|
اقتباس:
موفق انشالله .... |
احلامي كانت مختلفه بشكل كبير عن الي انا فيه هلىء طبعا فتره 15 ال 18 كانت مفعمه ومزهره بالاحلام والقوه والتصميم ع تحقيق كل شي ...انا كنت احلم ان اكون مدرسه ...وانه سافر .وانه عيش بمزرعه صغيره انا وعيلتي ..
طبعا هدا الحكي ما صار ..الحياه ماعطتني الفرصه انه يتحقق حلمي ..واتجهت باتجاه اخر ... ولاسباب كتير ..ان كانت رفضي من الجامعات والمعاهد الحكوميه ...ولظروف حياتي العائليه ... بعد هل العمر ,,تحققت امور كتير كنت خاف منها من قبل ...وخاصه الوحده ....بس تحقق شي كنت احلم فيه هو السفر ..والاغتراب ... احلامي الان مختلفه تماما عم سبق ...عم احلم بطريقه واقعيه وتكون مفيده الي .. صحي انا ما كنت متوقعه انه اتجه بهل المجال الي انا فيه الان ..بس راضيه عن كل شي وصلتلو وخاصه بالتحدي بالعمل ..والنجاح الي قدرت وصلت له ......ومقتنعه انه الاحلام لازم بيوم من الايام تتحقق ... :D |
اقتباس:
بالنسبة لي لا أعتقد أن هناك أحلام مؤجلة أكثر منه مسألة توالدٍ للأحلام |
بهل عمر كانت الاحلام كتير براسي.........وأولها كان كفي دراستي بكلية التجارة.....واول حاجز طلع بي وشي هوي العلامات........ودرست بي معهد السياحي...وهون رجعت رسمت حلم جديد......أنو أفتح مشروع سياحي بي بلدنا.....ولكن للاسف لعد التخرج......ظروف ما ساعدتني أبدا......ل طريت سافر برا البلد.....واشتغل بي مجال الديكور.......نوعا ما رضيان عا حالي.......بكل شي حققتو بي فترة الغربة......
ونشا الله قدر حقق حلمي تبع اليوم.....أنو أقدر ارجع عا شام بي مبلغ محترم شوي.....حتى أبداء بي مشروع سياحي لو صغير مبدأياً فتحتوت علينا كتير شغلات........ بداية موفقة يعطيكون العافية:D |
m
بسن 15-17 انا بفضل بالنسبة الي ما سميها احلام ولكن بسميها خيارات متعددة وانا بصراحة بسن ال18 كان لازم احسم امري قبل دخول الجامعة واخترت الاكتر واقعية ويتناسب مع واقع الحياة فكان الي اهتمامات ادبية وسياسية فقمت بالابتعاد عنا قدر الامكان على مبدأ التركيز على هدف واحد واخترت الجانب العلمي وامشينا بهالطريق بالنسبة لجانب اللي تحقق واللي ماتحقق فا حققت كتير من اللي بدي ياه وا باقي شوي وبحقق كل اللي خططتلوه بالاساس بس دائما عما تنفتح قدامي مجالات جديدة وعندي حيرة ايمتا بدي وقف واحتمال اعطي وقت للخيارات التانية وبرأيي اهم سبب للنجاح كان حبي للمجال اللي متابع في والاخلاص الشديد لالو والعمل الدائم وهالطبيعة هي اللي خلتني ابعد المجالات التانية وتصير هواية بأوقات الفراغ مو اكتر
بالنسبة للرضى فاذا الله راد وحققت طموحي للنهاية فبكون راضي تمام الرضى |
شي ناهي...
