|
اقتباس:
احضر سلة ضع فيها اربع تسعات ضع ضحفا منحلة ضع مذياعا ضع بوقا...ضع طبلة.. ضع شمعا احمر ضع حبلا ضع سكينا ضع قفلا.. وتذكر قفله.. ضع كلبا يعقر بالجملة يسيق ظله يلمح حتى الااشياء ويسمع ضحك النملة واخلط هذا كله وتاكد من غلق السلة ثم اسحب كرسيا واقعد فلقد صارت عندك ...دولة |
اقتباس:
اقتباس:
in Middle East everything is possible |
انا يلي شايفو بيضحك كيف الناس فورا بتبلش تعمل اعتصامات الشموع مع شوية غناء رومانسي لما يكونوا برات البلد (متل هون مثلا... معي بالشغل شي خمسة ايرانية من مشجعي موسوي).. بينما على ارض الواقع الضرب و الخبط و الحرق شغال
و الميديا بقى بتنتقي على كيفها يعني لما الشرق اوسطي الغلط يندعس و يموت (بغزة) هادا مانو مهم و هادا collateral damage .. بس لما شرق اوسطي بيموت او بياكل قتلة من الشرطة (متل هلق بايران) فجأة صار الموضوع موضوع حقوق انسان مصيري. عجب ما حدا سمع كلمة حقوق انسان لما كانت اشلاء الفلسطينيين عم تتطاير هلق انا بشكل عام ما بعتبر النقص بمجال معين حجة كافية لاهمال مجال تاني. يعني كونو في تخبيص بفلسطين ما يعني نسمح بتخبيص مشابه بايران... بس من وجهة نظر حقوق انسان بحتة و يلي انا دايما بتبنى هادا المنطلق... فيلي عم يصير بايران من قبل المتظاهرين هوي بالحقيقة ما بيصب مصلحة الانسان الايراني. يعني ما تحسب مقتل 17 واحد هوي انتهاك لحقوق الانسان... بكرا شوف شو ممكن يصير اذا هالتظاهرات فعلا خرجت عن السيطرة (بس ما رح يصير هالشي)... وقتها الانسان الايراني رح يتبهدل نظامي. و طبعا موسوي و يلي وراه كل يلي بصير عليهم انهم بينفوا او بينحبسوا و برنامج السي اي ايه بيتسكر و الفندينغ بيروح لبرنامج تاني |
لك ياشباب ياشباب . أيران عم تطالب أنو ماحدا يتدخل يتدخل بشئونها الداخلية . بئال فضوها سيرة :lol: يلعن هيك انظمة . بيتدخلو بكل أقطار الوطن العربي . وبأفغانستان وغيرها . بعدين بيطالبو بريطانيا وغيرها انو ماحدا يتدخل بوضعنا الداخلي . أي ماأنتو من المؤسسين لسياسة التدخل بغير دول :pos: |
اقتباس:
:D نحنا بالنسبة للعالم مجرد حشرات ضارة وقت اسرائيل بتعتدي علينا وحشرات ضارة وقت شي نظام عربي موالي لأمريكا بيعتدي على شعبو أما لم نظام مانو على خلبقل (مصطلح سوري) أمريكا والدول اللي معها بنفس المحور بيصير اذا اتقالت به بوجه الشعب بتصير معتدي على حقوق الانسان :pos: |
كلامك هاد عجبني كتير ....يعني لو كنت انا احمد نجاد كنت قلت انو بأيدك بالكلام هاد بنسبة مية و تلاتين بالمية
|
اقتباس:
|
اقتباس:
يا رجل ...المحافظين الأيرانيين ما قالوها .. يبدو انو في الك تار مع الأصلاحيين ... و منرجع لموضوع..انو اذا اسرائيل عم تقتل الفلسطينيين من دون عقاب ..كمان لازم نحنا تسمحولنا نقتل شعبنا كمان من دون عقاب ... |
i don't know what your problem exactly is.. if you have certain objections please state them out if not then please keep quite
هلق فجأة ما بقى حدا يصدق انو في برامج اميركية لتعمل انقلابات بالدول المعادية إلها؟ كل الانقلابات باوروبا الشرقية و المشاكل المتورطة فيها السي اي ايه باميركا اللاتينية... احتلال العراق و افغانستان و القواعد العسكرية ... بس هلق فجأة لانو جماعة موسوي لابسين سبور و مات منهم صبية صارت تخينة انو اميركا إلها ايد... عجب هلق على حظي ما بقى تصدقوا انو في شي اسمو سي آي ايه و في مصاري بتتخصص لعمل انقلابات و دعم مجموعات بكل بلد مجرد كون انظمتنا العربية بتستخدم حجة اميركا على الطالعة و النازلة ما يعني اميركا مانا موجودة و ما عندنا مصالح بخلق مشاكل و كوني عم اقبض مصاري من نجاد ما يعني اني بدعمو :pos: |
[quote=Joe;1286778]i don't know what your problem exactly is.. if you have certain objections please state them out if not then please keep quite
..all-right then Joe ...let me tell u wot is my objection but first I should confess that I really liked Ur sense of humor ( asking me to be quite is a funny joke ..Ur talking to me as If ur talking to a child !!) .It s me who should have asked U to calm down cuz U havent ceased to make random accusations since U wrote ur first comment in this topic ... first , u stated that those demonstrators r just a bunch of law breakers n their ultimate goal is just to destabilize the state's security ..n then u accused well known Islamic characters to be involved in programs funded by CIA ...Seriously Joe .needless to Say.Those characters have a long history in supporting the Islamic revolution ...Dont expect that the readers will wink at these 2 accusations ..well .Im not an Iranian ..But Ur accusations give an Idea that any action in this region taken by Civilians against those in power must be funded by the CIA ..at this point someone should stop U . this mentality in dealing with the whole events by those in power in Iran jeopardies the state's security and leads to catastrophic consequences , more than the danger cuzd by the demonstration itself and yet ..considering millions as traitors is the tenth sub-level of tyranny ..which is the ultimate level |
متابع معكن الموضوع وما فتت بالنقاش لأن الاشياء اللي بدي احكيها انذكرت بطريقة أو بأخرى وما بدي رد بهدف الرد
بس حابب قول لإلفن وجوي ما بتستاهل كتير هلموضوع حساسية وحدية بالنقاش كل مين عنده وجهة نظر وهلشي معروف بالملفات السياسية اللي مافيها شي اسمه حقائق مطلقة فما تشخصنوا المواضيع وتحولوها لمهاترات شخصية .. خلونا مستمتعين بنقاشكن وردة للكل بلا استثناء :D |
خلونا نتعلم من الشباب الإيراني و لنو شوي كيف بيكون العمل اذا دعت الحاجة
قال حرس ثوري قال :jakoush: |
هلق برأي الشخصي
أنا ما شفت انو جو هوي مع أحمدي نجاد بس كلامو منطقي وتحليل واقعي وهوي ما قال انو كل المتظاهرين هني مخربين أكيد هني ناس معون حق يتظاهروا بس هني هلاء أداة صارو مستخدمين كأداة بعدين متل ما كتب جو هالمقالة انو كيف عرف موسوي بنتيجة الانتخابات لا وبيقلك انو نسبة نجاحو وصلت لل 80% انو وين المنطق بكلامو هوي عم يمشي ضمن خطة معينة حلال عليه بس انو مو يستخدم الشعب بهالطريقة انو هلاء نحنا بس بدنا نحط الحق على الحكومةوعلى نجاد !!!!! غريب التفكير بهالطريقة والقصة مو قصة نظرية مؤامرة لقصة قصة تحليل منطقي لانو نحنا زودناها بقصة نظرية المؤامرة لانو كل ما بدنا نقول شي بدنا نرجع لقصة المؤامرة انا بشوف التحليل للوضع القائم كتير منطقي وعقلاني ومعنى حكي انو انا من مناصري نجاد أنا ضد أي حكم بيقوم على هيك اساس يعني انو لما منقول نظام ديني ف بشكل طبيعي هوي نظام مافيو ديمقراطية وانا ضد هالشي جملة وتفصيل بس هاد الكلام مجرد تحليل لواقع موجود |
أنا بفرّق جداً جزيلاً بين موسوي و من خلفه من دعامات النظام و بين المتظاهرين..
موسوي ببساطة راكب موجة سخط قطّاع واسع من الشعب على أسلوب النظام الحالي... انو أغلبون بدو يستمر اسلامي بس يتلحلح شوي أو لأ هاد شي تاني, بس موسوي راكب الموجة.. و انا متأكد لو هالشخص هلأ بيرجعو منصب رئيس الوزراء و يعطوه ياه لتلاقوه بكرا مستلم المنصب و عم يقود القمع تبع المظاهرات بنفسو.. هاي خلصنا من موسوي... خارج التيار المدعو بالـ "اصلاحي" داخل النظام الإيراني (باستثناء محمد خاتمي اللي بعتقد انو انسان جيّد و لا يقارن بالبقية)... كحركة شعبية لناس ضجّت و ملّت.. انا متعاطف معها جداً جزيلاً. بالنسبة لحكي جو عن استغلال تحرّك هالعالم لتأزيم الوضع, هاد كلام مزبوط أيضاً, يعني في مين بيصفق فرح لما بيموت حدا, و يسعى لأنو يموت حدا.. لأنو اعلامياً الخبطة أقوى, بس هون الحق الأساسي عاللي واقف عالنكشة ليفتح النار على أهل بلدو... مزبوط أنا متل جو بقرف كتير لما بشوف وسائل الإعلام الامبراطورية كيف تتعامل مع الأحداث, لكن هالأمر لا يعني انو ما بتعاطف جداً مع مين بينزل عالشارع بيمارس حرّيتو بالاحتجاج... هاي حريتو الأساسية كبني آدم |
اقتباس:
لا تخلي غزة مسمار جحا .. و نبدي نستغلها لتشتيت الاضواء عن ارهاب دولة و لو كانت معادية لاميركا قلي ليش ما حدا حكى (من الميدجا اللي تمثل الجانب الآخر ) على الاطفال اللي يموتوا يوميا بالسودان و بالصومال و اثيوبيا ... و اعدادهم اضعاف اطفال غزة اللي ماتوا من الجوع ... اقتباس:
شفت شلون الدماء سالت من كل فمها و كل جسدها ؟؟؟ هي وحدة من 20 معلن عنهم .... بس الفرق قدرو المتظاهرين يصوروها و هي تحتضر ندى سلطاني ... ارهابية على قولة النظام الايراني الديمقراطي التعددي اقتباس:
كل هدول مخابرات امريكية و عملاء .... و كل الباسيج حماة الوطن الاتقياء .. جعل الله مثواهم الجنة ! |
اقتباس:
بس مع ذلك يتدخلوا لصالح الشعب العراقي ! |
ان مع الديمقراطية حتى لوكان فيها دم
|
اقتباس:
يلي بيعرفني بيعرف اني من اكتر المشجعين لاميركا كدولة متقدمة بالعلوم و الصناعة و ما بحب سياسة حزب الله و لا بطيق نجاد كله على بعضه بس انا ببساطة ماني مستعد كب زيت على نار مظاهرة او نوع من انواع العنف مانو معروف شو التوجه الحقيقي تبعو و شو رح يكون إلو انعكاسات عليهم كبشر. الحكي سهل اخي و الرومانسية و كتابة الاشعار ببلاش من بعيد لبعيد. بس موسوي شو عم يساوي و هدول الناس مين معهم فئات مزروعة و مين عم يتسلل هلق و يصعد وتيرة التظاهرات نحنا ما منعرف... بس يلي منعرفو شوية معطيات مثيرة للريبة و انو من اول يوم او يومين كان في عنف غير مبرر. يعني انا بتضامن معهم انسانيا بس جزء من تضامني المفروض يكون لحمايتهم بالنهاية مو لتهبيب المسألة لو انهم جزء من معارضة معروفة و معالمها واضحة كنت بدعمهم فورا و بدون تردد... بس هي فورة غريبة جدا و مرعبة و تداعياتها عليهم خطيرة. لو صار شي مماثل بسوريا فما رح نكون مبسوطين لانها رح تكون فترة رح يتسلل خلالها على البلد فئات كتير غير مرغوبة ان كان اكراد غير سوريين او اخوان مسلمين.. مو انو عم تحكي عن مجموعة معروفة او حزب معروف داخل البلد. ثم بتخيل فيك تميز بين نوايا سليمة و نوايا غير واضحة او سيئة يعني مثلا.. لاعطيك مثال. هلق نيتنياهو عطى تصريح انو بيدعم نضال هدول الشباب بايران هلق لو فعلا نتنياهو صادق بنواياه ما بيعطي التصريح.. لانو اجحش بهيمة بيعرف انو متى صرح نتنياهو هيك فيعني الشباب هنيك اكلوها اكتر و اكتر و مصداقيتهم تأثرت و لو بشكل بسيط... النتيجة السلطة الايرانية رح تكبس عليهم اكتر.. و هني بيكبروا راس اكتر و بعدين بيموت منهم اكتر... النتيجة؟ طبعا لمصلحة كل من اميركا و اسرائيل.. لانو بالنهاية من مصلحتهم انو الشعب الايراني يثور و ينقتل منو اكبر عدد ممكن مشان يكونوا حققوا اكبر ضربة اعلامية اخلاقية ممكن لايران بينما لو نواياهم سليمة كانوا مثلا احتضنوا معارضة حقيقية من تحت لتحت و قدموا دعم من تحت لتحت او ابدوا اهتمام حقيقي بايران كدولة... بس هني بيحتقروا ايران كشعب و كدين و ككلشي... بقى يعني هيك... انا ما بنكر اني عديم المشاعر احيانا بس بحب فكر بالمعطيات بس لحتى يتضح الامر |
عن الحاج روبرت فيسك رضي الله عنه: الرموز ليست كافية لكسب هذه المعركة
Robert Fisk: Symbols are not enough to win this battle You don't overthrow Islamic revolutions with car headlights. And definitely not with candles. Peaceful protest might have served Gandhi well, but the Supreme Leader's Iran is not going to worry about a few thousand demonstrators on the streets, even if they do cry "Allahu Akbar" from their rooftops every night. This chorus to God emanated from the rooftops of Kandahar every night after the Soviet invasion of Afghanistan in 1979 – I heard it myself in Kandahar and I heard it last week over the rooftops of Tehran – but it no more stopped the Russians in their tracks than it is going to stop the Basiji or Revolutionary Guards. Symbols are not enough. Yesterday, the Revolutionary Guards – as unelected as they are unrepresentative of today's massed youth of Iran – uttered their disgraceful threat to deal with "rioters" in "a revolutionary way". Everyone in Iran, even those too young to remember the 1988 slaughter of the regime's opponents – when tens of thousands were hanged like thrushes on mass gallows – knows what this means. Unleashing a rabble of armed government forces on to the streets and claiming that all whom they shoot are "terrorists" is an almost copy-cat perfect version of the Israeli army's public reaction to the Palestinian intifada. If stone-throwing demonstrators are shot dead, then it is their own fault, they are breaking the law and they are working for foreign powers. When this happens in the Israeli-occupied territories, the Israelis claim that the foreign powers of Iran and Syria are behind the violence. When this happens on the streets of Iranian cities, the Iranian regime claims that the foreign powers of the United States, Israel and Britain are behind the violence. And it is indeed an intifada that has broken out in Iran, however hopeless its aims. Millions of Iranians simply no longer accept the rule of law because they believe that the law has been corrupted by a fraudulent election. The dangerous decision by Supreme Leader Ali Khamenei to throw his entire prestige behind Mahmoud Ahmadinejad has erased any chance that he could emerge above the battle as a neutral arbiter. Relatives of Mirhossein Mousavi's powerful ally Ali Akbar Rafsanjani are arrested then released; Mousavi is threatened with arrest by the Speaker of parliament; yet one of the most socially popular clerics and an ally of Mousavi, Mohamed Khatami, remains untouched. Mousavi may have been a prime minister, but Khatami was a president. To touch Khatami would take away the future protection of Ahmadinejad. And the latter's powerful political friend Ayatollah Yazdi, who would like to be the next Supreme Leader, is a threat to Khamenei. And while every bloodied body on the streets of Iran's cities will now be declared a "terrorist'" by Ahmadinejad's friends, it will be honoured by his enemies as a martyr. Mousavi, to win, needs to organise his protest in a more coherent way, not make it up on the hoof. But does Khamenei have a longer-term plan than mere survival? روبرت فيسك بيقول انو ببساطة ايران مستعدة تعدم الالاف. اخر جملة مهمة... موسوي ليربح لازم يكون عندو خطة محكمة مو يعمل الخطة حسب ما الامور عم تجري يعني خفق و بالعبطة... اذا اتضح انه مخطط لهالشي فهادا يعني انو يمكن فعلا ما ربح الانتخابات و لاشي يعني لحد هلق خطة موسوي هيي عبارة عن رمي الناس بالشواع ليموتوا و ليعمل تاجيج شعبي اكتر.. و عم يستخدم التكبير على الاساطيح و تشعيل الهيد لايت تبع السيارات :frown: اذا ما عندو خطة لضمان سلامة الشعب شوي اكتر من هيك.. فوين طاحش؟ و ليش؟ و مين دفعو؟ شباب بالسياسة الشغلات ما بتصير اعتباطيا... كلشي بيكون مدروس و وراه ناس و خطط... بقى يعني نترك السؤال مفتوح ثم في موضوع كلمة believe ... هالملايين يلي ذكرها روبرت فيسك بتعتقد او بتامن بالتزوير. لاحظ انو حتى روبرت فيسك ما ذكر بالضبط شو الدليل لانو لحد هلق مانو معروف anyways... sorry if i offended anyone.. didn't really mean it |
اقتباس:
لهيك ..موسوي امام خيارين ...اما الخروج من العصبة الحاكمة و الذهاب بعيدا بالتظاهر و الأحتجاج ...او ,,,انو يرضى بكم مكسب ,,,و يحل عليه سخط المتظاهرين ,,,انا ما بحسدو عالموقف هاد ...بس بتمنى ابو يكمل الشي يلي ابتداه .. |
شو يا جماعة والله شادين بالموضوع وموو مستنيين حدا بس قرأت كل ردودكن
هلأ بغض النظر عن رأيي بنوعية النظام ( مع إني بأيد النظام الإسلامي بشدة ) بس ما بصير نتناسا إنو الدول الغربية الي عاملتلي حالها عم تدافع عن حقوق الإنسان بالمنطقة ما بتدافع عن هالحقوق إلا إذا لاقت إنو لها مصلحة يعني فعلا هالدول مو فرقانة معها لا حقوق ولا هم يحزنون بس المهم تقدر تضغط عالحكومة المعادية من ها الناحية وبس وأكبر دليل الي ساوتو أمريكا مع الأكراد أيام صدام ........ ضحكت عليهون بكم كلمة قامو باعو حالون لأمريكا مع إنه صدام بهداك الوقت ما كان مورجيهون العين الحمرا بس لما دري صدام بخيانتون ( وحتى كانو عم يجهزو ليعملو إنقلاب بدعم من أمريكا بالحكي بس )قصف عليهون كيماوي قبرون قبر وفعلا أمريكا هادا الي كان بدها يصير مشان تشوه صورة نظام العراق وهادا نفس الي عم يصير مع إيران هلأ بس بطريقة مختلفة شوي يعني المفروض القيادة بإيران قصت راس المشكلة منذ بداياتها وورطت موسوي بشي مشكلة مشان تحبسوه هو ورفقاتوه |
اقتباس:
المعروف بالشرق الاوسط تحديدا ... من يكون دعم خارجي لاحداث بلبلة و مشاكل داخلية يكون عادة لاطرف تحمل السلاح او و تقدر تؤثر بقوة على الوضع الداخلي دعمت ايران تحالف الشمال في افغانستان و دعمت باكستان الطالبان ... في نفس الوقت و الدعم كان بالسلاح و بكل شي يفيد القتال و غير القتال الى اليوم ما شفنا نية عند موسوي او اي جهة معارضة .. لحمل السلاح على الرغم من مقتل 20 شخص على ايدي الحرس الثوري (حسب المعلن من النظام) و لا اظن هذه المظاهرات ستؤثر على وضع ايران الداخلي بالشكل الذي يفيد اميركا و اسرائيل حتى نظل بحلقة هذه المظاهرات مدعومة من بريطانيا او اميركا يبقى اذا حصلوا دعم معنوي من الغرب ... يعني لا اول ناس و لا آخر ناس مثلا .. كان السياسيين العراقيين بدون جوازات سفر .. و كانوا محصلين جوازات دبلوماسية من دول مجاورة ... و هذا دعم معنوي مقبول نوعا ما و عندك كم نظام على حزب على جمعيات بالشرق الاوسط كانوا مدعومين من السوفيت او من الاميركان او هم انفسهم دعموا اطراف داخل بلدان اخرى معنويا على الاقل اللي اريد اقولو .. هذه المظاهرات... هي بالاساس تصب في مصلحة الشعب الايراني اللي عاش فترة قمع لمدة طويلة و حتى لو استفادوا منها اعلاميا الاميركان ... هذا ما يقلل من قيمتها المعنوية ... لانها من قبل طلاب جامعات قرروا الوقوف بوجه السلطة المطلقة بشكل سلمي تام و بما انو النظام نفسه يمنع تشكيل اي جهة لا تؤمن بالثورة (نظام الحزب الواحد) .. اعتياديا ما رح تكون هناك معارضة واضحة المعالم بس الشي اللي يميز هذه المعارضة الطلابية هي الاصرار على التغيير و العفوية ... |
اقتباس:
الي عم يصير بإيران أكثر من عفوي بكتيييييييييييييييييييييي يييييييييييييير |
خبر طازا: إعادة الفرز تمنح نجاد أصواتا أكثر
ذكرت مصادر إعلامية أن إعادة فرز الأصوات الجزئي لنتائج الانتخابات الرئاسية الإيرانية منح الرئيس محمود أحمدي نجاد أصواتا أكثر في طهران، في الوقت الذي تضاربت فيه الأنباء بخصوص مقترح قدمه المرشح الخاسر مير حسين موسوي لمجلس صيانة الدستور. فقد نسبت وكالة رويترز إلى وكالة الأنباء الإيرانية قولها إن المؤشرات الأولية لعملية إعادة فرز الأصوات الجزئي لعينة عشوائية تعادل 10% من صناديق الاقتراع منحت الرئيس أحمدي نجاد أصواتا في طهران أكثر مما أعلن عنها مسبقا في نتائج الانتخابات الرئاسية التي جرت في الثاني عشر من الشهر الجاري الجزيرة لسا مافي شي على البي بي سي او الواشنطن بوست |
اقتباس:
بعيداً عن السياسة يعني , و من وحهة نظر احصائية بحتة , هاد الحكي ما بيعني انو نجاد اخد اصوات اكتر من موسوي , هاد الشي بيعني انو بالعينة اللي بتعادل 10 % من اجمالي الاصوات . نجاد اخد اصوات اكتر . و تجريدياً ممكن تكون الاصوات اللي اخدها نجاد بهالعينة هي كل الاصوات اللي اخدها نجاد بالانتخابات مثلاً !! , و قد لا يكون ...:lol: الفكرة انو اعادة فرز 10 % من الاصوات هي فكرة غبية , و ما الها اي معنى , و ما بتعطي اي دلالة . و غنيلي بودعك |
إيران
تقرير Kimo-mimo من أصفهان - إيران:
أنا طالب بإيران وعم تابع الاوضاع شخصيا وبالنسبة للتظاهرات الي صارت فهي تنفيس من قبل جيل الشباب الي مفكر انو موسوي رح يخليه يشلح الحجاب وانو الوضع الاقتصادي رح يتحسن بس بالواقع ميرحسين موسوي ما بيقدر يخالف النظام الاسلامي الموجود حاليا ولا بيقدر يكون ضد "ولي الفقيه" سماحة السيد الخامنئي. إذا منجي للواقع ومنحاول نقيس النظام الايراني على النظام السوري فبيطلع معنا انو مرشد الثورة في إيران = السيد رئيس الجمهورية في سورية و رئيس الجمهورية في إيران = رئيس مجلس الوزراء في سورية يعني أحمدي نجاد ما بيقدر يخالف إرشادات وتوجيهات مرشد الثورة كما السيد عطري. أما الشباب الإيراني فهم مجموعة ترى من أمريكا ما نراه نحن يعني الفلتان الجنسي بس كمان والمصيبة الاكبر انو ما حدا بيقدر يتوقع تصرفات وردود افعال الشباب وبالاخير علواه يشقفوا بعض.... هذا بلدهم وهم أحرار به (على فكرة أغلب الاختراعات والتقدم الي منسمع فيه هوي علاك مصدي.... ) ودمتم ســــــــــــــــــــــــ ـــــــــــــــالمين |
منقدر نقول عن كل عملية اعادة فرز الاصوات ضراط على البلاط... لا خلاف
بس عادة لما بتاخد عينة متل 10 بالمية فهي بتكون كافية لتعطيك صورة واضحة يعني على هالحكي مافيك تصدق كل الاحصاءات و استطلاعات الراي لانو دايما بتكون ماخودة عن عينة من المجتمع بقى التشكيك انو هل هالعينة اتاخدت بشكل صحيح.. يعني عشرة بالمية من كل مركز انتخابي كبير.. لما مثلا راحوا على حارة ابو شهاب تبع نجاد و اخدوا عشرة بالمية من الاصوات؟ فخار يكسر بعضو... متل ما الاخ فوق قال مشكورا... الشباب مفكرين رح يتحرروا من الحجاب و النظام الاسلامي. حتى لما تحكي مع العقلانين من العلمانيين الايرانيين بيقولولك ما بدنا هيك فعلا و لا بدنا ثورة. تداعيات هالشي علينا انو هلق نتنياهو مطـيز و اوباما ما بقى فيه يشد متل الاول و يضغط... وضع الكامب تبعنا (ان حبينا هالشي او لاء فنحنا جزء من هادا الكامب) ضعيف جدا |
اقتباس:
بالعكس تماما هالعشرة بالمية رح تكون مهمة كتييييييييييييييييير لأنه مانون رح يياخدوها من أي مكان رح ياخدوها من الدوائر المختلف عليها والي عم يقول موساوي إنه صار فيها تزوير وإذا طلع فعلا في تزوير بصير فينا نقول إنهلازم يصري إعادة فرز كاملة و:D |
انتخابات........ عشنا وشفنا
اقتباس:
النتيجة: :jakoush: أحمدي نجاد حاز على نسبة تزيد عن النسبة المعلنة مسبقاً بالنسبة لنفس الدوائر والصناديق المعاد فرزها المرشحين الثلاثة حصلوا على نسبة أقل مما سبق وأعلن والمضحك أنو المرشح أبو الصفر فاصلة كذا بالمية نسبته انخفضت يعني نتيجة الي اعلنوها بعد اغلاق الانتخابات كانت مع نسبة ارفاق وحنية :hart: ودمتم ســــــــــــــــــــــال مين |
من باب المصادفة ، اعتقد ان هناك بالموضوع الكثير من النقاط التي ارغب في التعليق عليها ولكن اغلبها لن يخلق قيمة مضافة ،
النقطة العجيبة الطريفة اللذيذة ، هي إن كثير من العالم يعتقد ان مجلس صيانة الدستور لجنة محايدة !! في حين انها لجنة فاقدة للحيادية تماما هي لجنة تتكون من 12 عضوا يختار منها الزعيم الاعلى خامنئي 6 اعضاء ويرشح رأس السلطة القضائية الاعضاء الباقية ليتم اختيارهم بواسطة مجلس الشورى الايراني ، (بالمناسبة) رأس السلطة القضائية يقوم باختياره الزعيم الاعلى خامنئي ، سنصل الى نتيجة حتمية مفادها ----> سيفعل مجلس صيانة الدستور كل مايريده الزعيم الاعلى خامنئي . من كان يعتقد ان مجلس صيانة الدستور لجنة محايدة فهو شخص لايعرف شيئا عن هذا المجلس او كيفية اختيار اعضائه . يتبع في يوم جديد |
من شوي كنت بنتاقش انا واحد الزملاء الفاضلين اللي بيتابعوا اخبار ايران .
بالتحديد عن خبر اعادة فرز ال 10% من الاصوات ، وخبرني انها اعطت نجاد اصوات اكثر . فقلتلو عهر مابعده عهر وصدق من قال " ان لم تستحي فافعل ماشئت " سالني ساخرا اذا كانت هذه العينه نتيجتها زيادة اصوات نجاد فماذا ستكون في حالة اعادة فرز باقي الاصوات !! على حسب معلوماتي ان نجاد فاز فوز ساحق على موسوي ، يعني اخد اكتر من 62 % من الاصوات في حين اخد موسوي اكثر من 33 % ف ردي على صديقي كان توقعي ان يتخطى نسبة اصوات نجاد في حال فرز جميع الاصوات نسبة 105 % في حين هو توقع انها تكون 120% والشباب الطيبة بمجلس صيانة الدستور ، ضمانا ل و مشان ما حدا يفتح تمو ويطلب اعادة فرز بمناطق تانية ، فرزت بطهران . يعني مركز الاحتجاجات والمظاهرات . على كل حال انا من لحظة نزول الموضوع عبرت عن ان مافي ديموقراطية بظل انظمة الحكم الديني ، فلم اتفاجئ باي شيئ . الصراع بمجمله ليس حول انقلاب على الثورة الدينية بايران ولكن لمن لايعرف (صراع الاصلاحيين مع خامنئي ) لتقليص دوره وسلطاته الواسعة . هذا ما اعتقده انه قائم منذ سنوات منذ عهد خاتمي . |
| الساعة بإيدك هلق يا سيدي 22:59 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون