|
اقتباس:
أخ زين ...باعتبار أخي زين:p مارح اعملك درس هلىء عن هالقصص بس وظيفة الرحم حمل جنين لتسع اشهر فقط هناك ارحام مريضة مشوها لاتستطيع ذلك الحمل هو نطفة+بويضة + غرسهم بعضلة الرحم لما امراة تحمل من نطفة وبويضة لاشخاص غريبين عنها رح يخلق المولود مش الها ولا الها علاقة فيه بس انا بشاركك الراي انو رح يكون في عاطفة اتجاهو واثبتت الدراسات انو الدم يلي بيتغذى منو الطفل بياثر على نموه وشخصيته والله اعلم بس بالنهاية الطفل مابيمسها لامن قريب ولا من بعيد |
اقتباس:
انساني وقت بيكون قرايبينا .. لك وحتى وقت بيكونو قرايبينا .. ليكي اللي بيفكر بالانسانية لهالدرجة .. ما بيعمل هالحركة .. المكسب .. اللي بيتبرر بالانسانية .. او اللي فينو يقنع حالو .. ويسكت حالو .. انو لاء لاء انا ما عم بيع ابني .. انا عم بعمل شغلة انسانية |
اي .. رغم هالشي ..
هيي حرّا .. بما انو رضيانة |
بالتأكيد مو طبيعي وهاد قدر الشخص انو ما يخلف:pos: بس لو عرضًا الابن المولود حب البنت الحقيقية للحاضنة بينفع يتجوزوا ؟؟؟؟;) |
اقتباس:
مالقيت فيا شي غلط عالخالص.. بالعكس انو خدمة انسانية.. وبحتة كمان..بغض النظر ازا كانو عم ياخدو مصاري..الدكتور عم بيقوم بعملية انسانية بس كمان بياخد مصاري مقابل تعبو..فانو ازا اخدت مصاري مقابل تعب تسع شهور مالقيت في مشكل بالموضوع... موضوع مهم شكرا قصي:D |
اقتباس:
الدراما في بيتك |
الأولى ما رح تكون بعطف وحنان الأم الحقيقية صح الأم مو يلي بتخلف بس هاد مو وضع طبيعي والتانية ما رح تكون هالحادثة بحياتها أمر وراح وعدّى وخلص بس أنا بدي جواب عالسؤال بينفع ولا لا؟ |
انا ما بختلف معكون انو الخدمة أنسانية
بس كمان ما بتخيل انو وحدة جابت الوالد وحملتوا 9 شهور تقلولي ماراح يكون في بيناتهون عواطف صعبة افهمها :pos: |
اقتباس:
:frown: ليكي نسرين بوكرة بس تتجوزي وتجيبي ولد بتعرفي انو حكيك مانو صح يعني الوحدة لما حدا بيغتصبها و بتحبل :o(عجبتني بتحبل) بيكون الولد من واحد بتكرهوو كره العما بس بالنهاية ابنها وكمان البنت اللي بيجوزوها لواحد ما بتطيقو واجباري كمان الولد ما راح يكون بيمسها وبهالحالة كتار من الناس عنا راح تكون امون مالها علاقة فيون :p الرابط الانساني الللي بينتج عن عملية الحمل والولادة ما ممكن نفسر طبيا :D |
اقتباس:
الأمومة و الأبوة مو مجرد بويضة و نطفة .. الأم و الجنين على مدى 9 شهور بيصير في تعايش حميم بيناتون .. هالشي فيزيولوجي شئنا أم أبينا .. - الجنين من هو و برحم أمه بيبدى يتعرف على عالمها الخارجي : بيسمع صوتها و كل الأصوات اللي بتسمعها ، بيتآلف مع موسيقتها .. بيتعوّد على ذوقها بالأكل (السائل الأمينوسي للرحم بينقل للجنين مذاقات الأكل اللي عم تتناوله الأم تماماً مثل حليب الرضاعة الطبيعية) .. - و الأم كمان بتبدى تتعرف على هالمخلوق من قبل ما تشوفه من خلال كتير ظواهر بتصير خلال الحمل و بيكون الها تفسيرات بتتعلق بشكل الطفل أو خصال فيه .. و لا تنسوا كمان انها مجبورة تراعي صحته اللي بترتبط بصحتها (متل الامتناع عن تعاطي الكحول و التدخين و حتى شرب الشاي في حال كان عندها نقص بالحديد و الفيتامينات) و أهم شي آلام المخاض و الولادة و المشاعر اللي بتحس فيها المرأة أول ما بينسلخ هالكائن عن جسمها .. برأيكون هاد كله عادي و ما بيولد مشاعر خاصة بين الحاضنة و الجنين ؟ برأيكون فيها الحاضنة تقوم من الولادة و تروح على بيتها تاني يوم و كأنها كانت بالمستشفى عم تعمل عملية الزايدة أو المرارة ؟!! و حتى لو هي عملت هيك بإرادتها و اختيارها (مع انو برأيي طالما الدافع هو الحاجة و الفقر فهون ما ضل الاختيار حر .. يعني متل اللي بيبيعوا أعضاؤن بفرد شكل) ما فينا نمرق من جنب هيك ظاهرة بلا مبالاة و نقول ما فيها شي و عادي و كل واحد عرفان شو عم يساوي ..! |
يا لطيف الطف
جريمة ومتاجرة بالانسانية ومدري شو شو عم يصير هون ؟ عم استغرب من الموقف السلبي للأغلبية المستنكرة انه خلينا حبة حبة .. الاعتراض على وجود مبلغ مالي ؟ ولا على اعراض الحمل ؟ ولا على فكرة الحضانة المؤقتة للطفل من اساسها؟ فهمونا شو الطرنيب يعني هاموش : اقتباس:
ومع هلشي ما عم اقدر افهم شو الفكرة بالضبط من الاعتراض |
بعتقد موضوع تأجير الأرحام رح يتم تقبلو شوي شوي
موضوع طفل الأنبوب أول ما طلع أثار كتير انتقادات اخلاقية وهلا صار الموضوع عادي اقتباس:
في بنات بترغب بالأمومة وبيلجأوا لطفل الأنبوب عن طريق بنك النطاف وهيك هي بتحصل على طفل بدون أي صلة مع الأب .. ما منعرف شو الدافع يلي بيدفع المرأة لهيك حل بس بس متل هيك دوافع ما بتعني أبداً بأن عملية طفل الأنبوب هي دايماً بتصب بهالمنحى بالعكس هو حل لمشكلة الإنجاب واستخدامو إن كان بطريقة جيدة أو لا تابع للإنسان نفسو |
اقتباس:
انا شفت بالموضوع شي قريب كتير لقصة التبني (يعني المرأة بتكون حامل وبيتبنوا الولد وبس ما بتخلف بياخدوه.. بس هون من نفس الأب والأم) ومن الملاحظ انه في تكرار للعبودية والاقطاع من زمان ..وقت الرجل يشوف مرته مابتجيب أولاد بيجيب ولاد من عبيدته ويعني اذا السيدات يردن المحافظة على اجسادهن من ترهلها هالشي مو معناتها يستغلوا الفقر ويستعملوا رحم غيرهن منشان يخلفوا..مابدهن ..بلا |
اقتباس:
|
اقتباس:
اقتباس:
مخيف كتير سعي الانسان للحصول عاللي بدو ياه بأي تمن و من دون ما يقيم وزن لآدمية و كرامة الآخر ... |
اقتباس:
مع طفل الأنبوب التدخل المخبري عم يصير بس بعملية التلقيح و بعدا الجنين بينغرس برحم الأم و بيكمل الحمل بشكل طبيعي حتى الولادة و هون الأطراف هنن ذاتون .. الأب و الأم و الطفل ... بينما بتأجير الأرحام عندك طرف رابع غريب عن هي العيلة هو هالمرا اللي قبلت تقوم بهالدور بسبب حاجة مادية بحتة .. يعني بدال ما تشحد أو تنحرف أو تموت من الجوع .. طيب هاد شو اسمو ؟ مو استغلال للآخر ؟! مو تعدّي على آدميتو ؟؟!! |
والله انا ما شفتا إنسانية .. ولا شفتا جريمة انا شفتا صفقة وبيزنز ، ومناسب للطرفين وقت بيكون بدك تنقل شغلة وعضلاتك ما بتسمحلك بتجيب بني ادم بتشتري عضلاتو ووقت بيكون بدك عالم لشركة ما ، بتشتري افكارو يعني عضو من هالأعضاء وعم ينشرى ! وين المشكلة ؟ ليش وقت بيصير الرحم بيصير بدنا نعمل للقصة ايدين ورجلين ؟ يعني حل لمشكلة عدم الإنجاب ، وحل مجدي ماديا ً للشخص اللي عم يساعد :D |
اقتباس:
الام التي تؤجر رحمها توضع فيها نواة الجنين و هي النواة هي بتون حتملة لمورثات الاب و الام الاصليين و هي ما دخلها |
اقتباس:
كل انسان بينظرلها من منظورو الخاص |
اقتباس:
:D |
اقتباس:
الشغلة انسانية بحتة طيب كم حالة موجودة مصنفة كامسانية بحتة مفابل حالات الدفع المادي الشغلة بها الوقت صارت خاضعة لشروط السوق و صار فيها مرابح و سياسة و اسرار يعني انا ماني مستنكر الفكرة من اساسها بس الغلط الكبير انو الشغلة صارت تجارة و مريح و مكسب |
اقتباس:
|
اقتباس:
يعني مارح ياخدوا اي رحم و يحطو فيه النواة يعني يعني اكيد الأطباء ما بكونوا نسانين هي الفكرة و هو الشغلة مو بهي البساطة يعني لازم دراسة كبيرة عن التوافقية و نجاح الزرع و شغلات كتيرة بس النواة الأساسية هي من الأم و الاب الاصليين يعني المورثات تبع الطفل هي من الأب و الام الأصليين و في الرحم هو فقط مستضيف و لا يؤثر على النواة من حيث الصفات او المورثات :D |
اقتباس:
يعني ممكن النسان يقنع حالو بشي على حساب شي تاني من مبدأ أن الغاية تبرر الوسيلة |
اقتباس:
و الله فكرة:lol: خلص بسألك شي حدا بيفهم بهي الشغلة |
اقتباس:
الشغلة بتضل وجهة نظر بس هي هلق مانها يهي الانسلنية يلي عم تحكي عليها :D |
اقتباس:
الشغلة بتضل وجهة نظر بس هي هلق مانها يهي الانسلنية يلي عم تحكي عليها :D |
اقتباس:
الشغلة صارت مانها بهالانسانية لانو دفعو للمخلوقة مصاري؟ يعني بنظرك لو العائلة استخدمت رحم المخلوقة مجانا هالشي انساني؟ انا بشوف انو هي متل معادلة ناس بدهم ولد + مرة محتاجة مصاري = طفل خلقان بهالطريقة بس ازا بدك تحكي ع الانسانية انا بشوف انو منتهى الانسانية تساعد واحد ما عم يجيب ولد لسبب من الاسباب و كمان من منتهى الانسانية انك تساعد واحد محتاج مصاري مقابل شي عملو كرمالك( مشان ما يصير في تحميل منية متلا) فــ وين المشكلة؟ :D |
اقتباس:
الظاهرة بشكل عام ما فينا نجرده من انسانيتها نلبسها قناع مادي بحت و كمان ما فينا ندرجها تحت الاسم الانساني!!!!! طيب يا شباب منشان نرتب أفكارنا و نحد القضية شلون صارت بطلب من الكل انو يجاوب على هي الأسئلة 1- هل انت مع تأجير الرحم أو ضد (لانتسى مع التعليل)؟ 2- هل تعتبره انه حل لمشلة ام انه مشكلة بحد ذاتها لفتحه ابواب لمشاكل اجتماعية و اسرية ؟ 3- هل تعتبر هذه الظاهرة تؤدي الى زعزعة الشعور بين الام و طفلها و لو بنسبة صغيرة؟ 4- هل تعتبر ان التبني يكون أفضل ؟ 5- هل برأيك ان العملية الأن و هي مندرجة تحت قوانين السوق و المتجارة تُنقص من القيمة الأنسانية للأنسان ؟ 6- هل تعتقد انه يجب أن تسمح في القانون كونها ممنوعة الأن ؟ 7- هل تعتقد انو ممكن يكون كحل وسط او حل أخير و هل الأسباب غير العقم الرحمي هي مقنعة ؟ 8- هل ستنشئ أي علاقة بين المرأة المؤجرة لرحمها و بين الجنين ؟ 9- بشكل عام هل تتعتبر أنو التطور العلمي يلي حدث على الهندسة الورائية (بشكل عام ) او طرق الحمل الجديدة هي جيدة او سيئة ؟ 10- هل يمكن ان تلجئ أنت لهذه الطريقة ؟ :D |
اقتباس:
أنا حكيت عطفل الأنبوب لسبب واحد هو أول ما طلعت قصة طفل الأنبوب كتار عالم استنكرو الموضوع وأثير جدل حوليه هلا الموضوع صار عادي ونفس الشي رح يصير بموضوعنا هاد الاستغلال بشع ؟؟ اي بشع جداً بس إذا بدنا نربط كل شي بالاستغلال رح نلاقي كتير أمور بحياتنا فيها استغلال بالمناسبة أنا مع هالرأي .... اقتباس:
:D |
اقتباس:
أولا : الأستغراب و يليها الصدمة مباشرة ثانيا : استعابها و الوقوف ضدها حكما ثالثا : التكيف معها و برجع و بقول ان المسألة شخصية ما فينا نعمم أقكارنا على كل الناس اذا مقتنع بالفكرة فما كتير بهتم بحكي الناس :D |
اقتباس:
بس يا شباب الموضوع صار في إلو سماسرة و تجار و سوق كامل الشغلة مانها بس أنسانية الشغلة فيها لعبة تجار و استغلال للناس يلي بدهون ولد لانو بحب ما قلي الدكتور في حالات ممكن توصل لدفع من تلاتة لأأربع ملايين ليرة!!!!!!! يعني الشغلة مدامها موجودة مو لازم يدرجوها تحت نطاق القانون منشان ما تصير كأنها بالسوق السودا؟؟؟ |
اقتباس:
|
اقتباس:
مو لازم يكون في إلها ضوابط و أحكام لانو نحن عنا هون الشغلة مانها منظمة أبدا يعني متل ما قلتي هي صفقة بكل ما تعنيه الكلمة من معنى !!!!!!! بس مستني ان أخد اجوبتك عن الأسئلة العشرة فوق :D |
اقتباس:
و لكن لان صارت متاجرة و صار فيها استغلال و ابتزاز و هاد الشي مو من عندي و لكن من واقعنا و القصص يلي حكالي ياها الدكتور يعني فعلا ما بتتصدق |
اقتباس:
|
1- هل انت مع تأجير الرحم أو ضد (لانتسى مع التعليل)؟
حلوة هي مع التعليل .. متل أسئلة البكالوريا :lol: ضد و سبقو عللت .. 2- هل تعتبره انه حل لمشلة ام انه مشكلة بحد ذاتها لفتحه ابواب لمشاكل اجتماعية و اسرية ؟ ممكن يكون حل لمشكلة بس الغاية لا تبرر الوسيلة . 3- هل تعتبر هذه الظاهرة تؤدي الى زعزعة الشعور بين الام و طفلها و لو بنسبة صغيرة؟ مو بالضرورة 4- هل تعتبر ان التبني يكون أفضل ؟ أحد الحلول 5- هل برأيك ان العملية الأن و هي مندرجة تحت قوانين السوق و المتجارة تُنقص من القيمة الأنسانية للأنسان ؟ نعم و بشدة 6- هل تعتقد انه يجب أن تسمح في القانون كونها ممنوعة الأن ؟ المنع لن يثني الراغبين .. إذا انطلقنا من كونهم ميسورين و قادرين على دفع التكاليف الباهظة للحاضنة و المخابر ، فلن يستعصي عليهم السفر إلى الخارج لإتمام الموضوع ... 7- هل تعتقد انو ممكن يكون كحل وسط او حل أخير و هل الأسباب غير العقم الرحمي هي مقنعة ؟ جواب السؤال الثاني 8- هل ستنشئ أي علاقة بين المرأة المؤجرة لرحمها و بين الجنين ؟ علاقة فيزيولوجية تولد ارتباط عاطفي يبتر بعد الولادة 9- بشكل عام هل تتعتبر أنو التطور العلمي يلي حدث على الهندسة الورائية (بشكل عام ) او طرق الحمل الجديدة هي جيدة او سيئة ؟ العلم بعمرو ما كان سيء .. السوء مصدره التوظيف الخاطئ للعلم من قبل الإنسان 10- هل يمكن ان تلجئ أنت لهذه الطريقة ؟ لأ .. لا كحاضنة ولا كأم بيولوجية. |
اقتباس:
اقتباس:
اقتباس:
اقتباس:
بس انو بما انو .. اللي عم يقدر يدفع هالمبلغ ليشتري .. رح يكون معو مصاري اكتر من اللي حابب يتبنى .. هادا برأيي اقتباس:
اقتباس:
اقتباس:
اقتباس:
اقتباس:
اقتباس:
بس لو كنت بنت .. وانعرض عليي الموضوع .. بوافق اكيد:larg: |
اقتباس:
:shock:ماديّة بحتة!!؟..ما فهمت..فيك تشرحلي أشو الشي المادي بوجهة نظري.. ولا اذا الشعور بالسعادة والأمل وعمل الخير بكون شي مادّي..بعتزر:D |
صدقا ما عم افهم شو الفكرة
الاعتراض على آلية الحمل من اشخاص معروفة هويتن ومعروف صاحب النطفة + البويضة ؟ بحد ذاتها دون وجود اي اعتبارات اخرى ؟ ولا مافي مشكلة بالفكرة بس المشكلة بوجود المبلغ المادي ؟ أو المشكلة بوجود "سمسرة" بالموضوع انه في اشخاص عم تعتاش على هلعملية ؟ وسؤال هيك علماشي مين هية الأم وشو تعريفها ؟ الأم هية الشخص اللي بربي .. ولا الشخص اللي بينجب ؟؟ والأب مين هوي ؟ الشخص اللي بساهم بتلقيح البويضة ولا هوي الشخصي اللي بربي هلطفل .. خلونا شوي نفهم على بعض |
| الساعة بإيدك هلق يا سيدي 13:28 (بحسب عمك غرينتش الكبير +3) |
Powered by vBulletin® Copyright ©2000 - 2025, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