سلام شبيبة فكرة حلوة واهم الشي تكون المواضيع المطروحة مو بس بتحكي عن الحقبة الماضية من حياتنا وتحكي عن ما هو آت كمان بتخيل هاد أهم لأانو قطعنا 25سنة لسه شباب بس مو سنين قليلة لهيك منتمنى تكون المواضيع المطروحة عن ما هو آت أبو نجبو صاحب الفكرة ماعرفنا كم عمرك؟:pos: بالنسبة الي أنا 27 :oops: ورح يخلصوا مو مطولين :lol: |
انا بهداك الوقت ايام ماكنت مراهئ وعمبراهئ كان طموحي اني اصير طيار :larg:
بس اول خازوق اكلتو اني فلسطيني:sick: فماكان في امل انو يتحقق هالطموح وكالعادة متل كل الي طموحاتن ذهبت مع الريح دخلت IT مع اني كنت اكرهو لهالاختراع الي اسمو كمبيوتر بس مجبر اخاك عفكرة انا مايئست وبس تتحرر فلسطين بدي اروح ادرس طيران هناك هامش (قلو شيخي اذا حررت فلسطين بقدر اني* وحدة اسرائيلية قلو حررا وتعا ني*ي:lol:) |
اقتباس:
نفس المشكلة اللي عانيت منها .... مع انو اختصاصي بالجامعة كان مابو شي .... بس "الظروف" قذفتني .....للصين ومن الهندسة المدنية ....للتجارة فتأمل ... :D اقتباس:
عن جد شي حلو كتبر انو تشوف شخص بسنّ ال17 وبيقدر يفكر بواقعية ..... لك ليكون الاهل هنن اللي فكرو عنك.....:lol: اقتباس:
بالنسبة للمواضيع المطروحة و الافكار و الاقتراحات....كلها عالعين والراس..هون في أريحية ....فيكي تحطّي الموضوع اللي بدك ياه ....بس يكون عالدور ها :pos: أما بالنسبة لابو نجبو ....فهو طاحش عال30 بعد كم شهر ...:gem: اقتباس:
لك منيح منّك عمبتقدر تحلم يارجل.....الله بعين أبو العبد....وشوي رح تصير بكنكا....شو بدّك احسن من هيك وياسيدي ...انا مع شيخك ...حررا و تعا....:lol: |
اقتباس:
على راسي ابو حلب انا عشت 6 سنين بحلب كانت ايام حلوة:D |
اقتباس:
|
m
سوري شباب بس بموضوع النكتة السابقة فلاتعطوا أكتر من حجما كانت لمجرد التسالي وتحريك الجو انا كانت اغلب مشاركاتي كانت تسالي باعتبارنا موجودين بعالم افتراضي :D
بس حاليا رح صير ملتزم باعتبار الموضوع جدي:shock: |
وييييييي انا ما عني شغلة بالدنيا غير بس احلم:ss:
قائمة طووووووووووووووووووويلة |
طالما شرط المشاركة بالموضوع .. هو يكون العمر فوق الـ 25
لازم تتوقعوا الأجوبة لأنو من بعد عالعمر تحديداً ...من بعد ما تنتهي فترة الدراسة .... و بدء الحياة العملية بتبلش الرؤيا توضح ...و بتبلش الأحلام تتحطم يللي بحقق شيء من هالأحلام .. لازم يفرح .. و يعتبر حالو محظوظ |
انا مش عارف عايش من زمان بس العمر العددي 28 سنة والعمر الحقيقي اعتقد فوق 643 سنة
|
m
تحقيق الطموحات انا ما بعتبرو حظ بجوز الحظ يلعب دورو بس بتوقع هالامر مابيتجاوز عشرة بالمية وبرأيي الأهم هوي اول شي تكون هالطموحات تكون شوي واقعية يعني قريبة من امكانياتك والشي التاني انك تعمل بجد عليا ولاتكل ولاتمل خصوصا انا الجزء الاساسي من شغلي ودراستي بالغربة يعني لتاخد فرصة ابن البلد بدك تبذل جهد تلات اضعافو على الأقل
|
اقتباس:
|
اقتباس:
|
أول موضوع للنقاش، الحلم/الحقيقة
بعد التحية وانطلاقا من تجربتي الشخصية التي كانت وراء قناعاتي، فالحياة هي التي تتولى مهمة تلقين الدروس وليس عمر الشخص، فمثلا عندما كنت في سن15,17 وتحديدا عند بداية الدراسة الثانوية كانت لي مجموعة من التطلعات ( ليست أحلام)والتي تتحكم فيها مجموعة من العوامل تختلف ظاهريا من شخص لآخر : البيئة التي نعيش فيها، المجتمع، حالة المدرسين، أمثلة من سبقونا بالإيمان:lol: بأحلامهم،الحالة العائلية والمادية..فمن خلال هذه المعطيات تجد نفسك بين خيارين الأول أن تدرس وتحصل على شهادة ومن تم تجتاز مبارة لتحصل على وظيفة تضمن لك العيش الآمن إلى آخر الشهر، أو تتحيل الفرصة لإطلاق العنان لنفسك بالسفر خارج بلدك وتهجره نحو بلد تراه مناسبا لتحويل تطلعاتك إلى أحلام ومن ثم إلى حقيقة بالنسبة لي جاء الإختيار الثاني عن اقتناع وإيمان ورفض للواقع الأول أما أحلام الطفولة فعندما كنت طفلا حلمت بأن أكون قبطانا يجوب أقطار العالم عبر سفينته كسلفر في جزيرة الكنز:lol: وتحية :D |
15سنة و120شهر واسبوعين وتلت ايام ونص:clap:هيك بنطلع شيخ بستوني
|
انو سجلونا معكن
|
اقتباس:
صار عنا خدمة شي خمس سنين بس ترى بيحقلك تسجل معنا :D |
يعني اللي قطع ال35 متل حالاتي صار ختيار ومهرهر كمان إذا اللي فوق ال25 كهل :cry:
|
اقتباس:
في شغلات بتظن انو راحت عليك ....وبالحقيقة تأجلت لا أكتر .... اخي الكبير ..حلمو يركب سيارة من صغرو ....وكل ماكان ينوي يشتري وحدة تطلعلو شغلة تطيرلو المصريات... وبالاخير... ماركبها لبين ماصار بال42 :lol:.. |
اقتباس:
بس هون بأخوية ال25سنة ومافوق ....كبير.....و الله كبير ... :D الك....شيختنا |
شو هالأفكار الحلوة ابو نجبو :D:D....
عنجد من زمان كان بدنا هيك زاوية حلوة للكباريّة لأنه فقط يلي عمره فوق 25 بيعرف شو بيفكر غيره يلي عمره فوق 25 |
لما كنت بعمر 14 - 18 كانت الأشياء عندي مثالية بشكل كبير.. يعني كنت فكر بكل شي من منطلق مثالي ... أحلام طموح وحتى تغيير الواقع... طبعاً وبطبيعة الحال، كل ما كنت اكبر سنة كان يصير تعديلات وتنازلات ورضوخ للواقع في نواحي كتيرة... لسه الحلم جواتي، لكن يا عالِم إذا رح أقدر حققو أو رح يصير ذكريات تعبر عن حالي وشخصيتي... في شي كتير أثر في عدم تحقيق أحلامي غير الظروف الخارجة عن إرادتي... أهمها المجتمع اللي عايشة فيو... كسلي ... وطبيعتي اللي يٌقال عنها وجودية.. واتباع شعار (تمتع بيومك) يعني كنت ضحي بكتير قصص من ناحية العمل وتطوير حالي من أجل المتعة والاستمتاع بوقتي .. ومشان هيك كام شهر وبصير بالتلاتين ولسه ما حققت شي من أحلام الطفولة.. لكن، كل هاد ما بيمنع إنو في نوع من الرضا عن حالي ووضعي الحالي من ناحية العمل وما شابه...
وفي ختام قصة حياتي ... عسى ولعل! |
بعمر 15 كنت احلم بكثير شغلات
و من ضمنها الدراسة اللي درست غيرها هي اول خطوة على طريق التعايش او سياسة الحل البديل ... اللي اكتشفنا يوم بعد يوم ... و ما زلنا نكتشف .. هي جوهر الحياة اللي نعيشها ! |
حلو فرحتوني كنت مفكرة حالي جدة اخوية الكبرى:lol:
كل واحد مننا لمّن بلّش يوعى عالدنيا حاول يرسم خريطة طريق لحياتو .....أحلامو و طموحو كل الناس ...وخاصة لما منكون بسن ال15 - 16 سنة ...بتكون أحلام اليقظة عمتعيش فينا و معنا .... وكبرنا....وكبرت معنا أحلامنا...وزادت همومنا.... انتو بعمركن هلاء .... * شو كانت أحلامكن اللي كنتو راسمينها بقلوبكون و عقولكم احلامي كانت ومازالت كتيرة مابقدر عدها من غير ما انسى نصها * هل ياترى ...بعد هالعمر ....تحققت هالاحلام .... بالنسبة للدراسة تقدر تقول رجعتني الحياة من نص الطريق وحققت نص حلم واجلت الباقي شوي بس مع ربا يعني الحلم القديم ماعاد مقنع بدي كمل الطريق للاخر انتو بس ادعولي * اللي تحقق من هالاحلام ....شو كانت اسباب النجاح يمكن اهم سبب عنادي وثقتي الزايدة هدول سبب النجاح وليهم دخل كبير فالتاجيل حتى ما سميه فشل يمكن لاني ابتديت بقوة كبيرة استنفذت طاقتي قبل الوقت خصوصي اني كا كنت متوقعة ان العالم بهالدرجة من السوء *ومن الاحلام اللي ماتحققت ...شو كان السبب...طيب اللي ماقدرت تحققها ...حذفتها من بالك ..ولا أجلتها... اجلتها وحاولت عوض الوقت الضايع باشياء صغيرة وبالاخير ..... بعمرك هاد.....وبقدر الطموح اللي راسمو عن حياتك....هل انته راض عن حالك !!! ماني راضية ابدا ابدا بتفهم حالي وظروفي بس ماني رضيانة :D |
اقتباس:
15_18 وضحت معالم المستقبل وعرفت اني بالرسم ماممكن اقدم شي جديد فأنتقلت عالادب .. بس الحلم ظل هو ذاته اني أكون انسانة حرة بفكري ومستقلة بخياراتي ..أما الخيارات فصارت تعتمد على الظروف.. بعد ما وصلنا لفوق الــ25 فلساتها احلامي عايشة_بس تحت الارض _ وللأسف انها كلما تحاول تطلع تصدم بالاسفلت.. |
اقتباس:
هلأ بخصوص السؤال، الأحلام أنا بحسا بتتغير مع الوقت، أنا كنت أحلم أني فوت عكلية الفنون، بس الله يخلي الماما ما كانت تقبل والسما زرقا، لا وهددتني أنو تعملي واسطة لأسقط بالفحص!! وحتى وقت طلعلي هندسة عمارة باللاذقية كمان ما خلتني روح لأنو بتخاف عليي!! مع أنو كلا سنة وبقدر ارجع انقل عالشام، المهم هيدول أول حلمين انطبشو، ومن يومها بطلت الرسم، بس هلأ بقول لو أني فنانة مظبوط يمكن كنت كفيت بالرسم.. يمكن أكبر حلم بحس أنني حققتو هو الزواج واستمرار التفاهم مع زوجي بعد سنين من الزواج، رغم أني تركت فرص كتير مهمة بالشغل وقت تجوزت كانت بتحققلي أحلام كبيرة، بس المهم هو أنو الواحد يعرف أي حلم هو الأهم بالنسبة إلو، أحيان الأحلام بتكون متعاكسة مع بعضا وما فينا نحققا كلا، بس المهم أنو نعرف نختار وبس نختار ما عاد نراجع تفكيرنا. |
اقتباس:
انا راضي عن حالي او لا ؟!... حاليا انا مقتنع باللي وصلت اله ولكن مو راضي كل الرضى وبطمح لانه حقق شي افضل من اللي وصلتله لهلق ، بقية احلام الطفولة نسيتها ؟!... ما بظن بظن انه هي تأجلت لوقت مناسب اكتر ... مو اكتر من هيك:D |
في مرحلة المراهقة يا جماعة تركونا من أحلام خلونا في واقع كنا عما نعيشو أنا ما بدي أقول مشروع دراسة و قبول أو عدم قبول لأني نسفت الدراسة من أساسها و تركتها من الأعدادي و لأسباب لا تعد و لا تحصى ألا أني تابعت المطالعة العشوائية دون أي موجه لي ألا رب العالمين المهم كانت لي هوايات ثلاثة السباحة و الغناء و السينما و خاصة الأفلام التاريخية و الأجتماعية و العلمية مثل الخيال العلمي و هكذا كنت أقضي أوقاتي مابين الهوايات الثلاثة و طبعاُ العمل و تعلم مهنة من أجل المستقبل و بعد أنهاء خدمة العلم لم أجد لنفسي في بلدنا الحبيب أي فرصة للتقدم ما عدا الفن و لكن الغناء يحتاج الى كثير من التنازلات التي لم أرضى على نفسي التنازل عنها مهما كانت النتيجة ولو حتى أن أصبح ملك الغناء
ذهبت الى الغربة و عملت بكد و تفاني و أخلاص و الحمد لله أنا بحال لم أكن أحلم به من قبل و الأن أنا أنظر الى المستقبل ليسى من خلال حلم أتمناه لنفسي و أنما لأبنائي الصغار و أنشاءالله يتحقق حلمي بأن يصبحو متعلمين يفيدو و يستفيدو و مشكورين على الموضوع |
اقتباس:
بـ صراحة كنت أحاول معرفة ماذا يفكر ذاك الشبخ على أريكته وبأشد صراحة لم أعتقد بأي حال من الاحوال أنه كان يفكر بالغتاء ليتك كُنت .. ما حكتلي شو التنازلات يلي لازم الانسان يقدمها لـ يصير مغني |
اقتباس:
ألا أني لم أكن يوماً بعيداً عن المطالعة و أرجو أن لا يساء فهمي فلي أسباب عديدة لا أستطيع ذكرها ههنا أما ذال الشيخ أنه رجل أمي ينتظر الكاتب لكي يكتب له و قد أخذتها من صورة أسمها الكاتب و قد كانت الصورة في ملفي ألا أن صورة أبني الصغير حلت محلها أما عن التنازلات فأستطيع أن أذكر منها مثلاُ لكي تكون عضو في نقابة الفنانين يجب أن تكون عضو متمرن لمدة لاتقل عن الأربع سنوات و هذه المدة يجب أن تغني بها في الأماكن المعروفة مثل الأندية الليلية بعتبار أن المسرح شبه معدوم و غنائي على المسرح لعدة مرات في السنة غير كافي المهم لم أكن مستعد لكي أغني في الملاهي و البارات و الحمد لله لم أكمل ها أنا أقراء القرأن بصوتي المتواضع و أستخدم المقامات في تجويد القرأن ولا أبحث عن الشهرة و أؤذن في الجامع من وقت لأخر و أسأل الله القبول أخي الكريم أنا لست فخور لأني تركت المدرسة ألا أن الظروف كانت أكثر من صعبة |
من الاحلام يلي كنت راسمتها دراستي بالمجال المرغوب بس ماتحققت...ولحديت هلق بفكر انه ارجع قدم بكالوريا وكمل دراستي بالمجال يلي بدي ياه
وكنت حب ادخل بمجال التمثيل... بس ماكان في مشجعين كنت بحب الموسيقا ..لسا هالفكرة موجودة وما ماتت يلي بشوفه انه نحن بعمر 15-18 كنا نحس انه الدنيا مفتوحة قدامنا وكلما منكبر عم تتغير هالفكرة براسنا شوي شوي ... منحس انه بلشت تروح علينا... |
اقتباس:
للأسف ثقافة العمل مو موجودة عنا ومو محترمة كما يجب.. الك ارسلان :D لحلبي:D |
صح كان في احلام كنت راسميتها بعمر 15 و 16
بس مع الوقت اختلفت هالاحلام .. بالاحرى حلت مكانها "مخططات" اكتر واقعية يعني ما بتوقع انو باي فترة سعيت بشكل فعلي لتحيقيق حلم معين بقدر ما انو مع كل مرحلة .. في خطوة قادمة بتسلسل منطقي حتى تخصصي الاكاديمي ما كان اختياره عن رغبة مسبقة .. مع هيك راضيه عن هالخيار الى حد كبير لهيك بعتبر انو حققت لحد ما الامور اللي كنت مخططة الها ولسة باقي طبعا كتير بشكل عام اي راضية عن حالي لانو حاليا الحاجز بيني وبين باقي الطريق ..هو الوقت ومش تقصير من جهتي |
28 سنة
بالنسبة في عندي موضوع وهو المسلسلات السورية يلي بتحكي عن الاحداث يلي دارت بين اجدادنا وبين الاحتلال سواء كان فرنسي او العثماني او حرب تشرين هون كل ما بشوف هالمسلسلات بقكر ,, انو جيلنا هلأ رجاال مثلهم ؟ منئدر نعمل متلهون بحيث انو نضحي بحياتنا كرمال الشام وولادنا والاجيال الجاية ؟ انا الشي يلي ما عم افهموا انو الشعب السوري قاوم بشكل رهيب وحارب كل ايد حاولت تأذي الشام او شعبا ,, يا جماعة كانوا اجدادنا عم يحاربوا جيوش بس الفكرة انو هلأ ليش ما عم نئدر نحارب مجموعة ضالة من حكومتنا عم تنزف بهالشعب للاسف انا مشتهي شوف قرار لصالح الشعب شي مرة مشتهي شي مرة اتهنى بجنسيتي كسوري ادام بائي الجنسيات العربية لك انا ساكن عند البدو ,, لكن فعلا هنن بدو بس نحنا لسة ما بدينا رغم انو في سلبيات بالنظام السعودي الا انو الشعب متهني والسلبيات ما هي الا سلبيات طفيفة مقارنة بنظام بلدي نحنا الحمد لله بدال ما يكون في عنا منظمات توعية لشبابنا او قرارات تفيد مستقبل شبابنا لا اعوذ بالله نحنا عنا فكرة شلون لازم يتدمر الشباب السوري شلون لازم نخليه يهاجر وما نخليه يضل ببلدو لك حسبي الله بحكومة بلدي والله ينتقم منهم وان شاء الله رح يكونوا خصومنا امام الله يوم الحشر يتبع |
كان و مازال حلمي تشكيل اسرة سعيدة
و لا ازال اسعى في سبيل تحقيق الحلم |
اقتباس:
كتير من الاحيان بفكر عيد الباكلوريا ....لحتى أدخل الفرع اللي كنت أحلم فيه .....بس ما أظن هاد الشي يحصل ...راحت علينا :p اقتباس:
بس لما كبرنا و بلّشت الخوزايق ....حتى الامور الجميلة صارت بتخوّف... أئللك شغلة ...تركيها بيناتنا ....بالوقت الحالي لما بتمرّ علي لحظات سعادة أو سرور ...بخاف كتير ...من التجارب السابقة تعلمت ....ورا لحظة سعادة بتجي ساعات ألم و قهر .....فلذلك بخاف أفرح أحياناً....:lol: |
| الساعة بإيدك هلق يا سيدي 19:42 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون