|
اقتباس:
انا مو بس حكيت على قصة القرآن بالجوامع كمان حكيت عن قصة المسواك وعن قصة القرآن والاغاني الدينية والخطب بالسرافيس والكراجات والدكاكين ووين ما رحتي... |
فعلا كل شي تغييييييييير و كتيييييير
صارو الصايمين بهالايام ضاربين العالم بمنية انو صايمين لهيك ناس بحب اذكر جملة من الانجيل ومتى صليت فلا تكن كالمرائين فإنهم يحبون ان يصلوا قائمين في المجامع و في زوايا الشوارع لكي يظهرو للناس الحق اقول لكم انهم قد استوفو اجرهم ومتى صمتم فلا تكونو عابسين كالمرائين لكي يظهروا للناس صائمين الحق اقول لكم انهم قد استوفو اجرهم |
اقتباس:
والله هي القصة مو بس صايرة معي صايرة مع كل الناس و اذا بدك تشوف نزيل عالشارع و تفرج الهدف من الموضوع يا اخي فكرة انو الصايم عم يعمل حالو صايم او بالأحرى ما بدو رمضان يجي كرمال ما يصوم |
يا اخي انتو ضحكو بعبكن .. عايشين ينعمة بشرفي
لسه ع هادا فطر وهادا ادن .. يا اخي ماتجو تشوف بالخليج او بقطر مثلا .. يا اخي بقطر ازا بتفكر تفطر وحدا مواطن بشوفك في ياخدك ع الشرطة او يعملك بهدلة وازا طبعا مارح تسكتلو .. فانو في يتصل ع الشرطة ويأكلو هوا وشي ابشع من الهوا .. وانت ماتقدر تحكي ,, وخصوصي ازا ماكنت اجنبي يعني .. لو كنت اجنبي نص مصيبة بس ازا عربي رح تاكل هوا حتى لو كنت مسيحي او يهودي حتى .. هي طبعا ازا ماشافوك الشرطة فبدن يشحطوك نظامي .. هادا غير المطاعم اللي مستحيل تلاقي ولا مطعم مفتوح .. الا شوية مطاعم نادرة واكيد مارح تسترجي تاكل عندن انا هيك ايام الشباب والصبى اجا ع بالي هيك افطر كم يوم برمضان المهم انو هيك والله انا رحت تخبيت .. بس انو ماتخبيت كتير دخلت ع شارع فرعي المهم بالصدف معدي واحد بسيارتو ووقتا ع حظي كان هيك تقريبا شيخ ودقنو طويلة وقصص ولمحني عباكل .. لمح مالاقي الا وقف سيارتو وبلس يتزور فيني وبدو ينزل يطقني بهدلة .. يوما كنا انا ورفيقي والله ماكان منا الا انو خبينا الاكل ورا ضهرنا وبعدين هو تيسر .. ولسه عنا بقطر جنة قدام السعودية طبعا هي قصص كتيرة .. بقى ضحكو بعبكن .. الواحد في يفطر بالشارع وماحدا يحكي معو شي .. وبلاها هي شغلة النعرات الطائفية ع حدا شغل المسجلة وهادا حط غنية وهادا حط مدري اشو اللي بدو يصوم يصوم لربو .. وبعدين يا اخي الصيام اكتر عبادة ماخرج يصير فيا رياء لانو فيك بكل بساطة تروح تاكل لتشبع وبدون ماحدا يحس وانا اللي بكون صايم وبفطر قدامي انو عادي ماباثر علي يا اخي بفطر .. وخصوصي بعض الجماعة اللي بدن يصربو مراجل بهالقصة .. بقى عادية نحن بسوريا بنعمة كبيرة .. وكل واحد في يفطر ولا يصوم ولا حتى يكفر بالشارع براحتو .. بقى لازم الخلق تتحملل بعضا .. وشوية هالخلق تحسن اخلاقا .. برمضان ولا بغيرو لانو اللي بدو يصير حباب برمضان ويرجع لاصلو الوسخ بعد رمضان هادا بلا صيامو وبلا علاكو .. رمضان صيام لروح قبل مايكون صيام للاكل .. وطبعا للاسف ياريت فينا نصوم اخلاقنا قبل مانصوم معدتنا .. لانو ماحدا رح يتعامل مع معدتنا بس رح يتعمل معنا |
