|
اقتباس:
او مثلا إذا بدي دليل تاريخي على أنو "الدين عند الله الإسلام" أو إنو "اليهود شعب الله المختار" |
هلاء اجيت بدي جاوب لقيت الحوار ماشي ولقيت أن خلخول مجاوب عني بفكرة أنو
اقتباس:
|
اقتباس:
بعدين ماعاد ناقشناك دينيا . قلتلك شيلني من الدين ناقشتك بالعادات وبالأنسانية . الأانسانية بعيدة عن هالشي بعتقد . والانسانية مو بس رأيك . يعني مثلا مابسمحلك تختصر الانسانية . أنا حر برأيي ومتل مابشوف الانسانية من وجهة نظري . |
بدي ارجع لهاد الكلام . أنت أعتبرت أنو أصحاب الفكر المجمد والمحصن بالأسمنت حيكفرك ويخونك . والشباب ماحدا عمل هاد الشي . فبشهادتك طلعو الشباب مو من اصحاب الفكر المجمد
اقتباس:
اقتباس:
طيب منجي اذا بدنا نقيس هاد الكلام بشي تاني . بتطلع كل الكرة الارضية همجية بصور مختلفة . ومن أصغر مثال لأكبر مثال من مثال انو انا همجي اذا منعت جارنا يوقف على الفرندة بلاتياب (لأنو هو حر ومقتنع ومو مجبر وهيك بدو) .لنصل لمثال أنو فرنسا همجية لأنو منعت أرتداء الرموز الدينية . ولأخر الهمجيين تركيا يلي منعت التدخين بالأماكن العامة الخ الخ. طبعا كلامك كان اقتباس:
|
اقتباس:
قلتلك ناقشني كانسان و ايم الدين تبعي على جنب تنين المثال تبعي مين رفع ايد الدين بظن واضحة و ما بدها تفكير و انت قلتو بردك |
اقتباس:
اقتباس:
و فيك تقلي ايمت وصفت انا الشعب المصري بالشعب الهمجي |
انا الي تعليق بسيط ع الموضوع النقاشي ... و طالما نرجع لنفس النقاط
لا تظلوا تصرعونا بتركيا (كما حكينا عنها العلمانية على اساس القومية ) .... لان هي اقصى شي عملوه انو منعوا الحجاب لكن ما سدوا المساجد و لا منعوا الصلاة لكن بالمقابل ... هذا شيئ بسيط من اللي عملوه او رح يعملوه الطبقة اللي تتخيل حالا الوصية على المجتمع يعني من منع الموسيقى بكل انواعها ... الى منع السفرات الجامعية لانها مختلطة ... الى فرض تشغيل الكاسيتات الدينية بسيارات النقل العام و حتى التاكسي فرض نموذج فكري و سياسي ضمن الطائفة الواحدة ... يعني لازم تعتبر فلان حاكم هو حاكم عادل و فلان هو حاكم باطل .. فرض قائمة انتخابية ... يعني بس ينفتح الباب .. ما رح يسكتوا و رح يلوا يضيقوا الخناق و اكبر دليل ... عندك العراق .. و هي الشغلات عملتها الاحزاب الدينية ... مع صمت مطبق من الجهات االمفروض ان تندد بها و ما زال كثير منها مفروض فرضا على الناس ... مثل الاذاعات الدينية او على القليل منع تشغيل الاذاعات العادية او حتى صوت فيروز ! ما رح نحكي على المتطرفين منهم ... هي شي بسيط من اللي حاولوا فرضه على المواطنين قبل ايام بغزة القضاء اصدر فرض الحجاب و منع الروب القضائي و لو ستقف هنا لما حكيت ... بس المشكلة هي مجرد خطوة بداية هلا اكيد رح تنطوا و تقولوا ... مو فرنسا منعت الحجاب ... رح قلك فرنسا منعت حتى ما يصير تفرقة بالمدارس (السبب المعلن) بس هون من لاجل لبس ... انما لفرض ستايل ديني (يعني اللي يخالف يعتبر خارج عن الملة) بغض النظر عن فكرو و هي اخطر بكثير من مجرد لبس ... لان الهدف منها هو سيطرة فكرية شمولية بيد اشخاص معينين و بالتالي السيطرة على القرار السياسي و الفكري للمواطنين على العموم العلمانيين العرب ما فرضوا الى هذه اللحظة اي شي .. انما دائما يهاجمون بالمنابر الدينية و يتعرضون لكل التلفيقات الكاذبة ... اساتذة جامعيين في العلوم الانسانية يقولون للطلاب اذا انتشر الفكر العلماني ... رح تنتشر الدعارة بو المنكرات و و و و ... لا تضحكوا .. لا تقولوا هذه حالة خاصة هذه ليست حالة فردية و انما بروباغاندا مستمرة ! بالنهاية المراكز الدينية اذا تظل دينية ما رح تواجه اي مشاكل بس اذا تدخلت بالسياسة و بالفكر لازم تتحمل المواجهة الفكرية و السياسية وحتى التشهير ... ! اعذروني على الاطالة ... :D |
اقتباس:
انتي عم تحكي كأنو مصر .. ما فيها ولا شي اسمو مسيحي .. ولا شي اسمو قبطي ولا شي اسمو الحاد .. حبيبنا .. المجتمع المصري .. مجتمع متلو متل كل المجتمعات .. فيه كل شي .. وقت بمنع عنو شي .. عند بعض الشرائح مسموح .. وكتير وبيشاركو فيه بعتقد انو المسابقات كانت عم تصير وفيها بنات .. واهلهن رضيانين .. ويا سيدي بيفتخروا فيهن .. ولا شو رأيك؟ |
اقتباس:
اقتباس:
اقتباس:
|
اقتباس:
باكدلك انو مو الشعب المصري هوي يلي قرر لأنو طبعا منعرف مين موجود بمجلس الشعب المصري و ما بدي حلو النقاش لنقاش سياسي |
اقتباس:
اقتباس:
يا زلمي مصر فيها ثقافة وفيها حضارة وفيها مغنيين وفيها رقاصات وفيها دعارة وفيها شرم الشيخ وفيها الاخوان المسلمين وفيها الازهر وفيها الاهرامات وفيها كل شي اقتباس:
بيخالف رأي .. مانو همجي .. بيمنعني انو ابدي رأيي .. او حتى ما بيعترف فيه .. همجي .. وابن كلب .. واللي بدك ياه |
نسيت قول شغلة ...
شو يعني اي نقد يعتبر عدم احترام الاديان اتذكر قبل سنة بالضبط .... طلعت فتاوي و دعاوي على الفضائيات ... تقول لا تجوز الرحمة على محمود درويش لشبهة كونه شيوعي ... لم نسمع مرجعيات دينية معتدلة تستنكر هذا الكلام !!! من تحترم الجهات الدينية الفكر الحر .. . خلي تطالب بعدم النقد ! اعتقد هذا عدل |
اقتباس:
|
يتبع 2
التسلط الديني : سوف ابدأ كلامي عن التسلط الديني بمقولة ل ميشيل فوكو ((الطاغية الغبي قد يضطهد العبيد و يقهرهم مستخدما في ذلك السلاسل الحديدية , و لكن السياسي الحقيق الماهر يستطيع أن يقيدهم بسلاسل أقوى من سلاسل الحديد عن طريق أفكارهم هم أنفسهم و هو قد يستمد قوته من انفنا لا نعرف المادة التي صنع منها )) نستطيع المرور ببعض مظاهر الطاعة المطلوبة دينيا 1-طاعة ولي الأمر 2-طاعة الابن لأبيه و أمه 3-طاعة المرأة لزوجها 4-طاعة التلميذ لأستاذه و الطاعة هل للسلطة التي نخاف منها أو نحترم أو ننتفع منها و هذه السلطة يمكن أن تتحمل المسؤولية عنا أو معنا و هذا يعني إن الطاعة غيرت في الإنسان نفسه ابتداء بقواعد السلوك و التهذيب و البرتوكول وصولا إلى الطاعة في القطعات العسكرية إلى تملق أولياء الأمر أو الآلهة هذا كله من مظاهر تغير الإنسان بفعل الطاعة و هي طاعة أوامر مباشرة او غير مباشرة أوامر مرئية أو غير مرئية و مجتمعات القمع: هي المجتمعات التي تضع هدفها أنه لا بد من تغير شيء ما في الإنسان لضمان انصياعه التام و الدائم و هنا نجد هذا السؤال يطرح نفسه لما لا يتم الاعتراض على بعض الخرافات التي يشيعها بعض رجال الدين بحيث يفترون على الدين بذلك و يظهرونه بمظهر المتخلف و لكن يتم الاعتراض على الفكرة العلمية التي يمكن أن يتحدث بها المثقف بحجة مراعاة رجل الدين لماذا يراعى رجال الدين و تحترم أحاسيسهم تجاه المسائل العلمية و لا يحترم العلم و العلماء و العقل و المنطق اتجاه الخرافة و التخلف ؟ يتبع ... حيونة إنسان – ممدوح عدوان بتصرف |
حلو الموضوع أبو الزوز وإلي هيك تعليق عالهامش:
أخي انت أو انتي ليش بدك تفرض عليي شي أنا مابدي ياه؟؟ يعني انت او انتي مثلاً لما تحط بأخوية موضوع عن فوائد صيام ليلة النصف من شعبان ما بتعرف انو انا ممكن انزعج؟؟ طيب هل انت بتقبل اني نزل أنا موضوع عن فوائد السكر والكفر بليلة الخامس من رمضان مثلاً؟؟ كيف مثلاُ بتقبل انك تحطلي موضوع عن طرق العلاج بالقرآن أو معجزات المسيح؟؟ مابتعرف انو هالشي ممكن يجرحني؟؟ بتقبل حطلك موضوع عن طرق العلاج بلعن الله أو عدم الإعتراف بالله وبالأنبياء وكيف بتريح الإنسان وبتخليه يتحرر من عقده وينظر للبشرية من وجهة نظر أخلاقية عامة؟؟ يعني هيك بس باعتباري قريت كم موضوع انجرحت فيون |
حبيب الكلام اساسا اجا لينتقد حالة دينية من وجهة نظر أبو الزوز . ومن بعدها باليتبع أجا أنو أي متدين رح يهاجمو بأنو كافر وملحد وعقلو مجمد . وهاد ماصار . وعم نتناقش بالفكرة الرئيسية وبالمثال . بس بردك الاسقاطات مغلوطة ورح رد عليهم وحدة وحدة . بس بتمنى أنو نناقش بنفس فكرة وكلام ومثال صاحب الموضوع مشان مايتشتت كتير اقتباس:
كلامك ألو مأخذين ( رغم أنو تناقشنا بقصة تركيا كتير وهون ماحدا جاب سيرة تركيا ) . أولا تشبيه منع الحجاب ( يلي هو من ضمن عقيدة المسلميين ) بمنع حفلات ملكات الجمال يلي مو من عقيدة حدا مغلوط وتاني شي كلنا منعرف أنو لولا ضغوط الجيش وورثة اتاتورك . لو بتجي الشغلة لتصويت البرلمان أو تصويت شعبي . لألتغى القانون . بعكس مثال الموضوع . اذا بيصير تصويت شعبي الكل مع ألغاء الحفلات ( حسب أعتقادي طبعا ومعرفتي بالشارع المصري ) عدا عن أنو كان في ناس تندبح لأنها حاطة الطبوش مثلا . الشي يلي خلا كتير ناس تتخلا عن دينها وأنتج مجتمع من هالحالة اقتباس:
اقتباس:
اقتباس:
اقتباس:
اقتباس:
يعني حتى أعترف فيك مثلا ( مو عن حالي عم أحكي بشمولية ) لازم أنت تعترف فيني . بس المشكلة عند العلمانيين العرب ( بأغلبهم ) أنو هنن ضد الدين . مو مع حرية الدين . وانو هنن مابيحتروا ولابيعترفو بالأغلبية . وأغلب شعاراتهم يلي بيحملوها فرج المرأة ( هي الكلمة يلي كل المواقع العلمانية السورية حملتها لمحاربة مشروع قانون الأحوال الشخصية ) وحرية الجنس وحرية المابعرف شو . بالوقت يلي مابيذكرو أنو بدهم يجيبو من الغرب اي شي من العلم أو أحترام الأغلبية أو أو |
منكمل نقاش بكلامك . وبدي علق على فكرتين هون
اقتباس:
أولا ماسمعت عن حدا بيراعي احساس رجال دين تجاه مسائل علمية . ووين المشكلة بين الدين والعلم . وليش ليتراعى احساسو . بيستحي من المسائل يعني :lol: عدا عن أنو وصف معتقدات من يخالفنا الرأي (خرافة وتخلف) يمكن شي همجي :lol: |
اقتباس:
بس بدي أخد ردك لورجي أبو سارة ليش بعض المتدينيين بيحذروا من العلمانيين |
اقتباس:
المهم أخي بعد ماتورجيه لأبو سارة اذا عندك شي رأي معين على هالكلام وبحاجة لتوضيح مني فأنا جاهز... |
اقتباس:
ولا بيحذّروا ؟ هي اولن .. تانين .. فينك تاخد رد ابو سارة .. اطول واحلى .. وفينك حتى تاخد جملة اي جملة لاء من رد فادي .. لتشوف ليش العلمانيين بيحذروا من المتدينيين |
اقتباس:
حبيبي ... عيوني ... مو قصة اسقاطات قصة مشكلة فكرية يعني من يمنع الاغاني و الموسيقى ... عندو نص ديني صريح بتحريم الاغاني ... بس الاحزاب الاسلامية تؤمن بنظرية المجتمع الاسلامي اللي لازم يتلزم بالقواننين الالهية و ما تعترف بالقوانين الوضعية ... حتو لو كانت بالحكومة ما حدا جبروا يسمع اغاني ... بس هم مصرين يمنعوا تشغيل الاغاني بالاماكن اللي يقدروا عليها اقتباس:
عزيزي ... قد يكون هناك مسلمين متدينين ما يريدوا الحجاب ... او ضد فرضو على الاخرين انا ضد منعو و ضد فرضو ... سواء اجتماعيا او منبريا وحدة بدها تشلح بمسابقة جمال .. انت شو يضرك شخصيا ؟ بعدين مثلا انت تشوف حالات مقبولة بالاسلام مثلا حلال ... بغير اديان ما مقبولة .. و العكس صحيح عمي بالمنطق الانساني ما يقبلها ... اعمل اللي تعتبرو عقيدة و خلي غيرك يمارس دورو بالحياة اقتباس:
ارجع و اقول ما حدا يقدر يجبرني على شي هو يعتقدو صح .. .مهما كان رأي الشارع عسى لو كان 99% .. معناها على كلامك ... ممكن يصدر قرار بمنع اعتناق اليزيدية ... لان ما الها مؤيدين كثار و هذا اعتداء سافر على معتقدات غيرك .. و الفرق بس بالعدد :lol: بعدين شيا تأثير المنابر الدينية ... و بعدين قلي كلهم ضد القرار اقتباس:
و طبعا هذا تغييب للفكر و فرض الرأي باسم الدين او الطائفة و بالتالي تمرير الاحزاب او القرارات ... يعني تقبل حدا يقلك كيف تحب فلان و انت مسلم او مسيحي او اي طائفة .. مو هذا كان من جماعة فلان ... اللي عملت كذا و كذا .. هي تغييب لارادة الشعب و لا تجي تقلي ... نسب انتخابية من تشيل نفوذ الاحزاب الدينية .. الديني ... يعني تمنع التبشير بالاحزاب في المساجد و التبشير انو هم الحل (مثل ما صارت بالعراق و مصر) تعال قلي الشعب رح يرفض او يقبل اقتباس:
يا حبيب نرجع و نقول فرض الرأي ما يعتمد على مين ربح .. الانتخابات تحدد الحكومة ما تحدد الايديولوجيات و تفرض اراءها على الاخرين حتى لو كانوا اقليات اقتباس:
جماعات من الاحزاب الدينية اللي شكلت الحكومة او محسوبة عليها فيك تقول انو الحكومة رفضت قسم منها .. بس المشكلة نرجع و نقول بتغييب الوعي على انو مسلم انت ... لازم تسمع فلان اذاعة و تسمّع الناس الاذاعة الفلانية و لازم تنتخب فلان ! و قد تلاقي اسلاميين معتدلين يرفضون التدخل ... بس دائما صوت هؤلاء اعلى اقتباس:
انت كثير نتأثر ببروغاندا الاسلاميين بكل مكان ما شفت انا شعار فرج المرأة بالعراق ... او بمصر بعدين مشروع الاحوال الشخصية انرفض لاسباب تتعلق بالطوائف و تضييق الحريات عليها بعدين مثل ما انت ترفض كون القاعدة مثل الاحزاب الاسلامية ... لا تفوت بدرب الترويج للعلمانية يعني الترويج للدعارة لان ما في اي دليل عندك .. اما مسابقات ملكات جمال ... هي حرية شخصية و بعدين ... ما فيك تعمم حالة معينة يعني هناك قديو لراقصات مع مسؤوليت بحزب ديني كبير بالعراق ... بس ما شفنا احد من العلمانيين قال انو كل الاحزاب الدينية هي عندا حفلات رقص و سكر بالخفاء ! بس اللي دائما الاسلاميين يروجوه .. انو العلمانيين بلا احلاق .. بلا مبادئ ... يشجعون على الدعارة و الفسق و المخدرات مثال صغير ... فتح اليوتيوب - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - الشيخ احمد السيسي يتحدث عن جيفارا (طبعا في خطبة دينية على الهواء) ما خلا مسبة ما سبوا من كافر الى زنديق الى كل من يضع صورته كافر مثله ..... و اخر شي قال يقاتل في سبيل الشيطان وو طبعا الازهر ... ما حكى شي ... معناها موافق 100% و يتحمل كامل المسؤولية لان هو بشكل او بآخر مسؤول عن الخطباء و تعيينهم و لا تقلي عقيدة المسلمين او 99% من المصرييين يشتموا جيفارا لان هي مو حرية شخصية .. هي اعتداء سافر على البشرية و ما رح كمل من الفاظ الشيخ احمد السيسي .. لان ما اريد انزل بالمستوى ! المهم .. لو كان العكس ... و حزب علماني حكى عن مرجعية دينية ... شو كان صار ؟ كان انقلبت الدنيا ... كان انحرقت محلات .... كان الازهر طلع الف بيان شجب هلا قلي ... مين اللي يعتدي دائما ؟؟ |
اقتباس:
هذا لينك الفديو على الفورشيرد - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - الملعون عدو الله مقاتل في سبيل الطاغوت ... و فوق كل هذا .... يقول شامل باساييف (خاطف الاطفال) بطل الاسلام هذا اكبر دليل انو هذه التيارات و مؤيديها امثال الشيخ اللي يخطب في المسجد هذه الافكار الرديئة ... هم الخطر الاكبر على الجميع ... عندما يتم منع هؤلاء من بث البروباغاندا ... احكيلي عن ال اغلبية و الاكثرية ! |
ابو سارة .. انا بعتذر ..
بس الله يسم بدنك |
اقتباس:
الإلحاد (كدين أو معتقد) هوه الاساس الذي نبعت منه العلمانية نتيجة تسلط الدين على السياسة وتسييس الدين من قبل بعض السياسيين على مر العصور, وبنتيجة التطور الإنساني, أنا بعتقد أنو العلمانية لا تتعارض مع الإيمان الديني الحقيقي مهما كان نوعو, يعني فيني كون مسلم أو مسيحي أو يهودي وعيش بدولة علمانية, مافي شي بيمنع! أما تجي تقلي انك ممكن تنجرح إذا حدا إجى طرح موضوع يربط الدين بالحياة, فلا تواخذني, هاد مو من شيمك Viva Syria الي بعرفو من كتاباتك انك متنور وبتعرف تمام تفصل الدين عن الحياة, وتفصل المعتقدات الخاصة عن الحياة اليومية... مشان هيك, متل مو حقك تحكي متل مابدك عن معتقداتك, كمان أنا حقي احكي متل مابدي عن معتقداتي... ولا لأ؟ بس حقي اتدايق ورد لما بتجي بتحكي بشي من معتقداتك يمس أو يهين شي من معتقداتي, مثلا انك تقول أنو النبي تبعي كذاب, أو شي من هاد, هون طبيعي جاوبك... للأسف نحن لا نتمتع بروح رياضية تمكننا من مناقشة هكذا موضوع بعلم ومنطق, ولكن للأسف نتحول مباشرة للصراخ والشتائم والحوار غير الحضاري... وبيتحول الموضوع لخناقة. أنا رأيي انو هي النقاشات هيه البرهان الحقيقي على الإيمان, إذا إجى حدى طرح فكرة أنا بعتبرها سيئة) عن النبي تبعي, فالمفروض اني بدل ما اتحرك من منطلق تعصب قبلي أو ملّى, إني اتحرك من منطلق مناظرة debate حقيقية لأثبت لهاد الشخص أنو وجهة نظرو خاطئة (عالقليلة بنظر) وساعتها إذا اقتنع, بكون أنا انتصرت للمعتقد تبعي, أما إني سبو وأشتمو ومدري شو, فهاد دليل واضح على ضعف أيماني بهي الفكرة اللي عمدافع عنها وأنو ارتباطي فيها هو مجرد تعصب قبلي أعمى! |
اقتباس:
1- لديهم الاعقاد المسبق بالمعرفة الكاملة, ويقسمون الناس (البشرية) إلى قسمين: من ليس معنا فهو علينا, أي أن البشرية تُختصر في مسلمين, وغير مسلمين! وواجب المسلمين أن يحاربوا غير المسلمين. 2- وجود أي تيار فكري آخر مهما كان نوعه, يكفي أن يكون مختلفا عنهم ويتمتع بقدر من المنطق ليخافو منه لأنه سيشكل خطرا على مملكتهم المصنوعة من الورق, والتي يعرفون تماما أنها قد تسقط بسبب أي تفكير منطقي سليم, للأسف مملكتهم لم تعد من ورق, بل تحولت إلى صخور متينة نتيجة سيطرتهم المطبقة على مجتمعات بكاملها, وتحكمهم بعقول الناس من خلال المتجرة بالرغبات والحاجات الأساسية عند الإنسان , كالطعام والجنس وغيره, من خلال وعود بحوريات وأنهار عسل وووو.... وللأسف تعتبر هذه الطريقة ناجعة مع مجتمع بدوي متخلف تعود على دفن البنات أحياء فقط لأنهن ولدن بنات وخوفا من أن يأتيهم العار بسبب هؤلاء البنات, لأنهم يضعون كرامتهم وشرفهم بين أفخاذ هؤلاء البنات!!!! |
عبس والله عبس
|
اقتباس:
عبس نسبة لقبيلة بني عبس يعني ولّا المقصود عَبَث؟ |
اقتباس:
|
اقتباس:
كما اتفق العلماء و صحح المجتهدون اما من ناحية قبيلة بني عبس فلا نجد علاقة لها في هذا النص بناء عن بعده عن الجاهلية :larg: |
لح يتم ايقاف انزال المونولوجات حتى اجل غير محدد
و ربما يكون في موضوع اخر و لكن كلو عند العرب بطاطا |
اقتباس:
متابعة على طول اذا كملت هون او اذا عملت موضوع ثاني :D لألك |
اقتباس:
هلاء على الهامش بدي رد على شغلة للصراحة ضحكتني شوي اقتباس:
اقتباس:
اقتباس:
كمان من وين بتحب بلش . من الغارات الأميركية اليومية على باكستان وأفغانستان . يلي بيروح ضحيتها عشرات العزل . ولا من الأانظمة العربية والغربية على السواء . يلي بتمسك المتدين وبترميه بالسجن بدون تهمة واضحة ( بيركبولو أرهابي وبيئولو ركود:lol: ) . ولا من المصرية يلي أنقتلت لأنها حاطة حجاب ؟ أبو سارة الموضوع مو سفسطة وشعارات وعموميات بتفترضها وبتعممها بالصورة يلي بتعجبك . وكنت بتمنى شوفك عنجد عم تناقش من ضمن الموضوع والامثلة :D |
اقتباس:
انت لازم تبوس تيتي جابتلك هدايا انت لازم تحب بابا و تبوسو هوي عما يشتغل مشانك و ليش ما في طاعة الزوج للزوجة اذا هي احترام اقتباس:
اقتباس:
اقتباس:
البعض و ليس الكل اقتباس:
و بعدين هادا المونولج منقول مانو من كتابتي بل منقول من كتاب حيونة انسان بتصرف |
من وحي النقاش بالموضوع ( دعماً لاستمرار الموضوع )
هشاشة الفكر وعجز اليات الدفاع الجدلي
"كلما ازدادت الفكرة هشاشة كلما ازداد ( ارهاب ) المدافعين عنها " من أكثر أليات الارهاب الدفاعي للفكر الديني خطورة الارهاب الفكري القائم على عدم تقبل الفكر الاخر المختلف , " إن كنت تختلف عني فانت مصدر تهديد , أنت عدو يجب القضاء عليه " تكفير التفكير الحر للعقل الانساني من اهم أليات الدفاع للفكر الديني المنغلق لا مكان للاختلاف في حرب النفوذ والسيطرة على عقول الاتباع . لذلك فان تعمية الحقائق وحجبها في دوامات التحريم والثواب والعقاب , و اختفاء ثقافة الحوار المعتدل في الفكر الديني , والجدل القائم على العلم والدلائل المادية لا الغيبية, أدى إلى انتشار حالة من التعصب الاعمى لافكار معدة مسبقاً من مجموعة من رجال الدين ( أياً كان هذا الدين |)يهدفون في النهاية إلى الحفاظ على السلطة . ويقوم الاتباع بتسويق هذه الافكار بطريقة غوغائية وبتسليم أعمى دون النظر أو التدقيق في خطورة النهج الذي يدافعون عنه أقول من حقي كأنسان أن أعبر عن أفكاري بكل حرية . «التعددية = ديمقراطية = حضارة؛ الوحدانية = قمع = بداوة». وبالنهاية بدي أختم : قد لا أوافق على كلمة مما تقول ولكني مستعد أن أدفع حياتي ثمناً لحقك في أن تعبر عن افكارك |
اقتباس:
بن لادن ما ظل مكان الا و بعث انتحاريين و مفخخات ... و هي انا عايش قدامك بعد النجاة من مفخخة كانت على بعد 100 متر عني بالنسبة لوفاء سلطان ... جيبلنا الفديو اللي تقول لازم نبيد كل المسلمين ! اقتباس:
طبعا بدل ما نخلط الاوراق ... نعرف كثيرا ما عملته الطالبان .. و كلن وحشية الاميركان ضد المدنيين مو اقل من وحشية الطالبان ضد المدنيين بس هني الطرفين بحرب ... و ايضا ههم قتلوا مدنيين فقط لانهم ضد التوجهات الدينية لهم في الباكستان و افغانستان القصد ... لا تخلط الامور .. ناس بحالة حرب ضروس ... و نهرف كل المعرفة انو الحرب مو دينية ... الحرب حرب سيطرة اقتباس:
الايديوجيات الحزبية الدينية تشتغل الشعوب حتى تفرض اراءها و تغيب الوعي ... بالنهاية هذا الشيخ اللب حطيتو بالمثال .. بالنسبة الي مو رجل دين و انما رجل سياسي او رجل عادي .... بس استخدم المنبر الديني لاغراض سياسية و لو حصل و تم اعتقاله او اعتقال امثاله ... مو لانهم رجال دين مسلمين ... بس لانهم يستغلون المنابر بالتحشيد و التحريض على الارهاب و القتل و التغرقة العنصرية او المذهبية بالمختصر ... ما دام دخل هذا الدرب ... لازم يتحمل كل النتائج لان افكاره السامة .... ممكن تعمل مذابح و بكل العالم ... اي شخص يحرض على العنف ... يتحاكم و بنمنع .... هاموش ... ما جاوبت على رأي الشعب (ضمن الموضوع) انو 99% مع او ضد و انو رح تطلعوا قانون حظر الديانات و الاقليات ... لان الشعب ما بدو يشوفهم ! |
اقتباس:
الحلو بالموضوع انو البرنامج ثاني يوم ينعاد من قبل المشاهدين الحبابين (اللي ما ينسوا الفارزة و الشخطة) و يقلك عم نتحاور :o لو عندي سلطة .. كان اغلقت 75% من القنوات الدينية ! |
يمكن الحل هو مو فصل الدين عن الدولة وإنما فصل الدين عن رجال الدين، أنا بعتقد أنو مشكلة الدين هي بيللي بعتبرو حالون قائمين عليه، السلطة اللي بيستمدا رجال الدين من مراكزن هي أكبر بكتير من إمكانياتن الأقل من متواضعة، وفجأة بيلاقو حالن قادرين يقررو بيمواضيع كتير ما بيفهمو فيها شي، وبيصير الموضوع بالنسبة إلهن كيف يستغلو عواطف الناس الدينية لتثبيت مراكزن، وهاد الشي بينطبق على رجال الدين من كل الطوائف والمذاهب، يعني تخيلو الدنية بدون رجال دين أديش بتكون مختلفة، المفروض أنو كل شخص يبني تجربتو الروحية لوحدو لأنه العلاقة بين أي شخص وربو ما لازم تمر عبر أشخاص تانيين وإلا ما عادت علاقته هو وإنما نسخ لتعليمات حدا تاني،
|
كلام سليم اخ ما روشكا و أكبر دليل على كلامك التقاسيم الطائفية اللي صارت بالإسلام من ورا رجال الدين اللي كل واحد حس حالو هو الصح بتفسيرو و مذهبوا و اللي ادى الى كوارث طائفية و عداوات مستمرة لحد هلق و ما رح تخلص
وجهة نظرك عجبتني جدا سلام:D |
| الساعة بإيدك هلق يا سيدي 09:41 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
