|
اذا سمحتولي اتغالظ بمثال صغير اتوقع يوصل الفكرة الاساسية ويلي انا موافق عليها تماما . المثال التالي بيقول:
انت مافيك تقنع عالم تاريخ ومعو دكتوراه بالتاريخ بمسألة ما خلينا نقول مثلا دمار حضارة امريكا "على فرض يعني "بانك تعطيه ايات عن فسق هالعباد هي لحتى ربك يعاقبهم ولا عن طريق علم النفس لتقول انو وصلو لمرحلة كذا وصار معهم عوارض مرض كذا فصار التصرف يؤدي لهيك. لا لازم تقلو انو هالشعب هاد صار في تفكك بالملك تبعو وضعف اقتصادي ونشوء شعب اخر قوي ادى لتهديد هالحضارة اقتصاديا وسياسيا ثم الى دمارها. وبتعطيه مثال عن حضارة تانية صار فيها نفس الشي. يعني لازم تحكيه بالتاريخ مو بعلم النفس او الاديان لازم تقنعو وتفهمو بمجال تفكيروا هو لانو انت بدك توصلو الفكرة . عالهامش :رح نشوف انو التفسيرات التلاتة صحيحين كلّ من وجهة نظر مختلفة والتلاتة بيأدوا لنفس النتيجة لكن كانت دراسة السبب هي المختلفة وكل واحد بياخد السبب يلي بيجي بمجال علمو وعملو. |
اقتباس:
i m sam Sarita suryoyo حاطين ايدكم ع الجرح تمام... فشكرا..:D و :Dbacteria شايفها اقتنعت... و غيرت من طريقة ردودها.... وبتمنى اخي ابو العبد يكون شاهد.. |
اقتباس:
اقتباس:
وعراسي حارتك انا فهمانك ويمكن انت فهماني بس الغلط بالتوصيل ...:D |
اقتباس:
مشان يلي ملونو بالاحمر... انا هاد يلي بدي اوصلو... انو ان كان الموضوع مخالف او موافق للدين.. هاد شي ما بهم اعضاء المنتدى... لآنهم من اديان مختلفة... و لآنو المنتدى غير ديني و انت بتعرف هالشي اكتر مني. وفي شغلي اضافية خارج الموضوع تبعي.. انت ما عم تحسب حسابها... انك تكون فهمان شي شغلي غلط بدينك... و بتبلش ع أساسها تصنف وتقيس ع قاعدة انت فاهمها خطأ فبتطلع نتائجك خطأ. يعني اذا ما بدك تشك بدينك!!! شك بنفسك... لانو ما في انسان كامل ;) |
يعني باختصار... الي مقتنع ومصر انو مارح يترك تعاليم دينو لأجل أي فكرة جديدة أو أي موضوع فرح يضل هادا رأيو الشخصي وهوي حرّ فيه، بيحقلي خالفو بالرأي واعتبر وجهة نظرو خاطئة بس ما بيجقلي أمنعو انو يعبر عن رأيو.
بس الشغلة الي بتجلط هيي لما الواحد بينط بنص شي موضوع مالو علاقة بالدين ويسلخنا شي آية أو يحسم شي موضوع علمي بنص ديني!! يعني الدين داخل بكل حياتنا على أرض الواقع فيفضّل أنو يترك هالمنتدى على الأقل بعيداً عن الدين وخصوصاً أنو منتدى حواري بالدرجة الأولى. يعني الشي الي بنحلم فيه على أرض الواقع :sick:اتركونا عالقليلة نعيشو هون.. بالمواضيع الي من نمط "ما رأيك" أو متل موضوع المصافحة طبيعي اذا شي حدا برر موقفو على أساس الدين.. وبنفس الوقت لازم يتوقع انو تنأذى مشاعرو اذا أقحم الدين بمواضيع عقلانية أو علميّة أو إذا فرض رأيو (المكوّن على أساس الدين) على الأعضاء الآخرين وهوي عرفان أنهم غير مهتمين برأي الدين... |
اقتباس:
اقتباس:
|
اول شي لازم ننتبه انو شغلة منيحة كثير انو ما صار خناق مع انو مذكورة كلمة دين بالموضوع....
تعالوا انشوف الموضوع من ناحية تانية.... ليش دايما بنعترض؟؟؟ مثلا... اذا استشهد حدى بالانجيل يا بيعترضوا المسلمين يإما بيصيروا الملحدين بيتمسخروا ..........= = = = = بالقرآن = = = المسيحيين = = = = = واذا عبر الملحد عن عدم اقتناعوا بتنقلب الدنيا!!!! ما بعرف ليش ما نتقبل الاخر ومعتقداتو ...... مهما كانت ....... انا لاحظت انو الخناق زاد كثيييير وكلو بسبب الدين..... لك يا جماعة ليش عم بندور عالشي يللي نحنا مختلفين فيه ومنتخانق مشانو ليش ما منحاول نتعرف على بعض.... يعني وين المشكلة لو الملحد وضحلنا العالم من وجهة نظرو .... او المسيحي او المسلم وضحو الشغلات من وجهة نظر دينهم...... لك وين المشكلة؟؟؟ يكفيني لكي اتناقش مع احد ...فقط.... معرفة انه انسان... |
بسم الله الرحمن الرحيم
أنا بعتقد أنو كل واحد حر بطريقة تعبيرو عن فكرتو يلي هية بالنتيجة قناعة لألو . ومحاولة مصادرة هاد الحق لن تزيد أبدا من قيمة النقاش او تنقصه . والله اعلم |
اقتباس:
لاتنه عن خلق وتاتي مثله :yahoo: |
سلام...
أنا حابب شارك بشكل عام وما بوجه الكلام لأحد، بس سبحان الله "المحارب العتيق" بحبّو بعتق وجودي بهالمكان لهيك رح أتوجّهلو بكلامي بشكل خاصّ وللبقيّة بشكل عام... بالتأكيد كل واحد منّا حرّ بتفكيرو ومعتقداتو طالما هالمعتقدات والأفكار ما بتأثر سلباً عالآخرين يللي بعيش معهم أو بحاورهم... يعني أنا ضدّ أي سخرية من الأديان ورموزها بس مع هالشي ما بلجأ لأيّة وسيلة خاطئة لصحح أخطاء اللي بيسخروا أو يتهكّموا... ممكن حاور الطّرف الآخر لأبعد الحدود وأكتر من هيك ما عندي. المسألة الأهمّ يللي كنت حابب أحكي فيها هيّ: أنّو لمّا يوصّل الدّين والتفكير الدينيّ ليجعل من إنسان أعلى مرتبة من إنسان آخر فقط لأنّو ينتمي لدين معيّن، وليعطيه حقوق ويمنعها عن الآخرين غير المنتمين لهالدين هون تغيّر الموضوع كليّاً وصار الدّين مصدر للظلم ومجرّد قيد بدّو كسر... أكبر مثال هوّ نقاشنا بموضوع "الأحوال الشخصيّة" والصّديق "التقرير الجوّال" انطلاقاً من الدّين ومعتقداتو الخاصّة بيآمن بشكل تام بأنّو غير المسلم في بلد أكثريته مسلمين هو ذمّي لا أكثر وما بدّي أشرح الكلمة لأنها معروفة وأشهر من نار على علم. بظن هون صفّى الدّين مصدر غير سليم للمشاركة ولا للحوار، وصار معتقدي يتدخّل في ما لا يعنيه... إلخ! ولذلك بشوف أنّو حتّى لو كنت بآمن بس لازم آمن بأمور ما تخلق ثغرات بين أبناء واقع واحد، وإذا الدّين بدو يجعل من الناس طبقات فبئس هالدين. "آمن بالحجر إن شئت، لكن لا تضربني بهِ" للجميع تحيّة :D. |
تحية صديقي :D
انا معك أنو الدين مابيصير ينتقص منطرف على حساب طرف أخر . والاسلام مثلا ما امرنا بهاد الشي . بس كمان متل ماقال يمان أنا قناعتي ممكن تكون مبنية على شي ديني . فاذا كنت عم ناقشك وذكرت هالشي فأنا عم اذكر قناعتي واكيد مابيكون قصدي لا أنتقص منك ولا أهديك مثلا . منرجع لقصة حوارك مع التقرير الجوال . انا بشوف انو هو ماقصد الاهانة أنما هو حاول يشرح وجهة نظر . ونقاش قانون الاحوال الشخصية شي تاني بعيد عن يلي عم نحكي فيه هون . وعمادو الدين فبشكل طبيعي رح يكون أغلب النقاش بيتطرق للدين . متل ماقال يمان .مبارح صار معي شي مشابه ز احد الاشخاص عزمني على كاس بيرة . وانا قلو مابدي اشرب . وهو يرجع ويقلي لأ أجباري بدك تشرب قلو مابدي . يقلي ليش قلو ولا شي . هو يمكن يفكرني خجلان يقلي لأ لازم تشرب . اخر شي قلتلو أنا مابشرب لأنو بالنسبة الي محرم . طيب انا حاولت انو احتفظ بسببي . بس كمان لما حكيتو مابعتقد أنو أنا هنتو أو أنتقصت منو . أنا حر وهو حر |
اقتباس:
هلأ معلم بشكل عام مافي هيك حكي بالاخوية .. لانو الكل صار يعرف النظام وهيك .. واللي عندو هيك حكي فانو منو لحالو صار يحس انو الاخوية مو مكان ملائم لهالقصص اللي بدخل فيا الدين وازا صار هيك حكي فكلو من اعضاء جداد لسه داخلين جديد ومالن فهمانين شو الطبخة |
اقتباس:
لمّا تبني قناعاتك ومواقفك على معتقدات دينيّة فهذا أمر خاصّ فيك لأنّك إنسان حرّ بهالمجتمع، وحتّى إذا اقتبستها بمعرض أي حوار، كمان أنت حرّ... بس لمّا يصير هالمعتقد أمر بيحطّ من قيمة الآخر فما بظنّ أنّو أنت حرّ هون! أنا ما بخلط "الشخصنة" بأي حوار، ومتأكد أنّو ما في شخص بيتعمّد إهانة الآخر بدون سبب، والتقرير الجوّال كان بنقاش ودفاع وهاد أمر بيعنيه بالدرجة الأولى، المسألة تغيّرتْ تماماً لمّا صار معتقدو أمر بيمسّ الآخر، وما اقتصر عليه هو كفرد أو كجماعة. يعني إذا أنا مثلاً آمنت بأنّي من شعب الله المختار والبقيّة مو مختارين، فهالأمر بيخصني، بس إذا نظّمت قوانين لكافّة الأفراد انطلاقاً من هالإيمان، فالأمر صار يخصّ الجميع ومن حقّ الجميع يدافعون عن كرامتن وحقوقن... أنا هاد قصدي مو أكتر! والمثال يللي عطيتو طرحتو لأنّو كان بالأخويّة من فترة قريبة ولأنّو ميّز بطريقة فاضحة بين المسلم وغير المسلم من جهة الحقوق والواجبات... بالنسبة للشراب إذا في شخص عالطاولة ما بيشرب أنا مستعد كرامة ألو ما أشرب، وياما ضليتني صايم لأنّي كنت برفقة مسلم بشهر رمضان... المشاركة والاقتسام أكتر من رائعين بشرط أنّو نتساوى بالحقوق والواجبات! :D. |
ياسيدي انا معك مليون بالمية
لا من يومين بس مع اني انا مسلم ليش علقت على موضوع يستخدم اسلوب الترهيب الله وكيلك صار ما دخلني والي عجبوا يرد والي ما عجبوا يترك الموضوع شي بيقرف والله وكلامك ما عليه اي غبار وهي وردة :D |
شووو هالموووضوووع الخطيـــــــــــــــررررر رر شكرااا كتيـــــــــــر ع الموووضووع التححححححححفه :D |
بشوف انو من حق اي شخص يقتبس اي نص ديني لبرهان وجهة نظر عم يدافع عنها ...يعني متل ما منقتبس لأدباء و علماء و مفكرين ...
بس لازم يعرفوا ...انو الأقتباس هاد ..قابل لأنو يخضع لشي اسمو نقد ادبي علمي ديني لغوي او حتى تهكمي...متلو متل اي اقتباس تاني . نوع النقد بتعتمد على الأسلوب يلي الشخص اقتبس فيها النصوص الدينية |
الدين ل لله و الأرض للجميع
|
انا رح جاوبك
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - من جهة تانية جهة الشخص العلماني اللي بيستشهد بآيات.. احيانا بينزلولك موضوع بيقلولك "هل الحب حرام" يعني سؤال بايخ ومبين جوابو بس الشبيبة ما رح يقتنعولحتى تورجيهون كم ايةاو بينزل موضوع "تنامي ظاهرة الامتناع عن المصافحة بين الشباب والبنات" بدك تورجيهون انو السلام ممنوع من بالاسلام خلال اراء الفقهاء الاسلاميين.. لانو عادةالنقاش لما بيدخل فيه كلام الله بيكون عبارة عن نقطة انتهى.. وصار مسلم به ومو ممكن مناقشة اي افكار او خيارات اخرى لأنو برأي الؤمن لاصوت يعلو فوق صوت الله.. وبرأيي اذا شخص مؤمن بمسلمات اي دين من الاديان ما في داعي يناقش حدا لأنو هوي وصلتو كل الاجوبة على "طبق من فضة" واجوبتو مبنية على مسلمات ممكن تكون غير منطقية بالنسبة للاخرين بس مسلم بها بالنسبة الو.. |
اقتباس:
:larg: |
انو .. الموضوع .. كتير كبر بالفترة اللي ما فتت فيها .. ما اتوقعتو يوصل لهي الصفحة .. والاغلبية عم تحكي وتلف حوالين نفس النقطة وبطريقة عقلانية .. بدون خناق يعني ..
هلا .. بالاخير .. متل ما حكيت نقطة وما حدا علّق عليها يمكن .. انو الانسان .. معروف عنو وعن شخصيتو انو بتتكون وبتتاّثر بالجو والبيئة والمعتقدات اللي بيامن فيها .. طبيعيا .. ما بإرادتو .. هلا بجوز بعد ما يكبر .. وتصير قدرة التفكير عندو اكبر واوسع .. ممكن يحلل ويشوف انو الشي اللي انا مآمن فيه يا اخي غلط .. او يشوف انو هاد الشي اللي انا .. اتربيت عليه وعرفتو ما .. كتير عم يلائمني .. وبعّد عن هاد الشي كلو .. بيبلش من جديد .. يبني تطلعاتو وافكارو .. على اشياء تانية اخرى .. بالمقابل .. في عالم بعد ما ترجع .. وتكبر وهيك .. بتفكر بتلاقي انو فعلا الشي اللي انا متربي عليه .. واللي بامن فيه واللي عشتو .. هوة شي .. مريحني .. وعاطيني قناعة اني انا ماشي تمام ومتل ما بدي .. " شو ما كان طريقو " .. هلا تعا شوف هدول التنين .. وقت بدن يجو يتناقشو .. شو حتشوف .. كل واحد لح يحاول الحكي من المبدا والمنطلق اللي متربي عليه .. سواءً كان بيرضي الطرف التاني او لا .. يعني حكيت كلمة من قبل ولح ارجع عيدا .. لو بدّك كل العالم تحكي .. وتفكر وتناقش بغض النظر عن معتقداتا وكيف بتفكر .. ما لح ينتج عندك نقاش ابدا .. لانو لح يكون الكل محايد .. وما في افكار او اتجاهات معينة تتناقش بصدى هالموضوع .. نقطة الاحترام للطرف المقابل جدا مهمة بهي الحالة .. لانو عند اقل .. شي بيحس الطرف التاني بالاهانة فيه لح .. ينتج خلاف معين بينهم .. وما ينتهي النقاش بايا شي .. بس في ملاحظة مهمة .. انو ازا انا استنتجت وناقشتك من منطلق اللي انا بامن فيه .. وووقت بقلك انو الشرب حرام وقت انت بتكون عم تقلي انو امشي نشرب " مثال ما اكتر " .. ما بكون عم هينك ابدا .. لاني ما عم قلك ازا بتشرب بتكون ....... ابدا وقطعا لاني عم كون احكي انا شو بآمن .. وانا شو شايف الصح وشو شايف الغلط .. * نقطة اخيرة ردّا على ابو سارة .. منشان شغلة العبيد والجواري والخ .. ما لح فيها هون منشان ما نحول مسار الموضوع لمسالة ما معينة ونبعد عن الفكرة الرئيسية والعامة .. بس لح نحكي فيها لاحقا .. منشان شغلة التطور .. والدين .. الدين .. واللي بيفهمو منيح وبيعرف فيه منيح مالو ابدا ضد التطور .. ولا التقدم الفكري .. وفي نقطة انك تحكم عالدين .. من خلال شخصيات بتمثل هاد الدين .. مين ما كانت تكون "باستثناء اللي وصل هالرسالة بالدين " .. غلط كبير لح يكون .. لانو اللي عم يمثل الديين " دولة - مجموعة - فرد " .. بجوز تكون مصالحو الشخصية الها دور كبير بتشكيل .. الصورة الدينية او هوة يا اخي كيف فهم هالدين .. لذلك .. بتمنى ما ينحكم على الدين .. من خلال اراء او نظريات معينة .. بتخالف تماما الواقع الديني الحقيقي .. فـ .. وقت بدك تجي وتقلي انو الدين .. بيخالف التطور والتقدم والتعليم .. عطيني دليل .. من الدين اللي عم ينحكى عنو .. بيطالب بهيك شي .. وساعتا بكون النا حكي بهاد المجال .. شكرا للكل .. عطريقة الحوار .. وانو ما حدا .. طقلّو شي عرق .. :p .. وعراسي جميعا :D |
المسالة بسيطة عندما تؤمن بفلسفة فيلسوف او قول شاعر فانك تثبت وجهة نظرك بترديدها ونفس الشئ حينما تستشهد من الدين فانت تؤمن به وتؤمن بانه صحيح وانا متفقة معك ان البعض لا يؤمن بدينك وبالتالي لايبالي بما قلته الحل هو اضافة اتباث اخر لا يرتبط بالدين ولكن لا يعني ان نخبئ ديننا .
|
حلو النقاط اللي طرحتها يا يامن ...
بس بدك تقرا كلامي حتى تفهمو اكثر ... انا ما حكيت انو الدين ضد التطور ... انا حكيت انو تيارات ماشية مع الدين تعارض التطور و التقدم ... و هناك تيارات عارضت الطب الحديث و السيارة في بداية القرن العشرين و هي اذا تريد تتأكد اسأل فيها ... ما قصدي على كل التيارات الدينية او المحافظة ... لكن هذا الشي صار و كان بالمقابل وجهات نظر مؤيدة لها و آخر شي الواقع فرض نفسو هون كمان نقطة مهمة اقتباس:
و وقت ما تشوف انو هناك تيارات تستغل الدين لصالحها ... و نشوف تيارات اخرى تحكي عن الموضوع بوجهة نظر دينية اخرى نرجع و نقول ...مشكلة العالم العربي هو مصادرة الاراء بشكل مستمر تحت مسمى الدولة او الدين او الحزب او العشيرة او القانون او حتى مجلس البلدية !! |
كل نقاش يدور فهو عبارة عن نوعين
الاول ابداء رأي شخصي والثاني اقناع الناس برأيك الشخصي 1- ابداء الراي الشخصي وهو حتما نابع من قناعات الشخص وبيئته وقراءته الشخصية مهما كانت هذه الخلفيات دينية سياسية اقتصادية الخ الخ ... ومهما كانت الخلفيات فالرأي هو رأي شخصي انت حرّ بطرحه واظهاره بالعكس انت معنيٌّ باظهاره تعبيرا عن حريتك الشخصيةسواءا قبل به الناس ام لم يقبلو اذ أنهم غير ملزمين بأيّ من الامرين. وهنا يحق لك الاستشهاد بما تشاء وبما يعبّر عن قناعاتك. كمثال على ذلك ما ذكره المحارب وهو شرب الخمر فانا قناعاتي وايماني يمنعني من شربه وانا حرّ بذلك سواء أعجبك أم لم يعجبك هذا أنا وعليك تقبلي طالما أنا أيضا اتقبلك كما أنت. 2- اقناع الناس برأيك الشخصي وهنا الصعوبة وهنا تكمن التقنيات والقدرات الشخصية التي تجعل الناس تؤمن وتتقبل ما تؤمن به انت او ما تطرحه. أحد اهم هذه التقنيات أن تخاطب الناس بما يفهمونه وبما يستسيغونه, "ان لم تستطع ذلك فلا تطلب اساسا من الناس الاقتناع بما تقتنع واترك ذلك لمن يستطيع فقد تؤثر سلبا لا ايجابا." كما في المثال السابق في اقناع عالم تاريخ بأمر ما. وكمثال آخر ولكن بجهة معاكسة "في موضوع تحديد النسل" الذي تمت مناقشته كثيرا من قبل. كانت كل الآراء عبارة عن نظريات اقتصادية ونفسية ونسي الجميع ان المواطن عندنا لا يفقه منها شيئا او انه يؤمن بان الرزق على الله من هنا عليك لاقناعه ان تاتي من ناحية الدين لانه لن يتقبل اي شيء آخر طالما الدين قد ابدى الرأي فيه. |
اقتباس:
اقتباس:
خصوصا بآخر سطرين كلام كتيير معقول:D يحوّي الحوار الاخلاقي ما حدا تنرفز وما صار أي مشكل :oops: تسلملي أخوية :larg: |
اقتباس:
اقتباس:
اقتباس:
اقتباس:
اقتباس:
Sarita Ichigo W.E.G.A قرصان الأدرياتيك Government أنا متفق معكم بمشاركاتكم.. بشكر الجميع بدوري ع الرقي... اصلا هاي الناس يلي بترفع الراس... بدنا الجداد (وانا منهم) يتعلمو الفهم من القدام... يمكن هاد شي لا يقل شأناً عن الدين.:D |
اقتباس:
يبدو انو فعلاً .. ما في أمل .. يعطيك العافية معليم .. :D |
يعني هلا كل واحد حر بدينو
وبمعتقداتوا انو يمكن تبدي رأي بس ماتفرضوا على الشخص ألي قدامك وبصراحة انا بحترام كل الأراء المطروحة والأديان لانو كل الأديان سماوية ومو نحنا الي أخترعناها وبالأول وبالأخير ماحد مستفيد شي الا صاحب العلاقة |
اقتباس:
بس الافكار الدينية كلها مبنية على مسلمات لانو مبنية على فكرة الايمان.. ولما بيآمن الشخص بشي بيكون متقبلو بدون ما يفكر هل هو منطقي أو لأ.. مشان هيك ما فيك تناقش حدا بفائدة الحجاب مثلا او بفائدة الحج.. او حتى بماهية الاله ووجوده.. لأنو هي بيعتبرها هوي مسلمات ايمانية.. غير قابلة للتفاوض.. فبرأيي ما في داعي حدا يتعب حالو ويناقش فيها.. |
اقتباس:
مرحبا ناي .. :D الموضوع .. او الفكرة الاساسية للموضوع ما كانت بطرح قضية دينية .. او شي معين بيتعلق بدين للنقاش .. كان عم يحكي على .. نقاش عام وبمواضيع مختلفة .. مثلا لو صار نقاش ما حول مسالة معينة ومختلفة اللي بيامنو بالحج او بالله .. او بيامنو بالبقر او بالنجوم والشمس .. كلّو يضل حاطط ايدو عتمو وقاعد ساكت مثلا ؟ يا جماعة .. مناقشة الامور اللي بتتعلق بديانات الطرف التاني ومعتقداتو .. معقدّة نوعاً ما .. على العالم الافتراضي .. لانو هيك نوع من نقاش " في حال كان لازم يصير مع اني ما بفضل انو كتير يصير لانو ما لح يجيب نتائج باغلب الاحيان " .. لازم يكون في الحوار مباشر .. وما يكون مقطّع من فترة لفترة .. اما فكرة انك .. بتآمن بايا شي من المسلمات .. واي دين ممن الاديان .. او بايا شي .. ما تجي تناقش .. فعزروني يعني .. فكرة جداا .. فاشلة .. :D |
و الله انا شايف كلو اضرب من بعضو انو تأمن ما بتسلم و اذا ما أمنت كمان ما بتسلم
فالواحد يعيش حياتو و ينبسط و الغلط و الصح مبينين بهالحباة و ما يأطر حياتو بشغلات و معتقدات لا بتضر و لا بتنفع سلام:D |
اقتباس:
بالتأكيد منع النّقاش هو أمر مرفوض، إلا إذا كان في شي بالنقاش بيقلل من قيمة الآخر! بس كمان لازم تنظر من جهة تانية للموضوع، مثلاً: بيكون في نقاش طبّي عن مرض معيّن، يجي شخص بيقلّك بفلان دين مكتوب أنّو بيض الدبّانة إذا انسلق وانرش عليه قمل مع كم برغوث بيعطيك خلاصة الخلاصات! :shock:. بتشعر ساعتها أنّو في استهزاء بالعقل وبقوى الإنسان العقلانيّة يللي ما بتعتمد اليوم إلا على التجربة والاختبار. برجع بأكد، أنا من ناحيتي ما بفضل أي منع بس بنصح المشاركة انطلاقاً من أمور اختبرها العلم، وخاصّة في مواضيع عقلانيّة أو علميّة. :D. |
اقتباس:
حبيبي قرصان .. حكيت كلمة من قبل .. ازا بترجع بتقرا الردود .. عن كيفية وتمثيل الدين .. واكيد ما حدا بيكون قبلان لو بيتجاوب بهيك طريقة ولكن .. لو اجا واحد وقلّك .. يا اخي انو فعلا في دين من الاديان المعينة .. سارد فكرة او .. دوا عن مرض ما معين .. بيكون عم يستهزا بمخك ؟ .. مو بالضرورة .. ! ممكن يكون .. فعلا هالشي واقعي وموجود .. روح جرّب .. ورجاع ناقشو .. قلّو يا اخي هيك هيك ما زبط معنا .. ساعتا .. يا بيكون في مشكلة .. بالفكرة نفسها وانو فعلا هالدوا مالو شغّال .. بجوز يكون انت او انا يا اخي ما عرفنا كيف .. نستخرج هالدوا .. متل مانو مذكور .. مافينا نخصص حالات حاليا ونطلب منها عدم تدخل الدين بالحوار .. لانو لكل حالة .. شي معين بيخصها فيها . :D |
الموضوع برأيي اله اكتر من جهة
اذا كنت عم تناقش بمواضيع علمية بحتة نفسية طبية الخ ... ممكن تقول انه يكون النقاش علمي فقط ومبني على أسس وبراهين اثبتها العلم والتجربة ... ولكن اللي بصير انه في كتير نقاشات بتكون عن مواضيع بتمس العلاقات بين الناس بالمجتمعات او حتى تصرفاتهن وبتنطرح هي النقاشات على الأغلب نتيجة الاختلاف في المذاهب والاعراف فمثلا كمثال بسيط متل اللي قاله يمان انه لما بتقول لواحد مسلم عن موضوع شرب الخمر فلا تتوقع انه رح يناقشك علميا لانه اولا بالنسبة اله الموضوع منتهي ( دينه هيك بقلله ) طبعا وبنفس الاسلوب بالنسبة لبقية المعتقدات والاديان . هو صحيح بيقدر يقللك عن مضار صحية ( خلينا نقول ) وعن انه لازم يكون في شروط مثلا لحتى يسمح للناس اللي ماعندها مشكلة بالشرب انها تشرب بدون ما تعمل أذى لغيرها بس الاسهل بالنسبة اله على اعتبار انه الموضوع مرفوض اساسا انه يعطيك حجة مبنية على أساس العقيدة ...( طبعا انا عم احكي كمثال طرح سابقا وما ردت جيب غيره ) فلذلك وبالمختصر انه تطلب نقاش بموضوع اصل النقاش فيه هو اختلاف الرأي الناجم عن اختلاف العقيدة على أساس علمي بحت صعبة شوي وما ممكن تطبق بكتير من النقاشات الا اللي بتكون بمواجهة مباشرة وبكون الطرفين فيها على مستوى معين من العلم بجوانب الموضوع كافة ( والا بصير واحد بيطرح اللي عنده والطرف التاني بكون مو مقتنع ولكن ما بيقدر يكمل للنقص الموجود عنده) ... ويمكن هاد الشي اللي بخلي اكتر الناس تلجأ للدين كحكم لانه هنن كأشخاص ما عندهن القدرة على المحاججة العلمية البحتة فبيختصر الطريق على حاله وعلى غيره وما بده وجعة هالراس لانه بالنتيجة ماحدا رح يقدر يغير قناعة التاني عن شي مذكور فيه نصوص دينية صريحة بغض النظر عن الدين والمذهب |
اقتباس:
لانو وقت بدك تثبت شي.. بتعتمد ع قانو او نظريات مثبتة قبلا والكل معترف بصحتها... بس الاديان كلها نظريات غير مثبتة بالنسبة للجميع! فكيف بدك تثبت قضية الخمر اعتماداً على الدين يلي هوي غير مثبت اصلا! تانيا في حدا ذكر انو الدين من المسلمات!!!! ومين سلم بهالشي؟؟؟ الدين مرفوض بالنسبة للملحدين على الاقل... فخلينا نحترم وجودهم. هامش للمتدينين: كل شخص مؤمن بدينو بقلبو بدون ما يفكر, و بيعتبر انو هاي مسلمات منزلة والنقاش المنطقي فيها مرفوض بكون درويش ويبصدق يلي بينقلو.. و ما بدو يشغل عقلو... و هاد شي ما بيرضي ربو... |
اقتباس:
لأ هون بدك تسمحلي !!! الاديان مو هي نظريات وغير مثبتة وبالنسبة للجميع كمان لأ ما بظن انه الجميع هيك بفكر ؟؟!!! اول شي اغلب الاديان اذا ما كان كلها بتعتمد على اساس مكتوب ( يعني بالنسبة للاسلام القرآن وبالنسبة للمسيحية الانجيل وبالنسبة لليهود التوراة وهكذا ... ) اما اذا بدك تقللي انه انت ما بتآمن فيهن وبوجودهن وانه هنن موضوعين او خلينا نقول معدلين من قبل البشر فكمان انا بقلك على اعتبار كذلك فانه بضل في نص مكتوب وكل او اغلب اللي بيتبعوا هاد الدين او العقيدة وبيعتبروا حالهن بينتموا الها فهنن بياخدوا فيها ( للكتب الدينية هي ) او على الاقل جزء منها فما بتقدر تقللي انها نظريات ... هلق انا بقلك بالنسبة النا كعرب في عنا شي اسمه علم الانساب وهاد العلم قديم كتير ومهمته (من اسمه طبعا واضح ) انه يربط انساب البشر مع بعضعهم البعض ( فلان ابن فلان ابن علتان ) واللي هو يعتمد عليه في توثيق نقل المعلومات من العصر القديم لهلق وهو اللي بساعد على انه نتأكد انه النصوص اللي نحن منعتمد عليها هي مثبتة ومقبولة ( عم بشكل خاص بالنسبة للاسلام ) وبرجع بقول مرة تانية انه لما تطرح موضوع مو علمي خلينا نقول فكري واللي هو بالاغلب بكون الاختلاف فيه ناتج عن القناعات المختلفة لكل شخص واللي هي ناتجة عن العقيدة اللي بيعتنقها سواء كان عنده عقيدة ام لا ، فرح تكون وجهة نظر كل شخص مرتبطة بالدين اللي هو مقتنع فيه وصعب انه تحاججه دائما بوسائل علمية . اقتباس:
بالنسبة لموضوع الخمر كان مجرد مثال مو اكتر والفكرة بتنطبق على كتير امثلة بس ما حبيت اضرب اي شي تاني مشان ما اخرج عن الموضوع بس انه طلب صغير يا ريت توضحلي شو معنى الهامش اللي حطيته بالاخير لانه بصراحة ما كتير استوعبت عليه !!!;) |
اقتباس:
انتي فيك تثبت لحدا بشكل علمي بيقبلو العقل انو في ملاك اسمو جبريل مثلا؟ هلق انا كمسيحي وانت كمسلم مؤمنين بالدين بشكل او بآخر... بس ما فينا نعتمد عليه باخوية لانو لازم تقنع الاخرين فيه بالاول وبعدين تعتمد عليه ببراهينك و وجهات نظرك. هامش: مشان الهامش يلي سألتني عنو... تبع المتدينين (يلي بامنو بحقيقة الدين اصلا) الدين مو هوي الايمان الاعمى بدون تفكير, و انما لازم تخلي كل شي في حالة دراسة مستمرة و بنوع من عدم الثقة بفهمك الو... وما بعتقد انو في انسان فهمان الدين 100% يعني اذا بتعتقد ان الدين حرم الخمر (كمثال), فلا تكون متأكد 100% انك فهمان الموضوع صح. فضل عم تسمع الطرف الاخر... :D |
اقتباس:
طيب نحن هون كلنا شباب وصبايا فخلينا نحكي بوجهة نظر علمية وخلي الدين لأهله , لأنه الدين بحد ذاته عم يتطور فنحن مافينا نحكي عن رأي المسؤولين بالدين لأنه بيتغير وبيتطور كل فترة مثلاً ماكانوا موافقين ع تطور جديد وبعدين بيجوز يوافقوا (مثلاً طفل الأنابيب مثلاً ) |
وصلتو لشي:?
|
اقتباس:
منيح كتير اول شي انت عم تأكد من خلال "العمودان" انه الموضوع العلمي البحت ممكن نقاشه بالتجربة وكمان انه لا يمكن النقاش بالامور الفكرية اللي تتعلق بالدين من خلال مثال "جبريل" عن طريق برهان علمي ... (وبعتقد انه مارح تقدر توصل لنتيجة غير هي بهالنقاش متل ما لاحظت من كتير ردود سابقة) . في شغلة مهمة الايمان بالدين او معتقداته هو ايمان لايعتمد على البرهان خصوصا بوقتنا الحاضر وعلى اعتبار انه الشخص اللي كان مكلف بنشر هالدين هاد ما بقي موجود ... ولذلك الايمان بأشياء غيبية ( متل وجود الملائكة) رح يكون عن اعتقاد شخصي بهاد الشي ،فأنا قطعا ما رح اقدر اقنعك انه في ملاك موجود اسمه "فلان" لانه ما مكن انك تشوفه او حتى تلمس وجوده بشكل حسي ولكن هاد الشي هو جوهر الايمان بحد ذاته . اما بالنسبة للهامش : اقتباس:
بالنسبة انه تتعامل مع النصوص الدينية او التعليمات الدينية بنوع من عدم الثقة وتخليه بحالة دراسة ممكن بالنسبة لكيفية تطبيق تعليمات الدين وليس المس باصله او اركانه الاساسية والا بهاالحالة بصير كل شخص "بفصل دين على كيفه" وبيشتغل عليه ، انا بوافق معك على انه فهمنا للنص الديني لازم يكون في نوع من المرونة ولكن مو بالامور الاساسية . واكيد انا ما بعتقد انه انا فهمان الدين بكامل جوانبه 100% متل ما قلت وممكن ما كون فهمان ليش تحرم شرب الخمر ولكن انا متأكد بالنسبة الي كمسلم انه محرم ... كيف ؟؟؟ ممكن انه السبب يكون ماهو واضح بالنسبة الي بالشكل الكافي (برجع بقول انه المثال انضرب ومابدي افتح غيره)... وممكن اترك مجال لرؤية وجهة نظر الطرف التاني ولكن لست بالضرورة ملزما بالاقتناع بها. اخيرا بعتقد انه فكرتي اللي كنت بدي قولها وصلت وما بدي اخرج عن الطرح الاساسي للموضوع :D |
اقتباس:
صحيح انه الأفضل ترك النقاشات الدينية المحضة لمكانها اولا ولاهلها ثانيا ونحاول نعتمد المواضيع اللي النقاش فيها ممكن يكون على اسس فكرية شخصية او علمية حتى ... ولكن في شغلة الدين هو هو نفسه ما بيتغير ولا بيتبدل ولكن ممكن انه فهمنا اله وتعاملنا مع تعليماته هي اللي بتتبدل وبتطور حسب المرحلة اللي نحن فيها ولكن هو كأساس ثابت وما بيجرى عليه اي تعديل |
| الساعة بإيدك هلق يا سيدي 00:12 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
.
.