قبل كلشي رمضان كريم شبيبه
هلق كنتو بشي صفيتو بشي تاني ... القصه ومافيها قصة ان الشعائر الدينيه عنا بتخضع لعاداتنا وتقاليدنا ويمكن بشتوف بني ادم مالو علاقه بالدين بس بيصوم برمضان لان القصة منها اكثر من تقليد بيصير بالبلد بشكل عام هلق فكره احترام الاخر ...راح ناقشها بمثال انا عاشرتو بمدرستي الي هيه مدرسه مسيحية وفيها طلاب مسلمين كتار وكتار منن بيصومو الي بذكر ان الشبيبه المسيح معظم ما كانو بياكلو قدام الاسلام من مبدا ان هاد رفيقك واحترام الو مافي داعي هلق ان يكون وقح الي بدو ياكل هاي بلاقيها مو منطقيه لان البلد فيها نسبه عاليه من غير الاسلام هاد غير الاسلام الي مالو علاقه بالصوم كلو عبعضو وهيك مافيك تقيد كل هالبشر لان في طرف تاني بدو يصوم اما ان بياكل او لا هالشي بيرجع الو ...وانا مع ان ماياكل لان يكون تصرف كتير حلو منو وبيخلينا كشعب نقرب من بعض اكثر هلق قصة الجوامع والكنايس انا بالحاليتن ضد ان يركبو مكبرات صوت ان معقول الواحد بعز دين النوم بيفيق لان جارو الجامع ...طيب ما كل البشر بتصلي او ماكلها من هالدين هاد اسمو ازعاج والي بدو يصلي اكيد بيعرف امتاه مواعيد الصلاه او ان عندو منبه فيه يربطو ونفس الشي نواقيس الكنائس وعندي مابيفرقو كتير عن صوت هاني شاكر الي كان بيردح بالبنايه لما بنت جيرانابتكون مضروبه نفسيتها بس نتعلم كشعب ان بطلنا عايشين بالصحرا و مو بس لحالنا عايشين بهالبلد ساعتها راح نخلص من كل هالمشاكل |
اقتباس:
و بعدين اي وقاحة :frown: لما بتكون الناس كلا صايمة و بتشوف واحد حامل فنجان القهوة بالطريق شو بينحكى عليه هااد و بعدين وين احتراام الغير و الادياان ؟؟؟ |
اقتباس:
:deal::deal::deal::deal::deal: |
اقتباس:
والله وصرت تقول حكي كبير كتير :gem: والله ماعرفتك اقتباس:
|
بعدين ليه غيرتو فكرة الموضوع ؟؟؟
شو دخل المسيحين و لا المسلمين بالصيام و انو كل واحد يحترم التاني !!!! عم احكي عن شي هو الإيمان بالصيام |
اقتباس:
احتراما للشهر :D:D |
اقتباس:
تقدر تقلي شو مجبوريتي احترم دينك و انت ما تجترم اراء الاخرين و اراء الغير حتى لو كانوا من نفس الديانة ؟ مسلم و ما عجبو يصوم (شو دخلك انت ؟) شو اللي يجبرني احترم مشاعرك الحساسة ... اعطيني سبب واحد و مقنع |
اقتباس:
انا ما دخلني يا صااح ;) بس القصة اكتر من ايمان و عقيدة القصة زووء و احتراام اذا انا احترمتك و احترمت مشاعرك انت بالمقابل رح تحترمني و تقدر و اذا ما صار هيك هي المشكلة و صعب تعالجها تحيااتي..... :D |
عجبت لمن يغسل وجهه عدة مرات في النهار ولا يغسل قلبه مرة واحدة في السنة
|
مرحبا....
