|
اقتباس:
بس انو بتعرفي .. هالجملة ضحكتني كتير وفوق ما بتتصوري:lol: اقتباس:
بتوقع اني ازا حكيت كلمتين زايدين معي .. فا حا تفرط معي الحكايا :lol: انو ردودك بموضوع البريد من شي اسبوعين تلاتة هاد مو استهزاء واستحمار (حاشاني) ... للعضو يلي قدامك == انا :? انو ازا قلت .. القوانين معفنة ... معناها مسيت بقدسية القوانين المنزلة !! وبستحق الاعدام شنقاً مثلاً ! :shock: انو كان في كلمة بتمي .. بس الها وقتها :pos: |
اقتباس:
يعني لهلا ماشفت حدا من المشرفين مرة فال والله سوري ياجماعة كان تقديري للموضوع غلط وبعتذر يعني ديما لازم يكون هنن اللي مهن الحق؟؟ولامرة ممكن يكونوا غلطانين |
الوضع صاير بيهوي
يعني انا طفشان من حالي ومن هالحالة اللي وصلنالها يعني الواحد بيقول بدي انسى همي وشو فوت ع هالموقع اكتب كلميتن مناح ومفيدين او اقري شي منيح وللاسف بيطلع وبيخبط راسو بالحبط ما بعرف انو ليش نحنا حاطين هالمشرفين شماعة ونعلق عليهون كل غلطة بتصير انو المشرف ما قلبت مع القصة وصار هيك الله نازل بعلبة ع اخوية يعني الوضع اللي نحنا في بدو ايد من حديد يعني ماحدا عم يفهم انو أخوية غير أخوية بتختلف عن مليون موقع موجودين وبتشوفهون الناس وكل واحد بيجي بيعمل كوبي بيت ليش موضوع بمنتدى خليجي خاص بالبنات وبدو الموضوع ما بنحذف او بيفوت ببيلش بأيات من القران والانجيل وبيبلش يقول عن هاد كافر وعن هداك زنديق ولازم يبقى الوضع متل ما هوي يعني مع كل اللي عم بيصير أخوية فاقدة لمستوها نص المواضيع بدها حذف صرت اخجل لما فوت ع الصالون وشوف هالقصص نحنا مو هيك ومن البداية مقررين نكون مختلفين ولانو مختلفين صار معنا مليون مشكلة مو هلق بعد ما وصلنا للمحل اللي وصلنالو بدا نجي بحجة حرية التعبير نقول شو ما كان وننزل شو ماكان اغلب الاعضاؤ اللي اعترضوا غير فؤاد وكم واحد اذا بتشوفوا ملفاتهون ومشاركاتهون بتلاتقو انو الرد على اعتراضهون حرام العالم مبلشة بريم على طريقتها وهي مستلمة الصالون يعني مكان التخبيص النظامي وما منشوف الناس التانية اللي مبلشة كتابة ورد بلا طعمة قبل الواحد ما يكتب موضوع يكون عندو مسؤولية شو عم يكتب ويكون عندو ادراك وفكر ومراعاة للمستوى اللي نحنا في يعني مافي قسم متل العالم والخلق انا كنت مشرف بالموسيقى وما اشتغلت بالموسيقى كتير بحكم ظروف معينة وقديش قسم الموسيقا تمام بالنسبة للمواقع التانية مو بس تمام هوي الافضل ومستلموا سامر انا لو هلاء مستلموا نص الشغلات بشيلها لانو انا مستحيل كنت خلي غنية لوحدة مدري مين هي بتجعر بقسم الموسيقا بقول عنها موسيقى بيجوز كتار يقولوا انو هي ديكتورية وانا بقلهون لاء اللي بيحب نوع او نمط معين من الموسيقى بيلاقي محل متخصص والانترنت ما بيقطع حدا وهلمثال خدووو على باقي المحلات باخوية يعني لو الاعضاؤ\ء عم بيراعو خصوصيتنا ما كنا وصلنا لهون بقا كل حدا فينا يظبط القلم تبعو ويكتب بمسؤولية راح تلاقوا انو المشرفين ماعادو موجودين واختفوا لانو نحنا منكون المشرفين بوقتها فاذا عم تطالبو بتغير المشرفين انا بطالب بألغاء المشرفين ونكون كل حدا مشرف ع حالو دمتم ودامت اخوية :D |
لك عسكور انت هون !!! :gem:
مطالعين عليك اشاعة انك تركت المنتديات و فاتح غربية بليلة بالقصاع :lol: ...انا اول شي صدقت ,,بس بيني و بين حالي قلت عسكور ما بيعملها .....مين بدو يحمي المنتدى اذا انت رحت ؟؟؟ :zen: احلا زين بشرفي :D |
اقتباس:
بعدين انت شو مشانك مابيكفي مقتبس نص مخالف؟؟ كمان سبام؟ :sly: |
صدقوني ياجماعة الاحترام المتبادل مطلوب بين الطرفين ..
موضوع عجبك فوت واحكي لك كم كلمة حلوة .. ماعجبك وحسيت انو بيخالف تفكيرك .. اطلع منو من دون ماتحكي ولا شي .. وإزا بدك تناقش شي خلق قد حكيك .. والتزم بالاحترام للآخر .. هدا رأيي .. [/center] |
ممكن اعرف من ريمي ليش سكرت موضوعي تبع النقاش بين الاعضاء والمشرفيين ؟ |
اقتباس:
سؤالين عاى الهامش مرة تاني لريمي هلاء أي أهم . قانون بالتشريفات يعني موضوع بيضل يومين وبيروح . أو بالسقيفة . كمان مواضيع مو نقاش حاد . ولا أريحية للأعضاء بتزيد مشاركاتهم وتفاعلهم وعددهم واي اهم نجاح المنتدى ولا القانون . يعني اذا لقينا القانون في غلط ما منعدلو . لأنو الأاهم أنتشار ونجاح أخوية . والنجاح مابيصير بالقوانين العصملية . النجاح بيجي من روح الموقع والاعضاء هنن يلي بينجحو الموقع . أفضل موقع بالدنية بدون اعضاء هو صفر . أفشل فكرة بعدد أعضاء هائل هو موقع ناجح . فلحنا بدنا نحاول نجمع بين التنين . بما أنو متفقين كلنا انو منحب أخوية |
هي جيت بدي رد ، وفكرت كتير وما عرفت شو ناطرين مني رد بعدين شرط لأي حوار يكون في طرف حابب يحكي و " يسمع" ، انا ما حاسة هون في حوار انا حاسة في ناس حابة تخانق .. رح احكي عن الاشراف بأخوية متل ما بشوفو ، أنا بشوف انو الاشراف عندو شغلتين " يحافظ ع توجه قسمو ، + ينشطو " نبدا من أول وحدة وهي سبب المشاكل كلها عموما ً بأخوية ، أنو الاقسام ألها توجه معين .. وإلها نظام معين وترتيب معين " بالمكتبة مثلا ً كتب الكاتب الواحد بتندمج بموضوع واحد " ، " بالخواطر اللي ملطوش ومانو إبداع العضو رح يطير " ، " اللي رح يسب رح يتخالف " ، المواضيع المسيئة للأديان بتنحزف ... وهيك هالضوابط رح تمشي ، لما تتحول أخوية لسبيل ، لموقع دون توجه ودون هدف ، مافينا نلغي الضوابط كرمال عيون حدا .. لأنو ببساطة بنكون وقتا عم نسيء لأخوية المشكلة بتصير أنو العضو بيخالف الضوابط " وهادا مسموح لأنو عضو ، وحر " ، والمشرف ما بيصير يخالفو " لأنو مشرف " وإزا خالفو " قمعي واستبدادي .. وإلخ إلخ " الحرية مانا فوضى ، اللي هيك فهمان الحرية ما منقدر نقلو شي ، بس يعني بأخوية ما هيك الحرية وإلا كان ما في اعراف وضوابط لكل قسم ، ولك حتى ماكان رح يكون في مشرفين تاني شي تنشيطو ( بعتقد واضحة ) أنا ك Butterfly ومعرفتي تماما ً بالعمل اللي عم اعملو بأخوية ، وبمدى الوسائل اللي معي أكتر من راضية عن كل شي .. عملتو وعم اعملو ، ويمكن رح ضل اعملو لفترة كمان بصراحة ، سألتزم بعدم مناقشة البعض - لا لشيء إلا لأنو أعتقد أنو لهجة الحوار ما بتناسبني شكرا ً :mimo: ( هادا السمايلي هو الشي الوحيد بأخوية اللي مطوب بأسمي .. ) |
اقتباس:
اقتباس:
بعتقد اكبر من هيك خط ماعاد بيمشي الحال |
يا زلمي ردت عليك و الله ردت عليك...و حياة بنت الكبة انو ردت عليك , و جاوبتك :lol: من الضفحة الماضية يعني , رجاع للرد رقم 30 , حتى مسمايتك بالاسم ...كاتبة أممي ...انت أممي ما ؟ ولا شي حدا سارقلك حسابك ؟ :?
خيو كاسك اجسن شي :nirvana: |
اقتباس:
صديقي وين الاهانيه بالرد؟ هاد يعتبر نقد وباعتبار الرفيق من دعاة الديمقراطيه يفترض يدافع عن حالو مو يلغي المقال من ارضو ثم رفيقي بيناتنا ان اجتني مخالفة منو شخصيا مرفقة بفكرة ان هوه مو فاضي ليفسر ليش المقال مخالف ان حبيبنا انزل من عرشك العاجي وووضح هاد الاسلوب مابيليق بمشرف للاسف... ومتل ما اتفضلت الرفيقة ريمي ان انا حافظ شعارين وعم رددن فبنضري من حقنا ومن حق صوفي ان تقول هالشي نفس علي ياس او غيرو لو بتلاحضو معظم الي مشاركين بهالموضوع هنن من القدماء هون وبالتالي موضحيح فكرة ان الانزعاج صاير بس من الجداد(رغم ان الاعضاء الجداد يفترض ان يتوضحلن ليش عم يصير هيك معن) عيب ان مشرف موجود هون ورفقاتو الموجودين معو من سنين عم ينتقدو ومابيكلف خاطرو يفوت يرد ....هاد الي اسمو استسخاف بردود الاعضاء وعدم اعارتها اهميه |
اقتباس:
هلأ بالنسبة للي كانت كاتبتو الانسة انا شخصياً عملت فيه تقرير مشاركة عاطلة , و اكلنت مخالفة لاني اقتبستو , و رديت عليها و قلتلا اني رح اطبعو ع ورقة لغاية في نفس يعقوب:o الشي اللي طلع منها بالرد ما بيندرج لا باطار نقد ولا غيرو , هو عبارة عن تجريح و اهانات و حكي من فوق الاساطيح ,و انا شخصيا كتير اتدايقت انو باخوية في نماذج بتفكر بهالطريقة , قشعر بدني الله وكيلك , بقى حاج تقلي مافيه اهانة مشان البيبسي يا زلمي . بعدين خيو انو ماسكيلي السلم بالعرض و عاملين مهرجان شعبي انو و الله الاعضاء عم تطفش , الاعضاء راجت ...ما بعرف شو .و عديتو بالاسماء ابو طوني , زين , قرصان , و اللامنتمي . زين ليكو ..لا تارك ولا شي ..و مزعوج من الاعضاء اكتر من الاشراف . قرصان متدايق كرمال مخالفة بس حالف يمين ما بيترك اللامنتمي عم يخبرونا الشباب انو عندو اسباب شخصية باقي ابو طوني ..و ماني حابب احكي شي باعتبارو غايب , لو انو حاضر كنت حكيت . بس هه خليني مسكر تمي احسن ما يقولو انو استغبناه للزلمي .:pos: بقى يعني انو ماني فهمان ع شو هالشوشرة ؟؟؟ انت ملاحظ معي انو شوشرة ع الفاضي , و انكن عاملين من الحبة القبة , و انو زودتوها شي 5 حبات ؟ يا اخي شو بدكن المشرف يكون مبولة يعني:o ؟ او ممسحة مثلاً ؟:pos: انو حي الله واحد مارق بالمنتدى بسب ع المشرف بحجة الديمقراطية ؟ بعدين منين جايبيلي هاي قصة الديمقراطية ..حبيبي باعتباركن قدماء هون المفروض بتعرفو انو مافي شي اسمو ديمقراطية بالمنتدى , شي مرة انتخبت مشرف انت ؟ او مثلا رشحت حالك للاشراف ؟؟ اخي المشرف بني ادم ...الله وكيلك رصاصة بتقتلو ...لك اي اي متل ما عم قلك ..و اذا شنقتو بيتوفى:cry: انت عم تحكي عن اهانات فكرية بحذف المواضيع , على راسي يا معلم ...انت زلمي باينتك مثقف و مرهف الاحساس ,و بتقدر قيمة الكلمة , بس كمان يعني لو بتقدر قيمة شغلهن للشباب ,و كيف بكون شعورهن وقت بيجي واحد هيك عم يحكيهن من فوق مفكر حالو عند الله او فوقو بدرجة , و يتهمهم بقضايا بدو 100 سنة نقع بالشو اسمو ليفهم شو معناتها يعني . في امور انطرحت بالموضوع و هي مزبوطة , و اللي طرحوها طرحوها باسلوب مزبوط و راكز , بس الغريب انو اللي عم يطرحو الطروحات اللي مانها راكزة اصلاً كمان عم يستخدمو اسلوب مانو راكز . اسلوب خرياطي اذا بدك :x. اخي انت هلأ اذا صرت مشرف انشالله مفكر حالك بتخلص ؟ بزمناتو محسوبك كان مستلم شقفة قسم موسيقى , لا فيه حوار ولا بطيخ , و انا بدي مشي القسم باتجاه معين يا اخي , هيك مراقي ..بيجيني واحد عم يعاتبني ليش ما ثبتلو مثلا الموضوع تبع موسوعة ربيع حمدي اللي عاملها هو , منقلو معلش معلم حقك علينا , بقوم بياخد وجه ...ببلش يبهدلك و يعلمك كيف الشغل الصح ..بتسايرو كمان شوي بتفلو زرعها بدقني يا اخي , بصير بدو يعبيلك القسم ربيغ حمدي , بتخالفو... بقوم بيفتح عليك موضوع بالبريد , او بروح بصوت ضدك بموضوع المشرف الغير مثالي:lol: اي و الشغلة ما بتوقف ع عضو واحد , بتلاقي عندك شي 30 واحد من هالنمرة , و كل واحد معو رفقاتو 4 او 5 ع شاكلتو .و هيك يعني , هدول اذا فتحو موضوع ينتقدو المشرفين بدهن يعملولك المشرف ابن كلب لانو مانو ع كيفهن , او مثلا هواه غربي و هواهن شرقي , او مثلا لانو ما هضموه ..الخ بقى انا شخصيا ما كتير بتعاطى بجدية تحاه هيك نوع مواضيع , يعني هي المواضيع اللي مفتوحة خص نص لنقد المشرفين , خبرتي بالجياة علمتني انو اسوأ أعضاء بالمنتدى و اقلهن انتاجية هني نوعية الاعضاء اللي بتستهويها هيك مواضيع , اما الاعضاء الفاعلين و المنتجين و اللي بيغنو احوية هني عادة الصامتين ..بجوز تكون ما سامع فيهن , او حتى يمكن المشرفين ما ملاحظينهن , بقى يعني مع احترامي الك انت كتير غلطان بطرحك بهالموضوع , و مقارباتك و مقارناتك شي بمزرعة الحيوان و شي ب 1984 كتير ظالمة و كتير متطرفة اذا بدك , و اذا في شوية هفوات هون ولا هون ما ضروري تطالبو باعتذار للمشرف و كانك مسكتو ع شغلة و بدك تذلو فيها , اي بيغلطو معك بفاتورة الكهربا 100 مرة ما بتطالب باعتذار , ياما و ياما طايرلك وحدات من موبايلك بالهوا و ما طالبت حدا يعتذرلك ..مع انك هنيك عم تدفع مصاري و المفروض انهن بخدمتك يعني , فما بالك انت بمنتدى الشبيبة اللي ماسكين الاشراف فيه عم يعطو من وقت راحتهن لتفوت تتسلى ؟ بقى ما بصير عليك شي ولا بتنقص كرامتك اذا عديتلو وحدة للمشرف بدون ما يعتذرلك يعني , بتكون كتير حركة شيك منك :larg: متل ما عم قلك ..انت باينتك زلمي قبضاي ..و صدقني مكانك ما بهالخندق , لانو محل ما انت متخندق حاليا في زمرة ما بعرف كيف بدي اوصفلك ياها...بلا ما اوصفلك ياها و اتخالف هلأ ....بس يعني انو في زمرة ما بدك ياها منوب ;) و هاد اللي عندي و سامحونا :D |
مرحبا شباب..
أنا فكّرت كتير قبل ما احكي شي كلمتين هون.. مع اني متابع مواضيع الخلافات و المظالم:lol: يللي عم تنكتب بالبريد و خلافه .. قلت لحالي خليني احكيلي شي كلمتين بركي بتجمع طرفي النزاع بشي نقطة بيلتقو فيها و كل منهن بيعرف هوي هون بهالمنتدى ليش و شو في إلو و شو في عليه. المخالفات واردة و مألوفة .. ما خلصت و لا رح تخلص "هي بشكلها الطبيعي " أما إذا حابب تاخدلك شي مخالفة بغير نكهة يعني:lol: .. ففيك تستفز مشرف القسم و ما ضروري المخالفة تكون لأسباب وجيهة .. رح تكون فعلياً لأسباب ما اجت على هوا المشرف, أو هيك بيجوز يا عمّي أنت اسلوبك مو عاجبو للمشرف و اشيا كتير .. لما بيصير في تمادي بالمشاركة هيك بتصير فرصة للمشرح ليستناولك .. ليش .. و يا ترى هيك عدل و إلا ظلم .. إذا بدنا نناقشها لنعرف ليش و هل هي عادلة أو ظلمة. بدنا نعرف أحجامنا .. و منشان ما نكذّب على بعض بدّي قول بأنو التمييز و الدرجات موجودين بكل مكان .. المشرف عندو صلاحيات أكتر من العضو .. وجهة نظره مسموعة أكتر من العض بل مأخوذ فيها بغض النظر عن انها وجهة نظر سليمة أو خاطئة أو متحيّزة أو خلافه .. كمان الأحزاب واردة و قديمة قدم التاريخ و الانسان .. أنا من وجهة نظري الأعضاء بدل تضييع وقتهن " و خلوني استخدم هالمصطلح " باستجداء و استنهاض عزيمة و ناموس المشرفين .. خليهن يعملو شي يتجاوزو في المشرفين و ضمن الأصول. يعني الحقيقة و ما تزعلو منّي و خلينا نحكي بصراحة .. شي بيضحّك .. المفروض الأعضاء عم يُمارس عليهن قمع من المشرفين يللي مشكلين عصابة هون ضدهن:lol: .. بعضهن عم يعرف كيف يحاور و البعض و للأسف عم يخلط الجد بالمزح على شوية تنكيت و أحياناص مساخر " أنا بدّي تستثنوني من هالدائرة لأنو بيجوز بتعرفوا أنا مش من المكثّرين بهالمنتدى .. بس حلكن تفهمو الدرس يللي هوي أول درس بيتعلّمو الانسان بالحياة " الملتقيات الاجتماعية أو السكانية أو أي عُصبة .. بدها ادارة .. و العضو و هوي داخل ما بظن داخل لحتى يدير الموقع أو قسم منّو .. في ناس داخلة لتقرأ و تتعلم .. ناس لتمرير شوية وقت .. و ناس يللي أنا لساتني عم إتأمّل بقصتهن .. أي ناس عاملين الموقع حياة لإلهن .. الانترنت أو الموقع هاد بالتحديد بياكل و يشرب معهن .. و ما بتستغرب إذا الأحداث يللي بتصير هون .. أحياناً تجيهن بأحلامهن .. يعني بصراحة بدي قول كلمة و بس غلهن إنو Go and get live .. منرجع للقمع يللي عم يحو عنّو الأعضاء .. طيب مادام المشكلة بينكن و بين ادارة الموقع يللي بايدها الـ Access لكل شي بهالسايت و موقفهن معزز بكتير من موقفكن فكيف هي راكبة بأنو عم تشتكو لقاضي هوي عضو بالخصام؟ هي ما بتزبط .. جد من دون مضيعة لوقتكن و أنا هون ما عم حرّض الاعضاء عالمشرفين أو غيرو .. للأعضاء أنتو فيكن تهمشو المشرفين بالمطلق إذا عرفتو تختارو مواضيعكمن و تدرسوها .. طبعاً بدكن تراعو شروط أو أعراف المنتدى .. يعني لحد ما الاشراف حاطط فجوة بينو و بين الأعضاء ما بعرف ليش .. بيجوز تميّز .. أو شغلهن هيك بيطللب منهن؟ الله أعلم. في نقطة أخيرة بدي احكيها بخصوص الاستخفاف يللي هوي عنوان الموضوع .. في استخفاف من بعض المشرفين كمان من بعض الأعضاء يللي إلهن Bond مع المشرفين و أكيد هالاعضاء و مارح سميهن بأسماءهن الفعلية أكيد رح يعرفو مين هنّ .. يعني كيف بدّي سميها هي متل الـ Common Courtesy لما بترودو بأسلوب مهذب و لطيف باعتبار الكلمة الحلوة طالعة و السيئه طالعة فبظن اختيار الجميل واجب .. فإذا حدى حابب يكون Icon فأكيد بدو يتبع أسلوب الكياسة و الحوار الجدّي .. كملان لاحظت أسلوب الـ Showing off من الطرفين المتنازعين .. طبعا من دون تعمميم .. أي يا عمي فيك تستعرض مواهبك قد ما بدذك بس بأسلوب بيلاقي القبول .. هيم بينطلب منّك المزيد. و آخرتها الموضوع ما بيستاهل و إذا حابين تاخدوها بشرع الغاب -و هاد بظن ضد كل فكر و معتقد بتىمنوا في - فأكيد رح تّمو طرفين نقيض أما إذا حابين بشكل جدّي تنفذي أفكاركن و تستخدموها فعلياً فأكيد لازم تقعدو مع بعض بجدية لحل خلافاتكن. |
غريب جداً اللي صار....
انو نحن هدفنا من الموضوع المقبور السابق الذكر هو فقط شغلتين واضحتين..... 1-ترخى القبضة شوي عن أقسام الصالون و التشريفات والسقيفة ....شوي ....بس 2-الاعضاء اللي طفشو ....طفشو نتيجة مهاترات شخصية حصلت مع مشرفين "2 مشرف يعني" ... انو ياأخي انتو الاشراف كتار ...بتطلعو شي 25 واحد ... ومن هال25 مشرف في 10 عالقليل علاقتن مع ابو طوني و زين طيّبة جداً...... طيب ليش ما حصل شي ...ليش ماتدخلو.....مرسيل ...انتي بتحبّي كابي كتير و وبنفس الوقت علاقتك جداً ممتازة مع ياس ...عملي شي....والله انا لو بعرف ياس كنت تدخلت بالموضوع.... أنا بصراحة نطرت انو يحصل شي خلف الكواليس و نشوف كابي اونلاين مرة تانية .....بس هالشي للاسف ماصار ... وهاد الشي اللي خلاني حط هداك الموضوع ...... مالي علاقة باللي صار ...شغلة خاصة بيناتن.....انا اللي بيهمني انو نحن لازم نكون ايد وحدة ...وعيلة...لك نحن مو أخوة....!!! والاخ ازا زعل من أخوه بيتدخلو الكباريّة و بيرجعو المياه لمجاريها....ليش عمتحسسونا انو صار الوضع كل مين ايدو الو ..... ياشباب.....ياخيّو .....رجاءً بلاشخصنة الموضوع..... مالنا علاقة بالاشراف لا من قريب و لا من بعيد ..... هاي هي مطالبنا بالموضوع السابق.....صعبة شي ؟ |
لك يا عمّي أنت مرّة بتحط الحق عالمشرفين و مرّة بتناشدهن بحل الخلاف .. كيف هي هي بدها تنعرب و أنت من لسانك قلتها بصراحة بأنو صار في مهاترات بين العضو يللي عم تحكي عنّو و بين مشرفين تنين
اقتباس:
و أنت هلأ عم تناشدهن للمشرفين ليعملو Compromise مع الأعضاء يللي زعلو و فللو .. برأيك هنّ مجبورين هلأ خلينا ناخد موقف الحياد .. مين بالدنيا بدو يعمل هيك .. شكلك عم تطلب من المشرفين يللي تخانقو مع رفقاتك بأنو يبلعوها شو ما كانت و بيرضوهن ليرجعوا .. بوسيلة أو بتانية. طيب الظاهر رفقاتك راكبين راسهن و شايفين بأنهو المشرفين مدينين إلهن باعتذار .. و متل مانو واضح بأنو المشرفين المعنيين مابدهن يعقبو هون لأسباب بظن أنت بتعرفها. هلأ برأيك لو كنت محل المشرفين .. رح تجي و تقول أي خلونك نعمل صلحه! أنا مابعرف شو دار بيناتهن بس شكلهن رفقاتك كتّروا كلام و هيك بظن شوي تخينة بأنو تطلب من المشرفين يجي ليحكو بينما الغايبين حاطين من ينوب عنهن .. خليهن يجو و يواجهوا قضيتهن و قتها رح يردوا عليهن المشرفين . أنا و بغض النظر عن الأحوال العامة شايف بأنو يللي بدو يزعل من انسان مابيكنّلو حيّز بفكرو فهاد انسان عيونو مسكرة .. مابدي قول غير شي. أنت إذا بدك حلول روح جيبهن لرفقاتك ليتفاهمو مع المشرفين. و يستحسن هي بعد ازنك بأنو يكون في تحديد بكلامك يعني بالموضوع المحذوف عوّلت عالمشرفين و تركولكيا لفترة:lol: شكلها كلمة السر عندن تركو للموضوع ليكتبو شي كم مشاركة و بعدين سكّر:lol: .. طيّب ما خصنا يعني هلأ أنت عم تطلب منهن المساعدة و هو كل الموضوع سببو الاشراف أو الميزات يللي بيتمتع فيهن المشرفين. |
اقتباس:
انا بموضوعي السالف الذكر ما تهجمّت عالاشراف ....واللي بيتابع ردودي ...او اللي بيعرفني ....بيلاحظ انو ماكتير بتدخّل بهالمواضيع .... كل الحكي كان على قسم واحد و على قضية الشباب اللي راحو.... وأكتر ماابتعدت عنو هو الشخصنة بالموضوع.... اقتباس:
اقتباس:
المشكلة كانت بين تنين من الاشراف ...شو الاشراف كلو شخصين!!! اقتباس:
وانا عمبطالب برجوع هدول الشباب لاانو الن بصمة مميزة هون .....مافي شي شخصي وحياتك اقتباس:
اقتباس:
وانا ما كتير بتضايق من اغلاق المواضيع... لانو كمان دخلت شباب عالموضوع و شخصنو الموضوع و صار مكان للشكوى أكتر مايكون محدد بهالطلبين..... |
إذاً و منشان تتضح الصورة أكتر لحتى المشاركات الجايي تكون على نسق و ترابط واحد .. أنتو أو أنت عم تطالبو المشرفين المعنيين من خلال معارفهن و الناس يللي بيعزوهن بأنو يحللو الموضوع و يفرطوها ليرجعو الأعضاء.
هيك و إلا شو؟ |
اقتباس:
هيك... |
للأسف موضوع قد ما تناقش فيه ما رح ينفع
العرب خلقو استبداديين و رح يموتوا استبداديين:frown: قد أسمعت إذ ناديت حيا و لكن لا حياة لمن تنادي و كنت اذ نفخت نارا أضأت و لكنك تنفخ في الرماد بتمنى ما يضل الوضع هيك لأن بالفعل صاير في مشاكل كتيرة و صاير في حزبين حزب الأعضاء القدامى اللي متضايقين من المشرفين و حزب المشرفين و الموالات:frown: سلام:D |
غريبة
كيف المشرفين ساكتين لهلأ عالموضوع لا يكونو اقتنعو شوي؟؟؟؟؟ اذا الموضوع الماضي سكروه بنفس اليوم وهاد ايمتى؟؟؟؟ ولا يمكن خلوه لينفس الأعضاء المقموعين عن رفضن لسياياتن... بس لهلأ مافي تجاوب وتفاهم من حدا منن ليعرف شو مطالب شعب الأعضاء. وينفذا.. عبنقلكن يا جماااااعة بدنا انتخابات لننتخب مشرفييييين..... |
اقتباس:
يعني مع عدم وجود الطرف الأخر يلي مطلوب الحوار معو لقينا واجب تسكير الموضوع.. مع العلم انو حتى بعض المشرفين يلي حطو أراء بالموضوع رجعو وقرروا يوقفو الحوار لبين ما تتوضح صورة كل الاعتراضات بالسقيفة ويوضحو وجهة نظرون بدون الدخول بمهاترات |
بس طلب صغير مو انتقاص من قيمة الاعضاء الجدد بس النقاش يمكن بحاجة لخبرة أكتر شوي باخوية حتى تقدر تقيم الوضع.. يعني على القليلة وقت تقول اخوية سابقاً او روح اخوية تكون بتعرف عن شو عم تحكي
يعني العضو يلي ما كمل كم شهر ومزعوج من مخالفة او تسكير موضوع مابتصور انو الو دور بموضوع عم يناقش بعوامل قديمة شوي واشخاص على معرفة كبيرة ببعض.. فياريت يعني ينحصر النقاش شوي مشان مايقلب تسالي وكل واحد مارق بالصدفة يرميلو كلمة شكراً للتعاون |
اقتباس:
:D |
اقتباس:
يعني الأعضاء الجداد متل حكايتي ما ألن رأي بالمرة و رأين ما ألو أهمية يعني ما بحقلن يبدو رأين بالمنتدى ؟؟؟؟؟؟؟؟؟؟؟ والله حاسة أنو فيه استخفاف من المشرفين بالأعضاءالجدد؟؟؟؟:pos: ممكن توضحي كلامك أكتر أخت ريمي....... |
اقتباس:
ببساطة يعني انتي وقت يجي اخوكي او ابن عمك او رفيق العيلة المسافر على البيت ويكون بعمرو مو زاير البلد ولابيعرف شو مشاكلكون ولابيعرف حتى اسماء الاشخاص يلي عم تحكو عنون... هل بتلاقي عندو خلفية كافية ليتدخل بقصص عمرها سنين بعيلتكون؟؟ يعني على القليلة يلي بدو يتدخل بدو يكون بيعرف اطراف المشكلة او عن شو عم يحكي الموضوع.. انتي وقت تسمعي اسماء هون متل ياسين وغابي وريم وسامر بتعرفي هدول الأشخاص او بتعرفي شو طبيعتون او عندك فكرة عنون؟؟ طيب كيف بدك تناقشي وتحللي وتقيمي؟؟ يلي رح يصير انو رح يقلب الموضوع لتسالي من النوع الممتاز وكل واحد اكل مخالفة بدو يصير يتسلا وكل واحد مسكرلو موضوع بدو يتسلا.. وبيكون الموضوع ضاعت فكرتو الاساسية وضاع على الاعضاء يلي عندون افكار للنقاش نتيجة معرفتون باخوية وتاريخون فيها اي فرصة لتوضيح وجهة نظرون ] |
اول شي شكرا عالمخالفه الي رفعتلي معنوياتي كتير ..والله كونو اول مخالفه يعني .... انا في كم نقطه حابه واضحه ووصل الفكره .... نحن لما نزلنا الموضوع نزلنا مشان الي صار بالتحديد مع غابي وانسحابه والي صار بعدها كان هدفنا انه من المشرفين يتفضلو وينزلو يناقشو . ويوضحلونا ليش مطنشين موضوعه ونطلب برجعته.وهل الشي ماصار....كالعاده .... اما بالنسبه لردي السابق والي اعتبرو بعضكون اهانات . اول شي انا ماسبت حدا شخصيا انا حكيت ع الاسلوب تبعكون بقوه وهدا الراي الي انا شايفتو من طريقه الممارسات الي عم تعملوها فا فيكون تقولي وين الاساءه صارت ...لما انا بحكي انه فلان مطنشنا او فلان ما برد او حتى فلان مطفش العالم باسلوبه وفلان مهتم بالادبيات ومو مهتم بالاعضاء ...اناطالبت بتطبيق ما تدعون به من مبادىء وقيم .. النقطه التانيه انا شخصيا مافي شي عداء بيني وبين ايا حدا باخويه لا مشرفين ولا اعضاء ..فا ليش تحول الموضوع شخصي ماني عرفانه ...انا حكيت كلمه حق ..وحكيتها بقوه وحكيت اغلاط صارت واسلوب اشخاص براي وبراي ناس كتير ..مانها اسلوب للتعامل ولا للاحترام حتى لو كان من مشرف او منسق ..بس هي نحنا منضل متل ما نحنا ...... فيني اعرف شو الي بيمنع واحد منكون يجي يحللنا المشكله الي عم نطالب بحلها ويناقشنا ؟؟؟؟ فيني اعرف ليش التطنيش ؟؟؟ انتو طنتشو غابي وطنشتونا ولما اجيت و كتبت راي وماعجبكون وخالفتوني كان المفروض تناقشونا وتحاولو تغيرو النظره الي نحنا اخدينا بس هل الي ماصار وهدا الشي بثبتلي انه في محسوبيات وطنيش للاعضاء ولكل موجودين ..... انتم مشرفين واداره ومنسقين بعالم الكتروني بس ما بيعطيكون الحق بالتحكم بالاعضاء ولا بيعطكون الحق تمشو الامور بطريقه محسوبيات ..لكم التزامتكم متل ما الاعضاء لهم التزامتهم ..بس كل الي صار ..انه انتم اثبتو العكس تمام ..... النقطه الاهم ..فيني اعرف ليش منسق ما تخالف ع اساته الي بتمسني شخصيا ؟؟؟؟؟ ولا الشغله محسوبيات ..انا عطيت راي باسلوبه وبممارسته الصلاحيات بطفيش ابو طوني ؟؟ ما قربت ع الشخصيه الفزه تبعو ...ولا سبت شخصيا ...فا بطالب بتوضيح ليش ما تخالف ؟؟؟ حتى لو انحذف الرد ...انا ردي انحذف واتخالفت ؟؟؟؟؟وماعندي مشكله بالموضوع ... وبحب قول للمنسق ..انا بنت من عيله ارستقراطيه(يعني بنت غناج ودلال) مابعرف شي اسمه حاره او شارع ..بدك انت تعلمني ..شو يعني الحاره .... ع كل الاحوال انا بطالب اشراف اداري بالنقاش معنا وبالتوضيح لكل الي صار من موضوع ابو طوني لهلىء ..ولح نضل نطالب انه ابو طوني يرجع ..ومن نطلب انه انتم ترجعوه .... |
اقتباس:
اول شي كيفك تاني شي اذا شايف بس ردي فيه اهانات وحكي من فوق الاساطيح فا انا مستغريه ليش بس ردي شفتو ليش مابين ردود ناس تاني بمواضيع تانيه او ردود تاينه هون كمان ولا ناس وناس ومحسوبيات...اما اذا شايف ردي ما بيجي باطار لا النقد ولا غيرو ..فا بيعتمد بقى عليك هدا كيف بتشوف النقد وغيرو ..ولما حضرتنا منضل نحكي ومحدا برد فا اكيد بدنا نحكي بقوه وبدي قول رأي الي انطبع من تصرفات الاشخاص .... |
يعني راسي فجّ ..
لسا كل يوم موضوع ع نفس القصة .. يا اخي نحنا عنا هيك .. اللي حابب يضل اهلا وسهلا اللي مو حابب الباب بفوت جمل .. شبكن عملتوا من الحبة قبة ... اي يالطيف ... هاي وفيهن يرجعوا ..كيف ما يكونوا معتقلين رأي متل رفقاتنا .. هدّولي حالكن القصة مو مستاهلي .. نص طقم الاشراق مسفوق مخالفات من وقت ما كانوا اعضاء وفيكن تشيّكوا عالبروفايلات ... يحرء ديبا لهالسيري اللي ما عادت تتسكر ... يمّل .. |
اقتباس:
وانا معك بشكرها لريمي الي عم تشتغل شغل جبار بالرد ووالنقاش وياريت باقي المشرفين والمنسقين يقتدو فيها .... كلامك دهب ;) صديقي |
اقتباس:
|
اقتباس:
طيب ليكي مشان سهل عليكي يعني و ما كتير تحكيلنا بقصص و سير , انتي مشكلتك بتنحصر بابو طوني ما هيك ؟ انا هيك فهمت من حديثك كلو ...انو بدك ابو طوني يرجع . طيب ابو طوني سب المشرفين و راح , انتي باعتبارك بنت عيلة ارستقراطية ( يعني بنت غناج و دلال) ما بتعرفي شي اسمه حارة و شارع و مسبات يمكن , بقى مشان هيك ما عم تقدري تفهمي الموضوع ( انا قدرت انك ما فهمانة الموضوع لانك لو فهمانة الموضوع ما بتحكي شي من اللي حكيتيه ) ...اي بقى القصة هيك يعني , واحد طلع براسو يسب و يمشي , شلون بيقدرو يخدموه المشرفين ؟ يعملو اضراب عن الطعام مثلاً ؟ انو لاء يا معلم خليك وين رايح ...تعى سبنا يا زلمي ...مشان الله نحنا بلا مسباتك حياتنا عذاب ....الخ انتي هيك بدك يعني ؟ بيرضيكي هيك ؟ معقولة وحدة متلك بنت عيلة ارستقراطية ( يعني بنت غناج و دلال ) بترضى بهيك شي , حتى لو كانو المشرفين فولجير و سوفاج و من منبت طبقي كادح ما بتوقع انها بتطلع منك يعني , انتي اكيد اكيد مانك فهمانة شي من الموضوع ....اي و حياة اللي جمعنا يعني .هاد البير و هاد غطاه , القصة لا الها ابعاد و اضلاع و لا بطيخ هيك انتي تنازلي شوي و اعتبري حالك مشرف للحظة , و تخيلي واحد سبك و دار ضهرو و مشي .....تخيلو اسمو ابو طوني كمان و انو هو كتير كوول , و محبوب و الو شعبية و مافي منو , بس هيك يعني نصيبك انو هاد الزلمي سبك ومشي ..و راح يعني ...انتي ك بنت عيلة ارستقراطية ( يعني بنت غناج و دلال ) شو بتتصرفي ؟ بالله شو بتتصرفي ..انا كتير متشوق اعرف شو رح تتصرفي . و هي الك لحالك:D |
طيب و بعديين يعني
خناقة و علقة و نقاااش طويل عريض و........بعدين شو صار شو عملتو شو الحل ؟ |
اقتباس:
|
اقتباس:
عضو ما الو شهرين باخوية وماعندو غير كم موضوع ملطوشات على كم موضوع مسابقات شو حلو يعرف عن روح اخوية وشو مطالبو غير انو مزعوج من شي مخالفة او تسكير موضوع وفايت يرميلو كم كلمة وهو حتى مو عرفان مين هالاشخاص يلي عم ينحكى عنون نقطة صغيرة ياريت التزام الحد الادنى من احترام الطرف التاني بالحوار لانو بغض النظر انو يلي عم تحاكيها مشرفة وعضوة باخوية من اكتر من 3 سنين بس واجب احترامها لانها قدمت كتير لهالمكان يلي المفروض انك عم تحكي هون من غيرتك عليه وحرصك عليه |
عبث
ماشي حقك علي متل مابدك سلام |
طيب فيني احكي شي
ريمي بما انك تقربيا المشرفة الوحيدة يلي عم تشاركي بالموضوع بشكل جدي وبما اني كل الاطراف على مبدأ دمتم ودامت اخوية وبما وعدتي انك رح تخففي العقوبات وهيدا شي حلوو شو رايك تكوني محضر خير وتعملي صلحة بين المتخاصمين لانك انتي سفيرة اخوية حالياً ... وبحب الك شي انا معجبة باغلب المشرفين ( ان كان سامر رائع بقسم الموسيقا وبيتر فلاي نفس الشي بالمكتبة ....... مابعرف انا احكي عن كل المشرفين لاني مابعرفون منيح مافي حدا ضدد التنظيم ويحياتك ما حدا معصوم عن الخطا ان كان اعضاء وان كان مشرفين ....... لهيك هيدا نداء اخير للمشرفين كونوا انتو محضر خير انا لو بعرف ابو طوني وبعرف ياس كنت والله حاولت بس مابعرفون وسامر بعرفوا بس بعدني ما بمون عليه رح حاول ريمي ...... حاولي لاتنسي انتو المشرفين سفراء اخوية ....... اخوية كلمة كتير كبيرة :D وشكرا:D |
اقتباس:
هلأ بالنسبة لردي .. هادا أنا يللي حذفتو .. مو حدا تاني مو لأني مو مقتنع فيه .. بالعكس بس بصراحة .. مو دايماً بكون الي خلق العي قلبي يعني انتي هون يا اما مانك فايتة تناقشي ..... فـ بتكوني بدك تتسلي ... و بدك حدا فاضي يتسلى معك أو أنو هادا منطقك بالنقاش ...و هون بتكون مصيبة منرجع للموضوع أنو عضو خالف .. انتي برأيك ما لازم يتخالف .. حتى لو خالف ... باعتبارو هالعضو من وجهة نظرك شغلة كبيرة هون بحب قلك .. أنو منطقك شوي أعوج عنا هون كل الاعضاء متل بعضا يللي بخالف .. بيتخالف و متل ما حكينا قبل المدو أبو طوني .. مو جديد على كار المخالفات تاريخو حافل و كل مخالفة منهون ... سببا بوطّي الراس أكتر من التانية اقتباس:
هيك كتير منيح وضحتيلنا الصورة هادا ياستي ... بتروحي تتغنجي عند أهلك ... مو عنا هون و إذا متعودة على قصة الغناج .. و قصة أنو بتحكي على كيفك .. بس ما حدا بردّ عليكي ... من مبدأ أنو عم يغنجوكي فـ خليكي مطرح ما مجبورين يغنجوكي اقتباس:
و الله المدعو أبو طوني .... ترك من نفسو و إذا بحب يرجع .. فـ بيرجع من نفسو مع العلم أنو رح يرجع يتخالف .. إذا رجع خالف و في شي بعدين اسمو معتقل ... و بالنهاية في شي اسمو نفي و هادا القانون عالكل يللي بحب يتغنج ..... يضل عنا البابا و الماما |
عالهامش
كان عنا عضو .. كتير يتذمر من تعامل المشرفين معو .. فـ ذات يوم .. هاجر لمنتدى تاني .. كتير بيشبه بالشكل منتدى أخوية ..بس في فرق صغير .. أنو أبو نهلة مثلاً مو سمعان فيه المهم هادا المنتدى كتير عم يغنج أعضاءو ... يعني هادا العضو بالذات ... خلال أقل من اسبوعين صار مشرف يللي بحب ياخد اللينك .. يراسلني عالخاص |
اقتباس:
واحد طلع براسو يسب و يمشي هيك من الباب للطاقة مو واردة أبداً....في الها مسببات هالمسبّات... تنين عمبيقتلو و بيشرشحو بعض .....كيف بدّك تعرف الحق على مين ...ما الحق ضاع ...بين الفعل و رد الفعل... ونحن للمرة الالف مالنا بمعرض شو اللي صار و الحق على مين ...نحن عمنقول انو لازم اهل الخير من الاشراف ممّن يملكون العلاقة الطيبة بين الاطراف انن يتدخلو و يحلّو الموضوع و ترجع المياه لمجاريها...هاد بس .... شلوني معك..؟ |
| الساعة بإيدك هلق يا سيدي 00:21 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون