف:p |
اقتباس:
ايه نحن مصرين نضل حريم ونحن اذا اتكشفنا وكشفنا عوراتنا ساعتا بينتشر الفساد والاباحية بالمجتمع:jakoush: يعني هالشي متوقف علينا نحن الحريم اسألله على أيام زمان لما كانت البنت تغطي حالا متل الحريم اللي بباب الحارة ما كان منتشر هيك فساد متل هالأيام:pos: |
عفوا بس شو دخل معتز وباب الحارة وبطيخ مجبس..كلنا منعرف شو شكلو لهاد المجتمع ومانّابصلب نقاشو
الموضوع مانو مطول بيتسكر ... ف انو مابدي ارجع عيد واشرح ... يرضالي عليكن وع (حريماتكن:p) تضلوا بالمساكنة وماتبعدوا كتير |
اقتباس:
يا عيني مين عم يقلّك انكشفي و اكشفي عوراتك ؟!! شو خص هالكلام بالمساكنة ؟؟ و حتى البنت اللي بتسكن مع شب و بتعمل معو كل شي .. مين قال انو هي صارت بنت ليل مثلاً أو انو بدها تمشي بالشارع بالزلط ؟!!! اقتباس:
كل واحد يحكي عن حالو .. أنا كأنثى ما بحب تطلق علي هي التسمية المتخلفة و بظن ماني الوحيدة .. فياريت الحكي يكون بصيغة المفرد (أنا بدال نحن) مع الشكر ... اقتباس:
|
اقتباس:
اقتباس:
اقتباس:
بس إذا قال فلان ابن علتان عليه السلام .......فأكيد لا اقتباس:
|
اقتباس:
أوكي ... خليكي كلك على بعضك عورة بما فيه صوتك متل باب الحارة هادا حقك .. بس في بنات غيرك .. بيعتبرو كلامون و صوتون ...مرآة لعقلون و تفكيرون و لازم يوصلوه و كمان هادا حقون ولازم كل شخص يعمل يللي مقتنع فيه بس ... لا تعمموا ثقافة العورات على غيركون اقتباس:
هي وجهة نظر و في وجة نظر تانية بتقول .. الفساد بتمنعو الاخلاق و التربية القصة مو قصة تحرر يعني ما بظن يللي اغتصب طفلة بحلب مبارح عمرها 4 سنين كان دافعو الاباحية أبداً |
اقتباس:
بالعصر الحجري ما كانت المرا تلبس ورق عريش.. كانت تستخدم "ورق ملفوف".. خوش هيك بيجي أكبر وأستر يعني هلق مشان ما تقولوا هالمداخلة برات الموضوع.. رح قول شي (بركي هيك منرقّعها ت تصير جوات الموضوع) أنا برأيي.. إنو.. كيف بدي قلكن ياها يعني: في سياق مناقشتنا لموضوع المساكنة، وتأسيساً على نظرة حداثوية لمحدودية الأنماط البدئية في المجتمعات البشرية، إن كانت الغربية منها أو الشرقية، القديمة أو الحديثة، لا بد لنا إذ ذاك من استبصار مفاعيل مبداً اللاحتمية المطابقة في علاقة الرجل بالمرأة خصوصاً وأن النمط السائد "أي الشعبوي" في هذه العلاقة أثبت -بما لا يدعو للشك- عجزه عن الوصول إلى الصيغة المنشودة تلك التي تفتح أمام الإنسان أبواب المعرفة اللامؤطرة الحقيقية خارج مصادرات الوعي الإنساني المـُقولـَب بقالب المصادرات الناجزة، الشيء الذي يحد من تحليقه في فضاءتٍ أرحب بعيداً عن نير اتباعية المفهوم ومحدودية الأغراض الجنسية.. لذا فإن التجربة الما بعد حداثوية -إن استطعنا قول ذلك- بمجملها، إن كانت تلك التي تنحو منحى الذاتية أو التعددية العشوائية أو تلك التي تسلك درب التفكيكية الما بعد حداثوية، تبدو من حيث الشكل، وإن بشكل غائم أو عائم أو ضبابي -Fuzzy يعني- لأكثر وضوحاً ومثابرة وتحديداً في طرق أبواب عوالم جديدة لم تكن قبل وجودية هيغل وسارتر وإن تلمّسنا بداياتها الأولية -بتواضع- في "نقد العقل الصرف" لـ كانط وحين نتفحّص جدلية التقطع والاستمرارية من وجهة نظر إنتاجية أو ريعية -في ميادين الإنتاجية الوراثية أقصد- هذه التي لها صلتها الفكرية المتشابكة بأنماط بدئية مجاورة للقدسية الموصوفة في النمطية الشخصانية أو الجسدية على سبيل المثال.. نلاحظ أن ثمة نظرية إبداعية للعلاقة بين الرجل والمرأة تتخطى التعبير عن الحقيقة الواقعية عبر أداة تسهم في تفسير تباينات جماليات ظواهر غير مفسرة بحدسية النفسانية التوافقية المعهودة.. والشيء المثير في النشاط العقلي الكلي المترافق مع تقلبات علاقة الرجل والمرأة ضمن ما أسميتموه هنا "مساكنة" والذي تبديه لنا أوجه وطرق الوصول إلى "الأورغازم" المادي البحت، إن كان بتركيبته الموضوعية المتخيلة أو بصيغته الذاتية الحاصلة غالباً، الشيء المثير هو أن النمط الأكثر شيوعاً في طرائق المخيلة أو -لنقل الرؤية- الكوانتية- تغيب في المتفرّدات الصِغَرية مواجهة الحراك الترموديناميكي المتمثل في الموت الحراري للجوهر المادي للجسد البشري الميت والمتحوّل عبر تزامن ارتباط الحالات المتعددة بين الرجل والمرأة. تمّت :) |
اقتباس:
بعدين مين قال أنو بهديك الأيام ما كان في فساد، تخباية الفساد والتغطية عليه مو معناتا عدم وجوده، المشاكل الأخلاقية الموجودة بالمجتمعات المحافظة مو أقل أبداً من الموجودة بالمجتمعات المنفتحة بس الفرق ببعض أنواع المشاكل، والفرق بأنو المجتمعات المحافظة بتفضل تدير وشّا وتنكر وجود المشاكل، بينما المجتمعات المنتفتحة بتواجهها وبتعترف فيها. |
ضد 100/100
اول شي انا ستغربت للعديد من الشباب والصبايا انه هنن مع المساكنة حبيباتي ادا انتم مع هالشي واليوم منلاقي بفرنسا او بغيرها من الدول الغربية بدهم يحدو من المساكنة نلاقي انه العرب والمسلمين بيقولو انه مجتمعهم معقد وما الى دالك جد عم بستغرب انه الناس صارت ضايعة وومريضة جد هدا مرض نفسي معقول حدا براسو عقل يرضا انه يساوي هيك جد انا بسأل الكل هدا هو الاسلام هدي هي الرسالة الي الرسول صلى الله عليه وسلم بدو يانا نكملها ونوصلها انه نقلد الغرب ونقلد الافعال السيئة الي هنن بيعملوها جد نحن العرب صرنا ولا شي مع انه لازم نكووووون كل اشي جد حرااااااااااااااااااااااا ااااااااااااااااااااااااا ااااااام انه نحن نكون موافقين على هالشي قولو عني معقدة قولو اني من العصر الحجري كل من بدو يقول شي يقولو بس انا ما برضا لإسلام والمسلمين والعرب هالشي هلاء انتم الي بتأيدو المساكنة حدا فيكم يقلي شو اجابياتها ......... خاصة الي بقولو انهم مع الايجابيات والسلبيات بها العلاقة جد نحن وين رايحين وشو دور الدعات والشيوخ الي بدهم اصلاح الشباب لما منلاقي هالكم من الناس موافقة على هالعلاقة السيئة وخاصة بدول مسلم عربية انتم خبروووووووووووووني بتمنى ما حدا يزعل بس هدا رأيي تقبل مروري فااااااااااااااااااتي |
اقتباس:
ومو شرط نكون عم نقلد الغرب إذا قررنا نؤيد هالشي، وما حدا فينا عم يقول أنو يصير هالشي قانون مفروض على كل العالم، بس المهم أنو إذا اتنين قررو أنو هالشي بيناسبون ما حدا يتدخل فيهون، وسواء كان إلها إيجابيات أو سلبيات فهاد شي نسبي كتير بيتعلق بكل حالة بشكل مستقل، وإذا كان هالشي غلط فهني أحرار يتحملو نتيجة غلطون طالما أنو هالشي ما بيأثر على غيرون. |
اقتباس:
......... على كل حال .... مو كل ما فكرنا بشي تقعدوا تقولوا انو عم نقلد الغرب وما بعرف مين.... نحنا عم نفكر بشي أنا وكم واحد من ه المجتمع اللي بدكم ترجعوه 1400 سنة لورا .... حابينو..... هلا ع زمن الرسول... كانت الوحدة تدرس بالجامعة؟؟ ع زمنوا الله يديمو كان في نت؟؟؟ طيب كان فيها الوحدة تفكر بحريتها؟؟؟؟ اي حاج ولووووووووووووو طلعو للزلمة من راسكن وحاج كل شوي الرسول والرسول... بظن انو مل من حكيكم عنو.... لما بدنا نفكر خلونا نفكر بطريقة عقلانية... وبالشي اللي حابينو مو الشي اللي مفروض علينا...... ولو ... هيك بيكون الانسان.,... بفكر براحتو مو بيتصرف ببغائيا....... اتقنا؟؟؟:deal: |
اقتباس:
|
اقتباس:
الله عليكون:lol::lol: لك الموضوع كلو ما بيستاهل اللي بدو يساكن يساكن و الما بدو يساكن لا يساكن هاي حرية شخصية و ما حدا بيفرضها .:D |
| الساعة بإيدك هلق يا سيدي 19:50 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
