|
اقتباس:
اقتباس:
هي كل القصة لابدها مطالب ولاغير مطالب ولا لجان ولا شي... سؤال مباشر بصفتي عضو مصوت وبدي جواب من صاحب صورة معينة بوضوح "إذا أراد"... يعني بالمعارض العالمية بتشوفي الفنانيين واقفين مع لوحاتون وصورون وعم يجيبوا على تساؤلات الناس فليش انتي معتبرة اي ملاحظة على مشاركة بتمسك شخصياً ماني عرفان... انتو حطيتو الموضوع على اساس ليتناقشوا الاعضاء مع بعضون "المصوتين والمصوت لهم" فتركو كل واحد يناقش بموضوعه وانتو جاوبو على مايخصكم من المسألة ومابتصور سؤالي عن صورة أن فورغيفن بيعني المنظمين للمسابقة بأي شكل... على اعتبار انتو وضحتوا انكون دورتوا عليها على الانترنت ومالقيتوها وفحصتوها فوتوشوبياً وماشفتوا اي تعديل فيها فاتركونا تناقش بلكي عنا رأي تاني او معطيات انتو ماعندكون ياها... اقتباس:
يمكن انا شخصياً كنت بستساغ فكرة انكون تعطوا جائزة تسموها "جائزة لجنة التحكيم - جائزة شرفية - جائزة خاصة" عن فكرة ادراج صورة مخالفة بهالشكل هاد يلي حسيت فيه كسر علني لشروط المشاركة من قبل منظمين لمسابقة... اما حول درجة التعديلات المدخلة على الصورة فهالشي مابيعنينا... ان كان معدل بـ25 ليرة أو بمليون لأنو على قولكون هالشي ممنوع ولو الاعضاء من الاول بيعرفو انو ممكن هيك تجاوزات تصير كان كتير ممكن يضيفو شوية افيكتات عالصورة بشكل بسيط تجمل صورتون ويمكن تكسبون المزيد من الاصوات !!! اقتباس:
وانا بتحفظاتي التلاتة "يلي كل واحد منون موجه لطرف" كنت كتير واضح بإنو جيمي "مثلاً" شفت شخصياً انو موضوع "صورتو" غير مناسب لهيك حدث اما ممكن بغير مكان لو كان الموضوع مثلاً مسابقة عن استخدام الخدع "متل ماوصفها" بالخطوط وتصويرها كنت صوتتلو اول واحد وعملتلو برقية شكر... بالنهاية بتبقى آرائنا يلي عم نطرحها بكل مسؤولية واحترام وبيبقى حق الطرف الآخر "المعني بكل قضية على حدى" يجاوب او مايجاوب على هالمداخلات ايضاً بكل مسؤولية واحترام. |
|
اقتباس:
بخصوص الاعتراض فما عم افهم عليك وين المشكلة في زوق فني بالموضوع وفي ضوابط وشروط الزوق الفني ما اعترضت عليه الاعتراض كله على خرق الضوابط والشروط المحطوطة من قبل اللجنة نفسا . مشان عدم المشاركة والاعتراض ... بكل صراحة انا واحد من العالم اللي ضرب براسي روح على البريد وطالب بحذف صورتي من المسابقة .. اذا بتحبوا تعتبروا الطلب هون رسمي بأني بدي انسحب بالمسابقة ما عندي أيا مشكلة .. لا بل بكون ممنون الكن .. بتوفروا علي بانزينات النزلة علبريد :p وما عدنا نعيدا :D اقتباس:
معي انت بهلنقطة ولا هئ ؟ اقتباس:
اقتباس:
اقتباس:
|
اقتباس:
اقتباس:
وقتها بيطلعلك معنا اعتذار وبوسة كمان . وغير هيك بعتقد انك مطالب بالاعتذار من كل الاعضاء على لهجتك الاستفزازية اللي معتمدها بالحكي معن ( باعتبار انك مانك موجه الحكي بشكل مباشر فالكل معني بالحكي اللي انت كاتبه ) اضافة أنك مطالب باعتذار من الـ 14 متسابق اللي اخدت مكان شخص ممكن يكون اي واحد منن بالاستثناء الممنوح للمسابقة . |
مجموعة ملاحظات : المسابقة لما تشكلت كانت فكرتها ببساطة تقدم عدة لوحات ضمن شروط لتوصل بالنهاية منهون كم لوحة لتفوز معنا بهالمسابقة الرمزية ومن الطبيعي انو يكون في لجنة تقييم . و بما اننا مو لجنة بروفشنال فـ من المؤكد احتمال حدوث اخطاء محددة و ذكرنا هالنقطة عدة مرات . بس نحنا حاولنا بكل الامكانيات المتاحة بانو ننسق جهودنا لاختيار عدة صور لاستبعادها من المسابقة لمخالفتها الصريحة للشروط او لعدم وجود حس ابداعي بالصورة . بالنسبة لصورة ذا لايت : اجمعت اللجنة على اشراك صورة ذا لايت بالمسابقة بعد نقاش حول استخدام الفوتوشوب وقديش مأثر هالاستخدام على جوهر الصورة . و اجمعنا على انو الاستخدام خارجي و ما الو تأثير على عناصر الصورة الرائعة الي لازم تنعطى فرصة و نبهنا بالمسابقة على خصوصية وضع الصورة مشان يكونو المشاركين بالتصويت . بالنسبة لصورة جيمي : انا بالنسبة الي شخصياَ ما شفت فيها شي لفتني رغم انو من الواضح انو في صعوبات بتنفيذها بس ما وصلني لا احساس ولا فكرة اكتر من تقنيات . بس اغلبية الاصوات رشحت هالصورة وهادا شي ما لازم يزعج برأيي كون لجنتنا المتواضعة كلفت لهالغاية الا اذا كان في اعتراض شخصي على احد اعضاء اللجنة او كلهن . بالنسبة لصورة ليوناردو و بعض الصور الي ما تم اختيارها : شباب و صبايا . عدم اختيار صوركون ما بيشير الى انها صور غير صالحة أبداً بل نظراً لوجود صور اكتر ابداعاً في بعض جوانبها برأي اللجنة دائماً . فـ خليكون اكتر منفتحي الصدور لهالنتائج كون المسابقة رمزية وكوننا لجنة منكون وفيكون وبكل تواضع هي امكانياتنا وكون من الممكن تكون في صور احلى من صوركون او اكثر حرفية بالزوايا و الألوان . لقيت حالي لازم اكتب هالكم ملاحظة التوضيحية كون ذا مونينج العزيزة لحالها بالساحة وتحية قلبية الكون ولصوركون جميعاً :D |
اي تحياتي
هلأ ع قد فهمي للموضوع يعني ..في من كل هالحكي نقطتين : الأولى : اعتراض ابو طوني على مشاركة صورة ذا لايت بالمسابقة , و موقف مشابه من فيفا سيريا , الفرق انو فيفا سيريا تحفظ ع مبدأ خرق الشروط أكتر من مشاركة الصورة بحد ذاتها يعني. التانية : اعتراض ليورناردو دي كابريو عل صورة جيمي . بالنسبة للنقطة الأولى الشباب ( ابو طوني , فيفا سيريا ) معهن حق من حيث المبدأ . أنو يايا شو مشان عم تحطو شروط و بعدين تخالفوها !! اللي صار بالحقيقة هو نوع من التسوية ( قد نكون مخطئين فيها يعني ), و السبب هو انو في قناعة تشكلت عنا انو ( التعديلات) اذا صح التعبير اللي ادخلت على الصورة باستخدام الفوتوشوب ما أثرت ع الصورة بحد ذاتها , و كان عنا قناعة بالتالي انو حرمان الصورة من المشاركة نتيجة هال ( تعديلات ) هو اسوأ من خرق قواعد المسابقة . و من هون اجت فكرة الصورة ال 11 . لا اكتر و لا اقل . بقى فيما يتعلق بهالنقطة يعني انو اي معكن حق , و هي وجهة نظرنا ..ممكن تقتنعو فيها و ممكن لاء , بس يعني عم نوضح كيف صار هالشي , و يعني الواحد بيتعلم من اخطاؤو , و كتير احيان اذا ما غلط ما بيتعلم , بقى سامحونا يا جماعة بالنسبة للنقطة التانية , و هي بخصوص صورة جيمي , يعني بعتقد انو مافي داعي نحكي اكتر من هيك , الصورة ما فيها فوتوشوب ( هيك قناعتنا يعني ) و الصورة مؤهلة انو تشارك بالمسابقة , بقى الاعتراض عليها مانو مبرر ( كمان هيك قناعتنا ) و نقطة انتهى . بخصوص الشباب اللي صار تشكيك بصورهن اذا فيها تعديلات او لاء , هني احرار اذا بحبو يوضحو شي او لاء , مع اني بتمنى انو يقولو اللي عندهن ..بكون احسن يعني . تحياتي |
اقتباس:
أيضا ً النقطه اللي بخصوص ذا لايت يبدو انو ما عم يتم فهمها انو لو ما كانت صوره ذا لايت هي الرقم 11 فما كان رح يكون في صوره تانيه على الاطلاق ( اي صوره ) هي يعني الرقم 11 شرفية لـ ذا لايت خاصه .. اسبيشيلي لـ ذا لايت .. كرمال ما يكون اخد فرصه من غيره فلذلك ما فيك تقول اخد فرصة حدا .. اقتباس:
و للاطلاع بس انو لجنه التحكيم يخصها بكل شي عم ينقال كونها هي اللي اختارت الصور المشاركة .. اقتباس:
لذلك حاليا ً فيك تعتبر مشاركاتك هون بخطر :lol: |
اقتباس:
بقترح تحديد موعد انتهاء التصويت بدقة أكتر... مثلاً 28 تموز الساعة 21:00 أو 29 تموز 00:00 مجرد اقتراح يعني |
اقتباس:
اشتقتلك كتير ... وين هالغيبة .. انشالله تكون بخير .. اما بعد ... اكيد الصورة من تصويري .. انا من هواة التصوير وبحب التقط الصور الغريبة .. واللي مابتلاقيها وين ماكان ... بس أكيد مش الصور المستحيلة .. يعني .. صورة تنين عالبحر .. صحي صعبة شوي .. وخاصة بمجتمع متل مجتمعنا .. !!! .. بس مانا مستحيلة .. وانا كانت فكرة صورتي .. انو .. الحب .. هوي كمان عم يناضل كرمال الحرية .. مش بس نحنا .. كتير في تضييق عالحب بمجتمعنا ...! . . . سوري من الكل .. ماانتبهت عالموضوع هاد .. كنت لازم وضح .. أنا سبق ووضحت ل مورنينغ وفسرتلا شو وضع صورتي .. بعد مااحتج ليوناردو .. ف .. انشالله تكون انحلت المشكلة .. بتمنى اللي عندو استفسار .. يسأل .. انا جاهز .. :D THE,unforgiven ... " |
لطالما دأب البشر على تقسيم بعضهم البعض بين مع وضد ، بين مؤيد ومعارض ولطالما ايضا اعتقدوا بصحة مواقفهم وارائهم وتمسكوا بها وتشبسوا بها حتى بعد ان عرف أغلبهم انهم على خطأ ولكنها سمة بشرية قد تطالنا جميعا و وقتها قد لا نقبل النقد او ابداء الملاحظات على تلك الاخطاء وانا أولكم ولا انزه عن نفسي شيئا .
في واقع الامر ان المعارض والمؤيد هما نفس الشكل والمضمون مع اختلاف الاتجاهات هذا ان استطعت الافلات من التحيز الى كلا الطرفين ووقفت بعيدا لتراقبهم وقلما يفعل احدنا هذا لصعوبته الشديدة فانت تبني موقفا بمجرد علمك بقضية ما او شيئا ما او انك لا تبني شيئا وتبتعتد بعيدا دون الاكتراث ، اذا استطعت الافلات وقمت بالمراقبة سترى ان الطرفين نفس الشيئ رغم تعارض مواقفهم واذا كررت تحربة الافلات مرات ومرات ستجد ان نفس الشخص الذي كان بالامس يقف في جبهة المؤيدين في مواجهة جبهة المعارضين ضد شخص اخر ، ستجد هذا الشخص الاول اليوم يقف مع الشخص الاخر وتبدلت حالة العداء والخلاف والشقاق الى توافق وتطابق وصداقة ، وعند التكرار مرة أخرى في الغد قد ترى الطرفان قد عادا مرة اخرى لخانة مع وضد وصارا طرفا صراع جديد حول موقف جديد او قضية جديدة . - فليتذكر كل منا انه بالامس كان ضد او مع واليوم اصبح مع او ضد وغدا قد يعود لنفس الموقع فلا داعي ان تخسر صديق او تعكر صفو علاقة لامر مؤقت لن يدوم وستقف غدا لتلوم نفسك لم يكن الامر يستحق ان اخسر صديق من اجله او ان تتعكر علاقتي معه ، الكلمة لها قوة لا توصف ، قد تجرح انسان جرح لايجرحه سيف وقد تشفي انسان لايشفيه عقار باذن الله . لم اكن ارغب بالمشاركة في هذا الموضوع من الاساس نظرا لوجود هذه الملاحظة . " ملاحظه أخيرة : هذا الموضوع لنقاش النتائج و ليس لتغيرها .. يعني مش رح يتم بناء على هالموضوع اجراء اي تعديل او تغير في النتائج اللي وصلنا الها اليوم ( خصا ً في ظل انو صرنا بآخر مرحلة )" في حقيقة الامر بعد قراءة هذه الكلمات أتضح لي أن الموضوع تضائلت اهميته ، فسيقتصر على التنفيس والتوضيح . ولكن ماذا اذا كان لدي شيئا اقنعك به ويستحق تغيير النتائج ، هل لن تقتنعي ؟ ماذا اذا كان احد المشاركين ، قد ادرج مشاركته "الصورة" يوم 4-7-2009 اي بعد اخر موعد لادراج المشاركات ؟ ماذا يترتب على ذلك الامر من امور اخرى غير عادلة ؟ يأخذ هذا الموضوع مكانا غير مستحق بين ال10 مشاركات وكانت مشاركة اخرى اولى بهذا المكان لانها جاءت قبل يوم 4- 7 "الغير قانوني والغير عادل" ثم تاخذ هذه المشاركة اصواتا من قبل الاعضاء عند التصويت وكان اولى بهذه الاصوات مشاركات اخرى ايضا قد دخلت قبل يوم 4- 7 * قد يكون لدى أحد غيري شيئا اخر يراه يستحق تغيير النتائج ماذا لو كان ذلك صحيحا ؟ هل لن تقتنتعي بتغيير النتائج ؟ |
اقتباس:
|
اقتباس:
القصة ومافيا ... هوي لون الصخور اخضر بس مش هالقد ..(بسبب الطحالب البحرية .. ) بس مابعرف ليش طلع هيك بالصورة .. يمكن لأنها ملتقطة بكميرة موبايل (عادية .. تقريب ال1 ميغا بيكسل ..) ومافيا فلاش ... وكان مافي ضو شمس كافي ... يعني .. المهم الفكرة من الصورة .. بيني وبينك كنت عم فكر اطلع عالبيت جيب كميرة الديجيتال وارجع التقط صورة البحر .. بدون عشاق .. بس فضلت صورة عادية .. بفكرة غير عادية .. أحسن من صورة رهيبة الدقة .. بفكرة عادية .. بس هيك .. ;) :D |
انو هلأ انا ما عندي اعتراض ع شي .. انو صورة جيمي تم التوضيح تبعها كونو كنت رح اعترض عليها بس وصلت فكرتو ... اما الغريب انو صورة ابو ريتا جد حرام انو ما دخلت ع التصويت لانو كتير رائعة وبتستاهل تنافس...
ويعطيكون العافية اللجنة والمتسابقين..:D |
سلام للجميع
بدي وجه حكيي تحديداً للرفاق حشت نشت وصافي وباعتبار الموضوع شكلو قريب بيناتنا وفي افكار متقاربة نوعاً ما بينكون وبين "المعترضين" على حشر الصورة المخالفة بين الصور المرشحة بطريقة +1... انا شايف الحل بسيط جداً وهو بسحب هالصورة من الترشيحات على اعتبار بكل العالم وقت يكون في اعتراض شعبي على نتائج اي تصويت او انتخاب ومهما كان النظام ديكتاتوري بتعمل اللجنة المكلفة الاشراف على الانتخاب حركة للتجاوب مع المطالب الشعبية وتحديداً اذا كانت محقة... واكبر مثال يلي صار بايران انو على القليلة عادو فرز 10% من الاصوات... ويا باشق ويا ابونهلة مشان وضحلكون تماماً الاعتراض على صورة ذا لايت... نحن منعرف انو التعديلات ما اثرت بعناصر الصورة الاساسية بس هل بتقدرو تضمنو انو اي من الصور المدرجة بالمسابقة لو اضاف من خلال الفوتوشوب اطار للصورة واهداء ما كان جاب اصوات اكتر؟؟ مثال: أقل صورة نالت على تصويت لو احتوت على اطار جميل واهداء من نوع ( الى تشي غيفارا أو إلى حافظ الاسد أو الى ميشيل كيلو) ماممكن هالشي يخلق نوع من التعاطف معها وتكسب اصوات لم تكن لتكسبها باستخدام الكاميرا دون اي تعديل؟؟ فيا شباب باعتبار انتو وصاحب الصورة موافقين على انو هالصورة احتوت على تعديل بسيط بالفوتوشوب يا اما بتسحبوها اما الحل الاصعب انكون تسمحو لكل المشاركين باضافة نفس القدر والنوع من التعديل على صورهون وبينعاد التصويت من جديد "حددوا معايير جديدة كالسماح باضافة اطار او السماح باضافة اهداء او اللعب بالاضاءة بقدر معين)... فالحل الاسهل بسحب ترشيح هالصورة وكفى الله المؤمنين شرب الكوكا كولا.. يعني اتتو حددوا ونحنا معكون بس عذراً خرق قوانين خاصة باي استفتاء بهالشكل هاد من قبل اللجنة المسؤولة هو امر غير مقبول وفيه كتير من الاستهتار بالمصوتين هامشيات: 1- اكيد مافي حدا منكون بيساوي بين عرض صورة ضمن البوم صور وصورة تانية باطار مرتب حتى لو كان ضمن البيت فهالشي ابداً مافيه مساواة 2- بعد غياب عن النت اكتر من 15 يوم وعودة مبارح اتفاجئت انو الموضوع بالفعل متفاعل بين الشباب والصبايا وانو في دعوات مقاطعة وتدمير "لمقر الباسيج الاخوي :lol:" وحرق دواليب وتسكير شوارع فاخوكون فيفا سيريا بكل تواضع يدعوكون للعودة عن هالخطأ "وبه فضيلة" رغبةً مني بنجاح هالمسابقة وعدم ضياع قيمتها بمهاترات الجميع بغنى عنها... 3- حشت نشت وباشق مجروح بنصحكون بزيادة اجراءاتكون الامنية هاليومين واستخدام المواكب المصفحة لانو في حكي عن عمليات استشهادية ضدكون :adal: 4-اذا فاتحين باب خرق الضوابط يلي انتو حاطينها كان من السهل كما خرق ضابط الفوتوشوب بنسبة معينة خرق ضابط الصور المدرجة مسبقاً وتفصيل قانون على قياس صورة ابوريتا "بالسماح بعدد معين من الايام" وادراج صورة ابوريتا باعتبارها تستحق الترشيح بجدارة... يعني على القليلة كنتو لاقولها شي طريقة ملعوبة وشاركونا فيها ;) |
اقتباس:
اولا...اللجنة بتعرف انو انا كانت مشاركتي بهدف اهداء الصورة لكريم وكانت المسابقة فرصتي....وضمن اطار الزمان والمكان...وكون المسابقة كانت ع ذكرى مرور عامين اعتقال كريم...فكان الزمان مناسب لاهداء الصورة...ورغم معرفتي من البداية انها ليس لها اي فرصة للربح على اعتبار ان الشروط بتمنع تغير ابعاد الصورة..رغم هالشي اصريت اني اشارك فيها بهالشكل وتمسكت بجملة الى كريم...وهاد الشي بتعرفه ذا مورنينغ.... انطلاقا من هذه النقطة....دخولي على هالموضوع والرد فيه والموضوع يللي انحط بالبريد هو فقط لاني رأيت من واجبي ومن رغبتي اني دافع عن صورتي وارفض وحتى اني اثبت ان الصورة الاساسية لم تغير ابدا...بمعتى ان الاضاءة والسواد الموجود بالصورة حوالين الشمعة هي امور تم الشغل عليها تقنيا بالكاميرا فقط واعتبر انه انتقاص مني كشخص الو مراق بالتصوير وبيشتغل ع هالهوابة بشكل جدي ان يتم القول انو الصورة تم استخدام الفوتوشوب فيها لاظهارها كما ظهرت... اذا بترجع بتقرا ردي السابق بتشوف اني طالبتك باعتذار اذا كنت بتقصد ان الفوتوشوب هو مستخدم لتعديل عناصر الصورة الداخلية...وماطلبتك باعتذار اذا كان قصدك شي اخر (الاطار او التوقيع) اقتباس:
بظن ان الموضوع هون مفتوح لمناقشة امور المسابقة وليس لتعليمي اداب الحديث او طريقة كلامي... اقتباس:
سلامات |
اقتباس:
الكل عم يشارك بهدف المشاركة والتفاعل مع الموضوع وبالاذن من محمد ابراهيم رح اذكر جزء من حوار خاص صار بيناتنا اول ما نزل اعلان المسابقة قلي فيه " انا رح شارك بالمسابقة حتى لو بصورة من أغبى ما يكون .. المهم عم نشارك بمسابقة على شرف كريم " وبعتقد انه في كتير اشخاص شاركوا بهلهدف بس القصة مانها شاعرية متل ما انت مصورها اقتباس:
رح تقلي انه اضافات طفيفة واطارات خارجية .. خيو تعا لئلك انا زلمة دب بالفوتوشوب ما عم امزح دب ناظمي يعني الهيدر اللي بمدونتي ما عرفت أصممه مع أنه الاطار جاهز مع التيمبلت ومو مطلوب مني غير حط صورة مناسبة .. ومع هلشي ما عرفت أعمله وطلبت من جيمي يعملي ياه مع هلشي عندك 24 صورة بالمسابقة نقي ايا وحدة منها وقلي يا أبو طوني عدلي عليها فوتوشبيا دون التأثير بعناصرها الاساسية (:lol: فعلا مضحكة هلفكرة تبع العناصر الداخلية والقوى الخارجية الله يسترنا من شي سفارة رياضية مع الأيام :lol: ) ورح اتركلك باب المقارنة بين الصورة قبل التعديل وبعد التعديل شو رأيك ؟ اقتباس:
اقتباس:
بس جمل متل : الصورة هيك ....حبك اهلا وسهلا...ما حبك...اسطفل (بدون تسمية او استقصاد).... هي نحن وهي صورنا وهي نوعيتنا....شيل او اترك من ايدك.... بعرف انك مو قدران تصدق....بقا تصور يا عزيزي.. انو ليش لسى ما شلت حجرة وقلعتلي عيني انو فيها فوتوشوب....شيلها والله شيلها فهي كمان من ناحية تانية بتسرني...وبتسعدني لانها اعتراف انو تصوير هالصورة اكبر من قدراتك واعتراف ع قوة الصورة واللقطة.... الغريب انك عم اتطالب العالم تحترم الجانب الفني لعملك ومانك قادر على الحكي باحترام مع العالم . اقتباس:
وبما أن التجربة أثبتت بأن المي في حال دقها لمدة ساعة وتلاتو تلاتين دقيقة رح تبقى مي فما عاد عندي شي أكتبه ويعطيكن العافية |
اقتباس:
أنو يا جماعة الخير , أنا كنت متوقع منكن تتعاملو معنا بطريقة شيك و ما تحشرونا بزوايا , يعني معلم انت كتير بتلاقيها حلوة بحق لجنة طويلة عريضة , و اضرب واطرح , و تسالي يعني , انو قبل يومين من انتهاء التصويت نسحب صور , أو نسمح بتعديلات ؟؟ في أمور بدها تاخد حقها , يعني و تمر بمراحل لحتى تنضج و تطور , و التجارب مفيدة , خلينا نقول مافي شي اسمو تجربة فاشلة , بكل مرة الواحد بيتعلم شي , و بيستفيد من الشي اللي تعلمو بالمرة القادمة ..و هيك يعني لحتى يوصل لحالة اقرب ما تكون الى الكمال . خود مثلاً لعبة كرة القدم , لعبة عمرها هديك الحسبة و مع هيك الجماعة احيانا بيوقعو باخطاء , يوم اقرت الفيفا قاعدة الهدف الذهبي كتير ناس اعترضو , و قالو انو هي قاعدة سيئة و رح تسبب مشاكل كتيرة ..الخ , مع هيك يعني الجماعة جربو , و بعدين قررو يلغو قاعدة الهدف الذهبي و مشي الحال ..بس انو يعني الجماعة خلينا نقول جربو , و شافو بعينهن و اقتنعو. نحنا هون بدك تقول باول محاولة , يعني لسا باول تجربة , و ممكن نكون اخطأنا ( ممكن يكون الغلط أنو ضفنا الصورة ال 11 , و ممكن يكون الغلط بمكان تاني , يعني الموضوع حمال أوجه ترى ) , بس أنو من حيث المبدأ منتوقع منكن أنو تكونو اكتر مرونة , و انو تكون الاراء هيك يعني تحمل طابع السلاسة و الودية , بدون ما يكون في حشر بالزوايا أو اتباع سياسة مفترقات الطرق. حاليا و باعتبار التصويت بلش و قرب يخلص , خلونا نتعامل بواقعية مع الموضوع ,و انو نكفي التصويت على ما هو عليه , و انو كل الملاحظات و الاقتراحات اللي صارت بهالمسابفة تتاخد بعين الاعتبار بالمرات اللي جاية . خاصة انو بالمراة الجاية ممكن تكون انت او ابو طوني , او x من الاعضاء باللجنة مثلاً , و بتكون عليكن مسؤولية انو ما توقعو باخطاءنا , و هيك يعني . بقى هلأ بدي اطلب منكن جميعا انو تساعدونا نخلص المسابقة ( متل ما هيي يعني ) , و بعدين نعمل لائحة بالملاحظات و ما الى هنالك و تصير متل ورقة مرجعية للمسابقات القادمة ...و الكل بكون مستفيد . هيك يعني و على أمل أنو ما يخيب ألأمل هالمرة:lol: ...و تحياتي :D:D |
اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - ايمانا مني بمبدأ ان صاحب الاتهام احق الناس باثباته بالية بسيطة لكل المتابعين على الشبكة الان يستطيعون ملاحظة الفكرة التالية لو ان SelavI قام بوضع المشاركة باخر ثانية في يوم 3-7-2009 اي الساعة 11:59 و 59 ثانية فان اليوم 24 -7-2009 في نفس الموعد يصبح مضى على المشاركة 3 اسابيع وستأتي تلك اللحظة وسترون انه قد مضى على المشاركة اسبوعان فقط . ويمكن بنفس الالية اثبات ذلك بعد مرور 10 ايام كل يوم تتاح تلك الخاصية بنفس الية الاثبات بالنسبة للعضو العادي . |
اقتباس:
هنا تكمن روعة صورتك وانا حاولت فهمه هذا الشي بصراحة لاني اعرف تماما صعوبة تصوير الورق بسبب امتصاص الورق للضوء وهاي المشكلة اعاني منها كثيرا لما اصّور لوحاتي. |
اقتباس:
اقتباس:
مسابقة للتصوير مشاركين فيها الشباب , و هالشب واحد من هالشباب , و شو بيترتب يعني اذا شارك ؟؟ انوممكن يربح هو بدل ما يربح حدا تاني من الشباب ؟ طيب شو بأثر ...و الله ما بأثر ...و انا بأكدلك من عندي أنو حتى اذا أثر ما بأثر . القصة انو الشب بعت رسالة انو هو متأخر و عم يستفسر اذا بيقدر يشارك او لاء , و باعتبار ما كانت اللجنة مشكلة او ما مجتمعة و الله ما بعرف , شافت منسقة القسم انو مافي شي بيمنع انو صورتو تشارك . و انا هيك بشوف كمان ,و انا بتوقع انك انتي محلي رح تشوف هيك . يعني الله وكيلك لا يترتب ...و حياة اللي جمعنا انو لا يترتب ...انا بعرفك زلمي مرتب ...بقى الله يخليك حاج تقلي ماذا يترتب ..لانه لا يترتب :lol: على عيني :D |
تحية لكل من شارك في إعداد وترتيب (عجبتني هي ترتيب ومرتب .. :lol:) وتنفيذ هالمسابقة .. فكرة ومضموناً .. قالباً ... وقلباً .. انو يعطيكن العافية .. عالقليلة عملتو شي يحرك الوضع شوي .. ومشكورين ..
وأكيد بشكر بأسمي وباسم الكل .. انو كل اللي شاركو بالمسابقة بصورن .. أو بتصويتن .. (أكيد المسابقة .. بلا مصوتين .. متل كأنها بلا متسابقين .. ) .. فالمصوتين عضو كتير فعال بالمشاركة .. فكرة المسابقة كتير حلوي ... وياجماعة .. انو اسما مسابقة رمزية ... لاورايا ملايين .. ولا شي .. نحنا أخوة بين بعضنا .. جماعة لقطتلا كم صورة .. جماعة نسقت هالصور ضمن مسابقة .. جماعة صوتت .. وفي جماعة كمان .. عملت مشكل .... وشلشت الوضع .. :lol: خلونا أخوة ... واعضاء أخويين ضمن أخوية .. وياريت مانجرح ببعضنا .. انو إذا مشان مسابقة عملنا هيك .. كيف ماتصير شي حرب .. ويصير في حياة وموت بالنص .. في عالم تعبت كتير ... وعم تشتغل ومازالت وراء الكواليس .. وشو أخدت بالمقابل .. وجع راس .. ورسائل خاصة بتوجع الراس .. وردود ماخلت بالراس شي .. خلونا نخلي أخوية .. متل ماكانت(وانشالله رح تضل .. ) .. أخوية .. |
قبل كل شيئ في تحية واجبة لكل اعضاء اللجنة على وقتهم ومجهودهم طوال الفترة السابقة بالمسابقة ، عن نفسي مقدر حجم هالمجهود المبذول والوقت اللي قدمتوه .
اقتباس:
انت بتعرف انو حكيي تمام بس العضو العادي مافيه يعرف توقيت نزول الموضوع الا بهالالية . اما عن ما يمنع هالمشاركة فهي أحد شروط المسابقة اللي تم وضعها كشرط القبول بالاشتراك (هالشرط لم اضعه انا ولم أخرقه انا ) لماذا يتم وضع شرط لا يتم تطبيقه على الجميع ؟ في واقع الامر كنت ارغب في ان يشترك أكبر عدد ممكن من الاعضاء ولكن ليس بهذا الشكل الذي يجعلنا نخرق القواعد والشروط التي تم وضعها منذ البداية ، لان ذلك يفقد الاعضاء الثقة في المسابقة ، وعلى المستوى الشخصي لا اتحدث حديث انشائي ، مع اكثر من زميل كنت ارغبهم بالاشتراك في المسابقة بغض النظر عن النتيجة والمسابقة بالاصل لا تعرض جوائز على حسب اعتقادي واحد المشتركين حاول رفع صورته على موقع ولم ينجح ، حاولت رفع هذه الصورة عدة مرات دون نجاح وبالفعل رغبتي كانت دوما ان يرتفع عدد المشاركين قدر الامكان ولكن وفق الاصول ، دون ان اخرق احد شروط المسابقة . لان خرق الشروط تجاوز وقد يخلق عدم عدالة بين المشاركين وقد يفقد بعضا من الثقة التي نشات عندما قبل المشاركين الاشتراك بالمسابقة . * نقطة يجب ادراكها : بناء الثقة يتطلب وقت اما هدمها فلايتطلب شيئا ، خرق شروط المسابقة سيشجع البعض على الخرق في مرات لاحقة طالما لا ترون خرق الشروط يمثل مشكلة ولكني ارى ان خرق الشروط عدم انضباط وعدالة . ومن حق اي عضو ان يطلب منكم استثناءات فيما بعد ولن تستطيعو رفض طلبه ان كنتم عادلين فكيف تقبلون لاحدا هذه المرة وترفضون غدا لاخر ؟ واذا قبلتم فبهذا ستكرسون مبدأ عدم الانضباط بشروط المسابقات فيما بعد . و خرق الشروط يفقد الثقة لدى البعض . |
اقتباس:
اقتباس:
اقتباس:
اقتباس:
اقتباس:
أنا من جهتي ابونهلة هيك وصلني حقي ووضحت وجهت نظري وشاركت وصوتت وعين الله حولي... وبكتفي بتوضيجك وبعلن وقف كل "انشطتي المعارضة" لقرارات لجنتكم الموقرة... وبتصور الشباب ان كان غابي او محمد او ليناردو وكل يلي معترضين كمان وضحو وجهة نظرون... وعندي طلب صغير من كل الشباب المزعوجين من اي خلل شاب هالمسابقة انو يعبروا عن رغبتون من خلال التصويت ويصوتوا لأحق صور موجودة بحيث هاد التصويت والتصويب هو رسالة أجدى من مقاطعة هالنشاط أو إفشالو... وهالنشاط مهما شابو من اخطاء بيبقى تحت مسمى ذكرى شب كلنا منكن لإله كل مشاعر احترام وتقدير... تحياتي :D |
اقتباس:
أيه سيدي , لكن بأسمي وبأسم جبهة المعارضه الكبرى , نتقدّم لك بالشّكر الجزيل وذلك لتبرير شيء ليس عليك تبريره , وجعلها في ميزان حسناتك . . ! ! :D اقتباس:
أهلين ابو ساره , نوّرت الصّفحه :D |
اقتباس:
أهلين صافو نوّرت ! ! :D |
اقتباس:
أهلين حجّي :D |
اقتباس:
أهلين معلّم . . ! ! |
صديقي لينواردو اول شي بدي هنيك على قدرتك على الاخد والعطا وطولة البال... بس انا شايف بعد اذنك انو هيك بيكفي يعني مشان ماتفقد القصة قيمتها وتصير حكي بحكي وخدني جيتك وتعا نقسم القمر...
فيعني هيك بلا معلمية عليك وحهات نظر الكل وضحت والجماعة اقروا بوجود أخطاء ووعدوا بتطوير هالتجربة مستقبلاً وبعدين منحكي فيه بعدين.. فشو رأيك تفضلنا هالسيرة وتلاقيلنا شي قصة تانية أدسم نشتغل فيها لأنو هالموضوع صار مستهلك حبتين... هامش: يعني انت حالف يمين كل واحد يحط رد بهالموضوع ترد عليه؟ :? تحياتي :D |
[quote=محمد ابراهيم;1303221]المشاركة اللي دخلت يوم 4-7 هي مشاركة SelavI
quote] مـــــولانــــــا : بتشكّرك كتير لهالتدخّل الأكتر من رّائع , ما يحرمنا من طلّاتك الهي . . ! ! أنا بعرف انه انته مو قصدك شي بس مؤمن بهالمقوله "السّاكت عن الحق شيطان أخرس" ! ! :D |
اقتباس:
:? :? :? اقتباس:
بس حبّيت أوضحلك هالشّغله , أنّه نخنا هون أخوان وعيله وحده متل ما اتفضلت حضرتك , وهاد موضوع للنقاش على أساس , :lol: بس حبينا نوضّح وجهة هالنّظر (تعدمني هالوجهه) ;) وانشالله تكون وصلت لطاقم اللّجنه يلّي لفتني انّه على الرّغم من اقترافهم لاخطاء فادحه بس لسّه بيحكوا وبيختلقوا اسباب مع انه الشغله واضحه متل عين الشّمس ما بدها تنين يحكوا فيها ! ! وسلامتك ! ! :D |
اقتباس:
أهلين معلّم فادي : 1* بالعاده ما ألي بالأخذ والعطا , انا من النّوع يلي بزهق بسرعه , بس ما بعرف ليه هالمسابقه بالذّات شدّت أنتباهي , وكثرة الاخطاء الفادحه فيها مع انّه بعض من طاقم اللّجنه ناس متعلمين وفهمانين متل مورننج وصافو (صحيح انّه صافو بيدرس صيدله يعني ما اله علاقه بالفن لا من بعيد ولا من قريب بس ها اشي ومنّه) ! ! ;) 2* ليش ما معك خبر أنّه المسابقه فقدت قيمتها المعنويّه والجماليّه والتّصويريّه , وأثّرت على سمعة بعض أعضاء اللّجنه بمصداقيّتهم . . . ألخ ؟ ؟ 3* لك عمّي الشّغله ما ضل فيها مستقبلاً , ولا حاضراً ولا حتّى ماضي , الطّبخه أنحرقت وريحتها فاحت , وبالنّسبه انهم أعترفوا لسّه بعدهم بجادلوا فيّه , وانا أطالب من هنا من منبري هذا أنّه على طاقم اللّجنه بتقديم أعتذار للمشاركين الي ما تم أختيار صورهم , ما بدّي قول الغي المسابقه لا حرام , أحنا بني أدمين , بس أذا قدّموا أعتذار فينا كافيهم شرّي ! ! 4* أذا حوليك موضوع لا يتطابق مواصفاتوا ومقاييسوا معي (أو مع العقل البشري بالأحرى) , خلينا نروح , لأنّه انا ضد الفساد ورح كافحه بادي ورجلي وانفي كمان ! ! 5* وهيّه النّقطه الأهم : هاد يا سيدي من شدّة أعتراضي (الغير مسبوق) ومن كتر الكلام يلّي صار على هالمسابقه , طلبت من مورننج انه نفتح باب النّقاش , وهالموضوع نزل بناءاً على طلبي شخصياً ! ! :larg: عراصي فادي , ونراكم بالحلقات القادمه ! ! بس لسّه ما خلّصت , لسّه في كلام ! ! :D |
شغله ضروريّه : بحب وجّه شكر خاص من القلب لــ ابـــــو طــــوني على موقفه الحاسم من المشاركه بالمسابقه وايمانه العميق بعدم عدالة المسابقه والصّور المرشّحه ! ! شكر خاص لفيفا سيريا ولروحه الريّاضيّه , وذلك بالرّغم من عدم موافقته على بعض الصّور لكن مع ذلك بادر بالتّصويت ! ! :D |
اقتباس:
بالعادة انا انجر لهيك نقاش ... بالحقيقة استمتع فوق العادة بهيك نقاشات بس من اعرف الهدف هو لو العب .... لو اخرب الملعب ... ما ادخل حتى ما كون ضمن المخطط :lol: اقتباس:
باعتبااك ظليت تطالب جيمي يشرح ... ما تشرح لنا عن صورتك و ليش لازم تدخل المسابقة ؟؟ |
طيب , شكرا للشباب و خصوصي لفيفا سيريا ع سعة الصدر , و تزبيط الكرافات يعني ..و مال الى هنالك , باتأمل انو ملاحظاتكن رح تكون بعني الاعتبار ( و عين الحسود تبلى بالعمى ) بالمستقبل .
بخصوص محمد ابراهيم : يا اخي انا بصراحة فهمت من كلامك انك فقدت الثقة أو شي ترتب ع شي يعني , اي يعني انا مافيني حددلك وين و ايمت تحط ثقتك , هاد الشي بيرجع الك , بس كمان ترى يعني بالنسبة الي شخصياً ماعندي ثقة بالناس اللي ما بيوثقو فيني , بقى الموضوع كمان محلول . بالنسبة لليوناردو بعتذر مار ح رد عليك منوب ....عدم المؤاخذة يعني ..و بدون زعل ...ما عم لاقي شي بحكيك ينرد عليه . بقى لا تاخذنا يعني اذا ما حدا رد عليك . بالنسبة لابو طوني : انت حر بتشارك او ما بتشارك , بتنسحب او لاء , بس يعني كمان نحنا احرار نقلك انو ما بهون علينا تنسحب . و على عيني الشباب:D:D |
هوي بدي قول رايي
بصراحة وقت استبعدت صورتي زعلت بالاول بس بعدين ما نسيت انو اللي بقو مشتركين بعرفون ومتل اخوتي وبالفعل بيستاهلو يكونو متأهلين لانو صورون لا تخلو من الابداع بعدين حاولت شوف وين الغلط الل ارتكبتو وفعلا لقيت العيب بصورتي هوي نقص الاضاءة غير عن هالشي الله يعطيكون العافية |
بتمنى يكون كل واحد من المعترضين وصلو جواب واضح . انو يا اخي نحنا هادا الي عنا و هادا الي قدرنا عليه . فاشلين و ماننا قد المهمة الي اوكلت النا . شو منقدر نعمل مثلاً ! . مع العلم اننا استخدمنا اقصى طاقاتنا بهالمسابقة . وتناقشنا مطولاً وكل صورة كانت محور لاهتمامنا . ازا شايف حالك انسان مبدع ونحنا جميعاً دون مستوى تقييم ابداعك فـ والله ما منقدر نعملك شي غير نقلك الله يوفقك و يعطوك جائزة عالمية و تصير اشهر مصور بالعالم . كلمة اخيرة : نحنا حاولنا قدر الامكان نكون منصفين و ملتزمين بالشروط الموضوعة بس شو بدكون تعملو نحنا شعب نفسو ضعيفة و ذمتو واسعة . بكم عزيمة غدا و شرب و نسوان و شوية مصاري ركبا ع ضهر قوانين المسابقة و بلعنا القانون كلو . :D |
اقتباس:
صديقي أبو ساره : يعني اقل ما فيها صورتي مطابقه للمواصفات والمقاييس (شروط المسابقه) بس غيري لأ , فمين أحق؟ |
اقتباس:
وصورتي مطابقة للمواصفات والمقاييس والإيزو كمان بس هيك المسابقة 1000 صورة بيترشح منهون 10 إذا كل واحد بدو يقول ليش صورتي ما طلعت على هالحالة مارح نخلص ورح يكون عنا كل الصور مشاركة بالتصويت وبرأيي المتواضع ساعتها مالنا بحاجة لمسابقة كل واحد بيفتح موضوع بصورتو وآخر شي بنشوف مين أكتر شي موضوعو عليه ردود وزيارات وبنطبق نظرية فيثاغورث عليهن وبيطلع معنا الفائز يعني الحلو بهالمسابقة إنها لفتة كتير حلوة من الإدارة واللجنة إلي أعطت من وقتها لهالمسابقة وتعبت ومانون مجبورين أبداً يصرفو كل هالوقت على شي مالون فيه لا ناقة ولا جمل و بعدين حرّكت المنتدى شوي ومو كلشي من أول مرة بيكون زابط عالآخر.... |
اقتباس:
مية وردة:D |
اقتباس:
بس حابب وضح شغلة بسيطة كنت سعيد بمشاركتي وفخور فيها حتى اني فرحت بترشيح صورتي الانسحاب مانه قرار مزاجي او هيك طن على بالي او هيك وأنا عم أتحمم كتبلي سعدو بسطل المي اللي جنبي . حتى اني ما بحب استعمل كلمة " انسحبت " من المسابقة .. ابو طوني ما بيحمل قاموسه هيك مفردات القصة اني شاركت بمسابقة بقوانين شي ومشيت المسابقة على غير قوانين بتقدر تقول متل اللي اشترى كنزة وكانت اضاءة المحل صفرا ومركزة عليها ووقت رجع على بيته اكتشف انه الكنزة اللي اشتراها ما بتطابق مع زوقه ورغبته ولو بيعرف انه هيك رح يكون لونا ما كان فكر يطلع فيها بالاساس شو بيعمل ؟ يا بقول خيو معلش خازوق واكلناه وما عدنا نعيدا يا اما بروح بيتخانق مع صاحب المحل وبيطلب منه يرجعله المصاري اللي دفعها وكل مين يروح بطريقه . وانا هيك صار فيني بالضبط ، بالبداية قلت لحالي طنش يا ابو طونياه فخار يطبش بعضه شو ما بده يصير يصير انت مالك علاقة بشي .. بالمختصر ما عادت تعنيلي المسابقة شي بس بعد ما سمعت شوية آراء مو بس ما عادت تعنيلي .. صارت تشكل اهانة إلي اني انبقى فيها يعطيكن العافية بكل الأحوال |
| الساعة بإيدك هلق يا سيدي 17:27 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