بداية رمضان كريم للكل.... الموضوع مالو موضوع وقاحة ولا شي ....هي الشغلة شغلة زوء بس .... لما بتجي مناسبة مسيحية خاصة نحن أول العالم اللي بنهنّي و أحلى شي لما بتشوف التهاني و التبريكات عمتتوزّع و تشوف هالمظاهر الاحتفالية بعيد الميلاد و راس السنة.... هلاء اللي بيمتنع عن اظهار افطاره امام الناس بيكون مزوء .....بغضّ النظر عن موضوع شو هوه....ملحد و لا من غير ملّة.... طبعاً مالي حقّ أحكي معو ....ليش هيك عمبيعمل ....منين أجبلو زوء يعني.... |
اقتباس:
اي ها ....ياهيك الحكم يابلا..... |
سوري منكن يا جماعة بس اضطريت احزف الردود اللي برا الموضوع ... واللي اغلبا اجت بطريقة استفزازية
ما تخلوا الموضوع كتير يتشعّب ... بس اللي لاحظتو انو ما عم ينقرا الرد كامل .... وما عن الكل عم احكي ... بس ياريت لو بتنقرا الردود كاملي .. لان ساعة وانا اقرا بالموضوع وشي بأسّي .. سلامات :D |
بس يعني ما عرفت ليش طالع خلقكن
كلو لأنو واحد شرب او اكل قدام الصايم مو سمعانين بجملة تنتهي حريك عندما تبدأحرية الأخرين انا ما بفهم ليش بتحملو هالقصص اكتر من اللازم ليش الصايم بيصير عا طول يقول (صايمين يا زلمة و ما في خلق لشي) خلص اذا ما في خلق لشي تسمم كاسة مي و بلاه هاد صيامك الصيام فرض من فروض الدين و اللي بدو يطبقو ما بيجي و بيطبق الصيام و بس في عندك حسن الخلق في عندك الصدق عندك احترام الغير و ما بدي عدد شغلات كلياتنا منعرفها بس نحن مننزعج اذا واحد فطر أدامانا بس ما مننزعج اذا بشي جلسة ما خلينا كلمة عاطلة ما حكيناها عن واحد و للعلم ما في اي تحذير للفاطر اما للغيبة و النميمة قال الله جل ذكره في كتابه الحق في سورة الحجرات: "ولا يغتب بعضكم بعضا أيحب أحدكم أن يأكل لحم أخيه ميتا فكرهتموه" هاد من مبدأ الغيبة و النميمة اللي محذر فيها بالقرآن بينما للصوم نجد الآية {يا أيها الذين آمنوا كتب عليكم الصيام كما كتب على الذين من قبلكم} و في فضل الصيام ما منلاقي انو اللي ما بيصوم رح يحترق و يتعذب و هو فاسق و ما بعرف شو لا الله قللك جملة حكيمة بعيدة عن الترهيب {وإن تصوموا خير لكم} و لم يقل الله في كتابه و حتي الرسول ما شرع انو نحتقر اللي ما بيصومو و الآية واضحة ما فيها ي شي مو مفهوم و أمثلة و أمثلة منلاقيها عن اخدنا لفرض من فروض الدين و تطنيشنا لمعظم الفروض الأساسية التانية و ما اكثر الأيات اللي وردت في تحريم الربا و الميسر و الزنا و الكذب و فضل الخلق الحسن و بر الوالدين و بتمنى شي يوم نوصل لديك المرحلة بأنو نخلي الدين بيننا و بين الرب و معاملتنا بين الناس تكون عالخلق الحسن و سلام للجميع .:D |
اقتباس:
|
اقتباس:
لك نحنا هيك ومو مخلصين فكيف لوكنا مندمجين مع بعض :? |
اقتباس:
|
اقتباس:
مبلا حكيا مزبوط .. ابشع الشي عنا هالتقسيمة الطائفية الكريهة .. يعني برأيك حلو انو كل منطقة تنكتب ع اسما طائفة ودين .. انو مثلا عندكن بالشام باب توما والقصاع لناس والميدان مثلا لناس ؟؟ .. وهادا الشي بندرج عليه شغلات كتير .. يعني ع حد قولك الو ايجابية وحدة الو مية سلبية بالمقابل مارح نطرق لعدن هلأ .. بينما بالعكس ازا قعدوا قلو بمنطقة وحدة وتمو مدموجين مع الزمن رح تشوفي الفوارق زالت .. وتقاربو لدرجة كبيرة من بعض .. وماعاد في هالحساسيات اللي بتهوي ع هادا ادن جنبي وهادا فطر ادامي وهادا دق جرس كنيستو قدامي .. كلو هادا شي بدوب مع الزمن .. هلأ مابدي اجي كتير اعمل مقارنة مع دول الخليج لانو برجع وباكد دول الخليج مو مقياس بالمرة لهيك مقارنات .. ومابتقبل عليها بس انو بالبناي الوحدة مثلا كنا ساكنين مع هندي هندوسي مدري سيخي ولا مدري شو دينو وطبعا مابعرف شو بصير عندن احيانا بحطو ريحة بخور بتخنق .. وفي منن مسيحية كمان واسلام .. وكلن ببناي وحدة والقصة كانت عادية كتير انو دائما في ود بينن وبين الخلق مع انو هندوس .. والكل بيتقبلن ببساطة .. بعد المناطق عنا بحلب صار فيا شوية اختلاط بين المسيحية والاسلام مثلا بدرجات متفاوتة ومالا بهالدرجة كبيرة متل الميدان مثلا .. وبتلاقي في ود كمان وبدرجة كبيرة ومافي هالقصص تبعت العتب وهالشي :D |
الظاهر قلبتو الموضوع لطائفية
صحي المناطق عنا مقسمة بس ما في تمييز يعني اي واحد من الميدان في يروح يفتل بي باب توما و اي واحد من باب توما في يروح عالشاغور يعني طالما هوي بي أدبو ما حدا رح يحكي معو فليش هالهيصة من شان المناطق كل واحد بيسكن بالمنطقة اللي بتريحو و من جهة العزل العنصري نحن ما عنا هالشي ابدا و كلياتنا منعرف هالشي .:D |
انا مني وعليي صرلي تلات ايام مو صايمة واليوم التالت بس ما بقول لحدا اني فطرانة لانو ما حدا خصو ... يمكن خافف ايماني بس من زمان كنت حس الصيام بيتعبني وبيرهقني وبيعصبني ف ليش لصوم وحس بالفقرا اخي ما بدي حس بحدا مو لحتى حدا يحس فيني بالاول ...
وهي ما اسمها وقاحة لانو صدقوني انو ما عم باكل شي ولاحتى عم بشرب بس لاني عم ساوي شي بسيط بس لمجرد كوني بعملو صرت فطرانة عالرغم اني ما مرئت شي لتمي يعني صايمة :o ... وللي بياكل ادامي مابعيرو اهتمام لاني متعودة على قلة الاكل فما حاتدايق من شي وكل مين يسطفل بدينو مو انا للي بقيمو :D |
اقتباس:
مثلا لو سكن عائلة مسيحية بالميدان وكانت جارتهم محجبة ومنقبة والجارة التانية سوبر وفري هية وبناتا؟؟ وحياتك ماحدا رح يحب حدا ولاحدا رح يناسبو حدا العيلتين رح يحكوا على بعض هي سافرة وهي معقدة حاج بقا تعملولي تعايش ديني تعايش ديني مافي كلو كذب واحلام طبعا الابعض الناس يلي قلبا كبير وبتعامل الناس بانسانية لكل قاعدة شواذ نحنا عم نحكي بالمجمل |
اقتباس:
|
أنا اللي بعرفو أنو بنايتنا بالشام كان فيها من شي 4 طوايف وما كان في مشكلة، يعني كان في المحجبات والسوبر سبور وما حدا كان عم يدايق حدا. وبعدو الوضع هيك بكتير مناطق متل التجارة والقصور والعباسيين والمزة وغيرا، يعني مو لهالدرجة القصة فيها انعزالية بالشام، طولو بالكن يا جماعة
|
اقتباس:
هلأ معلم هي المشكلة مي موجودة .. او نادرة جدا بس بعض الاشخاص بحاولو انو يحجموا بسبب نفسياتن هني كــ اشخاص مو كــ مشكلة يعني هلأ هي قصة مترابطة شوف وين كنا وين صرنا انو كنا بقصة صيام وصرنا بقصة محجبات ومامحجبات وجرس كنيسة وادام جامع .. يعني في ناس بدا مولد لتغني فيه هالشي يمكن الحد منو بس بسبب نفسيات بعض الناس عبتلاقي شي عبزيد وبتكاتر مع انو لازم يتحجم وبتلاقي في ناس عادي ومابتدخل بغيرا شو مالبس وشو ماعملا |
احسن شي برمضان انو بيذكر الناس بالحرية الشخصية المضمحلة بمجتمعنا
|
اقتباس:
هلأ بالنسبة للادان يلي عم تحكي عنو انو الناس بينزعجو منو .. ما بيفرق عن صوت الجرس تبع الكنسية يلي كل يوم احد بيخرم طبلة ادني من علي الصوت تبعو .. ويلي ما بعرف وين بحسسني قاعد .. انا المكان يلي عم بشتغل فيه في نسبة مسيحين كتير .. والكنسية فوق راسي لا حتى مش وحدة تنتين .. تخيلي كنسيتين مع بعض يدقو جرس يا عيني ع الصوت كل مرة بحس حالي رح انطرش .. برضو ما بعتبرها وقاحة لانو مجبور اتحمل وبتضل شعائر دينية لناس عايشين معنا ونحنا وهني واحد ... فأنو كل واحد رح يشتكي من شغلة سببها دين تاني او طائفة تانية او اوادم تانيين ..فما رح نخلص .. المهم انو الموضوع اتغير مسارو كليا عن يلي فيه ... |
اقتباس:
انا مو زعلان بس ئصدي يعني انو الناس تغيرت كتيييير :frown: |
اقتباس:
:shock: |
اقتباس:
يخزي العين على هالحكي المر .. ولك هادا شهر الرحمة والغفران ... عيب ما بصير هالحكي والمجاهرة بالمعصية بس بدي إلك الله يكسر من أمثالك |
اقتباس:
ما تغير شي بس انت صرت حساس زيادة يعني القصة مانها مستاهلة الواحد يتنكرز (ان تصومو خير لكم) و ان ما صمتو انتو احرار و خلص |
اقتباس:
خيو تعا شوف هون الشباب اللي بيشتغلو باعمال البناء او الحفر او الحمل والتفريغ .. وهني من جنسيات مختلفة .. اكيد بتعرف الشوب والرطوبة هون و زخ العرق اللي بصير ومع هيك الاغلبية صايم .. بصراحة لهلق ماشفت واحد منهون مسلم مو صايم.. كونو رفيقي مدير عمال فصار حكي بيني وبين بعضهون .. وصايمين بدون ما يفكرو انو عدم الصوم هو خيار اخر بقى هدوول مو عرب و عم يصومو احسن من الكل و الي قاعد تحت المكيف عم يدلل هي مو حساسية هي اسما الغيرة |
طيب شوفو الفصل الي صار معي اليووم
وحدة سورية عندي بالشغل..... الشهادة لله ظريفة و شغيلة.... محجبة و كزا.... اجت اليوم الصبح و قالتلي أنو مدري شو جايبة كوكيز و شغلات للأكل أنو مشان آكول منون اذا حبيت.... أنا سألتا سؤال بريء يشهد الله ما قصدي منو شي..... أنو ما بتصومي؟.... قام فجأة مدري شو صرلها قلبت قد الكمشة و أعدت تبررلي أنو هون ما بتقدر تصوم لأنو الشغل صعب و بلا و ما بتقدر تصوم و مدري شو...... مع أنو قاعدة تحت المكيف و ورا المكتب و شغلتا كلا تلفونات و ترتيب مواعيد و كمان معي بالشغل وحدة فلبينية لك يا جماعة لما بدا تشرب مي بتسكر باب المكتب منشان ما حدا يشوفا و تحترم مشاعر الأخرين شي غريب :pos: |
اي سيدي هي حرة بدها تصوم بدها ما بدها هي حرة .. يعني انت لشو تزعج حالك .. انت الك بحالك وخلص.. يعني ازا بدك تدقق ع كل شخص هيك اي ما بتخلص .. ومتل ما بيقول المدري شو من راقب الناس مات مجلوطا
|
اقتباس:
بس ما بيمنع أنو التنين مزعجين و المزعج أكتر اتهام الآخر أنو وقح ....... لأنو ما آمن بأفكاري ... |
اقتباس:
ههههههههههههههههههه اي عا راااسي خيووو من راقب الناس مات همن اه :p |
اقتباس:
اي صحيح .. بس انا ما قلت يلي قلتو غير لانو مشان بين انو كل واحد بيزعجو شي معين .. بالنسبة لغيرو مش مزعج .. بالنهاية انو انا هالشي يعني ما عمري اشتكيت لحدا منو.. لانو شي عادي وطبيعي .. وما عمري قلت انو هوي وقح .. |
عالهامش ...
يا ريت حدا يحكيلنا .... كيف أحاسيسو بتنجرح .... لما بشوف حدا عم يشرب ..!! أو كيف مشاعرو بتنخدج ..... لما بشوف حدا عم ياكل ..!! |
| الساعة بإيدك هلق يا سيدي 22:52 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون